18 ᒎᑎᓐᖑᐊᓪᓗ ᐊᑕᖏᑦᓯᐊᕐᓗᑎᒃ ᐱᑕᖃᕈᓐᓃᕈᒫᕐᐳᑦ.
ᐃᓅᓪᓗ ᐱᐅᔪᕆᓂᖓ ᒥᑭᒡᓕᑎᑦᓱᒫᕐᐹ, ᐃᓄᐃᓪᓗ ᐱᐅᔪᕆᓂᖏᑦ ᒥᑭᔪᕈᕐᑎᓪᓗᒋᑦ; ᐊᑕᓂᖅ ᑖᓐᓇᑐᐊᖅ ᐊᖏᔪᕈᕐᑎᑕᐅᔪᒫᕐᐳᖅ ᐅᓪᓗᒥ ᑖᑦᓱᒪᓂ.
ᐊᓱᐃᓛᒃ, ᑕᑯᓕᓚᐅᕐᐸᒃᑲ ᓴᖅᑭᑦᑐᑦ ᕿᒻᒥᕐᔪᐊᒃᑰᕐᑐᑦ ᒪᕐᕉᓈᕐᑎᕐᑐᑦ ᓴᓂᓕᕇᒃᓗᑎᒃ!” ᐊᑕᓂᖅ ᑭᐅᓕᕐᐳᖅ, “ᐹᐱᓘᓂ ᓵᓚᐅᕗᖅ; ᒎᑎᓐᖑᐊᓕᒫᖏᓪᓗ ᐅᕐᕉᕋᕐᑎᑕᐅᓪᓗᑎᒃ ᒪᓂᖅᑲᒧᑦ ᓯᖁᑦᑎᕐᐳᑦ.
ᑍᒤᒻᒪᑦ ᑕᒪᑐᒧᖓ ᔧᑰᑉ ᐊᔪᕐᑐᓕᓯᒪᓂᖏᑦ ᐃᓱᒪᒋᔪᓐᓁᕐᑕᐅᔪᓐᓇᕐᓯᔪᒫᕐᐳᑦ, ᑭᓯᐊᓂ ᐅᒃᐱᖏᑦᑐᑦ ᒎᑎᓐᖑᐊᖏᑦ ᐅᔭᕋᖕᓂᑦ ᓴᓇᓯᒪᔪᑦ ᓯᖃᓪᓕᔭᐅᓗᑎᒃ ᓱᓇᐅᔪᓐᓃᕐᑎᑕᐅᒃᐸᑕ. ᒎᑎᓐᖑᐊᒧᑦ ᐊᓯᕋᒧᑦ ᑐᒃᓯᐊᕐᓗᑎᒃ ᐳᔫᕐᑎᑦᓯᑦᔪᑎᐅᖃᑦᑕᕐᑐᑦ ᐊᑐᕐᑕᐅᔪᓐᓃᕐᐸᑕ.
ᐱᐊᓪ ᐹᒻᒪᒃᑎᕐᐳᖅ, ᓂᐴᓗ ᐅᑯᓪᓗᓂ; ᒎᑎᓐᖑᐊᖏᑦ ᓇᖕᒪᒃᑕᐅᕗᑦ ᐆᒪᔪᖁᑎᖏᓐᓄᑦ ᐃᒻᒧᒃᓯᐅᒐᖁᑎᖏᓐᓄᓪᓗ. ᓇᖕᒪᒃᑕᐅᓪᓗᑎᒃ ᑕᒪᒃᑯᐊ ᓇᒃᓴᕐᑕᓯ ᐅᖁᒤᑦᑑᕗᑦ ᐆᒪᔪᖁᑎᓄᑦ.
ᐃᒫᒃ ᐅᖃᐅᑎᔭᒃᓴᕆᕙᑎᑦ, “ᒎᑎᓯ ᑕᒪᒃᑯᐊ, ᓴᓇᓚᐅᖏᓐᓇᒥᒃ ᕿᓚᖕᒥᒃ ᓄᓇᒥᒡᓗ, ᐊᓯᐅᔪᒫᕐᐳᑦ ᓄᓇᒥ ᕿᓚᐅᓪᓗ ᐊᑖᓂ.”
ᐊᑐᕐᓇᓐᖏᓚᑦ ᒥᑕᐅᑎᒋᔭᒃᓴᓕᐅᑐᐃᓐᓇᕐᐳᑦ, ᖃᐅᔨᓇᓱᐊᕐᑕᐅᒃᐸᑕ ᐊᑐᕐᑐᒃᓴᐅᖏᓐᓂᖏᑦ ᓇᓗᓇᕈᓐᓃᕋᔭᕐᐳᑦ.
“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᒎᑎᓐᖑᐊᖏᑦ ᐊᓯᕈᕈᒫᕐᐸᒃᑲ, ᒥᒻᐱᓯᒥᐅᓪᓗ ᐃᓄᓐᖑᐊᖁᑎᖏᑦ ᓯᖁᑦᑎᕈᒫᕐᐸᒃᑲ; ᐄᑦᔨᑉᑎᒥᐅᑦ ᐊᖓᔪᖅᑳᖃᕈᓐᓃᕈᒫᕐᐳᑦ; ᑕᕝᕙᓃᑦᑐᓪᓗ ᓯᕘᕋᓕᕐᑎᑦᓱᒫᕐᐸᒃᑲ.
ᐃᒥᕐᒧᑦ ᓴᓗᒪᔪᒧᑦ ᓯᕐᐸᕐᓴᕈᒫᕐᐸᑦᓯ, ᓴᓗᒻᒪᕈᒫᕐᐳᓯᓗ ᓴᓗᒤᓐᓂᓕᒫᑦᓯᓐᓂᑦ, ᒎᑎᓐᖑᐊᓕᒫᑦᓯᓐᓂᓪᓗ ᓴᓗᒻᒪᕐᓴᕈᒫᕐᐸᑦᓯ.
ᒎᑎᓐᖑᐊᖃᕐᓂᕐᒧᑦ ᓇᕐᕈᓇᕐᓯᑎᖃᑦᑕᕈᓐᓁᕈᒫᕐᐳᑦ ᐃᑦᔪᕐᓇᕐᑐᓕᓂᕐᓄᓪᓗ ᖃᓄᐃᑦᑐᑐᐃᓐᓇᕐᓄᑦ, ᐱᐅᖏᑦᑐᓕᓂᕐᓄᓪᓗ ᐊᓯᖏᓐᓄᑦ; ᐱᐅᓕᔪᒫᕐᐸᒃᑲᓕ ᐊᔪᕐᑐᓕᓂᕐᒧᑦ ᑲᑕᒍᑎᒋᖃᑦᑕᓚᐅᕐᑕᖏᓐᓂᑦ, ᓴᓗᒻᒪᕈᒫᕐᐸᒃᑲ; ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ, ᒎᑎᒋᔪᒫᕐᐹᖓᓗ.
ᓇᓂᑐᐃᓐᓇᖅ ᐃᒡᓗᒐᓴᒡᔪᐊᑦ ᐃᓂᒋᔭᓯ ᐊᓯᕈᕐᑕᐅᔪᒫᕐᐳᑦ ᒎᑎᓐᖑᐊᒃᑯᕕᓯᓗ, ᑐᓂᕐᕈᓯᕐᕕᖁᑎᓯᓗ ᓯᖁᑦᑎᕐᑕᐅᔪᒫᕐᐳᑦ, ᒎᑎᓐᖑᐊᖁᑎᓯ ᓯᖁᒥᑕᐅᔪᒫᕐᐳᑦ ᐊᓯᕈᕐᑕᐅᓗᑎᒡᓗ, ᐃᓯᕐᓗᐊᕐᓂᑎᑦᓯᕕᖕᒧᑦ ᑐᓂᕐᕈᓯᕐᕕᖁᑎᓯ ᐅᕐᕈᑎᑕᐅᓗᑎᒃ, ᓴᓇᓯᒪᔭᓯᓗ ᓄᖑᑕᐅᓗᑎᒃ.
ᐃᕗᕅᒥ, ᒎᑎᓐᖑᐊᑦ ᖃᓄᐃᓕᐅᕆᐊᖃᕐᐸᒃᑳ? ᐅᕙᖓ ᑭᐅᓯᒪᕗᖓ ᐃᓕᑦᓯᓐᓂᒡᓗ ᑲᒪᓕᕐᓗᖓ. ᑐᖑᔪᐃᓐᓇᕐᑐᑎᑐᑦ ᓇᐹᕐᑐᑐᑦ ᑍᒤᑉᐳᖓ, ᐱᕈᕐᑎᑕᑎᑦ ᐅᕙᓐᓂᑦ ᐱᕗᑦ.”
ᓴᓇᓐᖑᐊᕐᓯᒪᔪᑦ ᒎᑎᓐᖑᐊᖏᑦ ᓯᖁᒥᑦᓱᒫᕐᐸᒃᑲ, ᐊᑭᓕᐅᑎᒋᓚᐅᕐᑕᖏᓪᓗ ᐊᕐᓇᓄᑦ ᐊᑐᒐᕐᓄᑦ ᐃᑯᐊᓪᓚᒃᑎᓐᓂᐊᕐᐸᒃᑲ. ᒎᑎᓐᖑᐊᓕᒫᖏᑦ ᐊᓯᕈᕈᒫᕐᐸᒃᑲ, ᑲᑎᕐᓱᓚᐅᕐᒪᒋᑦ ᐊᑭᓕᕐᑕᐅᓂᒃᑯᑦ ᐊᕐᓇᓄᑦ ᐊᑐᒐᕐᓄᑦ, ᑖᒃᑯᓄᖓᑦᓮᓐᓇᖅ ᐊᕐᓇᓄᑦ ᐊᑐᒐᕐᓄᑦ ᐊᑐᕐᑕᐅᓂᐊᕐᐳᑦ.”
ᓴᓇᓐᖑᐊᕐᓯᒪᔭᓯ ᒎᑎᓐᖑᐊᓯ, ᓇᐸᔪᖁᑎᓯᓗ ᐃᑦᔪᕐᓁᑎᑕᓯ ᐊᑯᓐᓇᑦᓯᓐᓃᑦᑐᑦ ᓱᕋᒃᑎᕈᒫᕐᐸᒃᑲ; ᑐᒃᓯᐊᕐᕕᖃᕐᓂᐊᕈᓐᓁᕐᐳᓯᓗ ᐊᒡᒐᑦᓯᓐᓄᑦ ᓴᓇᓯᒪᔭᑦᓯᓐᓂᒃ.
ᐃᓄᓕᒫᑦ ᐆᒪᔪᓕᒫᓪᓗ ᓄᖑᑦᓱᒫᕐᐸᒃᑲ; ᑎᖕᒥᐊᑉ ᕿᓚᐅᑉ ᐊᑖᓃᑦᑐᑦ, ᐃᖃᓗᐃᓪᓗ ᑕᕆᐅᕐᒦᑦᑐᑦ ᓄᖑᑦᓱᒫᕆᕙᒃᑲ. ᐊᔪᕐᑐᓕᔪᖅ ᓵᓚᒋᔪᒫᕐᐸᒃᑲ; ᐃᓄᐃᑦ ᓄᓇᕐᔪᐊᕐᒦᑦᑐᓕᒫᑦ ᓄᖑᑦᓱᒫᕐᐸᒃᑲ.” ᐊᑕᓂᖅ ᐅᖃᕐᐳᖅ.
ᐊᑕᓂᖅ ᑲᒪᓇᕐᑐᒃᑯᑦ ᐱᓂᐊᕐᓂᖃᕈᒫᕐᐳᖅ ᑖᒃᑯᓄᖓ, ᓄᖑᑎᑦᓱᒫᕐᒪᒋᑦ ᒎᑎᓐᖑᐊᑦ ᓄᓇᕐᔪᐊᒦᑦᑐᑦ. ᐃᓄᓕᒫᑦ ᑐᒃᓯᐊᕐᕕᒋᔪᒫᕐᐹᑦ ᐊᖏᕐᕋᒥᖕᓂ, ᐃᓛᒃ ᓯᒡᔭᒥ ᓄᓇᖃᕐᑐᓕᒫᑦ ᐃᓅᖃᑎᒌᒡᔪᐊᑦ ᑐᒃᓯᐊᕐᕕᒋᔪᒫᕐᐹᑦ.
ᐅᓪᓗᖅ ᓇᓪᓕᐅᑎᒃᐸᑦ ᐱᔪᖃᕈᒫᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᒎᑎᓐᖑᐊᑦ ᐊᑎᖏᑦ ᓄᖑᑎᑦᓱᒫᕐᐸᒃᑲ ᑕᒫᖓᑦ ᓄᓇᒥᑦ, ᐃᖅᑲᕐᑕᐅᖃᑦᑕᕈᓐᓁᕈᒫᕐᐳᓪᓗ, ᓇᓚᐅᑦᑍᔪᑦ ᓄᓇᒥᑦ ᓄᖅᑲᕐᑎᑦᓱᒫᕐᐸᒃᑲ ᐊᓂᕐᓃᓪᓗ ᐱᐅᖏᑦᑐᑦ ᓄᓇᒥᑦ ᐊᐅᓪᓚᕐᑎᑦᓱᒫᕐᐸᒃᑲ.
