ᐂᓮᐊᓯᐅᑉ ᐊᒡᓚᖏᑦ 2:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᓪᓗᒃᓴᖃᕐᒪᑦ ᐊᑭᕋᕐᑐᕐᓗᓂ ᐱᐅᔪᕆᔪᓂᒃ ᑕᒤᓐᓂᒃ ᐱᔪᓐᓇᕋᓱᒋᔪᓂᒡᓗ, ᐊᑭᕋᕐᑐᕐᓗᓂᓗ ᐅᐱᓐᓇᕐᓂᕋᕐᑕᐅᔪᓂᒃ ᖁᕝᕙᓯᒐᓱᐊᕐᑐᓂᒡᓗ, ᑕᒤᓐᓂᒃ;

ᐂᓮᐊᓯᐅᑉ ᐊᒡᓚᖏᑦ 2:12 Iomraidhean Croise

ᓴᒧᐃᓕ ᐂᑉᐸᖏᑦ 22:28

ᒥᑭᒡᓕᑎᕐᓯᒪᔪᑦ ᐃᓄᐃᑦ ᐱᐅᓕᕙᑎᑦ, ᐱᐅᔪᕆᔪᓪᓕ ᑕᑯᓴᕐᓗᒋᑦ ᒥᑭᒡᓕᑎᑉᐸᑎᑦ.

ᔫᐱᐅᑉ ᐊᒡᓚᖏᑦ 24:1

“ᓱᖕᒪᑦ ᐊᔪᒐᖃᖏᑦᑐᖅ ᐃᖅᑲᕐᑐᐃᕕᒃᓴᒥᒃ ᐋᖅᑭᒃᓯᓯᒪᓐᖏᓚᖅ, ᑖᑦᓱᒥᖓᓗ ᖃᐅᔨᒪᔪᑦ ᓱᖕᒪᑦ ᐅᓪᓗᖏᓐᓂᒃ ᑕᑯᓚᐅᕐᓯᒪᓐᖏᓚᑦ?

ᐃᓐᖏᕈᑎᑦ 131:1

ᐊᑕᓃᖅ, ᐆᒻᒪᑎᒐ ᐊᖏᒡᓕᑎᕐᓯᒪᔪᓐᓃᕐᐳᖅ, ᐃᔩᒃᑲᒡᓗ ᐱᐅᔪᕆᔪᓐᓃᕐᐴᒃ; ᐅᕙᓐᓂᒃᓘᓐᓃᑦ ᐱᓪᓚᕆᐅᑎᑦᓱᓐᓃᕐᐳᖓ, ᑕᒪᒃᑯᐊᓘᓐᓃᑦ ᐅᕙᓐᓄᑦ ᐊᖏᓗᐊᓕᕐᐳᑦ.

ᐃᓐᖏᕈᑎᑦ 18:28

ᖃᐅᒻᒪᖅᑯᑎᒐ ᐃᑭᑎᓐᓂᐊᕐᐸᑦ; ᐊᑕᓂᐅᑉ ᒎᑎᒪ ᑖᕐᑐᒦᓐᓂᕋ, ᖃᐅᒻᒪᒃᑎᓐᓂᐊᕐᐹ.

ᐃᓐᖏᕈᑎᑦ 37:13

ᐊᑕᓂᐅᓪᓕ ᐃᔪᕆᕔᑦ ᐱᐅᖏᑦᑐᓕᔪᑦ, ᑕᑯᓐᓈᕋᒥ ᐅᓪᓗᒃᓴᖓᓂᒃ ᓇᓪᓕᐅᑎᔪᒫᕐᑐᒥᒃ.

ᐃᓐᖏᕈᑎᑦ 94:2

ᒪᑭᓪᓗᑎᑦ, ᓄᓇᕐᔪᐊᖅ ᐋᖅᑭᒃᓱᓕᕈᒃ; ᐱᐅᔪᕆᔪᑦ ᓱᒋᐊᓚᐅᒃᑭᑦ ᐱᔪᒃᓴᐅᓂᖏᑦ ᒪᓕᒡᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:5

ᐱᐅᔪᕆᔪᓕᒫᑦ ᐊᑕᓂᕐᒧᑦ ᓇᕐᕈᓇᕐᐳᑦ, ᖃᐅᔨᒪᓕᕆᑦ ᐊᑕᓂᐅᑉ ᓱᒋᐊᓐᖏᓮᓐᓇᕐᓂᐊᓐᖏᓔᑦ.

ᐂᓮᐊᓯᐅᑉ ᐊᒡᓚᖏᑦ 10:12

ᑍᒤᒻᒪᑦ ᑕᕝᕙ ᐃᒤᑦᓱᒫᕐᐳᖅ, ᐊᑕᓂᐅᑉ ᐱᓇᓱᐊᕈᒪᔭᓕᒫᓂ ᐱᔭᕇᕈᓂᒋᑦ ᓮᐅᓂᐅᑉ ᖃᖅᑲᖓᓂ ᔨᕉᓴᓕᒥᓗ, ᑕᕝᕙ ᐅᖃᕈᒫᕐᐳᖅ, “ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐱᐅᔪᕆᓪᓗᓂ ᐅᖃᓪᓚᖃᑦᑕᕐᓂᖓ ᓱᒋᐊᕈᒪᕙᕋ, ᓂᕐᑐᕐᓇᕐᑑᔪᕆᓂᖓᓗ ᐃᒻᒥᓂᒡᓗ ᖁᕝᕙᕐᑎᖃᑦᑕᕐᓂᖓ.”

ᐂᓮᐊᓯᐅᑉ ᐊᒡᓚᖏᑦ 10:33

ᑕᑯᒋᑦ ᐊᑕᓂᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᓇᐹᕐᑐᐃᑦ ᐊᕙᓚᖓᔪᖏᑦ ᓇᑲᑎᕈᒫᕐᐰᑦ ᐱᔪᓐᓇᕐᓂᕐᔪᐊᕐᒧᑦ ᑲᑉᐱᐊᓇᕐᑐᒧᑦ; ᓇᐹᕐᑐᐃᓪᓗ ᑕᑭᔫᑎᐊᓗᐃᑦ ᑭᐱᒃᐸᒋᑦ ᐅᕐᕉᕋᕐᓗᑎᒃ, ᐱᔪᓐᓇᕋᓱᒋᔪᓪᓗ ᐱᐅᔪᕆᔪᓐᓃᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 13:11

“ᓄᓇᕐᔪᐊᖅ ᓱᒋᐊᕈᒫᕐᐸᕋ ᐊᔪᕐᑐᓕᓃᑦ ᐱᓪᓗᒋᑦ, ᐱᐅᖏᑦᑐᓕᔪᓪᓗ ᐱᐅᖏᑦᑐᓕᓂᖏᑦ ᐱᓪᓗᒋᑦ; ᐱᐅᔪᕆᔪᑦ ᑲᑉᐱᐊᒋᔭᐅᔪᒪᓂᖏᑦ ᐃᓱᓕᑎᑦᓱᒫᕐᐸᒃᑲ, ᒥᑭᒡᓕᑎᓪᓗᒋᓪᓗ ᐊᔪᖏᓐᓇᓱᒋᔪᑦ ᓂᑲᒍᓱᖃᖏᓐᓂᖏᑦ.

ᐂᓮᐊᓯᐅᑉ ᐊᒡᓚᖏᑦ 13:6

“ᓂᐱᖅᑯᕐᑐᓗᓯ ᕿᐊᒋᑦᓯ, ᐊᑕᓂᐅᑉ ᐅᓪᓗᖓ ᖃᒡᓕᓕᕐᒪᑦ; ᐊᔪᒐᖃᖏᑦᑐᕐᔪᐊᑉ ᐊᓯᕈᐃᕕᒃᓴᖓ ᑎᑭᓕᕐᒪᑦ!

ᐂᓮᐊᓯᐅᑉ ᐊᒡᓚᖏᑦ 13:9

ᑕᑯᒋᑦ, ᐊᑕᓂᐅᑉ ᐅᓪᓗᖓ ᑎᑭᓕᕐᐳᖅ, ᓂᑲᓱᖏᓪᓗᓂ, ᓂᓐᖓᐅᒪᒻᒪᕆᒡᓗᓂ ᓂᓐᖓᐅᑦᔨᓯᒪᓗᓂᓗ, ᓄᓇ ᓱᓁᕈᑦᓯᐊᕈᒫᕐᐹ ᐊᔪᕐᑐᓕᔪᓪᓗ ᑕᕝᕙᓃᑦᑐᑦ ᓄᖑᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 14:15

ᑲᑕᒃᑎᑕᐅᓯᒪᕗᑎᓪᓕ ᑐᖁᖓᔪᑦ ᐃᓂᖓᓐᓄᑦ, ᐃᑎᕐᓵᓘᑉ ᐃᑎᓂᕐᐹᖓᓄᑦ.

ᐂᓮᐊᓯᐅᑉ ᐊᒡᓚᖏᑦ 23:9

ᐊᑕᓂᐅᑉ ᐊᔪᒐᖄᖏᑦᑑᑉ ᑕᒪᓐᓇ ᐃᓱᒪᓕᐊᕆᓚᐅᕐᐹ, ᐱᔪᓐᓇᕋᓱᒋᓗᐊᕐᓂᖏᑦ ᓇᕐᕈᓇᕐᓯᖁᓪᓗᒋᑦ, ᐃᓄᖏᑕᓗ ᐅᐱᒋᔭᐅᓗᐊᕐᓂᖏᑦ ᑕᒪᕐᒥᒃ ᓇᓗᖅᑯᑎᑦᔪᑎᒃᓴᓐᖑᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 24:21

ᓇᓪᓕᐅᑎᔪᒫᕐᒪᑦ ᐊᑕᓂᐅᑉ ᓱᒋᐊᕐᓯᓂᕆᔪᒫᕐᑕᖓ ᐱᔪᓐᓇᕐᓂᐅᔪᓂᒃ ᑕᑉᐹᓂ, ᓄᓇᕐᔪᐊᒥᓗ ᐊᐅᓚᑦᓯᔨᐅᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 24:4

ᓄᓇᕐᔪᐊᖅ ᐸᓂᕐᓂᕐᒧᑦ ᑐᖁᓕᔪᒫᕐᐳᖅ, ᓄᓇᕐᔪᐊᕐᒥᐅᓕᒫᑦ ᓄᑮᕈᑎᓕᕈᒫᕐᐳᑦ: ᓄᓇᓗ ᓯᓚᓗ ᑕᒪᕐᒥᒃ ᐱᐅᔪᓐᓃᕐᐸᓪᓕᐊᔪᒫᕐᐴᒃ.

ᐂᓮᐊᓯᐅᑉ ᐊᒡᓚᖏᑦ 40:23

ᐊᖓᔪᖅᑳᖑᔪᑦ ᓱᓇᐅᔪᓐᓂᕐᑎᑉᐰᑦ; ᓄᓇᕐᔪᐊᕐᒥᐅᓪᓗ ᐊᐅᓚᑦᓯᔨᖏᑦ ᐊᑑᑎᒃᓴᖃᕈᓐᓃᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 42:15

ᖃᖅᑬᑦ ᐱᖑᐃᓪᓗ ᓱᓁᕈᑎᑎᑦᓱᒪᕙᒃᑲ, ᐱᕈᕐᑐᖃᕐᓂᖏᓪᓗ ᐃᒤᕈᑎᑎᓪᓗᒋᑦ, ᑰᕕᓂᐅᒐᓗᐊᑦ ᓄᓇᕈᕐᑎᓪᓗᒋᑦ, ᑕᓯᕅᓪᓗ ᐃᒤᕈᑎᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 5:15

ᐃᓄᐃᑦ ᐅᑯᑎᑕᐅᕗᑦ, ᐊᖑᑎᓕᒫᓪᓗ ᓇᓗᖅᑯᑎᓕᕐᑎᑕᐅᓪᓗᑎᒃ, ᐱᐅᔪᕆᔪᓪᓗ ᒥᒃᓕᓕᕐᑎᑕᐅᕗᑦ ᓯᑭᖓᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 61:2

ᐅᖃᐅᑦᔨᖁᓪᓗᖓᓗ ᐊᕐᕌᒍᒥᒃ ᐊᑕᓂᐅᑉ ᐊᑲᐅᓈᕐᕕᒋᓕᕐᑕᖓᓂᒃ, ᒎᑎᑦᑕᓗ ᐊᑭᓂᐊᕐᕕᒃᓴᖓᑕ ᐅᓪᓗᖓᑕ ᓇᓪᓕᐅᑎᓯᒪᓕᕐᓂᖓᓂᒃ; ᕿᒃᓵᒃᑐᓕᒫᑦ ᓮᒻᒪᕐᑎᑕᐅᖁᓪᓗᒋᑦ;

ᔨᕆᒤᐊᐅᑉ ᐊᒡᓚᖏᑦ 12:9

ᐃᓄᖁᑎᒋᔪᒪᓪᓗᒋᑦ ᓂᕈᐊᓚᐅᕐᑕᒃᑲ ᑎᖕᒥᐊᑎᑐᑦ ᐅᑭᓕᕆᐊᑐᑦ ᑍᒤᓕᕐᐳᑦ ᑎᖕᒥᐊᖑᖃᑎᖏᓐᓄᑦ ᓂᕆᔭᐅᓇᓱᐊᕐᑐᑎᑐᑦ, ᐆᒪᔪᑦ ᐃᕐᓯᓇᕐᑐᑦ ᕾᖁᓕᒃᑭᑦ ᑖᒃᑯᓂᖓ ᓂᕆᖃᑕᐅᓂᐊᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 13:9

ᐅᖃᕐᓗᓂ: “ᐃᒫᒃ ᐊᑕᓂᖅ ᐅᖃᕐᐳᖅ: ᑍᒫᒃᑕᐅᖅ ᔫᑕᒥᐅᑦ ᔨᕉᓴᓕᒥᐅᓪᓗ ᐱᐅᔪᕆᓂᖏᑦ ᐱᐅᔪᓐᓃᕐᑎᑦᓱᒫᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 30:7

ᐅᓪᓗᖅ ᑍᓐᓇ ᑲᑉᐱᐊᓇᕐᑐᖃᕐᑐᖅ ᐊᑦᔨᖃᕈᒫᓐᖏᓚᖅ ᔧᑯᒃᑯᑦ ᐊᒃᓱᕈᕐᓇᕐᑐᒦᑦᓱᒫᕐᐳᑦ, ᑭᓯᐊᓂᓕ ᑕᕝᕙᓐᖓᑦ ᐱᐅᓕᔭᐅᔪᒫᕐᐳᑦ.”

ᔨᕆᒤᐊᐅᑉ ᐊᒡᓚᖏᑦ 46:10

ᐅᓪᓗᖅ ᑍᓐᓇ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᒎᑎᐅᑉ ᐅᓪᓗᖁᑎᒋᕚ, ᐅᓪᓗᖅ ᐊᑭᓂᐊᕐᕕᒋᕚ, ᐊᑭᕋᕐᑐᕐᑎᓂ ᐊᑭᓂᐊᕐᕕᒋᔪᒫᕐᒪᒋᑦ, ᓴᕕᒡᔪᐊᒧᑦ ᑲᐱᔭᐅᔪᖅ ᑐᖁᓗᓂ ᑭᓯᐊᓂᐅᕗᖅ, ᐊᐅᖕᒥᒃ ᑯᕕᓯᖏᓐᓂᖓᓂ ᓄᖅᑲᐅᑎᔭᐅᓂᐊᓐᖏᓚᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᑐᓂᕐᕈᓯᕐᓂᐊᕐᒪᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᓄᓇᖓᓐᓂ ᑰᑉ ᐃᕗᕅᑎᐅᑉ ᖃᓂᒋᔭᖓᓂ.

ᔨᕆᒤᐊᐅᑉ ᐊᒡᓚᖏᑦ 50:31

“ᑕᑯᒋᑦ ᐊᑭᕋᕐᑐᕐᐸᒋᑦ ᐱᔪᓐᓇᕋᓱᒋᓗᐊᓚᐅᕋᕕᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐅᓪᓗᖅ ᓱᒋᐊᕐᑕᐅᕕᒃᓴᖅ ᓇᓪᓕᐅᑎᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 13:5

ᐅᐸᒍᑎᔪᓐᓇᖏᓐᓇᑦᓯᓘᓐᓃᑦ ᓯᖁᑦᑎᕐᓯᒪᓂᖏᓐᓄᑦ, ᐊᕙᓗᕐᔪᐊᒥᒡᓘᓐᓃᑦ ᓴᓇᔪᓐᓇᖏᓐᓇᑦᓯ ᐃᓴᕆᐊᓕᐅᑉ ᑭᖑᕚᖏᓐᓄᑦ, ᓇᐸᔪᓐᓇᖁᓪᓗᒍ ᐅᓇᑕᓕᕐᐸᑕ ᐊᑕᓂᐅᑉ ᐅᓪᓗᖓᓂ.

ᑖᓂᐊᓕᐅᑉ ᐊᒡᓚᖏᑦ 4:37

“ᒫᓐᓇᓕ ᐅᕙᖓ, ᓂᐱᑯᓁᓴ, ᕿᓚᖕᒥᐅᑦ ᐊᖓᔪᖅᑳᕐᔪᐊᖓᑦ ᓂᕐᑐᕐᐸᕋ ᐊᖏᔪᕈᕐᑎᓪᓗᒍᓗ, ᖃᓄᐃᓕᐅᕐᓂᖏᑦ ᐊᑲᐅᔪᐃᓐᓇᐅᖕᒪᑕ, ᐱᓂᐊᕐᓂᓕᒫᖏᓪᓗ ᐊᑦᔨᒌᒃᑎᑦᓯᓪᓗᑎᒃ, ᐱᔪᓐᓇᕋᓱᒋᓂᕐᒥᓗ ᐃᓅᔪᑦ ᒥᑭᒃᓕᑎᕈᓐᓇᕐᐰᑦ.”

ᐂᒨᓯᐅᑉ ᐊᒡᓚᖏᑦ 5:18

“ᑲᑉᐱᐊᓐᓇᒦᒃ ᐃᓕᑦᓯ ᐊᑕᓂᐅᑉ ᐅᓪᓗᖓᓂᒃ ᓂᕆᐅᒃᑐᓯ! ᖃᓄᖅ ᐊᑕᓂᐅᑉ ᐅᓪᓗᖓ ᐱᐅᒐᔭᕋᓱᒋᒐᑦᓯᐅᒃ ᐃᓕᑦᓯᓐᓄᑦ? ᐅᓪᓗᖅ ᑍᓐᓇ ᑕᕐᑐᕐᔪᐊᖑᔪᒫᕐᒪᑦ ᖃᐅᒪᓂᖃᖏᓪᓗᓂ.

ᒤᑲᐅᑉ ᐊᒡᓚᖏᑦ 2:3

ᑍᒤᒻᒪᑦ ᐊᑕᓂᖅ ᐅᖃᕐᐳᖅ: “ᑕᑯᒋᑦ, ᐅᖁᒤᒃᓴᕐᓇᕐᑐᓂᒃ ᐋᖅᑭᒃᓱᐃᕗᖓ ᐃᓄᖕᓄᑦ ᑖᒃᑯᓄᖓ, ᐃᒻᒥᖕᓂᒡᓗ ᓴᐳᑎᔪᓐᓇᕐᓂᐊᓐᖏᓚᑦ; ᐱᐅᔪᕆᓗᑎᒡᓗ ᐱᓱᖃᑦᑕᕐᓂᐊᕈᓐᓁᕐᐳᑦ, ᐅᖁᒤᓐᓇᕐᑐᖅ ᑕᒪᓐᓇ ᓇᓪᓕᐅᑎᓂᐊᓕᕐᒪᑦ.

ᒤᑲᐅᑉ ᐊᒡᓚᖏᑦ 5:11

ᐃᒡᓗᒐᓮᓪᓗ ᓄᓇᖁᑎᑦᓯᓐᓃᑦᑐᑦ ᐊᓯᕈᕈᒫᕐᐸᒃᑲ ᓴᐳᑦᔭᐅᕕᒋᖃᑦᑕᕐᑕᓯᓗ ᐅᕐᕈᑎᓪᓗᒋᑦ.

ᔨᐸᓁᐊᐅᑉ ᐊᒡᓚᖏᑦ 1:16

ᐅᓪᓘᔪᒫᕐᐳᖅ ᓂᓪᓕᐊᕕᐅᓗᓂ ᑎᑦᑐᓚᐅᑎᓄᑦ ᐅᓇᑕᕐᑐᓪᓗ ᓂᐱᖏᓐᓄᑦ, ᐅᓇᑕᕐᓂᐅᔪᒫᕐᐳᖅ ᐃᒡᓗᒐᓴᖕᓂᒃ ᐊᕙᓗᕐᔪᐊᓕᖕᓂᒃ ᐳᕐᑐᔪᓂᒡᓗ ᓇᐸᔪᓂᒃ.

ᔨᐸᓁᐊᐅᑉ ᐊᒡᓚᖏᑦ 3:11

ᑍᑲᓂ ᐅᓪᓗᒥ ᑲᓐᖑᓱᒃᑎᑕᐅᔪᒫᓐᖏᓚᓯ ᑕᒻᒪᕐᓂᕆᓚᐅᕐᑕᓯ ᐅᕙᓐᓄᑦ ᐱᓪᓗᒋᑦ, ᑍᒃᑯᐊ ᐊᑯᓐᓇᑦᓯᓐᓃᑦᑐᑦ ᖁᕕᐊᓲᑎᓖᑦ ᐱᐅᔪᕆᓂᕐᒥᒃ ᓄᖑᑎᑦᓱᒫᕐᐸᒃᑲ. ᐃᒻᒥᓂᒃ ᐊᖏᒡᓕᑎᓚᐅᕐᓯᒪᓂᐊᕈᓐᓁᕐᐳᓯ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ.

ᒪᓚᑬᑉ ᐊᒡᓚᖏᑦ 4:1

“ᑕᑯᒋᑦ, ᐅᓪᓗᖅ ᑎᑭᓕᕐᐳᖅ, ᐃᑯᐊᓪᓔᔪᒫᕐᑐᖅ ᐃᒐᐅᑉ ᐆᑦᓯᕕᖓᑐᑦ, ᐱᐅᔪᕆᔪᓕᒫᑦ ᐱᐅᖏᑦᑐᓕᔪᓕᒫᓪᓗ ᐃᑯᐊᓪᓚᒍᒫᕐᐳᑦ; ᐅᓪᓗᖅ ᑎᑭᓕᕐᐳᖅ ᐃᑯᐊᓪᓔᔪᒫᕐᑐᖅ ᑖᒃᑯᓂᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᒫᖃᕈᓐᓁᕈᒫᕐᐳᑦ ᐊᕙᓚᖓᔪᖃᕈᓐᓁᕐᓗᑎᒡᓗ.

ᒪᓚᑬᑉ ᐊᒡᓚᖏᑦ 4:5

“ᑕᑯᒋᑦ, ᐃᓔᑦᔭᒥᒃ ᐅᖃᕐᑎᓐᓂᒃ ᑎᓕᓯᕕᒋᔪᒫᕐᐸᑦᓯ ᐊᑕᓂᐅᑉ ᐅᓪᓗᕐᔪᐊᖓ ᓯᕘᕋᓇᕐᑐᕐᔪᐊᖅ ᑎᑭᓚᐅᖅᑳᕐᑎᓐᓇᒍ.

ᒫᑎᐅᓯᐅᑉ ᐊᒡᓚᖏᑦ 23:12

ᐃᒻᒥᓂᒃ ᐊᖏᔪᕈᕐᑎᑦᑐᖅ ᑖᓐᓇ ᒥᑭᒡᓕᑎᑕᐅᓂᐊᕐᐳᖅ, ᐃᒻᒥᓂᒡᓗ ᒥᑭᒡᓕᑎᕐᑐᖅ ᑖᓐᓇ ᐊᖏᔪᕈᕐᑎᑕᐅᓂᐊᕐᐳᖅ.”

ᓘᑲᓯᐅᑉ ᐊᒡᓚᖏᑦ 14:11

ᐃᒻᒥᖕᓂᒃ ᐊᖏᔪᕈᕐᑎᑦᑐᓕᒫᑦ ᒥᑭᒡᓕᑎᑕᐅᓂᐊᕐᐳᑦ, ᐃᒻᒥᖕᓂᒡᓗ ᒥᑭᒡᓕᑎᕐᑐᑦ ᐊᖏᔪᕈᕐᑎᑕᐅᓂᐊᕐᐳᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:5

ᐊᖑᑦ ᑍᓐᓇ ᑍᒤᓕᐅᕐᑐᖅ ᓵᑖᓇᓯᒧᑦ ᑐᓂᓕᕐᓯᐅᒃ ᑎᒥᖓ ᐊᓯᕈᕐᑕᐅᓂᐊᕐᒪᑦ, ᑕᕐᓂᖓᓕ ᐱᐅᓕᔭᐅᖁᓪᓗᒍ ᐊᑕᓂᐅᑉ ᔩᓱᓯᐅᑉ ᐅᓪᓗᒃᓴᖓᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:2

ᐃᓕᑦᓯ ᓇᖕᒥᓂᖅ ᖃᐅᔨᒪᑦᓯᐊᕋᑦᓯ ᐊᑕᓂᐅᑉ ᐅᓪᓗᖓ ᓇᓪᓕᐅᑎᔪᒫᕐᒪᑦ ᑎᒡᓕᒋᐊᑐᕐᑐᑐᑦ ᐅᓐᓄᐊᒃᑯᑦ.

ᔧᒥᓯᐅᑉ ᐊᒡᓚᖏᑦ 4:6

ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᓂᒃ ᑐᓂᓯᕗᖅ, “ᑍᒤᒪᑦ ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᓂᒃ ᑐᓂᓯᕕᒋᕔᑦ.”