5 ᑰᒑᓗᒃ ᓁᓕ ᓴᓗᐊᕈᒫᕐᐳᖅ, ᑰᒃ ᐃᒤᕐᓯᒪᓕᕐᓗᓂ ᐸᓂᕐᓯᒪᓕᕈᒫᕐᐳᖅ.
ᑰᒃᑎᑐᑦ ᑕᓯᕐᒥᑦ ᑰᒎᓐᓃᕐᑐᑎᑐᑦ, ᑕᓯᕐᑎᑐᓪᓗ ᐃᒪᖃᕈᓐᓁᕐᑐᑎᑐᑦ ᐸᓂᕐᓯᒪᓕᕐᑐᑎᑐᑦ,
ᓂᒻᕆᒥᐅᑦ ᑰᖓ ᓴᓗᐊᕐᒪᑦ, ᓯᓈᑕᓗ ᐃᕕᒃᓱᒐᖏᑦ ᐸᓂᕐᓯᒪᓪᓗᑎᒃ; ᐃᕕᒃᓱᒐᕐᒥᒡᓘᓐᓃᑦ ᐱᕈᓕᓵᕐᑐᒥᒃ ᓄᐃᔪᖃᕈᓐᓃᕐᐳᖅ.
ᐊᑕᓂᐅᑉ ᐊᒡᒐᓂ ᐃᓴᖕᒪᒋᑦ ᑕᕆᐅᑉ ᓇᓛᓄᑦ ᐊᖓᔪᖅᑳᕐᔪᐊᖃᕐᕖᑦ ᐊᓯᕈᕐᓗᒋᑦ; ᐊᑕᓂᐅᑉ ᐱᖁᔨᓂᖓᓄᑦ ᑬᓇᓂᒥᐅᑦ ᑮᓇᐅᔭᓕᐅᕐᕕᒋᓐᓂᕐᐹᖏᑦ ᐊᓯᕈᕐᑕᐅᑎᓚᐅᕐᐰᑦ.
ᐃᒥᕐᑕᕐᕕᓕᐅᕐᓯᒪᕗᖓ ᐃᒥᖃᑦᑕᕐᓗᖓᓗ ᐃᒪᖏᓐᓂᒃ, ᐄᑦᔨᑉᑎᐅᓪᓗ ᑰᓕᒫᖏᑦ ᓴᓗᐊᕐᑎᓚᐅᕐᐸᒃᑲ ᐃᑎᒐᓐᓄᑦ ᑐᓪᓕᕋᕐᓗᒋᑦ.
ᓱᖕᒪᑦ, ᐃᓄᖁᑎᒃᑲ ᑎᑭᓐᓇᒃᑭᑦ ᐊᖑᑎᑕᖃᓚᐅᓐᖏᓚᑦ? ᓱᖕᒪᓪᓗ ᓂᓪᓕᐊᑎᓪᓗᖓ ᑭᐅᔪᖃᓚᐅᓐᖏᓚᖅ? ᑕᓕᕋ ᓁᓗᐊᓕᕐᐹ ᐱᐅᓕᓯᔭᕆᐊᒥᒃ ᑎᑭᐅᑎᔪᓐᓁᓪᓕᕚ? ᓴᐳᑦᔨᓇᓱᒋᐊᒥᒃ ᐱᔪᓐᓇᕐᓂᖃᕈᓐᓃᕐᐳᖔ? ᑕᑯᒋᑦ, ᐃᓂᕐᑎᕆᒐᒪ ᐃᒪᕐᔪᐊᖅ ᐃᒤᕐᑎᑉᐸᕋ, ᑰᓪᓗ ᓴᓗᐊᕐᐳᑦ, ᐃᒪᖃᓐᖏᓗᐊᒧᑦ ᐃᖃᓗᐃᑦ ᒪᒤᓕᕗᑦ, ᓴᓗᐊᕋᒥᒡᓗ ᑐᖁᕋᕐᓗᑎᒃ.
ᑍᒤᒻᒪᑦ, ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᓴᐳᑎᓂᐊᕐᐸᑦᓯ ᓯᕐᓈᕐᓗᖓ ᐊᑭᒋᐊᕈᑎᓂᐊᕐᐸᑦᓯ; ᑕᕆᐅᖁᑎᖏᑦ ᐃᒤᕈᑎᑎᓐᓂᐊᕐᐸᒃᑲ, ᓄᓇᒥᓪᓗ ᑰᒃᑐᖁᑎᖏᑦ ᓴᓗᐊᕐᑎᓪᓗᒋᑦ.
ᓁᓕᓗ ᐃᒤᕈᑎᑎᑦᓱᒫᕐᐸᕋ, ᓄᓇᖓᓪᓗ ᓂᐅᕐᕈᑎᒋᓗᒍ ᐃᓄᖕᓄᑦ ᐱᐅᖏᑦᑐᓕᔪᓄᑦ; ᓄᓇᖓ ᐊᓯᕈᕐᑕᐅᔪᒫᕐᐳᖅ ᓱᓇᓕᒫᖏᓪᓗ ᑕᕝᕙᓃᑦᑐᑦ, ᓄᓇᓕᑐᖃᐅᖏᑦᑐᓄᑦ; ᐅᕙᖓ ᐊᑕᓂᖅ ᐅᖃᕐᐳᖓ.
ᐅᖁᒤᑦᑐᑎᒍᑦ ᐅᓄᕐᑐᑎᒍᑦ ᐊᖅᑯᓵᕈᒫᕐᐳᑦ ᐃᒪᕐᔪᐊᑉ ᒪᓕᒡᔪᐊᖏᑎᑐᑦ ᑍᒤᑦᑐᓂᒃ, ᒪᓕᒃᔪᐊᓪᓗ ᓵᓚᒋᔪᒫᕐᐰᑦ, ᑰᒡᔪᐊᖅ ᐃᑎᔪᖅ ᓁᓕᒥᒃ ᐊᑎᖃᕐᑐᖅ ᓴᓗᐊᕈᒫᕐᐳᖅ: ᐊᓯᕆᐊᒥᐅᑦ ᐅᐱᒋᔭᖓᑦ ᓱᓇᐅᔪᓐᓁᕐᑎᑕᐅᔪᒫᕐᐳᖅ, ᐄᑦᔨᑉᑎᒥᐅᑦ ᐱᔪᓐᓇᐅᑎᖓᑦ ᓄᖑᔪᒫᕐᐳᖅ.
ᐄᑦᔨᑉᑎᒥᐅᑦ ᓇᓪᓕᐅᓐᓂᕐᓯᐅᕆᐊᑐᖏᑉᐸᑕ, ᑖᒃᑯᐊ ᓯᓚᓗᒡᕕᐅᓂᐊᓐᖏᓚᑦ. ᐊᑕᓂᐅᑉ ᐋᓐᓂᐊᓇᕐᑐᒥᒃ ᑎᑭᕝᕕᐅᑎᑦᓱᒫᐰᑦ ᐃᓅᖃᑎᒌᒡᔪᐊᑦ ᓇᓪᓕᐅᓐᓂᕐᓯᐅᕆᐊᖏᑦᑐᑦ ᓇᓪᓕᐅᓐᓂᕐᒥᒃ ᑐᐱᕐᓯᒪᕕᖕᒥᒃ ᐋᓐᓂᐊᕐᑎᑕᐅᑦᔪᓯᖏᑎᑐᑦ.
