ᐂᓮᐊᓯᐅᑉ ᐊᒡᓚᖏᑦ 19:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᓮᒻᒪᕐᑎᓪᓗᒋᑦ ᐅᖃᕈᒫᕐᐳᖅ, “ᓮᒻᒪᕐᑎᑕᐅᒋᑦᓯ ᐃᓄᖁᑎᒃᑲ ᐄᑦᔨᑉᑎᒥᐅᑦ, ᐃᓕᑦᓯᓗ ᐊᓯᕆᐊᒥᐅᑦ ᐱᓐᖑᕐᑎᓚᐅᕐᑕᒃᑲ, ᐃᓴᕆᐊᓕᒥᐅᓪᓗ ᓂᕈᐊᕐᓯᒪᓪᓗᓯ ᐃᓄᖁᑎᒋᔭᒃᑲ.”

ᐂᓮᐊᓯᐅᑉ ᐊᒡᓚᖏᑦ 19:25 Iomraidhean Croise

ᐃᓐᖏᕈᑎᑦ 100:3

ᖃᐅᔨᒪᓗᓯ ᐊᑕᓂᖅ ᒎᑎᐅᖕᒪᑦ! ᑖᑦᓱᒪ ᓴᓇᓚᐅᕐᒪᑎᒍᑦ ᐱᖁᑎᒋᕚᑎᒍᑦ; ᐃᓄᖁᑎᒋᕚᑎᒍᑦ, ᑲᒪᒋᕚᑎᒍᓪᓗ ᓰᐱᖁᑎᒥᑐᑦ.

ᐃᓐᖏᕈᑎᑦ 115:15

ᐊᑕᓂᕐᒧᑦ ᓮᒻᒪᕐᑎᑕᐅᒋᑦᓯ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑐᒧᑦ!

ᐃᓐᖏᕈᑎᑦ 138:8

ᐊᑕᓂᐅᑉ ᓈᒻᒪᒃᓯᑎᑦᓯᐊᕐᓂᐊᕐᐰᑦ ᐅᕙᓐᓄᑦ ᑐᕌᖓᑎᑕᓂ; ᓇᒡᓕᖕᓃᑦ ᓱᖁᓯᔪᐃᑦᑐᖅ ᐊᑕᓃᖅ, ᐃᓱᖃᖏᑦᑐᒧᑦ ᑍᒤᓕᖓᓂᐊᕐᐳᖅ. ᐊᒡᒐᒃᐱᑦ ᐱᒋᐊᓕᓚᐅᕐᑕᖏᑦ ᓄᖅᑲᐅᑎᑦᑍᓕᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 19:24

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐃᓴᕆᐊᓕᒥᐅᑦ ᐱᖓᔪᒋᔭᐅᓕᕈᒫᕐᐳᑦ ᐄᑦᔨᑉᑎᒥᐅᓄᑦ ᐊᓯᕆᐊᒥᐅᓄᓪᓗ, ᓮᒻᒪᕐᑎᑦᓯᑦᔪᑕᐅᓗᑎᒃ ᓯᓚᕐᔪᐊᕐᒥᐅᓂᒃ.

ᐂᓮᐊᓯᐅᑉ ᐊᒡᓚᖏᑦ 27:13

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᑎᑦᑐᓚᐅᑦ ᓂᓪᓕᕈᒫᕐᐳᖅ ᐅᑎᖁᔨᑦᔪᑕᐅᔪᖅ ᐃᓴᕆᐊᓕᒥᐅᓂᒃ ᐊᐅᓪᓚᕈᑦᔭᐅᓯᒪᔪᓂᒃ ᓄᓇᑐᖃᕐᒥᖕᓂᑦ ᐊᓯᕆᐊᒧᑦ ᐄᑦᔨᑉᑎᒧᓪᓗ, ᕾᔪᒫᕐᐳᑦ ᐊᑕᓂᕐᓗ ᑐᒃᓯᐊᕐᕕᒋᓗᒍ ᔨᕉᓴᓕᒥ ᖃᖅᑲᒥ ᐃᑦᔪᕐᓁᑦᑐᒥ.

ᐂᓮᐊᓯᐅᑉ ᐊᒡᓚᖏᑦ 29:23

ᑭᖑᕚᒥᖕᓂᒃ ᑕᑯᓕᕈᑎᒃ, ᐊᒡᒐᓐᓄᑦ ᓴᓇᓚᐅᕐᑕᓐᓂᒃ, ᐊᑯᓐᓂᕐᒥᖕᓂ ᐊᑎᕋ ᐃᑦᔪᕐᓁᑎᑦᓱᒫᕐᐹᑦ; ᔧᑰᑉ ᐃᑦᔪᕐᓁᑦᑐᖁᑎᖓ ᐃᑦᔪᕐᓁᑎᑦᓱᒫᕐᐹᑦ, ᑕᑕᒥᓐᓂᐊᕐᓗᑎᒡᓗ ᐃᓴᕆᐊᓕᒥᐅᑦ ᒎᑎᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 45:11

ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ, ᐱᓐᖑᕐᑎᑦᓯᔨᖓᓪᓗ: “ᓈᒻᒪᒃᓴᖏᓐᓂᕐᒧᑦ ᐊᐱᕐᓱᕈᒪᕕᓯᓐᖔ, ᕿᑐᕐᖓᓐᓂᒃ ᐱᑦᔪᑎᖃᕐᓗᓯ, ᐅᕙᓐᓂᒡᓗ ᖃᓄᐃᓕᐅᖁᔨᕕᓰ ᐊᒡᒐᓐᓄᑦ ᓴᓇᓯᒪᔭᓐᓂᒃ?

ᐂᓮᐊᓯᐅᑉ ᐊᒡᓚᖏᑦ 45:14

ᐊᑕᓂᖅ ᐃᒫᒃ ᐅᖃᕐᐳᖅ: “ᐄᑦᔨᑉᑎᒥᐅᑦ ᐊᔪᕐᓴᖏᑦᔪᑎᖏᑦ ᐃᑎᐅᐱᐊᒥᐅᓪᓗ ᓂᐅᕕᐊᒃᓴᖁᑎᖏᑦ, ᓴᐲᓐᒥᐅᓪᓗ ᐃᓄᖏᑦ ᐊᖏᔫᑎᐊᓗᐃᑦ, ᐃᓕᑦᓯᓐᓄᑦ ᑎᑭᑦᓱᒫᕐᐳᑦ ᐱᒋᓕᕐᓗᓯᐅᒡᓗ; ᐃᓕᑦᓯᓐᓂᒃ ᒪᓕᒍᒫᕐᐳᑦ, ᐊᑦᓱᖏᐅᑎᓄᑦ ᓴᕕᕋᔭᖕᓄᑦ ᐊᑦᓱᖏᕐᓯᒪᓗᑎᒃ; ᐃᓕᑦᓯᓐᓄᑦ ᓵᑦᓯᓐᓄᑦ ᓰᖅᑯᕐᓗᑎᒃ ᐅᖃᕐᕕᒋᔪᒫᕐᐹᓯ, ‘ᐄᓛᒃ ᒎᑎᒧᑦ ᐃᓚᒋᔭᐅᕗᓯ, ᐊᓯᐊᓂᒡᓗ ᒎᑎᑕᖃᓐᖏᓚᖅ.’”

ᐂᓮᐊᓯᐅᑉ ᐊᒡᓚᖏᑦ 60:21

ᐃᓄᖁᑎᓕᒫᓯ ᓇᓛᒎᑦᓯᐊᓕᕈᒫᕐᒪᑕ; ᓄᓇᓗ ᐱᒋᓕᕐᓗᒍ ᐃᓱᖃᖏᑦᑐᒧᑦ, ᐱᕈᕐᓯᐊᒃᓴᓐᖑᕐᑎᓚᐅᕋᒃᑭᑦ ᐱᕈᕐᓰᕕᓐᓂ ᐊᒡᒐᓐᓄᑦ ᐋᖅᑭᒃᓱᕐᓗᒋᑦ, ᐱᓐᓇᕐᓇᕐᑎᑕᐅᖁᓪᓗᖓ ᑖᒃᑯᑎᒎᓇᖅ.

ᐂᓮᐊᓯᐅᑉ ᐊᒡᓚᖏᑦ 61:9

ᑭᖑᕚᖏᑦ ᐃᓅᖃᑎᒌᒡᔪᐊᓄᑦ ᖃᐅᔨᒪᔭᐅᑦᓯᐊᕈᒫᕐᐳᑦ, ᕿᑐᕐᖓᖏᓪᓗ ᐃᓅᖃᑎᖏᓐᓄᑦ ᐃᓚᒋᔭᐅᑦᓯᐊᕐᓗᑎᒃ; ᑖᒃᑯᓂᖓ ᑕᑯᔪᑦ ᖃᐅᔨᔪᒫᕐᐳᑦ ᐅᖃᕈᓐᓇᕐᓗᑎᒡᓗ ᐊᑕᓂᕐᒧᑦ ᓮᒻᒪᕐᑎᑕᐅᓯᒪᓂᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 63:17

ᖃᓄᐃᒻᒪᑦ ᐊᑕᓃᖅ ᐊᖅᑯᑎᐅᖁᔭᕐᓂᑦ ᓴᖑᑎᓯᒪᕕᑎᒎᑦ? ᐆᒻᒪᑎᕗᓪᓗ ᑎᓯᒃᑎᑎᑦᓱᒋᑦ, ᐃᓕᖕᓂᒃ ᓯᕘᕋᔪᓐᓃᖁᓪᓗᑖ? ᐅᕙᑦᑎᓐᓄᑦ ᐅᑎᓚᐅᕆᑦ ᐱᔨᑎᑦ ᐱᑦᔪᑎᒋᓗᒋᑦ, ᑭᖑᕚᕇᑦ ᐱᑖᕆᓯᒪᔭᑎᑦ.

ᐂᓮᐊᓯᐅᑉ ᐊᒡᓚᖏᑦ 64:8

ᐊᑕᓃᕐᓕ ᐊᑖᑕᒋᕙᑦᑎᒋᑦ; ᒪᕐᕋᐅᕗᒍᑦ ᐃᕝᕕᑦ ᒪᕐᕋᓕᐅᕐᑎᐅᓪᓗᑎᑦ; ᐊᒡᒐᖕᓄᓪᓗ ᐃᓘᓐᓇᑕ ᓴᓇᔭᐅᓂᑰᓪᓗᑕ.

ᐂᓮᐊᓯᐅᑉ ᐊᒡᓚᖏᑦ 65:23

ᐱᓇᓱᐊᕐᑕᒥᖕᓂᒃ ᑕᒪᐅᖓᑐᐃᓐᓈᕐᑎᑦᓯᔪᒫᓐᖏᓚᑦ, ᕿᑐᕐᖏᐅᖃᑦᑕᕈᓐᓃᕐᓗᑎᒡᓗ ᖃᓄᐃᓐᓇᕐᑐᓄᑦ ᑎᑭᑕᐅᕙᒃᑐᓂᒃ; ᕿᑐᕐᖓᕆᔭᐅᔪᒫᕐᒪᑕ ᐊᑕᓂᕐᒧᑦ ᓮᒻᒪᕐᑎᑕᐅᓯᒪᓗᑎᒃ. ᑭᖑᕚᖏᓐᓄᑦ ᑎᑭᐅᑎᓯᒪᔪᒥᒃ.

ᔨᕆᒤᐊᐅᑉ ᐊᒡᓚᖏᑦ 10:16

ᔧᑯᒃᑯᓐᓂᒡᓕ ᐱᒋᐊᕐᑎᑦᓯᓚᐅᕐᑐᖅ ᑍᒤᓐᖏᓚᖅ, ᓱᓇᓕᒫᓂᒃ ᐱᓐᖑᕐᑎᑦᓯᓯᒪᖕᒪᑦ, ᐃᓴᕆᐊᓕᒥᐅᑦ ᓴᖅᑭᑎᓯᒪᕔᑦ, ᑭᖑᕚᕇᓐᖑᕐᓗᑎᒃ ᑭᖑᕐᖑᔨᖃᑎᒌᒃᑐᒃᓴᐅᖁᓪᓗᒋᑦ; ᑕᒪᒃᑯᓂᖓ ᓴᖅᑭᑎᑦᓯᔪᖅ ᐊᑕᓂᐅᕗᖅ ᖁᑦᓯᖕᓂᕐᐹᒥᒃ ᐊᑎᓕᒃ.

ᔨᕆᒤᐊᐅᑉ ᐊᒡᓚᖏᑦ 2:7

ᓄᓇᒧᐊᕐᑎᓚᐅᕐᐸᑦᓯ ᐱᕈᕐᑐᖃᑦᓯᐊᕐᑐᒧᑦ, ᐱᕈᕐᑐᖏᓐᓂᒃ ᓂᕿᖃᖁᓪᓗᓯ, ᐱᕈᕐᑎᑦᓯᖁᓪᓗᓯᓗ, ᑕᒪᐅᓐᖓᕋᑦᓯᓕ ᓄᓇᖁᑎᒐ ᓇᕐᕈᓇᕐᓯᑎᓚᐅᕐᐸᓯ, ᑭᖑᕐᖑᑎᔭᐅᒐᔭᕐᑐᕐᓗ ᐱᐅᔪᓐᓃᕐᑎᓪᓗᒍ.

ᕼᐆᓯᐊᑉ ᐊᒡᓚᖏᑦ 2:23

“ᑖᓐᓇᓗ ᑲᓐᖓᕐᓱᐃᕕᒋᔪᒫᕐᐸᕋ ᓇᖕᒥᓂᓐᓂᒃ ᓄᓇᒥ ᐊᔪᕐᓴᕈᓐᓁᕐᑎᓪᓗᒍ. ᓂᑲᒍᓱᖕᓂᕐᒥᒡᓗ ᓴᖅᑭᑎᑦᓯᕕᒋᔪᒫᕐᐸᕋ ᓇᒡᓕᒋᔭᐅᖏᑦᑑᔪᓐᓃᕐᓗᓂ, ᑍᒃᑯᐊᓗ ᐅᖃᐅᑦᔭᖃᑦᑕᓚᐅᕐᑐᑦ ᐃᓄᖁᑎᒋᓐᖏᑕᒃᑲ, ᐅᖃᐅᑎᔪᒫᕐᐸᒃᑲ ‘ᐃᓄᖁᑎᒋᕙᑦᓯ’; ᑖᒃᑯᐊᓗ ᑭᐅᔪᒫᕐᐳᑦ, ‘ᐃᕝᕕᑦ ᒎᑎᒋᕙᑦᑎᒋᑦ.’”

ᓴᑲᕅᐊᐅᑉ ᐊᒡᓚᖏᑦ 8:13

ᔫᑕᒥ ᐃᓴᕆᐊᓕᒥᓗ ᓄᓇᖃᕐᑐᓯ ᐃᓅᖃᑎᒌᒡᔪᐊᓂᑦ ᓇᕐᕈᓇᕐᓂᕋᕐᑕᐅᕙᒃᐳᓯ ᐱᐅᖏᑦᑐᐊᓘᓂᕋᕐᑕᐅᕙᒡᓗᓯᓗ, ᑍᒤᒻᒪᑦ ᓴᐳᑎᔪᒪᕙᑦᓯ, ᓮᒻᒪᕐᑕᐅᑦᔪᑎᒃᓴᐅᓕᕈᒫᕐᐳᓯ ᐊᓯᑦᓯᓐᓄᑦ, ᑲᑉᐱᐊᓱᓐᖏᓕᕆᑦᓯ ᓯᕘᕋᓇᓯᓗ.”

ᒨᓯᓯ ᓯᑕᒪᖏᑦ 24:1

ᐸᓛᒻ ᖃᐅᔨᒐᒥ ᐊᑕᓂᖅ ᐃᓴᕆᐊᓕᒥᐅᓂᒃ ᓮᒻᒪᕐᑎᑦᓯᓂᕐᒥᒃ ᖁᕕᐊᒋᔭᖃᕐᒪᑦ, ᐃᓛᓐᓂᑦ ᐱᐅᓯᕆᕙᒃᑕᒥᑐᑦ ᐊᖓᒃᑰᓇᓱᐊᕐᓂᒃᑯᑦ ᐱᓇᓱᐊᓚᐅᓐᖏᓚᖅ, ᐃᓄᖃᖏᑦᑐᒧᓪᓕ ᓵᓐᖓᓚᐅᕐᐳᖅ.

ᒨᓯᓯ ᓯᑕᒪᖏᑦ 6:24

ᐊᑕᓂᐅᑉ ᓮᒻᒪᕐᑎᓪᓕᓯ ᓴᐳᑎᓕᓯᓗ;

ᒨᓯᓯ ᓯᑕᒪᖏᑦ 6:27

“ᑍᒫᒃ ᑕᕝᕙ ᐊᑎᕋ ᐃᓴᕆᐊᓕᒥᐅᓄᑦ ᐃᓕᓯᒪᓂᐊᕐᐹᑦ, ᐅᕙᖓᓗ ᓮᒻᒪᕐᑎᓐᓂᐊᕐᐸᒃᑲ.”

ᕉᒪᒥᐅᓄᑦ 3:29

ᐅᕝᕙᓗ ᒎᑎ ᒎᑎᐅᕙ ᔫᑎᓄᑦ ᑭᓯᐊᓂ, ᔫᑎᐅᖏᑦᑐᓄᓪᓕ ᒎᑎᒋᔭᐅᓐᖏᓛᖅ? ᑖᒃᑯᓄᖓᑦᑕᐅᖅ ᒎᑎᒋᔭᐅᒋᕗᖅ,

ᒐᓔᑎᐊᒥᐅᓄᑦ 6:15

ᑭᐱᓯᒪᒐᓗᐊᕐᐸᑕ ᑭᐱᓯᒪᖏᒃᑲᓗᐊᕐᐸᑕᓘᓐᓃᑦ ᐊᑐᓐᖏᓚᖅ; ᓄᑖᓐᖑᕐᑎᑕᐅᓂᕐᓕ ᐊᑐᕐᑐᑑᕗᖅ.

ᐃᐱᓯᒥᐅᓄᑦ 1:3

ᓂᕐᑐᕐᑕᐅᓕ ᒎᑎ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᙭ᔅᑑᓯᒥ ᐊᓂᕐᓂᒃᑯᑦ ᓮᒻᒪᕐᑎᑕᐅᔪᑕᐅᔪᓐᓇᕐᑐᓂ ᑕᒤᓐᓂᒃ ᐱᑎᓚᐅᕐᐹᑎᒍᑦ, ᕿᓚᖕᒥᐅᑍᑦ ᓇᔪᕐᑕᖏᓐᓂᒃ ᙭ᔅᑑᓯᒥᐅᑕᐅᓂᑦᑎᓐᓄᑦ.

ᐃᐱᓯᒥᐅᓄᑦ 2:10

ᒎᑎᐅᑉ ᓴᓇᓯᒪᕚᑎᒍᑦ, ᙭ᔅᑑᓯ ᔩᓱᓯᒃᑯᑦ ᐱᓐᖑᕐᑎᓚᐅᕐᐹᑎᒍᑦ ᐱᓇᓱᐊᑦᓯᐊᖁᓪᓗᑕ, ᒎᑎᐅᑉ ᑕᒪᓐᓇ ᓯᕗᓂᖓᒍᑦ ᐅᐸᓗᖕᒊᔭᕇᕐᓯᒪᓚᐅᕐᐹ, ᑍᒤᓕᐅᖁᓪᓗᑕ.

ᒨᓯᓯ ᑕᓪᓕᒪᖏᑦ 32:9

ᔧᑰᓪᓕ ᑭᖑᕚᖏᑦ ᓇᖕᒥᓂᖅ ᓂᕈᐊᕆᓚᐅᕐᐰᑦ.

ᐱᓕᐱᒥᐅᓄᑦ 1:6

ᖁᓚᖏᑦᓯᐊᕐᐳᖓᓗ, ᒎᑎ ᑖᓐᓇ ᐃᓗᑦᓯᓐᓂ ᐱᐅᔪᒥᒃ ᐱᒋᐊᕐᑎᑦᓯᓯᒪᔪᖅ, ᑲᔪᓯᑎᑦᓯᓂᐊᕐᒪᑦ ᐱᔭᕇᕐᕕᒃᓴᒧᑦ ᔩᓱᓯ ᙭ᔅᑑᓯᐅᑉ ᐅᓪᓗᖓ ᑎᑭᓪᓗᒍ.

ᐲᑦᑐᕉᓯ ᓯᕗᓪᓖᑦ 2:10

ᑍᑦᓱᒪᓂ ᐃᓄᖁᑎᒋᔭᐅᓚᐅᖏᑦᑐᓯ ᒫᓐᓇᓕ ᒎᑎᐅᑉ ᐃᓄᖁᑎᒋᓕᕐᐹᓯ; ᓂᑲᒍᓱᖕᓂᖓᓃᓚᐅᖏᑦᑐᓯ ᒫᓐᓇᓕ ᑖᑦᓱᒪ ᓂᑲᒍᓱᖕᓂᖓᓃᓕᕐᐳᓯ.