ᐂᓮᐊᓯᐅᑉ ᐊᒡᓚᖏᑦ 19:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐃᓴᕆᐊᓕᒥᐅᑦ ᐱᖓᔪᒋᔭᐅᓕᕈᒫᕐᐳᑦ ᐄᑦᔨᑉᑎᒥᐅᓄᑦ ᐊᓯᕆᐊᒥᐅᓄᓪᓗ, ᓮᒻᒪᕐᑎᑦᓯᑦᔪᑕᐅᓗᑎᒃ ᓯᓚᕐᔪᐊᕐᒥᐅᓂᒃ.

ᐂᓮᐊᓯᐅᑉ ᐊᒡᓚᖏᑦ 19:24 Iomraidhean Croise

ᒨᓯᓯ ᓯᕗᓪᓖᑦ 12:2

ᐃᓅᖃᑎᒌᒡᔪᐊᓐᖑᕐᑎᑦᓱᒫᕋᒃᑭᑦ, ᓮᒻᒪᕐᑎᓪᓗᑎᓪᓗ, ᐊᑏᓪᓗ ᐅᐱᒋᔭᐅᑦᓯᐊᕐᑎᓪᓗᒍ, ᓮᒻᒪᕐᑎᑦᓯᑦᔪᑎᒃᓴᐅᖁᓪᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 19:23

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᖅᑯᑎᐊᓗᒃᑕᖃᓕᕈᒫᕐᐳᖅ ᐄᑦᔨᑉᑎᒥᑦ ᐊᓯᕆᐊᒥᐅᑦ ᓄᓇᖓᓐᓄᑦ, ᑖᒃᑯᐊᓗ ᓄᓇᓕᒡᔪᐊᑦ ᒪᕐᕈᐃᑦ ᐊᕙᒻᒧᑦ ᓂᐅᕐᕈᖃᑦᑕᐅᑎᕙᓕᕈᒫᕐᐳᑦ ᑕᒪᕐᒥᒡᓗ ᐊᑕᓂᕐᒥᒃ ᑐᒃᓯᐊᖃᑎᒌᒍᓐᓇᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 19:25

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᓮᒻᒪᕐᑎᓪᓗᒋᑦ ᐅᖃᕈᒫᕐᐳᖅ, “ᓮᒻᒪᕐᑎᑕᐅᒋᑦᓯ ᐃᓄᖁᑎᒃᑲ ᐄᑦᔨᑉᑎᒥᐅᑦ, ᐃᓕᑦᓯᓗ ᐊᓯᕆᐊᒥᐅᑦ ᐱᓐᖑᕐᑎᓚᐅᕐᑕᒃᑲ, ᐃᓴᕆᐊᓕᒥᐅᓪᓗ ᓂᕈᐊᕐᓯᒪᓪᓗᓯ ᐃᓄᖁᑎᒋᔭᒃᑲ.”

ᐂᓮᐊᓯᐅᑉ ᐊᒡᓚᖏᑦ 27:13

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᑎᑦᑐᓚᐅᑦ ᓂᓪᓕᕈᒫᕐᐳᖅ ᐅᑎᖁᔨᑦᔪᑕᐅᔪᖅ ᐃᓴᕆᐊᓕᒥᐅᓂᒃ ᐊᐅᓪᓚᕈᑦᔭᐅᓯᒪᔪᓂᒃ ᓄᓇᑐᖃᕐᒥᖕᓂᑦ ᐊᓯᕆᐊᒧᑦ ᐄᑦᔨᑉᑎᒧᓪᓗ, ᕾᔪᒫᕐᐳᑦ ᐊᑕᓂᕐᓗ ᑐᒃᓯᐊᕐᕕᒋᓗᒍ ᔨᕉᓴᓕᒥ ᖃᖅᑲᒥ ᐃᑦᔪᕐᓁᑦᑐᒥ.

ᐂᓮᐊᓯᐅᑉ ᐊᒡᓚᖏᑦ 49:22

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᑕᑯᒋᑦ, ᐃᓅᖃᑎᒌᒡᔪᐊᓄᑦ ᑕᓕᕋ ᐃᓵᒍᒫᕐᐸᕋ, ᓇᓗᓁᒃᑯᑕᕋᓗ ᓇᑉᐸᕐᑎᓪᓗᒍ ᐃᓄᖕᓄᑦ; ᑖᒃᑯᐊ ᐃᓕᑦᓯᓐᓄᑦ ᕾᔪᒫᕐᐳᑦ ᐃᕐᓂᓯ ᐊᒡᔭᕐᓗᒋᑦ, ᐸᓂᓯᓗ ᑲᑲᒡᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 49:6

ᑖᓐᓇ ᐅᖃᕐᐳᖅ, ‘ᐱᔨᒋᑐᐃᓐᓇᕈᒃᑭᑦ ᓱᓇᐅᓐᖏᓗᐊᕐᐳᖅ, ᒪᑭᑎᑦᓯᓗᑎᑦ ᔧᑰᑉ ᑭᖑᕚᖏᓐᓂᒃ, ᐅᑎᕐᑎᑦᓯᖁᓪᓗᑎᓪᓗ ᐃᓴᕆᐊᓕᒥᐅᑦ ᐊᒥᐊᒃᑯᖏᓐᓂᒃ; ᑐᓂᔪᒪᕙᒋᓪᓗ ᖃᐅᒻᒪᒃᓮᔨᐅᖁᓪᓗᑎᑦ ᐃᓅᖃᑎᒌᒡᔪᐊᓄᑦ, ᐱᐅᓕᒃᓯᔨᐅᓃᓪᓗ ᓄᓇᕐᔪᐊᑉ ᑭᒡᓕᖏᓐᓄᑦ ᑎᑭᐅᑎᖁᓪᓗᒍ.’”

ᐂᓮᐊᓯᐅᑉ ᐊᒡᓚᖏᑦ 6:13

ᐃᓄᐃᑦ ᖁᓕᐅᑦᔪᑎᖏᑦ ᕿᒪᒃᑕᐅᓯᒪᔪᑦ ᐊᒥᐊᒃᑯᒋᔭᐅᓕᕐᐸᑕ, ᑖᒃᑯᐊᑦᑕᐅᖅ ᐃᑯᐊᓪᓚᒃᑎᑕᐅᔪᒫᕆᕗᑦ, ᓇᐹᕐᑐᑐᓪᓗ ᐆᒃᒥᒃ ᐊᑎᓕᐅᑉ ᑭᐱᓯᒪᔫᑉ ᒪᓐᖑᖓᑦ ᓄᓇᒦᖏᓐᓇᓲᖑᖕᒪᑦ ᓇᑲᑕᐅᓯᒪᓂᖓ. ᑍᒫᒃᑕᐅᖅ ᐃᑦᔪᕐᓁᑦᑐᖅ ᑲᓐᖓᕐᓲᑎᒃᓴᖅ ᓇᐹᕐᑑᑉ ᒪᓐᖑᖓᓃᑦᓱᒫᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 65:22

ᐊᓯᒥ ᐃᒡᓗᒋᓂᐊᕐᑕᖏᓐᓂᒃ ᐃᒡᓗᓕᐅᕐᑐᖃᕐᐸᒍᓐᓃᕈᒫᕐᐳᖅ, ᐱᕈᕐᓰᕕᓕᐅᕐᐸᒍᓐᓃᕐᓗᑎᒡᓗ ᐊᓯᖏᑕ ᓂᕿᒃᓴᖃᕐᕕᒋᓂᐊᕐᑕᖏᓐᓂᒃ, ᓇᐹᕐᑑᑉ ᐆᒪᓂᕆᕙᒃᑕᖓᑐᑦ ᐃᓄᖁᑎᒃᑲ ᐆᒪᑯᑖᒃᑎᒋᖃᑦᑕᕉᒪᕐᐳᑦ, ᓂᕈᐊᕐᓯᒪᔭᒃᑲ ᐱᓇᓱᐊᕈᑎᒋᖃᑦᑕᕐᑕᒥᖕᓂᒃ ᐊᒡᒐᖕᒥᖕᓄᑦ ᐊᑯᓂ ᖁᕕᐊᓲᑎᖃᖃᑦᑕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 65:8

ᐃᒫᒃ ᐊᑕᓂᖅ ᐅᖃᕐᐳᖅ, “ᕔᓂ ᓴᖅᑭᒻᒪᑦ ᐸᐅᕐᖓᓂ ᑲᑎᓐᖓᔪᑦ ᖃᒐᕐᑕᐅᕕᖕᓂᑦ, ᐃᓄᐃᓪᓗ ᐅᖃᕐᐸᖕᒪᑕ, ‘ᐊᒥᐊᒃᑯᖏᑦ ᖃᕐᑕᐅᑦᑍᓕᓕᑦ, ᓮᒻᒪᕐᑎᑕᐅᓇᕐᑐᖃᕐᒪᑕ.’ ᑍᒫᒃᑕᐅᖅ ᐱᔨᒃᑲ ᐱᓪᓗᒋᑦ ᓄᖑᑦᓱᒫᓐᖏᓚᒃᑲ.

ᐂᓮᐊᓯᐅᑉ ᐊᒡᓚᖏᑦ 66:12

ᐊᑕᓂᖅ ᐃᒫᒃ ᐅᖃᕐᐳᖅ: “ᑕᑯᒋᑦ, ᐊᔪᕐᓴᖏᓐᓂᖅ ᐊᖏᔪᕈᕐᑎᑦᓱᒫᕐᐸᕋ ᑰᒃᑎᑐᑦ ᑯᕕᓕᕈᒫᕐᒪᑦ, ᐃᓅᖃᑎᒌᒡᔪᐊᓪᓗ ᐊᒡᓗᐃᓂᖏᑦ ᑰᒐᓛᑎᑐᑦ ᑕᑕᓯᒪᔪᑎᑐᑦ ᑰᓕᕈᒫᕐᐳᑦ, ᐊᒫᒪᒍᒫᕐᐳᓯ ᓴᕐᓕᐊᕐᑕᐅᓗᓯ, ᐊᐅᓚᑲᑦᑖᕐᑎᑕᐅᔪᒫᕐᐳᓯᓗ ᖁᒃᑐᕋᖏᒃᑕ ᖄᖓᓂ.

ᐃᓯᑭᐊᓕᐅᑉ ᐊᒡᓚᖏᑦ 34:26

ᓮᒻᒪᕐᑎᓪᓗᒋᓪᓗ ᓄᓇᖃᕐᑎᑦᓱᒫᕐᐸᒃᑲ ᖃᖅᑲᖁᑎᒪ ᐃᑦᔪᕐᓁᑦᑑᑉ ᐊᕙᑖᓂ; ᓮᒻᒪᕐᑎᑦᓯᓂᓐᓄᑦ ᓯᓚᓗᒃᑕᐅᑎᖃᑦᑕᕈᒫᕐᐸᒃᑲ ᓇᓪᓕᐅᓐᓂᖅ ᓈᒻᒪᒃᓯᔭᕌᖓᑦ; ᑕᒪᓐᓇ ᓯᓚᓗᒡᕕᐅᓂᖅ ᓮᒻᒪᕐᑎᑕᐅᓂᐅᔪᒫᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 8:13

ᔫᑕᒥ ᐃᓴᕆᐊᓕᒥᓗ ᓄᓇᖃᕐᑐᓯ ᐃᓅᖃᑎᒌᒡᔪᐊᓂᑦ ᓇᕐᕈᓇᕐᓂᕋᕐᑕᐅᕙᒃᐳᓯ ᐱᐅᖏᑦᑐᐊᓘᓂᕋᕐᑕᐅᕙᒡᓗᓯᓗ, ᑍᒤᒻᒪᑦ ᓴᐳᑎᔪᒪᕙᑦᓯ, ᓮᒻᒪᕐᑕᐅᑦᔪᑎᒃᓴᐅᓕᕈᒫᕐᐳᓯ ᐊᓯᑦᓯᓐᓄᑦ, ᑲᑉᐱᐊᓱᓐᖏᓕᕆᑦᓯ ᓯᕘᕋᓇᓯᓗ.”

ᓘᑲᓯᐅᑉ ᐊᒡᓚᖏᑦ 2:32

ᖃᐅᒪᔪᖅ ᖃᐅᒻᒪᒃᓮᖁᓪᓗᒍ ᔫᑎᐅᖏᑦᑐᓂᒃ, ᐃᓄᖁᑎᕕᓪᓗ ᐃᓴᕆᐊᓕᒥᐅᑦ ᓂᕐᑐᕐᓇᕈᑎᒃᓴᖓᑦ.”

ᕉᒪᒥᐅᓄᑦ 15:27

ᖁᕕᐊᓱᒡᓗᑎᒃ ᑍᒫᒃ ᐃᒻᒥᖕᓂᒃ ᐱᔪᒪᓚᐅᕐᒪᑕ, ᐅᓐᓃᓄᓇ ᐃᑲᔪᕆᐊᖃᕋᒥᒃ ᑍᒃᑯᓂᖓ, ᔫᑎᐅᖏᑦᑐᑦ ᐱᖃᑕᐅᓯᒪᒍᑎᒃ ᔫᑎᑦ ᐅᒃᐱᕐᓂᒃᑯᑦ ᓮᒻᒪᕐᑎᑕᐅᓂᖏᓐᓂᒃ, ᑍᒫᒃᑕᐅᖅ ᑕᑯᒃᓴᐅᔪᒃᑯᑦ ᓮᒻᒪᕐᑎᑕᐅᓂᕐᒥᖕᓂᒃ ᑲᑐᑦᔨᖃᑎᒋᔭᕆᐊᖃᕐᒪᒋᑦ.

ᒐᓔᑎᐊᒥᐅᓄᑦ 3:14

ᑕᕝᕙ ᙭ᔅᑑᓯ ᔩᓱᓯᒃᑯᑦ ᐂᑉᕋᕼᐋᒻ ᓮᒻᒪᕐᑎᑕᐅᓯᒪᓂᖓ ᔫᑎᐅᖏᑦᑐᓄᑦᑕᐅᖅ ᐱᔭᐅᔪᓐᓇᕐᓯᖁᓪᓗᒍ, ᐅᕙᒍᑦᑕᐅᖅ ᐅᒃᐱᕐᓂᑦᑎᒍᑦ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᐊᓂᕐᓂᕐᒥᒃ ᐱᑎᑕᐅᖁᓪᓗᑕ.

ᒨᓯᓯ ᑕᓪᓕᒪᖏᑦ 32:43

ᓂᕐᑐᕐᓯᐅᒃ ᑖᑦᓱᒪ ᐃᓄᖁᑎᖏᑦ, ᐃᓅᖃᑎᒌᒡᔪᐊᖑᔪᓯ; ᓴᐳᑎᖕᒪᒋᑦ ᐱᔨᒥ ᐊᐅᖏᑦ, ᐊᑭᕋᕐᑐᕐᑎᓂ ᐊᑭᓂᐊᕐᕕᒋᖕᒪᒋᑦ, ᐃᓄᖁᑎᒥ ᓄᓇᖓ ᓴᓗᒻᒪᕐᓴᕐᒪᒍ.”