ᐂᓮᐊᓯᐅᑉ ᐊᒡᓚᖏᑦ 19:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐄᑦᔨᑉᑎᒥᐅᑦ ᓄᓇᓕᒃᔪᐊᖁᑎᖏᓐᓂ ᑕᓪᓕᒤᓂ, ᑬᓇᓂᒥᐅᑎᑐᑦ ᐅᖃᐅᓯᖃᕐᓗᑎᒃ ᐊᖏᖃᑎᒌᒍᒫᕐᐳᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ ᒪᓕᒍᒪᓗᑎᒃ; ᓄᓇᓕᒡᔪᐊᓪᓗ ᐃᓚᖓᑦ ᐊᑦᓯᕐᑕᐅᓗᓂ “ᓯᕿᓂᕐᒥᒃ.”

ᐂᓮᐊᓯᐅᑉ ᐊᒡᓚᖏᑦ 19:18 Iomraidhean Croise

ᒨᓯᓯ ᓯᕗᓪᓖᑦ 11:1

ᑍᑦᓱᒪᓂᐊᓗᒡᓕ ᓄᓇᕐᔪᐊᑉ ᐃᓄᓕᒫᖏᑦ ᐅᖃᐅᓯᖃᓚᐅᕐᐳᑦ ᐊᑕᐅᓯᕐᒥᒃ ᐅᖃᐅᓯᖃᑎᒌᒃᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 10:29

ᐃᓚᖃᕐᓗᑎᒃ ᖃᑕᓐᖑᑎᒥᖕᓂᒃ, ᐱᓪᓚᕆᖁᑕᐅᔪᓂᒡᓗ, ᓴᖑᑎᓐᓂᐊᓐᖏᑕᒥᖕᓂᒃ ᐊᖏᒻᒪᕆᒍᑎᖃᓚᐅᕐᐳᑦ ᒎᑎᐅᑉ ᐱᖁᔭᖏᓐᓂᒃ ᒪᓕᒍᒪᓪᓗᑎᒃ ᒨᓯᓯᒃᑯᑦ ᑐᓂᔭᐅᓚᐅᕐᑐᓂᒃ ᒎᑎᐅᑉ ᐱᔨᖓᒍᑦ, ᓈᓚᒍᒪᓪᓗᑎᒃ ᒪᓕᒍᒪᓪᓗᑎᒡᓗ ᐊᑕᓂᐅᑉ ᐊᑕᓂᑦᑕ ᐱᖁᔭᖏᓐᓂᒃ, ᐃᓱᐊᕆᔭᖏᓐᓂᒡᓗ ᐃᓕᖅᑯᓯᐅᖁᔭᖏᓐᓂᒡᓗ.

ᐃᓐᖏᕈᑎᑦ 68:31

ᐄᑦᔨᑉᑎᒥᐅᑦ ᑎᓕᔭᖏᑦ ᑎᑭᑦᓱᒫᕐᐳᑦ; ᐃᑎᐅᐱᐊᒥᐅᑦ ᒎᑎᒧᑦ ᐃᒻᒥᖕᓂᒃ ᑐᓂᔪᓐᓇᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 11:11

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᐊᒡᒐᓂ ᐃᓴᒍᒫᕐᐰᑦ ᐃᓄᖁᑎᓂ ᐊᒥᐊᒃᑰᔪᑦ ᐅᑎᕐᑎᑦᓱᒪᓗᒋᑦ, ᐊᓯᕆᐊᒥᑦ ᐄᑦᔨᑉᑎᒥᓪᓗ, ᐹᑐᕉᓯᒥᑦ ᐃᑎᐅᐱᐊᒥᓪᓗ, ᐃᓛᒻᒥᑦ ᓯᓇᕆᒥᓪᓗ, ᕼᐊᒫᑎᒥᑦ ᕿᑭᕐᑕᓂᓪᓗ ᐃᒪᕕᖕᒦᑦᑐᓂᑦ.

ᐂᓮᐊᓯᐅᑉ ᐊᒡᓚᖏᑦ 14:1

ᐊᑕᓂᖅ ᓂᑲᒍᓱᓕᒃᑲᓐᓂᕈᒫᕆᕗᖅ ᔧᑰᑉ ᑭᖑᕚᖏᓐᓂᒃ ᐃᓴᕆᐊᓕᒥᐅᓪᓗ ᓂᕈᐊᕐᓯᒪᓕᕈᒫᕆᓪᓗᒋᑦ, ᓄᓇᑐᖃᖏᓐᓄᓪᓗ ᓇᖕᒥᓂᖏᓐᓄᑦ ᐃᓕᔪᒫᕆᕔᑦ, ᓄᓇᖃᑎᑐᖃᕆᓐᖏᑕᖏᓪᓗ ᔧᑰᑉ ᑭᖑᕚᖏᓐᓂᒃ ᐃᓚᕾᓐᓇᕈᒪᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 19:19

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐱᑕᖃᓕᕈᒫᕐᐳᖅ ᐊᑕᓂᕐᒧᑦ ᑐᓂᕐᕈᓯᕐᕕᖕᒥᒃ ᐄᑦᔨᑉᑎᒥᐅᑦ ᓄᓇᖓᑕ ᕿᑎᖓᓂ, ᐅᔭᕌᓗᖕᒥᒡᓗ ᓇᐸᔪᒥᒃ ᓴᓇᓯᒪᔪᕐᑕᖃᕐᒥᓗᓂ ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓂ ᐊᑕᓂᕐᒥᒃ ᐅᐱᒍᓲᑎᒥᒃ.

ᐂᓮᐊᓯᐅᑉ ᐊᒡᓚᖏᑦ 19:21

ᐊᑕᓂᕐᓗ ᐃᒻᒥᓂᒃ ᖃᐅᔨᒪᔭᐅᑎᑦᓱᒫᕐᐳᖅ ᐄᑦᔨᑉᑎᒥᐅᓄᑦ; ᑕᕝᕙ ᐊᑕᓂᕐᒥᒃ ᓇᓗᓁᔧᔪᒫᕐᐳᑦ ᓂᕐᑐᐃᓗᑎᒃ ᑐᓂᕐᕈᓯᕐᐸᓕᕐᓗᑎᒃ ᐃᑯᐊᓚᑎᑦᓯᓂᒃᑯᑦ ᐆᒪᔪᕕᓂᕐᓂᒃ, ᐊᑕᓂᕐᓗ ᐊᖏᕐᕕᒋᔪᒫᕐᐹᑦ ᐊᖏᕈᑎᒋᔭᒥᖕᓂᒡᓗ ᑲᔪᓯᑎᑦᓯᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 2:11

ᐊᖑᑎᐅᑉ ᐱᐅᔪᕆᓂᕐᒧᑦ ᑕᑯᔭᐅᑎᓐᓇᓱᐊᕐᓂᖓ ᒥᒃᓕᓕᕐᑎᑕᐅᔪᒫᕐᐳᖅ, ᐃᓄᐃᓪᓗ ᐱᐅᔪᕆᔪᑦ ᒥᑭᒡᓕᑎᑕᐅᓗᑎᒃ, ᐊᑕᓂᖅ ᑖᓐᓇᑐᐊᖅ ᐊᖏᒡᓕᑎᑕᐅᔪᒫᕐᐳᖅ ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ.

ᐂᓮᐊᓯᐅᑉ ᐊᒡᓚᖏᑦ 27:13

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᑎᑦᑐᓚᐅᑦ ᓂᓪᓕᕈᒫᕐᐳᖅ ᐅᑎᖁᔨᑦᔪᑕᐅᔪᖅ ᐃᓴᕆᐊᓕᒥᐅᓂᒃ ᐊᐅᓪᓚᕈᑦᔭᐅᓯᒪᔪᓂᒃ ᓄᓇᑐᖃᕐᒥᖕᓂᑦ ᐊᓯᕆᐊᒧᑦ ᐄᑦᔨᑉᑎᒧᓪᓗ, ᕾᔪᒫᕐᐳᑦ ᐊᑕᓂᕐᓗ ᑐᒃᓯᐊᕐᕕᒋᓗᒍ ᔨᕉᓴᓕᒥ ᖃᖅᑲᒥ ᐃᑦᔪᕐᓁᑦᑐᒥ.

ᐂᓮᐊᓯᐅᑉ ᐊᒡᓚᖏᑦ 65:16

ᓇᓪᓕᐊᑦ ᓄᓇᒥᓂᒃ ᓮᒻᒪᕐᑎᑕᐅᖁᔨᓗᓂ ᕿᓄᔪᖅ, ᓮᒻᒪᕐᑎᑕᐅᔪᒫᕐᐳᖅ ᒎᑎᒧᑦ ᓱᓕᑦᓯᐊᕐᑐᒧᑦ; ᐅᖃᕕᒍᒪᔪᖅ ᓴᖑᑎᓐᓂᐊᖏᓪᓗᒍ, ᐅᖃᕕᖕᓂᐊᕐᐳᖅ ᒎᑎᐅᑉ ᓱᓕᑦᓯᐊᕐᓂᖓᒍᑦ; ᐃᓱᐊᖏᑦᑐᕐᓯᐅᕐᓂᐅᓚᐅᕐᑐᑦ ᐃᖅᑲᐅᒪᔭᐅᔪᒫᖏᒻᒪᑕ, ᐃᔨᒪᓗ ᓵᖓᓂ ᑕᑯᒃᓴᐅᔪᓐᓃᕐᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 12:16

ᑕᒪᑐᒪ ᑭᖑᕐᖓᒍᑦ, ᐊᒃᓱᕈᕐᓗᑎᒃ ᐃᓄᖁᑎᒪ ᐱᐅᓯᖏᓐᓂᒃ ᐃᓕᓐᓂᐊᕋᔭᕐᐸᑕ, ᐅᖃᕕᒍᑎᖃᕐᓗᑎᒡᓗ ᐊᑎᓐᓂ, ‘ᐊᑕᓂᖅ ᐃᓅᖕᒪᑦ,’ ᑍᒫᒃᑕᐅᖅ ᐃᓄᖁᑎᒃᑲ ᐃᓕᓐᓂᐊᕐᑎᓚᐅᕐᒪᒋᑦ ᐅᖃᕕᒡᕕᖃᖁᓪᓗᒋᑦ ᐰᓕᒧᑦ, ᑖᒃᑯᐊ ᒪᑭᑦᓱᒫᕐᐳᑦ ᐃᓄᖁᑎᒪ ᐊᑯᕐᖓᓐᓂ.

ᔨᐸᓁᐊᐅᑉ ᐊᒡᓚᖏᑦ 3:9

“ᑭᖑᓂᐊᒍᑦ ᐃᓄᖁᑎᒃᑲ ᓴᓗᒻᒪᕐᓴᕐᓂᐊᕐᐸᒃᑲ ᐅᖃᐅᓯᕐᑖᕐᑎᓪᓗᒋᓪᓗ. ᐊᑕᓂᐅᑉ ᐊᑎᖓᓄᑦ ᑐᒃᓯᐊᖁᓪᓗᒋᑦ ᑭᒡᒐᕐᑐᕐᓗᑎᒡᓗ ᐊᑕᐅᓯᐅᖃᑎᒌᒡᓗᑎᒃ.

ᓴᑲᕅᐊᐅᑉ ᐊᒡᓚᖏᑦ 2:11

ᑍᑦᓱᒪᓂᐅᓕᕐᐸᑦ ᐃᓅᖃᑎᒌᒡᔪᐊᑦ ᐅᓄᕐᑐᑦ ᐊᑕᓂᕐᒧᑦ ᕾᔪᒫᕐᐳᑦ ᐅᕙᖓᓗ ᐃᓄᖁᑎᒋᔪᒫᕐᐸᒃᑲ, ᐊᑯᓐᓂᖓᓐᓂ ᐃᓂᖃᕈᒫᕐᐳᖓ, ᖃᐅᔨᔪᒫᕐᐳᓪᓗ ᐊᑕᓂᐅᑉ ᐊᔪᒐᖃᖏᑦᑑᑉ ᑎᓕᓚᐅᕐᒪᖓ ᐃᓕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 10:20

ᐊᑕᓂᖅ ᒎᑎᒋᔭᓯ ᓈᓚᒐᒃᓴᕆᕙᓯ ᑖᓐᓇᓗ ᑭᓯᒥ ᑐᒃᓯᐊᕐᕕᒋᓗᒍ. ᑖᑦᓱᒧᖓᓗ ᓱᖁᓯᔪᐃᑦᑑᔪᒃᓴᐅᕗᓯ ᑖᑦᓱᒪᓗ ᐊᑎᖓᒍᑦ ᑭᓯᐊᓂ ᐊᖏᒻᒪᕆᒃᑐᒃᓴᐅᕗᓯ.