ᐂᓮᐊᓯᐅᑉ ᐊᒡᓚᖏᑦ 17:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐊᕙᓗᕐᔪᐊᕐᑕᐅᖅ ᐃᕗᕅᑎᒦᑦᑐᖅ ᐱᑕᖃᕈᓐᓃᕈᒫᕐᐳᖅ, ᐊᖓᔪᖅᑳᕐᔪᐊᖃᕐᕕᒡᓗ ᑕᒫᓯᑰᓯᒥ ᐱᑕᖃᕈᓐᓃᕐᓗᓂ; ᓯᕆᐊᒥᐅᑦ ᐊᒥᐊᒃᑯᖏᑦ ᐃᓴᕆᐊᓕᒥᐅᑎᑐᑦ ᑍᒤᓕᕈᒫᕐᐳᑦ ᐊᔪᖏᑦᑐᕐᔪᐊᓐᖑᕐᓗᑎᒃ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 17:3 Iomraidhean Croise

ᐊᑕᓃᑦ ᐂᑉᐸᖏᑦ 16:9

ᑎᒡᓚ-ᐰᓖᓴ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐂᕼᐊᓯᐅᑉ ᐱᔪᒪᔭᖓ ᒪᓕᒡᓗᒍ ᐅᐸᒍᑎᕗᖅ ᐅᓇᑕᕐᑎᖁᑎᓂ ᐅᓇᑕᕆᐊᕐᑎᓪᓗᓂᒋᑦ ᑕᒫᓯᑰᓯᒥᒃ, ᓵᓚᖃᕐᓗᓂᓗ ᓄᓇᓖᑦ ᑎᒍᕔᑦ ᐊᖓᔪᖅᑳᕐᔪᐊᖅ ᕆᔨᓐ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᑐᖁᑕᐅᑎᓪᓗᓂᐅᒃ ᐃᓄᖏᑦ ᑎᒍᓪᓗᓂᒋᑦ ᐊᐅᓪᓚᕈᑎᕔᑦ ᑭᕆᒥᐅᓄᑦ, ᑎᒍᓯᒪᓂᐊᓕᕐᓗᒋᑦ.

ᐊᑕᓃᑦ ᐂᑉᐸᖏᑦ 17:6

ᕼᐆᓯᐊ ᐊᕐᕌᒍᓂᒃ 9ᓂᒃ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᓴᒥᐊᕆᐊᒥᐅᑦ ᓵᓚᒋᒐᒥᒋᑦ ᑎᒍᓚᐅᕐᐰᑦ ᐃᓄᖏᑦ ᐊᐅᓪᓚᕈᑎᓪᓗᓂᒋᑦ ᓄᓇᑖᕐᑎᑉᐰᑦ ᐊᓯᕆᐊᑉ ᓄᓇᓕᖏᑦᑕ ᐃᓚᖏᓐᓂ ᕼᐋᓚᒥᒃ, ᐃᓚᖏᓪᓗ ᕼᐂᐸᒥ ᑰᑉ ᓯᓈᓃᑦᑐᒥ ᒎᔭᓂᐅᑉ ᓄᓇᖓᓂ, ᐃᓚᖏᓪᓗ ᒥᑏᔅᒥᐅᑦ ᐃᒡᓗᒐᓴᖏᓐᓂ.

ᐂᓮᐊᓯᐅᑉ ᐊᒡᓚᖏᑦ 10:9

ᑳᓪᓄ ᑳᕐᓯᒥᓯᑐᑦ ᑍᒤᓐᖏᓛᖅ? ᕼᐊᒫᑎ ᐋᕐᐹᑎᑐᑦ ᑍᒤᓐᖏᓛᖅ? ᓴᒥᐊᕆᐊ ᑕᒫᓯᑰᓯᑐᑦ ᑍᒤᓐᖏᓛᖅ?

ᐂᓮᐊᓯᐅᑉ ᐊᒡᓚᖏᑦ 16:14

ᒫᓐᓇᓕ ᐊᑕᓂᖅ ᐃᒫᒃ ᐅᖃᓕᕐᐳᖅ, “ᐊᕐᕌᒍᐃᑦ ᐱᖓᓱᑦ ᓈᒃᐸᑕ ᐃᖅᑲᓁᔭᕐᑎᑎᑐᑦ ᐊᕐᕌᒍᒥ ᐱᓇᓱᐊᕐᑐᑎᑐᑦ ᒧᐊᐱᒥᐅᑦ ᐱᔪᓐᓇᕐᓂᐊᓗᖏᑦ ᓄᖑᑦᓱᒫᕐᐳᑦ, ᐅᓄᕐᑐᓂᒃ ᐃᓄᖃᕋᓗᐊᕐᐳᖅ, ᐅᓄᖏᑦᑐᓂᒡᓕ ᐊᒥᐊᒃᑯᔪᒫᕐᐳᑦ, ᐊᒥᐊᒃᑰᔪᓪᓗ ᓄᑭᑭᑦᑑᓪᓗᑎᒃ.”

ᐂᓮᐊᓯᐅᑉ ᐊᒡᓚᖏᑦ 17:4

ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ ᔧᑰᑉ ᑭᖑᕚᖏᑦ ᓂᕐᑐᕐᓇᕈᓐᓃᕐᑎᑕᐅᔪᒫᕐᐳᑦ, ᐅᕕᓂᖏᑕ ᖁᐃᓂᓂᖓ ᓴᓗᒃᑎᑎᑕᐅᔪᒫᕐᒪᑦ.

ᐂᓮᐊᓯᐅᑉ ᐊᒡᓚᖏᑦ 25:2

ᐃᒡᓗᒐᓴᒡᔪᐊᑦ ᓱᓇᐅᔪᓐᓃᕐᑎᖃᑦᑕᕐᓯᒪᒐᕕᒋᑦ, ᐊᕙᓗᕐᔪᐊᓕᐅᕐᓯᒪᔫᒐᓗᐊᓪᓗ ᐊᓯᕈᕐᑕᐅᑎᖃᑦᑕᕐᓯᒪᓪᓗᒋᑦ, ᐊᑭᕅᑦ ᐊᖓᔪᖅᑳᕐᔪᐊᒥᖕᓄᑦ ᐃᒡᓗᕐᔪᐊᓕᐊᕆᓚᐅᕐᑕᖏᑦ ᓇᑉᐸᒃᑲᓐᓂᕐᓂᐊᕈᓐᓃᕐᑐᒥᒃ ᐅᕐᕉᕋᕐᑎᓯᒪᕙᑎᑦ.

ᐂᓮᐊᓯᐅᑉ ᐊᒡᓚᖏᑦ 7:16

ᓄᑲᑉᐱᐊᕐᓗ ᓇᖕᒥᓂᕐᓱᕐᓗᓂ ᐊᑐᕆᐊᖃᕐᑕᒥᓂᒃ ᓂᕈᐊᕈᓐᓇᓕᖅᑳᕐᑎᓐᓇᒍ ᐱᐅᖏᑦᑐᖅ ᓇᕐᕈᒋᓗᒍ ᐱᐅᔪᕐᓕ ᓂᕈᐊᖔᕐᓗᒍ, ᑍᒃᑯᐊᒃ ᐊᖓᔪᖅᑳᕐᔪᐊᒃ ᐃᓕᖕᓂᒃ ᓯᕘᕋᓵᕆᔫᒃ ᓄᓇᒋᔭᖏᒃ ᐃᓄᖃᕈᓐᓃᕈᒫᕐᐴᒃ.

ᐂᓮᐊᓯᐅᑉ ᐊᒡᓚᖏᑦ 7:8

ᓯᕆᐊᒥᐅᑦ ᑕᒫᓯᑰᓯᒥᒃ ᓂᐊᖁᖃᕐᒪᑕ, ᑕᒫᓯᑰᓯᒥᐅᓪᓗ ᓂᐊᖁᖃᕐᓗᑎᒃ ᕆᔨᓐᒥᒃ. ᐃᕗᕅᒥᐅᓪᓗ ᐃᓅᖃᑎᒌᖕᓂᖓᑦ ᐊᓯᕈᕐᑕᐅᔪᒫᕐᐳᖅ ᐊᕐᕌᒍᑦ 65 ᓈᓚᐅᕐᑎᓐᓇᒋᑦ, ᐃᓄᖃᕈᓐᓃᕈᒫᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 8:4

ᑖᓐᓇ ᓄᑲᑉᐱᐊᖅ ᐊᓈᓈᕈᓐᓇᕐᓯᓚᐅᕐᑎᓐᓇᒍ ᐊᑖᑖᕈᓐᓇᕐᓯᓚᐅᕐᑎᓐᓇᒍᓗ ᓱᓕ, ᑕᒫᓯᑰᓯᒥᐅᑦ ᐊᔪᕐᓴᖏᑦᔪᑎᖏᑦ ᓴᒥᐊᕆᐊᕐᒥᐅᓪᓗ ᓵᓚᒃᓴᕈᑎᒋᓯᒪᔭᖏᑦ ᐊᐅᓪᓚᕈᑦᔭᐅᔪᒫᕐᐳᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ.”

ᕼᐆᓯᐊᑉ ᐊᒡᓚᖏᑦ 1:4

ᐊᑕᓂᕐᓗ ᐅᖃᕐᐳᖅ ᕼᐆᓯᐊᒧᑦ, “ᐊᑦᓯᕈᒃ ᔨᔭᕆᐅᓪᒥᒃ; ᐊᑯᓂᐅᑦᔮᔪᓐᓁᕐᒪᑦ, ᓱᒋᐊᕐᓯᓂᕆᓂᐊᕐᑕᕋ ᔨᕼᐆᑉ ᑭᖑᕚᖏᓐᓂᒃ ᔨᔭᕆᐅᑉ ᑐᖁᕋᕐᑕᐅᓯᒪᓂᖓᓄᑦ, ᐃᓴᕆᐊᓕᒥ ᐊᖓᔪᖅᑳᕐᔪᐊᖃᕐᓂᖅ ᓄᖅᑲᕐᑎᓐᓂᐊᓕᕋᒃᑯ.

ᕼᐆᓯᐊᑉ ᐊᒡᓚᖏᑦ 1:6

ᒎᒪᓗ ᕿᑐᕐᖓᕐᑖᒃᑲᓐᓂᕐᐳᖅ ᐸᓂᒃᑖᕐᓗᓂᓗ. ᐊᑕᓂᕐᓗ ᐅᖃᕐᐳᖅ ᕼᐆᓯᐊᒧᑦ, “ᐊᑦᓯᕈᒃ ‘ᓘ-ᕈᕼᐊᒪᒥᒃ,’ ᓂᑲᒋᓂᐊᕈᓐᓃᕋᒃᑭᑦ ᐃᓴᕆᐊᓕᒥᐅᑦ ᑭᖑᕚᖏᑦ, ᐃᓱᒪᒋᔪᓐᓁᕐᕕᒋᓂᐊᕈᓐᓃᕐᓗᒋᓪᓗ.

ᕼᐆᓯᐊᑉ ᐊᒡᓚᖏᑦ 10:14

ᑍᒤᒻᒪᑦ ᐅᓇᑕᕐᓂᕐᒥᒃ ᓴᖅᑭᑦᑐᖃᕈᒫᕐᐳᖅ ᐃᓅᖃᑎᑦᓯᓐᓂ, ᓴᐴᓗᑕᓕᖁᑎᓕᒫᓯᓗ ᐊᓯᕈᕐᑕᐅᔪᒫᕐᐳᑦ, ᓵᓪᒪᓂᐅᑉ ᐅᓇᑕᕐᑎᓪᓗᒋᑦ ᐊᓯᕈᐃᓚᐅᕐᓯᒪᓂᖓᑐᑦ ᐱᑦ-ᐊᕐᐱᐅᓪᒥᒃ; ᐊᓈᓇᐅᔪᑦ ᒪᓂᖅᑲᒦᑦᑐᑦ ᑐᖁᑕᐅᓚᐅᕐᐳᑦ ᕿᑐᕐᖓᑎᒃ ᐃᓚᒋᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 3:4

ᑍᒫᒃᑕᐅᖅ ᐃᓴᕆᐊᓕᐅᑉ ᐃᓄᖏᑦ ᐃᓅᔭᕆᐊᖃᕈᒫᕐᐳᑦ ᐊᑯᓂ ᐊᖓᔪᖅᑳᕐᔪᐊᖃᖏᓪᓗᑎᒃ ᓯᕗᓕᕐᑎᖃᖏᓪᓗᑎᒡᓗ, ᑐᓂᕐᕈᓯᖃᑦᑕᖏᓪᓗᑎᒃ ᐅᔭᕋᖕᓂᒡᓗ ᓇᐸᔪᓂᒃ ᐊᑐᖏᓪᓗᑎᒃ, ᒎᑎᓐᖑᐊᓂᒡᓘᓐᓃᑦ ᖃᐅᔨᓇᓱᐊᕈᑕᐅᕙᒃᑐᓂᒃ ᐊᑐᖏᓪᓗᑎᒃ.

ᕼᐆᓯᐊᑉ ᐊᒡᓚᖏᑦ 8:8

ᐃᓴᕆᐊᓕ ᐄᔭᐅᓯᒪᕗᖅ; ᒫᓐᓇ ᐃᓅᖃᑎᒌᒡᔪᐊᓃᓕᕐᒪᑕ ᐴᒍᑕᕐᑎᑐᑦ ᐊᑑᑎᖃᖏᑦᑐᑎᑐᑦ ᑍᒤᓕᕐᐳᑦ.

ᕼᐆᓯᐊᑉ ᐊᒡᓚᖏᑦ 9:11

ᐃᕗᕅᑎᒥᐅᓪᓕ ᐱᓐᓇᕐᓇᕐᓂᖓ ᑎᖏᔪᒫᕐᐳᖅ ᑎᖕᒥᐊᑎᑐᑦ ᐃᕐᓂᐊᖑᔪᖃᕋᓂ, ᓯᖎᔪᖃᕋᓂ, ᕿᑐᕐᖓᒃᓴᕐᑖᕐᑐᖃᕋᓂᓗ.

ᐂᒨᓯᐅᑉ ᐊᒡᓚᖏᑦ 8:14

ᐊᖏᕈᑎᓕᐅᕐᑐᓪᓗ ᓴᒥᐊᕆᐊᑉ ᒎᑎᓐᖑᐊᖓᒍᑦ ᐊᓯᒪᒃᑯᑦ, ᐃᒫᒃ ᐅᖃᕐᓗᑎᒃ, ‘ᑖᓐ ᑭᖑᕚᖏᑦ ᒎᑎᓯ ᐃᓅᖕᒪᑦ! ᐱᐊᕐᓯᐸᐅᓪᓗ ᒎᑎᖓ ᐃᓅᖕᒪᑦ!’ ᑖᒃᑯᐊ ᐅᕐᕈᔪᒫᕐᐳᑦ ᒪᑭᓐᓂᐊᕈᓐᓁᕐᓗᑎᒡᓗ.”