ᐂᓮᐊᓯᐅᑉ ᐊᒡᓚᖏᑦ 17:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐃᓄᒋᐊᒃᑐᕐᔪᐊᑦ ᓂᓪᓕᐊᔪᕐᔪᐊᖑᓕᕐᐳᑦ ᐃᒪᕐᔪᐃᑦ ᓂᐱᕐᔪᐊᖏᑎᑐᑦ, ᑖᑦᓱᒪᓕ ᐃᓂᕐᑎᕈᒫᕐᐰᑦ, ᕿᒫᓕᕈᒫᕐᐳᑦ ᐅᖓᓯᒃᑐᒧᑦ, ᓂᐊᖂᔭᒃᓴᐅᑉ ᓄᕗᖏᑕ ᐴᖓᑐᑦ ᐃᓗᓕᖃᖏᑦᑐᑐᑦ ᖃᖅᑲᐅᑉ ᖄᖏᑎᒍᑦ ᑎᒃᑕᐅᔪᑎᑐᑦ ᐊᓄᕆᒧᑦ, ᐃᕕᒐᕐᑎᑐᓪᓗ ᐅᓚᓗᔨᕋᕐᑐᒧᑦ ᖃᖓᑕᕋᕐᑎᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 17:13 Iomraidhean Croise

ᔫᐱᐅᑉ ᐊᒡᓚᖏᑦ 21:18

ᐃᕕᒃᑎᑐᑦ ᐊᓄᕆᒧᑦ ᐊᐅᓚᑕᐅᔪᑎᑐᑦ ᑍᒤᓐᖏᓛᑦ, ᐅᕝᕙᓗ ᓴᓂᕐᑎᑐᑦ ᐊᓄᕆᒧᑦ ᑎᒃᑕᐅᔪᑎᑐᑦ ᑍᒤᓐᖏᓚᑦ?

ᔫᐱᐅᑉ ᐊᒡᓚᖏᑦ 38:11

ᐅᖃᐅᑎᓪᓗᒍᓗ, ‘ᑎᑭᑦᓴᕆᐊᖃᕐᑕᕕᑦ ᐅᖓᑖᓅᕆᐊᖃᓐᖏᓚᑎᑦ, ᐃᖏᐅᓕᒡᔪᐊᑎᓪᓗ ᑕᒪᐅᖓ ᓄᖅᑲᕆᐊᖃᕐᐳᑦ.’

ᐃᓐᖏᕈᑎᑦ 1:4

ᒎᑎᖃᖏᑦᑐᓪᓕ ᑍᒤᓐᖏᓚᑦ, ᓂᐊᖂᔭᒃᓴᐅᑉ ᓴᓂᖏᑎᑐᑦ ᑍᒤᑉᐳᑦ, ᐊᓄᕆᒧᑦ ᑎᒃᑕᐅᔪᑎᑐᑦ.

ᐃᓐᖏᕈᑎᑦ 35:5

ᓂᐊᖂᔭᒃᓮᑦ ᓴᓂᖏᑎᑐᑦ ᑎᒃᑕᐅᓕᕐᓕᑦ ᐊᓄᕆᒧᑦ, ᐊᑕᓂᐅᓪᓗ ᐂᖏᓕᖓᑕ ᕿᒫᑎᓪᓕᒋᑦ.

ᐃᓐᖏᕈᑎᑦ 65:7

ᐃᒪᕐᔪᐃᑦ ᒥᕿᑦᑕᕐᕙᓗᖏᑦ ᓂᐸᖏᕐᑎᑉᐸᑎᑦ, ᐃᖏᐅᓕᖕᓂᖏᑕ ᒥᑭᑦᑕᕐᕙᓗᒡᔪᐊᖏᑦ, ᐃᓅᖃᑎᒌᓪᓗ ᐅᐃᒪᔮᕐᓂᖏᑦ ᓄᖅᑲᕐᑎᑉᐸᑎᑦ.

ᐃᓐᖏᕈᑎᑦ 65:8

ᐅᖓᓯᖕᓂᕐᐹᓂᓗ ᐃᓂᖃᕐᑐᑦ ᓇᓗᓁᒃᑯᑕᑎᑦ ᑲᑉᐱᐊᒋᕔᑦ; ᐅᓪᓛᑉ ᐅᓐᓄᐊᓪᓗ ᐃᖏᕐᕋᓂᖏᑦ ᖁᕕᐊᓱᒃᑎᑉᐸᑎᑦ.

ᐃᓐᖏᕈᑎᑦ 9:5

ᐃᓅᖃᑎᒌᒡᔪᐊᑦ ᐃᓂᕐᑎᕐᐸᑎᑦ, ᐱᐅᖏᑦᑐᓕᔪᓪᓗ ᑐᖁᓪᓗᒋᑦ; ᐊᑎᖏᓪᓗ ᓄᖑᑎᑉᐸᑎᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 14:25

ᐊᓯᕆᐊᒥᐅᑦ ᐊᓯᕈᕈᒫᕐᐸᒃᑲ ᓄᓇᖁᑎᓐᓂᑦ; ᖃᖅᑲᖁᑎᓐᓃᑦᑐᑦ ᑐᓪᓕᕋᕈᒫᕐᐸᒃᑲ, ᐃᓄᖁᑎᒃᑲ ᓴᒃᑯᑕᐅᑎᑦᓱᒫᕐᐸᒃᑲ ᐅᖁᒤᒃᓴᕐᑎᑕᐅᓂᖏᓐᓂᓪᓗ ᐲᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 21:15

ᑍᒃᑯᐊ ᕿᒫᓯᒪᖕᒪᑕ ᓴᕕᒡᔪᐊᓂᒃ ᑖᒃᑯᓂᖓ ᑐᖁᑦᓯᓇᓱᐊᕐᑐᓂᒃ, ᐱᑎᒃᓯᓂᓪᓗ ᑖᒃᑯᓄᖓ ᑐᕌᕐᑎᑕᐅᔪᓂᒃ, ᐅᓇᑕᕐᓂᕐᒧᓪᓗ ᑲᑉᐱᐊᓇᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 22:18

ᑭᕕᒡᓗᓂᑎᑦ ᐊᕐᓴᕐᑎᑐᑦ ᐃᒋᑦᓱᒫᕐᐹᑎᑦ ᓄᓇᒧᑦ ᓄᓇᖃᕐᕕᒋᔭᑦᓯᓐᓂᑦ ᐊᖏᓂᕐᓴᒧᑦ; ᑍᑲᓂᓗ ᑐᖁᔪᒫᕐᐳᑎᑦ ᐊᒃᓴᓗᐊᓕᖁᑎᕕᑦ ᕿᒧᒃᓯᐅᑎᓄᑦ ᐅᓂᐊᕐᑕᐅᓲᑦ ᐅᐱᒋᓂᕐᐹᕆᔭᕕᑦ ᓴᓂᐊᓂ, ᐊᖓᔪᖅᑳᕕᑦ ᐃᒡᓗᖓᓂ ᑕᓗᕈᒃᑯᓐᓇᕐᓯᒐᕕᑦ.

ᐂᓮᐊᓯᐅᑉ ᐊᒡᓚᖏᑦ 27:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᓴᕕᒡᔪᐊᓂ ᐊᖏᔪᖅ ᓴᓐᖏᔫᓪᓗᓂᓗ ᑲᑉᐱᐊᓇᕐᑐᖅ ᓱᒋᐊᕐᓯᑦᔪᑎᒋᔪᒫᕐᐹ ᓕᕔᐊᑕᓐᒥᒃ ᕿᒫᓯᒪᓪᓗᓂ ᖁᒡᓗᒋᐊᖅ, ᓕᕔᐊᑕᓐ ᖃᓄᑐᐃᓐᓇᖅ ᓂᒪᒡᓗᓂ ᐊᐅᓚᔪᓐᓇᕐᑐᖅ ᓂᒥᕆᐊᕐᔪᐊᖅ, ᐆᒪᔪᕐᓗᒃ ᑐᖁᑦᓱᒫᕐᐹ ᑕᕆᐅᕐᔪᐊᒥ.

ᐂᓮᐊᓯᐅᑉ ᐊᒡᓚᖏᑦ 29:5

ᐊᑭᕋᑎᑦ ᐅᓄᕐᑐᕐᔪᐊᑦ ᐳᔪᕐᓗᒃᑎᑐᑦ ᒥᑭᔫᑎᑐᑦ ᑍᒤᑦᓱᒫᕐᐳᑦ, ᐅᓄᕐᑐᕐᔪᐊᑦ ᓂᑲᒍᓱᖃᖏᑦᑐᑦ ᓂᐊᖂᔭᒃᓴᐅᑉ ᓴᓂᖓᑐᑦ ᑎᒃᑕᐅᔪᑐᑦ ᐊᑦᔨᖃᕈᒫᕐᐳᑦ, ᑕᕝᕙᓐᖓᑦᓮᓐᓇᖅ, ᑕᕝᕙᑦᓴᐅᑎᒋᓗ.

ᐂᓮᐊᓯᐅᑉ ᐊᒡᓚᖏᑦ 30:28

ᐊᓂᕐᓵᕐᓂᖓ ᑰᒃᑎᑐᑦ ᑰᒃᑐᕐᔪᐊᑎᑐᑦ ᑍᒤᑉᐳᖅ ᖁᖓᓯᕐᒧᑦ ᑎᑭᐅᒪᓕᕐᑐᑎᑐᑦ; ᐃᓅᖃᑎᒌᒡᔪᐊᑦ ᓴᓃᔭᕐᑕᐅᔪᑎᑐᑦ ᐱᓇᓱᐊᕐᕕᒋᔪᒫᕐᐰᑦ; ᖃᓂᖏᓐᓄᓪᓗ ᐃᓕᓯᓗᓂ ᕿᒻᒥᕐᔪᐊᑦ ᖃᓂᖏᓐᓄᑦ ᑕᓯᒍᐊᕐᕕᐅᓲᓂᒃ, ᑍᒫᒃ ᑕᓯᐅᕐᓂᐊᕐᓗᒋᑦ ᑕᒻᒪᕐᓇᕐᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 34:17

ᐊᑕᓂᐅᑉ ᓄᓇᖁᑎᒃᓴᖏᓐᓂᒃ ᐊᑐᓂᑦ ᐱᑖᕐᑎᓚᐅᕐᒪᒋᑦ ᓇᓚᐅᑦᑖᕈᑎᒃᑯᑦ, ᐱᔪᓐᓇᕐᓂᕐᒥᓄᑦ ᐊᒡᒍᐃᑦᔪᑎᓚᐅᕐᐰᑦ ᓄᓇᖁᑎᒋᓂᐊᕐᑕᖏᓐᓂᒃ; ᑖᒃᑯᐊᓗ ᐃᓂᒋᔪᒫᕐᐰᑦ ᐃᓱᖃᖏᑦᑐᒧᑦ; ᑭᖑᕚᕇᓂᑦ ᑭᖑᕚᕇᓄᑦ ᐃᓂᒋᔪᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 40:15

ᑕᑯᒋᑦ, ᓯᓚᕐᔪᐊᕐᒥ ᐃᓅᖃᑎᒌᒡᔪᐊᑦ ᖃᑦᑕᕐᒥᑦ ᑯᓯᕐᓂᑯᑐᐃᓐᓇᕐᑐᑦ ᐃᓱᒪᓇᕐᐳᑦ, ᓯᐅᕋᒐᓛᑯᓗᑎᑐᓪᓗ ᐃᓱᒪᓇᕐᓗᑎᒃ ᐅᖁᒤᓐᓂᕐᓂᐊᕐᕕᖕᒥ, ᑕᑯᒋᓪᓗ ᕿᑭᕐᑍᑦ ᒥᑭᔪᒍᓗᒃᑎᑐᑦ ᖃᖓᑦᑕᕐᑎᑉᐰᑦ.

ᐂᓮᐊᓯᐅᑉ ᐊᒡᓚᖏᑦ 40:24

ᐱᕈᕐᓯᐊᖑᓕᕋᑖᕐᑎᓪᓗᒋᑦ, ᐱᕈᕐᓯᐊᒃᓴᑐᑦ ᐃᓕᔭᐅᕋᑖᕐᑐᑎᑐᑦ ᓄᓇᒧᑦ, ᒪᖑᒃᓯᒪᓂᖏᑦ ᐱᕈᓕᕐᑎᓪᓗᒋᑦ ᓱᐱᖕᒪᒋᑦ ᑐᖁᓕᕗᑦ, ᐊᖅᑯᓇᕐᒧᑦ ᑎᑭᑕᐅᑲᓪᓚᒃᑲᒥᒃ ᑎᒃᑕᐅᕋᕐᐳᑦ ᑭᓪᓗᕐᑕᐅᓂᕕᓂᕐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 41:11

ᑕᑯᒋᑦ, ᐃᓕᖕᓂᒃ ᐆᒥᓱᒃᑐᓕᒫᑦ ᑲᓐᖑᓱᒃᑎᑕᐅᔪᒫᕐᐳᑦ ᒥᑕᐅᑎᒋᔭᐅᓗᑎᒡᓗ; ᐃᓕᖕᓂᒡᓗ ᐊᑭᕋᕐᑐᕐᑐᑦ ᓱᓇᐅᔪᓐᓃᕐᓗᑎᒃ ᓄᖑᑦᓱᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 8:7

ᑍᒤᒻᒪᑦ, ᑕᑯᒋᑦ ᐊᑕᓂᐅᑉ ᑎᑭᑕᐅᑎᓐᓂᐊᓕᕐᐰᑦ ᑰᖕᒧᑦ ᐃᒪᕐᔪᐊᕐᒧᑦ, ᓲᖑᔪᕐᔪᐊᒧᑦ ᐊᖏᔪᕐᔪᐊᒧᓪᓗ, ᑕᕝᕙ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐱᓐᓇᕐᓇᕐᓂᕐᔪᐊᖓᓄᓪᓗ; ᑰᖕᒧᑦ ᖄᒥᑕᐅᔪᑎᑐᑦ ᕾᕈᓱᓕᒫᖏᑦ ᓱᓪᓗᓕᒫᖏᓪᓗ ᑰᒐᓛᓕᒫᖏᓪᓗ ᑕᑕᑕᐅᔪᒫᕐᐳᖅ ᐅᓕᒃᑕᐅᓗᑎᒃ;

ᑖᓂᐊᓕᐅᑉ ᐊᒡᓚᖏᑦ 2:35

ᑕᕝᕔᓐᓇᖅ ᓴᕕᕋᔭᒡᓗ, ᔭᕐᕋᕐᓗ, ᖃᑯᕐᓕᓗ, ᓯᐅᓪᕕᕆᓗ, ᒎᓗᐃᓪᓗ, ᐊᑕᐅᑦᓯᒃᑯᑦ ᓯᖁᒥᑉᐳᑦ, ᓂᐊᖂᔭᒃᓴᓕᐅᕐᕕᖕᒥ ᐊᐅᔭᒃᑯᑦ ᓂᐊᖂᔭᒃᓴᓕᐅᕐᓂᑯᑐᑦ ᓴᓂᐅᓕᕐᓗᑎᒃ, ᐊᓄᕆᒧᑦ ᑎᒃᑕᐅᕗᑦ ᐊᒥᐊᒃᑯᓇᑎᒃ. ᐅᔭᕋᒃᔪᐊᕐᓕ ᐃᓄᓐᖑᐊᒥᒃ ᒥᓗᕐᓯᔪᖅ ᖃᖅᑲᕐᔪᐊᖑᓕᕐᐳᖅ ᓄᓇᕐᔪᐊᒥᒃ ᓈᓯᓪᓗᓂ.

ᕼᐆᓯᐊᑉ ᐊᒡᓚᖏᑦ 13:3

ᑍᒤᒻᒪᑦ ᐊᑦᔨᖃᕈᒫᕐᐳᑦ ᐅᓪᓛᒥ ᐳᔪᕐᑎᑐᑦ ᐅᕝᕙᓗ ᐅᓪᓛᒃᑯᑦ ᖃᑯᐊᕐᓯᒪᔪᑎᑐᑦ ᐊᐅᒃᑕᐅᓕᕋᒥ ᐊᓯᐅᕙᓪᓕᐊᔪᑐᑦ, ᓂᐊᖂᔭᒃᓴᐅᑉ ᓯᓚᑉᐱᐊᖓᑐᑦ ᑎᒃᑕᐅᔪᑎᑐᑦ ᐃᕖᔧᕕᖕᒥᑦ ᐅᕝᕙᓗ ᐳᔫᕐᑐᑎᑐᑦ ᐃᒐᓛᒃᑯᑦ.

ᔨᐸᓁᐊᐅᑉ ᐊᒡᓚᖏᑦ 2:2

ᐊᐅᓪᓚᕐᑎᑕᐅᓚᐅᖏᓐᓂᑦᓯᓐᓂ ᓂᐊᖂᔭᒃᓴᐅᑉ ᓴᓂᖓᑕ ᑎᒃᑕᐅᓂᖓᑐᑦ, ᐊᑕᓂᐅᑉ ᓂᓐᖓᐅᓯᖓᑕ ᑲᑉᐱᐊᓇᕐᓂᖓᓄᑦ ᑎᑭᑕᐅᓚᐅᖏᓐᓂᑦᓯᓐᓂ, ᐅᓪᓗᕐᒧᑦ ᐊᑕᓂᐅᑉ ᓂᓐᖓᐅᓯᖓᓄᑦ ᑎᑭᑕᐅᓚᐅᖏᓐᓂᑦᓯᓐᓂ.