ᐂᓮᐊᓯᐅᑉ ᐊᒡᓚᖏᑦ 16:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑕᕝᕙ ᑍᕕᑎᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ ᐊᖓᔪᖅᑳᕐᔪᐊᕐᑖᕈᒪᕐᐳᑦ, ᐃᓄᖁᑎᓂᓗ ᐊᐅᓚᑦᓱᒫᕐᐰᑦ ᓱᕐᕋᔪᐃᑦᑐᒥᒃ ᓇᒡᓕᖕᓂᕐᒧᑦ, ᐃᓱᐊᕐᑐᒥᒃ ᐱᓇᓱᐊᕈᒫᕐᐳᖅ ᑕᒪᕐᒥᒡᓗ ᐊᑦᔨᒌᑦᓯᐊᕐᑐᒥᒃ ᐱᓇᓱᐊᕐᕕᐅᑎᑦᓱᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 16:5 Iomraidhean Croise

ᓴᒧᐃᓕ ᐂᑉᐸᖏᑦ 23:3

ᐃᓴᕆᐊᓕᐅᑉ ᒎᑎᖓ ᐅᖃᓚᐅᕐᐳᖅ; ᐃᓴᕆᐊᓕᐅᑉ ᓴᐳᑦᔨᔨᖓ ᐅᕙᓐᓄᑦ ᐅᖃᓚᐅᕐᐳᖅ: ᐊᖓᔪᖅᑳᕐᔪᐊᖅ ᐊᐅᓚᑦᓯᔪᖅ ᓱᓕᑦᓯᐊᕐᑐᒥᒃ, ᐊᐅᓚᑦᓯᔪᖅ ᓈᓚᑦᓯᐊᕐᓗᓂ ᒎᑎᒥᒃ,

ᓴᒧᐃᓕ ᐂᑉᐸᖏᑦ 5:9

ᐊᕙᓗᕐᔪᐊᓕᒡᓗ ᑎᒍᔭᕇᕋᒥᐅᒃ, ᑍᕕᑎ ᑍᑲᓂ ᓄᓇᑖᓚᐅᕐᐳᖅ, ᐊᑦᑎᕐᓗᒍᓗ ᑍᕕᑎᐅᑉ ᐃᒡᓗᒐᓴᖏᓐᓂᒃ. ᐃᒡᓗᒐᓴᓕᐅᓚᐅᕐᐳᕐᓗ ᑲᓂᒋᔭᖓᓃᑦᑐᓂᒃ, ᐱᒋᐊᕐᓗᓂ ᓄᓇᒥᑦ ᐳᕐᑐᓯᒋᐊᕐᓯᒪᔪᒥᑦ ᐱᖑᐊᕐᔫᑉ ᓯᕿᓂᐅᑉ ᓄᐃᕕᐊᓃᑦᑐᒥᑦ ᐃᒡᓗᒐᓮᑦ ᒥᒃᓯᖔᖓᓄᑦ ᑎᑭᓪᓗᑎᒃ.

ᓴᒧᐃᓕ ᐂᑉᐸᖏᑦ 7:16

ᑭᖑᕚᑎᓪᓕ ᐊᑕᓂᐅᕖᓪᓗ ᓱᖁᓯᔪᐃᑦᑑᑎᑦᓱᒪᕙᒃᑲ ᐃᓱᖃᖏᑦᑐᒧᑦ; ᐊᖓᔪᖅᑲᐅᓃᓪᓗ ᑲᔪᓯᓂᐊᕐᐳᖅ ᐃᓱᖃᖏᑦᑐᒧᑦ.’”

ᐊᑕᓃᑦ ᓯᕗᓪᓖᑦ 10:9

ᐊᑕᓂᖅ ᓂᕐᑐᕐᑕᐅᓕ ᒎᑎᒋᔧᑦ! ᐃᓕᖕᓂᒃ ᖁᕕᐊᓲᑎᖃᕐᓂᖓ ᐊᖓᔪᖅᑳᕐᔪᐊᓐᖑᕐᑎᓪᓗᓂᑎᒃ ᐃᓴᕆᐊᓕᒥᐅᓄᑦ. ᓇᒡᓕᖕᓂᖓ ᐃᓴᕆᐊᓕᒥᐅᓄᑦ ᐃᓱᖃᖏᑦᑑᖕᒪᑦ, ᐊᖓᔪᖅᑳᕐᔪᐊᓐᖑᕐᑎᒻᒪᑎᑦ ᑖᒃᑯᓄᖓ ᐊᐅᓚᑦᓯᑦᓯᐊᕈᓐᓇᕋᕕᑦ ᐱᖁᔭᓂᒃ ᐃᖅᑲᕐᑐᐃᑦᓯᐊᕐᓂᕐᓂᒡᓗ.”

ᑯᕉᓂᑲ ᐂᑉᐸᖏᑦ 31:20

ᕼᐃᓯᑬᐊ ᑍᒫᒃ ᐱᓇᓱᐊᓚᐅᕐᐳᖅ ᔫᑕᓕᒫᒥ; ᐱᐅᔪᒥᒃ ᓈᒻᒪᒃᑐᒥᒡᓗ ᑲᔪᓯᑦᓯᐊᕐᓗᓂ ᐱᓇᓱᐊᓚᐅᕐᐳᖅ ᐊᑕᓂᐅᑉ ᒎᑎᖓᑕ ᑕᑯᓐᓇᕐᑕᖓᒍᑦ.

ᐃᓐᖏᕈᑎᑦ 85:10

ᓇᒡᓕᖕᓂᖅ ᓱᖁᓯᔪᐃᑦᑐᖅ ᓱᕐᕋᔪᐃᑦᑑᓂᕐᓗ ᐃᒻᒥᖕᓄᑦ ᑲᑎᓂᐊᕐᐴᒃ; ᐃᓱᐊᕐᑐᓕᓂᕐᓗ ᖃᓄᐃᖏᑦᓯᐊᕐᓂᕐᓗ ᐃᒻᒥᖕᓄᑦ ᑯᓂᖃᑦᑕᐅᑎᓂᐊᕐᐴᒃ.

ᐃᓐᖏᕈᑎᑦ 89:14

ᐃᓱᐊᕐᑐᓕᓂᖅ ᐋᖅᑭᒃᓱᐃᑦᓯᐊᕐᓂᕐᓗ ᐊᖓᔪᖅᑳᕐᔪᐊᖑᓂᕐᐱᑦ ᑐᓐᖓᕕᒋᕚᒃ; ᓇᒡᓕᖕᓂᖅ ᓱᖁᓯᔪᐃᓐᓂᕐᓗ ᐃᕝᕕᑦ ᓵᖓᓃᑉᐴᒃ.

ᐃᓐᖏᕈᑎᑦ 96:13

ᐊᑕᓂᖅ ᕾᓕᕐᒪᑦ, ᓄᓇᕐᔪᐊᕐᒥᐅᑦ ᐊᐅᓚᑦᓱᒪᓪᓗᒋᑦ. ᑖᑦᓱᒪ ᓄᓇᕐᔪᐊᕐᒥᐅᑦ ᐊᐅᓚᑦᓱᒫᕐᐰᑦ ᓈᒻᒪᓈᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᓱᓕᑦᓯᐊᕐᓂᕐᒥᒍᑦ.

ᐃᓐᖏᕈᑎᑦ 98:9

ᓄᓇᕐᔪᐊᕐᒥᒃ ᐊᐅᓚᑦᓯᔭᕐᑐᕐᓗᓂ ᑎᑭᒻᒪᑦ. ᓄᓇᕐᔪᐊᕐᒥᐅᑦ ᐃᓄᖏᑦ ᐊᐅᓚᓐᓂᐊᕐᐰᑦ ᓈᒻᒪᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᐊᑦᔨᒌᒃᑎᓐᓂᐊᕐᐰᑦ.

ᐃᓐᖏᕈᑎᑦ 99:4

ᐊᖓᔪᖅᑳᕐᔪᐊᖅ ᐊᔪᖏᑦᑐᕐᔪᐊᖑᔪᑎᑦ ᓇᒡᓕᒋᔭᖃᕐᐳᑎᑦ ᓈᒻᒪᓈᕐᓯᒪᔪᒥᒃ; ᐋᖅᑭᒃᓯᓯᒪᕗᑎᑦ ᑍᒤᓪᓘᐊᕇᒃᑎᑦᓯᓂᕐᒥᒃ; ᓈᒻᒪᓈᕐᓯᒪᔪᒥᒃ ᐃᓱᐊᕐᑐᓕᓂᕐᒥᒡᓗ ᐋᖅᑭᒃᓯᕗᑎᑦ ᔧᑯᒃᑯᓐᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:28

ᑲᒪᑦᓯᐊᕐᓂᖅ ᓱᖁᓯᔪᐃᓐᓂᕐᓗ ᐊᖓᔪᖅᑳᕐᔪᐊᑉ ᐱᓯᒪᔭᐅᑦᔪᑎᒋᕔᑦ, ᐃᒃᓯᕙᐅᑕᕐᔪᐊᖓᓗ ᒪᑭᑕᑎᑕᐅᕗᖅ ᐃᓱᐊᕐᑐᓕᓂᕐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:14

ᐊᖓᔪᖅᑳᕐᔪᐊᖅ ᐊᑦᔨᒌᒃᑐᒥᒃ ᐊᔪᕐᓴᕐᑐᓂᒃ ᐃᖅᑲᕐᑐᐃᒃᐸᑦ, ᑖᑦᓱᒪ ᐃᒃᓯᕙᐅᑕᕐᔪᐊᖓ ᐃᓱᖃᖏᑦᑐᒧᑦ ᐃᓕᖓᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 33:22

ᐊᑕᓂᖅ ᐃᖅᑲᕐᑐᐃᔨᒋᒐᑦᑎᒍ, ᐊᑕᓂᖅ ᐊᐅᓚᑦᓯᔨᒋᒐᑦᑎᒍ, ᐊᑕᓂᖅ ᐊᖓᔪᖅᑳᕐᔪᐊᕆᒐᑦᑎᒍ; ᑖᑦᓱᒪ ᐱᐅᓕᓂᐊᕐᐹᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 55:4

ᑕᑯᒋᑦᓯ, ᐃᓄᖕᓄᑦ ᖃᐅᔨᓯᒪᔪᖁᑎᒋᓪᓗᒍ ᓇᓗᓁᕐᓯᔨᒋᓚᐅᕐᐸᕋ, ᐊᖓᔪᖅᑳᓐᖑᕐᑎᓪᓗᒍ ᓯᕗᓕᕐᑎᐅᑎᓚᐅᕐᐸᕋ ᐃᓄᒐᓴᖕᓄᑦ.

ᑖᓂᐊᓕᐅᑉ ᐊᒡᓚᖏᑦ 7:14

ᑖᓐᓇ ᐊᖓᔪᖅᑲᐅᓂᕐᒥᒃ ᑐᓂᓯᕝᕕᐅᕗᖅ, ᐃᓅᖃᓐᓂᕐᓂᕐᒥᒡᓗ ᐊᖓᔪᖅᑲᐅᓂᕐᒥᒡᓗ; ᐃᓄᓕᒫᓪᓗ, ᐃᓅᖃᑎᒌᒡᔪᐃᓪᓗ ᓇᑭᑐᐃᓐᓇᖅ ᐱᓯᒪᔪᑦ ᖃᓄᑐᐃᓐᓇᕐᓗ ᐅᖃᐅᓯᓖᑦ ᑐᒃᓯᐊᕐᕕᒋᕚᑦ: ᐊᖓᔪᖅᑲᐅᕕᖓ ᐃᓱᖃᖏᑦᑐᒧᑦ ᐊᖓᔪᖅᑲᐅᓂᐅᕗᖅ ᐃᓱᓕᓐᓂᐊᕋᓂᓗ, ᐊᖓᔪᖅᑳᔪᐊᖑᕕᖓ ᑍᒪᓐᖓᑦ ᓵᓚᐅᓂᐊᓐᖏᓚᖅ.”

ᑖᓂᐊᓕᐅᑉ ᐊᒡᓚᖏᑦ 7:27

ᐊᖓᔪᖅᑲᐅᓂᖅ, ᐱᔪᓐᓇᕐᓂᕐᓗ, ᐊᖏᔫᓂᕐᓗ ᐊᑕᓂᐅᕕᖕᒥᑦ ᐱᔪᑦ ᕿᓚᐅᑉ ᐊᑖᓃᑦᑐᓕᒫᑦ ᑐᓂᔭᐅᔪᒫᕐᐳᑦ ᖁᑦᓯᖕᓂᕐᐹᑉ ᐃᑦᔪᕐᓁᑦᑐᖁᑎᖏᓐᓄᑦ, ᑖᑦᓱᒪ ᐊᑕᓂᐅᕕᖓ, ᐃᓱᖃᖏᑦᑐᒧᑦ ᐊᖓᔪᖅᑲᐅᓂᐅᔪᒫᕐᐳᖅ, ᐊᖓᔪᖅᑳᕐᔪᐊᓕᒫᓪᓗ ᐱᔨᑦᓯᕈᒫᕐᐹᑦ ᓈᓚᒡᓗᒍᓗ.’

ᐂᒨᓯᐅᑉ ᐊᒡᓚᖏᑦ 9:11

ᐊᑕᓂᖅ ᐅᖃᕐᐳᖅ, “ᐅᓪᓗᒥ ᑍᑲᓂ ᑍᕕᑎᐅᑉ ᐊᖓᔪᖅᑲᐅᕕᖓ ᑲᑕᒃᓯᒪᔪᖅ ᖃᕝᕕᕐᑎᑦᓱᒫᕐᐸᕋ, ᓱᕋᒃᓯᒪᔪᓪᓗ ᐊᖅᑭᒃᓲᕐᓗᒋᑦ, ᐅᕐᕈᓯᒪᔪᓪᓗ ᒪᑭᑎᓪᓗᒋᑦ, ᐱᐅᓯᕆᓚᐅᕐᓯᒪᔭᖏᑎᑐᓪᓗ ᐅᑎᕐᑎᓪᓗᒋᑦ.

ᒤᑲᐅᑉ ᐊᒡᓚᖏᑦ 4:7

ᑐᓯᐊᑦᑐᑦ ᐊᒥᐊᑰᑎᑦᓱᒫᕐᐸᒃᑲ, ᐊᐅᓪᓚᕈᑦᔭᐅᓯᒪᔪᓪᓗ ᓲᖑᓯᑎᑦᓱᒫᕐᐸᒃᑲ ᐃᓅᖃᑎᒌᒡᔪᐊᕐᖑᕐᑎᓪᓗᒋᑦ; ᐊᑕᓂᖅ ᐊᐅᓚᑦᓯᔪᒫᕐᒪᑦ ᑖᒃᑯᓂᖓ ᓮᐅᓂᐅᑉ ᖃᖅᑲᖓᓂᑦ ᒫᓐᓇᒥᑦ ᐃᓱᖃᖏᑦᑐᒧᓪᓗ.

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.