ᐂᓮᐊᓯᐅᑉ ᐊᒡᓚᖏᑦ 16:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᖁᕕᐊᓱᖕᓂᖅ ᐊᓕᐊᓁᒍᓱᖕᓂᕐᓗ ᐲᕐᑕᐅᓯᒪᖕᒪᑎᒃ ᐱᕈᕐᓰᕕᖕᒥᑦ ᐱᕈᑦᓯᐊᕐᕕᐅᕙᓚᐅᕐᑐᒥᑦ; ᐱᕈᕐᓰᕕᖕᓂ ᕔᓂᒃᓴᓕᐅᕐᕕᖕᓂ ᐃᓐᖏᕐᑐᖃᕈᓐᓃᕐᒪᑦ, ᕾᒐᓛᕐᓂᖃᕈᓐᓃᕐᓗᓂᓗ; ᕔᓂᒃᓴᓂᒃ ᐃᑦᑏᔧᔪᖃᕈᓐᓃᕆᕗᖅ ᕔᓂᓕᐅᕐᕕᖕᓂ; ᖁᕕᐊᓱᒡᕙᓗᒃᑐᓂᖅ ᑐᓴᕐᓴᐅᔪᖃᕈᓐᓃᕐᐳᖅ ᕔᓂᓕᐅᕐᕕᖕᓂ.

ᐂᓮᐊᓯᐅᑉ ᐊᒡᓚᖏᑦ 16:10 Iomraidhean Croise

ᔫᐱᐅᑉ ᐊᒡᓚᖏᑦ 24:11

ᓇᐹᕐᑑᑉ ᐸᐅᕐᖓᖏᓐᓂᒃ ᐃᑦᓰᔧᖃᑦᑕᕐᐳᑦ ᐅᕐᓱᒃᓴᓕᐅᕐᓗᑎᒃ; ᕔᓂᒃᓴᓂᒡᓗ ᑐᓪᓕᖃᑦᑕᕐᐳᑦ ᐃᑦᓰᔧᓪᓗᑎᒃ, ᐃᒥᕈᒃᑐᐊᓘᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 24:11

ᐊᖅᑯᑎᓂ ᕾᒐᓛᕐᑐᑦ ᑐᓴᕐᓴᐅᕗᑦ ᕔᓂᒥᒃ ᐃᒥᒐᒃᓴᒥᒃ ᐊᔪᕐᓇᕐᓯᖕᒪᑦ, ᖁᕕᐊᓇᕐᑐᖃᓚᐅᕐᓯᒪᑦᔮᖏᑦᑐᑎᑐᑦ ᑍᒤᓕᕐᐳᖅ, ᓄᓇᕐᔪᐊᕐᒥ ᖁᕕᐊᓇᕐᑐᖃᕈᓐᓃᕐᒪᑦ.

ᐂᓮᐊᓯᐅᑉ ᐊᒡᓚᖏᑦ 32:10

ᐊᕐᕌᒍ ᐊᓂᒍᕐᓯᒪᓕᕐᐸᑦ ᐅᓪᓗᐃᑦ ᐃᓚᖏᓐᓂ, ᓴᔪᒍᒫᕐᐳᓯ ᐃᓕᑦᓯ ᐊᕐᓁᑦ ᓈᒻᒪᑦᓯᐊᕐᑐᒥ ᐃᓂᖃᕐᑐᓯ; ᖁᐊᕐᓵᖓᓇᕐᑐᒧᑦ ᑎᑭᑦᓱᒫᕐᐳᓯ, ᐸᐅᕐᖎᑦ ᕔᓂᒃᓮᑦ ᐱᕈᕈᒫᖏᒻᒪᑕ, ᕔᓂᒃᓴᓂᒡᓗ ᑲᑎᕐᓱᐃᕕᒃ ᐱᑕᖃᕈᒫᖏᒻᒪᑦ.

ᔨᕆᒤᐊᐅᑉ ᐊᒡᓚᖏᑦ 48:33

ᖁᕕᐊᓲᑎᒃᓴᖃᕈᓐᓃᕐᐳᓯ ᓯᕆᑦᔪᑎᒃᓴᖃᕈᓐᓃᕐᓗᓯᓗ, ᒧᐊᐱᒥᐅᑦ ᐱᕈᕐᑎᑦᓯᕕᖏᓐᓂᑦ ᐱᕈᕐᓰᕕᖁᑎᖏᓐᓂᓪᓗ, ᕔᓃᑦ ᐃᑦᑏᔭᕐᕕᖏᓐᓂᑦ ᐱᔪᑦ ᓄᖅᑲᕐᑎᓐᓇᒃᑭᑦ, ᖁᕕᐊᓱᖕᓂᕐᒧᑦ ᓂᐱᐊᓘᓪᓗᑎᒃ ᑐᓪᓕᕐᐸᓚᐅᕐᑐᑦ ᐱᑕᖃᕈᓐᓃᕐᒪᑕ ᓲᕐᓗ ᓂᐱᐊᓗᐃᑦ ᑐᓴᕐᓴᐅᒐᓗᐊᕐᐳᑦ, ᖁᕕᐊᓱᖕᓂᕐᒧᓪᓕ ᓂᓪᓕᐊᓂᐅᓐᖏᓚᑦ.

ᐃᓯᑭᐊᓕᐅᑉ ᐊᒡᓚᖏᑦ 7:7

ᐃᓕᑦᓯᓐᓄᑦ ᓱᒋᐊᕐᑕᐅᕕᒃᓴᖅ ᓇᓪᓕᐅᑎᕗᖅ, ᐃᓕᑦᓯ ᓄᓇᒥ ᓄᓇᖃᕐᑐᓯ; ᓇᓪᓕᐅᓐᓂᖅ ᑎᑭᐅᑎᕗᖅ, ᐅᓪᓗᖅ ᖃᒡᓕᕗᖅ, ᐅᓪᓗᖅ ᐅᐃᒻᒪᒃᓯᒪᕕᒃ, ᖁᕕᐊᓱᒡᕙᓗᒃᑐᑦ ᓂᓪᓕᐊᓂᐊᕈᓐᓃᕐᐳᑦ ᖃᖅᑲᓂ.

ᔪᐃᓕᐅᑉ ᐊᒡᓚᖏᑦ 1:12

ᕔᓂᒃᓮᑦ ᐸᓂᕐᒪᑕ, ᓇᐹᕐᑐᐃᓪᓗ ᐸᐅᕐᖓᒃᓴᓖᑦ ᑐᖁᓕᖕᒪᑕ; ᓇᐹᕐᑐᐃᑦ ᐱᕈᕐᑐᓖᑦ ᐃᓘᓐᓇᑎᒃ ᑐᖁᓕᖕᒪᑕ, ᐃᓄᐃᑦ ᖁᕕᐊᓱᖕᓂᖏᑦ ᐊᓯᐅᕗᑦ.

ᐂᒨᓯᐅᑉ ᐊᒡᓚᖏᑦ 5:11

ᐊᔪᕐᓴᕐᑐᓂᒃ ᑐᓪᓕᕌᕋᑦᓯ ᐊᕐᓵᕋᑦᓯᐅᓪᓗ ᓂᐊᖂᔭᒃᓴᖏᓐᓂᒃ, ᑍᒫᒃᑕᐅᖅ, ᐃᒡᓗᕐᔪᐊᓕᐅᕐᓯᒪᒐᓗᐊᕐᑐᓯ ᐅᔭᕋᖕᓄᑦ ᓴᓇᔭᐅᓯᒪᔪᓄᑦ ᐃᓂᒋᓂᐊᓐᖏᓚᓯᓕ, ᐱᐅᔪᐊᓗᖕᓂᒡᓗ ᕔᓂᒃᓴᓂᒃ ᐱᕈᕐᓰᕕᓕᐅᕐᓯᒪᒐᓗᐊᕐᑐᓯ, ᐃᒥᕐᕕᒋᓂᐊᓐᖏᓚᓯᓕ.

ᐂᒨᓯᐅᑉ ᐊᒡᓚᖏᑦ 5:17

ᕔᓂᒃᓴᓂᒡᓗ ᐱᕈᕐᓰᕕᓕᒫᓂ ᕿᐊᓂᕐᔪᐊᖃᕈᒫᕐᐳᖅ, ᑕᒪᐅᓇ ᐃᓕᑦᓯᑎᒍᑦ ᐊᖅᑯᓵᕈᒫᕋᒪ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 9:13

ᐊᑕᓂᖅ ᐅᖃᕐᐳᖅ, “ᑕᑯᒋᑦ ᐅᓪᓗᐃᑦ ᕾᕗᑦ, ᐱᕈᕐᓰᕕᖕᒥᒃ ᒪᒃᐱᕐᑎᕆᔪᖅ ᑲᑎᕐᓱᐃᔪᒥᒃ ᐊᖑᓯᔪᒫᕐᐳᖅ. ᐸᐅᕐᖓᓂᒡᓗ ᑐᓪᓕᕋᕐᓗᒋᑦ ᕔᓂᓕᐅᕐᑐᖅ ᐊᖑᒻᒪᑎᓕᕐᓗᓂ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᔪᒥᒃ. ᖃᖅᑬᓪᓗ ᑰᒐᕈᒫᕐᐳᑦ ᕔᓂᒥᒃ ᓰᕐᓇᕐᑐᒥᒃ, ᐱᖑᓕᒫᓪᓗ ᑰᖃᓯᐅᑎᓕᕐᓗᑎᒃ.

ᔨᐸᓁᐊᐅᑉ ᐊᒡᓚᖏᑦ 1:13

ᑍᒤᒻᒪᑦ ᐱᖁᑎᖏᑦ ᐊᕐᓵᕐᓂᒐᐅᔪᒫᕐᐳᑦ, ᐃᒡᓗᖏᓪᓗ ᓯᖁᑦᑎᕐᑕᐅᔪᒫᕐᐳᑦ ᓱᓇᐅᔪᓐᓁᕐᓗᑎᒃ. ᐃᒡᓗᓕᐅᕈᒫᕐᐳᑦ ᐃᓂᒋᓂᐊᓐᖏᑕᒥᖕᓂᒃ; ᕔᓂᒃᓴᓕᐅᕈᒫᕐᐳᑦ ᐃᒥᕐᓂᐊᓐᖏᑕᒥᖕᓂᒃ.”

ᐃᓗᐊᕐᓮᔩᑦ ᐊᒡᓚᖏᑦ 9:27

ᑕᕝᕙᓐᖓᑦ ᐊᓂᕗᑦ ᐱᕈᕐᓰᕕᖕᓄᑦ, ᕔᓂᒃᓴᓂᒃ ᑲᑎᕐᓱᐃᓪᓗᑎᒃ ᕔᓂᒃᓴᓕᐅᕐᕕᖕᒥᖕᓂᑦ ᐃᑦᓰᔭᕐᓗᒋᓪᓗ, ᖁᕕᐊᓲᖃᑎᒌᒡᓗᑎᒃ. ᑐᒃᓯᐊᕐᕕᖕᒥᖕᓄᐊᕐᐳᓪᓗ ᒎᑎᓐᖑᐊᒥᖕᓄᑦ, ᑕᕝᕙᓂᓗ ᓂᕆᕗᑦ, ᐃᒥᕐᓗᑎᒡᓗ ᐃᔪᕿᑕᐅᑎᒋᕚᓪᓗ ᐊᐱᒥᓕᒃ.