ᐂᓮᐊᓯᐅᑉ ᐊᒡᓚᖏᑦ 14:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᓂᓐᖓᐅᒪᓂᕐᒥᖕᓄᑦ ᐃᓄᖕᓂᒃ ᐊᓇᐅᓕᕐᓯᕙᓚᐅᕐᑐᑦ ᓄᖅᑲᓚᐅᕐᓯᒪᓇᑎᒃ, ᐃᓅᖃᑎᒌᒡᔪᐊᓂᒡᓗ ᓵᓚᒋᓯᒪᔭᒥᖕᓂᒃ ᐊᖓᔪᖅᑲᐅᕕᖃᖃᑦᑕᓚᐅᕐᑐᑦ ᐊᑭᕋᕐᑐᕐᓗᒋᑦ ᓄᖅᑲᐅᑦᔨᓚᐅᕐᓯᒪᓇᑎᒃ.

ᐂᓮᐊᓯᐅᑉ ᐊᒡᓚᖏᑦ 14:6 Iomraidhean Croise

ᑯᕉᓂᑲ ᐂᑉᐸᖏᑦ 36:17

ᑍᒤᒻᒪᑦ ᑎᑭᑕᐅᑎᓚᐅᕐᐰᑦ ᑲᐅᓪᑎᐊᒥᐅᑦ ᐊᖓᔪᖅᑳᕐᔪᐊᖓᓄᑦ, ᑖᑦᓱᒪ ᐊᖑᑏᑦ ᐃᓅᓱᒃᑐᖁᑎᖏᑦ ᑐᖁᓚᐅᕐᐰᑦ ᓴᕕᒡᔪᐊᒧᑦ ᐃᒡᓗᖏᓐᓂ ᐃᑦᔪᕐᓁᑦᑐᕕᖕᒥᓗ, ᐃᓚᑦᓱᒋᓇᒋᑦ ᐊᖑᑏᑦ ᐃᓅᓱᒃᑐᑦ ᐊᕐᓁᓪᓗ ᐅᐃᒡᒐᓱᐃᑦ, ᐃᑦᑐᐃᑦ ᐃᓄᑐᕾᓪᓗ; ᑖᑦᓱᒪ ᑐᓂᔧᓐᓇᕆᓚᐅᕐᐰᑦ ᑖᑦᓱᒧᖓ.

ᔫᐱᐅᑉ ᐊᒡᓚᖏᑦ 9:13

ᒎᑎᐅᑉ ᓂᓐᖓᖕᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ; ᑖᑦᓱᒪ ᐊᑖᓄᑦ ᓰᖅᑯᕐᐳᑦ ᐃᑲᔪᕐᓯᒪᔪᑦ ᕅᕼᐊᐱᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:30

ᓯᓚᑐᓂᖅ, ᐃᓕᓯᒪᓂᕐᓗ, ᐃᓱᒪᒃᓴᕐᓯᐅᕈᓐᓇᕐᓂᕐᓘᓐᓃᑦ, ᓵᓚᖃᓕᕈᓐᓇᓐᖏᓚᑦ ᐊᑕᓂᕐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:15

ᓛᔭᑎᑐᑦ ᓂᓪᓕᐊᔪᑎᑐᑦ ᓇᓄᕐᑎᑐᓪᓗ ᐅᐸᒃᑐᕐᑐᑎᑐᑦ ᑍᒤᒃᑭᕗᖅ ᐱᐅᖏᓐᓂᕐᒥ ᐊᐅᓚᑦᓯᔪᖅ ᐃᓄᖕᓄᑦ ᐊᔪᕐᓴᕐᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 10:14

ᐊᖑᑎᑐᑦ ᒪᓐᓂᖕᓂᒃ ᓇᓂᓯᔪᑎᑐᑦ ᕿᒪᒃᑕᐅᓂᑯᓂᒃ, ᓄᓇᕐᔪᐊᕐᒦᑦᑐᓕᒫᑦ ᑲᑎᕐᓱᓚᐅᕐᐸᒃᑲ; ᓇᓪᓕᐊᓐᓂᒡᓘᓐᓃᑦ ᐃᓴᕈᖏᓐᓂᒃ ᐊᐅᓚᑦᔭᒃᑐᖃᓚᐅᓐᖏᓚᖅ, ᐂᑦᑕᕐᑐᖃᓚᐅᕋᓂᓗ ᐃᕐᓯᓵᕐᑐᒥᒃ ᓂᑦᔭᒃᑐᖃᓚᐅᓐᖏᓚᖅ.”

ᐂᓮᐊᓯᐅᑉ ᐊᒡᓚᖏᑦ 14:5

ᐊᑕᓂᐅᑉ ᓇᐱᓯᒪᕔᑦ ᐱᐅᖏᑦᑐᓕᔪᑦ ᐊᔭᐅᑉᐱᐊᖏᑦ, ᐊᖓᔪᖅᑳᕐᔪᐊᓪᓗ ᐱᖁᔨᔪᓐᓇᐅᑎᒥᓄᑦ ᑎᒃᑯᐊᕐᓯᑦᔪᑎᖏᑦ.

ᐂᓮᐊᓯᐅᑉ ᐊᒡᓚᖏᑦ 33:1

ᑲᑉᐱᐊᓐᓇᒦᒃ ᐊᓯᕈᐃᔨᐅᔪᑎᑦ, ᐃᕝᕕᑦ ᓇᖕᒥᓂᖅ ᐊᓯᕈᕐᑕᐅᓯᒪᖏᒃᑲᓗᐊᕐᑐᑎᑦ; ᐃᕝᕕᑦ ᐃᕐᓯᓇᕈᒪᔪᑎᑦ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᓚᐅᕐᓯᒪᓇᑎᑦ! ᐊᓯᕈᐃᖃᑦᑕᕈᓐᓃᕈᕕᑦ ᐊᓯᕈᕐᑕᐅᔪᒫᕐᐳᑎᑦ; ᐃᕐᓯᓵᕆᖃᑦᑕᕈᓐᓃᕋᓗᐊᕈᕕᑦ; ᐃᕐᓯᓵᕐᑕᐅᓕᕈᒫᕐᐳᑎᑦ.

ᔨᕆᒤᐊᐅᑉ ᐊᒡᓚᖏᑦ 25:26

ᐅᓐᓄᐊᓪᓗᐊᓪᓗ ᓇᓛᓂᑦᑐᑦ ᐊᖓᔪᖅᑳᕐᔪᐊᓕᒫᖏᑦ, ᖃᓂᑦᑐᒦᑦᑐᑦ ᐅᖓᓯᒃᑐᒦᑦᑐᓪᓗ. ᓄᓇᕐᔪᐊᕐᒥᐅᓕᒫᑦ ᐊᖓᔪᖅᑲᐅᕕᒃᔪᐊᖏᑦ ᑖᒃᑯᐊᓕᒫᑦ, ᓯᓵᒃᒥᐅᑦ ᐊᖓᔪᖅᑳᕐᔪᐊᖓᑦ ᐃᓚᒋᔭᐅᓗᓂ ᑖᑦᓱᒥᖓ ᐃᒥᕐᑐᒃᓴᐅᕗᑦ.

ᔨᕆᒤᐊᐅᑉ ᐊᒡᓚᖏᑦ 25:9

ᑕᑯᒋᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᐃᓄᓕᒫᖏᓐᓂᒃ ᑎᓕᓯᓂᐊᕐᐳᖓ, ᑭᒡᒐᓐᓂᒡᓗ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᕐᑎᓐᓂᐊᕐᐸᒃᑲᓗ ᓄᓇᒧᑦ ᑕᒪᐅᖓ ᐃᓅᖃᑎᒌᒡᔪᐊᓄᑦ, ᓄᓇᓕᐅᖃᑎᒋᔭᓕᒫᓯᓗ ᐊᓯᕈᕐᑕᐅᑎᓐᓂᐊᕐᐸᒃᑲ ᑲᑉᐱᐊᓲᑎᒃᓴᓐᖑᕐᑎᓪᓗᒋᓪᓗ ᐋᖅᑭᒃᑕᐅᒃᑲᓐᓂᕐᓂᐊᕈᓐᓃᕐᑐᒥᒃ ᓄᓇᓕᕕᓂᑐᐃᓐᓇᐅᓕᕐᑎᓐᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 48:17

ᕿᐊᑦᔪᑎᒋᓯᐅᒃ ᐃᓕᑦᓯ ᖃᓂᒋᔭᖓᓂ ᓄᓇᖃᕐᑐᓯ, ᖃᐅᔨᒪᔪᓯ ᐱᐅᒋᔭᐅᓂᕐᐹᖑᓂᖓᓂᒃ, ᐊᐅᓚᑦᓯᓂᖓᑕ ᐊᔭᐅᑉᐱᐊᖁᑎᖓ ᓱᕋᒃᑕᐅᖕᒪᑦ, ᐊᔭᐅᑉᐱᐊᖅ ᐃᓂᖁᓇᕈᑎᖓ ᓇᐱᔭᐅᕗᖅ.

ᔨᕆᒤᐊᐅᑉ ᐊᒡᓚᖏᑦ 50:31

“ᑕᑯᒋᑦ ᐊᑭᕋᕐᑐᕐᐸᒋᑦ ᐱᔪᓐᓇᕋᓱᒋᓗᐊᓚᐅᕋᕕᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐅᓪᓗᖅ ᓱᒋᐊᕐᑕᐅᕕᒃᓴᖅ ᓇᓪᓕᐅᑎᕗᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:21

ᐃᓄᐃᑦ ᑐᓵᒐᓗᐊᕋᒥᒃ ᐅᖁᒤᒃᓴᕐᓂᕆᔭᓐᓂᒃ ᓮᒻᒪᕐᓮᔪᒃᓴᕐᑕᖃᓐᖏᓚᖅ, ᐊᑭᕋᕐᑐᕐᑎᒃᑲ ᑐᓴᕋᒥᒃ ᐊᒃᓱᕈᕐᓂᕆᔭᓐᓂᒃ ᖁᕕᐊᓲᑎᖃᕐᐳᑦ ᖃᐅᔨᒐᒥᒃ ᓱᒋᐊᕐᑕᐅᓂᓐᓂᒃ ᐃᓕᖕᓄᑦ ᐃᖅᑲᕐᑐᐃᓂᕆᔪᒫᕐᓂᕋᕐᑍᑦ ᓇᓪᓕᐅᑎᑎᑦᔪᒃ, ᐅᕙᑦᑐᑦᑕᐅᖅ ᐅᖁᒤᓐᓇᕐᑐᒦᑎᒋᓕᖁᓪᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 4:35

“ᐃᓄᐃᑦ ᓄᓇᕐᔪᐊᒥ ᐃᓂᖃᕐᑐᑦ ᓱᓇᐅᖏᑦᑐᑎᑐᑦ ᑍᒤᒻᒪᑕ, ᐃᓱᒪᒥᓂᒃ ᕿᓚᖕᒥᐅᒐᓴᒃᔪᐃᑦ ᐊᐅᓚᑎᑉᐰᑦ, ᓄᓇᒦᑦᑐᓪᓗ ᐃᓄᐃ ᐃᓱᒪᒥᓂᒃ ᐊᐅᓚᑎᑉᐰᑦ: ᐱᔪᓐᓇᕐᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ, ᐅᖃᐅᑎᔭᐅᔪᓐᓇᕋᓂᓗ, ‘ᓱᖕᒪᑦ ᑍᒤᓕᐅᕐᐲᑦ?’

ᕼᐊᐸᑲᐅᑉ ᐊᒡᓚᖏᑦ 1:17

ᓄᓗᐊᕐᑎᑕᒥᓂᑦ ᐲᔧᖏᓐᓇᖃᑦᑕᕐᓂᐊᕐᐹᑦ? ᐃᓅᖃᑎᒌᒡᔪᐊᓂᒡᓗ ᑍᒪᓐᖓᑦ ᑐᖁᕅᓂᐊᕐᐹᑦ ᓂᑲᒍᓱᖏᓪᓗᑏᒃ?

ᕼᐊᐸᑲᐅᑉ ᐊᒡᓚᖏᑦ 2:5

“ᓱᓕᓗ ᐱᐅᖏᑦᑐᓕᑦᔪᑎᖃᕐᐳᖅ ᕔᓂᒥᒃ, ᐃᓄᒃ ᐱᐅᔪᕆᕗᖅ ᐊᖏᕐᕋᕐᓯᒤᓐᓇᕈᓐᓇᕋᓂ. ᐱᔪᒪᕕᒡᔪᐊᕐᓂᖓ ᑲᑉᐱᐊᓇᕐᑐᕕᐅᑉ ᐱᔪᒪᓂᖓᑐᑦ ᑍᒤᑉᐳᖅ, ᑐᖁᑐᓪᓗ ᓈᒻᒪᒃᓯᔪᓐᓇᖏᑦᑐᑐᑦ. ᐃᓅᖃᑎᒌᒡᔪᐊᑦ ᐃᒻᒥᓄᑦ ᑲᑎᕐᓱᕐᐰᑦ, ᑲᑎᓪᓗᒋᓪᓗ ᓇᖕᒥᓂᖅ ᐃᓄᖁᑎᑖᕆᔭᒥᑐᑦ.

ᔧᒥᓯᐅᑉ ᐊᒡᓚᖏᑦ 2:13

ᐃᖅᑲᑐᕐᑕᐅᓂᕐᒧᑦ ᓂᑲᒋᔭᐅᒐᔭᓐᖏᓚᖅ ᓂᑲᒍᓱᓐᖏᑦᑐᒧᑦ; ᓂᑲᒍᓱᖕᓂᖅ ᓵᓚᖃᕐᑎᑦᓯᔪᓐᓇᕐᐳᖅ ᐃᖅᑲᕐᑐᕐᑕᐅᓂᒃᓴᒥᒃ.