ᐂᓮᐊᓯᐅᑉ ᐊᒡᓚᖏᑦ 14:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐊᑕᓂᐅᑉ ᓇᐱᓯᒪᕔᑦ ᐱᐅᖏᑦᑐᓕᔪᑦ ᐊᔭᐅᑉᐱᐊᖏᑦ, ᐊᖓᔪᖅᑳᕐᔪᐊᓪᓗ ᐱᖁᔨᔪᓐᓇᐅᑎᒥᓄᑦ ᑎᒃᑯᐊᕐᓯᑦᔪᑎᖏᑦ.

ᐂᓮᐊᓯᐅᑉ ᐊᒡᓚᖏᑦ 14:5 Iomraidhean Croise

ᐃᓐᖏᕈᑎᑦ 125:3

ᐱᐅᖏᑦᑐᑦ ᐱᔪᓐᓇᐅᑎᖓᑕ ᑎᒃᑯᐊᕐᓯᒍᑎᖓ ᓇᓚᐅᑦᑖᕈᑎᒃᑯᑦ ᐊᐅᓚᑦᓰᓐᓇᕐᓂᐊᓐᖏᓚᖅ ᐃᓱᐊᕐᑐᑦ ᓄᓇᖏᓐᓂ, ᐃᓱᐊᕐᑐᑦ ᐱᐅᖏᑦᑐᒥᒃ ᐱᓇᓱᐊᓕᖁᓇᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:15

ᓛᔭᑎᑐᑦ ᓂᓪᓕᐊᔪᑎᑐᑦ ᓇᓄᕐᑎᑐᓪᓗ ᐅᐸᒃᑐᕐᑐᑎᑐᑦ ᑍᒤᒃᑭᕗᖅ ᐱᐅᖏᓐᓂᕐᒥ ᐊᐅᓚᑦᓯᔪᖅ ᐃᓄᖕᓄᑦ ᐊᔪᕐᓴᕐᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 10:5

ᑲᑉᐱᐊᓐᓇᒦᒃ ᐊᓯᕆᐊ, ᓂᓐᖓᐅᓯᕐᒪ ᐊᓇᐅᓕᕈᑎᒋᔭᖓ, ᐊᔭᐅᑉᐱᐊᓐᓂᒡᓗ ᑎᒍᒥᐊᕐᑎᑕᕋ ᓂᓐᖓᐅᒪᕕᒋᔭᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 13:11

“ᓄᓇᕐᔪᐊᖅ ᓱᒋᐊᕈᒫᕐᐸᕋ ᐊᔪᕐᑐᓕᓃᑦ ᐱᓪᓗᒋᑦ, ᐱᐅᖏᑦᑐᓕᔪᓪᓗ ᐱᐅᖏᑦᑐᓕᓂᖏᑦ ᐱᓪᓗᒋᑦ; ᐱᐅᔪᕆᔪᑦ ᑲᑉᐱᐊᒋᔭᐅᔪᒪᓂᖏᑦ ᐃᓱᓕᑎᑦᓱᒫᕐᐸᒃᑲ, ᒥᑭᒡᓕᑎᓪᓗᒋᓪᓗ ᐊᔪᖏᓐᓇᓱᒋᔪᑦ ᓂᑲᒍᓱᖃᖏᓐᓂᖏᑦ.

ᐂᓮᐊᓯᐅᑉ ᐊᒡᓚᖏᑦ 14:29

“ᖁᕕᐊᓱᒋᐊᖃᓐᖏᓚᓯ, ᐱᓕᔅᑎᐊᒥᐅᑕᐅᔪᓯ ᐃᓕᑦᓯᓐᓂᒃ ᐊᓇᐅᓕᕈᑕᐅᓚᐅᕐᑐᖅ ᓇᐱᓯᒪᖕᒪᑦ, ᖁᒡᓗᒋᐊᕐᔪᐊᖅ ᑐᖁᒐᓗᐊᕐᐸᑦ ᑭᖑᕚᖃᕈᒫᕐᐳᖅ ᖁᒡᓗᒋᐊᒥᒃ ᑐᖁᓐᓇᕐᑐᓕᖕᒥᒃ, ᓴᖅᑭᑎᑦᓯᓗᓂᓗ ᖁᒡᓗᒋᐊᒥᒃ ᖃᖓᑕᔪᓐᓇᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 14:4

ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓂᒃ ᒥᑕᐅᑎᒋᓗᒍ ᐅᖃᕈᒫᕐᐳᓯ: “ᐊᑦᑕᕈᓱᖃᓚᐅᖏᑦᑐᖅ ᐊᔪᓕᕆᕗᖅ! ᐊᒃᓱᕈᕐᑎᑦᓯᕙᖕᓂᖓ ᐃᓱᓕᑉᐳᖅ!

ᐂᓮᐊᓯᐅᑉ ᐊᒡᓚᖏᑦ 14:6

ᓂᓐᖓᐅᒪᓂᕐᒥᖕᓄᑦ ᐃᓄᖕᓂᒃ ᐊᓇᐅᓕᕐᓯᕙᓚᐅᕐᑐᑦ ᓄᖅᑲᓚᐅᕐᓯᒪᓇᑎᒃ, ᐃᓅᖃᑎᒌᒡᔪᐊᓂᒡᓗ ᓵᓚᒋᓯᒪᔭᒥᖕᓂᒃ ᐊᖓᔪᖅᑲᐅᕕᖃᖃᑦᑕᓚᐅᕐᑐᑦ ᐊᑭᕋᕐᑐᕐᓗᒋᑦ ᓄᖅᑲᐅᑦᔨᓚᐅᕐᓯᒪᓇᑎᒃ.

ᐂᓮᐊᓯᐅᑉ ᐊᒡᓚᖏᑦ 9:3

ᐃᓅᖃᑎᒌᒡᔪᐊᑦ ᐅᓄᕐᑐᕐᔪᐊᓐᖑᑎᑉᐸᑎᑦ; ᖁᕕᐊᓱᖕᓂᖏᓪᓗ ᐊᖏᔪᕈᕐᑎᓪᓗᒋᑦ; ᖁᕕᐊᓱᖃᑎᒌᒃᐳᑦ ᓵᖕᓂ, ᓲᕐᓗ ᐃᓄᐃᑦ ᖁᕕᐊᓱᖃᑎᒌᒃᐸᖕᒪᑕ ᐱᕈᕐᑐᓂᒃ ᑲᑎᕐᓯᕕᒃ ᓇᓪᓕᐅᑎᓯᒪᑎᓪᓗᒍ, ᐅᕝᕙᓗ ᐅᓇᑕᕐᓂᒃᑯᑦ ᓵᓚᖃᕐᓗᑎᒃ ᓵᓚᒋᔭᒥ ᐱᖁᑎᕕᓂᖏᓐᓂᒃ ᐂᑦᑐᕐᑐᐃᔪᖃᕐᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 9:4

ᐃᓄᐃᑦ ᐅᖁᒤᒃᓴᕐᑎᑕᐅᓂᕐᒧᑦ ᓇᖕᒪᐅᑕᖏᑦ ᓱᕋᒃᐸᑎᑦ, ᑐᐃᖏᓐᓄᓪᓗ ᐊᓇᐅᓕᐅᑎᒋᔭᐅᔪᑦ ᕿᔪᐃᑦ ᓯᖁᒥᑉᐸᑎᑦ. ᐊᑭᕋᖏᑕᓗ ᐊᓇᐅᑕᖏᑦ ᓇᑲᑎᕐᐸᑎᑦ, ᑍᑦᓱᒪᓂᑎᑐᑦ ᒥᑎᐊᓂᒥᐅᑦ ᓵᓚᒋᔭᐅᑎᓪᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:21

ᐃᓄᐃᑦ ᑐᓵᒐᓗᐊᕋᒥᒃ ᐅᖁᒤᒃᓴᕐᓂᕆᔭᓐᓂᒃ ᓮᒻᒪᕐᓮᔪᒃᓴᕐᑕᖃᓐᖏᓚᖅ, ᐊᑭᕋᕐᑐᕐᑎᒃᑲ ᑐᓴᕋᒥᒃ ᐊᒃᓱᕈᕐᓂᕆᔭᓐᓂᒃ ᖁᕕᐊᓲᑎᖃᕐᐳᑦ ᖃᐅᔨᒐᒥᒃ ᓱᒋᐊᕐᑕᐅᓂᓐᓂᒃ ᐃᓕᖕᓄᑦ ᐃᖅᑲᕐᑐᐃᓂᕆᔪᒫᕐᓂᕋᕐᑍᑦ ᓇᓪᓕᐅᑎᑎᑦᔪᒃ, ᐅᕙᑦᑐᑦᑕᐅᖅ ᐅᖁᒤᓐᓇᕐᑐᒦᑎᒋᓕᖁᓪᓗᒋᑦ.

ᕼᐊᐸᑲᐅᑉ ᐊᒡᓚᖏᑦ 1:17

ᓄᓗᐊᕐᑎᑕᒥᓂᑦ ᐲᔧᖏᓐᓇᖃᑦᑕᕐᓂᐊᕐᐹᑦ? ᐃᓅᖃᑎᒌᒡᔪᐊᓂᒡᓗ ᑍᒪᓐᖓᑦ ᑐᖁᕅᓂᐊᕐᐹᑦ ᓂᑲᒍᓱᖏᓪᓗᑏᒃ?