ᐂᓮᐊᓯᐅᑉ ᐊᒡᓚᖏᑦ 14:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓂᒃ ᒥᑕᐅᑎᒋᓗᒍ ᐅᖃᕈᒫᕐᐳᓯ: “ᐊᑦᑕᕈᓱᖃᓚᐅᖏᑦᑐᖅ ᐊᔪᓕᕆᕗᖅ! ᐊᒃᓱᕈᕐᑎᑦᓯᕙᖕᓂᖓ ᐃᓱᓕᑉᐳᖅ!

ᐂᓮᐊᓯᐅᑉ ᐊᒡᓚᖏᑦ 14:4 Iomraidhean Croise

ᑯᕉᓂᑲ ᐂᑉᐸᖏᑦ 36:18

ᒎᑎᐅᑉ ᐃᒡᓗᖓᓃᑦᑐᑦ ᐱᖁᑎᓕᒫᑦ, ᒥᑭᔪᑦ ᐊᖏᔪᓪᓗ, ᐊᑕᓂᐅᓪᓗ ᐃᒡᓗᖓᓂ ᑮᓇᐅᔭᖃᐅᑏᑦ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖏᑕᓗ ᑮᓇᐅᔭᖃᐅᑎᓕᒫᖏᑦ, ᐊᑕᖏᕐᓗᒋᑦ ᐊᐅᓪᓚᕈᑎᓚᐅᕐᐰᑦ ᐹᐱᓘᓂᒧᑦ.

ᐂᓮᐊᓯᐅᑉ ᐊᒡᓚᖏᑦ 13:1

ᐅᑯᐊ ᐅᖃᐅᓰᑦ ᐹᐱᓘᓂᒧᑦ ᑐᕌᖓᔪᑦ, ᐂᓮᐊᓯᐅᑉ ᐂᒨᓯᐅᑉ ᐃᕐᓂᖓᑕ ᑕᑯᓚᐅᕐᑕᖏᑦ.

ᐂᓮᐊᓯᐅᑉ ᐊᒡᓚᖏᑦ 13:19

ᐹᐱᓘᓂ ᐊᖓᔪᖅᑲᐅᕕᓕᒫᓂᑦ ᑕᑯᒥᓇᕐᓂᕐᐹᖑᔪᖅ, ᐅᐱᓐᓇᕐᓗᓂᓗ ᐃᓄᖏᓐᓄᑦ ᑲᐅᓪᑎᐊᒥᐅᓄᑦ, ᐊᑦᔨᖃᕈᒫᕐᐳᖅ ᓱᑑᒪᒥᒃ ᒍᒨᕋᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 14:17

ᓄᓇᕐᔪᐊᕐᒥᒃ ᓯᐅᕅᓐᓇᕐᑎᑐᑦ ᐃᓄᖃᖏᑦᑐᑐᑦ ᑍᒤᑎᑦᓯᕙᓚᐅᕐᑐᖅ, ᐃᒡᓗᒐᓴᒡᔪᐊᓂᒃ ᐊᓯᕈᐃᕙᓚᐅᕐᑐᖅ, ᑎᒍᓯᒪᔭᒥᓂᒡᓗ ᐊᖏᕐᕋᕐᑎᑦᓯᕙᓚᐅᖏᑦᑐᖅ?’

ᐂᓮᐊᓯᐅᑉ ᐊᒡᓚᖏᑦ 14:5

ᐊᑕᓂᐅᑉ ᓇᐱᓯᒪᕔᑦ ᐱᐅᖏᑦᑐᓕᔪᑦ ᐊᔭᐅᑉᐱᐊᖏᑦ, ᐊᖓᔪᖅᑳᕐᔪᐊᓪᓗ ᐱᖁᔨᔪᓐᓇᐅᑎᒥᓄᑦ ᑎᒃᑯᐊᕐᓯᑦᔪᑎᖏᑦ.

ᐂᓮᐊᓯᐅᑉ ᐊᒡᓚᖏᑦ 14:6

ᓂᓐᖓᐅᒪᓂᕐᒥᖕᓄᑦ ᐃᓄᖕᓂᒃ ᐊᓇᐅᓕᕐᓯᕙᓚᐅᕐᑐᑦ ᓄᖅᑲᓚᐅᕐᓯᒪᓇᑎᒃ, ᐃᓅᖃᑎᒌᒡᔪᐊᓂᒡᓗ ᓵᓚᒋᓯᒪᔭᒥᖕᓂᒃ ᐊᖓᔪᖅᑲᐅᕕᖃᖃᑦᑕᓚᐅᕐᑐᑦ ᐊᑭᕋᕐᑐᕐᓗᒋᑦ ᓄᖅᑲᐅᑦᔨᓚᐅᕐᓯᒪᓇᑎᒃ.

ᐂᓮᐊᓯᐅᑉ ᐊᒡᓚᖏᑦ 16:4

ᒧᐊᐱᒥᑦ ᐊᓂᑎᑕᐅᓯᒪᔪᒍᑦ ᐃᓕᑦᓯᓐᓂ ᑐᔪᕐᒥᐊᖑᑎᓚᐅᕐᑎᒍᑦ; ᓴᐳᑎᓚᐅᕐᑎᒍᑦ ᐊᓯᕈᐃᔨᒥᑦ.” ᐊᒃᓱᕈᕐᓇᕐᑐᖅ ᐊᓯᕈᕐᑕᐅᓇᕐᑐᓪᓗ ᐃᓱᓕᑦᓱᒫᕐᐳᑦ, ᓄᓇᓂᒡᓗ ᓱᓁᕈᑦᔨᓚᐅᕐᑐᑦ ᓄᖑᑦᓱᒫᕐᐳᑦ ᓄᓇᒥᑦ.

ᐂᓮᐊᓯᐅᑉ ᐊᒡᓚᖏᑦ 21:2

ᑕᑯᑎᑕᐅᓚᐅᕐᐳᖓ ᐃᓕᕋᓇᕐᑐᓂᒃ ᐃᒫᒃ ᐅᖃᐅᑎᔭᐅᓪᓗᖓ; ᐱᒋᔭᕕᓂᕐᓂᒃ ᑎᒎᖅᑬᔪᖅ ᑎᒎᖅᑬᓕᕐᐳᖅ, ᑐᖁᕅᔪᕐᓗ ᑐᖁᕅᓕᕐᐳᖅ, ᐃᓛᒻᒥᐅᑦ ᐅᓇᑕᕐᑐᒃᓴᖏᑦ ᐅᓇᑕᕆᐊᓕᕆᑦᓯ, ᒥᑎᐊᒥᐅᓪᓗ ᐅᓇᑕᕐᑐᒃᓴᖏᑦ ᐊᕙᑕᖏᕐᓯᓕᕆᑦᓯ ᐃᒡᓗᒐᓴᒡᔪᐊᓂᒃ; ᐹᐱᓘᓂᒥᐅᑦ ᐃᓄᖕᓂᒃ ᐊᓂᕐᓴᐅᒥᑎᑦᓯᓂᖓᑦ ᐃᓱᓕᑎᑦᓱᒪᓕᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 47:5

ᓂᐱᖃᖏᓪᓗᑎᑦ ᐃᒃᓯᕙᓕᕆᑦ, ᑖᕐᑐᒦᓪᓗᑎᓪᓗ, ᑲᐅᓪᑎᐊᒥᐅᑦ ᐸᓂᖓ; ᑍᔭᐅᓂᐊᕈᓐᓃᕋᕕᑦ ᐊᖓᔪᖅᑳᕐᔪᐊᖃᕐᕕᐅᑉ ᐊᕐᓇᖁᑎᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 49:26

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᑦ ᓇᖕᒥᓂᖅ ᐅᕕᓂᖕᒥᖕᓂᒃ ᓂᕆᔪᒫᕐᐳᑦ, ᐊᐅᖕᒥᖕᓂᒡᓗ ᐃᒥᕐᓗᑎᒃ ᐋᖓᔮᕈᒫᕐᐳᑦ ᕔᓂᑐᕐᑐᑎᑐᑦ, ᐃᓅᓕᒫᑦ ᖃᐅᔨᓕᖁᓪᓗᒋᑦ ᐅᕙᖓ ᐊᑕᓂᐅᒐᒪ ᐱᐅᓕᔨᓯ, ᓂᐅᕕᐊᕆᓪᓗᓯ ᐅᑎᕐᑎᑦᓯᔨᓯ, ᔧᑯᒃᑯᑦ ᐊᔪᒐᖃᖏᑦᑐᖁᑎᖓᑦ.”

ᐂᓮᐊᓯᐅᑉ ᐊᒡᓚᖏᑦ 51:13

ᐳᐃᒍᕐᓯᒪᓪᓗᑎᑦ ᐊᑕᓂᕐᒥᒃ, ᐃᓕᖕᓂᒃ ᓴᓇᓚᐅᕐᑐᒥᒃ, ᕿᓚᖕᒦᑦᑐᓂᒃ ᐃᓯᕕᑦᓯᓯᒪᔪᖅ ᓄᓇᕐᔪᐊᕐᒥᒡᓗ ᐃᓂᒋᔭᒃᓴᖓᓄᑦ ᐃᓕᓯᓯᒪᔪᖅ, ᓯᕘᕋᖃᑦᑕᕐᐲᑦ ᐅᓪᓗᖅ ᓈᓗᒍ ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖓᓂᒃ, ᑐᖁᑦᓯᔪᒪᑎᓪᓗᒍ? ᐊᑭᕋᕐᑐᕐᑎᕖᑦ ᑲᑉᐱᐊᓇᕐᓂᖓ ᓇᓃᒻᒪᑦ?

ᐂᓮᐊᓯᐅᑉ ᐊᒡᓚᖏᑦ 51:23

ᐃᓕᑦᓯᓐᓂᒡᓗ ᐋᓐᓂᐊᑎᑦᓯᔪᓄᑦ ᐃᓕᖔᕐᓂᐊᓕᕐᐸᕋ, ᑍᒃᑯᐊ ᐃᓕᑦᓯᓐᓄᑦ ᐅᖃᕐᒪᑕ, ‘ᐅᕐᕈᖓᓚᐅᕆᑦᓯ ᖄᑦᓯᒍᑦ ᐱᓱᖕᓂᐊᕋᑦᑕ.’ ᑐᓄᓯᓗ ᓄᓇᑐᑦ ᑍᒤᑎᓚᐅᕐᐸᓯ, ᐊᖅᑯᑎᑎᑐᑦ ᐱᓱᒃᕕᐅᖃᑦᑕᕐᓗᑎᒃ.”

ᐂᓮᐊᓯᐅᑉ ᐊᒡᓚᖏᑦ 54:14

ᓇᓛᒎᕐᓂᕐᒥᒃ ᐱᐅᓯᕐᑖᕈᒫᕐᐳᓯ; ᐅᖁᒤᒃᓴᕐᑎᑕᐅᔪᒫᓐᖏᓚᓯ ᑲᑉᐱᐊᒋᔭᒃᓴᖃᖏᓪᓗᓯᓗ; ᑲᑉᐱᐊᓇᕐᑐᑦ ᐃᓕᑦᓯᓐᓄᑦ ᑎᑭᐅᑎᔪᓐᓇᕈᒫᖏᒻᒪᑕ.

ᐂᓮᐊᓯᐅᑉ ᐊᒡᓚᖏᑦ 9:4

ᐃᓄᐃᑦ ᐅᖁᒤᒃᓴᕐᑎᑕᐅᓂᕐᒧᑦ ᓇᖕᒪᐅᑕᖏᑦ ᓱᕋᒃᐸᑎᑦ, ᑐᐃᖏᓐᓄᓪᓗ ᐊᓇᐅᓕᐅᑎᒋᔭᐅᔪᑦ ᕿᔪᐃᑦ ᓯᖁᒥᑉᐸᑎᑦ. ᐊᑭᕋᖏᑕᓗ ᐊᓇᐅᑕᖏᑦ ᓇᑲᑎᕐᐸᑎᑦ, ᑍᑦᓱᒪᓂᑎᑐᑦ ᒥᑎᐊᓂᒥᐅᑦ ᓵᓚᒋᔭᐅᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 24:9

ᐃᓅᖃᑎᒋᔪᒥᓇᕈᓐᓃᕐᑎᑦᓱᒪᕙᒃᑲ ᐱᐅᒋᔭᐅᖏᑦᑑᑎᓪᓗᒋᓪᓗ ᐊᖓᔪᖅᑳᕐᔪᐊᖃᕐᕕᐅᔪᓕᒫᓄᑦ ᓄᓇᒥ, ᐱᐅᖏᑦᑐᒥᒃ ᐅᖃᐅᓯᐅᒐᔪᒃᑎᓪᓗᒋᑦ ᐊᑭᕋᕐᑐᕐᑕᐅᒐᔪᒃᑎᓪᓗᒋᓪᓗ ᓇᓂᑐᐃᓐᓇᖅ ᓄᓇᖃᓕᕌᖓᑕ.

ᔨᕆᒤᐊᐅᑉ ᐊᒡᓚᖏᑦ 48:17

ᕿᐊᑦᔪᑎᒋᓯᐅᒃ ᐃᓕᑦᓯ ᖃᓂᒋᔭᖓᓂ ᓄᓇᖃᕐᑐᓯ, ᖃᐅᔨᒪᔪᓯ ᐱᐅᒋᔭᐅᓂᕐᐹᖑᓂᖓᓂᒃ, ᐊᐅᓚᑦᓯᓂᖓᑕ ᐊᔭᐅᑉᐱᐊᖁᑎᖓ ᓱᕋᒃᑕᐅᖕᒪᑦ, ᐊᔭᐅᑉᐱᐊᖅ ᐃᓂᖁᓇᕈᑎᖓ ᓇᐱᔭᐅᕗᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:1

ᒎᓘᑉ ᐱᔪᒥᓇᕐᓂᕆᓚᐅᕐᑕᖓ ᐱᔪᒥᓇᕈᓐᓃᕐᓯᒪᕗᖅ, ᐅᔭᕋᑦᓯᐊᕔᓪᓗ ᐊᑭᑐᔪᒃᓴᔧᑦ ᓇᓂᑐᐃᓐᓇᖅ ᐊᖅᑯᑎᓂ ᑕᒫᓃᕐᕆᑐᐃᓐᓇᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 5:15

“ᓇᕐᕈᓇᕐᓯᔪᒫᕐᐳᓯ ᒥᑕᐅᑎᒃᓴᐅᓕᕐᓗᓯᓗ, ᐃᓂᕐᑎᕈᑎᒃᓴᐅᓗᓯ ᑲᑉᐱᐊᓵᕆᑦᔪᑎᒃᓴᐅᓗᓯᓗ ᐃᓅᖃᑎᒌᒡᔪᐊᓄᑦ ᐊᕙᑎᑦᓯᓐᓃᑦᑐᓄᑦ, ᐃᖅᑲᕐᑐᐃᓕᕈᒪ ᓂᓐᖓᐅᒪᓂᒃᑯᑦ ᓂᓐᖓᕕᒡᔪᐊᕐᓯᒪᓂᒃᑯᓪᓗ, ᓱᒋᐊᕐᓯᓂᒃᑯᑦ ᑲᑉᐱᐊᓇᕐᑐᑎᒍᑦ, ᐅᕙᖓ ᐊᑕᓂᖅ, ᐅᖃᕐᐳᖓ.

ᑖᓂᐊᓕᐅᑉ ᐊᒡᓚᖏᑦ 2:38

ᐃᓕᖕᓄᑦ ᑐᓂᓯᓯᒪᖕᒪᑦ ᐃᓄᖕᓂᒃ ᐃᓅᔪᓂᒃ, ᐆᒪᔪᓂᒡᓗ ᓄᓇᒦᑦᑐᓂᒃ, ᑎᖕᒥᐊᓂᒡᓗ ᑎᖏᕙᒃᑐᓂᒃ, ᓇᓃᒃᑲᓗᐊᕐᐸᑕ ᐊᖓᔪᖅᑲᐅᕕᒋᕙᑎᑦ ᑕᒪᒃᑯᐊᓕᒫᑦ. ᐃᕝᕕᑦ ᑕᕝᕙ ᐃᓄᖑᐊᑉ ᓂᐊᖁᐊ ᒎᓗ.

ᕼᐊᐸᑲᐅᑉ ᐊᒡᓚᖏᑦ 2:17

ᓕᐸᓇᓂᐅᑉ ᓇᐹᕐᑐᖁᑎᖏᑦ ᓇᑲᑎᓚᐅᕋᕕᒋᑦ; ᒫᓐᓇ ᓇᑲᑕᐅᓂᐊᓕᕐᐳᑎᑦ, ᐆᒪᔪᖁᑎᖏᑦ ᑐᖁᕋᓚᐅᕋᕕᒋᑦ ᑍᒤᓚᐅᕐᓂᕐᓄᑦ ᑲᑉᐱᐊᓱᒃᑎᑕᐅᓂᐊᓕᕐᐳᑎᑦ. ᑕᒪᓐᓇ ᑍᒤᑕᐅᑦᔪᑎᒋᓂᐊᕐᐸᑦ ᑐᖁᕅᖃᑦᑕᕐᓂᕆᓚᐅᕐᑍᑦ ᐱᑦᔪᑎᒋᓪᓗᒍ, ᐱᑦᓯᐊᖃᑦᑕᓚᐅᖏᓐᓇᕕᑦ ᓄᓇᒥᒃ ᐃᒡᓗᒐᓴᒡᔪᐊᓂᒡᓗ ᑕᕝᕙᓂᓗ ᓄᓇᖃᕐᑐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:6

ᐊᕐᓇᕐᓗ ᑕᑯᕙᕋ ᐋᖓᔮᕐᑐᖅ ᐃᑦᔪᕐᓁᑦᑐᑦ ᐊᐅᖏᓐᓄᑦ ᔩᓱᓯᓗ ᐱᓪᓗᒍ ᑐᖁᑕᐅᓯᒪᔪᑦ ᐊᐅᖏᓐᓄᑦ. ᑖᓐᓇᓗ ᑕᑯᒐᒃᑯ ᐊᒃᓱᐊᓗᒃ ᑲᒪᓂᐊᕈᑎᒋᕙᕋ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:16

ᐅᖃᕐᓗᑎᒃ, “ᑲᑉᐱᐊᓐᓇᒦᒃ, ᑲᑉᐱᐊᓐᓇᒦᒃ, ᐃᒡᓗᒐᓴᒡᔪᐊᑦ ᐊᔪᖏᑦᑐᕐᔪᐊᑦ ᐊᓐᓄᕌᕐᓯᒪᕙᓚᐅᕐᐳᑦ ᐊᓐᓄᕌᓯᐊᓂᒃ ᓵᑦᑐᓂᒃ, ᐊᐅᐸᓪᓚᕆᒃᑐᓂᒃ ᐊᐅᑉᐸᕆᒃᑐᓂᒡᓗ ᐱᐅᓴᐅᑎᖃᕐᓗᓂ, ᒎᓗᓂᒃ ᐅᔭᕋᖕᓂᒡᓗ ᐱᐅᔪᓂᒃ, ᓴᐸᖓᓂᒡᓗ ᖄᒥᐅᑕᓕᖕᓂᒃ!

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:20

“ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᐃᑦᔪᕐᓁᑦᑐᓯ ᐋᐴᓯᑕᓕᐅᔪᓯᓗ ᓇᓚᐅᑦᑍᔨᐅᔪᓯᓗ, ᐃᓕᑦᓯᓐᓄᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ ᒎᑎᐅᑉ ᐃᖅᑲᕐᑐᕐᓯᒪᖕᒪᒋᑦ ᐊᑭᓂᐊᕐᕕᒋᓪᓗᒋᑦ!”