ᐂᓮᐊᓯᐅᑉ ᐊᒡᓚᖏᑦ 14:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᖃᓄᕐᓕ ᑭᐅᔭᐅᓂᐊᓕᕐᐹᑦ ᐱᓕᔅᑎᐊᒥᑦ ᑐᓴᕐᑎᑦᓯᔭᕐᑐᕐᑐᑦ? “ᐅᖃᐅᑎᔪᒫᕐᐸᕗᑦ ᐊᑕᓂᖅ ᐃᓂᖃᕐᓂᕋᕐᓗᒍ ᓮᐅᓂᒥ ᐃᓄᖁᑎᖏᓪᓗ ᐊᒃᓱᕈᕐᑎᑕᐅᓯᒪᔪᑦ ᓮᓕᓇᕐᑐᒥᒃ ᐃᓂᒃᓴᕐᓯᔪᒫᕐᐳᑦ ᑍᑲᓂ.”

ᐂᓮᐊᓯᐅᑉ ᐊᒡᓚᖏᑦ 14:32 Iomraidhean Croise

ᓴᒧᐃᓕ ᐂᑉᐸᖏᑦ 8:10

ᐃᕐᓂᓂ ᔪᕌᒥ ᑎᓕᕚ ᐊᖓᔪᖅᑳᕐᔪᐊᕐᒧᑦ ᑍᕕᑎᒧᑦ, ᐅᐱᒍᓱᒋᐊᕐᑐᖁᓪᓗᒍ ᕼᐊᑕᑎᔨᕆᒥᒃ ᐅᓇᑕᓚᐅᕐᒪᑦ ᓵᓚᒋᓪᓗᒍᓗ; ᑐᐃᒥᒃ ᐅᓇᑕᖃᑎᖃᕐᐸᓚᐅᕐᒪᑦ ᐅᓄᕐᑐᐃᕐᓱᕐᓗᓂ. ᔪᕌᒥ ᓇᒃᓴᓚᐅᕐᐳᖅ ᑍᕕᑎᒧᑦ ᒎᓗᒥᒃ, ᓯᐅᓪᕕᕆᒥᒃ, ᑲᓐᓄᔭᓂᒡᓗ;

ᐃᓐᖏᕈᑎᑦ 102:16

ᐊᑕᓂᐅᑉ ᓮᐅᓂ ᐋᖅᑭᒃᓱᕐᓂᐊᕐᒪᒍ, ᓂᕐᑐᕐᓇᕐᓂᖓ ᑕᕝᕙᓂ ᓴᖅᑭᑎᑕᐅᓂᐊᕐᐳᖅ.

ᐃᓐᖏᕈᑎᑦ 102:28

ᐱᔨᕕᑦ ᕿᑐᕐᖓᖏᑦ ᑲᔪᓯᑦᓮᓐᓇᕐᓂᐊᕐᐳᑦ; ᑭᖑᕚᖏᓪᓗ ᐊᐅᓚᖏᑦᑐᒦᓐᓂᐊᕐᐳᑦ ᐃᓕᖕᓂ.

ᐃᓐᖏᕈᑎᑦ 48:4

ᑕᑯᒋᑦ ᐊᖓᔪᖅᑳᕐᔪᐊᑦ ᑲᑎᓕᕐᐳᑦ, ᓱᕐᔪᓕᕐᓗᑎᒡᓗ ᐊᑕᐅᑦᓯᒃᑯᑦ,

ᐃᓐᖏᕈᑎᑦ 87:1

ᖃᖅᑲᒥ ᐃᑦᔪᕐᓁᑦᑐᒥ ᐃᒡᓗᒐᓴᒡᔪᐊᑦ ᑐᓐᖓᕕᓕᐅᕐᑕᐅᓯᒪᕗᑦ;

ᐃᓐᖏᕈᑎᑦ 87:5

ᓮᐅᓂᒥ ᐅᖃᕐᑐᖃᕈᒫᕐᐳᖅ, “ᐅᓇ ᐃᖕᓇᓗ ᑕᕝᕙᓂ ᐃᓅᓕᕐᓯᒪᕘᒃ”; ᖁᑦᓯᖕᓂᕐᐹᖑᔫᓪᓕ ᓇᖕᒥᓂᖅ ᑖᓐᓇ ᐃᒡᓗᒐᓴᓕᐊᕆᓯᒪᕚ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:10

ᐊᑕᓂᐅᑉ ᐊᑎᖓ ᓇᐸᔪᕐᔪᐊᑎᑑᕐᐳᖅ ᐊᑕᕐᓇᕐᓂᖃᖏᑦᑐᖅ, ᐃᓱᐊᕐᑐᑦ ᕿᒫᕕᒋᕙᒃᐹᑦ ᐱᔭᐅᓇᕐᑐᖃᖏᒻᒪᑦ.

ᐂᓮᐊᓯᐅᑉ ᐊᒡᓚᖏᑦ 11:4

ᐃᓱᐊᕐᑐᓕᓂᒃᑯᑦ ᐊᔪᕐᓴᕐᑐᑦ ᐊᑦᔨᒌᒃᑎᑦᓱᒫᕐᐰᑦ ᐊᑦᔨᒌᒃᑎᑦᓯᓂᕐᒥᒍᓪᓗ ᐱᓇᓱᐊᕐᕕᖃᕈᒫᕐᐳᖅ ᓄᓇᒥ ᒥᑭᒡᓕᑎᕐᓯᒪᔪᓂᒃ; ᓄᓇ ᐊᓇᐅᔪᒫᕐᐹ ᐊᓇᐅᑕᕐᒧᑦ ᖃᓂᕐᒥᓂᑦ ᐱᔪᒧᑦ, ᖃᓂᖓᑕᓗ ᓱᐱᓯᓂᖓᓄᑦ ᐊᔪᕐᑐᓕᔪᑦ ᑐᖁᑦᓱᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 12:6

ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”

ᐂᓮᐊᓯᐅᑉ ᐊᒡᓚᖏᑦ 25:4

ᐊᒃᓱᔪᑦ ᕿᒫᕕᒋᕚᑎᑦ, ᐃᑲᔪᕐᑎᒃᓴᖃᖏᑦᑐᓪᓗ ᐃᓕᖕᓂᒃ ᕿᒫᕕᖃᖃᑦᑕᕐᓯᒪᕗᑦ ᐃᑲᔪᕐᑕᐅᔭᕆᐊᖃᕐᓂᕐᒥᖕᓂᑦ. ᐊᖅᑯᓇᕐᓯᐅᕐᑐᑎᑐᓪᓗ ᐅᖅᑯᐃᕝᕕᒃᓴᐅᓪᓗᑎᑦ, ᑭᐊᒡᔪᐊᕐᒥᓗ ᑕᕐᕋᓕᓂᕐᒦᕝᕕᒃᓴᐅᓪᓗᑎᑦ, ᐃᓄᐃᑦ ᓂᑲᒋᔭᖃᖏᑦᑐᑦ ᐅᑭᐅᒥ ᐊᓄᕆᕐᔪᐊᕐᑐᑎᑐᑦ ᐱᓇᓱᐊᕐᓂᖏᑦ ᓄᖅᑲᕈᓐᓇᖏᒻᒪᑕ.

ᐂᓮᐊᓯᐅᑉ ᐊᒡᓚᖏᑦ 28:16

ᑍᒤᒻᒪᑦ ᐊᑕᓂᖅ ᒎᑎ ᐅᖃᕐᐳᖅ: “ᑕᑯᒋᑦ, ᓮᐅᓂᒥ ᐅᔭᕋᖕᒥᒃ ᑐᓐᖓᕕᒃᓴᓕᐅᕐᐳᖓ, ᐆᒃᑐᕋᕐᑕᐅᓯᒪᔪᒥᒃ ᐅᔭᕋᖕᒥᒃ, ᐃᒡᓘᑉ ᑎᕆᖅᑯᒃᓴᖓᓂᒃ, ᑐᓐᖓᕕᒃᓴᒥᒃ ᐊᐅᓚᖏᑦᑐᒥᒃ; ᓇᓪᓕᐊᓪᓗ ᐅᒃᐱᕐᑐᖅ ᑐᐊᕕᕐᓗᓂ ᐱᓇᓱᐊᕆᐊᖃᕈᒫᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 29:19

ᒥᑭᒡᓕᑎᕐᓯᒪᔪᖅ ᖁᕕᐊᓇᕐᑐᒥᒃ ᓄᑖᒥᒃ ᐱᑎᑕᐅᔪᒫᕐᐳᖅ ᐊᑕᓂᕐᒥᒃ ᖁᕕᐊᓲᑎᖃᓕᕐᓗᓂ, ᐊᒃᓱᔪᓪᓗ ᐃᓄᐃᑦ ᐊᑯᕐᖓᓐᓂ ᖁᕕᐊᓲᑎᖃᓕᕈᒫᕐᐳᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 37:32

ᔨᕉᓴᓕᒥᑦ ᐊᓂᔪᒫᕐᐳᑦ ᐊᒥᐊᒃᑯᑦ, ᓮᐅᓂᐅᑉ ᖃᖅᑲᖓᓂ ᐊᓐᓇᒃᑐᑦ ᐊᓂᔪᒫᕐᐳᑦ, ᑕᒪᓐᓇ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑲᔪᓯᑎᑦᓱᒪᒐᒥᐅᒃ ᐱᓇᓱᐊᕈᒫᕐᒪᒍ.

ᐂᓮᐊᓯᐅᑉ ᐊᒡᓚᖏᑦ 37:9

ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓ ᑐᓴᓚᐅᕋᒥ ᑎᕼᐊᑲ ᐃᑎᐅᐱᐊᒥᐅᑦ ᐊᖓᔪᖅᑳᕐᔪᐊᖓᓂᒃ ᐃᒫᒃ, “ᑍᑦᓱᒧᖓ ᓱᕐᔪᒃᑕᐅᓕᕋᕕᑦ.” ᑕᒪᓐᓇ ᑐᓴᕋᒥᐅᑦ ᑎᓕᓯᓕᕐᐳᖅ ᕼᐃᓯᑬᐊᒧᑦ ᐅᖃᕐᓗᓂ,

ᐂᓮᐊᓯᐅᑉ ᐊᒡᓚᖏᑦ 39:1

ᑍᑦᓱᒪᓂᐅᑎᓪᓗᒍ ᓱᓕ ᐹᐱᓘᓂᒥᐅᑉ ᐊᖓᔪᖅᑳᕐᔪᐊᖓᑦ ᒥᕈᑖᒃ-ᐸᓚᑖᓐ ᐸᓚᑖᓂᐅᑉ ᐃᕐᓂᖓ ᑐᓴᕋᒥ ᐊᖓᔪᖅᑳᕐᔪᐊᖅ ᕼᐃᓯᑬᐊᐅᑉ ᖃᓂᒪᓚᐅᕐᓗᓂ ᐋᖅᑭᒃᑕᐅᓂᖓᓂᒃ ᑎᑎᕋᕐᕕᒋᕚ ᑐᔪᕐᓗᒍᓗ ᑐᓂᕐᕈᑎᒥᓂᒃ.

ᐂᓮᐊᓯᐅᑉ ᐊᒡᓚᖏᑦ 4:6

ᑖᓪᓖᖁᓪᓗᒍᓗ ᐅᓪᓗᒃᑯᑦ ᐅᖅᑰᓗᐊᖁᓇᒍ, ᕿᒫᕕᒃᓴᐅᖁᓪᓗᒍ, ᐅᖅᑯᐃᕝᕕᒃᓴᐅᓗᓂᓗ ᐊᓄᕆᑎᓪᓗᒍ ᓯᓚᓗᒃᑎᓪᓗᒍᓗ.

ᐂᓮᐊᓯᐅᑉ ᐊᒡᓚᖏᑦ 44:28

ᑭᓇ ᓮᕋᓯᒥᒃ ᐅᖃᕈᑎᖃᕐᓯᒪᕚ, ‘ᑖᓐᓇ ᐰᕐᓯᔨᖁᑎᒋᕙᕋ, ᑖᑦᓱᒪᓗ ᐱᓇᓱᐊᕐᓂᐊᕐᓯᒪᔭᒃᑲ ᑲᔪᓯᑎᑦᓱᒫᕐᐰᑦ,’ ᐅᖃᕐᓗᓂᓗ ᔨᕉᓴᓕᒧᑦ, ‘ᓴᓇᔭᐅᒃᑲᓐᓂᕈᒫᕐᐳᑎᑦ,’ ᑐᒃᓯᐊᕐᕕᒡᔪᐊᒧᓪᓗ ᐅᖃᕆᓪᓗᓂ, ‘ᑐᓐᖓᕕᒃᑎᑦ ᐋᖅᑭᒃᓱᕐᑕᐅᔪᒫᕐᐳᑦ.’”

ᐂᓮᐊᓯᐅᑉ ᐊᒡᓚᖏᑦ 54:11

ᐋᓐᓂᐊᑎᑕᐅᔪᓯ, ᐊᖅᑯᓇᕐᒧᓪᓗ ᐃᒋᑕᐅᖃᑦᑕᕐᑐᓯ, ᐃᑲᔪᕐᑕᐅᓇᓯᓗ, ᑕᑯᒋᑦ, ᐃᓕᐅᕋᕐᓂᐊᕐᐸᑦᓯ ᐅᔭᖅᑲᓄᑦ ᐱᐅᔪᓄᑦ, ᑐᓐᖓᕕᓕᐅᕐᓗᓯᓗ ᐅᔭᕋᖕᓄᑦ ᑕᑯᒥᓇᕐᑐᕐᔪᐊᓄᑦ.

ᐂᓮᐊᓯᐅᑉ ᐊᒡᓚᖏᑦ 57:13

ᐃᑲᔪᕐᑎᒃᓴᕐᓯᐅᕐᓗᓯ ᓂᓪᓕᐊᒍᑦᓯ ᒎᑎᓐᖑᐊᑦᓯᓐᓄᑦ ᐱᐅᓕᔭᐅᓂᐊᓕᕐᐳᓯ, ᐊᓄᕆᒧᑦ ᑎᒃᑕᐅᕋᕈᒫᕐᐳᑦ, ᐊᓂᕐᓵᕐᓂᑐᐃᓐᓇᕐᒧᑦ ᑎᒃᑕᐅᔭᕇᕈᒫᕐᐳᑦ, ᐅᕙᓐᓂᒡᓕ ᑕᑎᖃᕐᑑᑉ ᓄᓇ ᐱᒋᔪᒫᕐᐹ, ᖃᖅᑲᖁᑎᒐᓗ ᐃᑦᔪᕐᓁᑦᑐᖅ ᓇᖕᒥᓂᕆᓕᕐᓗᓂᐅᒃ.”

ᐃᓯᑭᐊᓕᐅᑉ ᐊᒡᓚᖏᑦ 48:35

ᐊᕙᓗᕐᔪᐊᑉ ᐊᖏᓂᖓ ᑐᑭᒧᑦ ᓴᓂᒧᓪᓗ 10,080ᓂᒃ ᐆᒃᑑᑎᓂᒃ ᐊᖏᓂᖃᕐᑐᒃᓴᐅᕗᖅ; ᒫᓐᓇᒥᑦ ᐱᒋᐊᕐᓗᒍ ᐃᒡᓗᒐᓴᒡᔪᐊᑦ ᑖᒃᑯᐊ ᐊᑎᖃᕐᑐᒃᓴᐅᕗᑦ, ᐊᑕᓂᖅ ᑕᕝᕙᓃᑉᐳᖅ.”

ᔨᐸᓁᐊᐅᑉ ᐊᒡᓚᖏᑦ 3:12

ᑍᒃᑯᐊ ᐊᒥᐊᒃᑰᑎᓐᓂᐊᕐᐸᒃᑲ ᒥᑭᒡᓕᑎᕐᓯᒪᔪᑦ ᐱᐅᔪᕆᖏᑦᑐᓪᓗ ᐊᑯᓐᓇᑦᓯᓐᓂᑦ, ᑕᑎᖃᕐᑐᑦ ᐊᑕᓂᐅᑉ ᐊᑎᖓᓂᒃ.

ᓴᑲᕅᐊᐅᑉ ᐊᒡᓚᖏᑦ 11:11

ᐅᓪᓗᒥ ᑍᑦᓱᒪᓂ ᓯᖁᒥᓚᐅᕐᐳᖅ, ᓰᐱᓂᒃ ᓂᐅᕕᕐᑐᑦ ᓂᐅᕐᕈᑎᓖᓪᓗ ᐅᕙᓐᓂᒃ ᑕᑯᔪᑦ, ᖃᐅᔨᒪᓚᐅᕐᐳᑦ ᑕᒪᓐᓇ ᐊᑕᓂᐅᑉ ᐅᖃᐅᓯᖓᓂᑦ ᐱᖕᒪᑦ.

ᓴᑲᕅᐊᐅᑉ ᐊᒡᓚᖏᑦ 11:7

ᓰᐱᑦ ᑐᖁᑕᒃᓴᐅᓂᕐᒧᑦ ᓇᓗᓁᒃᑯᓯᕐᓯᒪᔪᑦ ᓂᕆᑎᑦᓱᒪᕙᒃᑲ, ᐱᓗᐊᕐᑐᒥᒃ ᓰᐱᑦ ᓇᕐᕈᓇᕐᓂᖏᑦ ᐊᒡᓛᑦ. ᐊᔭᐅᑉᐱᐊᖕᓂᒃ ᒪᕐᕉᖕᓂᒃ ᑎᒍᓯᓂᐊᕐᐳᖓ; ᐂᑉᐸᖓ ᑍᓗᒍ ᐱᓐᓇᕐᓇᕐᑐᒥᒃ, ᐂᐸᖓᓗ ᑍᓗᒍ ᐊᑕᐅᓯᐅᖃᑎᒌᖕᓂᕐᒥᒃ; ᓰᐱᑦ ᓂᕆᑎᓚᐅᕋᒃᑭᑦ.

ᒫᑎᐅᓯᐅᑉ ᐊᒡᓚᖏᑦ 16:18

ᑍᒤᒻᒪᑦ ᐅᖃᐅᑎᕙᒋᑦ, ᐲᑦᑐᕉᓯᐅᕗᑎᑦ, ᕾᕐᑐᖅ; ᕾᕐᑐᒧᑦ ᑕᕝᕗᖓ ᐃᓚᒌᒃᑐᖁᑎᒃᑲ ᑐᓐᖓᕕᖃᕐᑎᓪᓗᒋᑦ ᐋᖅᑭᒃᓱᕐᓂᐊᕐᐸᒃᑲ, ᑲᑉᐱᐊᓇᕐᑐᕕᐅᓪᓗᓐᓃ ᐃᓯᕐᑕᕐᕕᖓᑕ ᓵᓚᒋᔪᓐᓇᕐᓂᐊᓐᖏᓚ.

ᐄᑉᕈᐃᓄᑦ 11:10

ᐃᒡᓗᒐᓴᖕᓂᒃ ᐅᑕᖅᑭᓚᐅᕐᐳᖅ ᑐᓐᖓᕕᖃᕐᑐᓂᒃ ᐊᐅᓚᑦᔭᒃᑕᐅᔪᓐᓇᖏᑦᑐᓂᒃ ᐃᓪᓗᒃᓴᓕᐊᖑᓯᒪᔪᑦ ᒎᑎᐅᑉ ᐃᓱᒪᒋᔭᖓᓂᒃ ᓴᓇᔭᐅᓯᒪᓪᓗᑎᒃ.

ᐄᑉᕈᐃᓄᑦ 12:22

ᐃᓕᑦᓯᓕ ᖃᖅᑲᒧᑦ ᓮᐅᓂᒧᑦ ᑎᑭᓯᒪᕗᓯ ᒎᑎᐅᑉ ᑐᖁᓱᐃᑦᑑᑉ ᐃᒡᓗᒐᓴᒡᔪᐊᖁᑎᖏᓐᓄᑦ, ᔨᕉᓴᓕᒧᑦ ᕿᓚᖕᒦᑦᑐᒧᑦ, ᐂᖏᓕᒐᓴᒡᔪᐊᓄᑦ ᓈᓴᕐᑕᐅᔪᓐᓇᖏᑦᑐᓄᑦ ᖁᕕᐊᓱᖃᑎᒌᒡᓗᑎᒃ ᑲᑎᒪᔪᓄᑦ,

ᔧᒥᓯᐅᑉ ᐊᒡᓚᖏᑦ 2:5

ᑐᓴᕆᑦᓯ ᐅᒃᐱᕐᑑᖃᑎᒃᑳ ᓇᒡᓕᖕᓇᕐᑐᑦ. ᓯᓚᕐᔪᐊᕐᒥ ᐊᔪᕐᓴᕐᑐᑦ ᒎᑎᐅᑉ ᓂᕈᐊᕐᓯᒪᓐᖏᓔᑦ ᐅᒃᐱᕐᓂᕐᒥ ᐊᔪᕐᓴᕈᓐᓃᖁᓪᓗᒋᑦ ᑭᖑᕐᖑᑦᔨᖁᓪᓗᒋᓪᓗ ᐊᑕᓂᐅᕕᖕᒥᒃ ᓇᒡᓕᒃᑎᒥᓄᑦ ᐊᖏᕈᑎᒋᓯᒪᔭᒥᓂᒃ?