ᐂᓮᐊᓯᐅᑉ ᐊᒡᓚᖏᑦ 14:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐊᑕᓂᐅᑉ ᐋᓐᓂᐊᓂᕆᓚᐅᕐᑕᑦᓯᓐᓂᑦ ᐅᖁᒤᑦᑐᒥᒡᓗ ᐃᓅᓯᖃᕐᓂᕆᓚᐅᕐᑕᑦᓯᓐᓂᑦ ᑕᕾᕐᓯᕐᑎᓕᕐᐹᓯ, ᐊᒃᓱᕈᕐᓗᓯᓗ ᐱᔨᑦᓯᕐᑎᑕᐅᑦᔪᑎᒋᓚᐅᕐᑕᑦᓯᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 14:3 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 11:10

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᓯᐅᑉ ᑭᖑᕚᖓ, ᓂᑯᕕᑦᓱᒫᕐᐳᖅ ᐃᓄᖕᓄᑦ ᓇᓗᓁᒃᑯᑕᐅᓗᓂ; ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᑖᑦᓱᒥᖓ ᕿᓂᕈᒫᕐᐳᑦ, ᓇᔪᒐᖓᓗ ᐱᓐᓇᕐᓇᕐᑐᕐᔪᐊᖑᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 12:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐅᖃᕈᒫᕐᐳᓯ: “ᐊᑕᓃᖅ, ᓂᕐᑐᕐᓂᐊᕐᐸᒋᑦ; ᐅᕙᑦᑎᓐᓄᑦ ᓂᓐᖓᐅᒪᓚᐅᕋᓗᐊᕋᕕᑦ, ᑕᕝᕙ ᓂᓐᖓᐅᒪᓃᑦ ᓴᖑᓚᐅᕐᒪᑦ, ᓮᒻᒪᕐᑎᓚᐅᕐᐸᑦᑎᒍᓪᓗ.

ᐂᓮᐊᓯᐅᑉ ᐊᒡᓚᖏᑦ 32:18

ᐃᓄᖁᑎᒃᑲ ᐃᓂᖃᓕᕈᒫᕐᐳᑦ ᓮᒪᓇᕐᑐᒥ, ᐊᖏᕐᕋᖃᕐᓗᑎᒡᓗ ᓯᕘᕋᓇᖏᑦᑐᓂᒃ, ᓂᐱᖃᖏᑦᑐᒥᓗ ᓮᓕᔪᒥᒡᓗ ᐃᓂᖃᕐᓇᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 40:2

“ᐅᖃᓪᓚᓕᕆᑦ ᒪᓂᒍᕐᑕᐅᓇᕐᑐᓂᒃ ᔨᕉᓴᓕᒧᑦ, ᐅᖃᓪᓚᒡᕕᒋᒃᑭᑦ ᐅᓇᑕᕐᓂᖓᑦ ᐃᓱᓕᒻᒪᑦ, ᐊᔪᕐᑐᓕᓂᖏᓪᓗ ᐃᓱᒪᒋᔪᓐᓁᕐᑕᐅᖕᒪᑕ, ᐊᑕᓂᕐᒧᑦ ᓱᒋᐊᕐᑕᐅᓯᒪᖕᒪᑕ ᐊᔪᕐᑐᓕᓂᖏᑕ ᒪᕐᕈᐃᕐᑑᑎᓪᓗᐊᖏᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 17:4

ᐱᓂᐊᕐᓂᓯ ᒪᓕᒡᓗᒋᑦ ᑭᖑᕐᖑᑎᔭᒃᓴᓯ ᐊᓯᐅᔨᔪᒫᕐᐸᓯ ᑐᓂᓚᐅᕐᑕᒃᑲ ᐃᓕᑦᓯᓐᓄᑦ, ᐊᑭᕋᓯᓐᓂᒃ ᐱᔨᑦᓯᕐᑎᑦᓱᒫᕐᐸᓯ ᓄᓇᒥ ᑲᐅᔨᒪᓐᖏᑕᑦᓯᓐᓂ, ᓂᓐᖓᐅᓯᕋ ᐃᑯᒪᑐᑦ ᐃᑯᐊᓪᓚᒃᑎᑕᐅᖕᒪᑦ ᐃᑯᐊᓚᔪᒫᕐᓗᓂᓗ ᐃᓱᖃᖏᑦᑐᒧᑦ.”

ᔨᕆᒤᐊᐅᑉ ᐊᒡᓚᖏᑦ 30:10

“ᔧᑯᒃᑯᑦ ᐃᓄᖁᑎᒃᑲ, ᓯᕘᕋᓂᐊᕋᓯ ᓴᐱᓕᕐᑍᓕᓗᓯᓗ ᐃᓴᕆᐊᓕᒥᐅᑕᐅᔪᓯ; ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐱᐅᓕᓂᐊᕐᐸᑦᓯ ᓄᓇᒥᑦ ᐅᖓᓯᒃᑐᒥᑦ, ᑭᖑᕚᓯᓗ ᐊᐅᓪᓚᕐᑎᑕᐅᓯᒪᕕᒋᔭᖏᓐᓂᑦ, ᔧᑯᒃᑯᑦ ᐃᓕᒪᓱᖏᓪᓗᑎᒃ ᖃᓄᐃᖏᑦᓯᐊᕐᓗᑎᒡᓗ ᐃᓅᔪᓐᓇᕐᓯᔪᒫᖁᓪᓗᒋᑦ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᖏᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 30:8

ᐊᑕᓂᖅ ᐅᖃᕐᐳᖅ, ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᓄᓯᒪᑦᔪᑎᖏᑕ ᕿᔪᒃᑕᖏᑦ ᖁᖓᓯᖏᓐᓃᑦᑐᑦ ᓱᕋᒍᒫᕐᐸᒃᑲ, ᐊᑦᑐᖏᕐᓯᒪᑦᔪᑎᒋᔭᖏᓪᓗ ᐲᔭᕐᓗᒋᑦ, ᐊᔪᓕᕐᑎᑕᐅᓯᒪᒃᑲᓐᓂᖁᓇᒋᑦ ᐊᓯᖏᑕ ᐊᐅᓚᑦᓯᓂᖏᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 50:34

ᐱᐅᓕᔨᒃᓴᖓᑦ ᐱᔪᓐᓇᕐᓂᕐᔪᐊᖃᕐᐳᖅ, ᐊᑎᖃᕋᒥ ᐊᑕᓂᕐᒥᒃ ᐊᔪᒐᖃᖏᑦᑐᕐᔪᐊᕐᒥᒃ. ᓴᐳᑦᔨᓇᓱᒡᓗᓂ ᐊᔪᐃᓐᓇᕈᓐᓇᕐᑐᖅ, ᓮᓕᑦᓯᐊᕐᓂᕐᒥᒃ ᑎᑭᑎᑦᓯᔪᒫᕐᐳᖅ ᓄᓇᕐᔪᐊᕐᒧᑦ, ᐹᐱᓘᓂᒦᑦᑐᓪᓕ ᓮᓕᑦᓯᐊᕈᓐᓇᕈᒫᓐᖏᓚᑦ.

ᐃᓯᑭᐊᓕᐅᑉ ᐊᒡᓚᖏᑦ 28:24

“ᐃᓴᕆᐊᓕᐅᑉ ᑭᖑᕚᖏᑦ ᐋᓐᓂᕐᓯᑕᐅᕙᒍᓐᓃᕈᒫᕐᐳᑦ ᑲᑭᓪᓚᕐᓇᕐᑐᓄᑦ ᐊᕙᑖᓂ ᓄᓇᖃᕐᑐᓄᑦ ᐸᒡᕕᓴᕐᑕᐅᕙᖑᓐᓃᕐᓗᑎᒃ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ ᒎᑎ.

ᓴᑲᕅᐊᐅᑉ ᐊᒡᓚᖏᑦ 8:2

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᐊᖏᔪᐊᓗᖕᒥᒃ ᓯᕐᓈᕋᒪ ᓮᐅᓂ ᐱᑦᔪᑎᒋᓪᓗᒍ; ᐊᑭᕋᖏᑦ ᓯᕐᓈᕐᕕᒋᒐᒃᑭᑦ ᓇᒡᓕᖕᓂᕋ ᐊᖏᔪᐊᓘᖕᒪᑦ ᓮᐅᓂᒧᑦ.

ᓴᑲᕅᐊᐅᑉ ᐊᒡᓚᖏᑦ 8:8

ᐅᑎᕐᑎᑦᓱᒫᕐᐸᒃᑲ ᔨᕉᓴᓕᒥ ᐃᓂᖃᓕᖁᓪᓗᒋᑦ ᓯᕿᓂᐅᑉ ᓄᐃᓕᕐᕕᐊᓂᑦ ᓂᐱᕕᐊᓄᑦ; ᐃᓄᖁᑎᒋᔪᒫᕐᐸᒃᑲ, ᐅᕙᖓᓗ ᓱᖁᓯᔪᐃᑑᓗᖓ ᐃᖅᑲᕐᑐᐃᑦᓯᐊᕐᓗᖓᓗ ᑖᒃᑯᓄᖓ ᒎᑎᒋᔭᐅᔪᒫᕐᐳᖓ.”

ᒨᓯᓯ ᑕᓪᓕᒪᖏᑦ 28:48

ᑍᒤᒻᒪᑦ, ᐊᑭᕋᕐᑐᕐᑎᑦᓯᓐᓂᒃ ᐱᔨᑦᓯᕆᐊᖃᕈᒫᓕᕐᐳᓯ ᐊᑕᓂᐅᑉ ᑎᓕᓂᐊᕐᑕᖏᓐᓂᒃ ᐃᓕᑦᓯᓐᓄᑦ ᓵᓚᒋᔭᐅᖁᓪᓗᓯ, ᑳᒍᒫᕐᐳᓯ, ᐃᒥᕈᒡᓗᓯᓗ, ᐊᓐᓄᕌᖃᖏᓪᓗᓯᓗ ᓱᓇᓕᒫᓂᒡᓗ ᑭᓐᖒᒪᒃᓯᕐᓗᓯ; ᐊᑕᓂᐅᑉ ᐅᖁᒤᒃᓴᕐᑎᑦᓱᒫᕐᐹᓯ ᓂᑲᒋᖏᓪᓗᓂᓯ ᐋᓐᓂᕐᓇᕐᑐᓄᑦ ᓄᖑᑕᐅᓚᐅᖏᓐᓂᑦᓯᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:20

“ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᐃᑦᔪᕐᓁᑦᑐᓯ ᐋᐴᓯᑕᓕᐅᔪᓯᓗ ᓇᓚᐅᑦᑍᔨᐅᔪᓯᓗ, ᐃᓕᑦᓯᓐᓄᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ ᒎᑎᐅᑉ ᐃᖅᑲᕐᑐᕐᓯᒪᖕᒪᒋᑦ ᐊᑭᓂᐊᕐᕕᒋᓪᓗᒋᑦ!”