ᐂᓮᐊᓯᐅᑉ ᐊᒡᓚᖏᑦ 14:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐅᐱᒋᔭᐅᓪᓗᑎᑦ ᑯᑭᑦᑕᐸᐅᑎᓄᑦ ᓂᓪᓕᐊᑎᑦᓯᕕᐅᕙᓚᐅᕐᐳᑎᑦ, ᑕᑯᒋᑦ ᒫᓐᓇ ᑐᖁᖓᔪᑦ ᐃᓂᖓᓐᓃᓕᕐᐳᑎᑦ; ᓇᓪᓚᖓᕗᑎᑦ ᕿᑎᕈᓪᓕᖕᓂᒃ ᐊᓪᓕᓂᖃᕐᓗᑎᑦ ᐅᓕᖃᕐᓗᑎᓪᓗ ᖁᐱᕐᕈᓂᒃ.’

ᐂᓮᐊᓯᐅᑉ ᐊᒡᓚᖏᑦ 14:11 Iomraidhean Croise

ᔫᐱᐅᑉ ᐊᒡᓚᖏᑦ 21:26

ᑐᖁᕙᒃᐳᑦ ᓴᓂᓕᕇᒃᓗᑎᒃ ᐃᓗᕕᕐᓯᒪᓪᓗᑎᒃ, ᓄᓇᐅᓪᓗ ᖁᒡᓗᒋᐊᖏᓐᓄᑦ ᐅᓕᒃᑕᐅᕙᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 22:2

ᓂᐱᖅᑯᕐᑐᔪᐊᓘᓕᕋᑦᓯ, ᐅᐃᒪᔮᕐᑐᑦ ᐃᒡᓗᒐᓴᒡᔪᐊᕐᒥᐅᑦ ᓂᐱᖏᑎᑐᑦ, ᖁᕕᐊᓱᕕᒡᔪᐊᕐᑐᑎᑐᑦ ᓄᓇᓕᒡᔪᐊᒥ, ᑐᖁᑕᐅᓯᒪᔪᑦ ᐃᓕᑦᓯᓐᓂᑦ ᓴᕕᒡᔪᐊᒧᑦ ᑐᖁᕋᕐᑕᐅᓐᖏᓚᑦ ᐅᓇᑕᕐᓂᕐᒧᓪᓘᓐᓃᑦ ᑐᖁᕋᕐᑕᐅᓐᓂᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 5:14

ᑍᒤᒻᒪᑦ ᑐᖁᖓᔪᑦ ᐃᓂᖓᑦ ᐊᕿᐊᑦᑐᕐᑎᑕᐅᓕᕐᐳᖅ; ᖃᓂᓂᓗ ᐂᑦᑕᕐᐹ ᐊᖏᔪᕐᔪᐊᖑᓕᕐᓗᒍ ᐆᒃᑐᕋᕐᑕᐅᔪᓐᓇᖏᑦᑐᒧᑦ, ᔨᕉᓴᓕᐅᓪᓗ ᐊᖓᔪᖅᑳᖁᑎᖏᑦ ᐃᓄᒐᓴᒡᔪᐊᖏᓪᓗ ᑖᑦᓱᒪ ᖃᓂᖓᓄᑦ ᐄᔭᐅᕗᑦ, ᐃᓄᒐᓴᒡᔪᐊᑦ ᐊᖏᔪᕈᕐᑎᑦᓯᕙᒃᑐᓪᓗ ᑖᑦᓱᒥᖓ.

ᐂᓮᐊᓯᐅᑉ ᐊᒡᓚᖏᑦ 51:8

ᖁᐱᕐᕈᓄᑦ ᖃᓪᓗᓈᕐᑕᓂᒃ ᓂᕆᓲᓄᑦ ᓂᕆᔭᐅᔪᒫᕐᒪᑕ, ᖁᐱᕐᕈᓄᓪᓗ ᓄᕕᕐᓵᒃᓴᓂᒃ ᓂᕆᓲᓄᑦ ᓂᖃᐅᓗᑎᒃ; ᓴᐳᑦᔨᓂᕋᓕ ᐃᓱᖃᖏᑦᑐᒧᑦ ᓱᕐᕋᖕᓂᐊᓐᖏᓚᖅ, ᐱᐅᓕᒃᓯᓂᕋᓗ ᑭᖑᕚᖑᖃᑎᒌᓕᒫᓄᑦ.

ᐂᓮᐊᓯᐅᑉ ᐊᒡᓚᖏᑦ 66:24

ᐊᓂᒍᑎᒡᓗ ᑕᑯᔪᒫᕐᐳᑦ ᐅᕙᓐᓂᒃ ᐊᑭᕋᕐᑐᕐᑐᑦ ᑎᒥᕕᓂᖏᓐᓂᒃ ᑐᖁᖓᔪᓂᒃ; ᖁᐱᕐᕈᖏᓪᓗ ᑐᖁᔪᒫᓐᖏᓚᑦ, ᐃᑯᐊᓚᔪᒦᓪᓗᑎᒡᓗ ᖃᒥᑕᒃᓴᐅᖏᑦᑐᓂ, ᐃᓅᖃᑎᒌᒡᔪᐊᓄᑦ ᑕᒪᓐᓇ ᑕᑯᒥᓁᑦᑐᕐᔪᐊᖑᔪᒫᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 26:13

ᑐᓴᕐᓂᕋᐅᑎᓄᑦ ᐃᓐᖏᕐᓂᓯ ᓄᖅᑲᕐᑎᑦᓱᒫᕐᐸᒃᑲ, ᑯᑭᑦᑕᐸᐅᑎᐅᔧᓪᓗ ᑐᓴᕐᓴᐅᔪᖃᕈᓐᓃᕈᒫᕐᐳᑦ.