ᐂᓮᐊᓯᐅᑉ ᐊᒡᓚᖏᑦ 13:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐱᑎᒃᓯᒥᖕᓄᑦ ᑐᖁᕅᔪᒫᕐᐳᑦ ᐃᓅᓱᒃᑐᓂᒃ; ᓂᑲᒍᓱᖃᓐᖏᓚᑦ ᐃᒡᓕᐊᕐᒥᑦ ᐊᓂᓯᒪᔪᓂᒃ; ᓄᑕᖅᑲᓂᒡᓗ ᓇᒡᓕᒍᓱᒐᑎᒃ.

ᐂᓮᐊᓯᐅᑉ ᐊᒡᓚᖏᑦ 13:18 Iomraidhean Croise

ᐊᑕᓃᑦ ᐂᑉᐸᖏᑦ 8:12

ᕼᐊᔧᐅᓪᓗ ᐊᐱᕆᓕᕐᐹ, “ᓱᖕᒪᑦ ᐊᑕᓂᕋ ᖁᕝᕕᐅᕐᐹ?” ᐃᓔᓴᐅᑉ ᑭᐅᕚ, “ᖃᐅᔨᒪᒐᒪ ᐃᓴᕆᐊᓕᒥᐅᓂᒃ ᐱᑦᓯᐊᖏᑦᓱᒫᕋᕕᑦ, ᐃᑯᐊᓪᓔᔪᒫᕐᐳᑎᑦ ᐃᒡᓗᒐᓴᖁᑎᖏᓐᓂᒃ ᐱᔭᐅᑦᔧᕐᓯᒪᔪᓂᒃ, ᐅᕕᒐᕐᑐᖁᑎᖏᓪᓗ ᑐᖁᕋᕈᒫᕐᐸᑎᑦ ᓴᕕᒡᔪᐊᕐᒧᑦ, ᓄᑕᕋᖏᓪᓗ ᐃᖅᑲᑦᑖᕆᓗᒋᑦ ᑐᖁᑦᓱᒫᕐᐸᑎᑦ, ᐊᕐᓇᖏᓪᓗ ᓄᑕᕋᒃᓴᓖᑦ ᓈᖏᑦ ᓰᒡᓗᒋᑦ ᐊᕐᒪᕐᑎᕈᒫᕐᐸᑎᑦ.”

ᑯᕉᓂᑲ ᐂᑉᐸᖏᑦ 36:17

ᑍᒤᒻᒪᑦ ᑎᑭᑕᐅᑎᓚᐅᕐᐰᑦ ᑲᐅᓪᑎᐊᒥᐅᑦ ᐊᖓᔪᖅᑳᕐᔪᐊᖓᓄᑦ, ᑖᑦᓱᒪ ᐊᖑᑏᑦ ᐃᓅᓱᒃᑐᖁᑎᖏᑦ ᑐᖁᓚᐅᕐᐰᑦ ᓴᕕᒡᔪᐊᒧᑦ ᐃᒡᓗᖏᓐᓂ ᐃᑦᔪᕐᓁᑦᑐᕕᖕᒥᓗ, ᐃᓚᑦᓱᒋᓇᒋᑦ ᐊᖑᑏᑦ ᐃᓅᓱᒃᑐᑦ ᐊᕐᓁᓪᓗ ᐅᐃᒡᒐᓱᐃᑦ, ᐃᑦᑐᐃᑦ ᐃᓄᑐᕾᓪᓗ; ᑖᑦᓱᒪ ᑐᓂᔧᓐᓇᕆᓚᐅᕐᐰᑦ ᑖᑦᓱᒧᖓ.

ᐃᓐᖏᕈᑎᑦ 127:3

ᑕᑯᒋᑦ, ᓄᑕᖅᑲᑦ ᐊᑕᓂᕐᒥᑦ ᑐᓂᕐᕈᓯᐊᖑᕗᑦ, ᐃᒡᓕᐊᓪᓗ ᐱᕈᕐᑎᑕᖓ ᑖᑦᓱᒪᓐᖓᑦ ᓮᒻᒪᕐᑎᑕᐅᑦᔪᑕᐅᕗᖅ.

ᐂᓮᐊᓯᐅᑉ ᐊᒡᓚᖏᑦ 13:16

ᕿᑐᕐᖓᓛᖏᑦ ᐃᒋᑕᐅᓗᑎᒃ ᑐᖁᕋᕐᑕᐅᔪᒫᕐᐳᑦ ᑕᑯᓐᓈᕐᑎᓪᓗᒋᑦ; ᐃᒡᓗᖏᓪᓗ ᐃᓵᕐᓴᕐᑕᐅᓗᑎᒃ ᑎᒍᓚᕕᐅᔪᒫᕐᐳᑦ, ᓄᓕᐊᖏᓪᓗ ᖁᓄᔪᕐᓂᐊᕐᑕᐅᓗᑎᒃ ᐱᖃᑎᒋᔭᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 47:9

ᐅᑯᓄᖓ ᒪᕐᕉᖕᓄᑦ ᑎᑭᑕᐅᔪᒫᕐᐳᑎᑦ ᐅᓪᓗᑦᓮᓐᓇᖅ; ᕿᑐᕐᖓᑎᑦ ᓄᖑᑦᓱᒫᕐᐳᑦ, ᐅᐃᒡᒐᕐᓗᑎᓪᓗ, ᑕᒪᒃᑯᐊ ᐃᓕᖕᓄᑦ ᑎᑭᐅᑎᔪᒫᕐᐳᑦ ᐊᒃᓱᕈᕐᓇᓪᓚᕆᒡᓗᑎᒃ, ᐊᖓᒃᑯᖁᑎᑎᑦ ᐅᓄᕐᑑᒐᓗᐊᕐᑎᓪᓗᒋᑦ, ᐊᖓᒃᑰᓵᕐᓂᖏᑦ ᐱᔪᓐᓇᕐᓂᓕᐊᓘᒐᓗᐊᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 5:28

ᖃᕐᔪᖏᑦ ᐃᐱᒃᐳᑦ, ᐱᓯᒃᑎᓕᒫᖏᓪᓗ ᓂᐅᖓᒃᓯᒪᕗᑦ ᐅᕐᓕᕐᑐᕐᓗᑎᒃ, ᕿᒻᒥᕐᔪᐊᖏᑕᓗ ᑯᑭᖏᑦ ᐊᖕᒫᒃᓴᑎᑐᑦ ᓯᑎᔪᑎᑐᑦ ᑍᒤᑉᐳᑦ, ᑲᓕᒐᖏᑕᓗ ᐊᒃᓴᓗᐊᖏᑦ ᐅᓚᔪᔭᕐᑎᑐᑦ ᑬᕕᑉᐳᑦ.

ᔨᕆᒤᐊᐅᑉ ᐊᒡᓚᖏᑦ 18:21

ᑍᒤᒻᒪᑦ ᕿᑐᕐᖓᖏᑦ ᑳᖕᓇᕐᑐᕐᔪᐊᒧᑦ ᐱᕐᓕᕋᓕᕐᓕᑦ; ᐅᓇᑕᕐᑐᓄᓪᓗ ᑐᖁᕋᕐᑕᐅᓕᕐᓕᑦ, ᓄᓕᐊᖏᑦ ᕿᑐᕐᒊᕈᑦᔭᐅᓕᕐᓕᑦ, ᐅᐃᒡᒐᕐᓂᐅᓕᕐᓗᑎᒡᓗ, ᐊᖑᑎᖏᓪᓗ ᑐᖁᕋᕐᑕᐅᓗᑎᒃ ᐋᓐᓂᐊᓇᕐᑐᓄᑦ, ᐃᓅᓱᒃᑐᖁᑎᖏᓪᓗ ᐅᓇᑕᕐᑐᓂ ᑐᖁᕋᕐᑕᐅᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 5:16

ᐱᑎᒃᓯᖃᐅᑎᖏᑦ ᐃᓗᕕᕐᑎᑐᑦ ᒪᑐᐃᖓᔪᑎᑐᑦ ᑍᒤᑉᐳᑦ, ᐊᔪᖏᑦᑐᕐᔪᐊᑦ.

ᔨᕆᒤᐊᐅᑉ ᐊᒡᓚᖏᑦ 50:30

ᑍᒤᒻᒪᑦ ᐃᓅᓱᒃᑐᖁᑎᖏᑦ ᑐᖁᕋᕐᑕᐅᔪᒫᕐᐳᑦ, ᐅᓇᑕᕐᑐᒃᓴᖁᑎᖏᓪᓗ ᑐᖁᑕᐅᓗᑎᒃ ᑕᒪᕐᒥᒃ ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 50:42

ᐅᓇᑕᕆᐊᕐᑐᑦ ᓱᒋᐅᑦᓯᔭᕐᐳᑦ ᐱᑎᒃᓯᓂᒃ ᖃᓗᒋᐊᓂᒡᓗ ᓂᑲᒍᓱᖃᓐᖏᓚᑦ ᓇᒡᓕᖕᓂᖃᕋᑎᒡᓗ, ᕿᒻᒥᕐᔪᐊᖏᑕ ᕿᑭᕐᕋᖏᑦ ᐃᒪᕐᕕᐅᑉ ᒪᓕᖏᑎᑐᑦ ᐃᒃᑑᓕᔮᕐᐳᑦ, ᐅᓇᑕᕆᐊᕐᓯᒪᔪᑦ ᐋᖅᑭᒃᓯᒪᓂᕆᕙᒃᑕᖏᑎᑐᑦ ᐋᖅᑭᒃᓯᒪᓪᓗᑎᒃ ᐅᐸᒍᑎᓕᕐᐳᑦ ᐹᐱᓘᓂᒧᑦ.

ᔨᕆᒤᐊᐅᑉ ᐊᒡᓚᖏᑦ 51:22

ᐊᑐᕐᓗᑎᑦ ᐊᓯᕈᐃᓚᐅᕐᐳᖓ ᐊᖑᑎᓂᒃ ᐊᕐᓇᓂᒡᓗ, ᐊᑐᕐᓗᑎᓪᓗ ᐊᓯᕈᐃᓚᐅᕐᐳᖓ ᐃᓄᑐᖃᐅᓕᕐᑐᓂᒃ ᐃᓅᓱᒃᑐᓂᒡᓗ, ᐊᑐᕐᓗᑎᑦᑕᐅᖅ ᐊᓯᕈᐃᓚᐅᕐᐳᖓ ᓄᓖᑦᑐᓂᒃ ᐅᐃᒡᒐᓱᖕᓂᒡᓗ.

ᔨᕆᒤᐊᐅᑉ ᐊᒡᓚᖏᑦ 6:23

ᐅᓇᑕᐅᑎᖃᕐᐳᑦ ᐱᑎᒃᓯᓂᒃ ᖃᓗᒋᐊᓂᒡᓗ, ᐊᑦᑕᕆᔭᖃᓐᖏᓚᑦ ᓇᒡᓕᖕᓂᖃᕋᑎᒡᓗ, ᓂᐱᖏᑦ ᓂᐱᖃᕐᐳᑦ ᐃᒪᕕᐅᑉ ᐃᒃᑑᓕᔮᕐᓂᖓᑐᑦ, ᐃᖏᕐᕋᓕᕌᖓᒥᒃ ᕿᒻᒥᕐᔪᐊᓄᑦ, ᓮᐅᓂᒥᐅᑕᐅᔪᓯ ᐅᐸᒃᑕᐅᓕᕐᐳᓯ ᐅᓇᑕᐅᓯᔭᕐᑐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 9:10

ᐅᕙᖓᑦᑕᐅᖅ ᓇᒡᓕᒋᓗᒋᑦ ᑕᑯᓐᓇᕐᓂᐊᕈᓐᓃᕐᐸᒃᑲ, ᓂᑲᒋᓂᐊᕈᓐᓃᕐᓗᒋᓪᓗ, ᐊᑭᓂᐊᕐᕕᒋᓂᐊᓕᕐᐸᒃᑲ ᐱᓂᐊᕐᓂᖏᑦ ᒪᓕᒡᓗᒋᑦ.”

ᑖᓂᐊᓕᐅᑉ ᐊᒡᓚᖏᑦ 7:5

“ᐆᒪᔫᓪᓗ ᐂᑉᐸᖓ ᓵᓐᓃᓕᕆᕗᖅ, ᓇᓄᕐᑎᑐᑦ ᑕᐅᑦᑐᓕᒃ, ᑖᓐᓇᓗ ᒪᑭᑎᑕᐅᕗᖅ, ᐱᖓᓱᓂᒡᓗ ᑐᓕᒫᓂᒃ ᑭᖕᒥᐊᕐᐳᖅ; ᐅᖃᐅᑎᔭᐅᓪᓗᓂᓗ, ‘ᒪᑭᓪᓗᑎᑦ ᓂᕆᔪᓐᓇᕐᑕᓕᒫᕐᓂᒃ ᓂᕿᒥᒃ ᓂᕆᒋᑦ!’

ᕼᐆᓯᐊᑉ ᐊᒡᓚᖏᑦ 13:16

ᓴᒥᐊᕆᐊᑉ ᐸᓯᔭᒃᓴᐅᓂᓂ ᓇᖕᒪᒃᑕᒃᓴᕆᕚ, ᐊᑭᕋᕐᑐᓕᓚᐅᕐᒪᑦ ᒎᑎᒥᓂᒃ; ᐅᕐᕈᑎᑕᐅᔪᒫᕐᐳᑦ ᓴᕕᒡᔪᐊᒧᑦ, ᐊᕐᓁᓪᓗ ᓄᑕᕋᖏᑦ ᓄᓇᒧᑦ ᐃᒋᐅᖅᑲᕐᑕᐅᔪᒫᕐᐳᑦ, ᐊᕐᓁᓪᓗ ᓄᑕᕋᒃᓴᓖᑦ ᐱᓚᒃᑕᐅᔪᒫᕐᐳᑦ ᓰᒃᑕᐅᓗᑎᒃ.”

ᓇᕼᐅᒥᐅᑉ ᐊᒡᓚᖏᑦ 2:1

ᓯᖁᑦᑎᕆᔨ ᐃᓕᑦᓯᓐᓄᑦ ᒪᔪᕋᓕᕐᐳᖅ. ᐊᕙᓗᕐᔪᐊᓯ ᖃᐅᔨᓴᕐᑎᖃᓕᕐᓕᑦ; ᐊᖅᑯᑏᑦ ᐅᑦᔨᕐᑐᓕᕐᓯᒋᒃ; ᐅᓇᑕᕐᓂᕐᒧᑦ ᐊᑐᐃᓐᓇᕈᓕᕆᑦᓯ; ᓴᓐᖏᒃᑎᓴᓕᕆᑦᓯ ᓄᑭᖃᑦᓯᐊᖁᓪᓗᓯ.

ᓇᕼᐅᒥᐅᑉ ᐊᒡᓚᖏᑦ 3:10

ᑎᐲᓯᐅᓪᓕ ᐃᓄᖏᑦ ᐊᐅᓪᓚᕈᑦᔭᐅᓕᕐᐳᑦ, ᐊᖅᑯᑏᓪᓗ ᓴᖑᖓᓂᖏᓐᓂ ᕿᑐᕐᖓᖏᑦ ᑏᒐᕆᐅᑦᔭᐅᕙᒃᓗᑎᒃ ᑐᖁᕋᕐᑕᐅᕗᑦ; ᓯᓚᑐᓂᖏᓪᓗ ᓇᓚᐅᑦᑖᕈᑎᒃᑯᑦ ᐱᑖᕐᑐᒐᐅᕗᑦ, ᓯᕗᓕᕐᑎᓕᒫᖏᓪᓗ ᐊᕐᓵᕐᑑᔭᓄᑦ ᐃᐱᕐᑐᕐᑕᐅᓪᓗᑎᒃ.