ᐂᓮᐊᓯᐅᑉ ᐊᒡᓚᖏᑦ 13:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ “ᓄᓇᕐᔪᐊᖅ ᓱᒋᐊᕈᒫᕐᐸᕋ ᐊᔪᕐᑐᓕᓃᑦ ᐱᓪᓗᒋᑦ, ᐱᐅᖏᑦᑐᓕᔪᓪᓗ ᐱᐅᖏᑦᑐᓕᓂᖏᑦ ᐱᓪᓗᒋᑦ; ᐱᐅᔪᕆᔪᑦ ᑲᑉᐱᐊᒋᔭᐅᔪᒪᓂᖏᑦ ᐃᓱᓕᑎᑦᓱᒫᕐᐸᒃᑲ, ᒥᑭᒡᓕᑎᓪᓗᒋᓪᓗ ᐊᔪᖏᓐᓇᓱᒋᔪᑦ ᓂᑲᒍᓱᖃᖏᓐᓂᖏᑦ.

ᐂᓮᐊᓯᐅᑉ ᐊᒡᓚᖏᑦ 13:11 Iomraidhean Croise

ᔫᐱᐅᑉ ᐊᒡᓚᖏᑦ 40:12

ᑕᑯᓚᐅᒃᑭᑦ ᐱᐅᔪᕆᔪᓕᒫᑦ, ᐅᕐᕈᑎᓪᓗᒋᓪᓗ; ᐱᐅᖏᑦᑐᓕᔪᓪᓗ ᑐᓐᖓᕕᖏᑦ ᑐᓪᓕᕋᕐᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:31

ᐃᓱᐊᕐᑐᑦ ᐱᓂᐊᕐᓂᖏᑦ ᐊᑭᓕᕐᑕᐅᔪᓐᓇᕐᐸᑕ ᓄᓇᒥ, ᑕᕝᕙᓕᑭᐊᖅ ᒎᑎᖃᖏᑦᑐᑦ ᐊᔪᕐᑐᓕᔪᓪᓗ ᐱᓂᐊᕐᕕᐅᓂᕐᓴᐅᓂᐊᕐᐳᑦ ᐱᓂᐊᕐᓂᖏᑦ ᒪᓕᒡᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:13

ᐊᑕᓂᕐᒥᒃ ᓯᕘᕋᓂᖅ ᐱᐅᖏᑦᑐᒥᒃ ᐆᒥᓱᒃᐳᖅ; ᐱᐅᔪᕆᔪᑦ ᐱᔪᓐᓇᕋᓱᒋᓗᐊᕐᑐᓪᓗ ᐱᐅᖏᑦᑐᓕᔪᓪᓗ ᓱᓕᖏᑦᑐᓂᒡᓗ ᐅᖃᓚᒃᐸᒃᑐᑦ ᐆᒥᒋᕙᒃᑲ.

ᐂᓮᐊᓯᐅᑉ ᐊᒡᓚᖏᑦ 11:4

ᐃᓱᐊᕐᑐᓕᓂᒃᑯᑦ ᐊᔪᕐᓴᕐᑐᑦ ᐊᑦᔨᒌᒃᑎᑦᓱᒫᕐᐰᑦ ᐊᑦᔨᒌᒃᑎᑦᓯᓂᕐᒥᒍᓪᓗ ᐱᓇᓱᐊᕐᕕᖃᕈᒫᕐᐳᖅ ᓄᓇᒥ ᒥᑭᒡᓕᑎᕐᓯᒪᔪᓂᒃ; ᓄᓇ ᐊᓇᐅᔪᒫᕐᐹ ᐊᓇᐅᑕᕐᒧᑦ ᖃᓂᕐᒥᓂᑦ ᐱᔪᒧᑦ, ᖃᓂᖓᑕᓗ ᓱᐱᓯᓂᖓᓄᑦ ᐊᔪᕐᑐᓕᔪᑦ ᑐᖁᑦᓱᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 14:21

ᑐᖁᕅᓂᖅ ᐃᕐᓂᖏᓐᓂᑦ ᐸᕐᓇᐅᑕᐅᓕᕐᓕ ᓯᕗᓕᖏᑕ ᐸᓯᔭᒃᓴᐅᓂᕐᖏᑦ ᐱᑦᔪᑎᒋᓗᒋᑦ, ᑖᒃᑯᐊ ᒪᑭᓪᓗᑎᒃ ᓄᓇᕐᔪᐊᕐᒥᒃ ᓇᖕᒥᓂᕐᑖᖁᓇᒋᑦ, ᓄᓇᕐᔪᐊᖅ ᐃᒡᓗᒐᓴᒡᔪᐊᓕᐊᖏᓐᓄᑦ ᑕᑕᑕᐅᖁᓇᒍ.”

ᐂᓮᐊᓯᐅᑉ ᐊᒡᓚᖏᑦ 14:5

ᐊᑕᓂᐅᑉ ᓇᐱᓯᒪᕔᑦ ᐱᐅᖏᑦᑐᓕᔪᑦ ᐊᔭᐅᑉᐱᐊᖏᑦ, ᐊᖓᔪᖅᑳᕐᔪᐊᓪᓗ ᐱᖁᔨᔪᓐᓇᐅᑎᒥᓄᑦ ᑎᒃᑯᐊᕐᓯᑦᔪᑎᖏᑦ.

ᐂᓮᐊᓯᐅᑉ ᐊᒡᓚᖏᑦ 2:11

ᐊᖑᑎᐅᑉ ᐱᐅᔪᕆᓂᕐᒧᑦ ᑕᑯᔭᐅᑎᓐᓇᓱᐊᕐᓂᖓ ᒥᒃᓕᓕᕐᑎᑕᐅᔪᒫᕐᐳᖅ, ᐃᓄᐃᓪᓗ ᐱᐅᔪᕆᔪᑦ ᒥᑭᒡᓕᑎᑕᐅᓗᑎᒃ, ᐊᑕᓂᖅ ᑖᓐᓇᑐᐊᖅ ᐊᖏᒡᓕᑎᑕᐅᔪᒫᕐᐳᖅ ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ.

ᐂᓮᐊᓯᐅᑉ ᐊᒡᓚᖏᑦ 2:12

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᓪᓗᒃᓴᖃᕐᒪᑦ ᐊᑭᕋᕐᑐᕐᓗᓂ ᐱᐅᔪᕆᔪᓂᒃ ᑕᒤᓐᓂᒃ ᐱᔪᓐᓇᕋᓱᒋᔪᓂᒡᓗ, ᐊᑭᕋᕐᑐᕐᓗᓂᓗ ᐅᐱᓐᓇᕐᓂᕋᕐᑕᐅᔪᓂᒃ ᖁᕝᕙᓯᒐᓱᐊᕐᑐᓂᒡᓗ, ᑕᒤᓐᓂᒃ;

ᐂᓮᐊᓯᐅᑉ ᐊᒡᓚᖏᑦ 2:17

ᐃᓅᓪᓗ ᐱᐅᔪᕆᓂᖓ ᒥᑭᒡᓕᑎᑦᓱᒫᕐᐹ, ᐃᓄᐃᓪᓗ ᐱᐅᔪᕆᓂᖏᑦ ᒥᑭᔪᕈᕐᑎᓪᓗᒋᑦ; ᐊᑕᓂᖅ ᑖᓐᓇᑐᐊᖅ ᐊᖏᔪᕈᕐᑎᑕᐅᔪᒫᕐᐳᖅ ᐅᓪᓗᒥ ᑖᑦᓱᒪᓂ.

ᐂᓮᐊᓯᐅᑉ ᐊᒡᓚᖏᑦ 22:14

ᑕᕝᕙ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐅᖃᐅᑎᓚᐅᕐᐹᖓ, “ᑕᒪᓐᓇ ᐊᔪᕐᑐᓕᓂᖅ ᐃᓱᒪᒋᔪᓐᓁᕐᑕᐅᑦᔪᑎᒋᓂᐊᓐᖏᓛᑦ ᐃᓅᓂᓕᒫᖏᓐᓂ,” ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 23:9

ᐊᑕᓂᐅᑉ ᐊᔪᒐᖄᖏᑦᑑᑉ ᑕᒪᓐᓇ ᐃᓱᒪᓕᐊᕆᓚᐅᕐᐹ, ᐱᔪᓐᓇᕋᓱᒋᓗᐊᕐᓂᖏᑦ ᓇᕐᕈᓇᕐᓯᖁᓪᓗᒋᑦ, ᐃᓄᖏᑕᓗ ᐅᐱᒋᔭᐅᓗᐊᕐᓂᖏᑦ ᑕᒪᕐᒥᒃ ᓇᓗᖅᑯᑎᑦᔪᑎᒃᓴᓐᖑᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 24:21

ᓇᓪᓕᐅᑎᔪᒫᕐᒪᑦ ᐊᑕᓂᐅᑉ ᓱᒋᐊᕐᓯᓂᕆᔪᒫᕐᑕᖓ ᐱᔪᓐᓇᕐᓂᐅᔪᓂᒃ ᑕᑉᐹᓂ, ᓄᓇᕐᔪᐊᒥᓗ ᐊᐅᓚᑦᓯᔨᐅᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 25:3

ᑍᒤᒻᒪᑦ ᐃᓅᖃᑎᒌᒡᔪᐊᑦ ᐱᔪᓐᓇᕐᓂᕐᔪᐊᖃᕐᑐᑦ ᓂᕐᑐᕈᒫᕐᐹᑎᑦ; ᐃᓅᖃᑎᒌᒡᔪᐊᑦ ᓇᒡᓕᖕᓂᖃᖏᑦᑐᑦ ᓯᕘᕋᒋᔪᒫᕐᐹᑎᑦ.

ᐂᓮᐊᓯᐅᑉ ᐊᒡᓚᖏᑦ 25:5

ᓄᓇᑐᑦ ᐃᒤᕈᓯᒪᔪᑎᑐᑦ ᐸᓂᕐᓯᒪᓕᕐᑐᑎᑐᑦ, ᐅᖓᓯᒃᑐᒥᓪᓕ ᑎᑭᑦᑐᑦ ᓂᐱᖅᑯᕐᑐᓪᓗᑎᒃ ᓂᐸᖏᕐᑎᑉᐸᑎᑦ; ᓂᑲᒋᔭᖃᖏᑦᑐᓪᓗ ᓂᓪᓕᐊᑦᔪᑎᒃᓮᕈᑎᑎᓪᓗᒋᑦ, ᓄᕗᔭᑎᑐᑦ ᑭᐊᒃᐸᓗᖕᒥ ᑕᕐᕋᓕᓂᓐᖑᕐᑎᑦᓯᔪᑐᑦ.

ᐂᓮᐊᓯᐅᑉ ᐊᒡᓚᖏᑦ 26:21

ᑕᑯᒋᑦ, ᐊᑕᓂᖅ ᐃᓂᒋᔭᒥᓂᑦ ᑎᑭᓐᓂᐊᕐᒪᑦ ᓄᓇᕐᔪᐊᕐᒥᐅᓂᒃ ᓱᒋᐊᕐᓯᔭᕐᑐᕐᓗᓂ ᐊᔪᕐᑐᓕᓂᖏᑦ ᐱᑦᔪᑎᒋᓗᒋᑦ, ᐃᔨᕋᕐᑐᕐᓗᑎᒃ ᐃᓄᐊᕐᓯᖃᑦᑕᕐᓃᑦ ᓄᓇᕐᔪᐊᕐᒥ ᓴᖅᑭᑎᑕᐅᔪᒫᕐᒪᑕ, ᐃᓄᐊᕐᑕᐅᖃᑦᑕᕐᑐᕕᓃᓪᓗ ᓄᓇᐅᑉ ᐃᔨᕐᓯᒪᓂᐊᕈᓐᓃᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 29:20

ᓂᑲᒍᓱᖃᖏᑦᑐᖅ ᓱᓇᐅᔪᓐᓃᕈᒫᕐᐳᖅ, ᒥᑕᐅᑎᒃᓴᕐᑎᓗ ᒥᑕᐅᑎᖃᕈᓃᕐᓗᓂ, ᐊᔪᕐᑐᓕᔪᒪᓪᓗᑎᒡᓗ ᐅᑕᖅᑭᔪᓕᒫᑦ ᐊᓯᕈᕐᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 29:5

ᐊᑭᕋᑎᑦ ᐅᓄᕐᑐᕐᔪᐊᑦ ᐳᔪᕐᓗᒃᑎᑐᑦ ᒥᑭᔫᑎᑐᑦ ᑍᒤᑦᓱᒫᕐᐳᑦ, ᐅᓄᕐᑐᕐᔪᐊᑦ ᓂᑲᒍᓱᖃᖏᑦᑐᑦ ᓂᐊᖂᔭᒃᓴᐅᑉ ᓴᓂᖓᑐᑦ ᑎᒃᑕᐅᔪᑐᑦ ᐊᑦᔨᖃᕈᒫᕐᐳᑦ, ᑕᕝᕙᓐᖓᑦᓮᓐᓇᖅ, ᑕᕝᕙᑦᓴᐅᑎᒋᓗ.

ᐂᓮᐊᓯᐅᑉ ᐊᒡᓚᖏᑦ 3:11

ᑲᑉᐱᐊᓐᓇᒦᒃ ᐸᓯᔭᒃᓴᐅᔪᖅ! ᑖᓐᓇ ᐱᐅᖏᑦᑐᐊᓗᖕᒥᒃ ᓯᕗᓂᖃᕐᒪᑦ, ᐊᒡᒐᖏᑕ ᐱᓂᐊᕐᓯᒪᔭᖏᑦ ᑖᑦᓱᒧᖓ ᐊᑭᓕᐅᑕᐅᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 5:15

ᐃᓄᐃᑦ ᐅᑯᑎᑕᐅᕗᑦ, ᐊᖑᑎᓕᒫᓪᓗ ᓇᓗᖅᑯᑎᓕᕐᑎᑕᐅᓪᓗᑎᒃ, ᐱᐅᔪᕆᔪᓪᓗ ᒥᒃᓕᓕᕐᑎᑕᐅᕗᑦ ᓯᑭᖓᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 65:7

ᐊᔪᕐᑐᓕᓂᖏᑦ ᓯᕗᓕᕕᓂᖏᑕᓗ ᐊᔪᕐᑐᓕᓂᖏᑦ ᑲᑎᓪᓗᒋᑦ, ᐊᑕᓂᖅ ᐅᖃᕐᐳᖅ; ᑐᓂᕐᕈᓯᖃᑦᑕᓚᐅᕐᓂᖏᓐᓄᑦ ᐃᓯᕐᓗᐊᕐᓂᑎᑦᓯᓪᓗᑎᒃ ᖃᖅᑬᑦ ᖄᖏᓐᓂ, ᐱᖑᕐᓂᓗ ᓇᕐᕈᓇᕐᓯᑎᑦᓯᓪᓗᑎᒃ ᐅᕙᓐᓂᒃ, ᑍᒤᒻᒪᑦ ᓵᖓᓐᓄᐊᕐᓯᔪᒫᕐᐳᖓ ᐊᑭᓂᐊᕐᕕᐅᔪᒃᓴᐅᓂᖏᓐᓂᒃ ᐊᔪᕐᑐᓕᓂᕆᓯᒪᔭᖏᑦ ᒪᓕᒡᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 48:29

ᒧᐊᐱᒥᐅᑦ ᐱᐅᔪᕆᔪᕐᔪᐊᖑᖕᒪᑕ, ᑐᓴᕐᓯᒪᕙᒃᑲ ᖃᓄᖅ ᐱᐅᔪᕆᓂᖃᕐᓂᖏᓐᓂᒃ, ᐱᔪᓐᓇᕋᓱᒋᓗᐊᕐᓂᖏᓪᓗ, ᐅᓇᖕᒥᓇᖏᓐᓇᓱᒃᑲᐅᓂᖏᓪᓗ, ᐃᒻᒥᖕᓂᒃ ᐃᓄᖏᑦ ᐃᓱᒪᒋᓗᐊᕐᒪᑕ.

ᑖᓂᐊᓕᐅᑉ ᐊᒡᓚᖏᑦ 4:34

“ᐅᓪᓗᐃᑦ ᑍᒃᑯᐊ ᐃᓱᓕᒻᒪᑕ, ᐅᕙᖓ ᓂᐱᑯᓁᓴ, ᕿᓚᖕᒧᑦ ᐋᕐᓗᕐᓗᖓ, ᖃᐅᔨᒪᓂᕋᓗ ᐅᑎᑦᓯᐊᓚᐅᕐᐳᖅ; ᖁᑦᓯᖕᓂᕐᐹᕐᓗ ᓂᕐᑐᕐᓇᕐᓯᑎᓚᐅᕐᐸᕋ, ᓂᕐᑐᓚᐅᕐᐸᕋᓗ ᐅᐱᒋᓚᐅᕐᐸᕋᓗ ᐃᓅᔪᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. “ᑖᑦᓱᒪ ᐊᑕᓂᐅᕕᖓ ᐃᓱᖃᖏᑦᑐᒧᑦ ᐊᑕᓂᐅᕕᐅᖕᒪᑦ, ᐊᖓᔪᖅᑲᐅᓂᖓᓗ ᓱᖁᓯᕐᓂᐊᓐᖏᓚᖅ ᑭᖑᕚᖑᖃᑎᒌᓂᑦ ᑭᖑᕚᖑᖃᑎᒌᓄᑦ.

ᕼᐊᐸᑲᐅᑉ ᐊᒡᓚᖏᑦ 2:4

‘ᐱᐅᔪᕆᔪᖅ ᑕᑯᓯᐅᒃ, ᑖᑦᓱᒪ ᑕᕐᓂᖓ ᓱᓕᓂᕐᑕᖃᓐᖏᓚᖅ ᐃᓅᔪᓐᓇᑦᔮᓇᓂᓗ, ᐃᓱᐊᕐᑐᓕᔪᕐᓕ ᐃᓅᔪᒫᕐᐳᖅ ᐅᒃᐱᕐᓂᕐᒥᒍᑦ.’”