ᐂᓮᐊᓯᐅᑉ ᐊᒡᓚᖏᑦ 11:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐊᑕᓂᐅᓪᓗ ᐊᓯᕈᑦᓯᐊᕈᒫᕐᐹ ᐄᑦᔨᑉᑎᐅᑉ ᐃᒪᖓᑕ ᑲᖏᕐᓱᐊ; ᐊᓄᕆᕐᔪᐊᖃᕐᑎᑦᓯᓗᓂ ᐆᓇᕐᑐᒥᒃ ᐃᕗᕅᑎᐅᑉ ᑰᒡᔪᐊᖓ ᓵᓐᖓᔪᒫᕐᐹ, ᐊᓇᐅᔪᒫᕐᐹ 7ᐅᓕᖅᑲᖓᔪᓂᒃ ᑰᖃᓕᕐᑎᓪᓗᒍ, ᐃᓄᐃᓪᓗ ᐃᑳᖃᑦᑕᓕᕈᒫᕐᐳᑦ ᐱᓱᒡᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 11:15 Iomraidhean Croise

ᒨᓯᓯ ᐂᑉᐸᖏᑦ 14:21

ᒨᓯᓯᐅᓪᓗ ᑕᓕᓂ ᐃᓵᒃᐹ ᐃᒪᕐᒧᑦ, ᐊᑕᓂᐅᓪᓗ ᐃᒪᖅ ᐅᑎᕆᐊᕐᑎᑉᐹ ᐊᓄᕆᐊᓗᖕᒧᑦ ᓯᕿᓂᐅᑉ ᓄᐃᕕᐊᓂᓐᖔᕐᑐᒥᑦ, ᐅᓐᓄᐊᓕᒫᖅ ᐊᓄᕌᕐᑐᐊᓘᖕᒪᑦ ᐃᒪᖅ ᐊᕕᒃᐳᖅ ᑕᒪᓐᓇᓗ ᓄᓇ ᐸᓂᑦᓯᐊᕐᑑᓕᕐᓗᓂ.

ᒨᓯᓯ ᐂᑉᐸᖏᑦ 14:22

ᐃᓴᕆᐊᓕᒥᐅᑦ ᐃᒪᐅᖅᑲᐅᔫᒐᓗᐊᒃᑯᑦ ᐃᑳᓕᕐᐳᑦ ᓴᓗᐊᖓᑦᓯᐊᕐᑐᒃᑰᕐᓗᑎᒃ. ᐃᒫᓗᒡᓗ ᐊᑭᓐᓇᓕᐅᑎᓯᒪᕗᖅ ᐊᕙᑖᑦᑎᒍᑦ ᐃᒡᓗᒃᑐᑦ.

ᒨᓯᓯ ᐂᑉᐸᖏᑦ 14:29

ᐃᓴᕆᐊᓕᒥᐅᓪᓕ ᐱᓱᒃᐳᑦ ᓄᓇᒃᑯᑦ ᓴᓗᐊᒪᑦᓯᐊᕐᑐᒃᑯᑦ ᐃᒪᐅᑉ ᐃᓚᕕᓂᕋᓗᐊᖓᒍᑦ. ᐃᒫᓗᒡᓗ ᐊᑭᓐᓇᓕᐅᑎᓯᒪᓚᐅᕐᐳᖅ ᐃᒡᓗᒃᑐᑦ ᐊᕙᑖᓐᓂ.

ᐂᓮᐊᓯᐅᑉ ᐊᒡᓚᖏᑦ 19:16

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐄᑦᔨᑉᑎᒥᐅᑦ ᐊᕐᓇᑎᑐᑦ ᑍᒤᓕᕈᒫᕐᐳᑦ, ᓴᔪᒍᒫᕐᐳᑦ ᑲᑉᐱᐊᓱᒡᓗᑎᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐊᒡᒐᖕᒥᓄᑦ ᓴᔪᒃᑎᑦᓱᒫᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 43:16

ᐊᑕᓂᖅ ᐃᒫᒃ ᐅᖃᕐᐳᖅ, “ᐊᖅᑯᑎᑖᕐᑎᑦᓯᓚᐅᕐᑐᖅ ᐃᒪᒃᑯᑦ, ᐃᒪᕐᔪᐊᓪᓗ ᐃᓗᐊᒍᑦ ᐱᓱᒡᕕᒋᓂᐊᕐᑕᑦᓯᓐᓂᒃ ᐋᖅᑭᒃᓯᓚᐅᕐᑐᖅ.

ᐂᓮᐊᓯᐅᑉ ᐊᒡᓚᖏᑦ 44:27

ᑭᓇ ᐅᖃᕐᐸ ᐃᒪᕐᔪᐊᕐᒧᑦ ᐃᑎᔪᒧᑦ, ‘ᓴᓗᐊᓕᕆᑦ! ᑰᖁᑎᑎᓪᓗ ᐃᒪᖃᕈᓐᓁᕐᑎᑦᓱᒪᕙᒃᑲ’;

ᐂᓮᐊᓯᐅᑉ ᐊᒡᓚᖏᑦ 50:2

ᓱᖕᒪᑦ, ᐃᓄᖁᑎᒃᑲ ᑎᑭᓐᓇᒃᑭᑦ ᐊᖑᑎᑕᖃᓚᐅᓐᖏᓚᑦ? ᓱᖕᒪᓪᓗ ᓂᓪᓕᐊᑎᓪᓗᖓ ᑭᐅᔪᖃᓚᐅᓐᖏᓚᖅ? ᑕᓕᕋ ᓁᓗᐊᓕᕐᐹ ᐱᐅᓕᓯᔭᕆᐊᒥᒃ ᑎᑭᐅᑎᔪᓐᓁᓪᓕᕚ? ᓴᐳᑦᔨᓇᓱᒋᐊᒥᒃ ᐱᔪᓐᓇᕐᓂᖃᕈᓐᓃᕐᐳᖔ? ᑕᑯᒋᑦ, ᐃᓂᕐᑎᕆᒐᒪ ᐃᒪᕐᔪᐊᖅ ᐃᒤᕐᑎᑉᐸᕋ, ᑰᓪᓗ ᓴᓗᐊᕐᐳᑦ, ᐃᒪᖃᓐᖏᓗᐊᒧᑦ ᐃᖃᓗᐃᑦ ᒪᒤᓕᕗᑦ, ᓴᓗᐊᕋᒥᒡᓗ ᑐᖁᕋᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 51:11

ᐊᑕᓂᐅᑉ ᐊᑭᓕᕐᓗᒋᑦ ᐱᑖᕆᒃᑲᓐᓂᕐᓯᒪᔭᖏᑦ ᐅᑎᕈᒫᕐᐳᑦ, ᓮᐅᓂᒧᑦ ᐃᑎᓕᕈᒫᕐᐳᑦ ᐃᓐᖏᕐᓗᑎᒃ; ᐃᓱᖃᖏᑦᑐᒧᑦ ᖁᕕᐊᓱᖕᓂᕐᔪᐊᖃᕈᒫᕐᐳᑦ, ᐊᓕᐊᓁᒍᓱᒡᓗᑎᒃ ᖁᕕᐊᓱᖕᓂᐊᓗᖕᒧᑦ, ᕿᒃᓵᖕᓂᖅ ᐊᓂᕐᓴᐅᒥᓂᕐᓗ ᕿᒫᔪᒫᕐᐴᒃ.

ᐂᓮᐊᓯᐅᑉ ᐊᒡᓚᖏᑦ 63:12

ᑕᓕᖓ ᐱᓐᓇᕐᓇᕐᑐᖅ ᒨᓯᓯᐅᑉ ᐊᒡᒐᖓᑕ ᑕᓕᕐᐱᐊᓂᒃ ᑎᒍᒥᐊᓚᐅᕐᑐᖅ. ᐃᒪᕐᒥᒃ ᓵᖓᓐᓂ ᐊᕕᑎᑦᓯᓚᐅᕐᑐᖅ, ᐃᓱᖃᖏᑦᑐᒧᑦ ᖃᐅᔨᒪᔭᐅᑦᔪᑎᒋᓂᐊᓕᕐᓗᓂᐅᒃ.

ᐂᓮᐊᓯᐅᑉ ᐊᒡᓚᖏᑦ 7:20

“ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᖅ ᕿᐅᕐᑍᔨᒃᓴᒥᒃ ᑰᒑᓘᑉ ᐊᑭᐊᓂᑦ ᑎᓕᓯᔪᒫᕐᐳᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᒻᒪᕆᖓᓐᓂᒃ, ᑖᑦᓱᒪᓗ ᐅᓐᖏᔭᕐᑕᐅᑎᑦᓱᒫᕐᐹᓯ ᕿᐅᕐᑕᕐᑕᐅᑎᓪᓗᓯᓗ, ᓂᐅᓯᓗ ᒥᖅᑯᐃᔭᕐᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 8:7

ᑍᒤᒻᒪᑦ, ᑕᑯᒋᑦ ᐊᑕᓂᐅᑉ ᑎᑭᑕᐅᑎᓐᓂᐊᓕᕐᐰᑦ ᑰᖕᒧᑦ ᐃᒪᕐᔪᐊᕐᒧᑦ, ᓲᖑᔪᕐᔪᐊᒧᑦ ᐊᖏᔪᕐᔪᐊᒧᓪᓗ, ᑕᕝᕙ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐱᓐᓇᕐᓇᕐᓂᕐᔪᐊᖓᓄᓪᓗ; ᑰᖕᒧᑦ ᖄᒥᑕᐅᔪᑎᑐᑦ ᕾᕈᓱᓕᒫᖏᑦ ᓱᓪᓗᓕᒫᖏᓪᓗ ᑰᒐᓛᓕᒫᖏᓪᓗ ᑕᑕᑕᐅᔪᒫᕐᐳᖅ ᐅᓕᒃᑕᐅᓗᑎᒃ;

ᐃᓯᑭᐊᓕᐅᑉ ᐊᒡᓚᖏᑦ 29:10

ᑍᒤᒻᒪᑦ ᑕᑯᒋᑦ, ᓵᓐᖓᓕᕐᐸᒋᑦ, ᑰᖁᑎᑎᓪᓗ ᓵᓐᖓᓕᕐᐸᒃᑲ, ᐄᑦᔨᑉᑎᓕᒫᑉ ᓄᓇᖓ ᓱᓁᕈᑎᑎᑦᓱᒫᕐᐸᕋ ᐊᓯᕈᕐᑕᐅᓗᓂᓗ, ᒥᒡᑐᓕᒥᑦ ᐱᒋᐊᕐᓗᒍ ᓮᓂᒧᑦ ᑎᑭᓪᓗᒍ, ᐃᑎᐅᐱᐊᒥᐅᓪᓗ ᓄᓇᖓᑦᑕ ᑭᒡᓕᖓ ᑎᑭᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 30:12

ᓁᓕᓗ ᐃᒤᕈᑎᑎᑦᓱᒫᕐᐸᕋ, ᓄᓇᖓᓪᓗ ᓂᐅᕐᕈᑎᒋᓗᒍ ᐃᓄᖕᓄᑦ ᐱᐅᖏᑦᑐᓕᔪᓄᑦ; ᓄᓇᖓ ᐊᓯᕈᕐᑕᐅᔪᒫᕐᐳᖅ ᓱᓇᓕᒫᖏᓪᓗ ᑕᕝᕙᓃᑦᑐᑦ, ᓄᓇᓕᑐᖃᐅᖏᑦᑐᓄᑦ; ᐅᕙᖓ ᐊᑕᓂᖅ ᐅᖃᕐᐳᖓ.

ᓴᑲᕅᐊᐅᑉ ᐊᒡᓚᖏᑦ 10:11

ᐅᖁᒤᑦᑐᑎᒍᑦ ᐅᓄᕐᑐᑎᒍᑦ ᐊᖅᑯᓵᕈᒫᕐᐳᑦ ᐃᒪᕐᔪᐊᑉ ᒪᓕᒡᔪᐊᖏᑎᑐᑦ ᑍᒤᑦᑐᓂᒃ, ᒪᓕᒃᔪᐊᓪᓗ ᓵᓚᒋᔪᒫᕐᐰᑦ, ᑰᒡᔪᐊᖅ ᐃᑎᔪᖅ ᓁᓕᒥᒃ ᐊᑎᖃᕐᑐᖅ ᓴᓗᐊᕈᒫᕐᐳᖅ: ᐊᓯᕆᐊᒥᐅᑦ ᐅᐱᒋᔭᖓᑦ ᓱᓇᐅᔪᓐᓁᕐᑎᑕᐅᔪᒫᕐᐳᖅ, ᐄᑦᔨᑉᑎᒥᐅᑦ ᐱᔪᓐᓇᐅᑎᖓᑦ ᓄᖑᔪᒫᕐᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:12

ᐂᖏᓖᓪᓗ ᐱᖓᓲᔪᕐᑐᖓᑦᑕ ᖃᓪᓗᑎᓂ ᑯᕕᒋᕚ ᑰᒑᓗᖕᒧᑦ ᐃᕗᕅᑎᒧᑦ, ᑰᒐᓗᒡᓗ ᐃᒤᕐᑎᑉᐳᖅ, ᐊᖅᑯᑕᐅᔪᓐᓇᕐᓯᓪᓗᓂᓗ ᐊᖓᔪᖅᑳᕐᔪᐊᓄᑦ ᓯᕿᓂᐅᑉ ᓄᐃᕕᐊᑕ ᓇᓛᓂᓐᖔᕐᑐᓄᑦ.