ᐂᓮᐊᓯᐅᑉ ᐊᒡᓚᖏᑦ 11:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐃᕗᕅᒥᐅᓪᓗ ᐱᔭᑑᔪᒪᓂᖓ ᓄᖅᑲᕈᒫᕐᐳᖅ, ᔫᑕᐅᓪᓗ ᑭᖑᕚᖏᑕ ᓲᖑᓴᖕᓂᖓ ᓇᑲᑕᐅᔪᒫᕐᐳᖅ; ᐃᕗᕅᒥᐅᑉ ᑭᖑᕚᖏᑦ ᔫᑕᐅᑉ ᑭᖑᕚᖏᓐᓂᒃ ᓯᖕᓇᕕᖃᕈᓐᓃᕈᒫᕐᐳᑦ, ᔫᑕᐅᓪᓗ ᑭᖑᕚᖏᑕ ᐃᕗᕅᒥᐅᑉ ᑭᖑᕚᖏᑦ ᓲᖑᓴᒡᕕᒋᔪᓐᓃᕈᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 11:13 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 9:21

ᒫᓇᓯᐅᑉ ᑭᖑᕚᖏᑕ ᐃᕗᕅᒥᐅᑉ ᑭᖑᕚᖏᑦ ᓂᕆᔪᒫᕐᐰᑦ, ᐃᕗᕅᒥᐅᓪᓗ ᑭᖑᕚᖏᑦ ᒫᓇᓯᐅᑉ ᑭᖑᕚᖏᑦ ᓂᕆᖕᒥᓗᒋᑦ, ᑖᒃᑯᐊᓗ ᑲᑐᑦᔨᓗᑎᒃ ᔫᑕᐅᑉ ᑭᖑᕚᖏᓐᓄᑦ ᓵᑦᓱᒫᕐᐳᑦ. ᑕᒪᑐᒧᖓᓕ ᓱᓕ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᔪᒫᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᔨᕆᒤᐊᐅᑉ ᐊᒡᓚᖏᑦ 3:18

ᑍᒃᑯᓇᓂᓗ ᐅᓪᓗᓂ ᔫᑕᒥᐅᑦ ᐃᓚᓕᐅᑎᔪᒫᕐᐳᑦ ᐃᓴᕆᐊᓕᒥᐅᓄᑦ, ᑖᒃᑯᐊᓗ ᐃᓅᖃᑎᒌᖑᓗᑎᒃ ᐅᓐᓄᐊᓪᓗᐊᑉ ᓇᓛᓂᓐᖓᕐᓗᑎᒃ ᓄᓇᑖᕈᒫᕐᐳᑦ ᓯᕗᓕᑦᓯᓐᓄᑦ ᓄᓇᑖᕆᔭᐅᖁᓚᐅᕐᑕᕋ ᑭᖑᕐᖑᑎᓕᕐᓗᒍ.”

ᔨᕆᒤᐊᐅᑉ ᐊᒡᓚᖏᑦ 33:24

“ᐃᓄᐃᑦ ᐅᖃᓪᓚᖕᓂᖏᑦ ᖃᐅᔨᒪᕕᒌᑦ? ᐅᖃᕐᒪᑕ, ‘ᐊᑕᓂᐅᑉ ᐊᖓᔪᖅᑲᐅᕕᒃ ᓂᕈᐊᓚᐅᕐᑕᓂ ᐃᓚᒌᒃ ᒪᕐᕉᒃ ᓇᕐᕈᒋᓕᕐᐹᒃ.’ ᑍᒤᒻᒪᑦ ᐃᓄᖁᑎᒃᑲ ᓇᕐᕈᒋᓕᕐᐰᑦ ᐃᓅᖃᑎᒌᒡᔪᐊᖑᔪᓐᓃᕐᓗᑎᒡᓗ ᑖᑦᓱᒪ ᓵᖓᓂ.

ᔨᕆᒤᐊᐅᑉ ᐊᒡᓚᖏᑦ 50:4

ᑍᒃᑯᐊ ᐅᓪᓗᐃᑦ ᓇᓪᓕᐅᑎᒃᐸᑕ, ᐊᑕᓂᖅ ᐅᖃᕐᐳᖅ, “ᐃᓴᕆᐊᓕᒥᐅᑦ ᔫᑕᒥᐅᓪᓗ ᑲᑎᔪᒫᕐᐳᑦ, ᕿᐊᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ ᕿᓂᕈᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 28:25

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᐅᑉ ᑭᖑᕚᖏᑦ ᑲᑎᕐᓱᓕᕈᒃᑭᑦ ᐃᓄᖕᓂᑦ ᓯᐊᒻᒪᕐᑎᑕᐅᕕᖏᓐᓂᑦ, ᐃᑦᔪᕐᓁᓐᓂᕋᓗ ᑖᒃᑯᑎᒎᓇᖅ ᓴᖅᑭᑎᓕᕈᒃᑯ ᐃᓅᖃᑎᒌᒡᔪᐊᓄᑦ, ᑕᕝᕙ ᐃᓴᕆᐊᓕᒥᐅᑦ ᓇᖕᒥᓂᖅ ᓄᓇᒥᖕᓂ ᓄᓇᖃᓕᕈᒫᕐᐳᑦ ᐱᔨᓐᓄᑦ ᔧᑯᒧᑦ ᑐᓂᓚᐅᕐᑕᓐᓂ.

ᕼᐆᓯᐊᑉ ᐊᒡᓚᖏᑦ 1:11

ᔫᑕᐅᑉ ᐃᓄᖏᑦ ᐃᓴᕆᐊᓕᒥᐅᓪᓗ ᐃᓄᖏᑦ ᑲᑎᒃᑲᓐᓂᕈᒫᕆᕗᑦ, ᓇᖕᒥᓂᕐᓗ ᓂᕈᐊᕈᒫᕐᐳᑦ ᓯᕗᓕᕐᑎᒃᓴᒥᖕᓂᒃ ᐊᑕᐅᓯᕐᒥᒃ; ᓄᓇᒥᖕᓂᓗ ᒪᑭᑦᓱᒫᕐᐳᑦ, ᔨᔭᕆᐅᓪᓗ ᐅᓪᓗᖓ ᐊᖏᔪᕐᔪᐊᖑᓕᕈᒫᕐᐳᖅ.