ᐂᓮᐊᓯᐅᑉ ᐊᒡᓚᖏᑦ 10:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐊᑕᓂᕐᓕ, ᕿᓚᖕᒥᐅᒐᓴᒡᔪᐃᑦ ᒎᑎᖓᑦ, ᐃᓱᓕᑎᑦᓯᑦᓯᐊᕐᓂᕐᒥᒃ ᐱᑎᑦᓯᔪᒫᕐᐳᖅ, ᑍᒫᒃ ᐱᖁᔨᓯᒪᒐᒥ, ᓄᓇᕐᔪᐊᕐᒥ ᐃᓘᓐᓈᓐᓂ.

ᐂᓮᐊᓯᐅᑉ ᐊᒡᓚᖏᑦ 10:23 Iomraidhean Croise

ᐃᓐᖏᕈᑎᑦ 46:9

ᐅᓇᑕᕐᓃᑦ ᓄᖅᑲᕐᑎᑉᐰᑦ ᓄᓇᕐᔪᐊᓕᒫᒥ; ᐱᑎᒃᓰᑦ ᓇᐱᕔᑦ ᓇᐅᒃᑯᑏᓪᓗ ᑭᐱᓪᓗᒋᑦ ᒪᕐᕉᓕᕔᑦ. ᓴᐴᓗᑍᓪᓗ ᐃᑯᐊᓪᓚᒃᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 28:22

ᒫᓐᓇ ᑍᒤᒻᒪᑦ ᒥᑕᐅᑎᒃᓴᕈᓐᓃᕆᑦᓯ, ᐲᕈᓐᓇᖏᓐᓂᕐᓴᓄᑦ ᕿᓚᒃᑕᐅᖁᓇᓯ; ᑐᓴᓚᐅᕋᒪ ᐃᓱᒪᓕᐅᕇᕐᓯᒪᔪᒥᒃ ᐊᓯᕈᐃᔪᒪᓂᕐᒧᑦ ᐊᑕᓂᕐᒥᑦ ᕿᓚᖕᒥᐅᒐᓴᒡᔪᐃᑦ ᒎᑎᖓᓐᓂᒃ ᓄᓇᕐᔪᐊᓕᒫᖅ ᐱᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 11:36

“ᐊᖓᔪᖅᑳᕐᔪᐊᖅ ᐱᓂᐊᕐᓂᖃᕈᒫᕐᐳᖅ ᖃᓄᑐᐃᓐᓇ ᐱᔪᒪᔭᒥᓂᒃ, ᐃᒻᒥᓂᒃ ᐊᖏᔪᕈᕐᑎᑦᓱᒫᕐᒪᑦ ᓂᕐᑐᕐᑕᐅᔪᒪᓗᓂᓗ ᒎᑎᓐᖑᐊᓕᒫᓂᑦ ᐊᖏᓂᕐᓴᐅᔪᒪᓗᓂ; ᑐᓴᕐᑕᐅᓚᐅᕐᓯᒪᖏᑦᑐᓂᒃ ᓂᓪᓕᐊᔪᒫᕐᐳᖅ ᒎᑎᒋᔭᐅᔪᓕᒫᓂᑦ ᒎᑎᐅᓂᕐᐹᖑᔪᒧᑦ, ᐱᓇᓱᐊᕈᒪᔭᓕᒫᒥᓂᒃ ᐊᒡᕕᐊᕐᑕᐅᖏᓪᓗᓂ ᐃᓱᒪᕐᓱᕈᒫᕐᐳᖅ ᓇᓪᓕᐅᓐᓂᖅ ᒎᑎᐅᑉ ᓂᓐᖓᐅᒪᓂᖓ ᐃᓱᓕᖅᑳᕐᑎᓐᓇᒍ, ᐋᖅᑭᒃᑕᐅᓯᒪᔪᑦ ᑲᔪᓯᔭᕆᐊᖃᕐᒪᑕ.

ᑖᓂᐊᓕᐅᑉ ᐊᒡᓚᖏᑦ 4:35

“ᐃᓄᐃᑦ ᓄᓇᕐᔪᐊᒥ ᐃᓂᖃᕐᑐᑦ ᓱᓇᐅᖏᑦᑐᑎᑐᑦ ᑍᒤᒻᒪᑕ, ᐃᓱᒪᒥᓂᒃ ᕿᓚᖕᒥᐅᒐᓴᒃᔪᐃᑦ ᐊᐅᓚᑎᑉᐰᑦ, ᓄᓇᒦᑦᑐᓪᓗ ᐃᓄᐃ ᐃᓱᒪᒥᓂᒃ ᐊᐅᓚᑎᑉᐰᑦ: ᐱᔪᓐᓇᕐᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ, ᐅᖃᐅᑎᔭᐅᔪᓐᓇᕋᓂᓗ, ‘ᓱᖕᒪᑦ ᑍᒤᓕᐅᕐᐲᑦ?’

ᑖᓂᐊᓕᐅᑉ ᐊᒡᓚᖏᑦ 9:27

ᑖᓐᓇ ᐊᖏᖃᑎᒌᒍᑎᒥᒃ ᐋᖅᑭᒃᓯᔪᒫᕐᐳᖅ ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ, ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ ᑐᖁᑕᐅᔪᒫᕐᐳᖅ ᐆᒪᔪᑎᑐᑦ ᑐᓂᕐᕈᑎᒋᔭᐅᓗᓂ. ᑐᒃᓯᐊᕐᕕᒡᔪᐊᑉ ᐳᕐᑐᓂᕐᐹᖓᓂ ᐃᓕᓯᔪᒫᕐᐳᖅ ᓇᕐᕈᓇᕐᑐᕐᔪᐊᒥᒃ ᓱᕋᒃᑕᐅᑎᑦᓯᔪᒥᒃ ᐃᒡᓗᒐᓴᒡᔪᐊᓂᒃ ᑖᓐᓇ ᑍᒤᓕᖓᓂᐊᕐᐳᖅ, ᐅᖃᐅᑕᐅᓯᒪᔫᑉ ᓇᓪᓕᐅᑎᓂᖓᑕ ᐃᓱᓕᑦᓯᐊᕐᓂᖓᓄᑦ ᑎᑭᓪᓗᒍ.”

ᕉᒪᒥᐅᓄᑦ 9:28

ᐊᑕᓂᖅ ᐊᑭᓂᐊᕈᒫᕐᒪᑦ ᓄᓇᕐᔪᐊᕐᒥᒃ ᓱᒃᑲᑦᑐᐊᓗᖕᒥᒃ ᖃᓄᐃᓕᔭᐅᒋᐊᓪᓚᕐᕕᖃᖏᑦᑐᒥᒃ.”