ᐂᓮᐊᓯᐅᑉ ᐊᒡᓚᖏᑦ 10:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᓇᐹᕐᑐᓕᒡᔪᐊᖁᑎᖓ ᑕᑯᒥᓇᕐᑐᖅ ᓄᓇᖁᑎᖓᓗ ᐱᕈᕐᕕᐅᑦᓯᐊᕐᐸᒃᑐᖅ ᓄᖑᑕᐅᔪᒫᕐᐳᖅ, ᐊᑕᓂᐅᑉ ᐊᓯᕈᕈᒫᕐᐰᑦ ᑕᒪᕐᒥᒃ ᑕᕐᓂᖅ ᑎᒥᓗ, ᓲᕐᓗ ᖃᓂᒻᒪᓯᐅᑉ ᐃᓄᖕᒥᒃ ᓄᑮᕈᑎᕙᓪᓕᐊᑎᑦᓯᓂᖓᑐᑦ.

ᐂᓮᐊᓯᐅᑉ ᐊᒡᓚᖏᑦ 10:18 Iomraidhean Croise

ᐊᑕᓃᑦ ᐂᑉᐸᖏᑦ 19:23

ᐅᖃᕆᐊᕐᑐᕐᑎᑕᑎᑦ ᐊᑕᓂᕐᒥᒃ ᒥᑕᐅᑎᖃᕐᓯᒪᕗᑦ, ᐅᖃᕐᓯᒪᖕᒥᒐᕕᑦ, ‘ᐊᒃᓴᓗᐊᓕᖁᑎᓐᓄᑦ ᐅᓄᕐᑐᓄᑦ ᖃᖅᑲᖏᑕ ᐳᕐᑐᓂᕐᐹᖏᑕ ᖄᖏᓐᓄᐊᕐᓯᒪᕗᖓ, ᓕᐸᓇᓂᐅᑉ ᐅᖓᓯᖕᓂᕐᐹᖏᓐᓄᑦ; ᓇᐹᕐᑐᓂᒃ ᓰᑕᕆᓂᒃ ᑕᑭᓂᕐᐹᓂᒃ ᓇᑲᑎᕆᓯᒪᕗᖓ, ᓇᐹᕐᑐᐃᓪᓗ ᕿᔪᑦᑎᐊᕙᐅᓂᕐᐹᑦ ᐱᓯᒪᓪᓗᒋᑦ; ᐅᖓᓯᒃᑐᓕᐊᕐᓯᒪᕗᖓ ᓇᐹᕐᑐᒐᓴᒡᔪᐊᓗ ᐊᑯᓐᓂᖃᑦᓯᐊᖏᓐᓂᕐᐹᑦ ᐃᓗᐊᓄᐊᕐᓯᒪᓪᓗᖓ.

ᐊᑕᓃᑦ ᐂᑉᐸᖏᑦ 19:28

ᓂᓐᖓᐅᒪᓯᒐᕕᑦ ᐅᕙᓐᓄᑦ ᐃᓕᕋᓇᕐᓂᕆᔧᓪᓗ ᑐᓴᕐᓯᒪᕙᕋ, ᕿᖓᒃᑯᓪᓕ ᓂᒃᓯᒍᒫᕐᐸᒋᑦ ᖃᓃᓪᓗ ᓴᕕᕋᔭᓕᕐᓗᒍ ᕿᒻᒥᕐᔪᐊᒥᒃ ᐊᐅᓚᑦᓯᑦᔪᑎᐅᕙᒃᑐᒧᑦ ᐅᑎᕐᑎᓪᓗᑎᓪᓗ ᐊᖅᑯᑎᒃᑯᑦ ᑎᑭᕝᕕᒋᓚᐅᕐᑕᒃᑯᑦ.

ᐂᓮᐊᓯᐅᑉ ᐊᒡᓚᖏᑦ 10:16

ᑍᒤᒻᒪᑦ ᐊᑕᓂᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᖃᓂᒻᒪᓯᕐᒥᒃ ᓴᓗᒃᑎᓐᓇᕐᑐᒥᒃ ᑎᑭᑎᑦᓯᔪᒫᕐᐳᖅ ᐅᓇᑕᕐᑐᒃᓴᓄᑦ ᖁᐃᓂᔪᓄᑦ, ᑖᑦᓱᒪᓗ ᐱᓐᓇᕐᓇᕐᓂᖓᑕ ᐊᐅᓚᑕᖓᓂ ᐃᑯᐊᓪᓚᒃᑐᖃᕈᒫᕐᐳᖅ, ᐃᑯᒪᐅᑉ ᐃᑯᐊᓚᓂᖓᑐᑦ ᑍᒤᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 32:19

ᓇᑕᖅᑯᕐᓇᓄᑦ ᓇᐹᕐᑐᒐᓴᒡᔪᐊᑦ ᐅᕉᕋᕐᑎᑕᐅᒐᓗᐊᕐᐸᑕ, ᐃᒡᓗᒐᓴᒡᔪᐊᓪᓗ ᓯᖁᑦᑎᕐᑕᐅᒐᓗᐊᕐᐸᑕ ᑲᓐᖑᓇᕐᑐᒦᑎᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 37:24

ᐱᔨᑎᑦ ᑎᓕᓚᐅᕋᕕᒋᑦ ᒥᑕᐅᑎᖃᕐᑎᓚᐅᕐᐸᑎᑦ ᐊᑕᓂᕐᒥᒃ, ᐅᖃᓚᐅᕐᐳᑎᓪᓗ, ᕿᒻᒥᕐᔪᐊᑦ ᐊᒃᓴᓗᐊᓕᖏᓐᓄᑦ ᖃᖅᑬᑦ ᖄᖏᓐᓄᑦ ᒪᔪᓚᐅᕐᐳᖓ, ᓕᐸᓇᓂᐅᑉ ᐳᕐᑐᓂᖏᑎᑐᑦ, ᓇᐹᕐᑐᖏᑕ ᑕᑭᓂᖏᓐᓂᒃ ᓰᑕᕆᓂᒃ ᓇᑲᑎᕆᓚᐅᕐᐳᖓ, ᓇᐹᕐᑐᕆᖕᓂᕐᐹᓂᒃ ᑎᑭᐅᑎᓯᒪᕗᖓ, ᖁᓪᓕᕐᐹᓄᑦ ᓇᐹᕐᑐᑦ ᖁᑦᓯᖕᓂᕐᐹᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 9:18

ᐊᔪᕐᑐᓕᓃᑦ ᐃᑯᐊᓚᖕᒪᑕ ᐃᑯᒪᑎᑐᑦ, ᓄᖒᑦᓯᓪᓗᓂ ᐅᕐᐱᒐᕐᓂᒃ ᑲᑭᓪᓚᕐᓇᕐᑐᓕᖕᓂᒡᓗ; ᐃᑯᐊᓪᓔᓪᓗᑎᒡᓗ ᓇᐹᕐᑐᒐᓴᒡᔪᐊᓂᒃ ᐊᑯᓔᑦᑐᓂᒃ; ᐃᓯᕐᓗᒡᔪᐊᕐᒥᒃ ᖁᒻᒧᐊᒃᑎᑦᓯᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 21:14

ᓱᒋᐊᕐᓂᐊᕐᐸᑦᓯ ᐱᓂᐊᕐᓂᓯ ᐱᕈᕐᑎᑕᖏᑦ ᒪᓕᒡᓗᒋᑦ, ᐊᑕᓂᖅ ᐅᖃᕐᐳᖅ; ᓇᐹᕐᑐᖁᑎᑦᓯᓐᓂᒃ ᐃᑯᐊᓪᓔᓂᐊᕐᐳᖓ ᓇᔪᕐᑕᓕᒫᓯᓗ ᐃᑯᐊᓚᓗᑎᒃ ᓄᖑᑕᐅᔪᒫᕐᐳᖅ.”

ᓴᑲᕅᐊᐅᑉ ᐊᒡᓚᖏᑦ 12:6

“ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔫᑕᐅᑉ ᐊᐅᓚᑦᓯᔨᖏᑦ ᐃᑯᒪᑎᑐᑦ ᑍᒤᑦᓱᒫᕐᐳᑦ ᐃᑯᐊᓪᓚᖅᑯᑎᑎᑐᑦ ᓇᐹᕐᑐᒐᓴᒡᔪᐊᓂ, ᐃᑭᑦᓯᔪᑎᑐᓪᓘᓐᓃᑦ ᐃᕕᖕᓂᒃ ᓂᐊᖂᔭᒃᓴᓂᒃ ᐱᕈᕐᓰᕕᖕᒥ. ᓄᖒᑦᓯᔪᒫᕐᓗᑎᒡᓗ ᐃᓄᓕᒫᓂᒃ ᐊᕙᑎᒥᖕᓃᑦᑐᓂᒃ. ᔨᕉᓴᓕᒥᓕ ᓄᓇᖃᕐᑐᑦ ᐊᒃᑐᕐᑕᐅᔪᒫᓐᖏᓚᑦ ᐃᓂᒥᖕᓂ.