ᐂᓮᐊᓯᐅᑉ ᐊᒡᓚᖏᑦ 10:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐃᓴᕆᐊᓕᒥᐅᑦ ᖃᐅᒪᓂᖓ ᐃᑯᒪᓐᖑᕈᒫᕐᐳᖅ, ᐃᑦᔪᕐᓁᑦᑐᖁᑎᖓᓗ ᐃᑯᐊᓚᔪᒫᕐᓗᓂ; ᐃᑯᐊᓪᓔᓗᓂ ᓄᖒᑦᓯᓗᓂᓗ. ᑲᑭᓪᓚᕐᓇᕐᑐᖁᑎᒥᓂᒃ ᐅᕐᐱᒐᖁᑎᒥᓂᒡᓗ ᐅᓪᓗᒥ ᐊᑕᐅᓯᕐᒥ.

ᐂᓮᐊᓯᐅᑉ ᐊᒡᓚᖏᑦ 10:17 Iomraidhean Croise

ᐃᓐᖏᕈᑎᑦ 18:8

ᐳᔪᖅ ᐊᓂᕗᖅ ᓱᕐᓗᖏᖕᓂᑦ, ᐃᑯᒪᓗ ᓄᖒᑦᓯᔪᖅ ᖃᓂᖓᓂᑦ ᐊᓂᕗᖅ; ᐊᐅᒤᓪᓗ ᐃᑯᒪᔪᑦ ᑕᕝᕙᓐᖓᑦ ᐱᕗᑦ.

ᐃᓐᖏᕈᑎᑦ 21:9

ᐃᑯᐊᓚᑎᑦᓱᒫᕐᐸᑎᑦ ᑭᐊᒃᓴᐅᑎᑐᑦ ᐃᒐᕕᒃᑐᑦ, ᑍᑦᓱᒪᓂ ᓂᓐᖓᐅᒪᓕᕈᕕᑦ; ᐊᑕᓂᐅᑉ ᓂᓐᖓᐅᒪᓂᕐᒥᓄᒃ ᐄᔪᒫᕐᐰᑦ, ᐃᑯᒪᐅᓪᓗ ᓂᕆᔪᒫᕐᐰᑦ.

ᐃᓐᖏᕈᑎᑦ 27:1

ᐊᑕᓂᖅ ᖃᐅᒪᓂᕆᕙᕋ, ᐱᐅᓕᔭᐅᑦᔪᑎᒋᓪᓗᒍᓗ; ᑭᓇᒥᒃ ᓯᕘᕋᔪᒃᓴᐅᕗᖓ? ᐃᓅᓯᕐᒪ ᐊᑕᓂᖅ ᓴᓐᖏᔫᑦᔪᑎᒋᕚ; ᑭᓇᒥᒃ ᓯᕘᕋᒋᔭᖃᕐᑐᒃᓴᐅᕗᖓ?

ᐃᓐᖏᕈᑎᑦ 50:3

ᒎᑎᕗᑦ ᕾᔪᒫᕐᐳᖅ, ᓂᐰᑦᑑᓂᐊᕋᓂᓗ; ᐃᑯᒪ ᓄᖒᑦᓯᔪᕐᔪᐊᖅ ᓵᖓᓃᑦᓱᒫᕐᐳᖅ, ᐊᕙᑖᓂᓗ ᓯᓚᕐᓂᕐᓗᒡᔪᐊᖃᕈᒫᕐᐳᖅ.

ᐃᓐᖏᕈᑎᑦ 84:11

ᐊᑕᓂᖅ ᒎᑎ ᓯᕿᓂᐅᖕᒪᑦ ᓴᐴᓗᑕᐅᓪᓗᓂᓗ; ᐊᑕᓂᖅ ᖁᕕᐊᒋᔭᐅᓂᕐᒥᒃ ᓂᕐᑐᕐᓇᕐᓂᕐᒥᒡᓗ ᑐᓂᓯᕗᖅ; ᐃᓅᑦᓯᐊᕋᓱᐊᕐᑐᑦ ᐊᑕᓂᐅᑉ ᐱᐅᔪᒥᒃ ᐊᔪᕐᓴᖁᓂᐊᓐᖏᓔᑦ.

ᐃᓐᖏᕈᑎᑦ 97:3

ᑖᑦᓱᒪ ᐃᑯᒪ ᓯᕗᓕᕆᕚ, ᐃᑯᐊᓪᓔᓪᓗᓂᓗ ᐊᑭᕋᕐᑐᕐᑎᖏᓐᓂᒃ ᑕᒫᓃᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 26:11

ᐊᑕᓃᖅ ᐊᒡᒐᑎᑦ ᐅᕐᓕᑐᕐᑐᑦ ᐃᓴᐅᑎᓯᒪᓕᕐᐸᑎᑦ, ᓱᓕᓕ ᑕᒪᑐᒥᖓ ᖃᐅᔨᓐᖏᓚᑦ. ᐃᓄᖁᑎᖕᓂᒃ ᓇᒡᓕᒍᓱᒃᑐᐊᓘᓂᕐᓂᒃ ᑕᑯᑎᓚᐅᒃᑭᑦ ᑲᓐᖑᓱᓕᖅᑯᓪᓗᒋᑦ. ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖏᑕ ᐃᑯᐊᓚᓂᖏᓐᓄᑦ ᓄᖑᑕᐅᑎᓚᐅᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 27:4

ᒫᓐᓇ ᑖᑦᓱᒧᖓ ᓂᓐᖓᒃᓯᒪᓐᖏᓚᖓ, ᐅᕐᐱᒐᕐᓂᒃ ᑲᑭᓐᓇᕐᑐᖃᕐᑐᓂᒃ ᐱᕈᕐᕕᐅᓕᕌᖓᑦ ᐃᓱᐊᖏᑦᔪᑎᒃᓴᐅᓂᐊᕐᑐᓂᒃ ᐃᑯᐊᓪᓚᒃᐸᒃᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 27:7

ᐃᓴᕆᐊᓕᒥᐅᑦ ᓱᒋᐊᕐᑕᐅᓯᒪᓗᐊᖏᓐᓂᕐᓴᐅᕗᑦ ᐊᑭᕋᕐᒥᒃᑎᑐᑦ, ᐅᓇᑕᕐᑎᖁᑎᖏᓪᓗ ᐅᓄᕐᑐᕌᕐᑕᐅᓯᒪᖏᓐᓂᕐᓴᐅᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 30:33

ᑍᑦᓱᒪᓂᐊᓗᖕᓂᑦ ᐊᑐᐃᓐᓇᕈᐃᓯᒪᓚᐅᕐᒪᑦ ᐃᑯᐊᓚᑦᓯᕕᒃᔪᐊᒃᓴᒥᒃ; ᐃᓛᒃ ᐊᖓᔪᖅᑳᕐᔪᐊᖓᑦᑕ ᐃᑯᐊᓪᓚᒃᑕᐅᕕᒃᓴᖓᓂᒃ, ᐃᓗᑐᔫᓪᓗᓂ ᓴᓂᒧᑐᔫᓪᓗᓂᓗ, ᐃᑯᐊᓪᓚᖅᑯᑎᒃᓴᖏᑦ ᕿᔪᐃᑦ ᐊᒥᒐᕋᑎᒃ; ᐊᑕᓂᐅᑉ ᐊᓂᕐᓵᕐᓂᖓᑕ ᐃᑯᒪᕐᔪᐊᒥᒃ ᑰᒃᑐᑎᑐᑦ ᐃᑯᐊᓪᓚᒃᑎᑦᓱᒫᕐᐹ.

ᐂᓮᐊᓯᐅᑉ ᐊᒡᓚᖏᑦ 31:1

ᑲᑉᐱᐊᓇᕐᑐᒦᑉᐳᑦ ᐄᑦᔨᑉᑎᒥᐅᓄᑦ ᐂᔪᑦ ᐃᑲᔪᕐᑎᖃᕈᒪᓪᓗᑎᒃ, ᕿᒻᒥᕐᔪᐊᖏᓐᓂᒡᓗ ᑕᑎᖃᕋᓱᒃᑐᑦ, ᕿᒻᒥᕐᔪᐊᖏᑕᓗ ᐅᓂᐊᒐᖏᓐᓂᒃ ᐊᒃᓴᓗᐊᓕᖕᓂᒃ ᑕᑎᖃᕋᓱᒃᑐᑦ, ᑍᒤᑦᑐᖁᑎᖏᑦ ᐅᓄᕐᒪᑕ ᕿᒻᒥᕐᔪᐊᒥᓗ ᐃᑭᒪᔪᑦ ᐱᔪᓐᓇᕐᓂᖃᕐᒪᑕ, ᑕᑯᓐᓇᕋᓱᐊᕋᑎᒃ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓂᒃ ᐊᑕᓂᕐᒥᒡᓘᓐᓃᑦ ᐊᐱᕐᓱᕋᑎᒃ!

ᐂᓮᐊᓯᐅᑉ ᐊᒡᓚᖏᑦ 31:9

ᐃᕐᓯᓂᕐᒧᑦ ᐊᖓᔪᖅᑳᕐᔪᐊᖏᑦ ᕿᒫᔪᒪᕐᐳᑦ ᑲᑉᐱᐊᓱᒡᓗᑎᒃ, ᐅᓇᑕᕐᑎᖁᑎᖏᑕᓗ ᐊᖓᔪᖅᑳᖏᑦ ᐃᕐᓯᓂᕐᒧᑦ ᐅᓇᑕᕐᑏᑦ ᓮᒻᒪᑎᖁᑎᖏᓐᓂᒃ ᕿᒤᓐᓁᔪᒫᕐᐳᑦ.” ᐊᑕᓂᖅ ᐅᖃᕐᐳᖅ, ᐃᑯᒪᖁᑎᖃᕐᑐᖅ ᓮᐅᓂᒥ, ᐃᑯᐊᓚᑦᓯᕕᖁᑎᖃᕐᓗᓂᓗ ᔨᕉᓴᓕᒥ.

ᐂᓮᐊᓯᐅᑉ ᐊᒡᓚᖏᑦ 33:12

ᐃᓄᐃᑦ ᕿᔪᒃᑎᑐᑦ ᐃᑯᒪᒧᑦ ᐊᕐᔭᓕᓂᓐᖑᕐᓯᒪᔪᑎᑐᑦ ᑍᒤᑦᓱᒫᕐᐳᑦ, ᑲᑭᓪᓚᐅᑎᓕᒃᑎᑐᑦ ᓇᑲᑎᕐᑕᐅᓗᑎᒃ ᐃᑯᐊᓪᓚᒃᑎᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 33:14

ᐊᔪᕐᑐᓕᔪᑦ ᓮᐅᓂᒦᑦᑐᑦ ᑲᑉᐱᐊᓱᓕᕐᐳᑦ; ᒎᑎᖃᖏᑦᑐᓪᓗ ᓴᔪᓕᕐᓗᑎᒃ; ᓇᓕᕐᐳᑦ ᐃᓅᔪᓐᓇᕐᐹ ᐃᑯᐊᓚᔪᒥ ᓄᖒᑦᓯᔪᒥ? ᓇᓕᕐᐳᓪᓗ ᐃᓂᖃᕈᓐᓇᕐᐹ ᐃᓱᖃᖏᑦᑐᒧᑦ ᐃᑯᐊᓚᔪᒥ?

ᐂᓮᐊᓯᐅᑉ ᐊᒡᓚᖏᑦ 37:23

ᑭᓇᒥᒃ ᒥᑕᐅᑎᖃᓚᐅᕐᐲᑦ ᐅᖃᕐᓂᕐᓘᑎᖃᕐᓗᑎᓪᓗ? ᑭᓇᒧᑦ ᓂᐱᖅᑯᕐᑐᓪᓗᑎᑦ ᓂᓪᓕᐊᓚᐅᕐᐱᑦ ᐃᔩᒃᑭᒡᓗ ᖁᒻᒧᑦ ᕿᕕᐊᖓᓪᓗᒋᒃ ᐱᐅᔪᕆᓂᕐᒧᑦ? ᐊᑭᕋᕐᑐᕐᓗᑎᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓐᓂᒃ!

ᐂᓮᐊᓯᐅᑉ ᐊᒡᓚᖏᑦ 37:36

ᑕᕝᕙ ᐊᑕᓂᐅᑉ ᐂᖏᓕᖁᑎᖓ ᐂᓚᐅᕐᐳᖅ, ᑐᖁᕅᓪᓗᓂᓗ ᐅᓇᑕᕐᑎᓂᒃ 185,000ᓂᒃ ᐊᓯᕆᐊᒥᐅᓂᒃ ᑕᖕᒫᕐᓯᒪᕕᒋᔭᖏᓐᓂ; ᖃᐅᒻᒪᓕᕐᑎᓪᓗᒍ ᐅᓪᓛᒃᑯᑦ, ᑎᒥᕕᓃᑦ ᑐᖁᖓᐅᓚᐅᕐᐳᑦ ᓇᓂᓕᒫᖅ.

ᐂᓮᐊᓯᐅᑉ ᐊᒡᓚᖏᑦ 47:14

ᑕᑯᒋᑦ, ᐃᕕᒃᓱᒐᕐᑎᑐᑦ ᐸᓂᕐᑐᑎᑐᑦ ᑍᒤᑦᓱᒫᕐᐳᑦ, ᐃᑯᒪᒧᑦ ᓄᖑᑕᐅᔪᑎᑐᑦ; ᐃᒻᒥᖕᓂᒡᓗ ᓴᐳᑎᔪᓐᓇᕈᒫᓐᖏᓚᑦ ᐃᑯᐊᓚᔪᖅ ᐊᖏᓗᐊᕈᒫᕐᒪᑦ; ᐃᑯᒪ ᐅᖅᑰᓯᑦᑎᕐᕕᒃᓴᑐᐃᓐᓇᐅᔪᒫᖏᒻᒪᑦ, ᓴᓂᐊᓂᓗ ᐃᒃᓯᕙᕕᒃᓴᐅᔪᒫᕋᓂ.

ᐂᓮᐊᓯᐅᑉ ᐊᒡᓚᖏᑦ 60:19

ᓯᕿᓂᖅ ᐅᓪᓘᒐᓗᐊᒃᑯᑦ ᖃᐅᒪᑦᔪᑎᒋᔭᕆᐊᖃᕈᒫᓐᖏᓚᓯ, ᑕᖅᑭᐅᓪᓗ ᖃᐅᒪᓂᖓ ᐅᓐᓄᐊᒥ ᖃᐅᒪᑦᔪᑎᒋᔭᕆᐊᖃᕈᒫᓐᖏᓐᓂᕙᓯ; ᐊᑕᓂᐅᑉ ᖃᐅᒪᓂᖓᓄᑦ ᖃᐅᒪᑎᑕᐅᓕᕈᒫᕋᑦᓯ ᑍᒫᓐᖓᓕᒫᖅ, ᒎᑎᓯᓗ ᐱᓐᓇᕐᓇᕐᓂᕆᔪᒫᕐᐸᓯ.

ᐂᓮᐊᓯᐅᑉ ᐊᒡᓚᖏᑦ 66:24

ᐊᓂᒍᑎᒡᓗ ᑕᑯᔪᒫᕐᐳᑦ ᐅᕙᓐᓂᒃ ᐊᑭᕋᕐᑐᕐᑐᑦ ᑎᒥᕕᓂᖏᓐᓂᒃ ᑐᖁᖓᔪᓂᒃ; ᖁᐱᕐᕈᖏᓪᓗ ᑐᖁᔪᒫᓐᖏᓚᑦ, ᐃᑯᐊᓚᔪᒦᓪᓗᑎᒡᓗ ᖃᒥᑕᒃᓴᐅᖏᑦᑐᓂ, ᐃᓅᖃᑎᒌᒡᔪᐊᓄᑦ ᑕᒪᓐᓇ ᑕᑯᒥᓁᑦᑐᕐᔪᐊᖑᔪᒫᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 9:18

ᐊᔪᕐᑐᓕᓃᑦ ᐃᑯᐊᓚᖕᒪᑕ ᐃᑯᒪᑎᑐᑦ, ᓄᖒᑦᓯᓪᓗᓂ ᐅᕐᐱᒐᕐᓂᒃ ᑲᑭᓪᓚᕐᓇᕐᑐᓕᖕᓂᒡᓗ; ᐃᑯᐊᓪᓔᓪᓗᑎᒡᓗ ᓇᐹᕐᑐᒐᓴᒡᔪᐊᓂᒃ ᐊᑯᓔᑦᑐᓂᒃ; ᐃᓯᕐᓗᒡᔪᐊᕐᒥᒃ ᖁᒻᒧᐊᒃᑎᑦᓯᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 4:4

ᐊᑕᓂᕐᒧᑦ ᑐᓂᓕᕆᑦᓯ, ᐆᒻᒪᑎᓯᓗ ᑐᓂᓗᒋᑦ ᐃᓕᑦᓯ ᐃᓄᖁᑎᒋᔭᐅᔪᓯ ᔫᑕᒥ ᔨᕉᓴᓕᒥᓗ, ᑐᓂᓂᐊᖏᒃᑯᑦᓯ ᓂᓐᖓᖕᓂᕋ ᐃᑯᐊᓚᔪᑎᑐᑦ ᑍᒤᓐᓂᐊᕐᐳᖅ ᐱᐅᖏᑦᑐᓂᒃ ᐱᓂᐊᕐᓯᒪᓂᓯ ᐱᓪᓗᒋᑦ, ᑭᓇᒧᓐᓘᓐᓃᑦ ᖃᒥᑕᐅᔪᓐᓇᕐᓂᐊᓐᖏᓚᖅ.”

ᔨᕆᒤᐊᐅᑉ ᐊᒡᓚᖏᑦ 7:20

ᐃᒫᒃ ᑕᕝᕙ ᐊᑕᓂᖅ ᒎᑎ ᐅᖃᕐᐳᖅ: ᑕᑯᒋᑦ, ᓂᓐᖓᒃᑯᒪ ᓂᓐᖓᐅᒪᓗᖓ ᐱᓇᓱᐊᕐᕕᒋᓂᐊᕐᐸᒃᑲ ᐃᓄᐃᓗ ᐆᒪᔪᓪᓗ, ᓇᐹᕐᑐᐃᓪᓗ, ᐸᐅᕐᒊᓪᓗ ᓄᓇᒥ ᐱᕈᕐᐸᒃᑐᑦ, ᐃᑯᐊᓚᓂᐊᕐᐳᑦ ᖃᒥᑕᐅᔪᓐᓇᖏᑦᑐᒥᒃ.

ᓇᕼᐅᒥᐅᑉ ᐊᒡᓚᖏᑦ 1:10

ᑲᑭᓪᓚᕐᓇᕐᑎᑐᑦ ᓂᒐᕕᓯᒪᑎᓪᓗᒋᑦ, ᐋᖓᔮᕐᑎᑎᑐᓪᓗ ᐋᖓᔮᕐᑎᓪᓗᒋᑦ, ᓄᖑᑕᐅᔪᒫᕐᐳᑦ ᐃᑯᒪᒧᑦ ᐃᕕᒃᓱᒐᕐᑎᑐᑦ ᑭᓪᓗᕐᑕᐅᓯᒪᓪᓗᑎᒃ ᐸᓂᕐᑐᑎᑐᑦ.

ᔨᐸᓁᐊᐅᑉ ᐊᒡᓚᖏᑦ 1:18

ᓯᐅᓪᕕᕆᖁᑎᖏᑕ ᒎᓗᖁᑎᖏᑕᓘᓐᓃᑦ ᐱᐅᓕᔭᐅᔪᓐᓇᕈᒫᓐᖏᓔᑦ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ. ᓄᓇᕐᔪᐊᓕᒫᖅ ᓄᖑᑕᐅᔪᒫᕐᐳᖅ ᓯᒡᒐᑦᔨᓂᕐᒥᓄᑦ ᓂᓐᖓᐅᒪᓂᖓᑕ ᐃᑯᐊᓚᓂᖓᓄᑦ; ᑲᑉᐱᐊᓇᒃᑲᓐᓂᕐᕕᖃᖏᑦᑐᒧᑦ ᑕᕝᕔᓐᓇᖅ ᓄᖑᑦᓱᒫᕐᐰᑦ ᓄᓇᕐᔪᐊᕐᒥᐅᓕᒫᑦ.

ᓴᑲᕅᐊᐅᑉ ᐊᒡᓚᖏᑦ 12:6

“ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔫᑕᐅᑉ ᐊᐅᓚᑦᓯᔨᖏᑦ ᐃᑯᒪᑎᑐᑦ ᑍᒤᑦᓱᒫᕐᐳᑦ ᐃᑯᐊᓪᓚᖅᑯᑎᑎᑐᑦ ᓇᐹᕐᑐᒐᓴᒡᔪᐊᓂ, ᐃᑭᑦᓯᔪᑎᑐᓪᓘᓐᓃᑦ ᐃᕕᖕᓂᒃ ᓂᐊᖂᔭᒃᓴᓂᒃ ᐱᕈᕐᓰᕕᖕᒥ. ᓄᖒᑦᓯᔪᒫᕐᓗᑎᒡᓗ ᐃᓄᓕᒫᓂᒃ ᐊᕙᑎᒥᖕᓃᑦᑐᓂᒃ. ᔨᕉᓴᓕᒥᓕ ᓄᓇᖃᕐᑐᑦ ᐊᒃᑐᕐᑕᐅᔪᒫᓐᖏᓚᑦ ᐃᓂᒥᖕᓂ.

ᒨᓯᓯ ᓯᑕᒪᖏᑦ 16:35

ᐃᑯᒪᓗ ᐊᖅᑲᕐᐳᖅ ᐊᑕᓂᕐᒥᑦ ᓄᖑᓪᓗᒋᓪᓗ 250 ᐊᖑᑎᑦ ᐃᓯᕐᓗᐊᕐᓂᑎᑦᓯᓪᓗᑎᒃ ᑐᓂᕐᕈᓯᕐᑐᑦ.

ᒫᑎᐅᓯᐅᑉ ᐊᒡᓚᖏᑦ 3:12

ᑖᑦᓱᒪ ᓂᐊᖂᔭᒃᓴᓂᒃ ᓴᓃᔧᑦᔪᑎᓂ ᑎᒍᒥᐊᕐᐹ, ᓂᐊᖂᔭᒃᓴᓂᒃ ᓯᖃᓕᑦᓯᕕᖕᒥᓂᑦ ᓂᐊᖂᔭᒃᓴᐅᖏᑦᑐᑦ ᐊᕕᑎᑦᓱᒪᓪᓗᒋᑦ ᓂᐊᖂᔭᒃᓴᓂᑦ, ᓂᐊᖂᔭᒃᓮᓪᓗ ᓯᕐᓗᐊᕐᒥᓄᑦ ᑲᑎᑦᓱᒫᕐᐰᑦ, ᐃᕕᐅᓂᖏᑦ ᐃᑯᐊᓪᓚᒍᒫᕐᐰᑦ ᐃᑯᒪᒧᑦ ᖃᒥᓱᐃᑦᑐᒧᑦ.”

ᒨᓯᓯ ᑕᓪᓕᒪᖏᑦ 4:24

ᐊᑕᓂᖅ ᒎᑎᓯ ᐃᑯᒪᑎᑐᑦ ᐃᑯᐊᓚᔪᑎᑐᑦ ᑍᒤᒻᒪᑦ; ᐊᓯᒥᓂᒃ ᒎᑎᖃᖁᔨᖏᒻᒪᕆᒃᑐᖅ.

ᐄᑉᕈᐃᓄᑦ 12:29

ᒎᑎᕗᑦ ᐃᑯᒪᐅᖕᒪᑦ ᓄᖒᑦᓯᔪᕐᔪᐊᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:23

ᐃᒡᓗᒐᓴᒡᔪᐊᓪᓗ ᓯᕿᓂᕐᒧᑦ ᑕᖅᑭᕐᒧᓪᓘᓐᓃᑦ ᖃᐅᒪᑎᑕᐅᔭᕆᐊᖃᓐᖏᓚᑦ, ᒎᑎᐅᑉ ᐱᓐᓇᕐᓇᕐᓂᖓᑕ ᖃᐅᒪᑎᒻᒪᒋᑦ, ᓄᕐᕋᐅᔭᕐᓗ ᖃᐅᒻᒪᖅᑯᑎᒋᖕᒪᑦᔪᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:5

ᑕᕝᕙᓂᓗ ᐅᓐᓄᐊᖃᕈᓐᓃᕈᒫᕐᐳᖅ; ᖃᐅᒻᒪᖅᑯᑎᖃᕆᐊᖃᕈᒫᕋᑎᒡᓗ ᓯᕿᓂᕐᒥᒡᓘᓐᓃᑦ, ᐊᑕᓂᖅ ᒎᑎ ᖃᐅᒻᒪᖅᑯᑎᒋᔪᒫᕐᒪᑦᔪᒃ, ᑕᕝᕙᓂᓗ ᐊᖓᔪᖅᑳᕐᔪᐊᖑᖃᑕᐅᔪᒫᕐᐳᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.