ᐂᓮᐊᓯᐅᑉ ᐊᒡᓚᖏᑦ 1:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᓮᐅᓂᐅᑉ ᐸᓂᖓ ᑭᓯᒥ ᐊᒥᐊᒃᑯᑑᕗᖅ, ᐃᒡᓗᕋᓛᑎᑐᑦ ᕔᓂᒃᓮᑦ ᐱᕈᕐᕕᖓᓃᑦᑐᑎᑐᑦ, ᐃᒡᓗᕋᓛᑐᓪᓗ ᑍᒤᑉᐳᖅ ᐱᕈᕐᓰᕕᖕᒥ, ᐃᒡᓗᒐᓴᒡᔪᐊᑦ ᐊᕙᓗᔭᐅᓯᒪᓪᓗᑎᒃ ᐊᑭᕋᕐᑐᕐᑎᒥᓄᑦ.

ᐂᓮᐊᓯᐅᑉ ᐊᒡᓚᖏᑦ 1:8 Iomraidhean Croise

ᔫᐱᐅᑉ ᐊᒡᓚᖏᑦ 27:18

ᐃᒡᓗᓕᐅᕐᓯᒪᕗᖅ ᐋᓯᕙᐅᑉ ᓄᓗᐊᖏᑎᑐᑦ ᑍᒤᑦᑐᓂᒃ, ᖃᐅᔨᓴᕐᑎᐅᓪᓗ ᐅᖅᑯᐊᓕᓂᓕᐊᕆᓯᒪᔭᖓᑎᑐᑦ.

ᐃᓐᖏᕈᑎᑦ 9:14

ᐅᖃᐅᓯᖃᕈᓐᓇᖁᓪᓗᖓ ᓂᕐᑐᕐᓇᕐᓂᕐᓂᒃ ᓱᓇᒥᒡᓗᒍ, ᓮᐅᓂᐅᑉ ᐸᓂᖏᑕ ᐃᑎᕐᑕᕐᕕᒡᔪᐊᖏᓐᓂ. ᐱᐅᓕᕐᓯᓂᕐᓂᒡᓗ ᐃᖀᕐᑐᕈᑎᖃᕈᒪᕗᖓ.

ᐂᓮᐊᓯᐅᑉ ᐊᒡᓚᖏᑦ 1:7

“ᓄᓇᓯ ᐃᓄᖃᕋᓂ ᐊᓯᕈᕐᑕᐅᓯᒪᕗᖅ, ᐃᒡᓗᒐᓴᖁᑎᓯᓗ ᐃᑯᒪᒧᑦ ᓄᖑᑕᐅᓯᒪᕗᑦ; ᑕᑯᓐᓈᕐᑎᓪᓗᓯ ᓄᓇᓕᑐᖃᐅᖏᑦᑐᓄᑦ ᓄᓇᑦᓯᓐᓂᒃ ᐊᕐᓵᕐᑕᐅᓯᒪᕗᓯ; ᐃᓄᖃᕈᓐᓃᕐᑎᑕᐅᓯᒪᕗᖅ, ᓵᓚᐅᓯᒪᓪᓗᓂᓗ ᓄᓇᖃᑎᒋᓐᖏᑕᑦᓯᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 1:9

ᐊᑕᓂᐅᑉ ᐊᔪᒐᖃᖏᑦᑑᑉ ᐃᓄᐃᑦ ᐃᓚᖏᓐᓂᒃ ᐊᒥᐊᒃᑯᖃᕐᑎᓚᐅᖏᑉᐸᑎᒍᑦ, ᓄᖑᑕᐅᓇᔭᓚᐅᕐᐳᒍᑦ ᓱᑑᒪᑐᑦ ᒍᒨᕋᒥᐅᑎᑐᓪᓗ.

ᐂᓮᐊᓯᐅᑉ ᐊᒡᓚᖏᑦ 10:32

ᐅᓪᓗᒥ ᑕᕝᕙᓂ ᓄᓇᒥ ᓅᐱᒥ ᓄᖅᑲᕐᐳᖅ, ᐊᒡᒐᒥᓄᑦ ᑎᒍᒻᒥᔪᓄᑦ ᐅᓗᕆᐊᕐᓵᕐᓗᒋᑦ ᖃᖅᑲᒥᑦ ᓮᐅᓂᐅᑉ ᐸᓂᖏᓐᓂᑦ, ᔨᕉᓴᓕᐅᑉ ᐱᖑᐊᓃᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 29:3

ᓯᓚᑎᑦᓯᓐᓂ ᑕᖕᒫᕐᓯᒪᔪᒫᕐᐳᖓ ᐊᕙᑕᖏᕐᓯᒪᓗᑎᑦ, ᐃᒡᓗᒐᓴᒡᔪᐊᓂᒃ ᓵᓚᖃᕋᓱᒃᑐᕐᓯᐅᑎᓂᒃ ᓴᓇᔪᒫᕐᐳᖓ ᐳᕐᑐᔪᓂᒡᓗ ᐃᒡᓗᓕᐅᕐᓗᖓ, ᐃᒡᓗᒐᓴᒡᔪᐊᓂᒃ ᓵᓚᖃᕋᓲᑎᓂᒃ ᓴᓇᔪᒪᕗᖓ ᐃᓕᖕᓂᒃ ᐊᑭᕋᕐᑐᕐᓗᖓ.

ᐂᓮᐊᓯᐅᑉ ᐊᒡᓚᖏᑦ 30:17

1000 ᕿᒫᔪᒫᕐᐳᑦ ᐊᑭᕋᑦᓯ ᐅᓇᑕᕐᑎᖁᑎᖓᓂᒃ ᐊᑕᐅᓯᕐᒥᒃ ᑕᑯᒍᑎᒃ, ᑕᓪᓕᒪᓂᒃ ᑕᑯᓕᕈᑦᓯ ᐊᑕᖏᕐᓗᓯ ᕿᒫᔪᒪᕐᐳᓯ, ᐊᒥᐊᒃᑯᑕᖃᖏᓪᓗᓯ, ᓮᒻᒪᑎᐅᑉ ᓇᑉᐸᖅᑯᑎᖓᑐᑦ ᖃᖅᑲᐅᑉ ᖄᖓᓃᑦᑐᑐᑦ ᖃᖅᑲᐅᓪᓗ ᑳᖓᓂ ᖃᓕᕇᓕᕈᒫᕐᐳᓯ ᓇᓗᓁᒃᑯᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 37:22

ᐊᑕᓂᖅ ᐃᒫᒃ ᐅᖃᕐᐳᖅ ᓯᓇᑭᕆᑉ ᐱᓪᓗᒍ: ‘ᐅᐃᒡᒐᓲᑉ ᓮᐅᓂᐅᑉ ᐸᓂᖓᑕ; ᐆᒥᒋᕚᑎᑦ, ᒥᑕᐅᑎᒋᓪᓗᑎᓪᓗ; ᐃᓕᕿᑕᒫᕐᓗᓂᓗ ᑐᓄᖕᓂ ᔨᕉᓴᓕᐅᑉ ᐸᓂᖓ.

ᐂᓮᐊᓯᐅᑉ ᐊᒡᓚᖏᑦ 37:4

ᐃᒻᒪᖄ, ᐊᑕᓂᐅᑉ ᒎᑎᕕᑦ ᕌᑉᓴᑭᐅᑉ ᐅᖃᐅᓯᖏᑦ ᑐᓴᕐᐰᑦ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᑎᓕᓚᐅᕐᒪᒍ ᒎᑎᒥᒃ ᐆᒪᔪᒥᒃ ᒥᑕᐅᑎᖃᖁᓪᓗᒍ, ᐃᓂᕐᑎᕆᑐᐃᓐᓇᕆᐊᖃᕐᓗᓂᓗ ᐅᖃᐅᓯᖏᓐᓂᒃ ᐊᑕᓂᐅᑉ ᒎᑎᕕᑦ ᑐᓴᕐᑕᒥᓂᒃ; ᑍᒤᒻᒪᑦ ᑐᒃᓯᐅᑎᓚᐅᒃᑭᑦ ᐃᓄᐃᑦ ᐊᒥᐊᒃᑰᔪᑦ ᐱᓪᓗᒋᑦ.’”

ᐂᓮᐊᓯᐅᑉ ᐊᒡᓚᖏᑦ 4:4

ᐊᑕᓂᐅᑉ ᓴᓗᒻᒪᕐᓴᕐᓯᒪᓕᕐᐸᒋᑦ ᓴᓗᒤᓐᓂᖏᓐᓂᑦ ᓮᐅᓂᐅᑉ ᐸᓂᖏᑦ ᐃᕐᕈᕐᑐᕐᐸᒋᓪᓗ ᐊᐅᖕᒥᑦ ᐃᑦᓴᒃᓯᒪᓂᖏᓐᓂᑦ ᔨᕉᓴᓕᒥᐅᑦ ᐃᖅᑲᕐᑐᕐᑕᐅᓂᐅᑉ ᐊᓂᕐᓂᖓᒍᑦ, ᐊᓂᕐᓂᒃᑯᓪᓗ ᐃᑯᐊᓪᓚᒃᑎᑦᓯᔪᒃᑯᑦ.

ᐂᓮᐊᓯᐅᑉ ᐊᒡᓚᖏᑦ 49:21

ᐃᓱᒪᒃᑯᑦ ᐅᖃᕈᒫᕐᐳᑎᑦ: ‘ᑭᐊ ᒪᑯᓂᖓ ᕿᑐᕐᖓᕐᑖᕐᑎᓐᓂᕐᐹᖓ? ᖁᕕᐊᓇᖏᑦᑐᕐᓯᐅᕐᓗᑕ ᕿᑐᕐᖓᖃᕆᐊᒥᒃ ᐃᓱᒪᓚᐅᖏᒃᑲᓗᐊᕐᑐᖓ, ᓄᓇᒋᓐᖏᑕᑦᑎᓐᓄᓪᓗ ᐊᐅᓪᓚᕈᑦᔭᐅᓯᒪᓪᓗᑕ ᖁᔭᓈᕐᑕᐅᓪᓗᑕᓗ, ᑭᐊᓕ ᒪᑯᐊ ᐱᕈᕐᓴᔭᕕᓂᖏᑦ? ᑕᑯᒋᑦ, ᐃᓄᑑᓚᐅᕐᑐᖓ; ᒪᑯᐊᓕ ᓇᑭᑦ ᓴᖅᑭᑦᑐᐊᓗᐃᑦ?’”

ᐂᓮᐊᓯᐅᑉ ᐊᒡᓚᖏᑦ 62:11

ᑕᑯᒋᑦ, ᐊᑕᓂᖅ ᐅᖃᐅᑦᔨᓯᒪᓕᕐᐳᖅ ᓄᓇᕐᔪᐊᑉ ᐃᓱᖏᓐᓄᑦ; ᐃᒫᒃ, “ᓮᐅᓂᐅᑉ ᐸᓂᖓ ᐅᖃᐅᑎᓯᐅᒃ, ᑕᑯᒋᑦ, ᐱᐅᓕᔭᐅᕕᒃᓴᓯ ᕾᓕᕐᐳᖅ, ᐊᑭᓕᐅᑎᒃᓴᓂ ᓇᒃᓴᕐᓗᒍ, ᐱᓇᓱᐊᕆᐊᕐᑐᕐᑕᓂᓗ ᐊᑐᐃᓐᓇᕆᕚ.”

ᐂᓮᐊᓯᐅᑉ ᐊᒡᓚᖏᑦ 8:8

ᔫᑕᓗ ᑎᑭᑕᐅᔪᒫᕆᕗᖅ, ᖄᒥᑕᐅᓗᓂ ᐅᓗᑦᔭᐅᔪᒫᕐᐳᖅ ᐊᖅᑯᓵᕐᑕᐅᓗᓂ, ᐃᓄᐃᑦ ᖁᖓᓯᖏᓐᓄᑦ ᑎᑭᓪᓗᓂ ᐊᒡᓛᑦ; ᐃᓴᕉᖕᓂᓗ ᐃᓯᕕᓪᓗᒋᒃ ᓄᓇᖁᑏᑦ ᑕᒪᕐᒥᒃ ᐅᓕᒍᒫᕐᐹ, ᐆ ᐃᒫᓐᔪᐃᓕ.”

ᔨᕆᒤᐊᐅᑉ ᐊᒡᓚᖏᑦ 4:17

ᐊᕙᓗᓂᐊᕐᐹᓪᓗ ᓄᓇᖁᑎᒥᖕᓂᒃ ᓴᐳᑦᔨᓯᒪᓇᓱᐊᕐᑐᑎᑐᑦ, ᐅᕙᓐᓂᒃ ᐊᑭᕋᕐᑐᓚᐅᕐᒪᑕ. ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 6:2

ᓮᐅᓂᐅᓪᓗ ᐸᓂᖓᑐᑦ ᑍᒤᑦᑐᑎᑦ ᓄᖑᑕᐅᑎᓐᓂᐊᕐᐸᒋᑦ, ᐱᐅᔫᓪᓗᑎᑦ ᑕᑯᒥᓇᕐᑑᒐᓗᐊᕐᑎᓪᓗᑎᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:1

ᐊᑕᓂᐅᑉ ᓮᐅᓂ ᐅᓕᒃᐹ ᓂᓐᖓᐅᒪᓂᕐᒥᓂᒃ, ᓮᐅᓂᐅᓪᓗ ᐸᓂᖓ ᑲᓐᖑᓱᒃᑎᑉᐹ! ᐃᓴᕆᐊᓕᒥᐅᑦ ᐃᓂᖁᓇᕐᓂᖓ ᐊᓯᐅᑎᑉᐸᑦ ᓇᕐᕈᓇᕐᓂᕐᐸᐅᓕᕐᑎᓪᓗᒍ, ᓂᓐᖓᕕᒃᔪᐊᕐᓂᖓᑕ ᓇᓪᓕᐅᑎᓯᒪᓂᖓᓄᑦ ᑐᒃᓯᐊᕐᕕᒡᔪᐊᖁᑎᖃᕐᓂᓂ ᐊᒡᓛᑦ ᐳᐃᒍᕐᐹ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:6

ᑐᒃᓯᐊᕐᕕᒡᔪᐊᖅ ᐃᓂᒋᓂᕋᕐᑕᓂ ᓯᖁᑦᑎᕐᑕᐅᑎᑉᐹ ᐱᕈᕐᓰᕕᒃᑎᑐᑦ ᑖᓐᓇ ᑲᑎᕕᒋᕙᒃᑕᕗᑦ, ᐊᑕᓂᐅᑉ ᓮᐅᓂ ᐳᐃᒍᕐᑕᐅᑎᑉᐹ ᓇᓪᓕᐅᓐᓂᕐᓯᐅᕐᕕᐅᕙᒃᑐᓂᒃ ᓴᐸᑎᓂᓗ, ᐊᖓᔪᖅᑳᕐᔪᐊᖅ ᑐᓂᕐᕈᓯᕐᑎᑦᓯᔩᓪᓗ ᓂᓐᖓᕕᒃᔪᐊᕐᓂᕐᒥᓄᑦ ᓇᕐᕈᒋᓕᕐᐰᑦ.

ᓴᑲᕅᐊᐅᑉ ᐊᒡᓚᖏᑦ 2:10

ᐊᑕᓂᖅ ᐅᖃᕐᐳᖅ, “ᐃᓐᖏᕆᑦᓯ ᖁᕕᐊᓱᒡᓗᓯ ᓮᐅᓂᒥᐅᖑᔪᓯ! ᕾᓂᐊᕋᒪ ᐃᓂᑦᓯᓐᓂ ᐃᓂᖃᖃᑕᐅᔭᕐᑐᕐᓗᖓ!

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᔪᐊᓇᓯᐅᑉ ᐊᒡᓚᖏᑦ 12:15

“ᓯᕘᕋᓂᐊᕋᓯ, ᓮᐅᓂᐅᑉ ᐸᓂᖏᑦ; ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᐳᖅ, ᓯᐅᑎᖅᑯᕐᑐᔫᑉ ᓄᕐᕋᖓᑕ ᖄᖓᓂ ᐃᑭᒪᓪᓗᓂ!”