ᐂᓮᐊᓯᐅᑉ ᐊᒡᓚᖏᑦ 1:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ “ᓄᓇᓯ ᐃᓄᖃᕋᓂ ᐊᓯᕈᕐᑕᐅᓯᒪᕗᖅ, ᐃᒡᓗᒐᓴᖁᑎᓯᓗ ᐃᑯᒪᒧᑦ ᓄᖑᑕᐅᓯᒪᕗᑦ; ᑕᑯᓐᓈᕐᑎᓪᓗᓯ ᓄᓇᓕᑐᖃᐅᖏᑦᑐᓄᑦ ᓄᓇᑦᓯᓐᓂᒃ ᐊᕐᓵᕐᑕᐅᓯᒪᕗᓯ; ᐃᓄᖃᕈᓐᓃᕐᑎᑕᐅᓯᒪᕗᖅ, ᓵᓚᐅᓯᒪᓪᓗᓂᓗ ᓄᓇᖃᑎᒋᓐᖏᑕᑦᓯᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 1:7 Iomraidhean Croise

ᑯᕉᓂᑲ ᐂᑉᐸᖏᑦ 28:5

ᑍᒤᒻᒪ ᐊᑕᓂᐅᑉ ᑖᑦᓱᒪ ᒎᑎᖓᑕ ᑐᓂᕚ ᓯᕆᐊᒥᐅᑉ ᐊᖓᔪᖅᑳᕐᔪᐊᖏᓐᓄᑦ, ᑖᒃᑯᐊᓗ ᓵᓚᒋᕚᑦ, ᐅᓄᕐᑐᕐᔪᐊᓪᓗ ᐊᐅᓪᓚᕈᑎᕔᑦ ᑎᒍᓪᓗᒋᑦ ᐂᑎᓪᓗᒋᓪᓗ ᑕᒫᓯᑰᓯᒧᑦ. ᑖᓐᓇᓗ ᑐᓂᔭᐅᕗᖅ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᑦ, ᑖᑦᓱᒪᓗ ᓵᓚᒋᕚ ᐅᓄᕐᑐᕐᔪᐊᓂᒃ ᑐᖁᕅᓪᓗᓂ.

ᐃᓐᖏᕈᑎᑦ 107:34

ᓄᓇᓗ ᐱᕈᕐᑐᖃᑦᓯᐊᕐᑐᖅ ᐱᕈᕐᕕᐅᔪᓐᓁᓪᓕᑎᑉᐹ ᑕᕆᐅᕈᕐᓗᓂ, ᑕᕝᕙᓂ ᓄᓇᖃᕐᑐᑦ ᐱᐅᖏᑦᑐᓕᓂᖏᑦ ᐱᑦᔪᑎᒋᓪᓗᒋᑦ.

ᐃᓐᖏᕈᑎᑦ 107:39

ᐱᕖᕈᑦᔭᐅᓪᓗᑎᒃ ᓱᓇᐅᔪᓐᓃᕐᑎᑕᐅᖕᒪᑕ ᐅᖁᒤᒃᓴᕐᑎᑕᐅᓂᕐᒧᑦ, ᐋᓐᓂᐊᑎᑕᐅᓂᕐᒧᑦ ᕿᒃᓵᒃᑎᑕᐅᓂᕐᒧᓪᓗ.

ᐃᓐᖏᕈᑎᑦ 109:11

ᐊᑭᓕᒃᓴᕐᑖᕐᕕᐅᓯᒪᔪᖅ ᐊᑭᓕᒃᓴᓕᐅᑉ ᐱᒋᔭᓕᒫᖏᓐᓂᒃ ᐱᑖᓕᕐᓕ; ᐃᓅᖃᑎᑐᖃᕆᓐᖏᑕᖏᑦ ᐱᓇᓱᐊᓚᐅᕐᑕᓕᒫᖏᓐᓂᒃ ᐱᑖᓕᕐᓕᑦ.

ᐂᓮᐊᓯᐅᑉ ᐊᒡᓚᖏᑦ 1:8

ᓮᐅᓂᐅᑉ ᐸᓂᖓ ᑭᓯᒥ ᐊᒥᐊᒃᑯᑑᕗᖅ, ᐃᒡᓗᕋᓛᑎᑐᑦ ᕔᓂᒃᓮᑦ ᐱᕈᕐᕕᖓᓃᑦᑐᑎᑐᑦ, ᐃᒡᓗᕋᓛᑐᓪᓗ ᑍᒤᑉᐳᖅ ᐱᕈᕐᓰᕕᖕᒥ, ᐃᒡᓗᒐᓴᒡᔪᐊᑦ ᐊᕙᓗᔭᐅᓯᒪᓪᓗᑎᒃ ᐊᑭᕋᕐᑐᕐᑎᒥᓄᑦ.

ᐂᓮᐊᓯᐅᑉ ᐊᒡᓚᖏᑦ 3:8

ᔨᕉᓴᓕᒻ ᐹᓪᓚᒃᓯᒪᕗᖅ, ᔫᑕᓗ ᑲᑕᒃᓯᒪᓪᓗᓂ; ᐅᖃᐅᓯᖏᑦ ᐱᓂᐊᕐᓂᖏᓪᓗ ᐊᑭᕋᕐᑐᕐᒪᑕ ᐊᑕᓂᕐᒥᒃ ᑲᒪᒋᓇᒍ ᓇᔫᑎᓂᖓᑕ ᐱᓐᓇᕐᓇᕐᓂᕐᔪᐊᖓ.

ᐂᓮᐊᓯᐅᑉ ᐊᒡᓚᖏᑦ 34:9

ᐄᑐᓂᐅᑉ ᑰᖏᑦ ᑖᓚᑎᑐᑦ ᑯᑦᓲᔭᕐᑎᑐᑦ ᑍᒤᓕᕈᒫᕐᐳᑦ, ᓄᓇᓗ ᐆᓇᕐᑐᕐᔪᐊᖑᓕᕐᓗᓂ; ᓄᓇᖓᓗ ᐃᑯᐊᓚᔪᒫᕐᐳᖅ ᑖᓚᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 49:19

ᓄᓇᖁᑎᓯ ᓯᖁᑦᑎᕐᑕᐅᓯᒪᔪᖅ ᐃᓄᖃᕈᓐᓃᕐᓯᒪᔪᕐᓗ, ᓱᓇᒃᓴᐅᔪᓐᓃᕐᑎᑕᐅᓯᒪᓪᓗᓂ, ᓄᓇᑖᕐᑐᕐᑐᓄᑦ ᓄᓇᑭᒃᓴᓕᕈᒫᕐᐳᓯ; ᐃᓕᑦᓯᓐᓂᒡᓗ ᓄᖑᕈᑦᔨᓚᐅᕐᑐᑦ ᐅᖓᓯᒃᑐᐊᓗᖕᒦᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 5:17

ᑕᕝᕙ ᓰᐱᐅᑉ ᓄᕐᕋᖏᑦ ᓂᕆᓇᓱᐊᓕᕈᒫᕐᐳᑦ ᓇᖕᒥᓂᖅ ᓂᕆᓇᓱᐊᕐᕕᖕᒥᓃᑦᑐᑐᑦ, ᓯᖁᑦᑎᕐᑕᐅᓯᒪᔪᓂ ᖁᐃᒃᓯᑦᓯᐊᖑᓯᒪᔪᑦ ᒎᑦᓰᓪᓗ ᓄᕐᕋᖏᑦ ᑕᕝᕙᓂ ᓂᕆᓇᓱᒡᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 5:9

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᑐᓵᑎᓪᓗᖓ ᐅᖃᓚᐅᕐᐳᖅ: “ᐃᓛᒃ, ᐃᒡᓗᐃᑦ ᐅᓄᕐᑐᑦ ᕿᒪᒃᑕᐅᔪᒫᕐᐳᑦ, ᐊᖏᔪᑦ ᑕᑯᒥᓇᕐᑐᓪᓗ ᐃᒡᓗᐃᑦ, ᐃᓄᖃᕈᓐᓃᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 6:11

ᑕᕝᕙ ᐅᖃᕐᐳᖓ, “ᐊᑕᓃᖅ, ᖃᓄᖅ ᑕᒪᓐᓇ ᐊᑯᓂᐅᑎᒋᔭᕆᐊᖃᕐᐹ?” ᑭᐅᕚᖓᓗ ᐅᖃᕐᓗᓂ: “ᐃᒡᓗᒐᓴᒡᔪᐊᑦ ᓯᖁᒥᑦᓯᐊᕐᐸᑕ ᑭᓯᐊᓂ ᐃᓄᖃᕈᓐᓃᕐᓗᑎᒡᓗ, ᐃᒡᓗᐃᓪᓗ ᐃᓄᖃᕈᓐᓃᕐᐸᑕ, ᓄᓇᖓᓪᓗ ᐃᓄᖃᕈᓐᓃᑦᓯᐊᕐᐸᑦ.

ᐂᓮᐊᓯᐅᑉ ᐊᒡᓚᖏᑦ 60:15

ᖁᔭᓈᕐᑕᐅᓯᒪᓚᐅᕋᓗᐊᕐᑎᓪᓗᓯ ᐆᒥᒋᔭᐅᓪᓗᓯᓗ, ᐊᖅᑯᓵᕐᑕᐅᕙᒍᓐᓃᕐᓗᓯᓘᓐᓃᑦ, ᐅᐱᓐᓇᕐᓯᑎᑦᓱᒫᕐᐸᑦᓯ ᐃᓱᖃᖏᑦᑐᒧᑦ, ᑭᖑᕚᕇᓄᓪᓗ ᐅᓄᕐᑐᓄᑦ ᖁᕕᐊᒋᔭᐅᓕᕐᓗᓯ.

ᐂᓮᐊᓯᐅᑉ ᐊᒡᓚᖏᑦ 62:8

ᐊᑕᓂᖅ ᐅᖃᕕᒃᓯᒪᖕᒪᑦ ᓯᖁᒥᑦᔮᓐᖏᑕᒥᓂᒃ ᑕᓕᕐᐱᖕᒥᓄᑦ ᓇᓗᓁᒃᑯᑦᓯᕐᓗᒍ, ᑕᓕᕐᒥᓗ ᐱᔪᓐᓇᕐᓂᖓᒍ ᐅᖃᕐᓗᓂ: “ᓂᐊᖂᔭᒃᓴᑦ ᐱᕈᕐᑎᑕᕕᓂᓯ ᐊᑭᕋᑦᓯᓐᓄᑦ ᓂᕿᒃᓴᐅᑎᒃᑲᓐᓂᕐᓂᐊᕈᓐᓃᕐᐸᒃᑲ, ᐸᐅᕐᖎᓪᓗ ᐃᑦᑎᖓ ᓄᑖᖅ ᓄᓇᖃᑎᒃᓴᔭᕆᓐᖏᑕᑦᓯᓐᓄᑦ ᐃᒥᒃᓴᐅᑎᓐᓂᐊᕈᓐᓃᕐᐸᕋ ᐊᒃᓱᕉᑎᒋᓪᓗᒍ ᓴᖅᑭᑎᓚᐅᕐᑕᓯ.

ᐂᓮᐊᓯᐅᑉ ᐊᒡᓚᖏᑦ 64:10

ᐃᑦᔪᕐᓁᑦᑐᑦ ᐃᒡᓗᒐᓴᒡᔪᐊᖁᑎᑎᑦ ᓱᓇᖃᖏᑦᑐᓐᖑᕐᓯᒪᕗᑦ, ᓮᐅᓂᓗ ᓱᓇᖃᖏᑦᑐᒦᓕᕐᐳᖅ, ᔨᕉᓴᓕᒻᓗ ᐃᓄᖃᕈᓐᓃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 9:18

ᐊᔪᕐᑐᓕᓃᑦ ᐃᑯᐊᓚᖕᒪᑕ ᐃᑯᒪᑎᑐᑦ, ᓄᖒᑦᓯᓪᓗᓂ ᐅᕐᐱᒐᕐᓂᒃ ᑲᑭᓪᓚᕐᓇᕐᑐᓕᖕᓂᒡᓗ; ᐃᑯᐊᓪᓔᓪᓗᑎᒡᓗ ᓇᐹᕐᑐᒐᓴᒡᔪᐊᓂᒃ ᐊᑯᓔᑦᑐᓂᒃ; ᐃᓯᕐᓗᒡᔪᐊᕐᒥᒃ ᖁᒻᒧᐊᒃᑎᑦᓯᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 9:5

ᐅᓇᑕᕐᑐᒃᓮᑦ ᐱᓱᒃᑏᑦ ᐅᓇᑕᕐᕕᖕᒥ ᑲᒥᖏᑦ, ᐊᓐᓄᕌᖏᓪᓗ ᐊᐅᖕᒥᒃ ᐃᑦᓴᒃᓯᒪᔪᑦ ᑕᒪᕐᒥᒃ ᐃᑯᒪᒧᑦ ᐃᑯᐊᓪᓚᖅᑯᑕᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 2:15

ᓛᔭᑎᑐᑦ ᖃᓕᖑᐊᕐᑕᐅᖕᒪᑕ, ᐃᕐᓯᓵᕐᑕᐅᓪᓗᑎᒡᓗ; ᓄᓇᖓᓗ ᓱᓁᕈᑦᔭᐅᖕᒪᑦ, ᐃᒡᓗᒐᓴᒡᔪᐊᖁᑎᖏᓪᓗ ᐃᑭᑕᐅᓪᓗᑎᒃ ᓄᖑᑕᐅᖕᒪᑕ ᐃᓄᖃᕈᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 4:7

ᓛᔭᑎᑐᑦ ᐃᔨᕐᓯᒪᕕᖕᓂᑦ ᐊᓂᔪᑎᑐᑦ, ᐃᓅᖃᑎᒌᒡᔪᐊᓂᒃ ᐊᓯᕈᐃᔭᕐᑐᕐᑐᖅ ᐃᓂᒋᔭᒥᓂᑦ ᕾᓕᕐᐳᖅ, ᓄᓇᖁᑎᓯᓗ ᓄᓇᓕᕕᓂᑐᐃᓐᓇᓐᖑᕐᑎᓐᓂᐊᕐᐰᑦ ᐃᓄᖃᕈᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 44:6

ᓂᓐᖓᕕᒃᔪᐊᕐᓂᕋ ᓴᖅᑭᑎᓚᐅᕐᐸᕋ ᔫᑕᒥᐅᓄᑦ ᔨᕉᓴᓕᒥᐅᓄᓪᓗ ᓄᓇᓖᓪᓗ ᐃᑯᐊᓪᓚᒃᑕᐅᑎᓚᐅᕐᐸᒃᑲ, ᓄᓇᓕᕕᓂᑐᐃᓐᓇᐅᓕᕐᐳᑦ ᐅᓪᓗᒥ ᑕᑯᓪᓗᒋᓪᓗ ᑕᑯᔪᒥᓇᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 6:8

ᔨᕉᓴᓕᒥᐅᑕᐅᔪᓯ ᐃᓂᕐᑎᕆᑦᔪᑎᒃᑲ ᑐᓴᕐᓯᐅᒃ. ᑐᓴᕐᓂᐊᖏᒃᑯᑦᓯᐅᒃ ᕿᒪᖕᓂᐊᕐᐸᑦᓯ, ᓄᓇᖁᑎᓯᓗ ᓱᓇᖃᕈᓐᓃᕐᑎᓪᓗᒍ ᓄᓇᒋᔪᒥᓇᕈᓐᓃᕐᑎᓪᓗᒍᓗ ᑭᑯᒃᑐᐃᓐᓇᕐᓄᑦ.”

ᔨᕆᒤᐊᐅᑉ ᐊᒡᓚᖏᑦ 7:34

ᖁᕕᐊᓇᕐᑐᖃᕈᓐᓃᕈᒫᕐᐳᖅ ᖁᕕᐊᓱᒡᕙᓗᒃᑐᑦ ᓄᓕᐊᓂᒃᑐᑦ ᐅᐃᓂᒃᑐᓪᓗ ᓂᐱᖓᑐᑦ ᑐᓴᕐᓴᐅᔪᓐᓇᕈᓐᓃᕈᒫᕐᐳᑦ ᔫᑕᒥᐅᓂ ᔨᕉᓴᓕᒥᐅᓂᓗ, ᓄᓇᖏᑦ ᑭᓱᑕᖃᕈᓐᓃᕈᒪᕐᒪᑕ ᐃᓄᖃᔪᐃᑦᑐᑎᑐᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:2

ᑭᖑᕐᖑᑎᔭᕗᑦ ᑕᑯᓕᒪᓇᖏᑦᑐᓄᑦ ᐱᓯᒪᔭᐅᓕᕐᒪᑕ, ᐊᖏᕐᕋᕆᓚᐅᕐᑕᕗᓪᓗ ᐃᓂᒋᔭᐅᓕᕐᓗᑎᒃ ᑕᑯᓕᒪᓇᖏᑦᑐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 25:4

ᑍᒤᒻᒪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᒥᐅᑦ ᐃᓅᖏᓐᓅᑦ ᐃᓄᖁᑎᑖᕆᔭᐅᔪᒫᕐᐳᓯ, ᑕᖕᒫᕐᑎᕐᓗᑎᒡᓗ ᐊᑯᓐᓇᑦᓯᓐᓂ ᓄᓇᖃᓕᕈᒫᕐᐳᑦ; ᐱᕈᕐᑐᖁᑎᓯ ᓂᕆᔪᒫᕐᐰᑦ, ᐃᒻᒧᖁᑎᓯᓗ ᐃᒥᕐᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 30:12

ᓁᓕᓗ ᐃᒤᕈᑎᑎᑦᓱᒫᕐᐸᕋ, ᓄᓇᖓᓪᓗ ᓂᐅᕐᕈᑎᒋᓗᒍ ᐃᓄᖕᓄᑦ ᐱᐅᖏᑦᑐᓕᔪᓄᑦ; ᓄᓇᖓ ᐊᓯᕈᕐᑕᐅᔪᒫᕐᐳᖅ ᓱᓇᓕᒫᖏᓪᓗ ᑕᕝᕙᓃᑦᑐᑦ, ᓄᓇᓕᑐᖃᐅᖏᑦᑐᓄᑦ; ᐅᕙᖓ ᐊᑕᓂᖅ ᐅᖃᕐᐳᖓ.

ᕼᐆᓯᐊᑉ ᐊᒡᓚᖏᑦ 7:9

ᖃᐅᔨᒪᓐᖏᓚᑦ ᑕᐱᖃᕐᓂᕐᒥᖕᓄᑦ ᓲᖑᓂᒃᓴᖏᑦ ᓄᖑᑕᐅᖕᒪᑕ; ᓂᐊᖁᖏᑦ ᕿᑦᔭᒃᑎᑕᐅᓕᕐᐳᑦ, ᑕᒪᑐᒥᖓᓕ ᖃᐅᔨᓐᖏᓚᓪᓘᓐᓃᑦ.

ᕼᐆᓯᐊᑉ ᐊᒡᓚᖏᑦ 8:7

ᐊᓄᕆᒥᒃ ᑲᓐᖓᕐᓱᐃᒍᑎᒃ, ᐅᓚᔪᔭᕐᔪᐊᒥᒃ ᑲᑎᕐᓱᐃᔪᒫᕐᐳᑦ. ᓂᐊᖂᔭᒃᓮᑦ ᓂᐊᖁᖃᓐᖏᓚᑦ, ᓂᕆᔭᒃᓴᒥᒃ ᐱᕈᕐᕕᐅᓂᐊᓐᖏᓚᑦ; ᐱᕈᕐᕕᐅᒐᓗᐊᕐᐸᑕ ᓄᓇᖅᑲᑎᒋᓐᖏᑕᖏᑕ ᓂᕆᔪᒫᕐᐰᑦ.

ᒨᓯᓯ ᐱᖓᔪᖏᑦ 26:33

ᓄᓇᓖᑦ ᐊᓯᖏᓐᓄᑦ ᐃᓅᖃᑎᒌᒡᔪᐊᓄᑦ ᐊᐅᓪᓚᕐᑎᓪᓗᓯ ᓯᐊᒻᒪᕐᑎᑦᓱᒫᕐᐸᑦᓯ, ᐅᓇᑕᕐᓂᕐᒥᒃᓗ ᓴᖅᑭᑎᑦᓯᓗᖓ. ᓄᓇᖁᑎᓯ ᐃᓄᖃᕈᓐᓁᕐᓗᑎᒃ ᐃᒡᓗᒐᓴᒡᔪᐊᓯ ᓯᖁᒥᓯᒪᒐᔭᕐᐳᑦ.

ᒨᓯᓯ ᐱᖓᔪᖏᑦ 26:34

ᑍᒤᑉᐸᑦ ᓄᓇ ᑕᕾᕐᓯᑦᓯᐊᕋᔭᕐᐳᖅ ᕿᒪᒃᑕᐅᓯᒪᓕᕐᓗᓂ ᓄᓇᒋᓐᖏᑕᑦᓯᓐᓄᓪᓗ ᐊᐅᓪᓚᕐᑎᑕᐅᓯᒪᓕᕐᓗᓯ ᐊᑭᕋᑦᓯ ᓄᓇᖏᓐᓂ.

ᒤᑲᐅᑉ ᐊᒡᓚᖏᑦ 5:11

ᐃᒡᓗᒐᓮᓪᓗ ᓄᓇᖁᑎᑦᓯᓐᓃᑦᑐᑦ ᐊᓯᕈᕈᒫᕐᐸᒃᑲ ᓴᐳᑦᔭᐅᕕᒋᖃᑦᑕᕐᑕᓯᓗ ᐅᕐᕈᑎᓪᓗᒋᑦ.

ᒤᑲᐅᑉ ᐊᒡᓚᖏᑦ 6:13

ᑍᒤᒻᒪᑦ, ᓱᒋᐊᓕᕐᐸᑦᓯ, ᐊᔪᓕᕐᑎᓪᓗᓯ ᐊᔪᕐᑐᓕᓂᓯ ᐱᓪᓗᒋᑦ.

ᒨᓯᓯ ᑕᓪᓕᒪᖏᑦ 28:33

ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓂᑦ ᐱᓯᒪᔪᓄᑦ ᖃᐅᔨᒪᓐᖏᑕᑦᓯᓐᓄᑦ ᓂᐊᖂᔭᒃᓴᖁᑎᓯ ᓂᕿᒋᔭᐅᔪᒫᕐᐳᑦ ᐊᒃᓱᕈᒻᒪᕆᒃᓗᑎᑦ ᐱᓇᓱᐊᕈᑎᒋᖃᑦᑕᕐᓯᒪᔭᑎᑦ ᐱᕈᕐᑎᓐᓇᓱᐊᕐᓗᒋᑦ; ᐱᑎᑕᐅᖏᑦᓯᐊᕐᓗᓯ ᐅᖁᒤᒃᓴᕐᑎᑕᐅᔪᒫᕐᐳᓯ ᑍᒪᓐᖓᑦ ᐱᑲᒻᒪᒃᑕᐅᖃᑦᑕᕐᓗᓯᓗ ᓂᑲᒋᔭᐅᖏᓪᓗᓯ.

ᒨᓯᓯ ᑕᓪᓕᒪᖏᑦ 28:43

“ᓄᓇᖃᕐᑐᑐᖃᐅᖏᑦᑐᑦ ᓄᓇᑦᓯᓐᓃᑦᑐᑦ ᐱᓪᓚᕆᐅᓂᕐᒥ ᐃᓂᑖᕐᐸᓪᓕᐊᔪᒫᕐᐳᑦ, ᐃᓕᑦᓯᓕ ᑲᑕᒃᐸᓪᓕᐊᑐᐃᓐᓇᕈᒫᕐᐳᓯ ᐃᓂᕕᓂᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 29:23

ᓄᓇᓕᒫᖅ ᐱᕈᕐᓰᕕᓕᒫᓪᓗ ᓱᓇᒃᓴᐅᔪᓐᓃᕈᒫᕐᐳᑦ, ᐅᔭᕋᖕᓄᑦ ᐃᑯᐊᓪᓚᒃᓴᕅᑦᑐᓄᑦ ᑕᕆᐅᕐᒧᓪᓗ; ᑲᓐᖓᕐᓱᐃᕕᐅᔪᒫᓐᖏᓚᖅ, ᐊᒡᓛᑦ ᐱᕈᕐᓂᕐᓗᒃᑐᓂᒃ ᐱᕈᕐᕕᐅᔪᓐᓃᕈᒫᕐᐳᖅ. ᓄᓇᓯᓗ ᓱᑑᒪᒥᐅᑦ ᒍᒨᕋᒥᐅᓪᓗ ᐃᒡᓗᒐᓴᖏᑎᑐᑦ ᑍᒤᑦᑑᓕᕈᒫᕐᐳᖅ, ᐊᑦᒪᒥᐅᑎᑐᓪᓗ ᔨᐳᐃᒥᐅᑎᑐᓪᓗ, ᐊᑕᓂᐅᑉ ᑖᒃᑯᐊ ᓄᖑᑎᓚᐅᕐᒪᒋᑦ ᓂᓐᖓᕕᒡᔪᐊᕐᕕᒋᓪᓗᒋᑦ.