ᐂᓮᐊᓯᐅᑉ ᐊᒡᓚᖏᑦ 1:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓱᖕᒪᑦ ᓱᒋᐊᕐᑕᐅᔪᒤᓐᓇᕐᐱᓰ? ᐊᑭᕋᕐᑐᐃᓐᓇᕐᓂᑦᓯᓐᓄᑦ? ᓂᐊᖁᓯ ᐊᑕᖏᕐᓗᑎᒃ ᖃᓂᒪᕗᑦ, ᐆᒻᒪᑎᓯᓗ ᐊᑕᖏᕐᓗᑎᒃ ᓄᑭᑮᑦᑑᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 1:5 Iomraidhean Croise

ᐊᑕᓃᑦ ᐂᑉᐸᖏᑦ 1:13

ᓱᓕ ᐊᖓᔪᖅᑳᕐᔪᐊᖅ ᑎᓕᓯᒃᑲᓐᓂᕆᕗᖅ ᐱᖓᔪᒋᓕᕐᑕᖓᓐᓂᒃ ᐅᓇᑕᕐᑐᒃᓮᑦ ᐊᖓᔪᖅᑳᖓᓐᓂᒃ ᐅᓇᑕᕐᑐᒃᓴᓂᒃ 50ᓂᒃ ᐃᓚᖃᕐᑎᓪᓗᒍ. ᑖᓐᓇᓕ ᐅᓇᑕᕐᑐᕐᓮᑦ ᐊᖓᔪᖅᑳᖓᑦ ᐃᓔᑦᔭᐅᑉ ᓵᖓᓄᑦ ᓰᖁᕐᓗᓂ ᐃᓚᓐᓂᕐᓴᕐᕕᒋᓪᓗᒍ ᐅᖃᕐᐳᖅ, “ᒎᑎᐅᑉ ᐃᓄᖁᑎᖓ, ᐃᓅᓯᕋ ᐅᑯᐊᓗ ᐅᓇᑕᕐᑐᒃᓮᑦ ᐱᔨᒋᔭᕕᑦ ᐃᓅᓯᖏᑦ ᐊᓐᓂᕆᒃᑭᑦ.

ᑯᕉᓂᑲ ᐂᑉᐸᖏᑦ 28:22

ᐅᖁᒤᑦᑐᒃᑰᕐᑎᓪᓗᒍ ᐊᖓᔪᖅᑳᕐᔪᐊᖅ ᐂᕼᐊᔅ ᐅᒃᐱᓕᓚᓐᖏᓚᖅ ᐊᑕᓂᕐᒧᑦ; ᓱᕐᕋᓚᐅᓐᖏᓚᖅ ᐊᖓᔪᖅᑳᕐᔪᐊᖅ ᐂᕼᐊᔅ ᐱᐅᓯᕐᒥᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 9:34

ᐊᒡᓛᑦ ᐊᖓᔪᖅᑳᕐᔪᐊᕗᑦ, ᓯᕗᓕᕐᑎᕗᓪᓗ, ᑐᓂᕐᕈᓯᕐᑎᑦᓯᔨᕗᑦ ᓯᕗᓕᕗᓪᓗ, ᐱᖁᔭᕐᓂᒃ ᒪᓖᓐᓇᕐᓯᒪᖏᒻᒪᑕ, ᓈᓚᓚᐅᖏᒻᒪᑕ ᐱᖁᔭᕐᓂᒃ ᐃᓂᕐᑎᕆᐅᑎᒋᔭᕐᓂᒡᓗ, ᓇᓗᓁᕐᓯᓕᓚᐅᕐᐳᑎᑦ ᓈᒻᒪᒃᓴᖏᓐᓂᕐᓂᒃ ᑖᒃᑯᓂᖓ.

ᐂᓮᐊᓯᐅᑉ ᐊᒡᓚᖏᑦ 1:23

ᐊᖓᔪᖅᑳᖁᑎᓯᓗ ᐊᑭᕋᕐᑐᕐᑎᐅᓕᕐᐳᑦ ᑎᒡᓕᒃᑎᓄᓪᓗ ᐃᓚᒋᔭᐅᓕᕐᓗᑎᒃ; ᐅᐃᕕᕐᕆᒃᓯᓂᕐᒥᒃ ᖁᕕᐊᒋᔭᖃᕐᑐᐃᓐᓇᐅᓕᕐᐳᑦ ᑐᓂᓯᕕᐅᔪᒪᓂᕐᒥᒡᓗ ᐱᓇᓱᐊᒐᖃᕐᓗᑎᒃ. ᐃᓕᐊᕐᔪᖕᓂᒃ ᓴᐳᓐᓂᐊᓐᖏᓚᑦ, ᐅᐃᒡᒐᕐᓂᕐᓂᒡᓗ ᐃᑲᔪᕈᒪᓂᕐᒥᒃ ᐃᓱᒪᖃᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 31:6

ᐅᑎᕐᕕᒋᓕᕐᓯᐅᒃ ᑖᑦᓱᒥᖓ ᐊᖏᔪᒥᒃ ᐊᑭᕋᕐᑐᓚᐅᕐᑐᓯ, ᐃᓕᑦᓯ ᐃᓴᕆᐊᓕᐅᑉ ᐃᓄᖏᑦ.

ᐂᓮᐊᓯᐅᑉ ᐊᒡᓚᖏᑦ 33:24

ᑕᕝᕙᓂᒥᐅᑦ ᓇᓪᓕᐊᑦ ᐅᖃᕈᒫᓐᖏᓚᖅ, “ᐋᓐᓂᐊᒐᒪ,” ᐃᓄᐃᓪᓗ ᑕᕝᕙᓃᑦᑐᑦ ᐊᔪᕐᑐᓕᓂᖏᑦ ᐃᓱᒪᒋᔪᓐᓁᕐᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 9:13

ᐃᓄᖏᓪᓕ ᓱᒋᐊᕐᑎᒋᔭᒥᖕᓄᑦ ᓵᒋᐊᓚᐅᓐᖏᓚᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ ᓱᓕ ᕿᓂᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 9:21

ᒫᓇᓯᐅᑉ ᑭᖑᕚᖏᑕ ᐃᕗᕅᒥᐅᑉ ᑭᖑᕚᖏᑦ ᓂᕆᔪᒫᕐᐰᑦ, ᐃᕗᕅᒥᐅᓪᓗ ᑭᖑᕚᖏᑦ ᒫᓇᓯᐅᑉ ᑭᖑᕚᖏᑦ ᓂᕆᖕᒥᓗᒋᑦ, ᑖᒃᑯᐊᓗ ᑲᑐᑦᔨᓗᑎᒃ ᔫᑕᐅᑉ ᑭᖑᕚᖏᓐᓄᑦ ᓵᑦᓱᒫᕐᐳᑦ. ᑕᒪᑐᒧᖓᓕ ᓱᓕ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᔪᒫᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᔨᕆᒤᐊᐅᑉ ᐊᒡᓚᖏᑦ 13:23

ᐃᑎᐅᐱᐊᒥᐅᑕᖅ ᐅᕕᓂᖕᒥᑕ ᑕᕐᓴᖓᓂᒃ ᐊᓯᑦᔩᔪᓐᓇᕐᐹ? ᐅᕝᕙᓘᓐᓃᑦ ᓛᔭᐅᔮᕐᑑᑉ ᑕᕐᓴᓪᓛᒋᔭᓂ ᖁᐱᓴᕈᐊᑦᑐᑦ ᐲᔭᕈᓐᓇᕐᐸᒌᑦ? ᐱᐅᔪᒥᒃ ᐱᓇᓱᐊᓕᕈᓐᓇᖏᓐᓂᕗᓯ ᐱᐅᖏᑦᑐᒥᒃ ᓱᖏᐅᑎᓯᒪᓂᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 17:9

ᐆᒻᒪᑎᓕ ᐅᐃᕖᓐᓂᕐᐹᖑᕗᖅ ᓱᓇᓕᒫᓂᑦ, ᐱᐅᖏᑦᑐᕐᔪᐊᖑᓪᓗᓂᓗ; ᑭᐊᓕ ᑐᑭᓯᔪᓐᓇᕐᐸᐅᒃ?

ᔨᕆᒤᐊᐅᑉ ᐊᒡᓚᖏᑦ 2:30

ᓱᒋᐊᕋᓗᐊᕋᑦᓯ, ᓱᒋᐊᕐᑕᐅᑦᔪᑎᓯ ᐋᖅᑭᒋᐊᕈᑎᒋᓐᖏᓚᓯ, ᓴᕕᒡᔪᐊᑦᓯᓐᓄᑦ ᐱᔪᖃᓛᕐᑐᒥᒃ ᐅᖃᕐᑎᖁᑎᓯ ᑐᖁᑉᐸᓯ ᓛᔭᑎᑐᑦ ᐃᕐᓯᓵᕐᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 44:15

ᐊᖑᑎᑦ ᑕᒪᕐᒥᒃ ᖃᐅᔨᒪᔪᑦ ᓄᓕᐊᒥᖕᓂᒃ ᑐᓂᕐᕈᓯᖃᑦᑕᕐᑐᓂᒃ ᒎᑎᒋᔭᒥ ᐊᓯᐊᓄᑦ ᐊᕐᓇᐅᖃᑎᖏᓪᓗ ᑕᕝᕙᓃᖃᑕᐅᔪᑦ ᐃᓄᐃᓪᓗ ᑕᕝᕙᓃᑦᑐᑦᑕᐅᖅ, ᐹᑐᕉᓯᒦᑦᑐᓪᓗ ᐄᑦᔨᑉᑎᒥᐅᓂ, ᑕᕆᐅᓪᓗ ᓇᓛᓂᒥᐅᑦ ᔨᕆᒤᐊᒧᑦ ᐅᖃᕐᐳᑦ,

ᔨᕆᒤᐊᐅᑉ ᐊᒡᓚᖏᑦ 5:3

ᐊᑕᓃᖅ, ᓱᓕᔪᓂᒃ ᕿᓂᕐᐳᑎᑦ, ᐋᓐᓂᕋᓗᐊᕋᕕᒋᑦ ᐃᒃᐱᖕᓂᓐᖏᓚᑦ, ᐱᕕᒃᓮᕈᑎᒐᓗᐊᕋᕕᒋᑦ ᓱᓕ ᐋᖅᑭᒋᐊᕈᒪᓐᖏᓚᑦ. ᑮᓇᖏᑦ ᓴᖑᑎᑕᒃᓴᐅᖏᑦᑐᑎᑐᑦ ᑕᐅᑦᑐᖃᕐᐳᑦ ᓵᒋᐊᕈᒪᓇᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 5:31

ᒎᑎᐅᑉ ᐅᖃᕐᑎᖏᑦ ᐅᖃᐅᓯᖃᕐᒪᑕ ᓱᓕᖏᑦᑐᓂᒃ, ᑐᓂᕐᕈᓯᕐᑎᑦᓯᔩᓪᓗ ᓇᖕᒥᓂᖅ ᐊᑐᕈᒪᔭᒥᖕᓂᒃ ᑭᓯᐊᓂ ᐊᐅᓚᑦᓯᔪᒪᖕᒪᑕ, ᐃᓄᖁᑎᒪᓗ ᑍᒫᒃ ᖁᕕᐊᒋᓪᓗᓂᑦᔪᒃ ᖃᓄᕐᓕ ᐱᔪᒫᕐᐹᑦ ᑕᒪᓐᓇ ᐃᓱᓕᑉᐸᑦ?”

ᔨᕆᒤᐊᐅᑉ ᐊᒡᓚᖏᑦ 5:5

ᐊᖓᔪᖅᑳᓄᑦ ᐂᓂᐊᕐᐳᖓ, ᐅᖃᓪᓚᒡᕕᒋᓗᒋᓪᓗ ᓇᓗᓇᓐᖏᓚᖅ ᖃᐅᔨᒪᒐᔭᕐᒪᑕ ᐊᑕᓂᐅᑉ ᐱᖁᔭᖓᓂᒃ, ᐱᓂᐊᕐᑕᐅᖁᔭᖏᓐᓂᒡᓗ, ᑭᓯᐊᓂᑦᑕᐅᖅ ᓇᖕᒪᐅᑎᒥᖕᓂᒃ ᓱᕅᓯᒪᕗᑦ, ᕿᓚᕈᑎᖏᓪᓗ ᕿᒃᑐᕋᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 9:3

ᐅᖃᕐᑎᒃ ᐱᑎᒃᓯᑐᑦ ᓂᐅᓐᖓᒃᑎᑉᐰᑦ, ᐅᖃᕆᐊᕈᒪᓪᓗᑎᒃ ᓱᓕᖏᑦᑐᓂᒃ; ᓄᓇᖓᓐᓂ ᓴᒡᓗᓂᖅ ᓵᓚᖃᖔᓕᕐᐳᖅ ᓱᓕᓂᕐᒥᒃ. “ᐃᓄᖁᑎᒃᑲ ᐊᔪᕐᑐᓕᓂᕐᒥᑦ ᐊᔪᕐᑐᓕᓂᕐᒧᑦ ᐅᑎᕐᑕᑐᐃᓐᓇᓕᕐᒪᑕ ᐊᕙᒻᒧᑦ, ᐅᕙᓐᓂᒃ ᐅᖃᐅᓯᖃᕐᑐᖃᓐᖏᓚᖅ ᒎᑎᐅᓂᕋᕐᓗᖓ,” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:17

ᑍᒤᒻᒪᑦ ᐆᒻᒪᑎᕗᑦ ᖃᓂᒪᕗᑦ, ᐃᔨᕗᓪᓗ ᑕᐅᑐᑦᓯᐊᕈᓐᓃᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 24:13

ᓴᓗᒤᑦᑑᓂᓯ ᐃᒃᓯᒎᕐᓂᖅ ᒪᓐᖏᕐᑐᕆᐅᖕᒪᑦ. ᐃᓕᑦᓯᓐᓂᒃ ᓴᓗᒻᒤᔪᓐᓇᓚᐅᕋᓗᐊᕐᐳᖓ ᓴᓗᒻᒪᕈᒪᓚᐅᓐᖏᓚᓯᓕ ᓴᓗᒤᓐᓂᑦᓯᓐᓂᑦ, ᓴᓗᒻᒪᕐᓴᕐᑕᐅᓂᐊᕈᓐᓃᕐᐳᓯ ᓂᓐᖓᐅᓯᕋ ᐃᓕᑦᓯᓐᓄᑦ ᐃᓱᓕᓚᐅᖏᓐᓂᖓᓂ.

ᐃᓯᑭᐊᓕᐅᑉ ᐊᒡᓚᖏᑦ 34:16

ᐊᓯᐅᓯᒪᔪᑦ ᕿᓂᕈᒫᕐᐸᒃᑲ, ᐊᕝᕗᑎᓯᒪᔪᓪᓗ ᐅᑎᕐᑎᓪᓗᒋᑦ, ᑭᓕᕐᓯᒪᔪᓪᓗ ᒪᑐᓯᕐᑐᕐᓗᒋᑦ, ᓴᓐᖐᑦᑐᓪᓗ ᓄᑭᒃᑖᕐᑎᓪᓗᒋᑦ, ᖁᐃᓂᔪᓪᓕ ᓄᑭᖃᑦᓯᐊᕐᑐᓪᓗ ᑐᖁᑦᓱᒫᕐᐸᒃᑲ; ᓈᒻᒪᓈᕐᓯᒪᔪᒥᒃ ᐱᓇᓱᐊᕐᕕᒋᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 34:4

ᓴᓐᖐᑦᑐᑦ ᓄᑭᒃᑖᑎᓐᖏᓚᓯ, ᖃᓂᒪᔪᓪᓗ ᐋᖅᑭᖕᓇᒋᑦ, ᑭᓕᕐᓯᒪᔪᑦ ᒪᑦᑐᓯᕐᐸᓐᖏᓚᓯ, ᐊᕝᕗᑎᔪᑦ ᐅᑎᕐᑎᑉᐸᓐᖏᓚᓯ, ᐊᓯᐅᔪᑦ ᕿᓂᕐᐸᖕᓇᒋᑦ; ᐃᓱᒪᓯᐅᕐᓇᒋᓪᓗ ᐊᐅᓚᑉᐸᒃᐸᓯ ᐃᓴᒋᖏᑦᓯᐊᕐᓗᒋᑦ.