ᐂᓮᐊᓯᐅᑉ ᐊᒡᓚᖏᑦ 1:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ “ᓈᓚᒋᑦᓯ, ᐃᓅᖃᑎᒌᒡᔪᐊᖑᔪᓯ ᐊᔪᕐᑐᓕᔪᓯ, ᐃᓄᐃᑦ ᐊᔪᕐᓂᕐᒥᒃ ᑕᑕᑦᑐᑦ, ᐱᐅᖏᑦᑐᐊᓗᖕᓂᒃ ᐱᓇᓱᐊᕐᑏᑦ ᕿᑐᕐᖓᖏᑦ, ᕿᑐᕐᖎᑦ ᐱᓂᐊᕐᓂᖃᕐᑐᑦ ᐅᐃᕕᕆᒃᓯᓂᕐᒥᒃ! ᐊᑕᓂᖅ ᑲᒪᒋᔪᓐᓃᕐᐹᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᓇᕐᕈᒋᕚᑦ, ᐃᒻᒥᖕᓂᒃ ᐊᕕᑕᐅᑎᓯᒪᒻᒪᕆᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 1:4 Iomraidhean Croise

ᒨᓯᓯ ᓯᕗᓪᓖᑦ 13:13

ᓱᑑᒪᐅᓪᓗ ᐃᓄᖏᑦ ᐱᐅᖏᑦᑐᓕᔨᐊᓘᓚᐅᕐᐳᑦ, ᐊᔪᕐᑐᓕᔪᕐᔪᐊᖑᓪᓗᑎᒡᓗ ᐊᑕᓂᕐᒧᑦ.

ᐊᑕᓃᑦ ᐂᑉᐸᖏᑦ 21:22

ᐊᑕᓂᖅ ᐃᓱᒪᒋᓚᐅᓐᖏᓛ ᓯᕗᓕᕕᓂᖏᑕ ᒎᑎᖓᑦ, ᐊᑕᓂᐅᓪᓗ ᐱᓂᐊᕐᑕᐅᖁᔭᖏᓐᓂᒃ ᐱᓇᓱᐊᓚᐅᓐᖏᓚᖅ.

ᑯᕉᓂᑲ ᐂᑉᐸᖏᑦ 12:1

ᑕᒪᑐᒪ ᑭᖑᕐᖓᒍᑦ ᕆᕼᐅᐳᐊᒻ ᐊᐅᓚᑦᓯᑦᓯᐊᓕᕐᑎᓪᓗᒍ ᐊᖓᔪᖅᑳᕐᔪᐊᖃᕐᕕᖕᒥᓂᓗ ᓲᖑᓂᖃᑦᓯᐊᓕᕋᒥ, ᐊᑕᓂᐅᑉ ᐱᖁᔭᖏᓐᓂᒃ ᕿᒤᕗᖅ, ᐃᓴᕆᐊᓕᒥᐅᓕᒫᓪᓗ ᒪᓕᒃᑎᒋᓪᓗᒋᑦ.

ᑯᕉᓂᑲ ᐂᑉᐸᖏᑦ 27:2

ᐱᓂᐊᕐᓂᖃᓚᐅᕐᐳᕐᓗ ᓈᒻᒪᒃᑐᒥᒃ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᐊᑖᑕᖓᑕ ᐅᓮᐊᐅᑉ ᐱᓂᐊᕐᓂᕆᓚᐅᕐᑕᖓᑐᑦ; ᐊᑖᑕᒥᑐᓪᓕ ᐱᐅᖏᑦᑐᓕᓚᐅᓐᖏᓚᖅ ᐊᑕᓂᐅᑉ ᐃᒡᓗᖓᓂ ᑎᐱᑦᓯᐊᕆᒃᑐᒥᒃ ᐃᑯᐊᓪᓔᓗᓂ. ᐃᓄᐃᓪᓕ ᑭᓯᐊᓂ ᐱᐅᖏᑦᑐᓖᓐᓇᓚᐅᕐᐳᑦ.

ᓂᕼᐃᒤᐊᐅᑉ ᐊᒡᓚᖏᑦ 1:7

ᐃᓕᖕᓄᑦ ᐱᐅᖏᑦᑐᐊᓗᖕᓂᒃ ᐱᓇᓱᐊᕐᓯᒪᒐᑦᑕ, ᐱᖁᔭᕐᓂᒃ ᒪᓕᓚᐅᖏᓐᓇᑦᑕ, ᐊᑐᕐᑕᐅᖁᔭᑎᓪᓗ ᐊᑐᓚᐅᕐᓇᒋᑦ, ᐱᖁᔭᓕᐊᕆᓚᐅᕐᑕᑎᓪᓗ ᒨᓯᓯᒃᑯᑦ ᒪᓕᓚᐅᓐᖏᓚᕗᑦ.

ᐃᓐᖏᕈᑎᑦ 58:3

ᐱᐅᖏᑦᑐᓕᔪᑦ ᐃᒡᓕᐊᕐᒥᑦ ᐊᓂᓚᐅᕋᑎᒃ ᑕᒻᒪᓕᕇᕐᐸᒃᐳᑦ, ᐃᕐᓂᐊᖑᓂᕐᒥᖕᓂᑦ ᓱᓕᖏᑦᑐᓂᒃ ᐅᖃᓪᓚᓕᕐᐸᒃᐳᑦ.

ᐃᓐᖏᕈᑎᑦ 71:22

ᓱᓕ ᕼᐊᕐᐱᒧᑦ ᓂᕐᑐᕈᒪᕙᒋᑦ ᓱᖁᓯᔪᐃᑦᑑᓃᑦ ᐱᓪᓗᒍ, ᒎᑎᒋᒐᒃᑭᑦ; ᐃᓐᖏᕈᒪᕗᖓ ᐃᓕᖕᓄᑦ ᓂᕐᑐᕐᓗᑎᑦ ᑯᑭᑦᑕᐸᐅᑎᐅᔭᒥᒃ ᐊᑐᕐᓗᖓ, ᐃᓴᕆᐊᓕᑎᑦ ᐃᑦᔪᕐᓁᑦᑐᖁᑎᒋᖕᒪᑎᑦ.

ᐃᓐᖏᕈᑎᑦ 78:40

ᐊᑯᓔᑦᑐᒥᒃ ᐊᑭᕋᕐᑐᖃᑦᑕᓚᐅᕐᐹᑦ ᐃᓄᖃᖏᑦᑐᒥ, ᕿᒃᓵᑎᑉᐸᒡᓗᒍᓗ ᓱᓇᖃᔪᐃᑦᑐᒥ!

ᐃᓐᖏᕈᑎᑦ 78:41

ᑍᒪᓐᖓᑦ, ᑍᒪᓐᖓᑦ, ᒎᑎ ᐆᒃᑐᖃᑦᑕᓚᐅᕐᐹᑦ, ᓂᓐᖓᒃᓴᕐᓗᒍᓗ ᐃᓴᕆᐊᓕᑎᑦ ᐃᑦᔪᕐᓁᑦᑐᖁᑎᖓᑦ.

ᐃᓐᖏᕈᑎᑦ 78:57

ᑐᓄᑦᓯᓚᐅᕐᐳᓪᓕ ᓯᕗᓕᕕᓂᕐᒥᒃᑎᑐᑦ ᑲᔪᓯᔪᓐᓃᕐᓗᑎᒃ; ᓴᖑᓚᐅᕐᐳᓪᓗ ᐱᑎᒃᓯᐅᑉ ᖃᕐᔪᖓᑐᑦ ᑐᑭᒧᐊᖏᑦᑐᑐᑦ.

ᐃᓐᖏᕈᑎᑦ 78:8

ᓯᕗᓕᕐᒥᒃᑎᑐᓪᓗ ᑍᒤᖁᓇᒋᑦ, ᓯᑎᔫᓗᑎᒃ ᐊᑭᕋᕐᑐᕐᓗᑎᒡᓗ ᑭᖑᕚᕇᑦ ᐱᖁᓇᒋᑦ, ᑭᖑᕚᕇᑎᑐᑦ ᐆᒻᒪᑎᒥᖕᓂᒃ ᐃᓱᐊᕐᓯᑎᑦᓯᓚᐅᖏᑦᑐᑎᑐᑦ, ᐊᓂᕐᓂᖏᓪᓗ ᒎᑎᒧᑦ ᐊᑐᕆᐊᓕᖕᒥᖕᓂᒃ ᑲᔪᓯᑎᑦᓯᓚᐅᖏᑦᑐᑎᑐᑦ.

ᐃᓐᖏᕈᑎᑦ 89:18

ᐊᑕᓂᖅ ᓴᐴᓗᑕᕆᒐᑦᑎᒍ, ᐃᓴᕆᐊᓕᒥᓗ ᐃᑦᔪᕐᓁᑦᑑᔪᖅ ᐊᖓᔪᖅᑳᕐᔪᐊᕆᕙᕗᑦ.

ᒨᓯᓯ ᐂᑉᐸᖏᑦ 32:7

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᒫᓐᓇᑦᓴᐅᑎᒋ ᐃᓅᖃᑎᖕᓄᑦ ᐊᑎᕐᓵᓕᕆᑦ, ᐃᓅᖃᑎᑎᑦ, ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕐᑕᑎᑦ, ᐊᔪᕐᑐᓕᓕᕐᒪᑕ ᕿᒤᓪᓗᑎᒡᓗ ᐅᕙᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 1:23

ᐊᖓᔪᖅᑳᖁᑎᓯᓗ ᐊᑭᕋᕐᑐᕐᑎᐅᓕᕐᐳᑦ ᑎᒡᓕᒃᑎᓄᓪᓗ ᐃᓚᒋᔭᐅᓕᕐᓗᑎᒃ; ᐅᐃᕕᕐᕆᒃᓯᓂᕐᒥᒃ ᖁᕕᐊᒋᔭᖃᕐᑐᐃᓐᓇᐅᓕᕐᐳᑦ ᑐᓂᓯᕕᐅᔪᒪᓂᕐᒥᒡᓗ ᐱᓇᓱᐊᒐᖃᕐᓗᑎᒃ. ᐃᓕᐊᕐᔪᖕᓂᒃ ᓴᐳᓐᓂᐊᓐᖏᓚᑦ, ᐅᐃᒡᒐᕐᓂᕐᓂᒡᓗ ᐃᑲᔪᕈᒪᓂᕐᒥᒃ ᐃᓱᒪᖃᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 1:28

ᐊᑭᕋᕐᑐᕐᑐᓪᓕ ᐊᔪᕐᑐᓕᔪᓪᓗ ᑕᒪᕐᒥᒃ ᐊᑕᐅᑦᓯᒃᑯᑦ ᓄᖑᑎᑕᐅᔪᒫᕐᐳᑦ, ᐊᑕᓂᕐᒥᒡᓗ ᕿᒤᔪᑦ ᓄᖑᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 10:6

ᐃᓅᖃᑎᒌᒡᔪᐊᓄᑦ ᑎᓕᕙᕋ ᒎᑎᖃᖏᑦᑐᓄᑦ, ᐂᖁᓪᓗᒍ ᐃᓅᖃᑎᒌᓄᑦ ᓂᓐᖓᐅᒪᕕᒋᔭᓐᓄᑦ. ᓵᓚᒋᔭᒥ ᐱᖏᓐᓂᒃ ᐱᑖᖁᓪᓗᒍ, ᐊᕐᓵᕐᓯᖁᓪᓗᒍᓗ ᓵᓚᒋᔭᒥᓂᒃ, ᑐᓪᓕᕋᖁᓪᓗᒍᓗ ᑖᒃᑯᓂᖓ ᓴᓂᕐᓗᑯᑎᑐᑦ ᐊᖅᑯᑎᒦᑦᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 12:6

ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”

ᐂᓮᐊᓯᐅᑉ ᐊᒡᓚᖏᑦ 14:20

ᐃᓚᒋᓂᐊᓐᖏᓚᑎᑦ ᐃᓗᕕᕐᑕᐅᖃᑎᒋᓗᒋᑦ, ᓄᓇᖁᑏᑦ ᐊᓯᕈᓚᐅᕋᕕᐅᒃ, ᐃᓄᖁᑎᑎᓪᓗ ᑐᖁᕋᓚᐅᕋᕕᒋᑦ. ᐱᐅᖏᑦᑐᓕᔪᑦ ᑭᖑᕚᖏᑦ ᐊᑎᖃᕐᑎᑕᐅᒃᑲᓐᓂᕆᐊᖃᓐᖏᓚᑦ!

ᐂᓮᐊᓯᐅᑉ ᐊᒡᓚᖏᑦ 29:19

ᒥᑭᒡᓕᑎᕐᓯᒪᔪᖅ ᖁᕕᐊᓇᕐᑐᒥᒃ ᓄᑖᒥᒃ ᐱᑎᑕᐅᔪᒫᕐᐳᖅ ᐊᑕᓂᕐᒥᒃ ᖁᕕᐊᓲᑎᖃᓕᕐᓗᓂ, ᐊᒃᓱᔪᓪᓗ ᐃᓄᐃᑦ ᐊᑯᕐᖓᓐᓂ ᖁᕕᐊᓲᑎᖃᓕᕈᒫᕐᐳᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 3:8

ᔨᕉᓴᓕᒻ ᐹᓪᓚᒃᓯᒪᕗᖅ, ᔫᑕᓗ ᑲᑕᒃᓯᒪᓪᓗᓂ; ᐅᖃᐅᓯᖏᑦ ᐱᓂᐊᕐᓂᖏᓪᓗ ᐊᑭᕋᕐᑐᕐᒪᑕ ᐊᑕᓂᕐᒥᒃ ᑲᒪᒋᓇᒍ ᓇᔫᑎᓂᖓᑕ ᐱᓐᓇᕐᓇᕐᓂᕐᔪᐊᖓ.

ᐂᓮᐊᓯᐅᑉ ᐊᒡᓚᖏᑦ 30:1

ᐊᑕᓂᖅ ᐅᖃᕐᐳᖅ, “ᑲᑉᐱᐊᓐᓇᒦᒃ ᑭᖑᕚᖑᖃᑎᒌᑦ ᓈᓚᖏᑦᑐᑦ, ᑲᔪᓯᑎᑦᓯᓪᓗᑎᒡᓗ ᐃᓱᒻᒥᕐᑑᑕᐅᔪᒥᒃ ᐋᖅᑭᓚᐅᓐᖏᑕᓐᓂᒃ; ᑲᑐᑦᔨᖃᑎᒌᓕᐅᕐᐳᑦ ᐋᖅᑭᒃᓱᐃᓪᓗᑎᒃ, ᐅᕙᖓ ᐊᓂᕐᓂᓐᓂᒃ ᐃᓚᖃᖏᑦᑐᓂᒃ, ᐊᔪᕐᓂᖅ ᐃᓚᒃᑲᓐᓂᕈᒪᓪᓗᒍ ᐊᔪᕐᓂᕐᒥᒃ;

ᐂᓮᐊᓯᐅᑉ ᐊᒡᓚᖏᑦ 30:15

ᐊᑕᓂᖅ ᒎᑎ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ, ᐃᒫᒃ ᐅᖃᕐᐳᖅ, “ᐅᕙᓐᓄᑦ ᐅᑎᕈᑦᓯ ᓮᓕᓇᕐᑐᒦᓪᓗᓯ ᐱᐅᓕᔭᐅᒐᔭᕐᐳᓯ; ᓂᐰᑦᑑᓂᖅ ᖁᓚᖏᓐᓂᕐᓗ ᐱᔪᓐᓇᕐᓂᕆᓂᐊᕐᐸᓯ.” ᑭᓯᐊᓂᓕ ᑍᒤᑦᑐᒪᓚᐅᓐᖏᓚᓯ.

ᐂᓮᐊᓯᐅᑉ ᐊᒡᓚᖏᑦ 30:9

ᓈᓚᖏᑦᑑᖕᒪᑕ, ᓴᒡᓗᑐᓪᓗᑎᒡᓗ, ᕿᑐᕐᖎᑦ ᓈᓚᒍᒪᖏᑦᑐᑦ ᐊᑕᓂᐅᑉ ᐊᔪᕆᕐᑑᓯᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 31:2

ᑖᓐᓇ ᓯᓚᑐᖕᒪᑦ ᐊᓯᕈᕐᓇᕐᑐᒥᒡᓗ ᐱᑎᑦᓯᔪᓐᓇᕐᓗᓂ, ᐅᖃᐅᓯᕐᒥᓂᒃ ᐅᖅᑭᓐᓇᕐᑎᑦᓯᕙᖏᑦᑐᖅ, ᐱᐅᖏᑦᑐᒥᒃ ᐃᓕᖅᑯᓯᓕᖕᓂᒃ, ᐱᐅᖏᑦᑐᓕᔪᓂᒡᓗ ᐃᑲᔪᕐᑐᐃᕙᒃᑐᓂᒃ ᐊᑭᓂᐊᕐᕕᖃᕈᒫᕐᑐᖅ.

ᐂᓮᐊᓯᐅᑉ ᐊᒡᓚᖏᑦ 37:23

ᑭᓇᒥᒃ ᒥᑕᐅᑎᖃᓚᐅᕐᐲᑦ ᐅᖃᕐᓂᕐᓘᑎᖃᕐᓗᑎᓪᓗ? ᑭᓇᒧᑦ ᓂᐱᖅᑯᕐᑐᓪᓗᑎᑦ ᓂᓪᓕᐊᓚᐅᕐᐱᑦ ᐃᔩᒃᑭᒡᓗ ᖁᒻᒧᑦ ᕿᕕᐊᖓᓪᓗᒋᒃ ᐱᐅᔪᕆᓂᕐᒧᑦ? ᐊᑭᕋᕐᑐᕐᓗᑎᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓐᓂᒃ!

ᐂᓮᐊᓯᐅᑉ ᐊᒡᓚᖏᑦ 41:14

ᑲᑉᐱᐊᓱᒃᑍᓕᒋᑦ ᓱᓇᐅᔪᕆᖏᓐᓂᕐᒧᑦ ᓴᓐᖐᑦᑑᒐᓗᐊᕈᕕᑦ ᔧᑰᑉ ᑭᖑᕚᖓ, ᐃᓕᑦᓯ ᐃᓴᕆᐊᓕᐅᑉ ᐃᓄᖏᑦ! ᐅᕙᖓ ᐃᑲᔪᕐᓂᐊᕐᐸᑦᓯ, ᐊᑕᓂᖅ ᐅᖃᕐᐳᖅ; ᓴᐳᑦᔨᔨᓯ ᑖᓐᓇ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᐂᓮᐊᓯᐅᑉ ᐊᒡᓚᖏᑦ 41:16

ᓴᓃᔭᕈᒫᕐᐸᓯ ᖁᒻᒧᐊᒃᑎᑐᐊᕈᑦᓯᐅᒃ ᐊᓄᕆᒧᑦ ᑎᒃᑕᐅᕙᒡᓗᑎᒃ, ᐊᖅᑯᓇᕐᒧᑦ ᐊᓄᕆᕐᔪᐊᒧᑦ ᓯᐊᒻᒪᕐᑎᑕᐅᔪᒫᕐᐳᑦ; ᐊᑕᓂᕐᒥᒡᓕ ᖁᕕᐊᓲᑎᖃᕈᒫᕐᐳᑎᑦ; ᓂᕐᑐᐃᓗᑎᓪᓗ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 41:20

ᐃᓄᐃᑦ ᑕᑯᖁᓪᓗᒋᑦ ᖃᐅᔨᓗᑎᒡᓗ, ᐃᓱᒪᒃᓴᕐᓯᐅᖁᓪᓗᒋᑦ ᑐᑭᓯᖃᑎᒌᒡᓗᑎᒡᓗ, ᐊᑕᓂᐅᑉ ᑕᒪᓐᓇ ᑍᒤᑎᒻᒪᒍ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑕ ᐱᓐᖑᕐᑎᓯᒪᔭᖓ.”

ᐂᓮᐊᓯᐅᑉ ᐊᒡᓚᖏᑦ 5:19

ᐅᖃᕐᓗᑎᒃ ᐃᒫᒃ: “ᐅᐃᒪᓚᐅᕐᓕ, ᐱᓕᕆᐊᓂ ᑐᐊᕕᐊᕆᓚᐅᕐᓕᐅᒃ ᐱᓇᓱᐊᕐᑕᖓ ᑕᑯᓂᐊᕋᑦᑎᒍ; ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᑕ ᐱᑦᔪᑎᒃᓴᖓ ᖃᒡᓕᓚᐅᕐᓕ, ᕾᓚᐅᕐᓕ ᖃᐅᔨᓂᐊᕋᑦᑎᒍ!”

ᐂᓮᐊᓯᐅᑉ ᐊᒡᓚᖏᑦ 5:24

ᑍᒤᒻᒪᑦ, ᓲᕐᓗ ᐃᑯᒪᐅᑉ ᐃᑯᐊᓚᔫᑉ ᐃᕕᖕᓂᒃ ᑭᓪᓗᐃᕕᐅᔪᕕᓃᑦ ᓄᖑᒻᒪᒋᑦ, ᓲᕐᓗᓗ ᐃᕕᒃᓱᒐᖅ ᐸᓂᕐᑐᖅ ᐃᑯᒪᒧᑦ ᓄᖑᑕᐅᖕᒪᑦ, ᑍᒫᒃᑕᐅᖅ ᐊᒫᖏᑦ ᐊᐅᓂᐅᓕᕈᒫᕐᐳᑦ, ᐱᕈᕐᑐᖏᑕᓗ ᓂᐊᖁᖏᑦ ᐳᔪᕋᕐᑎᑐᑦ ᑎᒃᑕᐅᔪᒫᕐᐳᑦ; ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐱᖁᔭᖏᑦ ᒪᓕᒍᒪᓚᐅᖏᒻᒪᒋᑦ, ᐃᓴᕆᐊᓕᐅᓪᓗ ᐃᑦᔪᕐᓁᑦᑐᖁᑎᖓᑕ ᐅᖃᐅᓯᖓ ᓇᕐᕈᒋᓚᐅᕐᒪᑦᔪᒃ.

ᐂᓮᐊᓯᐅᑉ ᐊᒡᓚᖏᑦ 57:17

ᓂᓐᖓᓚᐅᕋᒪ ᐊᔪᕐᑐᓕᔪᒪᓗᐊᕐᓂᖏᓐᓂᒃ ᐱᑦᔪᑎᖃᕐᓗᖓ, ᓱᒋᐊᓚᐅᕐᐸᒃᑲ, ᐃᔨᕐᓗᖓᓗ ᑖᒃᑯᓇᓐᖓᑦ ᓂᓐᖓᓚᐅᕋᒪ, ᑭᓯᐊᓂᓕ ᑲᑕᒃᐸᓪᓕᐊᑐᐃᓐᓇᓚᐅᕐᐳᑦ ᐊᑐᕈᒪᔭᑐᐃᓐᓇᕐᒥᖕᓂᒃ ᑲᔪᓯᕙᒃᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 58:2

ᖃᐅᑕᒫᑦ ᐅᕙᓐᓂᒃ ᕿᓂᕋᓗᐊᕐᐳᑦ, ᐊᖅᑯᑎᓐᓂᒡᓗ ᖃᐅᔨᔪᒪᑦᓯᐊᕐᓗᑎᒃ, ᐃᓅᖃᑎᒌᒡᔪᐊᖑᓪᓗᑎᒃ ᓲᕐᓗ ᓇᓛᒎᕐᑐᒥᒃ ᐃᓕᖅᑯᓯᓕᒃᑎᑐᑦ, ᒎᑎᖓᑦᑕ ᐱᖁᔭᖏᓐᓂᒃ ᒪᓕᑦᓯᐊᖏᓐᓇᕐᑐᑎᑐᑦ, ᓈᒻᒪᑦᓯᐊᕐᑐᒥᒡᓗ ᑐᑭᑖᕐᑎᑕᐅᔪᒪᕗᑦ, ᒎᑎᒧᑦ ᖃᓂᒋᔭᐅᔪᒪᓪᓗᑎᒃ.”

ᐂᓮᐊᓯᐅᑉ ᐊᒡᓚᖏᑦ 65:11

“ᐃᓕᑦᓯᓕ ᐅᕙᓐᓂᒃ ᑐᓄᑦᓯᓯᒪᔪᑦ, ᖃᖅᑲᖁᑎᓐᓂᒡᓗ ᐃᑦᔪᕐᓁᑦᑐᒥᒃ ᐳᐃᒍᕐᓯᒪᔪᑦ, ᓵᒥᒃ ᐋᖅᑭᒃᓱᐃᕙᒃᑐᓄᑦ ᓇᓚᐅᑦᑍᓂᕐᓗᒃᑐᓂᒃ ᑕᑎᖃᕐᓗᑎᒃ, ᒪᒃᑲᐅᔭᐅᑉ ᐃᒪᖓᓄᑦ ᖃᐅᔨᓇᓱᐊᕈᑎᖃᕐᐸᒃᑐᓄᑦ ᓯᕗᓂᒃᓴᒥᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 65:3

ᓂᓐᖓᒃᓮᓂᕐᓂᒃ ᐅᖃᐅᓯᕾᓐᓇᕐᑐᓄᑦ ᐅᕙᓐᓄᑦ, ᑮᓇᓐᓄᑦ ᓂᓪᓕᐊᓪᓗᑎᒃ ᑍᒪᓐᖓᑦ, ᑐᖁᑦᓯᓪᓗᑎᒃ ᐆᒪᔪᓂᒃ ᑐᓂᕐᕈᓯᕐᐳᑦ ᐱᕈᕐᓯᕐᕕᖕᓂ, ᐳᔫᕐᑎᒐᕐᓂᒃ ᑎᐱᑦᓯᐊᕆᒃᑐᓂᒃ ᑐᓂᕐᕈᓯᕐᐳᑦ ᖁᐊᕐᑎᑕᒐᕐᓂ ᐅᔭᕋᓕᐊᕆᓯᒪᔪᓂ;

ᐂᓮᐊᓯᐅᑉ ᐊᒡᓚᖏᑦ 9:17

ᑍᒤᒻᒪᑦ ᐊᑕᓂᐅᑉ ᖁᕕᐊᒋᔪᓐᓃᕐᐰᑦ ᐃᓅᓱᒃᑐᖁᑎᖏᑦ, ᓇᒡᓕᒍᓱᒐᓂᓗ ᐃᓕᐊᕐᔪᖁᑎᖏᓐᓂᒃ ᐅᐃᒡᒐᕐᓂᖁᑎᖏᓐᓂᒡᓗ; ᐃᓘᓐᓇᑎᒃ ᑕᒃᑯᕐᒨᕐᒪᑕ ᐱᐅᖏᑦᑐᓕᓪᓗᑎᒡᓗ, ᐃᓘᓐᓇᑎᒡᓗ ᖃᓂᖏᑦ ᐱᐅᖏᑦᑐᐊᓗᖕᓂᒃ ᐅᖃᓪᓚᖃᑦᑕᕐᐳᑦ. ᑕᒪᑐᒧᖓ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᔨᕆᒤᐊᐅᑉ ᐊᒡᓚᖏᑦ 15:6

ᓇᕐᕈᒋᓕᓚᐅᕋᑦᓯᓐᖓ, ᐊᑕᓂᖅ ᐅᖃᕐᐳᖅ, ᐅᕙᓐᓂᒃ ᑐᓄᐃᒐᑦᓯ; ᑎᒍᓂᐊᕐᐸᑦᓯ ᐊᓯᕈᕐᑕᐅᑎᓪᓗᓯᓗ; ᑕᖃᑦᔪᑎᒐᑦᓯ.

ᔨᕆᒤᐊᐅᑉ ᐊᒡᓚᖏᑦ 2:13

ᐃᓄᖁᑎᒃᑲ ᒪᕐᕉᖕᓂᒃ ᐊᔪᕐᑐᓕᖕᒪᑕ, ᐅᕙᓐᓂᒃ ᕿᒤᓚᐅᕐᒪᑕ, ᐃᒥᕐᒥᒃ ᐃᓅᓯᖃᕐᓇᕐᑐᒥᒃ ᑰᒃᑐᒥᒃ, ᓇᖕᒥᓂᕐᓗ ᐃᒥᕐᑕᕐᕕᒃᓴᓕᐅᕐᓗᑎᒃ ᐃᒥᕐᑕᕐᕕᖕᓂᒃ ᓄᑎᒃᓯᒪᔪᓂᒃ ᐃᒪᖃᕈᓐᓇᖏᑦᑐᓂᒃ.”

ᔨᕆᒤᐊᐅᑉ ᐊᒡᓚᖏᑦ 2:17

ᑕᒪᓐᓇ ᓇᖕᒥᓂᖅ ᐃᓕᑦᓯᓐᓂᑦ ᓴᖅᑭᑎᑉᐸᓯ ᐊᑕᓂᖅ ᒎᑎᓯ ᕿᒪᓚᐅᕋᑦᓯᐅᒃ, ᑕᓯᐅᕐᓯᓚᐅᕐᑐᖅ ᐊᖅᑯᑎᑦᓯᓐᓂ ᐊᑐᕐᑕᑦᓯᓐᓂ.

ᔨᕆᒤᐊᐅᑉ ᐊᒡᓚᖏᑦ 2:19

ᐱᐅᖏᓐᓂᑦᓯ ᐋᖅᑭᒋᐊᕐᑕᐅᑎᓐᓂᐊᕐᐹᓯ, ᑲᑕᒃᓯᒪᓂᑦᓯᓗ ᓱᐊᖕᓂᐊᕐᐹᓯ. ᐃᓱᒪᒋᑦᓯᐊᕐᓯᐅᒃ ᑐᑭᓯᓇᓱᐊᕐᓗᒍᓗ ᐱᐅᖏᑦᑑᓂᖓ ᖁᕕᐊᓇᖏᑦᑑᓂᖓᓗ ᐊᑕᓂᕐᒥᒃ ᒎᑎᑦᓯᓐᓂᒃ ᕿᒤᓯᒪᓗᓂ ᓂᕐᑐᕐᓇᕐᓂᖓᓗ ᐃᓱᒪᒋᔪᓐᓃᕐᓗᒍ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᒎᑎ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 2:31

ᑭᖑᕚᖑᖃᑎᒌᖑᔪᓯ ᐊᑕᓂᐅᑉ ᐅᖃᐅᓯᕆᔭᖏᑦ ᑐᓴᕐᓯᒋᒃ, ᐃᓴᕆᐊᓕᒥᐅᓄᑦ ᓄᓇᑎᑐᑦ ᐃᓄᖃᔪᐃᑦᑐᑎᑐᑦ ᑍᒤᓐᓇᒫ? ᓄᓇᑎᑐᓪᓘᓐᓃᑦ ᑲᑉᐱᐊᓇᕐᑐᕐᑕᖃᕐᑐᑎᑐᑦ! ᓱᖕᒪᓪᓕ ᐃᓄᖁᑎᒃᑲ ᐅᖃᕐᐹᑦ, ᐃᓱᒪᕐᓱᕐᐳᒍᑦ, ᐃᓕᖕᓄᑦ ᐅᐸᒍᑎᓂᐊᕈᓐᓃᕐᐳᒍᑦ.

ᔨᕆᒤᐊᐅᑉ ᐊᒡᓚᖏᑦ 2:33

ᐅᖓᒋᔭᒃᓴᕐᓯᐅᓕᕌᖓᑦᓯ ᐱᓯᑎᐊᓘᕗᓯ, ᐊᕐᓁᑦ ᐱᐅᖏᑦᑐᓕᔪᑦ ᐱᐅᓯᑦᓯᓐᓂᒃ ᐃᓕᓴᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 2:5

ᐊᑕᓂᖅ ᐅᖃᕐᐳᖅ: “ᓱᓇᒥᒃ ᓯᕗᓕᓯ ᐸᑦᓯᑎᒃᓴᖃᓚᐅᕐᐹᑦ ᐅᕙᓐᓄᑦ? ᓱᓇᒧᑦ ᐅᕙᓐᓂᒃ ᑐᓄᐃᑎᑕᐅᕚᑦ? ᑐᒃᓯᐊᕐᕕᖃᓕᕐᓗᑎᒡᓗ ᐊᑑᑎᒃᓴᖃᖏᑦᑐᓂᒃ ᒎᑎᓐᖑᐊᓂᒃ, ᓇᖕᒥᓂᖅ ᓱᓇᐅᔪᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 32:32

ᐃᓴᕆᐊᓕᒥᐅᓪᓗ ᔫᑕᒥᐅᓪᓗ ᐃᓄᖏᑕ ᓂᓐᖓᐅᑎᒃᓴᓕᐅᓚᐅᕐᒪᖓ ᐱᐅᖏᑦᑐᓂᒃ ᐱᓇᓱᐊᕐᓂᕐᒥᖕᓄᑦ ᐊᖓᔪᖅᑳᕐᔪᐊᖏᑎᒍᑦ, ᓯᕗᓕᕐᑎᖁᑎᖏᑎᒍᓪᓗ, ᑐᓂᕐᕈᓯᕐᑎᑦᓯᔨᖁᑎᖏᑎᒍᑦ ᒎᑎᒧᓪᓗ ᐅᖃᕐᑎᖁᑎᖏᑎᒍᑦ, ᐃᓄᒃᑎᒍᓪᓗ ᔫᑕᒥᐅᑎᒍᑦ ᔨᕉᓴᓕᒥᓗ ᓄᓇᖃᕐᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 50:29

“ᐱᑎᒃᓵᕐᑏᑦ ᐹᐱᓘᓂᒧᑦ ᐱᑎᒃᓵᕆᐊᕐᑐᖁᔭᐅᓕᑦ, ᐊᕙᑕᖏᕐᑕᐅᓯᒪᓗᑎᒃ ᓯᓂᒃᑕᕆᐊᕐᕕᐅᓕᑦ, ᐊᑕᐅᓯᕐᒥᒡᓘᓐᓃᑦ ᐊᓐᓇᒃᑐᖃᕐᑍᓕᓕ, ᐊᑭᓂᐊᕐᕕᐅᓕᑦ ᐱᓂᐊᕐᓂᕆᖃᑦᑕᓚᐅᕐᑕᖏᑦ ᒪᓕᒡᓗᒋᑦ, ᐊᑕᓂᖅ ᐊᑭᕋᕐᑐᓚᐅᕐᒪᑦᔪᒃ ᐃᓴᕆᐊᓕᒥᐅᑦ ᐃᑦᔪᕐᓁᓐᓂᕐᐹᖁᑎᖓᑦ.

ᔨᕆᒤᐊᐅᑉ ᐊᒡᓚᖏᑦ 51:5

ᐃᓴᕆᐊᓕᒥᐅᑦ ᔫᑕᒥᐅᓪᓗ ᕿᒪᒃᑕᐅᓯᒪᓐᖏᓚᑦ ᒎᑎᒥᖕᓄᑦ ᐊᑕᓂᕐᒧᑦ ᐊᔪᒐᖃᖏᑦᑐᕐᔪᐊᕐᒧᑦ ᓄᓇᖓᑦ ᐸᓯᔭᒃᓴᐅᒐᓗᐊᕐᑎᓪᓗᒍ ᐃᓴᕆᐊᓕᒥᐅᑦ ᐃᑦᔪᕐᓁᓐᓂᕐᐹᖁᑎᖓᑦᑕ ᓵᖓᓂ.

ᔨᕆᒤᐊᐅᑉ ᐊᒡᓚᖏᑦ 7:19

ᐅᕙᓐᓂᒃ ᓂᓐᖓᒃᓮᒐᓗᐊᕐᐹᑦ? ᐊᑕᓂᖅ ᐅᖃᕐᐳᖅ, ᑍᒤᓕᐅᕐᓂᕐᒥᖕᓄᑦ ᐃᒻᒥᖕᓂᖔᖅ ᐊᓯᕈᕈᑎᒃᓴᓕᐅᓕᓐᖏᓛᑦ ᑲᓐᖑᓇᕐᑐᒦᑎᓪᓗᑎᒡᓗ?

ᔨᕆᒤᐊᐅᑉ ᐊᒡᓚᖏᑦ 7:26

ᑐᓴᕐᑕᐅᕙᓚᐅᓐᖏᓚᖓ ᓈᓚᒃᑕᐅᓇᖓᓗ ᓯᑎᒃᑎᑉᐸᓪᓕᐊᖔᑐᐃᓐᓇᓚᐅᕐᐳᑦ. ᐱᐅᖏᑦᑐᓕᑦᑍᓕᖏᓐᓂᕐᓴᐅᓪᓗᑎᒡᓗ ᓯᕗᓕᕕᓂᑦᓯᓐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 14:5

ᐅᕙᓐᓄᑦ ᓵᑦᑎᐊᖁᒐᓗᐊᕐᐸᒃᑲ ᐃᓴᕆᐊᓕᐅᑉ ᑭᖑᕚᖏᑦ, ᐅᕙᓐᓂᒃ ᐊᕕᑦᑎᓯᒪᖕᒪᑕ ᒎᑎᓐᖑᐊᓅᕐᓂᕐᒥᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 16:33

ᐊᖑᑎᑦ ᐊᖑᓐᓂᐊᕐᑎᓂᒃ ᐊᑭᓖᕙᒃᐳᑦ; ᐃᓕᑦᓯᓕ ᑐᓂᓯᖔᖃᑦᑕᕐᐳᓯ ᑐᓂᕐᕈᑎᓂᒃ ᐱᖃᑎᒋᖃᑦᑕᕐᑕᑦᓯᓐᓄᑦ, ᐃᓚᓐᓂᕐᓴᐅᑎᒋᓪᓗᒋᑦ ᓇᑭᑐᐃᓐᓇᖅ ᐅᐸᒃᑕᐅᖃᑦᑕᕈᒪᓂᕐᒧᑦ ᐃᓐᓇᖓᖃᑎᒋᓂᐊᕐᑕᑦᓯᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 16:45

ᐊᓈᓇᕕᑦ ᐸᓂᒋᕚᑎᑦ, ᐅᐃᒥᓂᒃ ᓇᕐᕈᓕᓚᐅᕐᑐᒥᒃ ᕿᑐᕐᖓᒥᓂᒡᓗ; ᖃᑕᓐᖑᑎᖕᓄᓪᓗ ᖃᑕᓐᖑᑎᒋᔭᐅᕗᑎᑦ, ᐅᐃᒥᖕᓂᒃ ᓇᕐᕈᓕᕐᓯᒪᔪᓄᑦ ᕿᑐᕐᖓᒥᖕᓂᒡᓗ. ᐊᓈᓇᖃᕐᐳᑎᑦ ᕼᐃᑍᑎᒥᒃ ᐊᑖᑕᖃᕐᓗᑎᓪᓗ ᐊᒧᕅᑎᒥᒃ.

ᑖᓂᐊᓕᐅᑉ ᐊᒡᓚᖏᑦ 9:11

ᐃᓴᕆᐊᓕᑎᓕᒫᑦ ᓯᖁᒥᑦᓯᖃᑦᑕᕐᓯᒪᖕᒪᑕ ᐱᖁᔭᕐᓂᒃ ᒪᓕᖕᓇᒋᓪᓗ, ᐃᓕᖕᓂᒡᓗ ᓈᓚᒍᒪᓇᑎᒃ. ᑍᒤᒻᒪᑦ ᓇᕐᕈᓇᕐᓯᑎᑕᐅᓃᑦ ᐃᖅᑲᕐᑐᐃᓂᒃᑯᓪᓗ ᓱᒋᐊᕐᓯᓃᑦ ᒨᓯᓯᐅᑉ ᐱᔨᒋᔭᕕᑦ ᐱᖁᔭᖏᑎᒍᑦ ᑎᑎᕋᕐᓯᒪᔪᑦ, ᐅᕙᑦᑎᓐᓄᑦ ᑯᕕᓯᒪᕗᑦ, ᐃᓕᖕᓄᑦ ᐱᐅᖏᑦᑐᓕᓯᒪᒐᑦᑕ.

ᔨᐸᓁᐊᐅᑉ ᐊᒡᓚᖏᑦ 1:6

ᐊᑕᓂᖕᒥᒡᓗ ᕿᒤᓯᒪᔪᑦ ᒪᓕᒃᑐᕕᓂᐅᒐᓗᐊᕐᓗᑎᒃ, ᐊᑕᓂᕐᒥᒡᓗ ᕿᓂᖏᑦᑐᑦ ᖃᐅᔨᓇᓱᐊᖏᑦᑐᓪᓗ.”

ᒨᓯᓯ ᓯᑕᒪᖏᑦ 32:14

ᑕᑯᒋᑦ, ᓯᕗᓕᕕᓂᑦᓯᓐᓂᒃ ᒪᓕᓕᕐᑐᓯ, ᐃᓄᐃᑦ ᐊᔪᕐᑐᓕᔪᑦ, ᐊᖏᒡᓕᑎᑦᓯᒃᑲᓐᓂᕐᓗᓯ ᐊᑕᓂᐅᑉ ᓂᓐᖓᐅᒪᓂᖓᓂᒃ ᐃᓴᕆᐊᓕᒥᐅᓄᑦ.

ᒫᑎᐅᓯᐅᑉ ᐊᒡᓚᖏᑦ 11:28

“ᕾᒋᑦᓯ ᐅᕙᓐᓄᑦ, ᑕᒪᑦᓯ ᐊᒃᓱᕈᕐᑐᓯ ᐅᖁᒤᒃᓴᕐᑐᓯᓗ, ᑕᕾᕐᓯᕐᑎᑦᑐᒪᕙᑦᓯ.

ᒫᑎᐅᓯᐅᑉ ᐊᒡᓚᖏᑦ 23:33

ᖁᒡᓗᒋᐊᖑᔪᓯ, ᐃᕐᓂᐅᔪᓯᓗ ᖁᒡᓗᒋᐊᕐᔪᐊᓄᑦ, ᖃᓄᖅ ᐃᓕᑦᓯᓐᓂᒃ ᓴᐳᑎᔪᓐᓇᕋᓱᒋᕕᓯ ᑲᑉᐱᐊᓇᕐᑐᕕᖕᒥᑦ?

ᒫᑎᐅᓯᐅᑉ ᐊᒡᓚᖏᑦ 3:7

ᐹᕆᓯᓪᓕ ᓵᑦᔪᓰᓪᓗ ᐊᒥᓱᑦ ᑎᑭᑎᓂ ᐹᑉᑎᑦᓯᕕᖕᒥᓄᑦ ᑕᑯᒐᒥᒋᑦ, ᐅᖃᐅᑎᕔᑦ, “ᖁᒡᓗᒋᐊᖑᔮᕐᑐᓯ, ᑭᐊ ᕿᒫᖁᕚᓯ ᒎᑎᐅᑉ ᓂᓐᖓᖕᓂᖓᓂᑦ ᐱᔪᒫᕐᑐᒥᑦ?

ᕉᒪᒥᐅᓄᑦ 8:7

ᐃᓱᒪ ᑎᒥᐅᑉ ᐱᔪᒪᔭᖓᓂᒃ ᓈᓚᒃᑐᖅ ᒎᑎᒥᒃ ᐊᑭᕋᕐᑐᕐᒪᑦ; ᐃᒻᒥᓂᒃ ᑐᓂᔪᒪᓐᖏᓚᖅ ᒎᑎᐅᑉ ᐱᖁᔭᖏᓐᓄᑦ; ᐊᓱᐃᓛᒃ ᐊᔪᓪᓚᕆᒃᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:22

ᐊᑕᓂᕐᒥᒃ ᓂᓐᖓᒃᑎᑦᓯᓇᓱᐊᕐᐱᑖ? ᑖᑦᓱᒪᖓᑦ ᐱᔪᓐᓇᕐᓂᕐᓴᐅᕕᑖ?

ᒨᓯᓯ ᑕᓪᓕᒪᖏᑦ 29:25

ᑕᒪᓐᓇ ᐃᒤᓕᖓᔪᒥᒃ, ‘ᐱᑦᔪᑎᖃᕐᐳᖅ ᐊᑕᓂᐅᑉ ᐃᓄᖁᑎᖏᑕ ᑖᑦᓱᒧᖓ ᐊᖏᖃᑎᒌᒍᑎᒋᓚᐅᕐᑕᓂ ᓯᖁᓯᒥᒪᖕᒪᒋᑦ, ᓯᕗᓕᕕᓂᖏᑕ ᒎᑎᖓᓄᑦ, ᐊᖏᖃᑎᒌᒍᑎᓕᐊᕆᓚᐅᕐᑕᖓᓄᑦ ᐄᑦᔨᑉᑎᒥᑦ ᐊᐅᓪᓚᕐᑎᓐᓇᒥᒋᑦ.

ᒨᓯᓯ ᑕᓪᓕᒪᖏᑦ 31:16

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ: “ᑕᑯᒋᑦ, ᐊᑯᓂᐅᖏᑦᑐᖅ ᑐᖁᓂᐊᓕᕋᕕᑦ ᓯᕗᓕᕕᓂᕐᑎᑦ ᐃᓚᒋᓕᕐᓗᒋᑦ; ᑭᖑᓂᕐᓂ ᐃᓄᐃᑦ ᐅᕙᓐᓂᒃ ᐊᓯᓐᓂᐊᓕᕈᒫᕐᐳᑦ ᐊᖏᖃᑎᒌᒍᑎᒋᓚᐅᕐᑕᕗᓪᓗ ᓯᖁᒥᑕᐅᔪᒫᕐᐳᑦ, ᐅᕙᓐᓂᒃ ᕿᒤᓗᑎᒃ ᐅᒃᐱᖏᑦᑐᑦ ᒎᑎᓐᖑᐊᖏᓐᓄᑦ ᑕᒫᓂ ᓄᓇᑖᕆᓂᐊᓕᕐᑕᖏᑕ ᐃᓄᖏᓐᓂᒃ ᒪᓕᒃᓴᕐᓗᑎᒃ ᑐᒃᓯᐊᖃᑦᑕᓕᕈᒫᕐᐳᑦ.

ᒨᓯᓯ ᑕᓪᓕᒪᖏᑦ 32:19

ᐊᑕᓂᐅᑉ ᑕᒪᓐᓇ ᑕᑯᒐᒥᐅᒃ ᓂᓐᖓᐅᒪᕕᒋᓕᓚᐅᕐᐰᑦ, ᐃᕐᓂᖏᓪᓗ ᐸᓂᖏᓪᓗ ᑖᑦᓱᒥᖓ ᓂᓐᖓᒃᓮᖕᒪᑕ.

ᒨᓯᓯ ᑕᓪᓕᒪᖏᑦ 32:5

ᐃᒻᒥᖕᓂᒃ ᓱᒃᑯᑎᕐᓯᒪᕗᑦ; ᑖᑦᓱᒪᓗ ᕿᑐᕐᖓᕆᓐᖏᓔᑦ, ᐸᓯᔭᒃᓴᐅᒐᒥᒃ: ᑭᖑᕚᖑᖃᑎᒌᑦ ᐊᔪᕐᑐᓕᕗᑦ ᐱᐅᖏᑦᑐᓕᔨᐅᓪᓗᑎᒡᓗ.

ᑯᓘᓯᐊᒥᐅᓄᑦ 1:24

ᒫᓐᓇ ᖁᕕᐊᓲᑎᒋᕙᕋ ᐅᖁᒤᒃᓴᕐᓇᕐᑐᑰᕐᑎᑕᐅᓂᒃᑲ ᐃᓕᑦᓯ ᐱᑦᔪᑎᒋᓪᓗᓯ, ᑎᒥᒃᑯᑦ ᐋᓐᓂᐊᓇᑐᑰᑎᑕᐅᓂᒃᑲ ᐱᔭᕇᓯᖃᑕᐅᑦᔪᑎᒋᒐᒃᑭᑦ ᙭ᔅᑑᓯᐅᑉ ᑎᒥᖁᑎᒥᓂ ᐋᓐᓂᐊᕈᑎᒋᒐᔭᕐᑕᖏᓐᓂ, ᐅᒃᐱᕐᑑᖃᑎᒌᑦ ᐱᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:5

ᑖᑦᓱᒪ ᐊᔪᕐᑐᓕᓂᖏᑕ ᐊᖏᓂᖏᑦ ᕿᓚᖕᒧᑦ ᑎᑭᓯᒪᓕᕐᒪᑕ, ᒎᑎᐅᓪᓗ ᐳᐃᒍᕐᓂᐊᓐᖏᓔᑦ ᑖᑦᓱᒪ ᐊᔪᕐᑐᓕᓂᖏᑦ.

ᐃᓗᐊᕐᓮᔩᑦ ᐊᒡᓚᖏᑦ 10:10

ᐃᓴᕆᐊᓕᒥᐅᑦ ᐃᓗᖏᕐᓱᕐᓗᑎᒃ ᑐᒃᓯᐊᕐᓂᖃᓕᓚᐅᕐᐳᑦ ᐊᑕᓂᕐᒧᑦ ᐅᖃᕐᓗᑎᒃ, “ᐊᔪᕐᑐᓕᓚᐅᕐᐳᒍᑦ ᐃᓕᖕᓄᑦ, ᕿᒤᓚᐅᕋᑦᑕ ᐃᓕᖕᓂᒃ ᐊᑕᓃᖅ, ᑐᒃᓯᐊᕐᐸᓕᕐᓗᑕ ᐰᓕᒧᑦ.”