ᐂᓮᐊᓯᐅᑉ ᐊᒡᓚᖏᑦ 1:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐊᖓᔪᖅᑳᖁᑎᓯᓗ ᐊᑭᕋᕐᑐᕐᑎᐅᓕᕐᐳᑦ ᑎᒡᓕᒃᑎᓄᓪᓗ ᐃᓚᒋᔭᐅᓕᕐᓗᑎᒃ; ᐅᐃᕕᕐᕆᒃᓯᓂᕐᒥᒃ ᖁᕕᐊᒋᔭᖃᕐᑐᐃᓐᓇᐅᓕᕐᐳᑦ ᑐᓂᓯᕕᐅᔪᒪᓂᕐᒥᒡᓗ ᐱᓇᓱᐊᒐᖃᕐᓗᑎᒃ. ᐃᓕᐊᕐᔪᖕᓂᒃ ᓴᐳᓐᓂᐊᓐᖏᓚᑦ, ᐅᐃᒡᒐᕐᓂᕐᓂᒡᓗ ᐃᑲᔪᕈᒪᓂᕐᒥᒃ ᐃᓱᒪᖃᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 1:23 Iomraidhean Croise

ᑯᕉᓂᑲ ᐂᑉᐸᖏᑦ 36:14

ᑐᓂᕐᕈᓯᕐᑎᑦᓯᔩᑦᑕᐅᖅ ᓯᕗᓕᕐᑎᖏᑦ ᐃᓄᐃᓪᓗ ᓈᒻᒪᖏᑦᑐᓕᕙᓪᓕᐊᓚᐅᕐᐳᑦ, ᐃᓅᖃᑎᒌᒡᔪᐊᑦ ᓇᕐᕈᓇᕐᑐᓕᓂᖏᓐᓂᒃ ᒪᓕᒃᓗᑎᒃ; ᐊᑕᓂᐅᓪᓗ ᐃᒡᓗᖓ ᓴᓗᒤᓕᕐᑎᓚᐅᕐᐹᑦ ᑖᑦᓱᒪ ᐃᑦᔪᕐᓁᓕᑎᓚᐅᕐᑕᖓ ᔨᕉᓴᓕᒥ.

ᒨᓯᓯ ᐂᑉᐸᖏᑦ 23:8

ᓯᓔᕐᕆᒃᓯᓇᓱᐊᕐᑐᓂᒃ ᐃᓚᓕᐅᕐᓯᔪᒃᓴᐅᓐᖏᓚᓯ, ᓯᓔᕐᕆᒃᓯᓂᖅ ᓈᒻᒪᓈᕐᑐᒥᒃ ᑕᑯᓐᓇᕈᓐᓃᕐᑎᑦᓯᖕᒪᑦ ᐸᓯᔭᒃᓴᐅᖏᑦᑐᓪᓗ ᐃᓅᓯᖏᓐᓂᒃ ᓯᖁᒥᑦᓯᓪᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:23

ᐱᐅᖏᑦᑐᒥᒃ ᐃᓱᒪᓕᒃ ᐃᔨᕋᕐᑐᕐᓗᓂ ᐃᓚᓐᓂᕐᓴᐅᒻᒥᒃ ᐊᖏᕐᐳᖅ, ᑭᖑᓂᖓᒍᓪᓗ ᓈᒻᒪᑦᓯᐊᕐᑐᖅ ᐊᑐᕐᑕᐅᓕᕐᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:24

ᑎᒡᓕᒃᑎᒥᒃ ᐱᖃᑎᓕᒃ ᐃᓅᓯᕐᒥᓂᒃ ᐆᒥᓱᒃᐳᖅ; ᓱᓕᔪᒥᒃ ᐅᖃᕈᒪᒐᓗᐊᕐᓗᓂ, ᓴᖅᑭᑦᓯᔪᓐᓇᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 1:17

ᐊᑲᐅᔪᒥᒃ ᐃᓕᓐᓂᐊᓕᕆᑦᓯ, ᐸᓯᔭᐅᓐᓇᖏᑦᑐᒥᒃ ᕿᓂᕆᑦᓯ, ᓵᓚᓯᐊᖃᕐᓂᖅ ᐋᖅᑭᒋᐊᕐᓗᒍ; ᐃᓕᐊᕐᔪᐃᑦ ᓴᐳᓐᓂᐊᕐᓗᒋᑦ, ᐅᐃᒡᒐᕐᓃᓪᓗ ᐃᑲᔪᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 1:18

“ᐊᑕᓂᖅ ᐅᖃᕐᐳᖅ, ᕾᒋᑦᓯ ᐃᓱᒪᓕᐅᖃᑎᒌᓚᐅᕐᑕ ᑕᒪᑐᒥᖓ, ᐊᔪᕐᓂᓯ ᐊᐅᑉᐸᕆᒃᑐᑐᑦ ᑍᒤᒃᑲᓗᐊᕐᐸᑕ, ᐊᐳᑎᑐᑦ ᖃᑯᕐᓯᑎᑕᐅᔪᒫᕐᐳᑦ; ᐊᐅᐸᓪᓚᕆᒃᑐᑐᓪᓗ ᑍᒤᒐᓗᐊᕐᐸᑕ, ᓰᐱᐅᑉ ᒥᖅᑯᖏᑎᑐᑦ ᖃᑯᕐᓯᑎᒋᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 1:22

ᓯᐅᓪᕕᕆᖁᑎᓯ ᐊᑭᖃᕈᓐᓃᕐᐳᑦ, ᕔᓂᖁᑎᓯᓗ ᐃᒥᕐᒥᒃ ᐃᓚᖃᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 28:14

ᑍᒤᒻᒪᑦ ᐊᑕᓂᐅᑉ ᐅᖃᐅᓯᖏᓐᓂᒃ ᑐᓴᓚᐅᕆᑦᓯ, ᐃᓕᑦᓯ ᒥᑕᐅᑎᖃᖃᑦᑕᕐᑐᓯ, ᐃᓄᖕᓂᒃ ᔨᕉᓴᓕᒦᑦᑐᓂᒃ ᐊᐅᓚᑦᓯᔨᐅᔪᓯ,

ᐂᓮᐊᓯᐅᑉ ᐊᒡᓚᖏᑦ 3:14

ᐊᑕᓂᖅ ᐃᖅᑲᕐᑐᐃᕕᖕᒥᓄᑦ ᐃᑎᕐᐳᖅ ᐃᓄᖁᑎᖏᑕ ᐊᖓᔪᖅᑳᖏᑦ ᐊᖓᔪᖅᑳᕐᔪᐊᕆᔭᖏᓪᓗ ᐃᓚᒋᓪᓗᒋᑦ: “ᐃᓕᑦᓯ ᐱᕈᕐᓰᕕᒃ ᕔᓂᓕᒃᓴᖅ ᓂᕆᓚᐅᕐᐸᓯ, ᐊᔪᕐᓴᕐᑐᓂᓪᓗ ᐊᕐᓵᕐᓂᒐᕕᓂᓯ ᐃᒡᓗᓯᓐᓃᑉᐳᑦ.

ᐂᓮᐊᓯᐅᑉ ᐊᒡᓚᖏᑦ 30:1

ᐊᑕᓂᖅ ᐅᖃᕐᐳᖅ, “ᑲᑉᐱᐊᓐᓇᒦᒃ ᑭᖑᕚᖑᖃᑎᒌᑦ ᓈᓚᖏᑦᑐᑦ, ᑲᔪᓯᑎᑦᓯᓪᓗᑎᒡᓗ ᐃᓱᒻᒥᕐᑑᑕᐅᔪᒥᒃ ᐋᖅᑭᓚᐅᓐᖏᑕᓐᓂᒃ; ᑲᑐᑦᔨᖃᑎᒌᓕᐅᕐᐳᑦ ᐋᖅᑭᒃᓱᐃᓪᓗᑎᒃ, ᐅᕙᖓ ᐊᓂᕐᓂᓐᓂᒃ ᐃᓚᖃᖏᑦᑐᓂᒃ, ᐊᔪᕐᓂᖅ ᐃᓚᒃᑲᓐᓂᕈᒪᓪᓗᒍ ᐊᔪᕐᓂᕐᒥᒃ;

ᐂᓮᐊᓯᐅᑉ ᐊᒡᓚᖏᑦ 33:15

ᓇᓪᓕᐊᑦ ᓇᓛᒎᕐᑐᒥᒃ ᐃᓅᓯᖃᕐᑐᖅ ᓱᓕᔪᓂᒃ ᐅᖃᐅᓯᖃᕐᐳᖅ, ᐆᒥᓱᒡᓗᓂᓗ ᓵᓚᓯᐊᖃᕐᓂᒃᑯᑦ ᐱᕙᓪᓕᐅᑎᖃᕋᓱᐊᕐᑐᓂᒃ, ᐅᐃᕕᕆᒃᓯᓂᒃᑯᑦ ᐱᓯᒪᔪᓂᒃ ᓱᓇᒥᒃ ᑎᒍᓯᔪᒪᓐᖏᓚᖅ, ᑐᖁᑦᓯᓂᕐᒥᒡᓗ ᑐᓴᕈᒪᓐᖏᓚᖅ ᐊᔪᕐᑐᓕᓂᕐᒥᒃ ᑕᑯᔪᒪᖏᓐᓇᒥ:

ᐂᓮᐊᓯᐅᑉ ᐊᒡᓚᖏᑦ 5:23

ᓇᓪᓕᐊᑦ ᐱᐅᖏᑦᑐᒥᒃ ᐊᑭᓕᕐᑕᐅᓂᒃᑯᑦ ᐸᓯᔭᒃᓴᐅᖏᓐᓂᕅᔪᑦ, ᐸᓯᔭᒃᓴᐅᖏᑦᑐᒥᒡᓗ ᐊᕐᓵᕐᓯᔪᑦ ᐱᔪᓐᓇᕐᑎᑕᐅᑦᔪᑎᖓᓂᒃ!

ᐂᓮᐊᓯᐅᑉ ᐊᒡᓚᖏᑦ 65:2

ᐅᓪᓗᓕᒫᖅ ᐃᓴᒻᒥᕗᖓ ᐃᓄᖕᓄᑦ ᐊᑭᕋᕐᑐᕐᑐᓄᑦ, ᐃᓅᓯᖃᕐᑐᓄᑦ ᐊᖅᑯᑎᒃᑯᑦ ᐱᐅᖏᑦᑐᒃᑯᑦ, ᐃᓱᒪᓕᐊᕆᓯᒪᔭᑐᐃᓐᓇᕐᒥᖕᓂᒃ ᒪᓕᒃᑐᓄᑦ;

ᔨᕆᒤᐊᐅᑉ ᐊᒡᓚᖏᑦ 22:17

ᑕᐅᑐᒃᑕᓯ ᐃᓱᒪᓯᓗ ᖃᑭᔪᒪᓃᓐᓇᕐᒥᒃ ᐱᔪᒪᔭᑐᐊᖃᒧᑦ ᓯᓔᕐᕆᒃᓯᕐᓗᓯ ᖃᑭᕙᒃᐳᓯ, ᐸᓯᔭᒃᓴᐅᖏᑦᑐᓂᒃ ᑐᖁᑎᑦᓯᕙᒃᓗᓯ, ᐅᖁᒤᑦᑐᒦᑎᑦᓯᕙᒡᓗᓯᓗ ᐃᓄᖁᑎᑦᓯᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 32:32

ᐃᓴᕆᐊᓕᒥᐅᓪᓗ ᔫᑕᒥᐅᓪᓗ ᐃᓄᖏᑕ ᓂᓐᖓᐅᑎᒃᓴᓕᐅᓚᐅᕐᒪᖓ ᐱᐅᖏᑦᑐᓂᒃ ᐱᓇᓱᐊᕐᓂᕐᒥᖕᓄᑦ ᐊᖓᔪᖅᑳᕐᔪᐊᖏᑎᒍᑦ, ᓯᕗᓕᕐᑎᖁᑎᖏᑎᒍᓪᓗ, ᑐᓂᕐᕈᓯᕐᑎᑦᓯᔨᖁᑎᖏᑎᒍᑦ ᒎᑎᒧᓪᓗ ᐅᖃᕐᑎᖁᑎᖏᑎᒍᑦ, ᐃᓄᒃᑎᒍᓪᓗ ᔫᑕᒥᐅᑎᒍᑦ ᔨᕉᓴᓕᒥᓗ ᓄᓇᖃᕐᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 4:17

ᐊᕙᓗᓂᐊᕐᐹᓪᓗ ᓄᓇᖁᑎᒥᖕᓂᒃ ᓴᐳᑦᔨᓯᒪᓇᓱᐊᕐᑐᑎᑐᑦ, ᐅᕙᓐᓂᒃ ᐊᑭᕋᕐᑐᓚᐅᕐᒪᑕ. ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 5:5

ᐊᖓᔪᖅᑳᓄᑦ ᐂᓂᐊᕐᐳᖓ, ᐅᖃᓪᓚᒡᕕᒋᓗᒋᓪᓗ ᓇᓗᓇᓐᖏᓚᖅ ᖃᐅᔨᒪᒐᔭᕐᒪᑕ ᐊᑕᓂᐅᑉ ᐱᖁᔭᖓᓂᒃ, ᐱᓂᐊᕐᑕᐅᖁᔭᖏᓐᓂᒡᓗ, ᑭᓯᐊᓂᑦᑕᐅᖅ ᓇᖕᒪᐅᑎᒥᖕᓂᒃ ᓱᕅᓯᒪᕗᑦ, ᕿᓚᕈᑎᖏᓪᓗ ᕿᒃᑐᕋᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 5:6

ᑕᒪᓐᓇ ᐱᓪᓗᒍ ᓛᔭᒧᑦ ᓇᐹᕐᑐᐃᑦ ᐊᑯᓐᓂᖓᓂ ᑐᖁᑕᐅᓂᐊᕐᐳᑦ. ᐊᒪᕈᕐᓄᓪᓗ ᓱᓇᖃᔪᐃᑦᑐᒥᑦ ᐱᔪᓄᑦ ᐹᔭᐅᓂᐊᕐᐳᑦ. ᐃᕐᓯᓇᕐᑐᒧᓪᓗ ᓕᐅᐸᕐᑦᒧᑦ ᐅᑕᖅᑭᔭᐅᓂᐊᕐᐳᑦ ᓄᓇᓕᖏᑕ ᖃᓂᒋᔭᖏᓐᓂ, ᓄᓇᓖᓪᓗ ᓯᓚᑖᓄᐊᕐᑐᑦ ᐅᒋᐊᕐᑕᓂᐊᕐᐳᑦ, ᑕᒻᒪᕐᓯᒪᓂᖓᑦ ᐊᖏᓗᐊᓕᕐᒪᑦ, ᑲᑕᒍᑎᒋᓯᒪᔭᖏᓪᓗ ᐅᓄᓗᐊᓕᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 12:2

“ᐃᓅᑉ ᐃᕐᓂᖓ, ᓄᓇᖃᕐᐳᑎᑦ ᐊᑭᕋᕐᑐᕈᒪᔪᓂᒃ ᐃᓄᖃᕐᑐᓂᒃ, ᐃᔨᖃᕋᓗᐊᕐᐳᑦ ᑕᑯᔪᓐᓇᓐᖏᓚᑦ, ᓯᐅᑎᖃᕋᓗᐊᕐᐳᑦ ᑐᓴᕈᓐᓇᓐᖏᓚᑦ; ᐊᑭᕋᕐᑐᕐᑎᐅᒐᒥᒃ ᑭᖑᕚᖑᖃᑎᒌᑦ.

ᐃᓯᑭᐊᓕᐅᑉ ᐊᒡᓚᖏᑦ 22:27

ᐊᖓᔪᖅᑳᖁᑎᖏᑦ ᐊᒪᕈᕐᑎᑐᑦ ᐆᒪᔪᕐᑕᒥᖕᓂᒃ ᐊᓕᒃᑐᐃᔪᑎᑐᑦ ᑍᒤᑉᐳᑦ, ᐃᓄᐊᖃᑦᑕᕐᐳᑦ, ᓈᒻᒪᓈᖏᑦᑐᒃᑯᑦ ᐊᒃᓗᐃᓕᓇᓱᐊᕐᐳᑦ ᑐᖁᑦᓯᕙᒃᓗᑎᒃ.

ᕼᐆᓯᐊᑉ ᐊᒡᓚᖏᑦ 4:18

ᐃᒥᓗᐊᓚᐅᕐᓗᑎᒃ ᕔᓂᒥᒃ, ᐃᒻᒥᖕᓂᒃ ᐂᑦᑑᑎᒋᕗᑦ ᐊᑐᒐᕐᓄᑦ; ᐱᓇᓱᐊᕈᒪᓂᕐᓴᐅᕗᑦ ᑲᓐᖑᓇᕐᑐᓂᒃ ᐅᐱᓐᓇᕐᓂᖅ ᐱᔪᒪᓇᒍ.

ᕼᐆᓯᐊᑉ ᐊᒡᓚᖏᑦ 5:10

“ᓂᓐᖓᐅᒪᕗᖓ ᔫᑕᐅᑉ ᐃᓄᖏᓐᓄᑦ ᐃᓴᕆᐊᓕᒥᐅᑦ ᓄᓇᖁᑎᖏᑕ ᑭᒡᓕᖏᑕ ᓇᓗᓁᒃᑯᑕᖏᓐᓂᒃ ᐲᕐᓯᓯᒪᔪᑎᑐᑦ ᑍᒤᒻᒪᑕ; ᓂᓐᖓᐅᓯᓐᓂᒃ ᑯᕕᓯᕕᒋᓂᐊᕐᐸᒃᑲ ᐃᒫᓄᑦ ᐅᓗᑦᔭᐅᔪᑎᑐᑦ.

ᕼᐆᓯᐊᑉ ᐊᒡᓚᖏᑦ 9:15

“ᐱᐅᖏᑦᑐᓕᓂᓕᒫᖏᑦ ᒋᐅᓪᒐᐅᓪᒦᑉᐳᑦ; ᑕᕝᕙᓃᑦᑐᑦ ᐆᒥᒋᕙᒃᑲ. ᐊᔪᕐᑐᓕᓂᖏᑦ ᐱᑦᔪᑎᒋᓪᓗᒋᑦ ᐃᒡᓗᓐᓂᑦ ᐊᓂᑎᓐᓂᐊᕐᐸᒃᑲ. ᓇᒡᓕᒋᓂᐊᕈᓐᓁᕐᐸᒃᑲ; ᐊᖓᔪᖅᑳᖁᑎᓕᒫᖏᑦ ᐊᑭᕋᕐᑐᕐᒪᑕ.

ᐂᒨᓯᐅᑉ ᐊᒡᓚᖏᑦ 5:12

ᐊᔪᕐᓂᓯ ᐅᓄᕐᓂᖏᑦ ᖃᐅᔨᒪᒐᒃᑭᑦ, ᐊᔪᕐᑐᓕᓯᒪᔪᐊᓘᓂᓯᓗ, ᐊᑭᕋᕐᑐᕋᑦᓯᐅᒡᓗ ᐃᓱᐊᕐᑐᓕᔪᑦ, ᐊᑭᓕᕐᑕᐅᓪᓗᓯᓗ ᓴᖑᑎᑕᐅᕙᒃᓗᓯ; ᐊᔪᕐᓴᕐᑐᓪᓗ ᐱᑦᓯᐊᕐᕕᒋᓇᒋᑦ ᐃᖅᑲᕐᑐᐃᕕᖕᓂ.

ᒤᑲᐅᑉ ᐊᒡᓚᖏᑦ 3:11

ᓯᕗᓕᕐᑎᐅᔪᑦ ᐃᖅᑲᕐᑐᐃᖕᒪᑕ ᐊᑭᓕᕐᑕᐅᔪᒪᓂᒃᑯᑦ ᑭᓯᐊᓂ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐃᓕᓮᕙᖕᒪᑕ ᐊᑭᓕᕐᑕᐅᓪᓗᑎᒃ ᑭᓯᐊᓂ, ᓇᓚᐅᑦᑍᔩᓪᓗ ᓇᓚᐅᑦᑍᖕᒪᑕ ᑮᓇᐅᔭᒧᑦ ᑭᓯᐊᓂ, ᐃᓘᓐᓇᑎᒃ ᐊᑕᓂᕐᒧᑦ ᐃᓚᒋᔭᐅᓂᕋᕐᒪᑕ ᐅᖃᕐᐸᖕᒪᑕᓗ, ‘ᐊᑕᓂᐅᑉ ᐃᓚᒋᕚᑎᒍᑦ, ᑲᑉᐱᐊᓇᕐᑐᒧᑦ ᑎᑭᑕᐅᓂᐊᓐᖏᓚᒍᑦ.’

ᒤᑲᐅᑉ ᐊᒡᓚᖏᑦ 3:9

ᒫᓐᓇ ᒪᑐᒥᖓ ᑐᓴᓕᕆᑦᓯ, ᐃᓕᑦᓯ ᓯᕗᓕᕐᑎᐅᔪᓯ ᔧᑰᑉ ᑭᖑᕚᖏᓐᓄᑦ ᐃᓴᕆᐊᓕᒥᐅᓄᓪᓗ ᐊᐅᓚᑦᓯᔨᐅᔪᓯ, ᓇᕐᕈᔪᓯ ᐃᖅᑲᕐᑐᐃᑦᓯᐊᕐᓂᕐᒥᒃ ᓱᓕᔪᒥᒡᓗ ᑕᒻᒪᕐᓂᐅᓂᕅᓕᕐᓗᓯ.

ᒤᑲᐅᑉ ᐊᒡᓚᖏᑦ 6:12

ᐃᓄᐃᑦ ᐊᒃᓱᐃᑦᑐᖁᑎᓯ ᑲᑉᐱᐊᓱᒃᑎᑦᓯᓂᕐᒥᒃ ᑕᑕᒻᒪᑕ; ᓄᓇᖅᑲᑎᓯᓗ ᓴᒡᓗᑐᓪᓗᑎᒃ, ᐅᖃᖏᑦ ᐅᐃᕕᕆᒃᓯᓂᕐᓂᒃ ᑕᑕᑉᐳᑦ.

ᒤᑲᐅᑉ ᐊᒡᓚᖏᑦ 7:3

ᐱᓇᓱᐊᕐᐳᑦ ᐱᐅᖏᑦᑐᓂᒃ ᐊᒡᒐᒥᖕᓄᑦ; ᐊᐅᓚᑦᓯᔨᐅᔪᑦ ᑐᓐᓂᕐᓴᕐᑕᐅᔪᒪᑐᐃᓐᓇᕐᐳᑦ, ᐃᖅᑲᕐᑐᐃᔩᓪᓗ ᐱᓕᕆᖃᑦᑕᕐᐳᑦ ᐊᑭᓕᕐᑕᐅᓂᒃᑯᑦ ᐃᓅᑉ ᐱᔪᒪᔭᖓᓂᒃ, ᐱᔪᓐᓇᕐᓂᓖᑦ ᐱᔪᒪᔭᑎᒃ ᐊᖓᔪᖅᑲᐅᓯᕈᑎᒋᕔᑦ; ᑲᑐᑦᔨᓪᓗᑎᒡᓗ ᓯᓔᕐᕆᒃᓯᕗᑦ.

ᓴᑲᕅᐊᐅᑉ ᐊᒡᓚᖏᑦ 7:10

ᐅᐃᒡᒐᕐᓃᑦ ᓇᒡᓕᒃᓵᕐᑎᑦᑍᓕᓗᒋᑦ ᐃᓕᐊᕐᔪᐃᓪᓗ, ᓄᓇᖃᑎᑐᖃᕆᓐᖏᑕᓯᓗ ᐊᒃᓗᔪᓪᓘᓐᓃᑦ; ᐱᐅᖏᑦᑐᒥᒃ ᐃᓅᖃᑎᑦᓯᓐᓄᑦ ᐃᔨᕐᓯᒪᔪᒥᒃ ᐃᓱᒪᖃᕐᓂᐊᕋᓯ.”

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᒨᓯᓯ ᓯᑕᒪᖏᑦ 22:7

ᒧᐊᐱᒥᐅᑦ ᐊᖓᔪᖅᑳᖏᑦ ᒥᑎᐊᓂᒥᐅᓪᓗ ᐊᖓᔪᖅᑳᖏᑦ ᐊᐅᓪᓚᕐᐳᑦ ᖃᐅᔨᑎᑦᓯᔪᒃᓴᒧᑦ ᐊᑭᓕᐅᑎᒃᓴᒥᒃ ᓇᒃᓴᕐᓗᑎᒃ, ᐸᓛᒻᒧᑦ ᑎᑭᓐᓇᒥᒃ ᐅᖃᕐᕕᒋᕚᑦ ᐰᓚᑭᐅᑉ ᐅᖃᐅᓯᕆᖁᔭᖏᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 21:13

ᐅᖃᐅᑎᓪᓗᒋᑦ, “ᒎᑎᐅᑉ ᐅᖃᐅᓯᖏᓐᓂ ᐅᖃᕐᓯᒪᕗᖅ; ‘ᐃᒡᓗᒐ ᑍᔭᐅᔭᕆᐊᕐᐳᖅ ᑐᒃᓯᐊᕐᕕᖕᒥᒃ’; ᐃᓕᑦᓯᓕ ᑎᒡᓕᒃᑎᓄᑦ ᐃᔨᕐᓯᒪᕕᐅᑎᑉᐸᓯ!”

ᒫᑯᓯᐅᑉ ᐊᒡᓚᖏᑦ 11:17

ᐃᓄᐃᑦ ᐊᔪᕆᕐᑐᕐᐰᑦ ᐅᖃᐅᑎᓪᓗᒋᑦ, “ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᖕᒪᑦ, ‘ᐃᒡᓗᖁᑎᒐ ᑍᔭᐅᔭᕆᐊᖃᕐᐳᖅ ᑐᒃᓯᐊᕆᐊᕐᑐᕐᕕᖕᒥᒃ ᐃᓅᖃᑎᒌᒡᔪᐊᓄᑦ ᑕᒤᓐᓄᑦ.’ ᐃᓕᑦᓯᓕ ᑎᒡᓕᒃᑎᓄᑦ ᐃᓂᒋᔭᐅᑎᓕᕐᐸᓯ!”

ᓘᑲᓯᐅᑉ ᐊᒡᓚᖏᑦ 19:46

ᐅᖃᐅᑎᓪᓗᒋᑦ, “ᑎᑎᕋᕐᓯᒪᕗᖅ, ‘ᐃᒡᓗᒐ ᑐᒃᓯᐊᕐᕕᐅᔪᒫᕐᐳᖅ’; ᐃᓕᑦᓯᓕ ᑎᒡᓕᒃᑎᓄᑦ ᐃᓂᒋᔭᐅᑎᓕᕐᐸᓯ.”

ᓘᑲᓯᐅᑉ ᐊᒡᓚᖏᑦ 24:27

ᔩᓱᓯᐅᑉ ᓇᓗᓁᕐᓯᕕᒋᑦᓯᐊᕐᐹᒃ ᐱᒋᐊᕐᓗᓂ ᒨᓯᓯᐅᑉ ᐊᒡᓚᖏᓐᓂᑦ ᓇᓚᐅᑦᑍᔪᓪᓗ ᐊᒡᓚᖏᓐᓂᑦ ᐊᒡᓚᓕᒫᑦ ᓇᓗᓁᔭᕐᐰᑦ ᐃᒻᒥᓂᒃ ᐅᖃᐅᓯᖃᕐᓯᒪᔪᓕᒫᑦ.

ᒨᓯᓯ ᑕᓪᓕᒪᖏᑦ 16:19

ᐃᓄᖕᓂᒃ ᐋᖅᑭᒃᓱᐃᓂᖅ ᐱᑦᓯᐊᕆᐊᖃᕐᐳᖅ; ᐃᓔᓐᓇᕐᓯᐅᕐᓗᑎᒃ ᐋᖅᑭᒃᓱᐃᔪᒃᓴᐅᓐᖏᓚᑦ; ᓯᓔᕐᕆᒃᓯᓇᓱᐊᕐᑐᓂᒡᓗ ᒪᓕᒃᓴᕐᑐᒃᓴᐅᓐᖏᓚᑦ, ᑐᓂᕐᕈᑎᒋᔭᐅᔪᑦ ᓯᓔᕐᕆᒃᓯᕈᑕᐅᓇᓱᐊᕐᓗᑎᒃ ᑕᑯᓐᓇᕈᓐᓃᕐᑎᑦᓯᔪᓐᓇᕐᒪᑕ ᐊᒡᓛᑦ ᓯᓚᑐᔪᓂᒃ ᐱᑦᓯᐊᕋᓱᒃᑐᓂᒡᓗ ᐊᒡᓛᑦ, ᓈᒻᒪᓈᖏᑦᑐᓂᒡᓗ ᐃᓱᒪᑖᕐᑎᑦᓯᓕᕈᓐᓇᕐᓗᑎᒃ.

ᔧᒥᓯᐅᑉ ᐊᒡᓚᖏᑦ 1:27

ᐅᒃᐱᕐᓂᖅ ᐸᓯᔭᒃᓴᐅᓂᖃᖏᑦᑐᖅ ᓱᓕᔪᕐᓗ ᒎᑎᐅᑉ ᐊᑖᑕᐅᑉ ᓈᒻᒪᒋᔭᖓ ᐃᒤᑦᑑᕗᖅ; ᐃᓕᐊᕐᔪᐃᑦ ᐳᓛᕆᐊᖃᑦᑕᕐᓗᒋᑦ ᐅᐃᒡᒐᕐᓃᓪᓗ ᐅᖁᒤᒃᓴᕐᓂᖏᓐᓂᒃ ᐃᑲᔪᕐᓗᒋᑦ, ᓇᖕᒥᓂᕐᓗ ᐃᑦᔪᕐᓇᕐᓯᑎᑕᐅᑦᑍᓕᓗᓂ ᓯᓚᕐᔪᐊᕐᒥᐅᑦ ᐱᐅᓯᖏᓐᓄᑦ.

ᓴᒧᐃᓕ ᓯᕗᓪᓖᑦ 8:3

ᐃᕐᓂᖏᒡᓕ ᐃᓅᓚᐅᓐᖏᓛᒃ ᑖᑦᓱᑐᓇᖅ; ᓴᖑᓚᐅᕐᐴᒡᓕ ᑮᓇᐅᔭᓕᐅᕈᒪᓂᕐᒧᑦ ᐱᓕᕆᓕᕐᓗᑎᒃ; ᓯᓔᕐᕆᒃᓯᓪᓗᑎᒃ ᐱᓇᓱᐊᖃᑦᑕᓚᐅᕐᒪᑎᒃ ᓱᓕᖏᑦᑐᒥᒃ ᐱᓂᐊᕐᓂᖃᓕᕐᓗᑎᒃ.