ᐂᓮᐊᓯᐅᑉ ᐊᒡᓚᖏᑦ 1:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ “ᐊᒡᒐᓯ ᐃᓵᒃᑲᓗᐊᕋᑦᓯᐅᒃ ᐅᕙᓐᓄᑦ, ᑕᑯᓐᓇᕐᓂᐊᕈᓐᓃᕐᐸᑦᓯ; ᐅᓄᕐᑐᓂᒃ ᑐᒃᓯᐊᕐᓂᓕᐅᕋᓗᐊᕈᑦᓯ ᓈᓚᖕᓂᐊᓐᖏᓚᖓ, ᐊᒡᒐᓯ ᐊᐅᖏᓐᓇᐅᖕᒪᑕ.

ᐂᓮᐊᓯᐅᑉ ᐊᒡᓚᖏᑦ 1:15 Iomraidhean Croise

ᐊᑕᓃᑦ ᓯᕗᓪᓖᑦ 8:22

ᓲᓗᒨᓂ ᐊᑕᓂᐅᑉ ᑐᓂᕐᕈᓯᕐᕕᖓᑕ ᓵᖓᓄᐊᕐᐳᖅ ᑲᑎᒪᔭᕐᑐᕐᓯᒪᔪᑦ ᐃᓴᕆᐊᓕᒥᐅᑦ ᓇᔪᕐᑕᖓᓐᓂ, ᖁᒻᒧᓪᓗ ᐃᓵᒃᐳᖅ ᐊᒡᒐᓂ ᐊᕕᑎᓪᓗᒋᑦ;

ᐊᑕᓃᑦ ᓯᕗᓪᓖᑦ 8:54

ᓲᓗᒨᓂ ᑐᒃᓯᐊᕇᕋᒥ ᑐᒃᓯᐅᑦᔨᔭᕇᕋᒥᓗ ᐊᑕᓂᕐᒧᑦ, ᓂᑯᕕᑉᐳᖅ ᑐᓂᕐᕈᓯᕐᕕᐅᑉ ᓵᖓᓂᑦ, ᓰᖅᑯᖓᕕᒋᕋᑖᕐᑕᒥᓂ ᑕᓖᖕᓂᓗ ᖁᒻᒧᑦ ᐃᓵᒡᓗᒋᒃ;

ᐄᓱᕋᐅᑉ ᐊᒡᓚᖏᑦ 9:5

ᐅᓐᓄᒃᑯᑦ ᑐᓂᕐᕈᓯᕐᓂᖅ ᓇᓪᓕᐅᑎᖕᒪᑦ, ᒪᑭᓚᐅᕐᐳᖓ ᕿᒃᓵᒡᕕᒋᔭᓐᓂᑦ, ᓱᓕ ᐊᓐᓄᕌᑦ ᐊᓕᒃᑐᓚᐅᕐᑕᒃᑲ ᐊᑐᕐᓗᒋᑦ, ᓰᖅᑯᓚᐅᕐᐳᖓ ᑐᒃᓯᐊᕐᓗᖓ ᐊᒡᒐᒃᑲᓗ ᐃᓵᓚᐅᕐᐸᒃᑲ ᐊᑕᓂᕐᒧᑦ ᒎᑎᓐᓄᑦ.

ᔫᐱᐅᑉ ᐊᒡᓚᖏᑦ 27:20

ᑲᑉᐱᐊᓵᕆᔨᓄᑦ ᐅᐸᒃᑐᕐᑕᐅᕗᖅ ᑰᖕᒧᑦ ᐅᓗᑦᔭᐅᔪᑎᑐᑦ; ᐅᓐᓄᐊᒃᑯᑦ ᐊᓄᕆᕐᔪᐊᕐᒧᑦ ᓵᕕᐅᑦᔭᐅᕗᖅ;

ᔫᐱᐅᑉ ᐊᒡᓚᖏᑦ 35:13

ᒎᑎᐅᑉ ᐱᓪᓚᕆᖏᓪᓗᓂ ᐅᖃᓪᓚᒃᑐᖅ ᑐᓴᕐᓂᐊᖏᒻᒪᒍ, ᐊᔪᒐᖃᖏᑦᑑᓪᓗ ᐃᒃᐱᒋᓂᐊᓐᖏᓔᑦ.

ᐃᓐᖏᕈᑎᑦ 134:2

ᐊᒡᒐᓯ ᖁᒻᒧᐊᒃᑎᓯᐅᒃ ᐃᑦᔪᕐᓁᑦᑐᕕᖕᒥ, ᐊᑕᓂᕐᓗ ᓂᕐᑐᕐᓯᐅᒃ!

ᐃᓐᖏᕈᑎᑦ 55:1

ᑐᒃᓯᐊᕐᓂᕋ ᓈᓚᓚᐅᕈᒃ ᒎᑏ, ᑲᒪᒋᓐᖏᓯᕐᑐᕐᓂᐊᕐᓇᒍᓗ ᕿᓄᓂᕋ.

ᐃᓐᖏᕈᑎᑦ 66:18

ᐆᒻᒪᑎᒃᑯᑦ ᐱᐅᖏᑦᑐᓕᓂᕐᒥᒃ ᐊᓐᓂᕆᔭᖃᕈᒪ, ᐊᑕᓂᐅᑉ ᑐᓴᕐᓂᐊᓐᖏᓛᖓ.

ᒨᓯᓯ ᐂᑉᐸᖏᑦ 9:29

ᒨᓯᓯᐅᑉ ᐅᖃᐅᑎᕚ, “ᑕᕝᕙᓐᖓᑦ ᐃᒡᓗᒐᓴᖕᓂᑦ ᕿᒪᕉᑎᑐᐊᕈᒪ ᑕᓕᕋ ᐃᓵᖕᓂᐊᕐᐸᕋ ᐊᑕᓂᕐᒧᑦ; ᑕᕝᕙ ᖃᐅᒻᒪᓪᓚᒃ ᓄᖅᑲᕐᓂᐊᕐᐳᖅ, ᓇᑕᖅᑯᕐᓇᕈᓐᓃᕐᓗᓂᓗ, ᖃᐅᔨᓕᖁᓪᓗᑎᑦ ᓄᓇ ᐊᑕᓂᐅᑉ ᐱᖁᑎᒋᖕᒪᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:28

ᑕᕝᕙ ᐅᕙᓐᓄᑦ ᓂᓪᓕᐊᓕᕈᒫᕐᐳᑎᑦ, ᑭᓯᐊᓂᓕ ᑭᐅᑦᔮᓐᖏᓚᖓ; ᐊᒃᓱᕈᕐᓗᑎᑦ ᐅᕙᓐᓂᒃ ᕿᓂᓕᕈᒫᕐᐳᑎᑦ ᓇᓂᔭᐅᓂᐊᓐᖏᓚᖓᓕ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:17

ᐱᐅᔪᕆᓂᒃᑯᑦ ᑕᑯᓐᓇᕐᑐᖅ, ᓴᒡᓗᑐᔪᖅ, ᐊᒡᒊᓪᓗ ᐸᓯᔭᒃᓴᐅᖏᑦᑐᒥᒃ ᐃᓄᐊᕐᑐᑦ.

ᐂᓮᐊᓯᐅᑉ ᐊᒡᓚᖏᑦ 4:4

ᐊᑕᓂᐅᑉ ᓴᓗᒻᒪᕐᓴᕐᓯᒪᓕᕐᐸᒋᑦ ᓴᓗᒤᓐᓂᖏᓐᓂᑦ ᓮᐅᓂᐅᑉ ᐸᓂᖏᑦ ᐃᕐᕈᕐᑐᕐᐸᒋᓪᓗ ᐊᐅᖕᒥᑦ ᐃᑦᓴᒃᓯᒪᓂᖏᓐᓂᑦ ᔨᕉᓴᓕᒥᐅᑦ ᐃᖅᑲᕐᑐᕐᑕᐅᓂᐅᑉ ᐊᓂᕐᓂᖓᒍᑦ, ᐊᓂᕐᓂᒃᑯᓪᓗ ᐃᑯᐊᓪᓚᒃᑎᑦᓯᔪᒃᑯᑦ.

ᐂᓮᐊᓯᐅᑉ ᐊᒡᓚᖏᑦ 45:15

ᓱᓕᔪᒥᒃ ᐃᕝᕕᑦ ᒎᑎᐅᒐᕕᑦ, ᐃᒻᒥᓂᒃ ᐃᔨᕐᓯᒪᔪᑎᑦ, ᐃᓴᕆᐊᓕᒥᐅᑦ ᒎᑎᖓᑦ, ᐱᐅᓕᔨ.

ᐂᓮᐊᓯᐅᑉ ᐊᒡᓚᖏᑦ 58:4

ᑕᑯᓕᕆᑦᓯ ᓂᕆᑦᑍᓕᕙᒃᐳᓯ ᐂᕙᖃᑎᒌᒃᐸᒃᓗᓯ ᐹᖃᑎᒌᒃᓗᓯ ᐱᒋᐊᖃᑦᑕᐅᑎᓪᓗᓯᓗ. ᑍᒫᒃ ᓂᕆᑦᑍᓕᑦᔪᓯᖃᕈᑦᓯ ᑐᒃᓯᐊᕐᓂᓯ ᑐᓴᕐᑕᐅᓂᐊᓐᖏᓚᑦ ᕿᓚᖕᒥ.

ᐂᓮᐊᓯᐅᑉ ᐊᒡᓚᖏᑦ 58:7

ᐃᒫᖑᓐᖏᓛᖅ ᑳᒃᑐᑦ ᓂᕆᑎᖃᑦᑕᕐᓗᒋᑦ ᓂᕿᒃᓴᑦᓯᓐᓂᑦ, ᐊᔪᕐᓴᕐᓂᕐᒧᑦ ᐊᖏᕐᕋᒃᓴᖃᖏᑦᑐᑦ ᐊᖏᕐᕋᑦᓯᓐᓄᑦ ᐃᑎᕐᑎᑉᐸᒡᓗᒋᑦ; ᐊᓐᓄᕌᒃᓴᖃᖏᑦᑐᑦ ᐊᓐᓄᕌᕐᑎᑉᐸᒡᓗᒋᑦ, ᐃᓅᖃᑎᒋᒐᑦᓯᐅᒃ ᑐᓄᒋᐊᑐᐃᓐᓇᕐᐸᖏᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 64:7

ᓇᓪᓕᐊᓐᓂᒃ ᐊᑎᕐᓄᑦ ᑐᒃᓯᐊᕐᑐᖃᓚᐅᕐᓯᒪᔪᓐᓃᕐᐳᖅ, ᐊᒃᓱᕈᕐᓗᓂᓗ ᐃᓕᖕᓄᑦ ᐊᔪᐃᓐᓇᕐᑐᖃᓚᐅᕐᓯᒪᔪᓐᓃᕐᐳᖅ; ᑮᓁᑦ ᐅᕙᑦᑎᓐᓄᑦ ᐃᔨᕐᓯᒪᓕᕋᕕᐅᒃ, ᓄᖑᑕᐅᕙᓪᓕᐊᑐᐃᓐᓇᓕᕐᐳᒍᑦ ᐊᔪᕐᓂᑦᑎᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 8:17

ᐅᕙᖓᓕ ᐊᑕᓂᕐᒥᒃ ᐅᑕᖅᑭᓂᐊᕐᐳᖓ, ᑖᑦᓱᒪ ᑮᓇᓂ ᐃᔨᕐᓯᒪᖕᒪᒍ ᔧᑰᑉ ᑭᖑᕚᖏᓐᓄᑦ; ᓂᕆᐅᒡᕕᒋᓂᐊᕐᐸᕋᓗ.

ᔨᕆᒤᐊᐅᑉ ᐊᒡᓚᖏᑦ 11:11

ᑍᒤᒻᒪᑦ ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ ᐱᐅᖏᑦᑐᒧᑦ ᑎᑭᑕᐅᑎᓐᓂᐊᕐᐸᒃᑲ ᕿᒫᔪᓐᓇᕐᓂᐊᓐᖏᑕᖓᓐᓂᒃ, ᐅᕙᓐᓂᒃ ᑕᑎᖃᕋᓱᒃᑲᓗᐊᕐᐸᑕ, ᑐᓴᕐᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 14:12

ᑐᒃᓯᐊᕋᓗᐊᕐᐸᑕ ᓂᕆᑦᑍᓕᓗᑎᒃ, ᑐᒃᓯᐊᕐᓂᖏᑦ ᑐᓴᕐᓂᐊᓐᖏᓚᒃᑲ, ᐃᑯᐊᓚᑦᓯᓗᑎᒃ ᑐᓂᕐᕈᓯᕋᓗᐊᕐᐸᑕ ᓂᐊᖂᔭᒃᓴᓂᒡᓘᓐᓃᑦ ᑐᓂᕐᕈᑎᖏᑦ ᐃᓚᓕᐅᕐᓂᐊᓐᖏᓚᒃᑲ; ᐊᓯᕈᕐᑕᐅᑎᓐᓂᐊᕐᐸᒃᑲᓕ ᐅᓇᑕᕐᓂᒃᑯᑦ, ᑳᖕᓇᕐᑐᒃᑯᑦ, ᖃᓂᒪᓇᕐᑐᑎᒍᓪᓗ.”

ᔨᕆᒤᐊᐅᑉ ᐊᒡᓚᖏᑦ 4:31

ᓂᓪᓕᐊᔪᒥᒃ ᑐᓵᕗᖓ ᐃᕐᓂᓱᒃᑑᑉ ᓂᓪᓕᐊᓂᖓᑎᑐᑦ ᓂᓪᓕᐊᔪᒥᒃ, ᓲᕐᓗ ᕿᑐᕐᖏᔭᕆᐅᕈᑎᒥᓂᒃ ᕿᑐᕐᖓᕐᑖᕋᓱᐊᓕᕐᑑᑉ ᓂᓪᓕᐊᓂᖓᑎᑐᑦ, ᓮᐅᓂᐅᑉ ᐸᓂᖓᑕ ᓂᐱᖓ ᐊᓂᕐᓵᕐᑐᒡᒐᓕᕐᑐᑎᑐᑦ ᑍᒤᑦᑐᖅ ᑕᓖᖕᓂᓗ ᐃᓵᒡᓗᒋᒃ ᐅᖃᕐᑐᖅ, “ᑲᑉᐱᐊᓐᓇᒦᒃ! ᓄᑮᕈᑎᓕᕐᐳᖓ ᐃᓄᐊᕐᑏᑦ ᓵᖏᓐᓂ!”

ᐃᓯᑭᐊᓕᐅᑉ ᐊᒡᓚᖏᑦ 11:6

ᐃᓄᐊᕐᓯᒪᓕᕋᑦᓯ ᐅᓄᕐᑐᓂᒃ ᑕᕝᕙᓂ ᐃᒡᓗᒐᓴᖕᓂ, ᐊᖅᑯᑎᓯᓗ ᑕᑕᓕᕐᐳᑦ ᑐᖁᖓᔪᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 14:3

“ᐃᓅᑉ ᐃᕐᓂᖓ, ᐊᖑᑏᑦ ᐅᑯᐊ ᒎᑎᓐᖑᐊᒥᖕᓂᒃ ᐅᒃᐱᕆᔭᖃᓪᓚᕆᒃᐳᑦ, ᐊᔪᕐᑐᓕᓂᕐᒥᖕᓂᒡᓗ ᐊᒡᕕᐊᕈᑎᖃᕐᓗᑎᒃ; ᖃᓄᑐᐃᓐᓇᖅ ᐊᐱᕆᔭᐅᑎᑦᑐᒃᓴᐅᕗᖔ ᑖᒃᑯᓄᖓ?

ᐃᓯᑭᐊᓕᐅᑉ ᐊᒡᓚᖏᑦ 39:23

ᐃᓅᖃᑎᒌᒡᔪᐊᓪᓗ ᖃᐅᔨᔪᒫᕐᐳᑦ ᐃᓴᕆᐊᓕᐅᑉ ᑭᖑᕚᖏᑦ ᓄᓇᒋᓐᖏᑕᒥᖕᓄᑦ ᐊᐅᓪᓚᕈᑦᔭᐅᓚᕿᓯᒪᖕᒪᑕ ᐱᐅᖏᑦᑐᓕᓯᒪᓂᖏᓐᓄᑦ, ᐊᖏᔪᕐᔪᐊᒥᒃ ᐅᕙᓐᓄᑦ ᐊᔪᕐᑐᓕᓚᐅᕐᒪᑕ ᑮᓇᕋ ᐃᔨᓚᐅᕐᐸᕋ ᑖᒃᑯᓄᖓ ᑐᓂᓚᐅᕐᐸᒃᑲᓗ ᐊᑭᕋᖏᑕ ᐱᔪᓐᓇᕐᓂᖏᓐᓄᑦ, ᓴᕕᒡᔪᐊᒧᓪᓗ ᑐᖁᑕᐅᔪᐃᓐᓇᐅᓚᐅᕐᐳᑦ.

ᕼᐆᓯᐊᑉ ᐊᒡᓚᖏᑦ 5:6

ᓰᐱᖁᑎᒥᖕᓂᒃ ᐆᒪᔪᖁᑎᒥᖕᓂᒡᓗ ᐂᑦᑐᐃᕗᑦ ᑐᓂᕐᕈᓯᕐᓗᑎᒃ ᐊᑕᓂᕐᒧᑦ, ᓇᒡᕚᕐᓂᐊᓐᖏᓚᓪᓕ ᑖᑦᓱᒥᖓ; ᑖᑦᓱᒪ ᕿᒪᒃᓯᒪᓕᕐᒪᒋᑦ.

ᒤᑲᐅᑉ ᐊᒡᓚᖏᑦ 3:4

ᒪᑐᒪ ᑭᖑᕐᖓᒍᑦ ᓯᕗᓕᕐᑏᑦ, ᑐᒃᓯᐊᕈᒫᕐᐳᑦ ᐊᑕᓂᕐᒧᑦ, ᑭᓯᐊᓂᓕ ᑐᓴᕐᓂᐊᓐᖏᓔᑦ; ᑍᑲᓂ ᑮᓇᓂ ᐃᔨᕈᒫᕐᐹ ᑖᒃᑯᓇᓐᖓᑦ, ᐱᐅᖏᑦᑐᐊᓗᖕᓂᒃ ᐱᓂᐊᓚᐅᕐᓂᖏᑦ ᐱᓪᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 7:13

ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᐳᖅ, “ᓂᓪᓕᐊᒐᒪ ᓈᓚᒍᒪᓚᐅᖏᓚᑦ, ᑍᒤᒻᒪᑦ ᓂᓪᓕᐊᒐᓗᐊᕐᒪᑕ ᐅᕙᓐᓄᑦ ᓈᓚᒍᒪᓚᐅᓐᖏᓚᒃᑲ.

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᒫᑎᐅᓯᐅᑉ ᐊᒡᓚᖏᑦ 6:7

“ᑐᒃᓯᐊᕌᖓᑦᓯ, ᐅᖃᐅᓯᕐᓂᒃ ᑖᒃᑯᓂᖓᑦᓮᓐᓇᖅ ᑕᑭᓕᑎᓪᓗᒋᑦ ᐊᑐᕐᑐᒃᓴᐅᓐᖏᓚᓯ, ᐅᒃᐱᖏᑦᑐᑎᑐᑦ; ᑍᒃᑯᐊ ᐊᒥᓱᓂᒃ ᑭᓯᐊᓂ ᐅᖃᐅᓯᖃᕐᓗᑎᒃ ᑐᓴᕐᑕᐅᔪᓐᓇᕋᓱᒋᖕᒪᑕ.

ᔪᐊᓇᓯᐅᑉ ᐊᒡᓚᖏᑦ 9:31

ᖃᐅᔨᒪᕗᒍᓪᓕ ᒎᑎᐅᑉ ᐊᔪᕐᓂᕐᒦᑦᑐᑦ ᑐᓴᖏᒻᒪᒋᑦ; ᒎᑎᒥᒡᓕ ᑲᒪᑦᓯᐊᕐᑐᑦ ᐱᖁᔭᖓᓂᒡᓗ ᐊᑐᑦᓯᐊᕐᑐᑦ, ᒎᑎᐅᑉ ᑐᓴᕐᒪᒋᑦ.

ᑎᒧᑎᒧᑦ ᓯᕗᓪᓖᑦ 2:8

ᐱᖁᔨᕗᖓ ᐊᖑᑏᑦ ᓇᓂᓕᒫᖅ ᑐᒃᓯᐊᖃᑦᑕᖁᓪᓗᒋᑦ, ᐊᒡᒐᖕᒥᖕᓂᒃ ᐃᑦᔪᕐᓁᑦᑐᓂᒃ ᖁᒻᒧᐊᒃᑎᑦᓯᔪᓐᓇᕐᓗᑎᒃ ᓂᓐᖓᐅᒪᓇᑎᒃ ᐂᕙᓇᑎᒡᓗ.