ᐂᓮᐊᓯᐅᑉ ᐊᒡᓚᖏᑦ 1:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑐᓂᕐᕈᑎᒃᓴᓯ ᐊᑑᑎᖃᖏᑦᑐᑦ ᕾᑎᖃᑦᑕᕈᓐᓃᕐᓯᐅᒃ; ᐃᓯᕐᓗᐊᕐᓂᑎᑦᓯᑦᔪᑏᓪᓗ ᑎᐱᖏᑦ ᐱᐅᒋᓐᖏᓚᒃᑲ, ᑕᖅᑭᓂᕋᑖᕐᓂᖓᓂ ᓇᓪᓕᐅᓐᓂᕐᓯᐅᕈᑎᓯ ᓴᐸᑎᒥᓗ ᑲᑎᒪᓂᕆᕙᒃᑕᓯ ᐊᕆᐅᑉᐸᒃᑲ ᐊᔪᕐᓂᑦᓯᓐᓄᑦ ᐱᐅᔪᓐᓃᕐᑎᑕᐅᓯᒪᖕᒪᑕ.

ᐂᓮᐊᓯᐅᑉ ᐊᒡᓚᖏᑦ 1:13 Iomraidhean Croise

ᐊᑕᓃᑦ ᐂᑉᐸᖏᑦ 4:23

ᐅᐃᖓᑕ ᐅᖃᐅᑎᕚ, “ᓱᖕᒪᑦ ᐅᓪᓗᒥ ᐊᐅᓪᓚᕋᓱᒃᐱᑦ? ᑕᖅᑭᓂᕋᑖᖑᓐᖏᒻᒪᑦ, ᓴᐸᑎᐅᓇᓂᓗ.” ᐅᐃᓂ ᑭᐅᕚ, “ᖃᓄᐃᖏᑦᑐᖅ.”

ᑯᕉᓂᑲ ᓯᕗᓪᓖᑦ 23:31

ᑐᓂᕐᕈᓯᕐᑐᖃᑐᐊᕌᖓᓪᓗ ᑐᓂᕐᕈᑎᓂᒃ ᐆᑕᒃᓴᓂᒃ ᐊᑕᓂᕐᒧᑦ ᓴᐸᑎᒥ, ᑕᖅᑭᓂᕋᑖᒥᓗ, ᐅᓪᓗᓂᓗ ᓇᓪᓕᐅᓐᓂᕐᓯᐅᕐᕕᖕᓂ, ᐱᖁᔭᑎᒍᑦ ᐅᓄᕐᓂᕆᔭᕆᐊᓕᖏᑦ ᒪᓕᒡᓗᒋᑦ, ᑍᒪᓐᖓᑦ ᐱᓇᓱᐊᕐᑎᐅᖁᓪᓗᒋᑦ ᐊᑕᓂᐅᑉ ᓵᖓᓂ.

ᐃᓐᖏᕈᑎᑦ 78:40

ᐊᑯᓔᑦᑐᒥᒃ ᐊᑭᕋᕐᑐᖃᑦᑕᓚᐅᕐᐹᑦ ᐃᓄᖃᖏᑦᑐᒥ, ᕿᒃᓵᑎᑉᐸᒡᓗᒍᓗ ᓱᓇᖃᔪᐃᑦᑐᒥ!

ᒨᓯᓯ ᐂᑉᐸᖏᑦ 12:16

ᐅᓪᓗᑦ 7 ᓯᕗᓪᓕᕐᐹᖓᓐᓂ ᑲᑎᒪᔪᒃᓴᐅᕗᓯ ᐃᑦᔪᕐᓁᑦᑐᒥᒃ ᑲᑎᒪᓂᕐᒥᒃ, ᐊᒻᒪ ᐅᓪᓗᑦ ᑭᖑᓪᓕᕐᐹᖓᓐᓂ 7ᖓᓐᓂ ᑲᑎᒪᒃᑲᓐᓂᕐᓗᓯ ᐃᑦᔪᕐᓁᑦᑐᒥᒃ; ᑖᒃᑯᓇᓂᓗ ᐅᓪᓗᓂ ᓇᓪᓕᐊᓐᓂᒡᓘᓐᓃᑦ ᓴᓇᔪᖃᕐᑐᒃᓴᐅᓐᖏᓚᖅ, ᑕᒪᕐᒥᒡᓕ ᓂᕆᔪᒃᓴᐅᕗᑦ ᐊᑐᐃᓐᓇᕈᕐᑕᐅᓯᒪᔪᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:27

ᐱᐅᖏᑦᑐᑦ ᑐᓂᕐᕈᑎᖏᑦ ᓇᕐᕈᓇᕐᐳᑦ, ᐱᐅᓐᖏᓗᐊᕆᕗᑦ ᐱᐅᖏᑦᑐᒥᒃ ᐱᓂᐊᕈᑎᒋᔪᒪᓗᓂᒋᑦ ᑐᓂᕐᕈᑎᒋᒃᐸᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:14

“ᑐᓂᕐᕈᓯᕆᐊᖃᖅᑲᐅᒐᒪ, ᐅᓪᓗᒥ ᐊᖏᕈᑎᒃᑲ ᐊᑭᓕᖅᑲᐅᕙᒃᑲ.

ᐂᓮᐊᓯᐅᑉ ᐊᒡᓚᖏᑦ 66:23

ᑕᖅᑮᓚᓪᓗᐊᒥᑦ ᑕᖅᑮᓚᓪᓗᐊᒧᑦ ᓇᓪᓕᐅᓐᓂᕐᓯᐅᕐᓂᖃᕐᐸᖕᒪᑦ, ᓴᐸᑎᒥᑦ ᓴᐸᑎᒧᑦ ᑎᑭᓪᓗᒍ, ᑍᒫᒃᑕᐅᖅ ᐃᓄᓕᒫᑦ ᐅᕙᓐᓄᑦ ᑐᒃᓯᐊᕆᐊᖃᑦᑕᕈᒫᕐᐳᑦ; ᓵᓐᓄᑦ ᐹᒻᒪᒃᑎᕆᐊᕐᑐᕐᓗᑎᒃ, ᐊᑕᓂᖅ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 66:3

“ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᑐᖁᑦᓯᔪᖅ ᐊᑦᔨᖃᕐᐳᖅ ᐃᓄᖕᒥᒃ ᑐᖁᑦᓯᔪᒥᒃ; ᓰᐱᐅᑉ ᓄᕐᕋᖓᓂᒃ ᑐᓂᕐᕈᓯᕐᑐᖅ ᕿᒻᒥᐅᑉ ᖁᖓᓯᖓᓂᒃ ᓇᑲᑦᓯᔪᑎᑐᑦ ᑍᒤᑉᐳᖅ; ᓂᐊᖂᔭᒃᓮᑦ ᐱᕈᕐᑐᖏᓐᓂᒃ ᑐᓂᕐᕈᓯᕐᑐᖅ ᑰᒃᑰᓯᐅᑉ ᐊᐅᖓᓂᒃ ᑐᓂᕐᕈᓯᕐᑐᑎᑐᑦ ᑍᒤᑉᐳᖅ; ᐳᔫᕐᑎᑕᒐᕐᓂᒡᓗ ᑐᓂᕐᕈᓯᕐᑐᖅ ᒎᑎᓐᖑᐊᒥᒃ ᑐᒃᓯᐊᕐᕕᖃᕐᑐᑎᑐᑦ ᑍᒤᒃᑭᓪᓗᓂ, ᑖᒃᑯᐊ ᓇᖕᒥᓂᖅ ᐊᑐᕈᒪᔭᒥᖕᓂᒃ ᐊᑐᑐᐃᓐᓇᕐᒪᑕ, ᑕᕐᓂᖏᓪᓗ ᖁᕕᐊᒋᔭᖃᕐᓗᑎᒃ ᓇᕐᕈᓇᐅᑎᒃᓴᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:6

ᑐᒃᓯᐊᕐᕕᒡᔪᐊᖅ ᐃᓂᒋᓂᕋᕐᑕᓂ ᓯᖁᑦᑎᕐᑕᐅᑎᑉᐹ ᐱᕈᕐᓰᕕᒃᑎᑐᑦ ᑖᓐᓇ ᑲᑎᕕᒋᕙᒃᑕᕗᑦ, ᐊᑕᓂᐅᑉ ᓮᐅᓂ ᐳᐃᒍᕐᑕᐅᑎᑉᐹ ᓇᓪᓕᐅᓐᓂᕐᓯᐅᕐᕕᐅᕙᒃᑐᓂᒃ ᓴᐸᑎᓂᓗ, ᐊᖓᔪᖅᑳᕐᔪᐊᖅ ᑐᓂᕐᕈᓯᕐᑎᑦᓯᔩᓪᓗ ᓂᓐᖓᕕᒃᔪᐊᕐᓂᕐᒥᓄᑦ ᓇᕐᕈᒋᓕᕐᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 20:39

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᒧᑦ ᑭᖑᕚᖑᔪᓯ, ᐅᕙᓐᓂᒃ ᓈᓚᖕᓂᐊᖏᒃᑯᑦᓯ; ᒎᑎᓐᖑᐊᓯ ᐊᑐᓂᑦ ᑭᒡᒐᕐᑐᓕᕐᓯᐅᒃ ᒫᓐᓇᒥᑦ ᐱᒋᐊᕐᓗᒍ ᑭᖑᓂᖓᒍᓪᓗ, ᐊᑎᕋᓕ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᖃᑦᑕᕐᓂᐊᕈᓐᓃᕐᐸᓯ ᑐᓂᕐᕈᑎᑦᓯᓐᓄᑦ ᒎᑎᓐᖑᐊᑦᓯᓐᓄᓪᓗ.

ᕼᐆᓯᐊᑉ ᐊᒡᓚᖏᑦ 2:11

ᓄᖅᑲᕐᑎᑦᓱᒫᕐᐸᒃᑲᓗ ᖁᕕᐊᓱᒡᓗᑎᒃ ᑲᑎᓐᓂᕆᕙᒃᑕᖏᑦ, ᓇᓪᓕᐅᓐᓂᕐᓯᐅᕐᕕᒋᕙᒃᑕᖏᓪᓗ, ᑕᖅᑭᓂᕋᑖᒥ, ᓴᐸᑎᒥᓗ ᑲᑎᓂᕆᕙᒃᑕᖏᑦ, ᓇᓪᓕᐅᓐᓂᕐᓯᐅᕐᓂᕐᒧᓪᓗ ᑲᑎᓐᓂᕆᕙᒃᑕᓕᒫᖏᑦ.

ᔪᐃᓕᐅᑉ ᐊᒡᓚᖏᑦ 1:14

ᓂᕆᑦᑍᓕᖁᔨᒋᑦᓯ, ᑲᑎᖁᔨᓗᓯ ᐃᓄᓕᒫᓂᒃ; ᓯᕗᓕᕐᑏᑦ ᑲᑎᖁᓯᒋᑦ ᔫᑕᐅᓪᓗ ᐃᓄᓕᒫᖏᑦ, ᐊᑕᓂᐅᑉ ᒎᑎᓯ ᐃᒡᓗᖓᓄᑦ, ᑐᒃᓯᐊᕐᓗᓯ ᕿᓄᒋᑦᓯ ᐊᑕᓂᕐᒧᑦ.

ᔪᐃᓕᐅᑉ ᐊᒡᓚᖏᑦ 2:15

ᑎᑦᑐᓚᐅᑎᓯ ᓂᓪᓕᕐᑎᓯᒋᑦ ᓮᐅᓂᒥ, ᓂᕆᑦᑍᓕᖁᔨᒋᑦᓯ, ᐃᓄᐃᓪᓗ ᑲᑎᖁᓗᒋᑦ.

ᒨᓯᓯ ᐱᖓᔪᖏᑦ 26:31

ᐃᒡᓗᒐᓴᒡᔪᐊᓯ ᓯᖁᑦᑎᕐᓂᐊᕐᐸᒃᑲ, ᑐᒃᓯᐊᕐᕕᒃᓯᓗ ᐊᓯᕈᕐᓗᒋᑦ, ᑐᓂᕐᕈᑎᓯᓗ ᐆᑕᒃᓮᑦ ᐃᓚᓕᐅᕐᓂᐊᓐᖏᓚᒃᑲ.

ᒪᓚᑬᑉ ᐊᒡᓚᖏᑦ 1:10

ᑭᓇ ᐊᑯᓐᓇᑦᓯᓐᓂ ᐅᒃᑯᐊᒥᒃ ᒪᑐᓯᔪᓐᓇᕐᐹ? ᐊᑐᕐᓂᕐᓗᒡᓗᓯ ᐃᑭᑦᓯᖁᓇᓯ ᑐᓂᕐᕈᓯᕐᕕᓐᓂ? ᐃᓕᑦᓯᓐᓂᒃ ᖁᕕᐊᒋᔭᖃᕈᓐᓃᕐᐳᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑐᓂᕐᕈᑎᓯᓘᓐᓃᑦ ᐃᓚᓕᐅᕐᓂᐊᕈᓐᓃᕐᐸᒃᑲ.

ᒨᓯᓯ ᓯᑕᒪᖏᑦ 10:2

“ᒪᕐᕉᖕᓂᒃ ᑎᑦᑐᓚᐅᑏᖕᓂᒃ ᓴᓇᓚᐅᕆᑦ ᐱᒋᓂᐊᕐᑕᕐᓂᒃ; ᓴᓇᓯᒪᔭᕆᐊᖃᕐᐴᒃ ᑲᓱᐊᕐᓯᒪᓗᑎᒃ; ᐊᑐᕆᐊᖃᕐᐹᒃᑭᒃ ᐃᓄᒋᐊᕐᑐᕐᔪᐊᓂᒃ ᕾᖁᔨᑦᔪᑎᒋᓗᒋᒃ ᑕᖕᒫᕐᓯᒪᔪᓪᓗ ᓱᒋᐊᖃᕐᒪᖔᑕ ᓇᓗᓁᕐᓯᑦᔪᑎᒋᓗᒋᒃ.

ᒫᑎᐅᓯᐅᑉ ᐊᒡᓚᖏᑦ 15:9

ᓱᓕᓇᑎᒃ ᑐᒃᓯᐊᕐᕕᒋᕚᖓ, ᐊᔪᕆᕐᑐᐃᑦᔪᑎᖃᕋᒥᒃ ᐃᓄᐃᑦ ᐊᖅᑭᒃᑕᕕᓂᖏᓐᓂᒃ ᐅᒃᐱᕐᓂᕐᒧᑦ ᑐᓐᖓᕕᐅᓂᕋᕐᑕᒥᖕᓂᒃ. ᒎᑎᐅᑉ ᐱᖁᔭᖏᑎᑐᑦ ᐱᓂᐊᕈᑕᐅᑎᓪᓗᒋᑦ!’”

ᓘᑲᓯᐅᑉ ᐊᒡᓚᖏᑦ 11:42

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᐃᓕᑦᓯ ᐹᕆᓯᑦ! ᑕᓪᓕᒪᐅᔪᕐᑐᐃᔭᕐᐸᒃᑐᓯ ᐊᒡᓛᑦ ᓂᕿᒧᑦ ᐃᓚᒃᓴᑯᓗᖕᓂᒃ ᐱᕈᕐᑐᓂᒃ ᒥᓐᑎᓂᒃ ᕉᓂᒡᓗ ᐊᑎᖃᕐᑐᓂᒃ, ᐊᓯᖏᓐᓂᒡᓗ ᐱᕈᕐᑐᓂᒃ, ᓈᒻᒪᓈᕐᑐᒥᒃ ᐱᓇᓱᐊᕐᓂᖅ, ᓇᒡᓕᒍᓱᖕᓂᕐᓗ ᒎᑎᒥᒃ ᑲᒪᒋᓇᒋᑦ; ᑖᒃᑯᐊ ᐱᔭᕆᐊᖃᕐᐸᓯ, ᐊᓯᖏᓪᓗ ᐊᑐᕆᐊᓖᑦ ᖁᔭᓈᖏᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:17

ᐊᔪᕆᕐᓱᐃᑦᔪᑎᒋᓂᐊᕐᑕᓐᓂ ᐅᑯᓇᓂ ᓈᒻᒪᓈᕐᓂᕋᕈᓐᓇᓐᖏᓚᑦᓯ, ᑲᑎᒪᓕᕌᖓᑦᓯ ᐋᖅᑭᒃᐹᓪᓕᕈᑎᒃᓴᒧᑦ ᐱᕙᖏᓐᓇᑦᓯ ᓱᕋᒃᐹᓪᓕᕐᓇᕐᑐᒥᒡᓕ ᑲᑎᒪᓂᖃᕐᐸᒃᑲᑦᓯ.

ᐃᐱᓯᒥᐅᓄᑦ 4:30

ᒎᑎᐅᓪᓗ ᐊᓂᕐᓂᖓ ᐃᑦᔪᕐᓁᑦᑐᖅ ᕿᒃᓵᒃᑎᓐᓂᐊᕋᓯᐅᒃ, ᑖᑦᓱᒧᖓ ᓇᓗᓁᒃᑯᓯᕐᑕᐅᓯᒪᒐᑦᓯ ᐅᓪᓗᒧᑦ ᐱᐅᓕᔭᐅᕕᒃᓴᒧᑦ.

ᐱᓕᐱᒥᐅᓄᑦ 1:15

ᐃᓚᖏᓪᓕ ᙭ᔅᑑᓯᒥᒃ ᐊᔪᕆᕐᑐᐃᑦᔪᑎᖃᕐᐳᑦ ᓵᓐᖓᔭᑐᐊᖑᔪᒪᓂᕐᒧᑦ ᐊᑭᕋᕐᑐᕈᒪᓂᕐᒧᓪᓗ, ᐃᓚᖏᑕᓕ ᙭ᔅᑑᓯ ᐊᔪᕆᕐᑐᐃᑦᔪᑎᒋᕚᑦ ᐱᐅᔪᒥᒃ ᐃᓱᒪᖃᕐᑎᑕᐅᑦᓯᐊᕐᓗᑎᒃ.