ᐂᓮᐊᓯᐅᑉ ᐊᒡᓚᖏᑦ 1:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐅᑯᐊ ᐅᖃᐅᓰᑦ ᐂᓮᐊᓯᐅᑉ ᐂᒨᓯᐅᑉ ᐃᕐᓂᖓᑕ ᑕᑯᑎᑦᔪᑎᒃᑯᑦ ᑕᑯᓚᐅᕐᑕᖏᑦ ᔫᑕᒻ ᔨᕉᓴᓕᒻᓗ ᐱᑦᔪᑎᒋᓪᓗᒋᑦ ᐅᑯᐊ ᐊᖓᔪᖅᑳᕐᔪᐊᕆᔭᐅᑎᓪᓗᒋᑦ ᐅᓮᐊ, ᔫᑕᒪᓗ, ᐂᕼᐊᔅᓗ, ᕼᐃᓯᑬᐊᓗ ᔫᑕᐅᑉ ᐊᖓᔪᖅᑳᕐᔪᐊᖏᑦ.

ᐂᓮᐊᓯᐅᑉ ᐊᒡᓚᖏᑦ 1:1 Iomraidhean Croise

ᐊᑕᓃᑦ ᐂᑉᐸᖏᑦ 15:1

ᔨᕈᐳᐊᒻ ᐊᖓᔪᖅᑳᕐᔪᐊᖑᓂᖓᑕ ᐃᓴᕆᐊᓕᒥᐅᓄᑦ 27ᖓᓂ, ᐊᔭᓁᐊ ᐊᒪᔧᐊᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᔫᑕᒧᑦ.

ᐊᑕᓃᑦ ᐂᑉᐸᖏᑦ 15:13

ᐊᖓᔪᖅᑳᕐᔪᐊᑉ ᐅᓮᐊᐅᑉ ᐊᐅᓚᑦᓯᓂᖓᑕ 39ᖓᓐᓂ ᔫᑕᒥᐅᓄᑦ, ᓴᓗᒻ ᔭᐲᓯᐅᑉ ᐃᕐᓂᖓ ᐊᖓᔪᖅᑳᕐᔪᐊᖑᓕᓚᐅᕆᕗᖅ ᐃᓴᕆᐊᓕᒥᐅᓄᑦ. ᐊᖓᔪᖅᑳᕐᔪᐊᕆᔭᐅᓚᐅᕐᐳᕐᓗ ᓴᒥᐊᕆᐊᒥᐅᓄᑦ ᑕᖅᑭᒥᒃ ᐊᑕᐅᓯᕐᒥᒃ.

ᐊᑕᓃᑦ ᐂᑉᐸᖏᑦ 15:32

ᐊᖓᔪᖅᑳᕐᔪᐊᑉ ᐲᑲᐅᑉ ᕆᒪᓔᐊᐅᑉ ᐃᕐᓂᖓᑕ ᐊᐅᓚᑦᓯᓂᖏᑕ ᐊᕐᕌᒍᖓᑕ ᐂᑉᐸᖓᓂ ᐃᓴᕆᐊᓕᒥᐅᓄᑦ ᐊᖓᔪᖅᑳᕐᔪᐊᖑᑎᓪᓗᒍ, ᔫᑕᒻ ᐅᓮᐊᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᔫᑕᒧᑦ.

ᐊᑕᓃᑦ ᐂᑉᐸᖏᑦ 15:7

ᐊᔭᕅᐊ ᑐᖁᖕᒪᑦ ᐃᓗᕕᕐᑕᐅᓚᐅᕐᐳᖅ ᐊᖓᔪᖅᑳᕐᔪᐊᓄᑦ ᐃᓗᕕᕐᓯᕕᖕᒥ ᑍᕕᑎᐅᑉ ᐃᒡᓗᒐᓴᖏᓐᓂᒃ ᑍᔭᐅᔪᓂ, ᐃᕐᓂᖓᓗ ᔫᑕᒻ ᐃᓇᖏᓪᓗᓂ ᐊᖓᔪᖅᑳᕐᔪᐊᖑᓕᓚᐅᕆᕗᖅ.

ᐊᑕᓃᑦ ᐂᑉᐸᖏᑦ 18:1

ᕼᐆᓯᐊᑉ ᐄᓚᑉ ᐃᕐᓂᖓᑕ ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᐃᑦ ᐱᖓᔪᒋᓕᕐᑕᖓᓂ ᕼᐃᓯᑬᐊ ᐂᕼᐊᓯᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᔫᑕᒧᑦ.

ᐊᑕᓃᑦ ᐂᑉᐸᖏᑦ 19:2

ᐃᓔᐊᑭᒻ ᐊᖓᔪᖅᑳᖁᑎᓂ ᐊᖓᔪᖅᑳᕐᔪᐊᑉ ᐃᒡᓗᖓᓄᑦ ᓯᑉᓇᓗ ᐊᒡᓚᒃᑎᒻᒪᕆᒃ, ᑐᓂᕐᕈᓯᕐᑎᑦᓯᔩᓪᓗ ᐃᓄᑐᖃᐅᓂᖏᑦ, ᑎᓕᕔᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᐂᓮᐊᓯᒧᑦ ᐂᒨᓯᐅᑉ ᐃᕐᓂᖓᓄᐊᖁᓪᓗᒋᑦ ᑖᒃᑯᐊ ᐊᑐᕆᓪᓗᑎᒃ ᐊᓐᓄᕌᓂᒃ ᕿᒃᓵᒃᑐᕐᓯᐅᑎᓂᒃ.

ᑯᕉᓂᑲ ᐂᑉᐸᖏᑦ 26:1

ᔫᑕᒥᐅᓪᓕ ᐃᓄᓕᒫᖏᑦ ᓂᕈᐊᕐᐳᑦ ᐅᓮᐊᒥᒃ, ᐊᕐᕌᒍᖃᕐᑎᓪᓗᒍ 16ᓂᒃ, ᐊᖓᔪᖅᑳᕐᔪᐊᕈᕐᑎᑉᐹᓪᓗ ᐊᑖᑕᖓᑕ ᐊᒪᔧᐊᐅᑉ ᐃᓂᖓᓄᑦ.

ᑯᕉᓂᑲ ᐂᑉᐸᖏᑦ 26:22

ᐅᓮᐊᐅᓪᓕ ᐱᓂᐊᕐᓂᖏᑕ ᐃᓚᖏᑦ, ᓯᕗᓪᓕᕐᐹᒥᑦ ᑭᖑᓪᓕᕐᐹᒧᑦ, ᐂᓮᐊᓯᐅᑉ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐂᒨᓯᐅᑉ ᐃᕐᓂᖓᑕ ᑎᑎᕋᕐᓯᒪᕔᑦ.

ᑯᕉᓂᑲ ᐂᑉᐸᖏᑦ 27:1

ᔫᑕᒻ ᐊᕐᕌᒍᖃᓚᐅᕐᐳᖅ 25ᓂᒃ ᐊᖓᔪᖅᑳᕐᔪᐊᓐᖑᕐᑎᓪᓗᒍ, ᐊᖓᔪᖅᑳᖑᓚᐅᕐᐳᕐᓗ ᐊᕐᕌᒍᓂᒃ 16ᓂᒃ ᔨᕉᓴᓕᒥ. ᐊᓈᓇᖓ ᐊᑎᖃᕐᐳᖅ ᔨᕉᓴᕼᐊᒥᒃ ᔭᑑᑭᐅᑉ ᐸᓂᖓ.

ᑯᕉᓂᑲ ᐂᑉᐸᖏᑦ 28:1

ᐂᕼᐊᔅ ᐊᕐᕌᒍᖃᓚᐅᕐᐳᖅ 20ᓂᒃ ᐊᖓᔪᖅᑳᕐᔪᐊᓐᖑᕐᑎᓪᓗᒍ, ᐊᖓᔪᖅᑳᖑᓚᐅᕐᐳᕐᓗ ᐊᕐᕌᒍᓂᒃ 16ᓂᒃ ᔨᕉᓴᓕᒥ; ᐱᐅᔪᓂᒃ ᐱᓂᐊᕐᓂᖃᓚᐅᓐᖏᓚᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓯᕗᓕᕐᒥᑐᑦ ᑍᕕᑎᐅᑉ ᐱᓂᐊᕐᓂᖓᑐᑦ ᐱᓇᓱᐊᓚᐅᓐᖏᓚᖅ.

ᑯᕉᓂᑲ ᐂᑉᐸᖏᑦ 29:33

ᐃᑦᔪᕐᓁᓕᑎᑕᐅᔪᑦ ᑐᓂᕐᕈᑏᑦ ᐃᒻᒧᒃᓯᐅᒊᑦ ᐊᖑᓴᓪᓗᖏᑦ 600ᐅᓚᐅᕐᐳᑦ ᓰᐲᓪᓗ 3,000ᐅᓪᓗᑎᒃ.

ᐃᓐᖏᕈᑎᑦ 89:19

ᑍᑦᓱᒪᓂ ᑕᑯᑎᑦᔪᑎᒃᑯᑦ ᐅᖃᓪᓚᖃᑦᑕᓚᐅᕐᐳᑎᑦ ᐃᑦᔪᕐᓁᑦᑐᖁᑎᖕᓄᑦ, ᐅᖃᕐᓗᑎᑦ: “ᐃᑲᔪᕐᑕᐅᑦᔪᑎᒃᓴᒥᒃ ᐋᖅᑭᒃᓯᓚᐅᕐᐳᖓ ᐱᔪᓐᓇᕐᓂᖃᕐᑐᒧᑦ, ᐃᓄᒋᐊᒃᑐᕐᔪᐊᓂᓪᓗ ᓂᕈᐊᕐᓯᒪᔭᕋ ᐊᖏᔪᕈᕐᑎᓚᐅᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 13:1

ᐅᑯᐊ ᐅᖃᐅᓰᑦ ᐹᐱᓘᓂᒧᑦ ᑐᕌᖓᔪᑦ, ᐂᓮᐊᓯᐅᑉ ᐂᒨᓯᐅᑉ ᐃᕐᓂᖓᑕ ᑕᑯᓚᐅᕐᑕᖏᑦ.

ᐂᓮᐊᓯᐅᑉ ᐊᒡᓚᖏᑦ 2:1

ᐅᑯᐊ ᐅᖃᐅᓰᑦ ᐂᓮᐊᓯᐅᑉ ᑕᑯᓚᐅᕐᑕᖏᑦ ᐂᒨᓯᐅᑉ ᐃᕐᓂᖓᑕ ᔫᑕ ᔨᕉᓴᓕᓗ ᐱᓪᓗᒋᒃ.

ᐂᓮᐊᓯᐅᑉ ᐊᒡᓚᖏᑦ 20:2

ᐊᕐᕌᒍᑦ ᐱᖓᓱᑦ ᓯᕗᓂᖓᓂ ᐊᑕᓂᐅᑉ ᐂᓮᐊᓯ ᐂᒨᓯᐅᑉ ᐃᕐᓂᖓ ᐅᖃᐅᑎᓚᐅᕐᐹ, ᐃᑎᒐᒍᑎᒥᓂᒃ ᐲᕐᓯᖁᓪᓗᒍ ᐊᓐᓄᕅᔭᖁᓪᓗᓂᐅᒡᓗ ᕿᒃᓵᒃᑐᕐᓯᐅᑎᓂᒃ ᐊᑐᕐᑕᖏᓐᓂᒃ, ᐊᑕᓂᖅ ᓈᓚᒡᓗᒍ ᐱᓱᑲᑕᓕᓚᐅᕐᐳᖅ ᐃᑎᒐᒍᑎᖃᕋᓂ ᐊᓐᓄᕌᖃᕋᓂᓗ.

ᐂᓮᐊᓯᐅᑉ ᐊᒡᓚᖏᑦ 21:2

ᑕᑯᑎᑕᐅᓚᐅᕐᐳᖓ ᐃᓕᕋᓇᕐᑐᓂᒃ ᐃᒫᒃ ᐅᖃᐅᑎᔭᐅᓪᓗᖓ; ᐱᒋᔭᕕᓂᕐᓂᒃ ᑎᒎᖅᑬᔪᖅ ᑎᒎᖅᑬᓕᕐᐳᖅ, ᑐᖁᕅᔪᕐᓗ ᑐᖁᕅᓕᕐᐳᖅ, ᐃᓛᒻᒥᐅᑦ ᐅᓇᑕᕐᑐᒃᓴᖏᑦ ᐅᓇᑕᕆᐊᓕᕆᑦᓯ, ᒥᑎᐊᒥᐅᓪᓗ ᐅᓇᑕᕐᑐᒃᓴᖏᑦ ᐊᕙᑕᖏᕐᓯᓕᕆᑦᓯ ᐃᒡᓗᒐᓴᒡᔪᐊᓂᒃ; ᐹᐱᓘᓂᒥᐅᑦ ᐃᓄᖕᓂᒃ ᐊᓂᕐᓴᐅᒥᑎᑦᓯᓂᖓᑦ ᐃᓱᓕᑎᑦᓱᒪᓕᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 37:2

ᑎᓕᓯᓪᓗᓂᓗ ᐃᓔᐊᑭᒻᒥᒃ ᐊᖓᔪᖅᑳᕐᔪᐊᑉ ᐃᒡᓗᖓᓄᑦ ᑲᒪᔨᒻᒪᕆᐅᔪᒥᒃ, ᓯᑉᓇᒥᒡᓗ ᑎᑎᕋᕐᑎᐅᔪᒥᒃ, ᑐᓂᕐᕈᓯᕐᑎᑦᓯᔩᓪᓗ ᓯᕗᓕᕐᑎᖏᓐᓂᒃ, ᑖᒃᑯᐊᓗ ᕿᒃᓵᒃᑐᕐᓯᐅᑎᒥᒃ ᐃᒃᐱᐊᕐᔪᒐᔭᐅᔮᕐᑐᒥᒃ ᐊᓐᓄᕌᕐᓯᒪᓪᓗᑎᒃ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᐂᓮᐊᓯᒧᑦ ᐂᒨᓯᐅᑉ ᐃᕐᓂᖓᓄᑦ ᐂᕗᑦ.

ᐂᓮᐊᓯᐅᑉ ᐊᒡᓚᖏᑦ 38:1

ᐅᓪᓗᐃᑦ ᐃᓚᖏᓐᓂ ᐊᖓᔪᖅᑳᕐᔪᐊᖅ ᕼᐃᓯᑬᐊ ᖃᓂᒻᒪᓚᐅᕐᐳᖅ ᖁᓚᕐᓇᕐᓯᓪᓗᓂ ᐃᓅᓂᐊᕐᒪᖔᑦ, ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐂᓮᐊᓯᐅᑉ ᐂᒨᓯᐅᑉ ᐃᕐᓂᖓᑕ ᑕᑯᔭᕐᑐᕋᒥᐅᒃ, ᐅᖃᓪᓚᒡᕕᒋᕚ ᐅᖃᕐᓗᓂ, “ᐊᑕᓂᐅᑉ ᐅᖃᐅᑎᖁᖕᒪᑎᑦ ᓱᓇᓕᒫᓂᒃ ᐅᐸᓗᖎᔭᓕᕆᑦ ᐋᖅᑭᓚᐅᖏᓪᓗᑎᑦ ᐃᓅᔪᓐᓃᕐᓂᐊᓕᕋᕕᑦ.”

ᐂᓮᐊᓯᐅᑉ ᐊᒡᓚᖏᑦ 40:9

ᓮᐅᓂ, ᖃᖅᑲᐅᑉ ᐳᕐᑐᔫᑉ ᖄᖓᓄᐊᓕᕆᑦᓯ ᐅᖃᐅᓯᖃᓕᕆᑦᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᔨᕉᓴᓕᒻ, ᓂᐱᖅᑯᕐᑐᓗᓯ ᐅᖃᐅᓰᑦ ᑐᓴᕈᒥᓇᕐᑐᑦ ᑐᓴᕐᑕᐅᑎᓕᕐᓯᐅᒃ, ᓂᐱᖅᑯᕐᑐᓗᓯ ᓯᕘᕋᖏᓪᓗᓯ; ᔫᑕᐅᑉ ᓄᓇᓕᖁᑎᖏᑦ ᐅᖃᐅᑎᓯᒋᒃ, ‘ᑕᑯᒋᑦ, ᑕᕝᕙ ᒎᑎᓯ.’

ᐂᓮᐊᓯᐅᑉ ᐊᒡᓚᖏᑦ 6:1

ᐊᕐᕌᒍᒥ ᐊᖓᔪᖅᑳᕐᔪᐊᑉ ᐅᓮᐊᐅᑉ ᑐᖁᕝᕕᐊᓂ, ᐊᑕᓂᖅ ᑕᑯᓚᐅᕐᐸᕋ ᐃᒃᓯᕙᐅᑕᕐᔪᐊᖕᒥᓂ ᐃᒃᓯᕙᔪᖅ, ᖁᑦᓯᒃᑐᒥ ᐳᕐᑐᔪᒥᓗ, ᐊᓐᓄᕌᖓᑕᓗ ᐅᓕᒡᔪᐊᖓᑕ ᑐᒃᓯᐊᕐᕕᒡᔪᐊᑉ ᐃᓗᐊ ᓈᓯᒪᕚ.

ᐂᓮᐊᓯᐅᑉ ᐊᒡᓚᖏᑦ 7:1

ᐊᖓᔪᖅᑳᕐᔪᐊᖅ ᐂᕼᐊᔅ ᔪᑖᒥᐅᑉ ᐃᕐᓂᖓ, ᐅᓮᐊᐅᑉ ᐃᕐᖑᑕᖓ, ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒻ, ᕆᔨᓐ ᐊᖓᔪᖅᑳᕐᔪᐊᖑᑎᓪᓗᒍ ᓯᕆᐊᒥ ᐲᑲᓗ ᕆᒪᓔᐊᐅᑉ ᐃᕐᓂᖓ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ, ᐅᓇᑕᕆᐊᓚᐅᕐᐳᑦ ᔨᕉᓴᓕᒧᑦ, ᓵᓚᒋᔪᓐᓇᓚᐅᓐᖏᓛᓪᓕ.

ᔨᕆᒤᐊᐅᑉ ᐊᒡᓚᖏᑦ 23:16

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: “ᓇᓚᐅᑦᑍᓂᕐᓗᒃᑐᑦ ᐅᖃᐅᓯᕆᔭᖏᑦ ᓈᓚᒃᑍᓕᓯᒋᒃ; ᓱᓕᖏᑦᑐᓂᒃ ᓂᕆᐅᒋᔭᒃᓴᕐᑖᕐᑎᖃᑦᑕᕐᒪᓯ ᐃᓱᒪᒋᔭᑐᐃᓐᓇᕐᒥᖕᓂᒡᓗ ᑕᑯᑎᑕᐅᓂᕋᕐᐸᒃᓗᑎᒃ ᐊᑕᓂᕐᒥᑦ ᐱᖏᑦᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 1:1

ᐊᕐᕌᒍᑦ 13ᒋᓕᕐᑕᖏᓐᓂ, ᑕᖅᑮᑦ ᓯᑕᒪᖓᓐᓂ, ᐅᓪᓗᖏᑕ ᑕᓪᓕᒪᖓᓐᓂ, ᐊᐅᓪᓚᕈᑦᔭᐅᓯᒪᔪᓂ ᓄᓇᖃᖃᑕᐅᑎᓪᓗᖓ ᑰᑉ ᓰᐸᕆᒥᒃ ᐊᑎᓕᐅᑉ ᖃᓂᒋᔮᓂ ᐹᐱᓘᓂᐅᑉ ᓄᓇᖓᓂ, ᕿᓚᒃ ᐊᖕᒪᕐᑐᖅ ᑕᑯᕙᕋ ᑕᑯᑎᑕᐅᓪᓗᖓᓗ ᒎᑎᒥᑦ.

ᕼᐆᓯᐊᑉ ᐊᒡᓚᖏᑦ 1:1

ᐊᑕᓂᐅᑉ ᐅᖃᐅᓯᖓ ᕼᐆᓯᐊᒧᑦ ᑎᑭᑉᐳᖅ ᐲᕆᐅᑉ ᐃᕐᓂᖓᓄᑦ, ᐅᑯᐊ ᔫᑕᒥ ᑭᖑᓕᕇᒃᓗᑎᒃ ᐊᖓᔪᖅᑳᕐᔪᐊᖑᑎᓪᓗᒋᑦ ᐅᓮᐊ, ᔫᑕᒻ, ᐂᕼᐊᔅ, ᕼᐃᓯᑬᐊᓗ, ᐊᖓᔪᖅᑳᕐᔪᐊᖑᑎᓪᓗᒋᑦ ᔫᑕᒥ, ᔨᕈᐳᐊᒻᓗ ᔪᐊᓯᐅᑉ ᐃᕐᓂᖓ, ᐊᖓᔪᖅᑳᕐᔪᐊᖑᑎᓪᓗᒍ ᐃᓴᕆᐊᓕᒥ.

ᐂᒨᓯᐅᑉ ᐊᒡᓚᖏᑦ 1:1

ᐅᑯᐊ ᐂᒧᓯᐅᑉ ᐅᖃᐅᓯᖏᑦ, ᓰᐱᓕᕆᔨᐅᖃᑕᐅᓚᐅᕐᑑᑉ ᑎᑯᐊᒥ, ᑕᑯᓚᐅᕐᑕᖏᑦ ᐃᓴᕆᐊᓕᒥᐅᑉ ᐱᓪᓗᒋᑦ, ᐅᓮᐊ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥ, ᔨᕈᐳᐊᒻ ᐅᓪᓗᖏᓐᓂ ᔪᐊᓯᐅᑉ ᐃᕐᓂᖓ ᐊᖓᔪᖅᑳᕐᔪᐊᖑᑎᓪᓗᒍ ᐃᓴᕆᐊᓕᒥᐅᓄᑦ, ᐊᕐᕌᒎᒃ ᒪᕐᕉᒃ ᓯᕗᓂᖓᒍᑦ ᓄᓇ ᓴᔪᒃᐱᓪᓚᓚᐅᕐᑎᓐᓇᒍ.

ᐂᒨᓯᐅᑉ ᐊᒡᓚᖏᑦ 4:5

ᑐᓂᕐᕈᓯᓕᕆᑦᓯ ᖁᔭᓕᓂᕐᒧᑦ ᓂᐊᖂᔭᓂᒃ ᐳᕙᓪᓚᕐᓴᐅᑎᓕᖕᓂᒃ, ᐅᖃᕆᑦᓯ ᓇᓗᓁᕐᓯᓗᓯᓗ ᐃᓱᒤᓐᓇᕐᕆᓯᐅᑎᒥᒃ ᑐᓂᕐᕈᓯᕐᓂᑦᓯᓐᓂᒃ, ᑕᒪᓐᓇ ᐱᐅᒋᒐᑦᓯᐅᒃ, ᐃᓕᑦᓯ ᐃᓴᕆᐊᓕᒥᐅᖑᔪᓯ!” ᐊᑕᓂᖅ ᒎᑎ ᐅᖃᕐᐳᖅ.

ᒤᑲᐅᑉ ᐊᒡᓚᖏᑦ 1:1

ᒎᑎᐅᑉ ᐅᖃᐅᓯᖏᑦ ᒤᑲᒧᑦ ᒧᕆᓯᑎᒥᐅᑕᕐᒧᑦ ᔫᑕᒻ, ᐊᕼᐊᔅᓗ, ᕼᐃᓯᑬᐊᓗ ᐊᖓᔪᖅᑳᕐᔪᐊᖑᑎᓪᓗᒋᑦ ᑭᖑᓕᕇᒃᓗᑎᒃ ᔫᑕᒥᐅᓄᑦ. ᑐᑭᓯᑎᑕᐅᓚᐅᕐᐳᖅ ᓴᒥᐊᕆᐊᒥᐅᑦ ᔨᕉᓴᓕᒥᐅᓪᓗ ᐱᓪᓗᒋᑦ.

ᓇᕼᐅᒥᐅᑉ ᐊᒡᓚᖏᑦ 1:1

ᐅᑯᐊ ᐅᖃᐅᓯᖃᕐᐳᑦ ᓂᓂᕕᒥᒃ, ᓇᕼᐅᒥᐅᑉ ᑕᑯᑎᑕᐅᑦᔪᑎᒋᓚᐅᕐᑕᖏᑦ, ᓄᓇᒥᑦ ᐃᓪᑰᓯᒦᑎᓪᓗᒍ.

ᕼᐊᐸᑲᐅᑉ ᐊᒡᓚᖏᑦ 2:2

ᐊᑕᓂᐅᑉ ᑕᕝᕙ ᐃᒫᒃ ᑭᐅᓚᐅᕐᐹᖓ ᐅᖃᕐᓗᓂ: “ᑕᑯᑎᑦᓯᑦᔪᑎᒃᑲ ᐃᓕᖕᓄᑦ ᑎᑎᕋᒃᑭᑦ ᐅᔭᕋᒃᑯᑦ ᑕᑯᒃᓴᐅᑦᓯᐊᕐᓗᒋᑦ, ᐊᖅᑯᓵᕐᑐᓄᑦ ᐅᖃᓕᒫᕐᑕᐅᔪᓐᓇᖁᓪᓗᒋᑦ.

ᒨᓯᓯ ᓯᑕᒪᖏᑦ 12:6

ᐅᖃᕐᓗᓂᓗ, “ᐅᖃᐅᓯᒃᑲ ᓈᓚᑦᓯᐊᕐᓯᒋᒃ: ᐅᖃᕐᑕᐅᖁᔭᓐᓂᒃ ᐅᖃᕐᑎᑕᖃᕐᐹ ᐃᓕᑦᓯᓐᓂ, ᐅᕙᖓ ᐊᑕᓂᖅ, ᓇᖕᒥᓂᖅ ᑖᑦᓱᒧᖓ ᖃᐅᔨᑎᑦᓯᕙᒃᐳᖓ ᑕᑯᑎᑦᔪᑎᒃᑯᑦ; ᓯᓐᓇᒃᑑᒪᒃᑯᓪᓗ ᐅᖃᕐᕕᖃᓲᖑᕗᖓ.

ᒨᓯᓯ ᓯᑕᒪᖏᑦ 24:16

ᒎᑎᐅᑉ ᐅᖃᐅᓯᖓᓂᒃ ᑐᓵᔫᑉ ᒎᑎᒥᑦ ᐅᖃᕐᑎᑕᐅᓂᖓ, ᖁᑦᓯᖕᓂᕐᐹᑉ ᖃᐅᔨᒪᓂᖓᓂᒃ ᖃᐅᔨᒪᑎᑕᐅᔫᑉ, ᑕᐅᑐᒃᑑᓪᓗ ᐊᔪᒐᖃᖏᑦᑑᑉ ᑕᑯᑎᑦᓯᑦᔪᑎᖏᓐᓂᒃ, ᐹᒻᒪᖓᔫᓪᓗ, ᐃᔨᖏᒃ ᐅᐃᑕᓪᓗᑎᒃ:

ᒨᓯᓯ ᓯᑕᒪᖏᑦ 24:4

ᒎᑎᒧᑦ ᐅᖃᕐᑎᑕᐅᓂᖓ, ᑐᓵᔫᑉ ᒎᑎᐅᑉ ᓂᐱᖓᓂᒃ, ᑕᐅᑐᒃᑎᑕᐅᔫᓪᓗ ᐊᔪᒐᖃᖏᑦᑐᑉ ᑕᑯᑎᑦᓯᔪᑎᖏᓐᓂᒃ, ᐹᒻᒪᖓᔫᓪᓗ, ᐃᔨᖏᒃ ᐅᐃᑕᓪᓗᑎᒃ:

ᒫᑎᐅᓯᐅᑉ ᐊᒡᓚᖏᑦ 17:9

ᖃᖅᑲᒥᑦ ᐊᖅᑲᓕᕐᓗᑎᒃ, ᔩᓱᓯᐅᑉ ᐃᓂᕐᑎᕐᐰᑦ, ᐅᖃᕐᓗᓂ, “ᑕᒪᑐᒥᖓ ᑕᑯᑎᑕᐅᓂᑦᓯᓐᓂᒃ ᑭᓇᑐᐃᓐᓇᕐᒧᑦ ᐅᖃᕐᑍᓕᒋᑦᓯ; ᐃᓅᑉ ᐃᕐᓂᖓ ᒪᑭᓚᐅᖅᑳᕐᑎᓐᓇᒍ ᑐᖁᖓᔪᓂᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:17

ᐲᑦᑐᕉᓯ ᑕᒪᑐᒥᖓ ᑕᑯᑎᑕᐅᓂᕐᒥᓂᒃ ᐃᓗᒥᒍᑦ ᐃᓱᒪᒃᓴᕐᓯᐅᕐᑎᓪᓗᒍ ᖃᓄᖅ ᑐᑭᖃᕐᒪᖔᑦ, ᑕᑯᒋᑦ, ᑰᓂᓕᐅᓯᐅᑉ ᑎᓕᔭᖏᑦ ᓮᒨᓂᐅᑉ ᐃᒡᓗᖓᓂᒃ ᓇᓂᓯᒐᒥᒃ ᐃᑎᕐᑕᕐᕕᖓᑕ ᓯᓚᑖᓃᓕᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 26:19

“ᑍᒫᒡᓕ, ᐊᖓᔪᖅᑳᕐᔪᐊᖅ ᐊᒍᕆᐹ, ᑕᑯᑎᑕᐅᓂᕋ ᒪᓕᑦᓯᐊᓚᐅᕐᐸᕋ ᕿᓚᖕᒥᑦ ᐱᔪᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:1

ᓱᓕ ᓂᕐᑑᑎᔭᕆᐊᖃᕋᒪ; ᑕᒪᓐᓇ ᐱᕙᓪᓕᕈᑎᒃᓴᐅᖏᒃᑲᓗᐊᕐᑎᓪᓗᒍ, ᐅᖃᐅᓯᖃᕈᒪᕗᖓᓕ ᐊᑕᓂᕐᒥᑦ ᑕᑯᑎᑕᐅᓂᕐᒥᒃ, ᖃᐅᔨᑎᑕᐅᓂᕐᒥᒡᓗ.

ᐲᑦᑐᕉᓯ ᐂᑉᐸᖏᑦ 1:21

ᓇᓚᐅᑦᑍᑦᔪᑕᐅᓯᒪᔪᑦ ᐃᓅᑉ ᐃᓱᒪᖓᓂᑦ ᐱᔪᖃᓚᐅᕐᓯᒪᖏᒻᒪᑕ, ᐃᓄᐃᓪᓕ ᐅᖃᕈᓐᓇᕐᑎᑕᐅᓯᒪᕗᑦ ᒎᑎᒥᑦ ᐱᔪᓂᒃ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑕᓯᐅᕐᑕᐅᓪᓗᑎᒃ ᑭᓯᐊᓂ.