ᕼᐆᓯᐊᑉ ᐊᒡᓚᖏᑦ 9:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐃᕗᕅᑎᐅᑉ ᖃᐅᔨᓴᕐᑎᖓ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᒋᕚ, ᒎᑎᒪ ᐃᓄᖁᑎᖏᓐᓂ, ᑍᒪᓐᖓᓪᓕ ᓂᒐᕐᑎᑕᐅᓇᓱᐊᕐᐳᖅ ᐆᒥᓱᒃᑎᒧᑦ, ᒎᑎᖓᑕᓗ ᐃᒡᓗᖓᓂ ᐆᒥᒋᔭᐅᕗᖅ.

ᕼᐆᓯᐊᑉ ᐊᒡᓚᖏᑦ 9:8 Iomraidhean Croise

ᐊᑕᓃᑦ ᓯᕗᓪᓖᑦ 17:1

ᐃᓔᑦᔭ ᑎᓯᐰᑎᒥᐅᑕᖅ, ᒋᓕᐊᑏᑦ ᓄᓇᖓᓂᑦ, ᐅᖃᕐᐳᖅ ᐂᕼᐊᑉᒧᑦ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᐃᓅᖕᒪᑦ, ᑖᑦᓱᒪ ᓵᖓᓂ ᓇᖏᕐᐳᖓ, ᐂᔪᖓᓇᕐᑐᖃᕐᓂᐊᓐᖏᓚᖅ ᓯᓚᓗᖃᕐᓂᐊᕈᓐᓃᕐᓗᓂᓗ ᐊᕐᕌᒍᓂ ᑖᒃᑯᓇᓂ, ᐱᖁᔨᓕᕐᓗᖓ ᐅᖃᓚᐅᖏᓐᓂᓐᓂ.”

ᐊᑕᓃᑦ ᓯᕗᓪᓖᑦ 18:1

ᑕᒪᑐᒪ ᑭᖑᕐᖓᒍᑦ ᐅᓪᓗᐃᑦ ᐅᓄᕐᑐᑦ ᐊᓂᒍᕐᑎᓪᓗᒋᑦ ᐊᑕᓂᐅᑉ ᐅᖃᐅᓯᖓ ᑎᑭᑉᐳᖅ ᐃᓔᑦᔭᒧᑦ, ᐊᕐᕌᒍᐃᑦ ᐱᖓᔪᐊᓐᓂ, ᐅᖃᕐᓗᓂ, “ᐂᓕᕆᑦ, ᐂᕼᐊᑉᒧᑦ ᐅᐸᒍᑎᓗᑎᑦ; ᓯᓚᓗᒃᑎᑦᓯᓂᐊᓕᕋᒪ ᓄᓇᒧᑦ.”

ᐊᑕᓃᑦ ᓯᕗᓪᓖᑦ 18:19

ᒫᓐᓇᓕ ᑍᒤᒻᒪᑦ ᐃᓴᕆᐊᓕᒥᐅᓕᒫᑦ ᑲᑎᓯᖁᓗᒋᑦ ᐅᕙᓐᓂᒃ ᑎᓕᓯᓕᕆᑦ ᖃᖅᑲᒧᑦ ᑳᕐᒥᐅᑉ ᖄᖓᓄᑦ, ᐰᓕᐅᓪᓗ ᐅᖃᕐᑎᖏᑦ 450, ᐊᓯᕋᐅᓪᓗ ᐅᖃᕐᑎᖏᑦ 400, ᓂᕆᕙᒃᑐᑦ ᔨᔨᐱᐊᓕᐅᑉ ᓂᕆᕕᖓᓂ ᕾᖃᑕᐅᓗᑎᒃ.”

ᐊᑕᓃᑦ ᓯᕗᓪᓖᑦ 22:11

ᔨᑎᑬᐊᓕ ᓯᓈᓇᐅᑉ ᐃᕐᓂᖓ ᓴᕕᕋᔭᖕᓂᒃ ᓇᒡᔪᓐᖑᐊᖕᓂᒃ ᓇᖕᒥᓂᖅ ᓴᓇᕗᖅ, ᐅᖃᕐᓗᓂᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᑖᒃᑯᖕᓄᖓ ᓯᕆᐊᒥᐅᑦ ᐊᔭᐅᕈᒫᕐᐸᑎᑦ ᓵᓚᒋᒻᒪᕆᒡᓗᒋᑦ.’”

ᐊᑕᓃᑦ ᓯᕗᓪᓖᑦ 22:22

ᐊᑕᓂᐅᓪᓗ ᐅᖃᐅᑎᕚ, ‘ᖃᓄᐃᓕᐅᕐᓗᑏᑦ?’ ᐅᖃᐅᑎᕚ, ‘ᐂᔪᒪᕗᖓ ᐊᓂᕐᓂᐅᓗᖓ ᓴᒡᓗᕿᑦᓯᓗᖓ ᐂᕼᐊᐱᐅᑉ ᐅᖃᕐᑎᓕᒫᖏᑕ ᖃᓂᖏᓐᓂ ᐊᑐᕐᓂᐊᕐᐳᖓ.’ ᐊᑕᓂᕐᓗ ᐅᖃᕐᐳᖅ, ‘ᐊᑏ ᓴᒡᓗᕿᑦᓯᔭᕐᑐᓕᕆᑦ, ᓵᓚᖃᕐᓂᐊᕐᐳᑎᑦ; ᐂᓗᑎᑦ ᑍᒤᓕᐅᕆᐊᕐᑐᓕᕆᑦ.’

ᐊᑕᓃᑦ ᓯᕗᓪᓖᑦ 22:28

ᒤᑬᐊᓕ ᐅᖃᕐᐳᖅ, “ᐅᑎᕋᔭᕈᕕᑦ ᖃᓄᐃᖏᑦᓯᐊᕐᓗᑎᑦ, ᐊᑕᓂᖅ ᑕᕝᕙ ᐅᕙᒃᑯᑦ ᐅᖃᓪᓚᒃᑐᕕᓂᐅᒐᔭᓐᖏᓚᖅ.” ᐅᖃᕐᐳᕐᓗ, “ᑐᓴᑦᓯᐊᕆᑦᓯ, ᑕᒪᑦᓯ ᐅᖃᐅᓯᓐᓂᒃ.”

ᐊᑕᓃᑦ ᓯᕗᓪᓖᑦ 22:6

ᑕᕝᕙ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᑕ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᑲᑎᑎᑉᐰᑦ, 400 ᖃᓂᒋᔮᓃᑦᑐᑦ, ᐅᖃᐅᑎᕔᓪᓗ, “ᕌᒪᑦ-ᒋᓖᑦᒦᑦᑐᒧᑦ ᐅᓇᑕᕆᐊᕐᑐᒃᓴᐅᕗᖔ, ᐅᕝᕙᓗ ᐅᓇᑕᕆᐊᕆᐊᖃᓐᖏᓚᖓ?” ᑖᒃᑯᐊ ᐅᖃᐅᑎᕚᑦ, “ᐅᓇᑕᕆᐊᓕᕆᑦ; ᐊᑕᓂᐅᑉ ᑐᓂᔪᒫᕐᐹ ᐊᖓᔪᖅᑳᕐᔪᐊᕐᒧᑦ.”

ᐊᑕᓃᑦ ᐂᑉᐸᖏᑦ 13:21

ᐅᓪᓗᐃᑦ ᐃᓚᖓᓐᓂ ᐃᓴᕆᐊᓕᒥᐅᑍᑦ ᐃᓅᔪᓐᓃᕐᑐᕕᓂᕐᒥᒃ ᐃᓗᕕᕐᓯᓇᓱᒃᑎᓪᓗᒋᑦ, ᑎᑭᑕᐅᕗᑦ ᐃᓄᐊᕐᑎᓄᑦ: ᑎᑭᑕᐅᓕᕋᒥᒃ ᐃᓗᕕᕐᓂᐊᕐᑕᒥ ᑎᒥᕕᓂᖓ ᐃᓕᔭᐅᕗᖅ ᐃᓗᕕᖓᓄᑦ ᑲᑍᑐᐃᓐᓇᕐᓗᒍ ᕿᒪᒃᓯᕗᑦ ᑎᒥᕕᓂᖅ ᐃᓔᓴᐅᑉ ᑎᒥᕕᓂᖓᑕ ᓴᐅᓂᕕᓂᖏᓐᓄᑦ ᐊᒃᑑᑎᒐᒥ ᐆᒻᒪᕐᐳᖅ, ᐆᒻᒪᕋᒥᓗ ᓂᑯᕕᑉᐳᖅ.

ᐊᑕᓃᑦ ᐂᑉᐸᖏᑦ 2:14

ᐅᓕᒃ ᑲᑍᕋᑖᕐᑕᖓ ᑎᒍᓪᓗᓂᐅᒃ ᑖᑦᓱᒧᖓ ᐃᒪᖅ ᑏᒐᕐᐹ, ᐅᖃᕐᓗᓂᓗ, “ᓇᐅᒡᓕ ᑍᒪ ᐊᑕᓂᖅ ᐃᓔᑦᔭᐅᑉ ᒎᑎᖓ?” ᐃᓔᓴᐅᑉ ᐃᒪᖅ ᑏᒐᕐᒪᒍ ᐃᒪᖅ ᐊᕙᒻᒧᑦ ᐃᕐᐸᕐᐳᖅ, ᐃᓔᓴᓗ ᐃᑳᕐᐳᖅ.

ᐊᑕᓃᑦ ᐂᑉᐸᖏᑦ 2:21

ᑕᕝᕙ ᑰᒐᓛᒧᑦ ᐂᕗᖅ ᓄᓇᐅᑉ ᐃᓗᐊᓂᑦ ᑰᒃᑐᒧᑦ ᑕᕆᐅᕐᓗ ᑰᒐᓛᒧᑦ ᑲᑕᒐᕐᑎᑉᐹ, ᐅᖃᕐᓗᓂᓗ, “ᐃᒫᒃ ᐊᑕᓂᖅ ᐅᖃᕐᐳᖅ, ᐃᒪᖅ ᑕᒪᓐᓇ ᐃᒪᑦᓯᐊᕙᓐᖑᕐᑎᑉᐸᕋ ᑐᖁᑎᑦᓯᖃᑦᑕᒃᑲᓐᓂᕐᓂᐊᕈᓐᓃᕐᐳᖅ ᓄᓇᒥᒡᓗ ᐱᕈᕕᐅᔪᓐᓁᓕᑎᑦᓯᕙᒍᓐᓃᕐᓗᓂ.”

ᐊᑕᓃᑦ ᐂᑉᐸᖏᑦ 4:41

ᐃᓔᓴ ᐅᖃᕐᐳᖅ, “ᓂᐊᖂᔭᒥᒃ ᐆᓯᒪᖏᑦᑐᒥᒃ ᕾᑦᓯᔪᖃᓚᐅᕐᓕ.” ᕾᑦᓯᔪᖃᕐᒪᑦ ᖃᔪᓕᐊᕆᔭᐅᔪᒧᑦ ᓈᕕᓚᐅᕐᓗᓂᐅᒃ ᐅᖃᕐᐳᖅ, “ᐊᑏ ᑐᓂᓗᒋᑦ ᓂᕆᓕᕆᑦᓯ.” ᖃᔪᕐᓗ ᖃᓄᐃᖏᑦᓯᐊᓕᓚᐅᕐᕆᕗᖅ ᑐᖁᓐᓇᕐᑐᖃᕈᓐᓃᕐᓗᓂ.

ᐊᑕᓃᑦ ᐂᑉᐸᖏᑦ 4:43

ᐱᔨᖓᑕ ᐅᖃᐅᑎᕚ, “ᓈᒻᒪᖕᓂᐊᕋᓗᐊᕐᒪᑖ ᐃᓄᖕᓄᑦ 100ᓄ?” ᐃᓔᓴᓕ ᐅᖃᑐᐃᓐᓇᕆᕗᖅ, “ᑖᒃᑯᐊ ᐃᓄᖕᓄᑦ ᑐᓂᔭᐅᓕᑦ ᓂᕆᓂᐊᕐᒪᑕ, ᐃᒫᒃ ᐊᑕᓂᖅ ᐅᖃᕐᒪᑦ ᓂᕆᒐᓗᐊᕐᐸᑕ ᓱᓕ ᐊᒥᐊᒃᑯᓂᐊᕐᐳᑦ.”

ᐊᑕᓃᑦ ᐂᑉᐸᖏᑦ 5:14

ᑕᕝᕙ ᑰᓕᐊᕐᐳᖅ ᔪᐊᕐᑕᓂᒧᑦ 7ᐃᕐᑐᕐᓗᓂᓗ ᐊᖅᑲᕐᐳᖅ, ᒎᑎᐅᑉ ᐃᓄᖁᑎᖓᑕ ᐅᖃᐅᓯᖏᑦ ᒪᓕᒡᓗᒋᑦ; ᐅᕕᓂᖓᓗ ᐋᖅᑭᒃᐳᖅ ᓴᓗᒪᑦᓯᐊᕐᓗᓂ ᐃᓅᓱᒃᑐᑯᓗᒃᑎᑐᑦ ᐅᕕᓂᖓ ᑍᒤᓕᕐᓗᓂ.

ᐊᑕᓃᑦ ᐂᑉᐸᖏᑦ 5:27

ᓁᒪᓐ ᑲᑉᐱᐊᒋᔭᐅᔪᒥ ᐸᕐᑎᕐᓂᕆᓚᐅᕐᑕᖓ ᐱᑖᕆᓂᐊᓕᕐᐸᑦ, ᑭᖑᕚᑎᑦ ᑎᑭᓪᓗᒋᑦ ᑕᐅᕗᖓᓕᒫᖅ.” ᒋᕼᐋᓯ ᑕᕝᕙ ᐃᓔᓴᐅᑉ ᐃᒡᓗᖓᓂᑦ ᐊᓂᕗᖅ ᐅᕕᓂᕐᓘᑎᓗ ᐱᒋᐊᕐᐳᖅ ᐅᕕᓂᖓ ᐊᐳᑎᑐᑦ ᖃᑯᕐᓯᑎᒋᓪᓗᓂ.

ᐊᑕᓃᑦ ᐂᑉᐸᖏᑦ 7:19

ᑍᓐᓇᓕ ᐅᓇᑕᕐᑎᓄᑦ ᐊᖓᔪᖅᑳᖅ, ᑭᐅᓚᐅᕐᑐᖅ ᒎᑎᐅᑉ ᐃᓄᖁᑎᖓᓄᑦ ᐅᖃᕐᓗᓂ, “ᑕᑯᒋᑦ ᐊᑕᓂᐅᑉ ᕿᓚᐅᑉ ᐃᒐᓛᖏᑦ ᐅᒃᑯᐃᕈᓐᓇᕋᓗᐊᕐᐸᒋᑦ, ᑍᒤᑐᖃᕈᓐᓇᕐᓯᓇᔭᕐᐹ?” ᒎᑎᐅᑉ ᐃᓄᖁᑎᖓᑕ ᑭᐅᕚ, “ᑕᑯᔪᓐᓇᕐᓯᓛᕐᐳᑎᑦ ᑕᒪᑐᒥᖓ ᑭᓯᐊᓂᓕ ᓂᕆᖃᑕᐅᕕᒋᓂᐊᓐᖏᓚᑦ.”

ᐊᑕᓃᑦ ᐂᑉᐸᖏᑦ 7:2

ᐅᓇᑕᕐᑏᑦ ᐊᖓᔪᖅᑳᖓ ᐊᖓᔪᖅᑳᔪᐊᑉ ᐊᒃᑐᐊᔭᖓ ᑕᓕᕐᒥᓄᑦ ᒎᑎᐅᑉ ᐃᓄᖁᑎᖓᓄᑦ ᐅᖃᕐᐳᖅ, “ᑕᑯᒋᑦ, ᐊᑕᓂᐅᑉ ᕿᓚᒃ ᐅᒃᑯᐃᕐᓗᒍ ᑯᕕᑎᑦᓯᒐᔭᕋᓗᐊᕐᐹ ᓂᕿᒃᓴᓂᒃ, ᑕᒪᓐᓇ ᐅᖃᐅᓯᕆᔧᑦ ᐊᑑᑎᓕᕈᓐᓇᕋᔭᕐᐹ?” ᐃᓔᓴᐅᑉ ᑭᐅᕚ, ᓇᖕᒥᓂᖅ ᐃᔨᖕᓄᑦ ᑕᒪᓐᓇ ᑕᑯᓛᕐᐸᑦ ᑭᓯᐊᓂᓕ ᐅᖁᒻᒥᕐᓯᕕᒋᔪᒫᓐᖏᓚᑦ.

ᐃᓐᖏᕈᑎᑦ 124:7

ᑕᕐᓂᕗᑦ ᐊᓐᓇᓚᐅᕐᐳᑦ ᑎᖕᒥᐊᑉ ᐊᓐᓇᖕᓂᖓᑐᑦ ᑎᖕᒥᐊᕋᓱᒃᑑᑉ ᓂᒐᖓᓂᑦ; ᓂᒐᕆᔭᐅᔪᖅ ᕿᒃᑐᕋᕐᒪᑦ, ᑕᕝᕙ ᐊᓐᓇᓚᐅᕐᐳᒍᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:12

ᑭᓇᓘᓐᓃᑦ ᑲᓄᐃᑲᓪᓚᖕᓂᐊᕐᑐᓄᑦ ᐅᐸᓗᖎᕐᓯᒪᔪᓐᓇᖏᒻᒪᑦ: ᓲᕐᓗ ᐃᖃᓗᐃᑦ ᓄᓗᐊᓄᑦ ᑐᖁᑕᐅᓐᓇᕐᑐᒧᑦ ᑎᑭᒻᒪᑕ, ᐅᕝᕙᓗ ᑎᖕᒥᐊᑦ ᓂᒐᕐᓄᑦ ᑎᑭᒻᒪᑕ, ᑍᒫᒃᑕᐅᖅ ᐃᓄᐃᑦ ᐱᐅᖏᑦᑐᓄᑦ ᖃᓄᐃᓕᓇᕐᑐᓄᑦ ᓂᒐᕐᑎᑕᐅᔪᑐᑦ ᑎᑭᑉᐸᒃᐳᑦ, ᑕᕝᕔᓐᓇᖅ ᐅᐸᓗᐃᔭᐅᓪᓗᑎᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 3:3

ᐅᓐᓄᐊᒃᑯᑦ ᖃᐅᔨᓴᕐᑎᑦ ᑲᑎᒐᒃᑭᑦ, ᐃᒡᓗᒐᓴᖕᓂ ᐱᓱᑲᑕᒃᑎᓪᓗᒋᑦ. ᐊᐱᕆᕙᒃᑲ, “ᐅᖓᔭᕋ ᑕᑯᓚᐅᕐᐱᓯᐅᒃ?”

ᐂᓮᐊᓯᐅᑉ ᐊᒡᓚᖏᑦ 62:6

ᐊᕙᓗᕐᔪᐊᕐᓂ ᔨᕉᓴᓕᒻ ᖃᐅᔨᓴᕐᑎᑖᕐᑎᓚᐅᕐᐸᒋᑦ; ᐅᓪᓗᒃᑯᑦ ᐅᓐᓄᐊᒃᑯᓪᓘᓐᓃᑦ ᓂᐰᓚᐅᕐᓯᒪᓂᐊᖏᑦᑐᓂᒃ, ᐊᑕᓂᕐᒥᒃ ᐅᖃᐅᓯᖃᕐᐸᒃᑐᓯ ᓄᖅᑲᕐᑍᓕᒋᑦᓯ,

ᔨᕆᒤᐊᐅᑉ ᐊᒡᓚᖏᑦ 11:19

ᖃᐅᔨᒪᓇᖓᓕ ᓄᕐᕋᐅᔭᕐᑎᑐᑦ ᑐᖁᑕᐅᕕᒃᓴᒥᓄᑦ ᐋᑕᐅᓕᕐᑐᑎᑐᑦ ᑍᒤᓚᐅᕐᐳᖓ. ᖃᐅᔨᒪᓚᐅᓐᖏᓚᖓ ᐋᖅᑭᒃᓱᐃᓯᒪᔪᕕᓂᐅᓕᕐᑎᓪᓗᒋᑦ ᑐᖁᑦᓯᔪᒪᓪᓗᑎᒃ ᐅᕙᓐᓂᒃ, ᐅᖃᕐᓗᑎᒃ, “ᓇᐹᕐᑐᖅ ᐊᓯᕈᓚᐅᕐᓚᕗᑦ ᐱᕈᕐᑐᖏᓪᓗ ᐆᒪᔪᑦ ᓄᓇᖓᓂᑦ ᓇᑲᓚᐅᕐᓚᕗᑦ, ᐊᑎᖓᓗ ᐃᖅᑲᐅᒪᔭᐅᔪᓐᓁᖁᓪᓗᒍ.”

ᔨᕆᒤᐊᐅᑉ ᐊᒡᓚᖏᑦ 14:13

ᑕᕝᕙ ᐅᖃᕐᐳᖓ, “ᐊᑕᓃᖅ ᒎᑏ, ᑕᑯᒋᑦ, ᐱᔪᖃᓛᕐᑐᓂᒃ ᐅᖃᕐᑎᓄᑦ ᐅᖃᐅᑎᔭᐅᖃᑦᑕᕐᐳᑦ, ‘ᐅᓇᑕᕐᑐᓂᒃ ᑕᑯᓂᐊᓐᖏᓚᓯ, ᑳᖕᓇᕐᑐᖃᕐᓂᐊᓐᖏᓚᕐᓘᓐᓃᑦ, ᖃᓄᐃᓐᓇᕐᑐᖃᖏᑦᑐᒥᓕ ᐃᓅᑦᓯᐊᕐᓂᐊᕐᐳᓯ.’”

ᔨᕆᒤᐊᐅᑉ ᐊᒡᓚᖏᑦ 23:13

ᓴᒥᐊᕆᐊᕐᒥᐅᓂᓗ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᒋᔭᐅᔪᓂᒃ ᐱᐅᖏᑦᑐᕐᔪᐊᕌᓗᖕᒥᒃ ᑕᑯᓯᒪᕗᖓ: ᐅᖃᓪᓚᖃᑦᑕᕐᒪᑕ ᐰᓕᒧᑦ ᐅᖃᕐᑎᑕᐅᓂᕋᕐᓗᑎᒃ ᐃᓄᖁᑎᒃᑲᓗ ᑕᒻᒪᕐᑎᓯᒪᓕᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 31:6

ᐅᓪᓗᖅ ᓇᓪᓕᐅᑎᔪᒫᕐᐳᖅ ᐃᕗᕅᒻ ᖃᖅᑲᖏᓐᓂ ᖃᐅᔨᓴᕐᑏᑦ ᕾᒐᓛᕐᕕᒃᓴᖓᑦ, ‘ᕾᓕᕆᑦᓯ ᓮᐅᓂᒧᐊᓚᐅᕐᑕ, ᐊᑕᓂᐅᑉ ᒎᑎᑦᑕ ᓇᔪᕐᑕᖓᓄᑦ.’”

ᔨᕆᒤᐊᐅᑉ ᐊᒡᓚᖏᑦ 6:14

ᐃᓄᖁᑎᒪ ᑭᓪᓕᖏᓐᓂᒃ ᒪᑦᑐᓯᕐᓯᑐᐃᓐᓇᕐᐳᑦ. ᐅᖃᕐᓗᑎᒃ, ‘ᖃᓄᐃᓐᓇᕐᑐᖃᓐᖏᓚᖅ,’ ᖃᓄᐃᓐᓇᕐᑐᒦᒃᑲᓗᐊᕋᒥᒃ.

ᔨᕆᒤᐊᐅᑉ ᐊᒡᓚᖏᑦ 6:17

ᖃᐅᔨᓴᕐᑎᓂᒃ ᑎᓕᓯᓚᐅᕐᐳᖓ ᐃᓕᑦᓯᓐᓄᑦ ᐅᖃᐅᔨᖁᓪᓗᒋᑦ ᑎᑦᑐᓚᐅᑦ ᓂᐱᖓᓂᒃ ᑐᓴᖁᓪᓗᓯ, ᑭᓯᐊᓂᓕ ᐅᖃᓚᐅᕐᐳᓯ ᓈᓚᒍᒪᖏᓐᓂᕋᕐᓗᓯ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:14

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑕ ᑕᑯᑎᑕᐅᓂᖏᑦ ᓱᓕᓐᓂᖏᒻᒪᑕ ᐊᑑᑎᖃᕋᑎᒡᓗ, ᐊᔪᕐᑐᓕᓯᒪᓂᑦᓯᓐᓂᒃ ᑕᑯᑎᑦᓯᓚᐅᖏᒻᒪᑕ ᑎᒍᔭᐅᖁᓇᓯ, ᐊᔪᕆᕐᑐᐃᑦᔪᑎᒋᔭᖏᑦ ᓱᓕᖏᒻᒪᑕ ᑕᒻᒪᕐᑎᑦᓯᓪᓗᑎᒡᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:13

ᑍᒤᑦᓱᓐᓁᓚᐅᕐᐳᕐᓕ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ, ᑐᓂᕐᕈᓯᕐᑎᑦᓯᔨᖁᑎᖏᓪᓗ ᒎᑎᒧᑦ ᐊᔪᕐᑐᓕᓚᐅᕐᒪᑕ ᑐᖁᑕᐅᑎᑦᑎᓯᒪᓂᕐᒥᖕᓄᑦ ᐸᓯᔭᒃᓴᐅᖏᑦᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 3:17

“ᐃᓅᑉ ᐃᕐᓂᖓ, ᖃᐅᔨᓴᕐᑎᓐᖑᕐᑎᑉᐸᒋᑦ ᐃᓴᕆᐊᓕᐅᑉ ᑭᖑᕚᖏᓐᓄᑦ; ᑍᒤᒻᒪᑦ ᐅᖃᐅᓯᒃᑲ ᑐᓴᕈᕕᒋᑦ ᖃᓂᓐᓂᑦ ᐊᓂᔪᑦ, ᐃᓂᕐᑎᒃᑭᑦ ᐅᕙᓐᓂᑦ ᐱᔪᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 33:7

ᑍᒤᒻᒪᑦ, ᐃᓅᑉ ᐃᕐᓂᖓ, ᖃᐅᔨᓴᕐᑎᓐᖑᕐᑎᑉᐸᒋᑦ ᐃᓴᕆᐊᓕᐅᑦ ᑭᖑᕚᖏᓐᓄᑦ; ᐅᖃᐅᓯᕐᓂᒃ ᖃᓂᓐᓂᑦ ᐱᔪᓂᒃ ᑐᓴᑐᐊᕈᕕᑦ, ᐅᖃᐅᓯᕆᖃᑦᑕᕐᓂᐊᕐᐸᑎᑦ ᖃᐅᔨᑎᑦᓯᒋᐊᕈᑎᒋᔭᓐᓂᒃ ᑖᒃᑯᓄᖓ.

ᕼᐆᓯᐊᑉ ᐊᒡᓚᖏᑦ 5:1

“ᐅᓇ ᓈᓚᒃᓯᐅᒃ, ᑐᓂᕐᕈᓯᕐᑎᑦᓯᔨᐅᔪᓯ! ᓈᓚᑦᓯᐊᓚᐅᕆᑦᓯ, ᐃᓴᕆᐊᓕᒥᐅᑦ ᑭᖑᕚᖏᑦ! ᓈᓚᒋᑦᓯ, ᐊᖓᔪᖅᑳᕐᔪᐊᑉ ᑭᖑᕚᖏᑦ! ᐋᖅᑭᒃᓱᐃᔨᐅᔪᒃᓴᐅᓪᓗᓯ ᐊᑦᔨᒌᒃᑎᑦᓯᓂᕐᒧᑦ ᐱᔭᒃᓴᖃᕋᓗᐊᕐᐳᓯ; ᒥᑭᒋᐊᖑᓕᕐᐳᓯᓕ ᒥᔅᐸᒥ, ᓄᓗᐊᑐᑦ ᐃᓯᕕᓯᒪᔪᑎᑐᑦ ᖃᖅᑲᒥ ᑍᐸᕆᒥ.

ᕼᐆᓯᐊᑉ ᐊᒡᓚᖏᑦ 9:7

ᐅᓪᓗᐃᑦ ᓱᒋᐊᕐᑕᐅᕖᑦ ᑎᑭᑉᐳᑦ, ᐅᓪᓗᐃᓪᓗ ᐊᑭᓕᕐᑕᐅᕖᑦ ᑎᑭᑉᐳᑦ; ᐃᓴᕆᐊᓕ ᖃᐅᔨᓂᐊᕐᐳᖅ. ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᓯᓔᑦᑑᕗᖅ, ᐊᓂᕐᓂᓕᕆᔪᕐᓗ ᐃᓱᒤᕈᑎᕗᖅ, ᐱᐅᖏᑦᑐᓕᓂᓯ ᐊᖏᓗᐊᕐᓂᖓᓄᑦ ᐆᒥᓱᖕᓂᓯᓗ ᐊᖏᓗᐊᕐᓂᖓᓄᑦ.

ᕼᐆᓯᐊᑉ ᐊᒡᓚᖏᑦ 9:9

ᑖᒃᑯᐊ ᐃᒻᒥᖕᓂᒃ ᐃᑎᔪᒥᒃ ᓱᒃᑯᑎᕐᓯᒪᕗᑦ ᒋᐱᐊᑉ ᐅᓪᓗᖏᓐᓂ ᐱᔪᖃᓚᐅᕐᑐᑎᑐᑦ: ᐱᐅᖏᑦᑐᓕᓂᖏᑦ ᐃᖅᑲᐅᒪᓂᐊᕐᐰᑦ, ᐊᔪᕐᓂᖏᓪᓗ ᓱᒋᐊᕈᒫᕐᐰᑦ.

ᒤᑲᐅᑉ ᐊᒡᓚᖏᑦ 7:4

ᐱᐅᓂᕐᐹᕆᔭᕋᓗᐊᖏᑦ ᑲᑭᓪᓚᐅᑎᓕᒃᑎᑑᕐᐳᑦ; ᐅᒃᐱᕐᓇᕐᓂᕐᐹᖏᓪᓗ ᐅᕐᐱᖕᓂᑦ ᑲᑭᓪᓚᐅᑎᓕᖕᓂᑦ ᐱᐅᖏᓐᓂᕐᓴᐅᕗᑦ. ᐅᓪᓗᖅ ᓇᓪᓕᐅᑎᕗᖅ ᖃᐅᔨᓴᕐᑎᑦᓯ ᐅᖃᐅᓯᕆᓯᒪᔭᖏᑦ ᓱᒋᐊᕐᑕᐅᕕᒃᓴᓯᓗ ᐅᓪᓗᖅ ᑎᑭᓪᓗᓂ. ᒫᓐᓇ ᓇᓗᓕᐅᒪᓂᐊᓕᕐᐳᓯ.

ᔪᐊᓇᓯᐅᑉ ᐊᒡᓚᖏᑦ 15:24

ᐱᓂᐊᕐᓂᖃᓚᐅᖏᒃᑯᒪ ᐱᓂᐊᕐᓂᕆᔭᐅᓚᐅᕐᓯᒪᖏᑦᑐᒥᒃ ᑖᒃᑯᓄᖓ, ᐊᔪᕐᓂᖃᕋᔭᓐᖏᓚᑦ; ᒫᓐᓇᓕ ᑕᑯᓯᒪᕗᑦ ᐊᑖᑕᒐᓗ ᑕᒪᓐᓄᒃ ᐆᒥᒋᕚᑎᒃᑯᒃ.

ᕉᒪᒥᐅᓄᑦ 3:7

ᐅᕙᖓᓕ ᓱᓕᖏᓐᓂᓐᓄᑦ ᒎᑎᐅᑉ ᓱᓕᑦᓯᐊᕐᓂᖓ ᐊᖏᒡᓕᒃᐸᑦ ᓂᕐᑐᕐᓇᕐᓂᕐᔪᐊᖑᓕᕐᓗᓂ, ᓱᖕᒪᓪᓖ? ᓱᓕ ᐃᒋᑕᒃᓴᐅᒐᔭᕐᐳᖓ ᐊᔪᕐᑐᓕᓂᓐᓄᑦ?

ᐄᑉᕈᐃᓄᑦ 13:17

ᓯᕗᓕᕐᑎᓯ ᓈᓚᒃᓯᒋᒃ ᐱᖁᔨᓂᖏᓪᓗ ᐊᑐᑦᓯᐊᕐᓗᒋᑦ; ᑕᕐᓂᑦᓯᓐᓂᒃ ᑲᒪᒋᔭᖃᕐᒪᑕ, ᐱᓂᐊᕐᓂᕆᔭᒥᓂᒃᑕᐅᖅ ᓇᓗᓁᕐᓯᔭᕆᐊᖃᕈᒫᕐᒪᑕ ᒎᑎᒧᑦ. ᖁᕕᐊᓱᒡᓗᑎᒃ ᐱᓇᓱᐊᖁᓪᓗᒋᑦ, ᖁᕕᐊᓱᖏᑦᑑᖏᓪᓗᑎᒃ, ᖁᕕᐊᒋᖏᓪᓗᒍ ᐱᓇᓱᐊᕐᐸᑕ ᐃᓕᑦᓯᓐᓄᑦ ᐃᑲᔪᕐᓂᖃᑦᔮᖏᒻᒪᑕ.