ᕼᐆᓯᐊᑉ ᐊᒡᓚᖏᑦ 9:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑕᑯᒋᑦ, ᐊᓯᕈᕐᑕᐅᓂᕐᒥᑦ ᕿᒫᓇᓱᐊᕐᐳᑦ; ᐄᑦᔨᑉᑎᒥᐅᓪᓕ ᑲᑎᕐᓱᕈᒫᕐᐰᑦ, ᒥᒻᐱᓯᒥᐅᓪᓗ ᐃᓗᕕᕈᒫᕐᐰᑦ. ᓯᐅᓪᕕᕆᖁᑎᖏᑕᓗ ᐃᓂᖏᑦ ᐱᕈᕐᓂᕐᓗᒃᑐᓄᑦ ᐱᕈᕐᕕᐅᔪᒫᕐᐳᑦ, ᐅᕐᐱᒊᓪᓗ ᑲᑭᓪᓚᕐᓇᕐᑐᑦ ᑐᐱᖏᓐᓂ ᐱᕈᕈᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 9:6 Iomraidhean Croise

ᐊᑕᓃᑦ ᐂᑉᐸᖏᑦ 13:7

ᔨᕼᐅᐊᕼᐊᔨᐅᑉ ᐅᓇᑕᕐᑎᖁᑎᖏᑦ ᐊᒥᐊᒃᑯᑐᐊᖃᓚᐅᕐᐳᑦ 50ᓂᒃ ᕿᒥᕐᔪᐊᓕᖕᓂᒃ, 10ᓂᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓃᑦᑐᓂᒃ 10,000ᓂᒡᓗ ᐅᓇᑕᕐᑎᓂᒃ ᐱᓱᒃᑎᓂᒃ; ᓯᕆᐊᒥᐅᑦ ᓄᖑᕋᓚᐅᕐᒪᒋᑦ ᓯᖃᓕᓯᔨᓄᑦ ᓯᖃᓪᓕᔭᐅᔪᑎᑐᑦ ᓱᓇᐅᒋᔭᐅᒐᑎᒃ.

ᐃᓐᖏᕈᑎᑦ 107:34

ᓄᓇᓗ ᐱᕈᕐᑐᖃᑦᓯᐊᕐᑐᖅ ᐱᕈᕐᕕᐅᔪᓐᓁᓪᓕᑎᑉᐹ ᑕᕆᐅᕈᕐᓗᓂ, ᑕᕝᕙᓂ ᓄᓇᖃᕐᑐᑦ ᐱᐅᖏᑦᑐᓕᓂᖏᑦ ᐱᑦᔪᑎᒋᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:31

ᐃᒤᓕᖓᓚᐅᕐᐳᑦ, ᐅᕐᐲᑦ ᑲᑭᓪᓚᕐᓇᕐᑐᓖᑦ ᓇᓂᑐᐃᓐᓇᖅ ᐱᕈᕐᐳᑦ; ᓄᓇ ᖄᐹᕐᓯᒪᕗᖅ ᐱᕈᕐᓂᕐᓗᒃᑐᓂᒃ ᑕᑭᔫᑎᓂᒃ, ᐊᕙᓗᐊᓗ ᐅᔭᕋᒃ ᓯᖁᒥᓯᒪᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 11:11

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᐊᒡᒐᓂ ᐃᓴᒍᒫᕐᐰᑦ ᐃᓄᖁᑎᓂ ᐊᒥᐊᒃᑰᔪᑦ ᐅᑎᕐᑎᑦᓱᒪᓗᒋᑦ, ᐊᓯᕆᐊᒥᑦ ᐄᑦᔨᑉᑎᒥᓪᓗ, ᐹᑐᕉᓯᒥᑦ ᐃᑎᐅᐱᐊᒥᓪᓗ, ᐃᓛᒻᒥᑦ ᓯᓇᕆᒥᓪᓗ, ᕼᐊᒫᑎᒥᑦ ᕿᑭᕐᑕᓂᓪᓗ ᐃᒪᕕᖕᒦᑦᑐᓂᑦ.

ᐂᓮᐊᓯᐅᑉ ᐊᒡᓚᖏᑦ 19:13

ᔪᐊᓐᒥᐅᑦ ᓯᕗᓕᕐᑎᖏᑦ ᓯᓔᑉᐳᑦ, ᒥᒻᐱᓯᒥᐅᓪᓗ ᓯᕗᓕᕐᑎᖏᑦ ᓇᓗᓪᓗᑎᒃ; ᐃᓅᖃᑎᒌᒡᔪᐊᓂᑦ ᐱᓪᓚᕆᖁᑎᒋᔭᐅᓪᓗᑎᒃ ᐄᑦᔨᑉᑎᒥᐅᓂᒃ ᑕᒻᒪᕐᑎᑦᓯᓯᒪᕗᑦ.

ᐂᓮᐊᓯᐅᑉ ᐊᒡᓚᖏᑦ 27:12

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᑰᖕᒥᑦ ᐃᕗᕅᑎᒥᑦ ᐱᒋᐊᕐᓗᒍ ᐄᑦᔨᑉᑎᒥᐅᑦ ᓄᓇᖓᑦᑕ ᑭᒡᓕᖓ ᑎᑭᓪᓗᒍ, ᐊᑕᓂᐅᑉ ᐃᓄᖁᑎᓂ ᐊᑕᐅᓯᐅᓈᕐᑎᕐᓗᒋᑦ ᑲᑎᕐᓱᕈᒫᕐᐰᑦ, ᓂᐊᖂᔭᒃᓴᒥᒃ ᐃᕖᔧᑦᔪᑎᑐᑦ ᐃᕖᔧᕕᖕᒥ.

ᐂᓮᐊᓯᐅᑉ ᐊᒡᓚᖏᑦ 32:13

ᐃᓄᖁᑎᒪ ᓄᓇᖁᑎᖏᓐᓂ ᐱᕈᕐᑐᖃᐅᓕᕈᒫᕐᐳᖅ ᐅᕐᐱᖕᓂᒃ ᑲᑭᓐᓇᕐᑐᓕᖕᓂᒃ ᐊᕚᓚᕿᐊᓂᒡᓗ; ᐃᓛᒃ ᐃᒡᓗᖃᕐᕕᐅᓚᐅᕐᑐᓂᑦ ᖁᕕᐊᓱᒃᑐᓂᒃ ᐃᓄᖃᕐᑐᓂᒃ ᐃᒡᓗᒐᓴᒡᔪᐊᓪᓗ ᖁᕕᐊᓱᒃᕕᐅᕙᒃᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 34:13

ᐅᕐᐱᒊᑦ ᑲᑭᓐᓇᕐᑐᓖᑦ ᐱᕈᕈᒫᕐᐳᑦ ᐊᖓᔪᖅᑳᕐᔪᐊᒃᑯᕕᕕᓂᕐᓂ, ᐃᒡᓗᖃᕐᕕᕕᓂᖏᓐᓂ ᐱᕈᕐᑐᑦ ᐅᖏᓚᖕᓇᕐᑐᑦ ᑲᑭᓪᓚᕐᓇᕐᑐᓪᓗ ᐱᕈᕈᒫᕐᐳᑦ. ᐃᒡᓗᒐᓮᓪᓗ ᐆᒪᔪᓄᑦ ᕿᒻᒥᐅᔮᕐᑐᓄᑦ ᔮᑯᓄᑦ, ᐋᔅᑐᕆᑦᓯᓄᓪᓗ ᑎᖏᔪᓐᓇᖏᑦᑐᓄᑦ ᓇᔪᒐᐅᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 5:6

ᐊᑑᑎᖃᕈᓐᓃᕐᑎᑦᓱᒪᕙᕋ, ᕔᓂᒃᓮᓪᓗ ᐱᕈᕐᕕᖏᑦ ᓇᑲᑎᕐᑕᐅᖃᑦᑕᕐᓂᐊᓐᖏᓪᓚᑦ ᓄᓇᖓᓗ ᐊᕿᓕᓴᕐᑕᐅᕙᖏᓪᓗᓂ, ᐊᕚᓚᕿᐊᓪᓗ ᐅᕐᐱᒊᓪᓗ ᑲᑭᓐᓇᕐᑐᓖᑦ ᐱᕈᕈᒫᕐᐳᑦ; ᓄᕗᔧᓪᓗ ᐱᖁᔪᒫᕐᐸᒃᑲ ᑕᕝᕗᖓ ᓯᓚᓗᖁᓇᒋᑦ.”

ᐂᓮᐊᓯᐅᑉ ᐊᒡᓚᖏᑦ 7:23

“ᐅᓪᓗᒥᓗ ᑕᕝᕙᓂ ᐃᒤᑦᑐᖃᕈᒫᕐᐳᖅ, ᕔᓂᒃᓴᖃᕐᐸᓚᐅᕐᑐᒥ ᓇᐹᕐᑐᓂᒃ 1,000ᓂᒃ, ᑮᓇᐅᔭᓕᐅᕈᑕᐅᔪᓐᓇᕐᑐᓂᒃ ᓯᐅᓪᕕᕆᓂᒃ 1,000ᓂᒃ, ᐃᓂᖏᓐᓂ ᐱᕈᕐᑐᖃᓕᕈᒫᕐᐳᖅ ᐅᕐᐱᒐᕐᓂᒃ ᑲᑭᓪᓚᕐᓇᕐᑐᓕᖕᓂᒃ;

ᔨᕆᒤᐊᐅᑉ ᐊᒡᓚᖏᑦ 2:16

ᒥᒻᐱᓯᒥᐅᑦ ᑕᐸᓂᓯᒥᐅᓪᓗ ᐊᖑᑎᖏᓐᓄᑦ ᓂᐊᖁᓯ ᓱᕋᒃᑕᐅᕗᑦ.

ᔨᕆᒤᐊᐅᑉ ᐊᒡᓚᖏᑦ 42:22

ᑍᒤᒻᒪᑦ ᖃᐅᔨᓕᕆᑦᓯ ᓄᓇᒋᔪᒪᔭᑦᓯᓐᓂᒃ ᓄᓇᑖᕋᓗᐊᕈᑦᓯ ᑐᖁᔪᒫᕐᐳᓯ, ᐅᓇᑕᕐᓂᒃᑯᑦ, ᑳᖕᓇᕐᑐᕐᔪᐊᒃᑯᑦ, ᐋᓐᓂᐊᓇᕐᑐᒃᑯᓪᓗ.”

ᔨᕆᒤᐊᐅᑉ ᐊᒡᓚᖏᑦ 44:1

ᐊᑕᓂᐅᑉ ᔨᕆᒤᐊ ᐅᖃᕐᕕᒋᕚ ᔫᑎᑦ ᐄᑦᔨᑉᑎᒦᑦᑐᑦ ᐱᑦᔪᑎᒋᓗᒋᑦ ᓄᓇᓕᖕᓂ ᐅᑯᓇᓃᑦᑐᑦ; ᒥᒡᑐᓕᒥ, ᑕᐸᓂᓯᒥ ᒥᒻᐱᓯᒥᓗ, ᓄᓇᒥᓗ ᐹᑐᕉᓯᒥ.

ᔨᕆᒤᐊᐅᑉ ᐊᒡᓚᖏᑦ 44:12

ᔫᑕᒥᐅᑦ ᐊᒥᐊᒃᑯᖏᑦ ᐄᑦᔨᑉᑎᒥ ᓄᓇᖃᕆᐊᕐᑐᕐᓯᒪᔪᑦ ᓄᖑᓐᓂᐊᕐᐸᒃᑲ ᐃᓘᓐᓇᑎᒃ ᐄᑦᔨᑉᑎᒦᓕᕋᓗᐊᕐᑎᓪᓗᒋᑦ ᑐᖁᕋᕈᒫᕐᐳᑦ, ᐅᓇᑕᕐᑐᓂᓘᓐᓃᑦ, ᑳᖕᓇᕐᑐᕐᔪᐊᒧᓪᓘᓐᓃᑦ, ᒥᑭᓐᓂᕐᐹᒥᑦ ᐱᔪᓐᓇᕐᓂᕐᐹᑦ ᑎᑭᓪᓗᒋᑦ, ᑐᖁᑕᐅᔪᒫᕐᐳᑦ ᐅᓇᑕᕐᑐᒃᓴᓄᑦ ᑳᖕᓇᕐᑐᕐᔪᐊᒧᓪᓗ, ᐅᖃᕐᓂᕐᓘᑎᒃᓴᓐᖑᕈᒫᕐᐳᑦ ᑕᑯᒥᓁᑦᑑᓗᑎᒡᓗ ᐃᒋᑕᒃᓴᐅᓂᐊᕐᐳᑦ ᐸᓯᔭᒃᓴᐅᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 44:13

ᐄᑦᔨᑉᑎᒦᓕᕐᑐᑦ ᐅᓇᑕᕐᓂᒃᑯᑦ ᑳᖕᓇᕐᑐᕐᔪᐊᒃᑯᓪᓗ ᐋᓐᓂᐊᓇᕐᑐᑎᒍᓪᓗ ᓱᒋᐊᕐᓂᐊᕐᐸᒃᑲ, ᔨᕉᓴᓕᒥᐅᓂᒃ ᓱᒋᐊᕐᓯᓂᕆᓚᐅᕐᑕᑦᑐᑦ ᐱᓂᐊᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 46:14

“ᑕᒪᓐᓇ ᐅᖃᐅᓯᕆᒍᒃ ᐄᑦᔨᑉᑎᒥᐅᓂ, ᐅᖃᐅᓯᕆᓗᒍᓗ ᒥᒡᑐᓕᒥ, ᐅᖃᐅᓯᕆᖕᒥᓗᒍᓗ ᒥᒻᐱᓯᒥ ᑕᐸᓂᓯᒥᓗ, ᐃᓂᒃᓴᑦᓯᓐᓄᐊᕐᓗᓯ ᐅᐸᓗᖕᒊᕐᓯᒪᓕᕆᑦᓯ, ᐊᕙᑎᑦᓯᓐᓃᑦᑐᑦ ᓴᕕᒡᔪᐊᒧᑦ ᑐᖁᕋᕐᑕᐅᓂᐊᕐᒪᑕ!

ᔨᕆᒤᐊᐅᑉ ᐊᒡᓚᖏᑦ 46:19

ᐄᑦᔨᑉᑎᒥᐅᑕᐅᔪᓯ ᓇᒃᓴᕐᓂᐊᕐᑕᑦᓯᓐᓂᒃ ᐴᖅᑬᓕᕆᑦᓯ ᐊᐅᓪᓚᕈᑦᔭᐅᔪᒫᕋᑦᓯ, ᒥᒻᐱᓯᒥ ᓄᓇᖃᕐᑐᑦ ᓱᓁᕈᑎᔪᒫᕐᐳᑦ ᓄᓇᖃᕐᕕᕕᓂᑐᐃᓐᓇᐅᓕᕐᓗᑎᒃ ᐃᓄᖃᕈᓐᓃᕈᒫᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 30:13

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᒎᑎᓐᖑᐊᖏᑦ ᐊᓯᕈᕈᒫᕐᐸᒃᑲ, ᒥᒻᐱᓯᒥᐅᓪᓗ ᐃᓄᓐᖑᐊᖁᑎᖏᑦ ᓯᖁᑦᑎᕈᒫᕐᐸᒃᑲ; ᐄᑦᔨᑉᑎᒥᐅᑦ ᐊᖓᔪᖅᑳᖃᕈᓐᓃᕈᒫᕐᐳᑦ; ᑕᕝᕙᓃᑦᑐᓪᓗ ᓯᕘᕋᓕᕐᑎᑦᓱᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 30:16

ᐄᑦᔨᑉᑎᒥᐅᑦ ᐃᑯᐊᓪᓚᒃᑎᑦᓱᒫᕐᐸᒃᑲ; ᐱᓗᓯᓐᒥᐅᓪᓗ ᐋᓐᓂᐊᓂᕐᒧᑦ ᓂᐹᔪᒫᕐᐳᑦ; ᑎᐱᓯᒥᐅᓪᓗ ᐃᒡᓗᒐᓴᒡᔪᐊᖏᑦ ᐊᕙᓗᕐᔪᐊᖓᓗ ᐅᕐᕉᕋᕐᓗᓂ ᓯᖁᑦᑎᕈᒫᕐᐳᖅ.

ᕼᐆᓯᐊᑉ ᐊᒡᓚᖏᑦ 10:8

ᐂᕙᓐᒥᐅᑦ ᐱᒻᒪᕆᖁᑎᖏᑕ ᐃᓂᖏᑦ, ᐃᓴᕆᐊᓕᐅᓪᓗ ᐊᔪᕐᓂᖏᑦ, ᐊᓯᕈᕐᑕᐅᔪᒫᕐᐳᑦ. ᐅᕐᐲᑦ ᑲᑭᓐᓇᕐᑐᓖᑦ ᐱᕈᕐᓂᕐᓗᒃᑐᓪᓗ ᐱᕈᕈᒫᕐᐳᑦ ᑐᓂᕐᕈᓯᕐᕕᖏᓐᓂ; ᖃᖅᑲᓄᓪᓗ ᐅᖃᕈᒫᕐᐳᑦ, “ᐅᓕᒃᑎᒍᑦ!” ᐱᖑᕐᓄᓪᓗ, “ᑲᑕᒡᕕᒋᑎᒍᑦ!”

ᕼᐆᓯᐊᑉ ᐊᒡᓚᖏᑦ 11:11

ᐄᑦᔨᑉᑎᒥᑦ ᑎᑭᑦᓱᒫᕐᐳᑦ ᓯᕘᕋᓂᕐᒧᑦ ᓴᔪᒡᓗᑎᒃ ᑎᖕᒥᐊᑎᑐᑦ, ᑑᕕᑎᑐᓪᓗ ᐊᓯᕆᐊᑉ ᓄᓇᖓᓂᑦ; ᐅᑎᕐᑎᑦᓱᒫᕐᐸᒃᑲᓗ ᐊᖏᕐᕋᖏᓐᓄᑦ, ᐊᑕᓂᖅ ᐅᖃᕐᐳᖅ.”

ᕼᐆᓯᐊᑉ ᐊᒡᓚᖏᑦ 2:6

“ᑍᒤᒻᒪᑦ ᐊᕙᓗᓕᐅᕐᓂᐊᕐᐸᕋ ᐅᕐᐱᖕᓄᑦ ᑲᑭᓐᓇᕐᑐᓕᖕᓄᑦ; ᐊᕙᓗᓕᐅᕐᓗᒍ ᐊᑭᓐᓇᓕᐅᕈᑎᓂᐊᕐᐸᕋ ᓴᐴᓗᑦᓯᕐᓗᒍ, ᐊᓂᕕᒃᓴᒥᓂᒃ ᓇᓂᓯᔪᓐᓁᓪᓕᖁᓪᓗᒍ.

ᕼᐆᓯᐊᑉ ᐊᒡᓚᖏᑦ 7:11

ᐃᕗᕅᒥᐅᑦ ᑑᕕᑎᑐᑦ ᓯᓔᑦᑐᑎᑐᑦ ᓇᒧᑐᐃᓐᓈᕐᑐᑎᑐᑦ ᑍᒤᑉᐳᑦ, ᐄᑦᔨᑉᑎᒧᑦ ᐃᑲᔪᕐᑕᐅᔪᒪᕗᑦ, ᑭᖑᓂᐊᒍᑦ ᐊᓯᕆᐊᒧᑦ ᐂᓪᓗᑎᒃ.

ᕼᐆᓯᐊᑉ ᐊᒡᓚᖏᑦ 7:13

“ᑲᑉᐱᐊᓐᓇᒦᒃ ᑖᒃᑯᐊ, ᐅᕙᓐᓂᒃ ᕿᒤᓚᐅᕐᒪᑕ! ᐅᕙᓐᓂᒃ ᐊᑭᕋᕐᑐᓕᓚᐅᕐᒪᑕ, ᐊᓯᕈᕐᑕᐅᔪᒫᓕᕐᐳᑦ! ᐱᐅᓕᔪᒪᓚᐅᕋᓗᐊᕐᐸᒃᑲ, ᐅᕙᓐᓂᒡᓕ ᓴᒡᓗᑦᔪᑎᖃᓚᐅᕐᐳᑦ.

ᕼᐆᓯᐊᑉ ᐊᒡᓚᖏᑦ 7:16

ᒎᑎᓐᖑᐊᓄᑦ ᓵᖃᑦᑕᕐᐳᑦ; ᐱᑎᒃᓯᐅᕗᑦ ᑐᕚᕆᔭᒃᓴᐅᖏᑦᑐᑦ, ᐊᖓᔪᖅᑳᖁᑎᖏᑦ ᑐᖁᔪᒫᕐᐳᑦ ᓴᕕᒡᔪᐊᓄᑦ ᖃᓂᒃᑯᑦ ᒥᑕᐅᑎᖃᖃᑦᑕᓚᐅᕐᒪᑕ. ᑕᒪᓐᓇᓗ ᐄᑦᔨᑉᑎᒥᐅᓄᑦ ᒥᑕᐅᑕᐅᑦᔪᑎᒋᔪᒫᕐᐹᑦ.”

ᕼᐆᓯᐊᑉ ᐊᒡᓚᖏᑦ 8:13

ᑐᓂᕐᕈᓯᕆᐊᒥᒃ ᐆᒪᔪᓂᒃ ᖁᕕᐊᒋᔭᖃᕐᐳᑦ; ᑐᓂᕐᕈᑎᕕᓃᓪᓗ ᓂᕆᕙᒡᓗᒋᑦ; ᐊᑕᓂᐅᓪᓕ ᖁᕕᐊᒋᓚᐅᓐᖏᓔᑦ. ᑕᕝᕙ ᐱᐅᖏᑦᑐᓕᓂᖏᑦ ᐃᖅᑲᓚᐅᕐᐰᑦ, ᐊᔪᕐᓂᖏᓪᓗ ᓱᒋᐊᕐᓗᒋᑦ; ᐄᑦᔨᑉᑎᒧᑦ ᐅᑎᕐᓂᐊᕐᐳᑦ.

ᕼᐆᓯᐊᑉ ᐊᒡᓚᖏᑦ 9:3

ᐃᓂᕾᓐᓇᕈᒫᓐᖏᓚᓪᓗ ᐊᑕᓂᐅᑉ ᓄᓇᖓᓂ; ᐃᕗᕅᒥᓕ ᐅᑎᕈᒫᕐᐳᖅ ᐄᑦᔨᑉᑎᒧᑦ, ᓂᕆᔪᒫᕐᐳᓪᓗ ᓂᕿᓂᒃ ᓇᕐᕈᓇᕐᑐᓂᒃ ᐊᓯᕆᐊᒥ.

ᒨᓯᓯ ᐱᖓᔪᖏᑦ 26:33

ᓄᓇᓖᑦ ᐊᓯᖏᓐᓄᑦ ᐃᓅᖃᑎᒌᒡᔪᐊᓄᑦ ᐊᐅᓪᓚᕐᑎᓪᓗᓯ ᓯᐊᒻᒪᕐᑎᑦᓱᒫᕐᐸᑦᓯ, ᐅᓇᑕᕐᓂᕐᒥᒃᓗ ᓴᖅᑭᑎᑦᓯᓗᖓ. ᓄᓇᖁᑎᓯ ᐃᓄᖃᕈᓐᓁᕐᓗᑎᒃ ᐃᒡᓗᒐᓴᒡᔪᐊᓯ ᓯᖁᒥᓯᒪᒐᔭᕐᐳᑦ.

ᔨᐸᓁᐊᐅᑉ ᐊᒡᓚᖏᑦ 1:11

ᐅᒡᒍᐊᕐᓂᕐᒧᑦ ᕿᐊᓕᕆᑦᓯ ᒧᐊᕐᑖᒥᐅᖑᔪᓯ, ᑕᐅᕐᓯᔨᓕᒫᑦ ᓄᖑᑕᐅᖕᒪᑕ; ᓯᐅᓪᕙᓂᒡᓗ ᐅᖁᒤᓐᓂᕐᓯᐅᕐᑎᓕᒫᑦ ᓄᖑᑕᐅᖕᒪᑕ.

ᓴᒧᐃᓕ ᓯᕗᓪᓖᑦ 13:6

ᐃᓴᕆᐊᓕᒥᐅᑦ ᐃᓄᖏᑦ ᑕᑯᒐᒥᒃ ᑲᑉᐱᐊᓇᕐᑐᒦᓕᕐᓂᕐᒥᖕᓂᒃ, (ᐃᓗᖏᕐᓱᕐᓗᑎᒃ ᐃᓱᒪᔮᓕᕐᐳᑦ,) ᐃᓴᕆᐊᓕᒥᐅᑦ ᐃᓚᖏᑦ ᐃᔨᕐᐳᑦ ᕾᕈᓱᖕᓄᑦ ᐃᑎᕐᓴᓄᓪᓗ ᐅᔭᕅᓪᓗ ᐊᑯᓐᓂᖓᓐᓄᑦ, ᐃᑎᕐᓴᐅᓂᕐᓄᓪᓗ;