ᕼᐆᓯᐊᑉ ᐊᒡᓚᖏᑦ 9:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐃᕖᔧᕕᐅᑉ ᓇᑎᖓᑕ ᕔᓂᓕᐅᕐᕕᐅᓪᓗ ᓂᕆᑎᓐᓂᐊᓐᖏᓔᑦ, ᕔᓂᐅᓪᓗ ᓄᑖᑉ ᐱᔪᓐᓇᕐᑎᑦᓱᒫᓐᖏᓔᑦ.

ᕼᐆᓯᐊᑉ ᐊᒡᓚᖏᑦ 9:2 Iomraidhean Croise

ᒨᓯᓯ ᓯᕗᓪᓖᑦ 50:10

ᓇᑎᕐᓇᒧᓪᓕ ᑎᑭᓐᓇᒥᒃ ᑍᔭᐅᔪᒧᑦ ᐊᑖᑎᐅᑉ ᓂᐊᖂᔭᒃᓴᓕᐅᕐᕕᖓᓂᒃ, ᔪᐊᕐᑕᓂᐅᑉ ᐅᖓᑖᓃᑦᑐᒧᑦ, ᑕᕝᕙᓂ ᕿᐊᔪᐊᓘᕗᑦ ᕿᒃᓵᖕᓂᕐᒧᓪᓗ ᐅᒡᒍᐊᕐᑐᐊᓘᓪᓗᑎᒃ; ᑕᕝᕙᓂᓗ ᔫᓯᐱ ᐅᓪᓗᓂᒃ 7ᓂᒃ ᓄᖅᑲᖓᑎᑦᓯᓚᐅᕐᐳᖅ ᕿᒃᓵᒍᑎᖃᕐᓗᑎᒃ ᐊᑖᑕᒥᖕᓂᒃ.

ᕼᐆᓯᐊᑉ ᐊᒡᓚᖏᑦ 2:11

ᓄᖅᑲᕐᑎᑦᓱᒫᕐᐸᒃᑲᓗ ᖁᕕᐊᓱᒡᓗᑎᒃ ᑲᑎᓐᓂᕆᕙᒃᑕᖏᑦ, ᓇᓪᓕᐅᓐᓂᕐᓯᐅᕐᕕᒋᕙᒃᑕᖏᓪᓗ, ᑕᖅᑭᓂᕋᑖᒥ, ᓴᐸᑎᒥᓗ ᑲᑎᓂᕆᕙᒃᑕᖏᑦ, ᓇᓪᓕᐅᓐᓂᕐᓯᐅᕐᓂᕐᒧᓪᓗ ᑲᑎᓐᓂᕆᕙᒃᑕᓕᒫᖏᑦ.

ᕼᐆᓯᐊᑉ ᐊᒡᓚᖏᑦ 2:12

ᒪᓂᖅᑭᑎᕐᓂᐊᕐᐸᒃᑲᓗ ᕔᓂᓕᒃᓴᓄᑦ ᐸᐅᕐᖓᓄᑦ ᐱᕈᕐᓰᕕᖏᑦ ᐱᕈᕐᑐᓖᓪᓗ ᐱᒋᓕᖕᓂᒃ ᓇᐹᕐᑐᐃᑦ, ᐅᖃᐅᓯᕆᓚᐅᕐᑕᖏᑦ, ‘ᒪᑯᐊ ᐊᑭᓕᕐᑕᐅᑦᔪᑎᒋᓯᒪᔭᒃᑲ ᐱᖃᑎᒋᕙᒃᑕᒪ ᑐᓂᓚᐅᕐᑕᖏᑦ.’ ᑕᒪᒃᑯᐊ ᓇᐹᕐᑐᓕᒡᔪᐊᓐᖑᕐᑎᑦᓱᒫᕐᐸᒃᑲ, ᐆᒪᔪᓄᓪᓗ ᓄᔪᐊᕐᑐᓄᑦ ᓂᕆᔭᐅᔪᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 2:9

ᑍᒤᒻᒪᑦ ᑲᑎᕐᓱᐃᕕᒃ ᓇᓪᓕᐅᑎᒃᐸᑦ ᑐᓂᕐᕈᑎᒋᓚᐅᕐᑕᒃᑲ ᐅᑎᕐᑎᑦᓱᒫᓕᕐᐸᒃᑲ ᓂᐊᖂᔭᒃᓮᑦ ᕔᓃᓪᓗ; ᐊᕐᓵᕐᓗᒍᓗ ᓄᕕᕐᓵᒃᓴᓂᒃ ᐊᓐᓄᕌᒃᓴᓂᒡᓗ, ᐊᓐᓄᕌᖃᖏᓐᓂᖓᑕ ᐅᓕᒃᓯᒪᑦᔪᑎᒋᓚᐅᕐᑕᖏᓐᓂᒃ.

ᐂᒨᓯᐅᑉ ᐊᒡᓚᖏᑦ 5:11

ᐊᔪᕐᓴᕐᑐᓂᒃ ᑐᓪᓕᕌᕋᑦᓯ ᐊᕐᓵᕋᑦᓯᐅᓪᓗ ᓂᐊᖂᔭᒃᓴᖏᓐᓂᒃ, ᑍᒫᒃᑕᐅᖅ, ᐃᒡᓗᕐᔪᐊᓕᐅᕐᓯᒪᒐᓗᐊᕐᑐᓯ ᐅᔭᕋᖕᓄᑦ ᓴᓇᔭᐅᓯᒪᔪᓄᑦ ᐃᓂᒋᓂᐊᓐᖏᓚᓯᓕ, ᐱᐅᔪᐊᓗᖕᓂᒡᓗ ᕔᓂᒃᓴᓂᒃ ᐱᕈᕐᓰᕕᓕᐅᕐᓯᒪᒐᓗᐊᕐᑐᓯ, ᐃᒥᕐᕕᒋᓂᐊᓐᖏᓚᓯᓕ.

ᕼᐊᒊᑉ ᐊᒡᓚᖏᑦ 1:9

“ᑕᑯᔪᒪᓚᐅᕐᐳᓯ ᐊᖏᔪᒥᒃ, ᒥᑭᔪᒥᒡᓕ ᑕᑯᕗᓯ, ᐊᖏᕐᕋᐅᑎᔭᓯᓗ ᑎᒃᑕᐅᑎᓚᐅᕐᐸᒃᑲ, ᓱᖕᒫᑦ? ᐊᑕᓂᖅ ᐅᖃᕐᐳᖅ, ‘ᐃᒡᓗᒐ ᓱᕋᒃᓯᒪᖕᒪᑦ, ᐃᓕᑦᓯ ᐊᑐᓂᑦ ᐃᒡᓗᑦᓯᓐᓂᒃ ᓴᓇᑐᐃᓐᓇᕐᑎᓪᓗᓯ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᕼᐊᒊᑉ ᐊᒡᓚᖏᑦ 2:16

ᑍᑦᓱᒪᓂᐅᑎᓪᓗᒍ, ᓇᓪᓕᐊᑦ ᖃᓕᕇᒃᓯᑎᑦᓯᔭᕐᑐᕐᑎᓪᓗᒍ ᐆᒃᑑᑎᓂᒃ 20ᓂᒃ, ᖃᓕᕇᒃᓯᔪᒃᓮᑦ ᖁᓕᑐᐃᓐᓇᐅᓚᐅᕐᐳᑦ; ᓇᓪᓕᐊᓪᓗ ᕔᓂᖃᐅᑎᓂᒃ 50ᓂᒃ ᐃᒻᒥᕐᓯᔭᕐᑐᕐᑎᓪᓗᒍ, 20ᑐᐃᓐᓇᐅᓚᐅᕐᐳᑦ.