ᕼᐆᓯᐊᑉ ᐊᒡᓚᖏᑦ 9:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᕿᑐᕐᖓᒥᖕᓂᒡᓗ ᐱᕈᐃᒐᓗᐊᕈᑎᒃ, ᕿᒃᓵᒃᑎᑦᓱᒫᕐᐸᒃᑲ ᐊᒥᐊᒃᑯᖃᕈᓐᓃᕐᑎᓪᓗᒋᑦ. ᑲᑉᐱᐊᓐᓇᒦᒃ ᑖᒃᑯᐊ ᕿᒪᒍᒃᑭᑦ!”

ᕼᐆᓯᐊᑉ ᐊᒡᓚᖏᑦ 9:12 Iomraidhean Croise

ᐊᑕᓃᑦ ᐂᑉᐸᖏᑦ 17:18

ᐊᑕᓂᐅᑉ ᐃᓴᕆᐊᓕᒥᐅᑦ ᓂᓐᖓᒡᕕᒋᓚᐅᕐᐰᑦ ᓇᔪᕈᒪᔪᓐᓃᕐᓗᓂᒋᓪᓗ, ᔫᑕᐅᑉ ᑭᖑᕚᖏᑦ ᐃᓚᓕᐅᕐᓯᒪᔭᑐᐊᕆᓕᕐᓗᓂᒋᑦ.

ᐊᑕᓃᑦ ᐂᑉᐸᖏᑦ 17:23

ᐊᑕᓂᐅᑉ ᓇᔪᕈᒪᔪᓐᓃᓚᐅᕐᐰᑦ, ᐅᖃᕐᑎᒥᒍᑦ ᖃᐅᔨᑎᒋᐊᕐᓗᓂᒋᑦ ᐅᖃᐅᑎᕙᓚᐅᕋᓗᐊᕐᓗᓂᒋᑦ. ᐃᓴᕆᐊᓕᒥᐅᑦ ᓄᓇᒥᖕᓂᑦ ᐊᐅᓪᓚᕈᑦᔭᐅᓚᐅᕐᐳᑦ ᐊᓯᕆᐊᒧᐊᕐᑎᑕᐅᓪᓗᑎᒃ ᑕᕝᕙᓂᓗ ᓄᓇᖃᓕᕐᓗᑎᒃ ᐅᓪᓗᒥᒧᑦ.

ᔫᐱᐅᑉ ᐊᒡᓚᖏᑦ 27:14

ᕿᑐᕐᖓᖏᑦ ᐅᓄᕐᓯᒃᐸᑕ, ᑐᖁᔪᒫᕐᐳᑦ ᓴᕕᒡᔪᐊᒧᑦ; ᑭᖑᕚᖏᓪᓗ ᓂᕿᒃᓴᖃᕈᒫᓐᖏᓚᑦ ᓈᒻᒪᒃᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 15:7

ᐱᕈᕐᓰᕕᓕᕆᔩᑦ ᓴᓃᔭᐅᑎᖏᓐᓄᑦ ᑎᒃᑕᐅᕋᕐᑎᑦᓱᒫᕐᐸᑦᓯ ᐊᓄᕆᒧᑦ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᓐᓂ; ᕿᒃᓵᒃᑎᓐᓂᐊᕐᐸᒃᑲ, ᐊᓯᕈᕐᓗᒋᓪᓗ ᐃᓄᖁᑎᒃᑲ; ᐱᐅᓯᕐᒥᖕᓂᒃ ᕿᒤᓚᐅᖏᒻᒪᑕ.

ᔨᕆᒤᐊᐅᑉ ᐊᒡᓚᖏᑦ 6:8

ᔨᕉᓴᓕᒥᐅᑕᐅᔪᓯ ᐃᓂᕐᑎᕆᑦᔪᑎᒃᑲ ᑐᓴᕐᓯᐅᒃ. ᑐᓴᕐᓂᐊᖏᒃᑯᑦᓯᐅᒃ ᕿᒪᖕᓂᐊᕐᐸᑦᓯ, ᓄᓇᖁᑎᓯᓗ ᓱᓇᖃᕈᓐᓃᕐᑎᓪᓗᒍ ᓄᓇᒋᔪᒥᓇᕈᓐᓃᕐᑎᓪᓗᒍᓗ ᑭᑯᒃᑐᐃᓐᓇᕐᓄᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:20

ᐊᑕᓃᖅ! ᖃᓄᐃᒻᒪᑦ ᑍᒫᕌᓗᒃ ᓱᒋᐊᕐᐱᑎᒎᑦ? ᐊᕐᓁᑦ ᕿᑐᕐᖓᒥ ᓇᒡᓕᒋᓚᐅᕐᑕᒥ ᑎᒥᕕᓂᖏᓐᓂᒃ ᓂᕿᖃᕐᑐᒃᓴᐅᕚᑦ! ᑐᓂᕐᕈᓯᕐᑎᑦᓯᔩᑦ ᒎᑎᐅᓪᓗ ᐅᖃᕐᑎᖏᑦ ᑐᖁᕋᕐᑕᐅᕙᓕᕐᐳᑦ ᑐᒃᓯᐊᕐᕕᒃᔪᐊᕐᒥ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:22

ᓇᓪᓕᐅᓐᓂᕐᓯᐅᕐᑐᖃᕐᑎᓪᓗᒍ ᓂᕆᕕᒃᔪᐊᕆᐊᕐᑐᖁᔨᔪᖃᕐᐸᖕᒪᑦ ᑲᑉᐱᐊᓇᕐᑐᒥᒃ ᐅᖓᓗᔭᐅᑎᓚᐅᕐᐸᕐᒪ, ᐅᓪᓗᕐᒥ ᐊᑕᓂᐅᑉ ᓂᓐᖓᕕᒃᔪᐊᕐᕕᐊᓂ ᕿᒫᔪᖃᕈᓐᓇᕐᓂᐊᓐᖏᓚᖅ ᐃᓅᔪᖃᕈᓐᓇᕐᓂᐊᕋᓂᓗ, ᕿᑐᕐᖓᒃᑲ ᐱᕈᕐᑎᓚᐅᕐᑕᒃᑲ ᓇᒡᓕᒋᓪᓗᒋᑦ ᑐᖁᑕᐅᑎᑉᐰᑦ.

ᕼᐆᓯᐊᑉ ᐊᒡᓚᖏᑦ 7:13

“ᑲᑉᐱᐊᓐᓇᒦᒃ ᑖᒃᑯᐊ, ᐅᕙᓐᓂᒃ ᕿᒤᓚᐅᕐᒪᑕ! ᐅᕙᓐᓂᒃ ᐊᑭᕋᕐᑐᓕᓚᐅᕐᒪᑕ, ᐊᓯᕈᕐᑕᐅᔪᒫᓕᕐᐳᑦ! ᐱᐅᓕᔪᒪᓚᐅᕋᓗᐊᕐᐸᒃᑲ, ᐅᕙᓐᓂᒡᓕ ᓴᒡᓗᑦᔪᑎᖃᓚᐅᕐᐳᑦ.

ᕼᐆᓯᐊᑉ ᐊᒡᓚᖏᑦ 9:13

ᐃᕗᕅᑎᐅᑉ ᕿᑐᕐᖓᖏᑦ ᑍᕆᒥᐅᑦ ᑕᑯᓚᐅᕋᒃᑭᑦ, ᐂᑦᑑᑕᐅᓕᕐᑎᓪᓗᒋᑦ ᓂᕿᒃᓴᐅᓂᐊᕐᑐᑐᑦ; ᐃᕗᕅᑎᐅᓪᓗ ᕿᑐᕐᖓᓂ ᐊᓂᑎᓐᓂᐊᕐᐰᑦ ᑐᖁᑕᐅᖁᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 9:16

ᐃᕗᕅᑎ ᓱᒋᐊᕐᑕᐅᕗᖅ, ᐊᒫᖏᑦ ᐸᓂᕐᒪᑕ, ᐱᕈᕐᕕᐅᓂᐊᕈᓐᓁᕐᐳᖅ. ᕿᑐᕐᖓᕐᑖᕋᓗᐊᕐᐸᑕ, ᓇᒡᓕᒋᒻᒪᕆᒃᑕᖏᑦ ᑐᖁᓐᓂᐊᕐᐸᒃᑲ.”

ᒪᓚᑬᑉ ᐊᒡᓚᖏᑦ 2:12

ᐊᑕᓂᐅᑉ ᐲᕐᓕᐅᒃ ᔧᑰᑉ ᑐᐱᖏᓐᓂᑦ ᐊᖑᑦ ᑍᓐᓇ ᑍᒤᓕᐅᕐᑐᖅ, ᐃᓚᒋᔭᐅᔪᓐᓃᕐᓕ ᐃᓱᒪᓕᐅᕐᑎᐅᔪᓐᓃᕐᓗᓂ, ᑐᓂᕐᕈᓯᖃᑦᑕᕈᓐᓃᕐᓗᓂᓗ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓄᑦ!

ᒨᓯᓯ ᓯᑕᒪᖏᑦ 14:34

ᐅᓪᓗᐃᑦ ᐅᓄᕐᓂᖏᑦ ᓄᓇᒥᒃ ᐃᔨᕋᕐᑐᕐᓗᓯ ᕿᒥᕐᕈᓚᐅᕐᓂᓯ ᒪᓕᒡᓗᒋᑦ, ᐅᓪᓗᐃᑦ 40ᐃᑦ ᐅᓪᓗᖅ ᐊᑕᐅᓯᖅ ᐊᕐᕌᒍᒧᑦ ᐊᑕᐅᓯᕐᒧᑦ ᐸᓯᔭᒃᓴᐅᑦᔪᑎᒋᓗᒍ, ᐃᒫᒃ ᐊᕐᕌᒍᓂᒃ 40ᓂᒃ, ᓈᒻᒪᒃᓴᖏᓐᓂᕋ ᖃᐅᔨᔪᒫᕐᐸᓯ.’

ᒨᓯᓯ ᓯᑕᒪᖏᑦ 26:65

ᐊᑕᓂᐅᑉ ᐅᖃᐅᓯᕆᓚᐅᕐᒪᒋᑦ, “ᑐᖁᓪᓚᕆᒍᒫᕐᐳᖅ ᐃᓄᖃᖏᑦᑐᒥ.” ᑍᒤᒻᒪᑦ ᐊᒥᐊᒃᑯᖃᓚᐅᓐᖏᓚᑦ ᐅᑯᐊᑐᐊᖅ ᐊᒥᐊᒃᑰᓚᐅᕐᐴᒃ, ᑬᓚᐱ ᔨᐳᓂᐊᐅᑉ ᐃᕐᓂᖓ, ᔮᓱᐊᓗ ᓈᓂᐅᑉ ᐃᕐᓂᖓ.

ᒨᓯᓯ ᑕᓪᓕᒪᖏᑦ 28:18

“ᐊᑕᓂᐅᑉ ᓈᒻᒪᖏᑦᔪᑎᖃᓕᕐᑎᓐᓂᐊᕐᐹᓯ ᐅᓄᖏᑦᑐᓂᒃ ᕿᑐᕐᖓᕐᑖᕐᑎᓪᓗᓂᓯ, ᐱᕈᕐᓰᕕᖁᑎᓯ ᓂᐊᖂᔭᒃᓴᓂᒃ ᐱᕈᕐᕕᐅᑎᑦᓯᐊᖏᓪᓗᓂᐅᒃ, ᐅᓄᖏᑦᑐᓂᒡᓗ ᐃᒻᒧᒃᓯᐅᒐᕐᓂᒃ ᓰᐱᓂᒡᓗ ᐱᖃᕐᑎᓪᓗᓂᓯ.

ᒨᓯᓯ ᑕᓪᓕᒪᖏᑦ 28:32

ᑕᑯᓐᓇᕐᑎᓪᓗᓯ ᐃᕐᓂᓯ ᐸᓂᓯᓗ ᑐᓂᔭᐅᔪᒫᕐᐳᑦ ᐃᓄᖕᓄᑦ ᐊᓯᑦᓯᓐᓄᑦ, ᕿᑐᕐᖏᕆᔪᒫᕐᐳᓯ ᐅᓪᓗᓕᒫᖅ ᐅᖓᒋᓗᒋᑦ; ᕿᓂᕋᓱᖕᓂᕐᒧᑦ ᕿᑐᕐᖓᑎᑦ ᐅᑎᓕᕐᒪᖔᑕ ᐅᑎᕈᒫᓐᖏᓚᓪᓕ.

ᒨᓯᓯ ᑕᓪᓕᒪᖏᑦ 31:17

ᑕᒪᓐᓇ ᐊᑐᓕᕐᐸᑦ, ᑕᕝᕙ ᓂᓐᖓᒃᕕᒋᔪᒫᕐᐸᒃᑲ; ᕿᒪᒍᒫᕐᐸᒃᑲᓗ ᐊᓚᕐᓗᒋᑦ, ᑕᕝᕙ ᓄᖑᑕᐅᔪᒫᕐᐳᑦ; ᐅᓄᕐᑐᓄᑦ ᐱᓂᕐᓗᖕᓇᕐᑐᓄᑦ ᐊᑲᐅᖏᑦᑐᓄᓪᓗ ᑎᑭᑕᐅᔪᒫᕐᐳᑦ, ᑕᕝᕙ ᐅᖃᓕᕈᒫᕐᐳᑦ, ‘ᒪᑯᐊ ᐱᐅᖏᑦᑐᑦ ᐅᕙᑦᑎᓐᓄᑦ ᑎᑭᑉᐳᑦ ᒎᑎᐅᑉ ᐃᓚᒋᔪᓐᓃᕐᒪᑎᒎᑦ?’

ᒨᓯᓯ ᑕᓪᓕᒪᖏᑦ 32:25

ᐃᒡᓗᖃᖏᑦᑐᓂ ᓴᕕᒡᔪᐊᒧᑦ ᑐᖁᕋᕐᑕᐅᔪᒫᕐᐳᑦ; ᑲᑉᐱᐊᓇᕐᑐᓄᑦ ᑎᑭᑕᐅᔪᒫᕐᐳᑦ ᐊᖏᕐᕋᒥᖕᓂ, ᑐᖁᕋᕐᑕᐅᔪᒫᕐᐳᑦ ᐃᓅᓱᒃᑐᑦ ᐊᖑᑎᑦ ᐅᐃᒡᒐᓱᐃᓪᓗ, ᓄᑕᕋᓛᑯᓗᐃᑦ ᐊᒫᒪᒃᑐᑦ ᐃᓄᑐᕾᓪᓗ ᖃᑯᕐᑕᓂᒃ ᓄᔭᓖᑦ.

ᐃᓗᐊᕐᓮᔩᑦ ᐊᒡᓚᖏᑦ 4:16

ᐸᕌᒃᓕ ᐊᒃᓴᓗᐊᓖᑦ ᐅᓇᑕᕐᑐᒃᓮᓪᓗ ᒪᓕᓚᐅᕐᐰᑦ ᕼᐊᕈᓯᑎ-ᕼᐊᒍᔨᒻ ᑎᑭᓪᓗᒍ, ᓯᓰᕋᐅᑉ ᐅᓇᑕᕐᑐᒃᓴᖁᑎᖏᑦ ᑐᖁᑕᐅᓚᐅᕐᐳᑦ ᓴᕕᒡᔪᐊᒧᑦ, ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᔭᐅᓚᐅᓐᖏᓚᑦ.

ᓴᒧᐃᓕ ᓯᕗᓪᓖᑦ 16:14

ᐊᑕᓂᐅᓪᓕ ᐊᓂᕐᓂᖓ ᓴᐅᓕᒥᒃ ᕿᒤᕗᖅ, ᐊᓂᕐᓂᕐᓗᒡᓗ ᐊᑕᓂᐅᑉ ᑎᓕᕚ ᐅᖁᒤᒃᓴᕐᑎᑦᓯᓕᕐᓗᓂᓗ ᓴᐅᓕᒥᒃ.