ᕼᐆᓯᐊᑉ ᐊᒡᓚᖏᑦ 9:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᖁᕕᐊᓱᒃᑍᓕᒋᑦ, ᐆ ᐃᓴᕆᐊᓖ, ᐃᓅᖃᑎᑦᓯ ᓇᓪᓕᐅᓐᓂᕐᓯᐅᕐᓂᖏᑎᑐᑦ ᖁᕕᐊᓲᑎᖃᕐᓂᐊᕐᓇᒃ; ᐊᑐᒐᕐᓂᒃ ᐱᓇᓱᐊᖃᑦᑕᕋᑦᓯ, ᒎᑎᑦᓯᓐᓂᒃ ᕿᒤᓪᓗᓯ. ᐊᑐᒐᕐᓂᒃ ᐊᑭᓖᓪᓗᓯ ᐱᓇᓱᐊᕐᓯᒪᒐᑦᓯ ᐃᕖᔧᕖᑦ ᓇᑎᖏᓐᓂ.

ᕼᐆᓯᐊᑉ ᐊᒡᓚᖏᑦ 9:1 Iomraidhean Croise

ᐃᓐᖏᕈᑎᑦ 73:27

ᐃᓛᒃ ᐃᓕᖕᓂᑦ ᐅᖓᓯᒃᑐᑦ ᑖᒃᑯᐊ ᐊᓯᐅᔪᒫᕐᐳᑦ; ᓄᖑᑎᑦᓱᒫᕋᕕᒋᑦ ᐃᓕᖕᓂᒃ ᕿᒤᓪᓗᑎᒃ ᐊᓯᓐᓂᐊᕐᓯᒪᔪᑦ.

ᐂᓮᐊᓯᐅᑉ ᐊᒡᓚᖏᑦ 17:11

ᐱᕈᕐᑎᑦᓯᕙᒃᑲᓗᐊᕐᑐᓯ ᐅᓪᓗᒥᑦᓮᓐᓇᖅ ᓄᓇᒧᑦ ᐃᓕᔭᑦᓯᓐᓂᒃ, ᓄᓇᕋᖃᓕᕐᓗᑎᒃ ᐅᓪᓛᓐᖑᕐᒪᑦ ᓄᓇᒧᑦ ᐃᓕᓚᐅᕐᑕᓯ; ᑭᓯᐊᓂ ᑲᑎᕐᓱᐃᓂᖃᕈᓐᓃᓛᕐᐳᖅ ᐅᓪᓗᒥ ᕿᒃᓵᒡᕕᖕᒥ ᐋᓐᓂᐊᓇᕐᑐᒥ ᐋᓐᓂᐊᕈᓐᓃᕐᓇᖏᑦᑐᒥᒡᓗ.

ᔨᕆᒤᐊᐅᑉ ᐊᒡᓚᖏᑦ 2:19

ᐱᐅᖏᓐᓂᑦᓯ ᐋᖅᑭᒋᐊᕐᑕᐅᑎᓐᓂᐊᕐᐹᓯ, ᑲᑕᒃᓯᒪᓂᑦᓯᓗ ᓱᐊᖕᓂᐊᕐᐹᓯ. ᐃᓱᒪᒋᑦᓯᐊᕐᓯᐅᒃ ᑐᑭᓯᓇᓱᐊᕐᓗᒍᓗ ᐱᐅᖏᑦᑑᓂᖓ ᖁᕕᐊᓇᖏᑦᑑᓂᖓᓗ ᐊᑕᓂᕐᒥᒃ ᒎᑎᑦᓯᓐᓂᒃ ᕿᒤᓯᒪᓗᓂ ᓂᕐᑐᕐᓇᕐᓂᖓᓗ ᐃᓱᒪᒋᔪᓐᓃᕐᓗᒍ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᒎᑎ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 2:20

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑍᑦᓱᒪᓂᐊᓘᓕᕐᐳᖅ ᓇᖕᒪᐅᑍᑦ ᓱᕋᓚᐅᕋᕕᐅᒃ, ᕿᓚᕈᑏᓪᓗ ᕿᒃᑐᕋᕐᓗᒍ ᐅᖃᕐᓗᑎᓪᓗ, ‘ᐱᔨᑦᓯᕐᓂᐊᕈᓐᓃᕐᐸᒋᑦ.’ ᑍᒤᓚᐅᕐᐳᕐᓗ ᑕᒪᓐᓇ ᐱᖑᐃᑦ ᖄᖏᓐᓂ, ᓇᐹᕐᑐᐃᓪᓗ ᐊᑖᓂ ᐊᓯᓐᓂᐊᖃᑦᑕᓚᐅᕐᐸᕐᒪ ᐊᖑᓐᓂᐊᕐᑎᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 44:17

ᐊᖏᕈᑎᒋᓚᐅᕐᑕᓕᒫᑦᑎᓐᓂᒃ ᐱᓇᓱᐊᕐᓂᐊᕐᐳᒍᑦ, ᐆᓯᒪᔪᓂᒃ ᑐᓂᕐᕈᓯᖃᑦᑕᕐᓂᐊᕐᐳᒍᑦ ᕿᓚᐅᑉ ᑯᐃᖓᓄᑦ, ᑯᕕᓯᕕᒋᕙᒡᓗᒍᓗ ᑐᓂᕐᕈᑎᓂᒃ ᐃᒥᕐᑕᐅᔪᒃᓴᓂᒃ; ᓲᕐᓗᑦᑕᐅᖅ ᓯᕗᓕᕕᓂᕗᑦ ᐊᖓᔪᖅᑳᕐᔪᐊᕆᔭᕗᓪᓗ ᐊᖓᔪᖅᑳᖁᑎᕗᓪᓗ ᑍᒤᓕᐅᕐᐸᓚᐅᕐᒪᑕ ᔫᑕᒥ ᔨᕉᓴᓕᒥᓗ, ᑍᑦᓱᒪᓂ ᓂᕿᒃᓴᖃᑦᓯᐊᕐᐸᓚᐅᕐᐳᒍᑦ ᐊᔪᕐᓴᕐᓇᕐᑐᕐᓯᐅᕋᑕᓗ ᐱᐅᖏᑦᑐᓂᒡᓗ ᑕᑯᓚᐅᕐᓇᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:21

ᓯᕆᒋᑦᓯ ᖁᕕᐊᓱᒡᓗᓯ ᐄᑐᒥᐅᑕᐅᔪᓯ, ᓄᓇᖃᕐᑐᓯ ᐅᔾᒥ, ᐊᓯᕈᕐᑕᐅᓂᒃᓴᓯ ᓇᓪᓕᐅᑎᓛᕐᒥᖕᒪᑦ; ᐊᓐᓄᕌᖃᖏᓪᓗᓯ ᑲᓐᖑᓇᕐᑐᒥᒃ ᐊᑐᓕᕈᒫᕆᕗᓯ.

ᐃᓯᑭᐊᓕᐅᑉ ᐊᒡᓚᖏᑦ 16:15

“ᐃᓂᖁᓇᕐᓃᓪᓕ ᐱᔪᕆᑦᔪᑎᒋᓕᓚᐅᕐᐸᑦ, ᐊᖑᓐᓂᐊᕐᓂᕐᓄᑦ ᐊᑭᓕᕐᑐᕐᑕᐅᓪᓗᑎᑦ ᖃᐅᔨᒻᒫᕆᔭᐅᓃᑦ, ᐊᖅᑯᓵᕐᑐᐃᓐᓇᕐᑐᓄᑦ ᐊᒡᓛᑦ ᒪᓂᓴᕐᐸᓕᕐᓱᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 16:30

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, “ᐆᒻᒪᑎᓯᒍᑦ ᐃᒃᓯᒎᕐᓂᕐᔪᐊᖃᕐᐳᓯ, ᑕᒪᒃᑯᓂᖓ ᐱᓇᓱᐊᖃᑦᑕᕐᓯᒪᒐᑦᓯ, ᓄᓕᐊᕐᓂᕐᒧᑦ ᑮᓇᐅᔭᓕᐅᕋᓱᐊᕐᑎᒻᒪᕆᒃᑎᑐᑦ;

ᐃᓯᑭᐊᓕᐅᑉ ᐊᒡᓚᖏᑦ 20:32

ᐃᓱᒪᒋᕙᒃᑕᓯ ᐊᑐᓕᓚᐅᕐᓯᒪᓂᐊᓐᖏᓚᑦ ᐃᒫᒃ ᐃᓱᒪᕙᒃᑲᑦᓯ, ‘ᐃᓅᖃᑎᒌᒡᔪᐊᑦ ᐊᑦᔨᒋᓚᐅᕐᓚᕗᑦ, ᓄᓇᓕᒡᔪᐊᓂ ᐊᕕᒃᑐᕐᓯᒪᔪᓃᑦᑐᑦ ᑐᒃᓯᐊᕐᕕᖃᕐᐸᒃᑐᑦ ᓇᐹᕐᑐᓂᒃ ᐅᔭᖅᑲᓂᒡᓗ.’”

ᐃᓯᑭᐊᓕᐅᑉ ᐊᒡᓚᖏᑦ 21:10

ᐃᐱᒃᓴᕐᓯᒪᕗᖅ ᑐᖁᕅᑦᔪᑎᒃᓴᐅᓪᓗᓂ, ᕿᓪᓚᕆᒃᓴᕐᓯᒪᕗᖅ ᕿᓪᓛᒡᒋᕐᑕᖁᓪᓗᒍ ᖃᐅᒻᒪᓪᓚᒃᑎᑐᑦ! ᖁᕕᐊᓇᕐᑐᖃᓛᕈᓐᓁᕐᐳᖅ, ᐃᕐᓃᒃ ᓱᐊᒃᓯᓂᒃᑲ ᑐᓴᓚᐅᖏᓐᓇᕕᒋᑦ, ᐋᖅᑭᒋᐊᕐᓯᑦᔪᑎᒃᑲᓗ.

ᕼᐆᓯᐊᑉ ᐊᒡᓚᖏᑦ 10:5

ᓴᒥᐊᕆᐊᕐᒥᐅᑦ ᓴᔪᒍᒫᕐᐳᑦ ᓄᕐᕋᓐᖑᐊᒥᒃ ᐱᑦᐂᕕᓐᒦᑦᑐᒥᒃ ᐅᒡᒍᐊᕐᓗᑎᒃ. ᐃᓄᖏᑦ ᕿᒃᓵᒍᑎᖃᕈᒫᕐᐳᑦ ᑖᑦᓱᒥᖓ, ᒎᑎᓐᖑᐊᒧᓪᓗ ᑐᓂᕐᕈᓯᕐᑎᑦᓯᔩᑦ ᕿᒃᓵᒍᑎᖃᕈᒫᕐᐳᑦ ᑖᑦᓱᒥᖓ, ᐱᓐᓇᕐᓇᕐᑐᖁᑎᖓᑕ ᕿᒪᖕᒪᒋᑦ.

ᕼᐆᓯᐊᑉ ᐊᒡᓚᖏᑦ 2:12

ᒪᓂᖅᑭᑎᕐᓂᐊᕐᐸᒃᑲᓗ ᕔᓂᓕᒃᓴᓄᑦ ᐸᐅᕐᖓᓄᑦ ᐱᕈᕐᓰᕕᖏᑦ ᐱᕈᕐᑐᓖᓪᓗ ᐱᒋᓕᖕᓂᒃ ᓇᐹᕐᑐᐃᑦ, ᐅᖃᐅᓯᕆᓚᐅᕐᑕᖏᑦ, ‘ᒪᑯᐊ ᐊᑭᓕᕐᑕᐅᑦᔪᑎᒋᓯᒪᔭᒃᑲ ᐱᖃᑎᒋᕙᒃᑕᒪ ᑐᓂᓚᐅᕐᑕᖏᑦ.’ ᑕᒪᒃᑯᐊ ᓇᐹᕐᑐᓕᒡᔪᐊᓐᖑᕐᑎᑦᓱᒫᕐᐸᒃᑲ, ᐆᒪᔪᓄᓪᓗ ᓄᔪᐊᕐᑐᓄᑦ ᓂᕆᔭᐅᔪᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 4:12

ᐃᓄᖁᑎᒃᑲ ᖃᐅᔨᑎᑕᐅᔪᒪᕙᒃᐳᑦ ᕿᔪᖕᒧᑦ, ᐊᔭᐅᑉᐱᐊᓄᓪᓗ ᖃᐅᔨᔪᒪᔭᖏᓐᓂᒃ ᖃᐅᔨᑎᑕᐅᕙᒃᓱᑎᒃ. ᐊᓯᓐᓂᐊᕐᓂᕐᒧᑦ ᐊᑐᒐᐅᓕᕐᑑᑉ ᐊᓂᕐᓂᖓᓄᑦ ᑕᒻᒪᕐᑎᑕᐅᕗᑦ, ᒎᑎᒥᖕᓂᒃ ᕿᒤᕗᑦ ᐊᓯᓐᓂᐊᕐᓂᕐᒧᑦ.

ᕼᐆᓯᐊᑉ ᐊᒡᓚᖏᑦ 5:4

ᐱᐅᖏᑦᑐᒥᒃ ᐱᓇᓱᕐᓂᕐᒥᖕᓄᑦ ᐅᑎᕈᓐᓁᓪᓕᕗᑦ ᒎᑎᒥᖕᓄᑦ. ᐊᓯᓐᓂᐊᕐᓂᐅᑉ ᐊᓂᕐᓂᖓᓄᑦ ᓇᔪᕐᑕᐅᒐᒥᒃ, ᐊᑕᓂᕐᒥᒃ ᐃᓕᑕᕐᓯᓐᖏᓚᑦ.

ᕼᐆᓯᐊᑉ ᐊᒡᓚᖏᑦ 5:7

ᐅᒃᐱᕐᓇᕈᓐᓁᕐᓯᒪᖕᒪᑕ ᐊᑕᓂᕐᒧᑦ; ᕿᑐᕐᖓᖏᑦ ᑖᒃᑯᓄᖓ ᐱᒋᔭᐅᔪᓐᓁᕐᐳᑦ. ᒫᓐᓇᓕ ᑕᖅᑭᓂᕋᑖᒥ ᓄᓇᖁᑎᖏᑦ ᐊᓯᕈᕐᑕᐅᔪᒫᓕᕐᐳᑦ ᐱᖁᑎᓕᒫᖏᓪᓗ.

ᐂᒨᓯᐅᑉ ᐊᒡᓚᖏᑦ 3:2

“ᐃᓚᒌᒃᑐᓕᒫᓂᑦ ᓄᓇᕐᔪᐊᒥ ᖃᓂᒋᔭᑐᐊᕆᓯᒪᕙᑦᓯ; ᑍᒤᒻᒪᑦ ᐊᔪᕐᑐᓕᓂᓯ ᒪᓕᒡᓗᒋᑦ ᓱᒋᐊᕐᓂᐊᕐᐸᑦᓯ.”

ᐂᒨᓯᐅᑉ ᐊᒡᓚᖏᑦ 4:5

ᑐᓂᕐᕈᓯᓕᕆᑦᓯ ᖁᔭᓕᓂᕐᒧᑦ ᓂᐊᖂᔭᓂᒃ ᐳᕙᓪᓚᕐᓴᐅᑎᓕᖕᓂᒃ, ᐅᖃᕆᑦᓯ ᓇᓗᓁᕐᓯᓗᓯᓗ ᐃᓱᒤᓐᓇᕐᕆᓯᐅᑎᒥᒃ ᑐᓂᕐᕈᓯᕐᓂᑦᓯᓐᓂᒃ, ᑕᒪᓐᓇ ᐱᐅᒋᒐᑦᓯᐅᒃ, ᐃᓕᑦᓯ ᐃᓴᕆᐊᓕᒥᐅᖑᔪᓯ!” ᐊᑕᓂᖅ ᒎᑎ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 6:13

ᐃᓕᑦᓯ ᖁᕕᐊᓲᑎᖃᕐᑐᓯ ᓵᓚᒃᓴᕐᓂᕐᒥᒃ ᓘ-ᑎᐹᕐᒥᒃ, ᐅᖃᕐᑐᓯᓗ, “ᑳᕐᓁᒻ ᑎᒍᓚᐅᓐᖏᓚᕘᑦ ᓇᖕᒥᓂᖅ ᓴᓐᖏᓂᑦᑎᓐᓅᑦ?”

ᐂᒨᓯᐅᑉ ᐊᒡᓚᖏᑦ 8:10

ᓇᓪᓕᐅᓐᓂᕐᓯᐅᕐᕕᓯᓗ ᐅᒡᒍᐊᕐᓂᖑᕐᑎᑦᓱᒫᕐᐸᒃᑲ, ᐃᓐᖏᕐᓂᓯᓗ ᕿᐊᓂᓐᖑᕐᑎᑦᓱᒫᕐᐸᖅᑲ; ᓂᕈᒥᖏᑦᑐᓂᒃ ᐃᒃᐱᐊᕐᔪᒃᓴᔭᓂᒃ ᑕᒪᑦᓯ ᐊᓐᓄᕌᖃᕐᑎᑦᓱᒫᕐᐸᑦᓯ, ᓂᐊᖁᓯᓗ ᓄᔧᔭᕐᓯᒪᓕᕐᓗᑎᒃ; ᕿᒃᓵᒃᑎᑦᓱᒫᕐᐸᑦᓯᓗ ᐃᕐᓂᑐᐊᑦᓯᓐᓂᒃ ᑐᖁᔨᐊᖃᕐᑐᑎᑐᑦ, ᐅᓪᓗᖅ ᑍᓐᓇ ᖃᓯᓕᓇᕐᑐᑎᑐᑦ ᑍᒤᑦᓱᒫᕐᐳᖅ.”

ᔧᒥᓯᐅᑉ ᐊᒡᓚᖏᑦ 4:16

ᑍᒤᒻᒪᑦ, ᐱᔪᓐᓇᕋᓱᒋᓂᕐᒧᑦ ᐱᐅᔪᕆᓕᕐᐸᒃᑲᑦᓯ. ᐱᐅᔪᕆᓃᑦ ᑍᒤᑦᑐᑦ ᐱᐅᖏᑦᑑᖕᒪᑕ.

ᔧᒥᓯᐅᑉ ᐊᒡᓚᖏᑦ 5:1

ᐃᓕᑦᓯ ᒫᓐᓇ ᐊᔪᕐᓴᖏᑦᑐᐊᓘᔪᓯ, ᕿᐊᓗᓯᓗ ᓂᓪᓕᐊᓕᕆᑦᓯ ᐅᒡᒍᐊᕐᓇᕐᑐᒧᑦ ᑎᑭᑕᐅᓕᕋᑦᓯ.