ᕼᐆᓯᐊᑉ ᐊᒡᓚᖏᑦ 8:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐊᓄᕆᒥᒃ ᑲᓐᖓᕐᓱᐃᒍᑎᒃ, ᐅᓚᔪᔭᕐᔪᐊᒥᒃ ᑲᑎᕐᓱᐃᔪᒫᕐᐳᑦ. ᓂᐊᖂᔭᒃᓮᑦ ᓂᐊᖁᖃᓐᖏᓚᑦ, ᓂᕆᔭᒃᓴᒥᒃ ᐱᕈᕐᕕᐅᓂᐊᓐᖏᓚᑦ; ᐱᕈᕐᕕᐅᒐᓗᐊᕐᐸᑕ ᓄᓇᖅᑲᑎᒋᓐᖏᑕᖏᑕ ᓂᕆᔪᒫᕐᐰᑦ.

ᕼᐆᓯᐊᑉ ᐊᒡᓚᖏᑦ 8:7 Iomraidhean Croise

ᒨᓯᓯ ᓯᕗᓪᓖᑦ 41:23

ᑭᖑᓂᖓᒍᑦ ᑕᑯᓕᕆᕗᖓ, ᓂᐊᖂᔭᒃᓮᑦ ᓂᐊᖁᖏᓐᓂᒃ 7ᓂᒃ ᐊᒥᑦᑐᓂᒃ ᑐᖁᓕᖓᔪᓂᒃ, ᐊᓄᕆᒧᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᒧᑦ ᓂᐅᓐᖓᒃᑎᑕᐅᓯᒪᔪᓂᒃ ᐱᕈᑦᓯᐊᕐᑐᑦ ᓇᓛᓄᑦ.

ᐊᑕᓃᑦ ᐂᑉᐸᖏᑦ 15:19

ᐴᓪ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐃᓴᕆᐊᓕᒥᐅᑦ ᓄᓇᖁᑎᖓᓄᐊᓚᐅᕐᐳᖅ ᓵᓚᖃᕈᓐᓇᕐᓂᖓᓗ ᓯᕘᕋᒋᔭᐅᓚᐅᕐᐳᑦ; ᐊᖓᔪᖅᑳᕐᔪᐊᑉ ᒥᓇᕼᐃᒻ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐴᓪ 76,000ᐸᐅᓂᒃ ᓯᐅᓪᕕᕆᓂᒃ ᑐᓂᓯᕕᒋᕚ, ᐱᔪᓐᓇᕐᓂᖃᕐᑎᑕᐅᓂᕆᔭᓂ ᓄᓇᖁᑎᒥᓄᑦ ᐃᑲᔪᕐᑐᕐᑕᐅᖁᓪᓗᒍ.

ᐊᑕᓃᑦ ᐂᑉᐸᖏᑦ 15:29

ᐲᑲ ᐊᖓᔪᖅᑳᕐᔪᐊᖑᑎᓪᓗᒍ ᐃᓴᕆᐊᓕᓄᑦ, ᑎᒡᓚᑦ-ᐰᓕᓴ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓵᓚᖃᕐᓂᕐᒥᓄᑦ ᓄᓇᓕᖕᓂᒃ ᑎᒍᓯᖃᑦᑕᓚᐅᕐᐳᖅ, ᐂᔮᓐᒥᐅᓂᒃ, ᐊᐱᐅᓪ-ᐱᑦ-ᒫᑲᒥᐅᓂᒃ, ᔭ-ᓄᐊᒥᐅᓂᒃ, ᑭᑎᔅ-ᓯᒥᐅᓂᒃ ᕼᐂᔭᒥᐅᓂᒡᓗ, ᒋᓕᐊᑎᐅᑉ ᓄᓇᓕᖏᑦ, ᒐᓕᓖᓪᓗ, ᓈᑉᑕᓕᒥᐅᓪᓗ ᐃᓄᖏᓐᓂᒃ ᑎᒍᓯᓪᓗᓂ ᐊᓯᕆᐊᒧᑦ ᐊᐅᓪᓚᕈᑎᓚᐅᕐᐰᑦ.

ᔫᐱᐅᑉ ᐊᒡᓚᖏᑦ 4:8

ᑕᑯᖃᑦᑕᕐᓯᒪᕗᖓ ᐱᐅᖏᑦᑐᓂᒃ ᑲᓐᖓᕐᓱᐃᓯᒪᔪᓂᒃ ᐊᑲᐅᖏᑦᑐᓂᒡᓗ ᑲᓐᖓᕐᓱᐃᔪᑦ ᑍᒤᑦᑐᓂᒃᑕᐅᖅ ᑲᑎᕐᓱᐃᓕᕐᐸᖕᒪᑕ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:8

ᐊᑦᔨᒌᒃᑎᑦᓯᖏᓐᓂᕐᒥᒃ ᑲᓐᖓᕐᓱᐃᔪᖅ ᕿᒃᓵᖕᓇᕐᑐᒥᒃ ᑲᑎᕐᓱᐃᓂᐊᕐᐳᖅ, ᓂᓐᖓᐅᒪᓂᖓᑕᓗ ᑲᑉᐱᐊᓇᕐᓂᖓ ᓵᓚᖃᕐᓂᐊᓐᖏᓚᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:16

ᑕᒪᓐᓇᑦᑕᐅᖅ ᑕᕝᕙ ᐱᐅᖏᑦᑐᖅ: ᑍᒫᒃ ᓄᓇᒧᑦ ᑎᑭᓚᐅᕋᒥ ᑍᒫᑦᓮᓐᓇᖅ ᐅᑎᕈᒫᕆᕗᖅ. ᓱᓇᒥᒡᓕ ᐱᕙᓪᓕᕈᑎᖃᕐᐹ ᐊᓄᕆᒥᒃ ᐊᖑᓯᓇᓱᖕᓂᕐᒧᑦ ᐊᒃᓱᕈᓚᐅᑐᐃᓐᓇᕐᓗᓂ?

ᐂᓮᐊᓯᐅᑉ ᐊᒡᓚᖏᑦ 17:11

ᐱᕈᕐᑎᑦᓯᕙᒃᑲᓗᐊᕐᑐᓯ ᐅᓪᓗᒥᑦᓮᓐᓇᖅ ᓄᓇᒧᑦ ᐃᓕᔭᑦᓯᓐᓂᒃ, ᓄᓇᕋᖃᓕᕐᓗᑎᒃ ᐅᓪᓛᓐᖑᕐᒪᑦ ᓄᓇᒧᑦ ᐃᓕᓚᐅᕐᑕᓯ; ᑭᓯᐊᓂ ᑲᑎᕐᓱᐃᓂᖃᕈᓐᓃᓛᕐᐳᖅ ᐅᓪᓗᒥ ᕿᒃᓵᒡᕕᖕᒥ ᐋᓐᓂᐊᓇᕐᑐᒥ ᐋᓐᓂᐊᕈᓐᓃᕐᓇᖏᑦᑐᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 55:2

ᓱᖕᒪᑦ ᑮᓇᐅᔭᕐᑑᑎᖃᕋᓱᐊᕐᐱᓰ ᓂᐊᖂᔭᐅᖏᑦᑐᓂᒃ? ᓱᖕᒪᓪᓗ ᐊᒃᓱᕈᕈᑎᖃᕐᐱᓰ ᓈᒻᒪᒃᓯᑦᔪᑎᒋᓂᐊᓐᖏᑕᑦᓯᓐᓂᒃ? ᓈᓚᑦᓯᐊᓚᐅᕐᓯᓐᖓ, ᓂᕆᓗᓯᓗ ᐱᐅᔪᒥᒃ, ᑕᕐᓂᓯ ᓈᒻᒪᒃᓯᑦᓯᐊᖁᓪᓗᒍ ᖁᐃᒃᓯᓐᓇᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 66:15

“ᑕᑯᒋᑦᓯ, ᐊᑕᓂᖅ ᑎᑭᑦᓱᒫᕐᐳᖅ ᐃᑯᐊᓚᔪᒦᓪᓗᓂ, ᕿᒧᒃᓯᐅᑎᖁᑎᖏᓪᓗ ᐊᒃᓴᓗᐊᓕᖕᓂᒃ ᐅᓂᐊᕐᑐᑦ ᐅᓚᓗᔨᕋᕐᑐᑎᑐᑦ ᑍᒤᑦᓱᒫᕐᐳᑦ, ᐊᑭᓖᔭᕐᑐᕐᓗᓂ ᓂᓐᖓᕕᒡᔪᐊᕐᓯᒪᓂᕐᒧᑦ, ᑖᑦᓱᒪᓗ ᓱᐊᖕᓂᖓ ᐃᑯᒪᐅᓗᓂ ᐃᑯᐊᓚᔪᖅ.

ᔨᕆᒤᐊᐅᑉ ᐊᒡᓚᖏᑦ 12:13

ᐃᓄᖁᑎᒃᑲ ᓂᐊᖂᔭᒃᓴᓂᒃ ᑲᓐᖓᕐᓱᐃᓚᐅᕐᐳᑦ ᐅᕐᐱᖕᓂᒡᓕ ᑲᑭᓐᓇᕐᑐᓕᖕᓂᒃ ᑲᑎᕐᓱᐃᕗᑦ, ᐱᓇᓱᐊᕐᓂᕐᒧᑦ ᑕᖃᑐᐃᓐᓇᕐᐸᒃᐳᑦ, ᐱᓇᓱᐊᕐᓂᖓᓪᓕ ᐱᕙᓪᓕᕐᓇᕐᑐᖃᓐᖏᓚᖅ. ᐱᕈᕐᑎᑕᕕᓂᕐᒥᓂᒃ ᑲᓐᖑᓲᑎᖃᕈᒫᕐᐳᑦ ᐊᑕᓂᐅᑉ ᓂᓐᖓᐅᓯᕐᒥᓄᑦ ᐱᓂᐊᕐᕕᒋᔪᒫᕐᒪᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:2

ᑭᖑᕐᖑᑎᔭᕗᑦ ᑕᑯᓕᒪᓇᖏᑦᑐᓄᑦ ᐱᓯᒪᔭᐅᓕᕐᒪᑕ, ᐊᖏᕐᕋᕆᓚᐅᕐᑕᕗᓪᓗ ᐃᓂᒋᔭᐅᓕᕐᓗᑎᒃ ᑕᑯᓕᒪᓇᖏᑦᑐᓄᑦ.

ᕼᐆᓯᐊᑉ ᐊᒡᓚᖏᑦ 2:9

ᑍᒤᒻᒪᑦ ᑲᑎᕐᓱᐃᕕᒃ ᓇᓪᓕᐅᑎᒃᐸᑦ ᑐᓂᕐᕈᑎᒋᓚᐅᕐᑕᒃᑲ ᐅᑎᕐᑎᑦᓱᒫᓕᕐᐸᒃᑲ ᓂᐊᖂᔭᒃᓮᑦ ᕔᓃᓪᓗ; ᐊᕐᓵᕐᓗᒍᓗ ᓄᕕᕐᓵᒃᓴᓂᒃ ᐊᓐᓄᕌᒃᓴᓂᒡᓗ, ᐊᓐᓄᕌᖃᖏᓐᓂᖓᑕ ᐅᓕᒃᓯᒪᑦᔪᑎᒋᓚᐅᕐᑕᖏᓐᓂᒃ.

ᕼᐆᓯᐊᑉ ᐊᒡᓚᖏᑦ 7:9

ᖃᐅᔨᒪᓐᖏᓚᑦ ᑕᐱᖃᕐᓂᕐᒥᖕᓄᑦ ᓲᖑᓂᒃᓴᖏᑦ ᓄᖑᑕᐅᖕᒪᑕ; ᓂᐊᖁᖏᑦ ᕿᑦᔭᒃᑎᑕᐅᓕᕐᐳᑦ, ᑕᒪᑐᒥᖓᓕ ᖃᐅᔨᓐᖏᓚᓪᓘᓐᓃᑦ.

ᕼᐆᓯᐊᑉ ᐊᒡᓚᖏᑦ 9:16

ᐃᕗᕅᑎ ᓱᒋᐊᕐᑕᐅᕗᖅ, ᐊᒫᖏᑦ ᐸᓂᕐᒪᑕ, ᐱᕈᕐᕕᐅᓂᐊᕈᓐᓁᕐᐳᖅ. ᕿᑐᕐᖓᕐᑖᕋᓗᐊᕐᐸᑕ, ᓇᒡᓕᒋᒻᒪᕆᒃᑕᖏᑦ ᑐᖁᓐᓂᐊᕐᐸᒃᑲ.”

ᓇᕼᐅᒥᐅᑉ ᐊᒡᓚᖏᑦ 1:3

ᐊᑕᓂᖅ ᕿᓄᐃᑉᐳᖅ ᐱᒃᓴᕐᑐᓂᓕᒡᔫᓪᓗᓂᓗ, ᓱᒋᐊᕐᓯᑦᑍᓕᓐᖏᓚᕐᓗ ᖃᕿᐊᓕᕐᓂᖃᖏᑦᑐᓂᒃ. ᐊᑕᓂᖅ ᐃᓂᖃᕐᐳᖅ ᐅᓚᔪᔭᕐᒥ ᐊᖅᑯᓇᕐᔪᐊᒥᓗ, ᐃᑎᒐᖏᑕᓗ ᓄᕗᔧᑦ ᐳᔪᕋᕆᕔᑦ.

ᕼᐊᒊᑉ ᐊᒡᓚᖏᑦ 1:6

ᑲᓐᖓᕐᓱᐃᓚᐅᕐᐳᓯ ᐊᖏᔪᓂᒃ, ᑲᑎᕐᓱᕐᑕᓯ ᒥᑭᔫᑎᓪᓗᒋᑦ; ᓂᕆᕗᓯ, ᐊᕿᐊᑦᑐᕈᓐᓇᕋᓯ; ᐃᒥᕐᐳᓯ, ᐃᒥᕈᐃᕈᓐᓇᕋᓯ, ᐊᓐᓄᕌᕋᓗᐊᕐᐳᓯ ᐅᖅᑰᓯᓇᓯᓕ, ᑮᓇᐅᔭᓕᐅᕐᑐᕐᓗ, ᐴᖅᑬᕗᖅ ᑮᓇᐅᔭᒥᓂᒃ ᐃᒃᐱᐊᕐᔪᖕᒧᑦ ᐊᖕᒪᔪᓕᖕᒧᑦ.’

ᒐᓔᑎᐊᒥᐅᓄᑦ 6:7

ᐅᐃᕕᕐᕆᔭᐅᑦᑍᓕᒋᑦᓯ; ᒎᑎ ᒥᑕᐅᑎᒋᔭᒃᓴᐅᖏᒻᒪᑦ, ᐃᓄᒃ ᓇᖕᒥᓂᖅ ᑲᓐᖓᕐᓲᑎᒋᓚᐅᕐᑕᒥᓂᒃ ᑲᑎᕐᓱᐃᔪᒫᕐᒪᑦ.

ᒐᓔᑎᐊᒥᐅᓄᑦ 6:8

ᑎᒥᐅᑉ ᐱᔪᒪᔭᖓ ᒪᓕᒡᓗᒍ ᑲᓐᖓᕐᓱᐃᔪᖅ ᑲᑎᕐᓱᐃᔪᒫᕐᐳᖅ ᐊᓯᕈᕐᑕᐅᑦᔪᑎᒃᓴᒥᓂᒃ; ᐊᓂᕐᓂᕐᒧᓪᓕ ᑲᓐᖓᕐᓱᐃᒃᐸᑦ ᐊᓂᕐᓂᕐᒥᑦᑕᐅᖅ ᑲᑎᕐᓱᐃᔪᒫᕐᐳᖅ ᐃᓄᓯᕐᒥᒃ ᓄᖑᓱᐃᑦᑐᒥᒃ.

ᒨᓯᓯ ᑕᓪᓕᒪᖏᑦ 28:33

ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓂᑦ ᐱᓯᒪᔪᓄᑦ ᖃᐅᔨᒪᓐᖏᑕᑦᓯᓐᓄᑦ ᓂᐊᖂᔭᒃᓴᖁᑎᓯ ᓂᕿᒋᔭᐅᔪᒫᕐᐳᑦ ᐊᒃᓱᕈᒻᒪᕆᒃᓗᑎᑦ ᐱᓇᓱᐊᕈᑎᒋᖃᑦᑕᕐᓯᒪᔭᑎᑦ ᐱᕈᕐᑎᓐᓇᓱᐊᕐᓗᒋᑦ; ᐱᑎᑕᐅᖏᑦᓯᐊᕐᓗᓯ ᐅᖁᒤᒃᓴᕐᑎᑕᐅᔪᒫᕐᐳᓯ ᑍᒪᓐᖓᑦ ᐱᑲᒻᒪᒃᑕᐅᖃᑦᑕᕐᓗᓯᓗ ᓂᑲᒋᔭᐅᖏᓪᓗᓯ.