ᕼᐆᓯᐊᑉ ᐊᒡᓚᖏᑦ 8:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓄᕐᕋᐅᔮᕐᑐᓐᖑᐊᖅ ᒎᑎᓐᖑᐊᓯ ᓇᕐᕈᒋᕙᕋ ᓴᒥᐊᕆᐊ. ᓂᓐᖓᐅᒪᓂᕋ ᑖᒃᑯᓄᖓ ᑐᕌᓕᕐᐳᖅ. ᖃᓄᖅ ᐊᑯᓂᐅᑎᒋᔪᖅ ᐃᑦᔪᕐᓁᓐᓂᕐᒧᑦ ᑎᑭᐅᑎᓇᓱᐊᕐᓂᐊᕐᐹᑦ?

ᕼᐆᓯᐊᑉ ᐊᒡᓚᖏᑦ 8:5 Iomraidhean Croise

ᑯᕉᓂᑲ ᐂᑉᐸᖏᑦ 13:8

ᒫᓐᓇᓕ ᐊᑭᒪᔪᓐᓇᕋᓱᒋᕕᓰ ᐊᑕᓂᐅᑉ ᐊᑕᓂᐅᕕᖓᓄᑦ, ᑍᕕᑎᐅᑉ ᐃᕐᓂᖏᑕ ᐱᔪᓐᓇᕐᓂᖏᓐᓄᑦ; ᐅᓄᕐᑐᕐᔪᐊᖑᒐᑦᓯ ᐃᓚᖃᕐᓗᓯᓗ ᓄᕐᕋᐅᔭᓐᖑᐊᓂᒃ ᒎᓗᓂᒃ ᔨᕈᐳᐊᒻ ᓴᓇᓚᐅᕐᑕᖏᓐᓂᒃ ᒎᑎᓐᖑᐊᓂᒃ.

ᐃᓐᖏᕈᑎᑦ 19:13

ᐱᔩᑦ ᓴᐳᑎᓯᒪᓚᐅᕈᒃ ᐱᔮᕆᓂᕐᒧᑦ ᐊᔪᕐᓂᕐᓂᑦ; ᑕᒪᒃᑯᐊ ᐊᐅᓚᑦᓯᓕᖁᓇᒋᑦ ᐅᕙᓐᓂᒃ. ᑕᕝᕙ ᓵᑕᒃᓴᐅᓂᐊᓐᖏᓚᖓ, ᐸᓯᔭᒃᓴᐅᓂᐊᓐᖏᓚᖓᓗ ᐊᔪᕐᓂᕐᓂᑦ ᐊᖏᔪᓂᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:22

ᓯᓔᑦᑑᔪᓯ ᖃᓄᖅ ᐊᑯᓂᐅᑎᒋᔪᖅ ᓯᓔᑦᑑᓂᕐᒥᒃ ᖁᕕᐊᒋᔭᖃᕐᓂᐊᕐᐱᓰ? ᖃᓄᕐᓗ ᐊᑯᓂᐅᑎᒋᔪᖅ ᒥᑕᐅᑎᖃᕐᑐᑦ ᖁᕕᐊᒋᔭᖃᕐᓂᐊᕐᐸᑦ ᒥᑕᐅᑎᒃᓴᕐᓂᕐᒥᒃ ᓯᓔᑦᑐᓪᓗ ᖃᐅᔨᒪᓂᕐᒥᒃ ᐱᐅᒃᓴᖏᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 45:20

“ᑲᑎᕐᓱᕐᓗᓯ ᕾᓚᐅᕆᑦᓯ; ᖃᒡᓕᒋᐊᕐᓗᓯ ᐊᑕᐅᑦᓯᒃᑯᑦ, ᐃᓕᑦᓯ ᐊᓐᓇᒃᓯᒪᔪᓯ ᐃᓅᖃᑎᒌᒡᔪᐊᓂᑦ. ᖃᐅᔨᒪᓐᖏᓚᑦ ᒎᑎᓐᖑᐊᓂᒃ ᕿᔪᖕᓂᒃ ᓴᓇᓯᒪᔪᓂᒃ ᐊᒡᔭᕐᓯᖃᑦᑕᕐᑐᑦ, ᑐᒃᓯᐊᖃᑦᑕᕐᑐᑦ ᒎᑎᓄᑦ ᐱᐅᓕᓯᔪᓐᓇᖏᑦᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 13:27

ᓇᕐᕈᓇᕐᑐᓕᓂᓯ ᑕᑯᓯᒪᒐᒃᑭᑦ, ᐊᓯᓐᓂᐊᕐᓯᒪᓂᓯ ᐱᔪᒪᓗᐊᕐᓂᓯᓗ, ᑲᓐᖑᓱᒐᓯ ᓄᓕᐊᕐᓃᑦ ᐱᓇᓱᐊᓚᐅᕐᑕᓯ ᑕᑯᓯᒪᕙᒃᑲ, ᖃᖅᑬᑦ ᖄᖏᓐᓂ ᓇᑎᕐᓇᓂᓗ. ᑲᑉᐱᐊᓐᓇᒦᖑᔪᓯ ᔨᕉᓴᓕᒥᐅᑦ! ᖃᓄᖅ ᐊᑯᓂᐅᑎᒋᔪᖅ ᓴᓗᒤᑦᑑᓂᐊᕐᐱᓰ?”

ᔨᕆᒤᐊᐅᑉ ᐊᒡᓚᖏᑦ 4:14

ᔨᕉᓴᓕᒥᐅᖑᔪᓯ, ᐆᒻᒪᑎᓯ ᐅᐊᓴᕐᓯᒋᒃ ᐱᐅᖏᑦᑐᓂᑦ, ᐱᐅᓕᔭᐅᖁᓪᓗᓯ! ᖃᓄᖅ ᐊᑯᓂᐅᑎᒋᔪᖅ ᐱᐅᖏᑦᑐᓂᒃ ᐃᓱᒪᖃᕐᓂᐊᕐᐱᓰ?

ᔨᕆᒤᐊᐅᑉ ᐊᒡᓚᖏᑦ 48:13

ᒧᐊᐱ ᑲᓐᖑᓲᑎᖃᓕᕈᒫᕐᐳᖅ ᒎᑎᒥᓂᒃ ᑭᒨᓯᒥᒃ, ᓲᕐᓗᑦᑕᐅᖅ ᐃᓴᕆᐊᓕᒥᐅᑦ ᑲᓐᖑᓲᑎᖃᓕᓚᐅᕐᒪᑕ ᒎᑎᓐᖑᐊᒥᒃ ᐱᑎᓕᒥᒃ ᑕᑎᖃᓗᐊᓚᐅᕐᓗᑎᒃ.

ᕼᐆᓯᐊᑉ ᐊᒡᓚᖏᑦ 10:5

ᓴᒥᐊᕆᐊᕐᒥᐅᑦ ᓴᔪᒍᒫᕐᐳᑦ ᓄᕐᕋᓐᖑᐊᒥᒃ ᐱᑦᐂᕕᓐᒦᑦᑐᒥᒃ ᐅᒡᒍᐊᕐᓗᑎᒃ. ᐃᓄᖏᑦ ᕿᒃᓵᒍᑎᖃᕈᒫᕐᐳᑦ ᑖᑦᓱᒥᖓ, ᒎᑎᓐᖑᐊᒧᓪᓗ ᑐᓂᕐᕈᓯᕐᑎᑦᓯᔩᑦ ᕿᒃᓵᒍᑎᖃᕈᒫᕐᐳᑦ ᑖᑦᓱᒥᖓ, ᐱᓐᓇᕐᓇᕐᑐᖁᑎᖓᑕ ᕿᒪᖕᒪᒋᑦ.

ᕼᐆᓯᐊᑉ ᐊᒡᓚᖏᑦ 10:8

ᐂᕙᓐᒥᐅᑦ ᐱᒻᒪᕆᖁᑎᖏᑕ ᐃᓂᖏᑦ, ᐃᓴᕆᐊᓕᐅᓪᓗ ᐊᔪᕐᓂᖏᑦ, ᐊᓯᕈᕐᑕᐅᔪᒫᕐᐳᑦ. ᐅᕐᐲᑦ ᑲᑭᓐᓇᕐᑐᓖᑦ ᐱᕈᕐᓂᕐᓗᒃᑐᓪᓗ ᐱᕈᕈᒫᕐᐳᑦ ᑐᓂᕐᕈᓯᕐᕕᖏᓐᓂ; ᖃᖅᑲᓄᓪᓗ ᐅᖃᕈᒫᕐᐳᑦ, “ᐅᓕᒃᑎᒍᑦ!” ᐱᖑᕐᓄᓪᓗ, “ᑲᑕᒡᕕᒋᑎᒍᑦ!”

ᕼᐆᓯᐊᑉ ᐊᒡᓚᖏᑦ 13:2

ᒫᓐᓇᓗ ᐊᔪᕐᑐᓕᕙᓪᓕᐊᑐᐃᓐᓇᕐᐳᑦ, ᓴᓇᕗᓪᓗ ᓴᕕᕋᔭᖕᓂᒃ ᐊᐅᒃᑎᑦᓯᓪᓗᑎᒃ ᒎᑎᓐᓐᖑᐊᒃᓴᒥᖕᓂᒃ, ᒎᑎᓐᖑᐊᓕᐅᕐᐳᑦ ᑕᑯᒥᓇᕐᑐᓂᒃ ᓯᐅᓪᕕᕆᓂᒃ, ᑲᑐᑦᔨᓪᓗᑎᒃ ᓴᓇᓐᖑᐊᕈᓐᓇᕐᑐᓄᑦ ᓴᓇᔭᐅᕗᑦ. ᑖᒃᑯᓄᖓ ᑐᓂᕐᕈᓯᓕᕋᒥᒃ ᐅᖃᕐᐳᑦ, “ᑐᓂᕐᕈᓯᕐᑐᑦ ᑯᓂᒃᓯᓕᑦ ᓄᕐᕋᐅᔭᓐᖑᐊᒥᒃ!”

ᕼᐆᓯᐊᑉ ᐊᒡᓚᖏᑦ 8:6

ᐃᓴᕆᐊᓕᒥ: ᓴᓇᔩᑦ ᓴᓇᓯᒪᔭᖓ, ᒎᑎᐅᓐᖏᓚᖅ; ᓴᒥᐊᕆᐊᒥ ᓄᕐᕋᐅᔮᕐᑐᓐᖑᐊᖅ ᓯᖁᒥᑕᐅᔪᒫᕐᐳᖅ.

ᐂᒨᓯᐅᑉ ᐊᒡᓚᖏᑦ 8:14

ᐊᖏᕈᑎᓕᐅᕐᑐᓪᓗ ᓴᒥᐊᕆᐊᑉ ᒎᑎᓐᖑᐊᖓᒍᑦ ᐊᓯᒪᒃᑯᑦ, ᐃᒫᒃ ᐅᖃᕐᓗᑎᒃ, ‘ᑖᓐ ᑭᖑᕚᖏᑦ ᒎᑎᓯ ᐃᓅᖕᒪᑦ! ᐱᐊᕐᓯᐸᐅᓪᓗ ᒎᑎᖓ ᐃᓅᖕᒪᑦ!’ ᑖᒃᑯᐊ ᐅᕐᕈᔪᒫᕐᐳᑦ ᒪᑭᓐᓂᐊᕈᓐᓁᕐᓗᑎᒡᓗ.”

ᒤᑲᐅᑉ ᐊᒡᓚᖏᑦ 1:7

ᓴᓇᓐᖑᐊᕐᓯᒪᔪᑦ ᒎᑎᓐᖑᐊᖏᑦ ᓯᖁᒥᑦᓱᒫᕐᐸᒃᑲ, ᐊᑭᓕᐅᑎᒋᓚᐅᕐᑕᖏᓪᓗ ᐊᕐᓇᓄᑦ ᐊᑐᒐᕐᓄᑦ ᐃᑯᐊᓪᓚᒃᑎᓐᓂᐊᕐᐸᒃᑲ. ᒎᑎᓐᖑᐊᓕᒫᖏᑦ ᐊᓯᕈᕈᒫᕐᐸᒃᑲ, ᑲᑎᕐᓱᓚᐅᕐᒪᒋᑦ ᐊᑭᓕᕐᑕᐅᓂᒃᑯᑦ ᐊᕐᓇᓄᑦ ᐊᑐᒐᕐᓄᑦ, ᑖᒃᑯᓄᖓᑦᓮᓐᓇᖅ ᐊᕐᓇᓄᑦ ᐊᑐᒐᕐᓄᑦ ᐊᑐᕐᑕᐅᓂᐊᕐᐳᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 7:41

ᓴᓇᓚᐅᕐᐳᑦ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖓᓂᒃ, ᑐᓂᕐᕈᓯᕐᕕᒋᓪᓗᒍ ᖁᕕᐊᓱᖃᑎᒌᓚᐅᕐᐳᑦ ᓇᖕᒥᓂᖅ ᓴᓇᓚᐅᕐᑕᑎᒃ ᑖᓐᓇ ᐱᑦᔪᑎᒋᓪᓗᒍ.

ᒨᓯᓯ ᑕᓪᓕᒪᖏᑦ 32:22

ᓂᓐᖓᐅᓯᕋ ᐃᑯᒪᑎᑐᑦ ᐃᑯᐊᓪᓚᒃᑐᑎᑐᑦ ᑍᒤᓕᕐᐳᖅ, ᓄᓇᕐᔪᐊᕐᒦᑦᑐᓕᒫᓂᒡᓗ ᐃᑯᐊᓪᓚᒃᑎᑦᓯᓂᐊᕐᐳᖅ. ᐊᒡᓛᑦ ᓄᓇᕐᔪᐊᑉ ᐊᒃᐸᓯᖕᓂᖓᓃᑦᑐᑦ ᑎᑭᓪᓗᒋᑦ ᖃᖅᑬᓪᓗ ᑐᓐᖓᕕᖏᑦ ᐊᒡᓛᑦ ᑎᑭᓪᓗᒋᑦ.