ᕼᐆᓯᐊᑉ ᐊᒡᓚᖏᑦ 8:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐃᓇᑦᓯᓚᐅᕋᓗᐊᕐᐳᑦ ᐃᓚᑖᕈᒪᓪᓗᑎᒃ ᐃᓅᖃᑎᒌᒡᔪᐊᓂᑦ, ᑲᑎᕐᓱᕐᓂᐊᕐᐸᒃᑲᓕ ᒫᓐᓇᑦᓴᐅᑎᒋᒃᑯᑦ. ᕿᒃᓵᒃᑎᑕᐅᑬᓐᓇᕈᒫᕐᐳᓪᓕ ᐊᖓᔪᖅᑳᕐᔪᐊᕐᒧᑦ ᑎᓕᔭᐅᓯᒪᔪᒧᑦ ᐊᖓᔪᖅᑳᖁᑎᖏᓐᓄᓪᓗ ᐅᖁᒤᒃᓴᕐᑎᑕᐅᓕᕈᑎᒃ.

ᕼᐆᓯᐊᑉ ᐊᒡᓚᖏᑦ 8:10 Iomraidhean Croise

ᐊᑕᓃᑦ ᐂᑉᐸᖏᑦ 14:26

ᐃᓴᕆᐊᓕᒥᐅᑦ ᐊᖏᔪᒥᒃ ᐅᖁᒤᒃᓴᕐᑎᑕᐅᓂᖏᑦ ᐊᑕᓂᐅᑉ ᑕᑯᓐᓇᓚᐅᕐᐰᑦ. ᐊᑕᐅᓯᕐᒥᒡᓘᓐᓃᑦ ᐃᑲᔪᕐᑎᒃᓴᖓᓂᒃ ᐱᑕᖃᓚᐅᓐᖏᓚᖅ ᐃᓴᕆᐊᓕᓂ.

ᐊᑕᓃᑦ ᐂᑉᐸᖏᑦ 17:3

ᓵᓪᒪᓃᓴ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐅᓇᑕᓕᓚᐅᕐᐳᖅ ᑖᑦᓱᒧᖓ; ᐊᖓᔪᖅᑳᕐᔪᐊᖅ ᕼᐆᓯᐊ ᓵᓚᐅᒐᒥ, ᐊᑭᓕᕐᓱᐃᖃᑦᑕᕆᐊᖃᓕᓚᐅᕐᐳᖅ ᐊᕐᕌᒍᑕᒫᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓄᑦ.

ᐊᑕᓃᑦ ᐂᑉᐸᖏᑦ 17:4

ᐊᕐᕌᒍᐃᑦ ᐃᓚᖓᓐᓂ ᕼᐆᓯᐊ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓲᒥᒃ ᐊᑎᓕᖕᒧᑦ ᐃᑲᔪᕐᑕᐅᔪᒪᑦᔪᑎᓕᐅᕐᐳᖅ ᐃᔨᕋᕐᑐᕐᓗᓂ, ᐊᓯᕆᐊᒥᐅᓄᑦ ᐊᑭᓕᕐᑐᐃᓂᕆᕙᒃᑕᓂ ᐊᕐᕌᒍᑕᒫᑦ ᓄᖅᑲᕐᑎᓪᓗᓂᐅᑉ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᓵᒪᓃᓴᐅᑉ ᑕᒪᓐᓇ ᖃᐅᔨᒐᒥᐅᒃ ᕼᐆᓯᐊ ᑎᒍᔭᐅᑎᓪᓗᒍ ᐊᓄᓪᓚᒃᓰᕕᖕᒧᑦ ᐴᕐᑕᐅᑎᑉᐹ.

ᑯᕉᓂᑲ ᓯᕗᓪᓖᑦ 5:26

ᑕᕝᕙ ᐃᓴᕆᐊᓕᐅᑉ ᒎᑎᖓᑕ ᐊᓯᕆᐊᑉ ᐊᖓᔪᖅᑳᕐᔪᐊᖓᑕ ᐴᓕᐅᑉ ᐊᓂᕐᓂᖓ ᐊᐅᓚᑎᓕᕐᐹ, ᑖᓐᓇ ᑍᔭᐅᕙᖕᒥᔪᖅ ᑎᓪᒐᑦ-ᐱᓪᓂᓯᕆᒥᒃ ᐊᓯᕆᐊᑉ ᐊᖓᔪᖅᑳᕐᔪᐊᖓᓂᒃ, ᑖᑦᓱᒪ ᐊᐅᓪᓚᐅᑎᓚᐅᕐᐰᑦ, ᑖᒃᑯᐊ ᕉᐱᓂᒥᐅᑦ, ᒑᑎᒥᐅᑦ, ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑦ, ᕼᐋᓚᒧᐊᕈᑎᓪᓗᒋᑦ, ᕼᐂᐸᒧᑦ, ᕼᐊᕋᒧᑦ, ᒎᔭᓂᐅᓪᓗ ᑰᖓᓄᑦ, ᑍᑲᓂᒥᐅᖑᓕᕐᐳᓪᓗ ᐅᓪᓗᒥᒧᑦ ᑎᑭᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 10:8

ᐃᒫᒃ ᐅᖃᓚᐅᕐᐳᖅ, “ᐊᖓᔪᖅᑳᖁᑎᓕᒫᒃᑲ ᐊᖓᔪᖅᑳᕐᔪᐊᖑᓐᖏᓛᑦ?

ᐂᓮᐊᓯᐅᑉ ᐊᒡᓚᖏᑦ 30:2

ᐄᑦᔨᑉᑎᒥᐅᓄᑦ ᐃᑲᔪᕐᑕᐅᔪᒪᖃᑦᑕᕐᐳᑦ, ᐅᕙᓐᓂᒡᓘᓐᓃᑦ ᐃᓱᒪᓯᐅᕆᓇᓱᐊᓚᐅᕋᑎᒃ, ᐄᑦᔨᑉᑎᒥᐅᓄᑦ ᓴᐳᑎᔭᐅᓯᒪᔪᒪᒐᒥᒃ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖏᓐᓂᒃ ᑕᑎᒃᓴᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 36:13

ᑕᕝᕙ ᕌᑉᓴᑭ ᓂᑯᕕᓪᓗᓂ ᓂᐱᖅᑯᕐᑐᓪᓗᓂᓗ ᔫᑎᑎᑐᑦ ᐅᖃᓕᕐᐳᖅ, “ᑐᓴᕆᑦᓯ ᐊᖓᔪᖅᑳᕐᔪᐊᑉ ᐊᔪᖏᑦᑑᑉ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᖃᐅᓯᐅᖁᔭᖏᓐᓂᒃ ᐃᓕᑦᓯᓐᓄᑦ!

ᔨᕆᒤᐊᐅᑉ ᐊᒡᓚᖏᑦ 42:2

ᔨᕆᒤᐊᒧᓪᓗ ᐅᖃᕐᐳᑦ, “ᑐᒃᓯᕋᐅᑎᒋᔪᒪᔭᑦᑎᓐᓂᒃ ᐊᖏᕐᑕᐅᔪᒪᒐᓗᐊᕋᑦᑕ, ᑐᒃᓯᐅᑦᔭᐅᔪᒪᓪᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ, ᐃᓅᔪᑑᓕᕐᑐᒍᑦ ᑐᒃᓯᐅᑦᔭᐅᔪᒪᒐᑦᑕ, ᐃᓄᒋᐊᓚᐅᕋᓗᐊᕐᓗᑕ ᖃᑦᓰᓐᓇᐅᓕᕋᑦᑕ ᑕᑯᓐᓇᕋᕕᑦ.

ᐃᓯᑭᐊᓕᐅᑉ ᐊᒡᓚᖏᑦ 16:33

ᐊᖑᑎᑦ ᐊᖑᓐᓂᐊᕐᑎᓂᒃ ᐊᑭᓖᕙᒃᐳᑦ; ᐃᓕᑦᓯᓕ ᑐᓂᓯᖔᖃᑦᑕᕐᐳᓯ ᑐᓂᕐᕈᑎᓂᒃ ᐱᖃᑎᒋᖃᑦᑕᕐᑕᑦᓯᓐᓄᑦ, ᐃᓚᓐᓂᕐᓴᐅᑎᒋᓪᓗᒋᑦ ᓇᑭᑐᐃᓐᓇᖅ ᐅᐸᒃᑕᐅᖃᑦᑕᕈᒪᓂᕐᒧᑦ ᐃᓐᓇᖓᖃᑎᒋᓂᐊᕐᑕᑦᓯᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 16:37

ᑍᒤᒻᒪᑦ ᑕᑯᒋᑦ, ᑍᒤᑦᑐᒥᒃ ᐃᓕᖅᑯᓯᖃᕐᓂᑦᓯᓐᓄᑦ ᐅᖓᒋᔭᕐᑖᕆᖃᑦᑕᕐᑕᓯ ᑲᑎᕐᓱᕈᒫᕐᐸᒃᑲ, ᐊᓕᐊᓁᒋᖃᑦᑕᕐᓯᒪᔭᓯ, ᐱᐅᒋᖃᑦᑕᕐᓯᒪᔭᓯ ᓇᕐᕈᒋᖃᑦᑕᕐᓯᒪᔭᓯᓗ; ᑲᑎᕐᓱᕈᒫᕐᐸᒃᑲ ᐃᓕᑦᓯᓐᓂᒃ ᐊᑭᕋᕐᑐᓕᖁᓪᓗᒋᑦ ᐊᕙᑎᓕᒫᑦᓯᓐᓂᑦ ᐃᓗᒪᔭᐅᓕᕐᓗᓯ, ᑖᒃᑯᓇᓐᖓᓪᓗ ᐊᓐᓄᕅᔭᕐᑕᐅᔪᒫᕐᐳᓯ ᓱᓇᑕᖃᕈᓐᓃᕐᓗᓯ, ᑕᑯᔭᐅᖁᓪᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 22:20

ᓯᐅᓪᕕᕇᑦ ᑲᓐᓄᔧᑦ ᓴᕕᕋᔧᑦ ᑯᓯᕐᓯᐊᑦ ᓵᑦᑐᓪᓗ ᓴᕕᕋᔧᑦ ᐴᖅᑲᕐᑕᐅᕙᖕᓂᖏᑎᑐᑦ ᐊᐅᒃᑎᑦᓯᕕᖕᒧᑦ, ᐃᑯᐊᓚᔪᒥ ᐊᐅᒃᑎᑕᐅᖁᓪᓗᒋᑦ; ᑍᒫᒃᑕᐅᖅ ᑲᑎᕐᓱᕈᒫᕆᕙᑦᓯ ᓂᓐᖓᐅᒪᓂᒃᑯᑦ ᓂᓐᖓᕕᒡᔪᐊᕐᓂᓐᓄᓪᓗ ᐴᖅᑲᕈᒫᕐᐸᑦᓯ ᐊᐅᒃᑎᑦᓯᕕᖕᒧᑦ ᐊᐅᒃᑎᑕᐅᖁᓪᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 23:5

ᐅᕼᐅᓚ ᓄᓕᐊᕆᓕᕋᓗᐊᕋᒃᑯ ᑲᔪᓯᑐᐃᓐᓇᓚᐅᕐᐳᖅ ᐊᖑᓐᓂᐊᕐᑎᐅᓂᕐᒥᓂᒃ; ᐃᒃᓯᒍᕐᓂᖃᓗᐊᕋᒥ ᐅᖓᒋᔭᒥᓂᒃ ᐊᓯᕆᐊᒥᐅᓂᒃ,

ᐃᓯᑭᐊᓕᐅᑉ ᐊᒡᓚᖏᑦ 26:7

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᑍᕆ ᑎᑭᕝᕕᐅᑎᑦᓱᒫᕐᐸᕋ ᐅᓐᓄᐊᓪᓗᐊᑉ ᓇᓛᓂᓐᖔᕐᑐᒧᑦ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐊᖓᔪᖅᑳᕐᔪᐊᖑᔪᒧᑦ ᐊᖓᔪᖅᑳᕐᔪᐊᓄᑦ, ᐅᓇᑕᕐᑎᖁᑎᖃᕐᓗᓂ ᐅᓄᕐᑐᕐᔪᐊᓂᒃ ᕿᒻᒥᕐᔪᐊᖃᕐᑐᓂᒃ, ᕿᒧᒃᓯᐅᑎᓂᒡᓗ ᐊᒃᓴᓗᐊᓕᖕᓂᒃ, ᕿᒻᒥᕐᔪᐊᒃᑰᕐᑐᓂᒡᓗ.

ᑖᓂᐊᓕᐅᑉ ᐊᒡᓚᖏᑦ 2:37

ᐃᕝᕕᑦ ᐊᖓᔪᖅᑳᕐᔪᐊᖅ, ᐊᖓᔪᖅᑳᕐᔪᐊᖑᕗᑎᑦ ᐊᖓᔪᖅᑳᕐᔪᐊᓕᒫᓄᑦ, ᒎᑎᐅᑉ ᕿᓚᖕᒦᑦᑑᑉ ᑐᓂᓯᕕᒋᖕᒪᑎᑦ ᐊᖓᔪᖅᑲᐅᕕᖕᒥᒃ, ᐱᔪᓐᓇᕐᓂᕐᒥᒡᓗ ᐊᔪᖏᓐᓂᕐᒥᒡᓗ ᐅᐱᒋᔭᐅᓂᕐᒥᒡᓗ.

ᕼᐆᓯᐊᑉ ᐊᒡᓚᖏᑦ 10:10

ᐱᒋᐊᕈᒪᓕᕈᒃᑭᑦ ᓱᒋᐊᕈᒫᕐᐸᒃᑲ; ᐃᓄᐃᓪᓗ ᑲᑎᔪᒫᕐᐳᑦ ᓵᓐᖓᔪᒪᓗᑎᒃ ᑖᒃᑯᓄᖓ ᓱᒋᐊᕐᑕᐅᓕᕐᐸᑕ ᒪᕐᕈᐃᕐᓲᑎᓪᓗᐊᒥᒃ ᐊᔪᕐᑐᓕᓂᖏᑦ ᐱᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 12:2

ᐊᑕᓂᖅ ᔫᑕᒧᑦ ᐃᖅᑲᕐᑐᐃᑦᔪᑎᒃᓴᖃᕐᐳᖅ, ᔧᑯᓗ ᓱᒋᐊᕐᓂᐊᕐᐹ ᐊᑐᕐᑕᖏᑦ ᒪᓕᒡᓗᒋᑦ, ᐊᑭᓕᕐᓂᐊᕐᐹᓗ ᐱᓂᐊᕐᓂᖏᑦ ᒪᓕᒡᓗᒋᑦ.

ᕼᐊᒊᑉ ᐊᒡᓚᖏᑦ 2:6

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ: ‘ᐊᑕᐅᓯᐊᕐᓗᖓ ᓱᓕ ᖃᖓᑦᓯᐊᒃᑯᑦ ᕿᓚᒃ ᓄᓇᕐᔪᐊᕐᓗ, ᐃᒪᕕᒡᓗ, ᓄᓇᓗ ᓴᔪᒃᑎᑦᓱᒫᕐᐸᒃᑲ;