ᕼᐆᓯᐊᑉ ᐊᒡᓚᖏᑦ 7:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ “ᐃᕗᕅᒥᐅᑦ ᐃᓄᖏᑦ ᐃᒻᒥᖕᓄᑦ ᑲᑦᑐᓯᐅᑎᕗᑦ ᐃᓅᖃᑎᒌᒡᔪᐊᓄᑦ; ᓂᐊᖂᔭᑎᑐᑦ ᒧᒥᒃᓯᒪᖏᑦᑐᑎᑐᑦ ᐂᐸᔪᑎᑐᑦ ᑍᒤᑉᐳᑦ.

ᕼᐆᓯᐊᑉ ᐊᒡᓚᖏᑦ 7:8 Iomraidhean Croise

ᐊᑕᓃᑦ ᓯᕗᓪᓖᑦ 18:21

ᐃᓔᑦᔭᐅᓪᓗ ᐃᓄᓕᒫᑦ ᖃᒡᓕᒋᐊᕐᓗᒋᑦ, ᐅᖃᐅᑎᕔᑦ, “ᖃᓄᖅ ᐊᑯᓂᐅᑎᒋᔪᖅ ᓇᓕᐊᖕᓄᕿᑕᖕᓂᐊᕐᐱᓰ ᒪᕐᕉᓕᖅᑭᖓᔪᒥᒃ ᐃᓱᒪᖃᕐᓗᓯ? ᐊᑕᓂᖅ ᒎᑎᐅᒃᐸᑦ, ᑖᓐᓇ ᒪᓕᒃᓯᐅᒃ; ᐰᓕᓕ ᒎᑎᐅᒃᐸᑦ ᑖᓐᓇ ᒪᓕᖕᓂᐊᕐᐸᓯ.” ᐃᓄᐃᓪᓗ ᑭᐅᔪᖃᓚᐅᓐᖏᓚᑦ ᐊᑕᐅᓯᕐᒥᒡᓘᓐᓃᑦ.

ᐄᓱᕋᐅᑉ ᐊᒡᓚᖏᑦ 9:1

ᑕᒪᒃᑯᐊᓕᒫᑦ ᐱᔭᕇᕐᑕᐅᑎᓪᓗᒋᑦ, ᐃᓴᕆᐊᓕᒥᐅᑦ ᐃᓄᖏᑦᑕ ᓯᕗᓕᕐᑎᖏᑦᑕ ᐃᓚᖏᓐᓄᑦ ᐅᖃᐅᑦᔭᐅᓚᐅᕐᐳᖓ ᐃᓄᐃᑦ, ᑐᓂᕐᕈᓯᕐᑎᑦᓯᔩᑦ, ᓕᕔᑏᓪᓗ ᐃᒻᒥᖕᓂᒃ ᐊᑦᔨᐅᖏᑦᑑᑎᓯᒪᖏᒻᒪᑕ ᐃᓄᖕᓂᑦ ᓯᓚᖅᑲᑎᒥᖕᓂᑦ ᐅᑯᓇᓐᖓᑦ ᐊᒧᓁᑎᒃᑯᓂᑦ, ᒧᐊᐱᒥᐅᓂᓪᓗ, ᐄᑦᔨᑉᑎᒥᐅᓂᓪᓗ, ᐅᑯᓇᓐᖓᓪᓗ ᑬᓇᓂᒥᐅᓂᑦ, ᕼᐃᑍᑎᒥᐅᓂᑦ, ᐱᕆᔧᑎᒥᐅᓂᑦ, ᔨᐳᓮᑎᒥᐅᓂᑦ, ᐊᒧᕅᑎᒥᐅᓂᓪᓗ. ᑖᒃᑯᐊ ᑍᒫᑦᓮᓐᓇᖅ ᐱᐅᖏᑦᑐᓂᒃ ᐃᓅᓯᖃᕐᒪᑕ ᐃᓅᖃᑎᖏᑕ ᐱᐅᓯᖏᑎᑐᑦ.

ᐄᓱᕋᐅᑉ ᐊᒡᓚᖏᑦ 9:12

ᐅᖃᐅᑦᔭᐅᓚᐅᕐᐳᒍᑦ ᐂᑉᐸᕐᑖᓚᐅᕐᓯᒪᖁᔭᐅᓇᑕ ᕿᑐᕐᖓᕗᓪᓗ ᑖᒃᑯᓇᖓ ᐃᓄᖕᓂᑦ, ᐊᒻᒪᓗ ᑖᒃᑯᓂᖓ ᐂᑉᐸᕐᑖᕐᑎᑦᓯᖁᔭᐅᓇᑕ ᕿᑐᕐᖓᑦᑎᓐᓂᒡᓗ; ᐃᓅᖃᑎᒋᓇᓱᐊᕐᑕᐅᖁᓇᒋᓪᓗ ᐱᕙᓪᓕᕐᑎᑕᐅᖁᓇᒋᓪᓗ, ᓲᖑᔫᔪᓐᓇᖁᓪᓗᑕ ᓄᓇᐅᑉ ᐱᐅᓂᖓ ᓂᕿᖏᓪᓗ ᓂᕿᒋᑦᓯᐊᕐᓗᒋᑦ ᐱᔪᓐᓇᖁᓪᓗᑕ, ᑭᖑᕚᑦᑎᓐᓄᓪᓗ ᑭᖑᕐᖑᑎᔭᐅᖁᑐᐊᕈᑦᑎᒍ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 106:35

ᐃᓅᖃᑎᒌᒡᔪᐊᓄᓪᓕ ᐃᓚᓕᐅᑎᓚᐅᕐᐳᑦ ᐂᑉᐸᕐᑖᖃᑦᑕᓕᕐᓗᑎᒃ, ᐃᓕᓐᓂᐊᕐᕕᒋᓗᒋᓪᓗ ᐱᓇᓱᐊᕐᓂᖏᓐᓂᒃ.

ᕼᐆᓯᐊᑉ ᐊᒡᓚᖏᑦ 5:13

“ᐃᕗᕅᒥ ᐃᒻᒥᓂᒃ ᑕᑯᒐᒥ ᖃᓄᖅ ᖃᓂᒪᑎᒋᓂᕐᒥᓂᒃ, ᔫᑕᐅᓪᓗ ᐃᑭᖏᑦ ᑕᑯᒐᒥᒋᑦ, ᑕᕝᕙ ᐃᕗᕅᒥ ᐂᓚᐅᕐᐳᖅ ᐊᓯᕆᐊᑉ ᐊᖓᔪᖅᑳᕐᔪᐊᖓᓄᑦ ᐃᑲᔪᕆᐊᕐᑕᐅᔪᒪᓪᓗᓂ, ᐃᑲᔪᕈᓐᓇᓚᐅᓐᖏᓚᕐᓕ ᐅᕝᕙᓗ ᐋᖅᑮᔪᓐᓇᓚᐅᓐᖏᓚᖅ ᐃᑭᖏᓐᓂᒃ.

ᕼᐆᓯᐊᑉ ᐊᒡᓚᖏᑦ 5:7

ᐅᒃᐱᕐᓇᕈᓐᓁᕐᓯᒪᖕᒪᑕ ᐊᑕᓂᕐᒧᑦ; ᕿᑐᕐᖓᖏᑦ ᑖᒃᑯᓄᖓ ᐱᒋᔭᐅᔪᓐᓁᕐᐳᑦ. ᒫᓐᓇᓕ ᑕᖅᑭᓂᕋᑖᒥ ᓄᓇᖁᑎᖏᑦ ᐊᓯᕈᕐᑕᐅᔪᒫᓕᕐᐳᑦ ᐱᖁᑎᓕᒫᖏᓪᓗ.

ᕼᐆᓯᐊᑉ ᐊᒡᓚᖏᑦ 7:9

ᖃᐅᔨᒪᓐᖏᓚᑦ ᑕᐱᖃᕐᓂᕐᒥᖕᓄᑦ ᓲᖑᓂᒃᓴᖏᑦ ᓄᖑᑕᐅᖕᒪᑕ; ᓂᐊᖁᖏᑦ ᕿᑦᔭᒃᑎᑕᐅᓕᕐᐳᑦ, ᑕᒪᑐᒥᖓᓕ ᖃᐅᔨᓐᖏᓚᓪᓘᓐᓃᑦ.

ᕼᐆᓯᐊᑉ ᐊᒡᓚᖏᑦ 9:3

ᐃᓂᕾᓐᓇᕈᒫᓐᖏᓚᓪᓗ ᐊᑕᓂᐅᑉ ᓄᓇᖓᓂ; ᐃᕗᕅᒥᓕ ᐅᑎᕈᒫᕐᐳᖅ ᐄᑦᔨᑉᑎᒧᑦ, ᓂᕆᔪᒫᕐᐳᓪᓗ ᓂᕿᓂᒃ ᓇᕐᕈᓇᕐᑐᓂᒃ ᐊᓯᕆᐊᒥ.

ᔨᐸᓁᐊᐅᑉ ᐊᒡᓚᖏᑦ 1:5

ᑐᒃᓯᐊᕐᐸᒃᑐᓪᓗ ᕿᓚᐅᑉ ᐊᑖᓃᑦᑐᓄᑦ ᐃᒡᓗᒥᑦᑕ ᖄᖏᓐᓂ; ᐹᒻᒪᒃᑎᕐᐸᒃᑐᓪᓗ ᐅᖃᕕᒃᓗᑎᒃ ᐊᑕᓂᕐᒧᑦ ᒧᓛᒃᒥᒃ ᒎᑎᓐᖑᐊᒥᒃ ᐱᖃᓯᐅᑦᔨᓪᓗᑎᒃ.

ᒪᓚᑬᑉ ᐊᒡᓚᖏᑦ 2:11

ᔫᑕ ᐱᓂᐊᕐᓂᕐᒥᒍᑦ ᑲᔪᓯᓯᒪᖏᒻᒪᑦ, ᓇᕐᕈᓇᕐᑐᓂᒡᓗ ᐱᓇᓱᐊᕐᓯᒪᕗᑦ ᐃᓴᕆᐊᓕᒥᐅᑦ ᔨᕉᓴᓕᒥᐅᓪᓗ; ᔫᑕ ᓇᕐᕈᓇᕐᓯᑎᑦᓯᓚᐅᕐᒪᑦ ᐊᑕᓂᐅᑉ ᐃᑦᔪᕐᓁᑦᑐᖁᑎᖏᓐᓂᒃ, ᐱᐅᒋᔭᖏᓐᓂᒡᓗ, ᓄᓕᐊᓂᒃᓯᒪᓪᓗᓂᓗ ᐅᖓᓯᒃᑐᒥᐅᑦ ᒎᑎᖏᑕ ᐸᓂᖓᓂᒃ.

ᒫᑎᐅᓯᐅᑉ ᐊᒡᓚᖏᑦ 6:24

“ᐊᖓᔪᖅᑳᖕᓄᑦ ᒪᕐᕉᖕᓄᑦ ᐊᑕᐅᑦᓯᒃᑯᑦ ᐱᔨᑦᓯᕐᑐᖃᕈᓐᓇᓐᖏᓚᖅ; ᐂᑉᐹ ᐆᒥᒋᒐᔭᕐᐹ ᐂᑉᐸᖓᓗ ᓇᒡᓕᒋᓗᒍ; ᐂᑉᐹ ᑲᒪᒋᑦᓯᐊᕋᔭᕐᐹ ᐂᑉᐸᖓᓗ ᓇᕐᕈᒋᓗᒍ. ᑍᒫᒃᑕᐅᖅ ᐊᑕᐅᑦᓯᒃᑯᑦ ᐱᔨᑦᓯᕈᓐᓇᓐᖏᓚᓯ ᒎᑎᒥᒃ ᑮᓇᐅᔭᓂᒡᓗ.