ᕼᐆᓯᐊᑉ ᐊᒡᓚᖏᑦ 7:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ “ᐃᓘᓐᓇᑎᒃ ᐆᓇᒻᒪᕆᓕᕋᒥᒃ ᓂᕿᓕᐅᕐᕕᒃᑐᑦ, ᑕᕝᕙ ᐃᓄᐊᕐᐳᑦ ᐊᐅᓚᑦᓯᔨᒥᖕᓂᒃ. ᐊᖓᔪᖅᑳᓕᒫᖏᑦ ᐃᓄᐊᕐᑕᐅᕗᑦ; ᓇᓪᓕᐊᓐᓄᓪᓘᓐᓃᓪᓕ ᑐᒃᓯᐊᕐᕕᐅᓚᐅᓐᖏᓚᖓ.”

ᕼᐆᓯᐊᑉ ᐊᒡᓚᖏᑦ 7:7 Iomraidhean Croise

ᐊᑕᓃᑦ ᓯᕗᓪᓖᑦ 15:28

ᐹᓴᐅᓪᓗ ᑐᖁᓚᐅᕐᐹ ᐋᓴ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᔫᑕᒥ ᐊᕐᕌᒍᓂᒃ ᐱᖓᓱᓂᒃ, ᐊᖓᔪᖅᑳᕐᔪᐊᓐᖑᓚᐅᕐᐳᕐᓗ ᓁᑖᑉᒥᒃ ᐃᓇᖐᓪᓗᓂ.

ᐊᑕᓃᑦ ᓯᕗᓪᓖᑦ 16:18

ᔨᒻᕆ ᖃᐅᔨᒐᒥ ᐃᒡᓗᒐᓮᑦ ᓵᓚᐅᓂᖓᓂᒃ, ᐊᖓᔪᖅᑳᕐᔪᐊᑉ ᐃᒡᓗᖓᓄᐊᕐᐳᖅ ᐊᖓᔪᖅᑳᕐᔪᐊᒃᑯᕕᖕᒧᑦ, ᐊᖓᔪᖅᑳᕐᔪᐊᓪᓗ ᐃᒡᓗᖓ ᐃᑯᐊᓪᓚᒃᐹ ᐃᓗᐊᓃᓪᓗᓂ, ᑐᖁᓪᓗᓂᓗ.

ᐊᑕᓃᑦ ᓯᕗᓪᓖᑦ 16:22

ᐃᓄᐃᑦ ᐅᒻᕆᒥᒃ ᒪᓕᒃᑐᑦ ᓵᓚᖃᕐᐳᑦ ᑎᑉᓂᒥᒃ ᒪᓕᒃᑐᓂᒃ ᒋᓇᑎᐅᑉ ᐃᕐᓂᖓᓂᒃ; ᑍᒤᒻᒪᑦ ᑎᑉᓂ ᑐᖁᕗᖅ, ᐅᒻᕆᓗ ᐊᖓᔪᖅᑳᕐᔪᐊᖑᓕᕐᐳᖅ.

ᐊᑕᓃᑦ ᐂᑉᐸᖏᑦ 10:14

ᔨᕼᐆᑉ ᑎᒍᔭᐅᖁᕔᑦ ᐆᒪᑎᓪᓗᒋᑦ, ᑕᕝᕙ ᑎᒍᔭᐅᕗᑦ ᑐᖁᕋᕐᑕᐅᓪᓗᑎᒡᓗ ᐃᑎᕐᓴᒥ ᐱᑦ-ᐃᑭᑦᒦᑦᑑᑉ ᖃᓂᒋᔭᖓᓂ. ᑲᑎᓪᓗᒋᑦ ᐊᖑᑏᑦ ᑐᖁᕋᕐᑕᐅᔪᑦ ᐅᓄᕐᓂᖃᕐᐳᑦ 42ᓂᒃ ᑖᒃᑯᐊᓗ ᐊᒥᐊᒃᑯᖃᕐᑎᓐᖏᓔᑦ.

ᐊᑕᓃᑦ ᐂᑉᐸᖏᑦ 10:7

ᔨᕼᐆᑉ ᑎᑎᕋᖏᓐᓄᑦ ᑎᑭᑕᐅᒐᒥᒃ ᑖᒃᑯᐊ ᐊᖓᔪᖅᑳᕐᔪᐊᑉ ᐃᕐᓂᖏᑦ 70 ᐃᓘᓐᓇᑎᒃ ᑐᖁᑕᐅᑎᑉᐰᑦ ᓂᐊᖁᖏᓪᓗ ᐴᖅᑲᕐᓗᒋᑦ ᐃᕕᒐᕐᓄᑦ, ᔨᕼᐆᒧᑦ ᑐᔫᑎᒋᕔᑦ ᔨᔭᕆᐅᓪᒦᑦᑐᒧᑦ.

ᐊᑕᓃᑦ ᐂᑉᐸᖏᑦ 15:10

ᓴᓗᒻ ᔭᐲᓯᐅᑉ ᐃᕐᓂᖓᑕ ᐃᔨᕋᕐᑐᕐᓗᓂ ᐊᑭᕋᕐᑐᐊᕆᓕᕋᒥᐅᑦ ᓴᑲᕅᐊ ᑐᖁᑕᐅᒃᑲᕐᐹ, ᓄᓇᒥ ᐃᑉᐱᓕᒥ, ᐃᓂᖓᓂᓗ ᐊᖓᔪᖅᑳᕐᔪᐊᓐᖑᖔᕐᓗᓂ.

ᐊᑕᓃᑦ ᐂᑉᐸᖏᑦ 15:14

ᒥᓇᕼᐃᒻ ᒑᑎᐅᑉ ᐃᕐᓂᖓ ᑎᕐᔭᒥᑦ ᐱᓪᓗᓂ ᓴᒥᐊᕆᐊᒧᐊᕐᓗᓂ ᓴᓗᒻᒥᒃ ᑐᖁᑦᓯᓚᐅᕐᐳᖅ ᔭᐲᓯᐅᑉ ᐃᕐᓂᖓᓂᒃ, ᐃᓇᖏᕐᓗᓂᐅᒡᓗ ᐊᖓᔪᖅᑳᕐᔪᐊᖑᓕᓚᐅᕐᐳᖅ.

ᐊᑕᓃᑦ ᐂᑉᐸᖏᑦ 15:25

ᐱᑲᕼᐂᐊᐅᑉ ᐊᖓᔪᖅᑳᖁᑎᖓᑦᑕ ᐃᓚᖓᑦ ᐲᑲ ᕆᒪᓔᐊᐅᑉ ᐃᕐᓂᖓ, ᐃᔨᕋᕐᑐᕐᓗᓂ ᑐᖁᑦᓯᔪᒪᓕᓚᐅᕐᐳᑦ, ᐊᖑᑎᓂᒃ 50ᓂᒃ ᒋᓕᐊᑎᒥᐅᑕᕐᓂᒃ ᐃᓚᖃᕐᓗᓂ, ᐱᑲᕼᐂᔭᒥᒃ ᑐᖁᑦᓯᓚᐅᕐᐳᑦ ᐊᖓᔪᖅᑳᕐᔪᐊᑉ ᐃᒡᓗᖓᓂ ᓴᒥᐊᕆᐊᒥ, ᐃᓂᖓᓂᓗ ᐊᖓᔪᖅᑳᕐᔪᐊᓐᖑᕐᓗᓂ.

ᐊᑕᓃᑦ ᐂᑉᐸᖏᑦ 15:30

ᕼᐆᓯᐊ ᐄᓚᐅᑉ ᐃᕐᓂᖓ ᑲᑐᑦᔨᖃᑎᖃᕐᓗᓂ ᑐᖁᑦᓯᔪᒪᓕᓚᐅᕐᐳᖅ ᐊᖓᔪᖅᑳᕐᔪᐊᕐᒥᒃ ᐲᑲᒥᒃ ᕆᒪᓔᐊᐅᑉ ᐃᕐᓂᖓᓂᒃ, ᑐᖁᓐᓇᒥᐅᒡᓗ ᐃᓂᖓᓂ ᐊᖓᔪᖅᑳᕐᔪᐊᓐᖑᖔᓚᐅᕐᐳᖅ, ᔫᑕᒥᐅᑉ ᐅᓮᐊᐅᑉ ᐃᕐᓂᖓᑕ ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᐃᑦ 20ᖓᓂ ᔫᑕᒧᑦ.

ᐊᑕᓃᑦ ᐂᑉᐸᖏᑦ 9:24

ᔨᕼᐆᑉ ᐱᓯᒃᓯᓂ ᖃᕐᔪᓕᕋᒥᐅᒃ ᔪᕌᒻ ᐱᓯᒃᐹ ᑐᐃᖏᒃᑕ ᐊᑯᓐᓂᓪᓗᐊᖏᒃᑎᒃᑯᑦ ᐆᒻᒪᑎᖅᑯᓪᓗᐊᕐᒪᒍ ᕿᒧᒃᓯᐅᑎᒥ ᐊᒃᓴᓗᐊᓕᐅᑉ ᐃᓗᐊᓄᑦ ᐅᕐᕈᕗᖅ.

ᐊᑕᓃᑦ ᐂᑉᐸᖏᑦ 9:33

ᔨᕼᐆᑉ ᕾᒐᓛᕐᕕᒋᕔᑦ, “ᐃᒐᓛᒃᑯᑦ ᐃᒋᓪᓗᒍ ᑲᑕᒃᑎᓚᐅᕐᓯᐅᒃ!” ᑕᕝᕙ ᔨᓴᐱᐅᓪ ᐱᖑᕚᑦ, ᒪᓂᖅᑲᒧᑦ ᑐᓐᓇᒥ ᐊᐅᖓᑕ ᓯᕐᐹᕿᓂᑯᖓᓄᑦ ᐃᒡᓘᑉ ᐊᑭᓐᓇᖓ ᐊᐅᒥᑦᑕᕐᐳᖅ ᕿᒥᕐᔪᐊᓄᓪᓗ ᑐᓪᓕᕋᕐᑕᐅᑦᓴᐅᑎᒋᓪᓗᓂ.

ᔫᐱᐅᑉ ᐊᒡᓚᖏᑦ 36:13

ᒎᑎᖃᖏᑦᑐᑦ ᓂᓐᖓᐅᒪᓂᕐᒥᒃ ᐃᓗᒥᐅᑕᖃᑦᓮᓐᓇᕐᐳᑦ; ᑖᑦᓱᒧᖓᓗ ᕿᓚᒃᑕᐅᒐᓗᐊᕋᒥᒃ ᐃᑲᔪᕐᑕᐅᔪᒪᓗᑎᒃ ᑐᒃᓯᐊᓚᐅᓐᖏᓚᑦ.

ᐃᓐᖏᕈᑎᑦ 14:4

ᐱᐅᖏᑦᑐᓕᔪᑦ ᑍᒪᓐᖓᑦ ᑐᑭᓯᓂᐊᓐᖏᓛᑦ? ᑖᒃᑯᐊ ᐃᓄᖁᑎᓐᓂᒃ ᓂᕆᔪᑦ ᓂᐊᖂᔭᒥᒃ ᓂᕆᔪᑎᑐᑦ, ᐊᑕᓂᕐᒧᓪᓗ ᓂᓪᓕᐊᓇᑎᒃ.

ᐂᓮᐊᓯᐅᑉ ᐊᒡᓚᖏᑦ 43:22

ᐃᓕᑦᓯᓕ ᐅᕙᓐᓄᑦ ᑐᒃᓯᐊᓚᐅᓐᖏᓚᓯ ᔧᑰᑉ ᑭᖑᕚᖏᑦ; ᐅᕙᓐᓂᒡᓗ ᐃᓗᖏᕐᑐᕈᑎᖃᓚᐅᕋᓯ, ᐃᓴᕆᐊᓕᒥᐅᖑᔪᓯ!

ᐂᓮᐊᓯᐅᑉ ᐊᒡᓚᖏᑦ 64:4

ᑍᑦᓱᒪᓂᐊᓗᖕᓂᑦ ᑐᓴᕐᑐᖃᓚᐅᕐᓯᒪᓐᖏᓚᖅ ᓯᐅᑎᒥᖕᓄᓪᓗ ᑐᑭᓯᔪᖃᓚᐅᕐᓯᒪᓇᓂ, ᐃᔩᖕᓄᓪᓗ ᑕᑯᔪᖃᓚᐅᕐᓯᒪᓐᖏᓚᖅ ᒎᑎᒥᒃ ᐊᓯᖕᓂᒃ, ᐱᓇᓱᐊᕈᑦᔨᓲᒥᒃ ᐅᑕᖅᑭᔨᒥᓄᑦ.

ᐂᓮᐊᓯᐅᑉ ᐊᒡᓚᖏᑦ 64:6

ᐃᓘᓐᓇᑕ ᓴᓗᒪᖏᑦᑐᑎᑐᑦ ᓇᕐᕈᓇᕐᓯᕗᒍᑦ, ᐃᓱᐊᕐᑑᓇᓱᐊᕐᓂᕗᓪᓗ ᖃᓪᓗᓈᕐᑕᑎᑐᑦ ᓴᓗᒤᑦᑐᑎᑐᑦ ᑍᒤᑉᐳᑦ, ᐅᖃᐅᔭᑎᑐᓪᓗ ᑐᖁᓕᖓᔪᑎᑐᑦ ᑍᒤᑉᐳᒍᑦ, ᐊᔪᕐᑐᓕᓂᑦᑕᓗ ᐊᓄᕆᒧᑦ ᑎᒃᑕᐅᔪᑎᑐᑦ ᑍᒤᑎᑉᐹᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 64:7

ᓇᓪᓕᐊᓐᓂᒃ ᐊᑎᕐᓄᑦ ᑐᒃᓯᐊᕐᑐᖃᓚᐅᕐᓯᒪᔪᓐᓃᕐᐳᖅ, ᐊᒃᓱᕈᕐᓗᓂᓗ ᐃᓕᖕᓄᑦ ᐊᔪᐃᓐᓇᕐᑐᖃᓚᐅᕐᓯᒪᔪᓐᓃᕐᐳᖅ; ᑮᓁᑦ ᐅᕙᑦᑎᓐᓄᑦ ᐃᔨᕐᓯᒪᓕᕋᕕᐅᒃ, ᓄᖑᑕᐅᕙᓪᓕᐊᑐᐃᓐᓇᓕᕐᐳᒍᑦ ᐊᔪᕐᓂᑦᑎᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 9:13

ᐃᓄᖏᓪᓕ ᓱᒋᐊᕐᑎᒋᔭᒥᖕᓄᑦ ᓵᒋᐊᓚᐅᓐᖏᓚᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ ᓱᓕ ᕿᓂᕋᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 22:30

ᑖᒃᑯᓇᓂᓗ ᐃᓄᖕᒥᒃ ᕿᓂᓚᐅᕐᐳᖓ ᐊᕙᓗᕐᔪᐊᒥᒃ ᓴᓇᔪᓐᓇᕐᑐᒥᒃ ᐱᓇᓱᐊᕈᓐᓇᕐᑐᒥᒡᓗ ᐊᕙᓗᕐᔪᐊᑉ ᓯᖁᑦᑎᕐᓯᒪᓂᖓᓂ ᓵᓐᓂ ᓇᖏᕈᓐᓇᕐᑐᒥᒃ ᓄᓇ ᓴᐳᑎᓇᓱᒡᓗᒍ, ᐊᓯᕈᐃᖁᓇᖓ; ᓇᓂᓯᓚᐅᓐᖏᓚᖓᓕ.

ᑖᓂᐊᓕᐅᑉ ᐊᒡᓚᖏᑦ 9:13

ᑎᑎᕋᕐᓯᒪᔪᑦ ᒨᓯᓯᐅᑉ ᐱᖁᔭᖏᓐᓂ ᒪᓕᒡᓗᒋᑦ, ᐱᓂᐊᕐᕕᐅᓯᒪᒐᑦᑕ ᖁᕕᐊᓇᖏᑦᑐᓂᒃ, ᑍᒤᒃᑲᓗᐊᕐᑎᓪᓗᒍ ᐊᑕᓂᖅ ᒎᑎᕗᑦ ᕿᓂᓚᐅᓐᖏᓚᕗᑦ ᐊᔪᕐᓂᑦᑎᓐᓂᒡᓗ ᕿᒤᓇᑕ ᓱᓕᑦᓯᐊᕐᓃᑦ ᑲᒪᒋᓚᐅᖏᓐᓇᑦᑎᒍ.

ᕼᐆᓯᐊᑉ ᐊᒡᓚᖏᑦ 13:10

ᐊᓯᓐᓂᒃ ᐊᖓᔪᖅᑳᕐᔪᐊᕐᑕᖃᕐᐸᑦ, ᐃᓕᑦᓯᓐᓂᒃ ᐱᐅᓕᒃᓯᔪᓐᓇᕐᐹ? ᐊᖓᔪᖅᑳᖁᑎᓯᓕ ᓇᐅᒃ, ᐃᓕᑦᓯᓐᓂᒃ ᓴᐳᓐᓂᐊᕐᓂᐊᕐᑐᑦ? ᑖᒃᑯᓄᖓ ᐅᖃᓚᐅᕋᑦᓯ ‘ᐊᖓᔪᖅᑳᕐᔪᐊᒥᒃ ᐊᖓᔪᖅᑳᖁᑎᖏᓐᓂᒡᓗ ᑐᓂᓯᕕᒋᓚᐅᕐᑎᒍᑦ’?

ᕼᐆᓯᐊᑉ ᐊᒡᓚᖏᑦ 5:15

“ᐃᓄᖁᑎᒃᑲ ᕿᒪᒃᓯᒪᓂᐊᕐᐸᒃᑲ ᐸᓯᔭᒃᓴᐅᓂᕐᒥᖕᓂᒃ ᖃᐅᔨᓚᐅᖏᓐᓂᖏᓐᓂ ᐅᕙᓐᓂᒡᓗ ᕿᓂᓕᓚᐅᖏᓐᓂᖏᓐᓂ, ᐃᒻᒪᖄᓕ ᐊᒃᓱᕈᓕᕈᑎᒃ ᐅᕙᓐᓂᒃ ᕿᓂᓕᕈᒫᕐᐳᑦ.”

ᕼᐆᓯᐊᑉ ᐊᒡᓚᖏᑦ 7:10

ᐃᓴᕆᐊᓕᒥᐅᑦ ᐃᓄᖏᑕ ᐱᐅᔪᕆᓂᖏᑦ ᐃᒻᒥᖕᓄᑦ ᐊᑭᕋᕐᑐᕐᐳᑦ; ᓱᓕᓕ ᐅᑎᓚᐅᓐᖏᓚᑦ ᐊᑕᓂᕐᒧᑦ ᒎᑎᒥᖕᓄᑦ, ᑖᑦᓱᒥᖓᓗ ᕿᓂᓚᐅᕋᑎᒃ, ᑕᒪᒃᑯᐊ ᐊᑐᕐᑎᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 7:14

ᐆᒻᒪᑎᒥᖕᓂᑦ ᐱᔪᒥᒃ ᐱᓇᑎᒃ ᑐᒃᓯᐊᕐᕕᒋᓚᐅᕐᐹᖓ, ᐃᓐᓇᖓᕕᖕᒥᖕᓂᑦ ᐃᓚᓐᓂᕐᓴᕐᓗᑎᒃ ᑐᒃᓯᐊᕐᕕᒋᓚᐅᕋᓗᐊᕐᐹᖓ; ᕿᓄᓪᓗᑎᒃ ᓂᐊᖂᔭᒃᓴᒥᒃ ᕔᓂᒥᒡᓗ ᐃᒻᒥᖕᓂᒃ ᑭᓪᓕᐊᓪᓗᑎᒃ, ᐅᕙᓐᓂᒃ ᐊᑭᕋᕐᑐᓚᐅᕐᐳᑦ.

ᕼᐆᓯᐊᑉ ᐊᒡᓚᖏᑦ 8:4

“ᐊᖓᔪᖅᑳᕐᔪᐊᕐᑖᓚᐅᕐᐳᑦ ᐅᕙᒃᑰᖏᑦᑐᖅ. ᐊᖓᔪᖅᑳᖁᑎᑖᓚᐅᕐᐳᑦ ᐅᕙᓐᓂᒃ ᖃᐅᔨᑎᑦᓯᓚᐅᕋᑎᒃ. ᓯᐅᓪᕕᕆᒥᖕᓂᒃ ᒎᓗᒥᖕᓂᒡᓗ ᒎᑎᓐᖑᐊᓕᐅᓚᐅᕐᐳᑦ ᐊᓯᕈᕐᑕᐅᑦᔪᑎᒃᓴᒥᖕᓂᒃ.

ᒤᑲᐅᑉ ᐊᒡᓚᖏᑦ 2:1

ᑲᑉᐱᐊᓐᓇᒦᒃ ᐱᐅᖏᑦᑐᓂᒃ ᐃᓱᒪᒃᓴᕐᓯᐅᕈᑎᖃᕐᑐᑦ, ᐱᐅᖏᑦᑐᒥᒡᓗ ᐅᐸᓗᖎᔭᐅᑎᖃᕐᑐᑦ ᐅᓐᓄᐊᒃᑯᑦ ᐃᒡᓕᕐᒥᖕᓂ! ᐅᓪᓛᖓᓂᓗ ᐱᐅᖏᑦᑐᓂᒃ ᑲᔪᓯᑎᑦᓯᔪᑦ, ᑍᒤᓕᐅᕐᐳᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᓯᒪᒐᒥᒃ.