ᕼᐆᓯᐊᑉ ᐊᒡᓚᖏᑦ 7:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐊᖓᔪᖅᑳᕐᔪᐊᑦᑕ ᐊᖓᔪᖅᑳᖁᑎᖏᑕᓗ ᐅᓪᓗᖓᓐᓂ ᖃᓂᒻᒪᒃᐳᑦ ᕔᓂᐅᑉ ᐆᓇᕐᓯᑎᑦᓯᓂᖓᓄᑦ; ᑕᕝᕙ ᐊᒡᒐᓂ ᐃᓴᒃᐰᑦ ᒥᑕᐅᑎᖃᕐᑎᓄᑦ.

ᕼᐆᓯᐊᑉ ᐊᒡᓚᖏᑦ 7:5 Iomraidhean Croise

ᒨᓯᓯ ᓯᕗᓪᓖᑦ 40:20

ᐅᓪᓗᐃᑦ ᐱᖓᓱᑦ ᐊᓂᒍᕐᒪᑕ, ᐰᕉ ᐃᓅᓕᕐᕕᒃᓯᐅᓕᕐᐳᖅ, ᓂᕆᕕᒃᔪᐊᕐᑎᑦᓯᕗᓪᓗ ᐱᔨᒥᓄᑦ ᑕᒤᓐᓄᑦ, ᑐᑭᑖᕈᑎᖃᕐᐳᕐᓗ ᐃᒥᕐᑎᑦᓯᔩᑦ ᑲᒪᔨᖓᓐᓂᒃ ᓂᐊᖂᔭᓕᐅᕐᑏᓪᓗ ᑲᒪᔨᖓᓐᓂᒃ ᐱᔨᖏᑕ ᐊᑯᕐᖓᓐᓂ.

ᐊᑕᓃᑦ ᓯᕗᓪᓖᑦ 13:4

ᐊᖓᔪᖅᑳᕐᔪᐊᑉ ᔨᕈᐳᐊᒻ ᑕᒪᓐᓇ ᑐᓴᕋᒥᐅᒃ ᒎᑎᐅᑉ ᐃᓄᖁᑎᖓᓂᑦ, ᑐᓂᕐᕈᓯᕐᕕᖕᒥᒃ ᐱᑎᓕᒥᒃ ᐊᑭᕋᕐᑐᕐᑎᓪᓗᒍ, ᑎᒃᑯᐊᕐᓗᓂᐅᒃ ᐅᖃᕐᐳᖅ, “ᐊᖑᑦ ᑖᓐᓇ ᑎᒍᔭᐅᓕ.” ᑕᕝᕔᓐᓇᖅ ᔨᕈᐳᐊᒻ ᑕᓕᖓ ᑎᒃᑯᐊᕐᑐᕐᓗᓂ ᓱᓕ ᐊᔪᓕᕐᐳᖅ, ᐅᑎᕐᑎᑦᑐᓐᓁᓪᓕᓪᓗᓂᐅᒃ.

ᐃᓐᖏᕈᑎᑦ 1:1

ᖁᕕᐊᓱᑦᓯᐊᕐᐳᖅ ᐊᖑᑦ, ᒎᑎᖃᖏᑦᑐᑦ ᐱᖁᔨᓂᖏᓐᓂᒃ ᒪᓕᖏᑦᑐᖅ, ᐊᔪᕐᑐᓕᔪᓪᓗ ᐊᖅᑯᑎᖏᓐᓃᖏᑦᑐᖅ. ᒥᑕᐅᑎᖃᕐᑐᓪᓗ ᐃᒃᓯᕙᕝᕕᖏᓐᓂ ᐃᒃᓯᕙᖏᑦᑐᖅ.

ᐃᓐᖏᕈᑎᑦ 69:12

ᐃᑎᕐᑕᕐᕕᖕᓂ ᐃᒃᓯᕙᔪᑦ ᓂᓪᓕᐊᕙᒃᐳᑦ ᐊᑭᕋᕐᑐᕐᓗᖓ, ᐋᖓᔮᕐᑎᓂᓪᓗ ᐃᓐᖏᐅᑎᓕᐊᖑᓯᒪᓪᓗᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:20

ᓯᓚᑐᔪᓂᒃ ᐃᓅᖃᑎᖃᕐᐸᒃᑐᖅ ᓯᓚᑐᓕᕐᓂᐊᕐᐳᖅ, ᓯᓔᑦᑐᓂᒡᓕ ᐃᓅᖃᑎᓕᒃ ᐱᑦᓯᐊᕐᑕᐅᖏᓐᓂᕐᒥᒃ ᐅᖁᒤᒃᓴᐅᑎᖃᕐᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:1

ᕔᓂᑐᕐᓂᖅ ᒥᑕᐅᑎᖃᕐᑎᑦᓯᕗᖅ, ᓴᓐᖏᔪᒥᒡᓗ ᐃᒥᐊᓗᖕᓂᖅ ᐱᑦᓯᐊᕈᓐᓃᕐᑎᑦᓯᕗᖅ; ᑕᒪᑐᒧᖓᓗ ᑕᒻᒪᕐᑎᑕᐅᔪᖅ ᓯᓚᑐᔫᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 28:1

ᑲᑉᐱᐊᓐᓇᒦᒃ ᐃᕗᕅᑎᒥᐅᑦ ᐋᖓᔮᕐᑐᑦ, ᐊᖓᔪᖅᑳᕐᔪᐊᕐᓯᐅᑦ ᓂᐊᖂᑎᖓ ᐅᐱᓐᓇᓚᐅᕐᑐᖅ ᑕᑯᒥᓇᕐᓂᖓ ᓄᖑᓕᕐᐳᖅ ᓄᓇᕋᕐᑎᑐᑦ ᑐᖁᓕᓕᕐᑐᑐᑦ, ᐊᖓᔪᖅᑳᕆᔭᖏᑕ ᐃᒥᕐᓯᒪᓗᐊᖃᑦᑕᕐᓂᖏᓐᓄᑦ, ᐱᔪᓐᓇᕋᓱᒋᓂᕐᒧᑦ ᓂᐊᖁᖏᑦ ᑎᐱᑎᑦᓯᐊᕐᓯᒪᒐᓗᐊᕐᐳᑦ ᓇᓚᑐᐃᓐᓇᓕᕐᐳᓪᓕ ᐋᖓᔮᓗᐊᕐᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 28:14

ᑍᒤᒻᒪᑦ ᐊᑕᓂᐅᑉ ᐅᖃᐅᓯᖏᓐᓂᒃ ᑐᓴᓚᐅᕆᑦᓯ, ᐃᓕᑦᓯ ᒥᑕᐅᑎᖃᖃᑦᑕᕐᑐᓯ, ᐃᓄᖕᓂᒃ ᔨᕉᓴᓕᒦᑦᑐᓂᒃ ᐊᐅᓚᑦᓯᔨᐅᔪᓯ,

ᑖᓂᐊᓕᐅᑉ ᐊᒡᓚᖏᑦ 5:23

ᐃᓕᖕᓂᒃ ᐊᖏᔪᕈᕐᑎᓯᒪᒐᕕᑦ ᐊᑭᕋᕐᑐᓕᕐᓗᑎᓪᓗ ᕿᓚᖕᒥᐅᑦ ᐊᑕᓂᖓᓄᑦ; ᐃᒡᓗᖓᑕ ᐱᖁᑎᖏᓐᓂᒃ ᐃᒥᐅᑎᓂᒃ ᐃᓕᖕᓄᑦ ᕾᑕᐅᖁᔨᓚᐅᕋᕕᑦ, ᐊᖓᔪᖅᑳᖁᑎᑎᑦ ᓄᓕᐊᑎᓪᓗ ᐊᕐᓇᖁᑎᑎᓪᓗ ᐃᒥᖃᑎᒋᓪᓗᒋᑦ ᕔᓂᒥᒃ ᑖᒃᑯᐊ ᐊᑐᕐᓗᒋᑦ; ᓂᕐᑐᐃᓚᐅᕋᕕᓪᓗ ᒎᑎᖕᓂᒃ ᒎᓘᓂᒃ ᓯᐅᓪᕕᕆᓂᒡᓗ, ᑲᓐᓄᔭᓂᒡᓗ, ᓴᕕᕋᔭᖕᓂᒡᓗ, ᕿᔪᖕᓂᒡᓗ, ᐅᔭᕋᖕᓂᒡᓗ, ᑕᑯᔪᓐᓇᖏᑦᑐᓂᒃ ᑐᓵᔪᓐᓇᖏᑦᑐᓂᒡᓗ ᑐᑭᓯᐊᖏᑦᑐᓂᒃ, ᐅᐱᒋᓚᐅᖏᓐᓇᕕᐅᒃ ᒎᑎ ᐃᕝᕕᑦ ᐃᓅᓯᖓᓂᒃ ᑎᒍᒥᐊᕐᑐᖅ ᖃᓄᐃᓕᐅᕐᓂᓕᒫᓂᒃ.

ᕼᐆᓯᐊᑉ ᐊᒡᓚᖏᑦ 7:3

“ᐊᖓᔪᖅᑳᕐᔪᐊᖅ ᖁᕕᐊᓱᒃᑎᑉᐹᑦ ᐱᐅᖏᑦᑐᓕᓂᕐᒥᖕᓄᑦ, ᐊᖓᔪᖅᑳᖁᑎᖏᓪᓗ ᓴᒡᓗᓂᒃᑯᑦ ᓯᓔᕐᕆᕔᑦ.

ᒫᑎᐅᓯᐅᑉ ᐊᒡᓚᖏᑦ 14:6

ᐃᕉᑕᓯᐅᑉ ᐃᓅᓕᕐᕕᒃᓯᐅᕐᕕᖓᓂ ᐃᕉᑎᐊᓯᐅᑉ ᐸᓂᖓ ᑖᓂᓯᕐᐳᖅ ᓇᓪᓕᐅᓐᓂᕐᓯᐅᕆᐊᕐᓯᒪᔪᓕᒫᓄᑦ ᑕᑯᓐᓈᕐᑕᐅᓪᓗᓂ, ᐃᕉᑕᓯᐅᓪᓗ ᖁᕕᐊᒋᒻᒪᕆᒃᐹ.

ᒫᑯᓯᐅᑉ ᐊᒡᓚᖏᑦ 6:21

ᐃᕉᑍᐊᓯ ᐱᕕᒃᓴᖃᑦᓯᐊᓕᑍᓐᓇᓚᐅᕐᐳᖅ ᐃᕉᑕᓯᐅᑉ ᐃᓅᓕᕐᕕᒃᓯᐅᕐᕕᖓᓂ ᐊᖓᔪᖅᑳᖁᑎᒥᓂᒃ ᓂᕆᑎᑦᓯᓕᕐᒪᑦ ᒐᕙᒪᖁᑎᖏᑕ ᖁᕝᕙᓯᖕᓂᕐᐹᖁᑎᖏᓐᓂᒃ, ᐅᓇᑕᕐᑐᒃᓴᖁᑎᖏᑕᓗ ᐊᖓᔪᖅᑳᒻᒪᕆᖏᓐᓂᒃ, ᒐᓕᓕᐊᒥᐅᓄᓪᓗ ᐊᐅᓚᑦᓯᔨᐅᔪᓂᒃ.

ᐃᐱᓯᒥᐅᓄᑦ 5:18

ᐋᖓᔮᕐᓂᐊᕋᓯ ᐅᐂᓂᑐᕐᓂᕐᒧᑦ, ᑕᒪᓐᓇ ᓱᒃᑯᑎᕆᑐᐃᓐᓇᕐᒪᑦ ᐃᓄᓯᑦᓯᓐᓂᒃ; ᐊᓂᕐᓂᕐᒥᒡᓕ ᐃᓗᒻᒥᕐᑕᐅᖔᓕᕆᑦᓯ.