ᕼᐆᓯᐊᑉ ᐊᒡᓚᖏᑦ 7:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᓯᓐᓂᐊᕐᑏᓐᓇᐅᕗᑦ; ᓂᕿᓕᐅᕐᕕᒃᑐᑦ ᐆᓇᕐᑐᑐᑦ ᑍᒤᑉᐳᑦ, ᓂᐊᖂᔭᓕᐅᕐᑎᒧᑦ ᐃᑯᐊᓪᓚᒃᓴᕐᑕᐅᓚᐅᖏᑦᑐᑐᑦ, ᓂᐊᖂᔭᓕᐊᖓ ᐳᕙᓪᓚᓚᐅᖏᓐᓂᖓᓂ.

ᕼᐆᓯᐊᑉ ᐊᒡᓚᖏᑦ 7:4 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 23:10

ᓄᓇᓕᓕᒫᖅ ᓈᖕᒪᑦ ᐊᓯᓐᓂᐊᕐᑎᓂᒃ; ᓇᕐᕈᓇᕐᓯᑎᑕᐅᓂᕐᒧᑦ ᓄᓇ ᕿᒃᓵᒃᐳᖅ, ᓇᑎᕐᓁᓪᓗ ᐃᕕᒃᓱᒐᖏᑦ ᑐᖁᓕᕗᑦ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᐱᐅᖏᑦᑐᓕᓂᕐᒥᒃ ᐃᓅᓯᖃᓕᕐᒪᑕ ᐱᔪᓐᓇᕐᓂᑎᒡᓗ ᐊᑐᕐᓂᕐᓗᓕᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 9:1

ᓂᐊᖁᕋ ᐃᒪᕐᒥᒃ ᑯᕕᔪᓐᓇᕐᐸᑦ, ᐃᔩᒃᑲᒡᓗ ᖁᕝᕕᐅᕐᓂᓐᓂᒃ ᐃᒪᖃᐅᑎᐅᒃᐸᑎᒃ, ᐅᓪᓗᓕᒫᖅ ᐅᓐᓄᐊᓕᒫᕐᓗ ᕿᐊᒐᔭᕐᐳᖓ, ᐃᓄᖁᑎᒪ ᑐᖁᑕᐅᓂᖏᑦ ᐱᑦᔪᑎᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 9:2

ᓄᓇᒥᓗ ᓯᐅᕅᓐᓇᕐᒥ ᓯᓂᒃᑕᕐᕕᒃᑕᖃᕐᐸᑦ ᐃᖏᕐᕋᕙᒃᑐᓄᑦ, ᐃᓅᖃᑎᒃᑲ ᕿᒪᒡᓗᒋᑦ ᐊᐅᓪᓚᕋᔭᕋᓗᐊᕐᐳᖓ, ᐊᓯᓐᓂᐊᕐᑏᓐᓇᐅᖕᒪᑕ ᐅᒃᐱᕐᓇᖏᑦᑐᐃᓐᓇᐅᓕᕐᒪᑕ.

ᕼᐆᓯᐊᑉ ᐊᒡᓚᖏᑦ 4:10

ᓂᕆᓂᐊᕐᐳᑦ, ᐊᕿᐊᑦᑐᕐᓂᐊᓐᖏᓚᓪᓕ; ᐊᓯᓐᓂᐊᕐᓂᐊᕐᐳᑦ, ᕿᑐᕐᖓᕐᑖᕐᓂᐊᓐᖏᓚᓪᓕ; ᐊᑕᓂᕐᒥᒃ ᕿᒤᓯᒪᖕᒪᑕ ᐊᓯᓐᓂᐊᕐᓂᖅ ᒎᑎᓐᖑᐊᓄᑦ ᐱᑦᔪᑎᒋᓪᓗᒍ.”

ᕼᐆᓯᐊᑉ ᐊᒡᓚᖏᑦ 4:12

ᐃᓄᖁᑎᒃᑲ ᖃᐅᔨᑎᑕᐅᔪᒪᕙᒃᐳᑦ ᕿᔪᖕᒧᑦ, ᐊᔭᐅᑉᐱᐊᓄᓪᓗ ᖃᐅᔨᔪᒪᔭᖏᓐᓂᒃ ᖃᐅᔨᑎᑕᐅᕙᒃᓱᑎᒃ. ᐊᓯᓐᓂᐊᕐᓂᕐᒧᑦ ᐊᑐᒐᐅᓕᕐᑑᑉ ᐊᓂᕐᓂᖓᓄᑦ ᑕᒻᒪᕐᑎᑕᐅᕗᑦ, ᒎᑎᒥᖕᓂᒃ ᕿᒤᕗᑦ ᐊᓯᓐᓂᐊᕐᓂᕐᒧᑦ.

ᕼᐆᓯᐊᑉ ᐊᒡᓚᖏᑦ 4:2

ᐅᖃᕕᒃᓗᑎᒃ ᐊᖏᒻᒪᕆᒃᐸᒃᑲᓗᐊᕐᐳᑦ, ᓴᒡᓗᖃᑦᑕᕐᐳᑦ, ᑐᖁᕅᕗᑦ, ᑎᒡᓕᒐᕐᐳᑦ, ᐊᓯᓐᓂᐊᕐᓗᑎᒡᓗ; ᐱᕋᔭᖕᓃᓪᓗ ᑭᒡᓕᖃᕈᓐᓃᕐᐳᑦ, ᑐᖁᕅᑐᐃᓐᓇᓕᕐᐳᑦ ᑐᖓᓕᕇᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:6

ᐱᐅᓱᒋᓂᓯ ᓈᒻᒪᖏᒻᒪᑦ. ᖃᐅᔨᒪᓐᖏᓚᓰ ᐳᕙᓪᓚᕐᓯᐊᒃᓴᐅᑉ ᒥᑭᑦᔫᑉ ᓂᐊᖂᔭᒃᓴᓕᒫᖅ ᐳᕙᓪᓚᕐᑎᑉᐸᓐᖕᒪᒍ?

ᔧᒥᓯᐅᑉ ᐊᒡᓚᖏᑦ 4:4

ᐊᓯᓐᓂᐊᕐᑎᐅᔪᓯ! ᖃᐅᔨᒪᓐᖏᓚᓰ ᓯᓚᕐᔪᐊᕐᒥᒃ ᐃᓚᓐᓈᖃᕐᓂᖅ ᒎᑎᒥᒃ ᐊᑭᕋᕐᑐᕐᓂᐅᖕᒪᑦ? ᑍᒤᒻᒪᑦ ᓇᓪᓕᐊᑦ ᓯᓚᕐᔪᐊᕐᒥᒃ ᐃᓚᓐᓈᖃᕈᒪᔪᖅ ᑖᓐᓇ ᒎᑎᒥᒃ ᐊᑭᕋᕐᑐᓕᕐᐳᖅ?