ᕼᐆᓯᐊᑉ ᐊᒡᓚᖏᑦ 6:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑐᓂᕐᕈᓯᕐᑎᓯᔩᑦ ᑕᕝᕙᓂ ᑎᒡᓕᒃᑎᑐᑦ ᑍᒤᑉᐳᑦ ᐅᑕᖅᑭᕙᒃᑐᑐᑦ ᐅᐸᓗᐃᓪᓗᒋᑦ ᐃᓄᖕᒥᒃ ᓵᓚᒋᓪᓗᒍ ᑎᒡᓕᒃᐸᒃᑐᑐᑦ; ᐊᒡᓛᑦ ᐊᖅᑯᑎᒃᑯᒃ ᓯᑭᒻᒧᐊᖓᔪᒥ ᐃᓄᐊᕐᐸᒃᐳᑦ, ᑍᒫᒡᓗ ᐱᐅᖏᑦᑐᓂᒃ ᐱᓇᓱᐊᕐᐸᒃᐳᑦ.

ᕼᐆᓯᐊᑉ ᐊᒡᓚᖏᑦ 6:9 Iomraidhean Croise

ᒨᓯᓯ ᓯᕗᓪᓖᑦ 12:6

ᐂᑉᕋᒻᑯᑦ ᖄᖏᓚᐅᕐᐳᑦ ᓄᓇᒧᑦ ᓯᑭᒻᒥᒃ ᐊᑎᓕᖕᒧᑦ, ᓇᐹᕐᑐᖅ ᐆᒃ ᒨᕆᒦᑦᑐᖅ ᑎᑭᓪᓗᒍ. ᑍᑦᓱᒪᓂ ᑬᓇᓂᒥᐅᑦ ᓱᓕ ᑕᒫᓂ ᓄᓇᖃᕐᑎᓪᓗᒋᑦ.

ᐊᑕᓃᑦ ᓯᕗᓪᓖᑦ 12:25

ᐃᓴᕆᐊᓕᐅᑉ ᐊᖓᔪᖅᑳᕐᔪᐊᖓ ᔨᕈᐳᐊᒻ ᓄᓇᓕᖕᒥᒃ ᓯᑭᒻᒥᒃ ᖃᖅᑲᓃᑦᑐᒥᒃ ᐊᕙᓗᕐᔪᐊᓕᐅᕆᓚᐅᕐᐳᖅ ᖃᖅᑲᓕᖕᓂ ᐃᕗᕅᒦᑦᑐᒥ, ᑕᕝᕙᓂᓗ ᓄᓇᖃᓚᐅᑲᒡᓗᓂ; ᓅᓚᐅᕆᕗᖅ ᐱᓄᐃᓕᒥᒃ ᓴᓇᓕᕆᓪᓗᓂ.

ᐄᓱᕋᐅᑉ ᐊᒡᓚᖏᑦ 8:31

ᑕᖅᑭᐅᑉ ᓯᕗᓪᓕᕐᐹᑉ ᐅᓪᓗᖓᑕ 12ᒋᓕᕐᑕᖓᓂ ᑰᖕᒥᑦ ᐊᕼᐋᕙᒥᑦ ᐊᐅᓪᓚᓚᐅᕐᐳᒍᑦ, ᔨᕉᓴᓕᒧᐊᕐᐸᓪᓕᐊᓕᕐᓗᑕ. ᒎᑎᑦᑕ ᐃᓚᒋᓚᐅᕐᐹᑎᒍᑦ ᓴᐳᑎᓚᐅᕐᐹᑎᒍᓪᓗ ᐊᑭᕋᕐᑐᕐᑎᑦᑎᓐᓂᑦ ᐅᓇᑕᕐᑕᐅᓂᕐᒥᓪᓗ ᐃᖏᕐᕋᑎᓪᓗᑕ.

ᔨᕆᒤᐊᐅᑉ ᐊᒡᓚᖏᑦ 11:9

ᐊᑕᓂᐅᓪᓕ ᐅᖃᐅᑎᒃᑲᓐᓂᕆᕚᖓ, “ᐋᖅᑭᒃᓱᐃᓯᒪᔪᖃᕐᐳᖅ ᓈᒻᒪᖏᑦᑐᒥᒃ ᔫᑕᒥᐅᓂ ᔨᕉᓴᓕᒥᐅᓂᓗ.

ᐃᓯᑭᐊᓕᐅᑉ ᐊᒡᓚᖏᑦ 22:25

ᓯᕗᓕᕐᑎᖏᑦ ᓛᔭᑎᑐᑦ ᑐᖁᕋᑖᕐᑕᒥᖕᓂᒃ ᐊᓕᒃᑐᐃᔪᑎᑐᑦ ᖃᓕᖑᐊᕐᐳᑦ; ᐃᓅᖃᑎᒥᖕᓂᒃ ᑐᑯᕅᕗᑦ; ᐃᓄᐊᕐᑕᒥ ᑮᓇᐅᔭᖏᓐᓂᒃ ᐱᓐᓇᕆᔭᖏᓐᓂᒡᓗ ᐱᑖᕐᐸᒃᐳᑦ; ᐅᓄᕐᑐᓂᒃ ᐅᐃᒡᒐᕐᓂᓐᖑᕐᑎᑦᓯᕗᑦ ᓄᓇᒥᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 22:27

ᐊᖓᔪᖅᑳᖁᑎᖏᑦ ᐊᒪᕈᕐᑎᑐᑦ ᐆᒪᔪᕐᑕᒥᖕᓂᒃ ᐊᓕᒃᑐᐃᔪᑎᑐᑦ ᑍᒤᑉᐳᑦ, ᐃᓄᐊᖃᑦᑕᕐᐳᑦ, ᓈᒻᒪᓈᖏᑦᑐᒃᑯᑦ ᐊᒃᓗᐃᓕᓇᓱᐊᕐᐳᑦ ᑐᖁᑦᓯᕙᒃᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 22:9

ᐃᓅᖃᑎᑦᓯ ᐃᓚᖏᑦ ᓴᒡᓗᑦᔪᑎᖃᕐᓗᑎᒃ ᑐᖁᑕᐅᑎᑦᓯᕙᒃᐳᑦ, ᐃᓚᖏᓪᓗ ᒎᑎᓐᖑᐊᓄᑦ ᑐᓂᕐᕈᑎᕕᓂᕐᓂᒃ ᓂᕆᖃᑦᑕᕐᐳᑦ; ᐃᓚᖏᓪᓗ ᐃᒃᓕᒎᕐᓂᕐᒥᖕᓄᑦ ᐱᓕᕆᕙᒃᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 23:27

ᐃᒃᓯᒎᕐᓂᕆᖃᑦᑕᓚᐅᕐᑍᑦ ᐊᖑᓐᓂᐊᕐᑎᐅᓂᕆᓯᒪᔧᓪᓗ ᐄᑦᔨᑉᑎᒥᑦ ᐱᒋᐊᕐᓗᑎᑦ ᓄᖅᑲᕐᑎᑦᓱᒫᕐᐸᕋ; ᑕᑯᓴᕈᓐᓁᓪᓕᔪᒫᕐᐳᑎ ᐄᑦᔨᑉᑎᒥᐅᓂᒃ ᐃᖅᑲᐅᒪᔪᓐᓁᕐᓗᒋᓪᓘᓐᓃᑦ.

ᕼᐆᓯᐊᑉ ᐊᒡᓚᖏᑦ 2:10

ᒫᓐᓇ ᐊᓐᓄᕅᔭᕐᓂᐊᓕᕐᐸᕋ ᑲᓐᖑᒋᔭᖏᑦ ᓴᖅᑭᔮᓕᕐᓗᑎᒃ ᐱᖃᑎᒋᕙᓚᐅᕐᑕᖏᑦ ᑕᑯᓐᓇᕐᑎᓪᓗᒋᑦ, ᑭᓇᒧᓪᓘᓐᓃᑦ ᓴᐳᑎᔭᐅᔪᓐᓇᕐᓂᐊᓐᖏᓚᖅ ᐱᔪᓐᓇᕐᓂᓐᓂᑦ.

ᕼᐆᓯᐊᑉ ᐊᒡᓚᖏᑦ 4:2

ᐅᖃᕕᒃᓗᑎᒃ ᐊᖏᒻᒪᕆᒃᐸᒃᑲᓗᐊᕐᐳᑦ, ᓴᒡᓗᖃᑦᑕᕐᐳᑦ, ᑐᖁᕅᕗᑦ, ᑎᒡᓕᒐᕐᐳᑦ, ᐊᓯᓐᓂᐊᕐᓗᑎᒡᓗ; ᐱᕋᔭᖕᓃᓪᓗ ᑭᒡᓕᖃᕈᓐᓃᕐᐳᑦ, ᑐᖁᕅᑐᐃᓐᓇᓕᕐᐳᑦ ᑐᖓᓕᕇᒥᒃ.

ᕼᐆᓯᐊᑉ ᐊᒡᓚᖏᑦ 5:1

“ᐅᓇ ᓈᓚᒃᓯᐅᒃ, ᑐᓂᕐᕈᓯᕐᑎᑦᓯᔨᐅᔪᓯ! ᓈᓚᑦᓯᐊᓚᐅᕆᑦᓯ, ᐃᓴᕆᐊᓕᒥᐅᑦ ᑭᖑᕚᖏᑦ! ᓈᓚᒋᑦᓯ, ᐊᖓᔪᖅᑳᕐᔪᐊᑉ ᑭᖑᕚᖏᑦ! ᐋᖅᑭᒃᓱᐃᔨᐅᔪᒃᓴᐅᓪᓗᓯ ᐊᑦᔨᒌᒃᑎᑦᓯᓂᕐᒧᑦ ᐱᔭᒃᓴᖃᕋᓗᐊᕐᐳᓯ; ᒥᑭᒋᐊᖑᓕᕐᐳᓯᓕ ᒥᔅᐸᒥ, ᓄᓗᐊᑐᑦ ᐃᓯᕕᓯᒪᔪᑎᑐᑦ ᖃᖅᑲᒥ ᑍᐸᕆᒥ.

ᕼᐆᓯᐊᑉ ᐊᒡᓚᖏᑦ 5:2

ᐃᑎᕐᓴᕐᔪᐊᓕᐅᕐᓯᒪᕗᑦ ᓯᑎᒻᒥᑎᑐᑦ ᑐᖁᑦᓯᕕᒃᓴᒥᖕᓂᒃ; ᐃᓘᓐᓇᖏᓪᓕ ᓱᒋᐊᕐᓂᐊᕐᐸᒃᑲ.

ᕼᐆᓯᐊᑉ ᐊᒡᓚᖏᑦ 7:1

“ᐋᖅᑭᒍᒪᒐᓗᐊᕋᒃᑭᑦ ᐃᓴᕆᐊᓕᒥᐅᑦ, ᐱᐅᖏᑦᑐᓂᒃ ᐃᕗᕅᒥᐅᑦ ᐱᓇᓱᐊᕐᓂᖏᑦ ᓴᖅᑭᑉᐳᑦ, ᓴᒥᐊᕆᐊᒥᐅᓪᓗ ᐱᐅᖏᑦᑐᓕᓂᖏᑦ; ᓱᓕᖏᑦᑐᓂᒃ ᐋᖅᑮᖃᑎᖃᖃᑦᑕᕐᐳᑦ, ᑎᒡᓕᒃᑏᑦ ᐃᒡᓗᓄᑦ ᐃᓵᖃᑦᑕᕐᐳᑦ, ᐊᖅᑯᑎᒦᑦᑐᓂᒡᓗ ᑎᒡᓕᒐᕐᕕᖃᖃᑦᑕᕐᓗᑎᒃ.

ᒤᑲᐅᑉ ᐊᒡᓚᖏᑦ 3:9

ᒫᓐᓇ ᒪᑐᒥᖓ ᑐᓴᓕᕆᑦᓯ, ᐃᓕᑦᓯ ᓯᕗᓕᕐᑎᐅᔪᓯ ᔧᑰᑉ ᑭᖑᕚᖏᓐᓄᑦ ᐃᓴᕆᐊᓕᒥᐅᓄᓪᓗ ᐊᐅᓚᑦᓯᔨᐅᔪᓯ, ᓇᕐᕈᔪᓯ ᐃᖅᑲᕐᑐᐃᑦᓯᐊᕐᓂᕐᒥᒃ ᓱᓕᔪᒥᒡᓗ ᑕᒻᒪᕐᓂᐅᓂᕅᓕᕐᓗᓯ.

ᒤᑲᐅᑉ ᐊᒡᓚᖏᑦ 7:2

ᐅᒃᐱᕐᓇᑦᓯᐊᕐᑐᑦ ᐊᓯᐅᓯᒪᖕᒪᑕ ᓄᓇᕐᔪᐊᕐᒥᑦ, ᐃᓄᖕᓂᓗ ᐃᓱᐊᕐᑐᖃᕈᓐᓁᕐᐳᖅ; ᐃᓄᓕᒫᑦ ᐅᑕᖅᑭᐅᕐᐳᑦ ᑐᖁᑦᓯᔪᒪᓪᓗᑎᒃ; ᐃᓘᓐᓇᑎᒡᓗ ᖃᑕᓐᖑᑎᒥᖕᓂᒃ ᕿᓂᕐᐳᑦ ᓄᓗᐊᕐᑎᑦᓯᔪᒪᓪᓗᑎᒃ.

ᔨᐸᓁᐊᐅᑉ ᐊᒡᓚᖏᑦ 3:3

ᑖᑦᓱᒪ ᕿᑐᕐᖓᖏᑦ ᓛᔭᑎᑐᑦ ᐃᕐᓯᓵᕐᐳᑦ, ᐊᐅᓚᑦᓯᔨᖏᓪᓗ ᐊᒪᕈᕐᑎᑑᕐᐳᑦ, ᐅᓪᓛᒧᑦ ᐊᒥᐊᒃᑯᖏᑦᑐᑦ.

ᒫᑯᓯᐅᑉ ᐊᒡᓚᖏᑦ 14:1

ᐅᓪᓘᒃ ᓱᓕ ᒪᕐᕉᑎᓪᓗᒋᒃ ᓇᓪᓕᐅᓐᓂᕐᓯᐅᕐᕕᖏᑕ ᖄᖏᕐᑕᐅᕕᖕᒥᒃ ᑍᔭᐅᔫᑉ ᐳᕙᓪᓚᖅᑯᑎᖃᖏᑦᑐᒥᒡᓗ ᓂᐊᖂᔭᕐᑐᕐᕕᖏᑕ ᓯᕗᓂᖓᓂ. ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᐱᖁᔭᓂᒡᓗ ᐃᓕᓮᔩᑦ ᐱᑦᔪᑎᒃᓴᕐᓯᐅᓕᕐᐳᑦ ᔩᓱᓯ ᖃᐅᔨᔭᐅᖏᓪᓗᑎᒃ ᑎᒍᔪᒪᓪᓗᒍ, ᑐᖁᑦᓱᒪᓪᓗᒍ;

ᔪᐊᓇᓯᐅᑉ ᐊᒡᓚᖏᑦ 11:47

ᑕᕝᕙ ᐹᕆᓯᑦ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᑦ ᑲᑎᒪᔨᓂᒃ ᑲᑎᒪᖃᑎᖃᕐᓗᑎᒃ ᐅᖃᕐᐳᑦ, “ᖃᓄᐃᓕᐅᕆᐊᖃᓕᕐᐱᑖ? ᑖᓐᓇ ᐊᒥᓱᓂᒃ ᓇᓗᓁᒃᑯᑕᕐᓂᒃ ᐱᓇᓱᐊᖃᑦᑕᕐᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 4:24

ᐅᒃᐱᕐᑐᑦ ᑕᒪᑐᒥᖓ ᑐᓴᕋᒥᒃ; ᐊᑕᐅᑦᓯᒃᑯᑦ ᑐᒃᓯᐊᖃᑎᒌᓕᕐᐳᑦ ᒎᑎᒧᑦ ᐅᖃᕐᓗᑎᒃ, “ᑕᒤᓐᓄᑦ ᐊᑕᓂᐅᔪᑎᑦ, ᐱᓐᖑᕐᑎᑦᓯᓚᐅᕐᑐᑎᑦ ᕿᓚᖕᒥᒃ ᓄᓇᒥᒡᓗ ᐃᒪᕕᖕᒥᒡᓗ ᑕᕝᕙᓃᑦᑐᓕᒫᓂᒡᓗ,