ᕼᐆᓯᐊᑉ ᐊᒡᓚᖏᑦ 6:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᒋᓕᐊᑏᑦ ᐃᒡᓗᒐᓴᐅᕗᑦ ᐃᓄᖃᕐᑐᖅ ᐱᐅᖏᑦᑐᓕᔪᓂᒃ, ᐃᓄᐊᕐᑎᓂᒡᓗ.

ᕼᐆᓯᐊᑉ ᐊᒡᓚᖏᑦ 6:8 Iomraidhean Croise

ᓴᒧᐃᓕ ᐂᑉᐸᖏᑦ 20:8

ᐅᔭᕋᓱᒡᔪᖕᒧᑦ ᒋᐱᐅᓂᒦᑦᑐᒧᑦ ᑎᑭᒻᒪᑕ, ᐊᒪᓴᐅᑉ ᐅᐸᒃᐰᑦ. ᔪᐊᐱᓕ ᐊᓐᓄᕌᕐᓯᒪᓚᐅᕐᐳᖅ ᐅᓇᑕᕐᑐᕐᓯᐅᑎᓂᒃ, ᓴᕕᒡᔪᐊᖓᓗ ᐴᕐᓯᒪᕗᖅ ᑕᑦᓯᖓᓄᑦ ᕿᓚᒃᓯᒪᓪᓗᓂ, ᐅᑯᖕᒪᓪᓕ ᓴᕕᒡᔪᐊᖓ ᑲᑕᒃᐳᖅ.

ᓴᒧᐃᓕ ᐂᑉᐸᖏᑦ 3:27

ᐋᑉᓄᓕ ᑎᑭᒻᒪᑦ ᕼᐃᐸᕋᓐᒧᑦ, ᔪᐊᐱᐅᑉ ᓴᓂᕐᕙᐅᑎᓚᐅᕐᐹ ᐃᑎᕐᑕᕐᕕᐅᑉ ᓴᓂᐊᓄᑦ, ᐃᓄᑑᖃᑎᒋᓪᓗᒍ ᐅᖃᕐᕕᒋᔪᒪᔫᔮᕐᓗᓂᐅᒃ, ᑍᑲᓂᓗ ᑲᐱᕙ ᓈᖓᒍᑦ, ᑕᕝᕙᓂᓗ ᐋᑉᓄ ᑐᖁᕗᖅ, ᑐᖁᑦᓯᓚᐅᕐᓂᖓ ᐱᓪᓗᒍ ᔪᐊᐱᐅᑉ ᓄᑲᖓᓂᒃ ᐊᓴᕼᐃᐅᓪᒥᒃ.

ᐊᑕᓃᑦ ᓯᕗᓪᓖᑦ 2:5

“ᓱᓕ ᐊᓯᐊᒍᑦ ᖃᐅᔨᒪᕗᑎᑦ ᔪᐊᐱ ᔨᕈᐃᐊᐅᑉ ᐃᕐᓂᖓ ᐅᕙᓐᓄᑦ ᖃᓄᐃᓕᐅᕐᓯᒪᖕᒪᖔᑦ, ᐱᓂᐊᕐᓂᖃᓚᐅᕐᒪᑦ ᒪᕐᕉᖕᓂᒃ ᐃᓴᕆᐊᓕᑎᑦ ᐅᓇᑕᕐᑐᒃᓴᖏᑕ ᐊᖓᔪᖅᑳᖏᖕᓂᒃ, ᐋᑉᓄᒥᒃ ᓂᕆᐅᑉ ᐃᕐᓂᖓᓂᒃ, ᐊᒪᓴᒥᒡᓗ ᔨᑎᕆᐅᑉ ᐃᕐᓂᖓᓂᒃ; ᑖᒃᑯᓂᖓ ᑐᖁᑦᓯᓚᐅᕐᒪᑦ ᐊᑭᓂᐊᕐᓱᓂ ᐅᓇᑕᕐᓂᕐᑕᖃᓐᖏᑎᓪᓗᒍ, ᑐᖁᓚᐅᕐᑕᖏᖕᓄᑦ ᐅᓇᑕᕐᑎᓪᓗᒋᒃ, ᐅᓇᑕᕐᑐᑎᑐᑦ ᕿᑎᓂ ᐃᑎᒐᓂᓗ ᐊᐅᒃᑎᓚᐅᕐᒪᒋᑦ; ᑕᒪᓐᓇ ᐅᕙᓐᓄᑦ ᐅᖁᒤᑦᑑᕗᖅ.

ᐃᓐᖏᕈᑎᑦ 10:8

ᐃᒃᓯᕙᕗᕐᓗ ᓄᓇᓕᖕᓂ ᑎᕐᓕᐊᕐᓯᕕᖕᓂ; ᐅᐸᓗᐃᓪᓗᒋᓪᓗ ᐸᓯᔭᒃᓴᐅᖏᑦᑐᑦ ᑐᖁᓴᕐᐰᑦ, ᐃᔨᕋᕐᑐᕐᓗᓂᓗ ᐃᑲᔪᕐᑎᖃᖏᑦᑐᑦ ᐅᓇᖕᒥᕔᑦ.

ᐃᓐᖏᕈᑎᑦ 141:4

ᐆᒻᒪᑎᒐ ᑲᒪᒋᒍᒃ ᑲᔪᖏᕐᓂᖃᖁᓇᒍ ᐱᐅᖏᑦᑐᓄᑦ ᓱᓇᑐᐃᓐᓇᕐᓄᑦ, ᐱᐅᖏᑦᑐᓪᓗ ᐱᓇᓱᐊᕐᓂᖏᓐᓄᑦ ᐃᓄᖕᓄᑦ ᐃᓚᓕᐅᑎᖁᓇᖓ; ᓂᕆᖁᓇᖓᓗ ᑖᒃᑯᐊ ᒪᒪᕆᔭᖏᓐᓂᒃ.

ᐃᓐᖏᕈᑎᑦ 59:2

ᓴᐳᑎᓚᐅᓐᖓ ᐱᐅᖏᑦᑐᒥᒃ ᐱᓇᓱᐊᕐᑎᓂᑦ, ᐱᐅᓕᓗᖓᓗ ᐃᓄᐊᕈᒪᔪᓂᑦ.

ᐂᓮᐊᓯᐅᑉ ᐊᒡᓚᖏᑦ 59:6

ᓄᕕᕐᓴᕐᑕᖏᑦ ᐊᓐᓄᕌᒃᓴᓐᖑᕈᓐᓇᓐᖏᓚᑦ; ᐱᓇᓱᐊᕐᑕᖏᓪᓗ ᐅᓕᒃᓴᓐᖑᕈᓐᓇᕋᑎᒃ, ᐱᓂᐊᕐᓂᖏᑦ ᐊᔪᕐᑐᓕᓂᕐᓂᒃ ᐱᓇᓱᐊᕐᓂᐅᖕᒪᑕ, ᐊᒡᒐᖏᓪᓗ ᑲᑉᐱᐊᓱᐊᑎᑦᓯᓂᕐᒥᒃ ᐱᓇᓱᐊᕐᓂᖃᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 11:19

ᖃᐅᔨᒪᓇᖓᓕ ᓄᕐᕋᐅᔭᕐᑎᑐᑦ ᑐᖁᑕᐅᕕᒃᓴᒥᓄᑦ ᐋᑕᐅᓕᕐᑐᑎᑐᑦ ᑍᒤᓚᐅᕐᐳᖓ. ᖃᐅᔨᒪᓚᐅᓐᖏᓚᖓ ᐋᖅᑭᒃᓱᐃᓯᒪᔪᕕᓂᐅᓕᕐᑎᓪᓗᒋᑦ ᑐᖁᑦᓯᔪᒪᓪᓗᑎᒃ ᐅᕙᓐᓂᒃ, ᐅᖃᕐᓗᑎᒃ, “ᓇᐹᕐᑐᖅ ᐊᓯᕈᓚᐅᕐᓚᕗᑦ ᐱᕈᕐᑐᖏᓪᓗ ᐆᒪᔪᑦ ᓄᓇᖓᓂᑦ ᓇᑲᓚᐅᕐᓚᕗᑦ, ᐊᑎᖓᓗ ᐃᖅᑲᐅᒪᔭᐅᔪᓐᓁᖁᓪᓗᒍ.”

ᕼᐆᓯᐊᑉ ᐊᒡᓚᖏᑦ 12:11

ᒋᓕᐊᑎᒥ ᐊᔪᕐᑐᓕᓂᕐᑕᖃᕐᐸᑦ ᑕᒪᓐᓇ ᓄᖅᑲᓪᓚᕆᒍᒫᕐᐳᖅ; ᐃᒻᒧᒃᓯᐅᒐᕐᓂᒃ ᒋᐅᓪᒐᐅᓪᒥ. ᑐᓂᕐᕈᓯᕐᕕᖏᑦ ᐅᔭᕋᒃᑎᑐᑦ ᖃᓕᕇᒃᓯᒪᔪᑎᑐᑦ ᑍᒤᑐᐃᓐᓇᕈᒫᕐᐳᑦ ᐱᕈᕐᓰᕕᖕᒥ.”

ᕼᐆᓯᐊᑉ ᐊᒡᓚᖏᑦ 12:12

ᔧᑯ ᕿᒫᓚᐅᕐᐳᖅ ᓯᕆᐊᒧᑦ, ᐂᑉᐸᕐᑖᕈᒪᓂᕐᒥᓄᑦ ᐱᔨᐅᓚᐅᕐᐳᖅ, ᓄᓕᐊᕐᑖᒥᓄᑦ ᐊᑭᓕᐅᑦᔨᓪᓗᓂ ᓰᐱᓂᒃ ᐰᕐᓯᔨᐅᓕᓚᐅᕐᐳᖅ.

ᕼᐆᓯᐊᑉ ᐊᒡᓚᖏᑦ 4:2

ᐅᖃᕕᒃᓗᑎᒃ ᐊᖏᒻᒪᕆᒃᐸᒃᑲᓗᐊᕐᐳᑦ, ᓴᒡᓗᖃᑦᑕᕐᐳᑦ, ᑐᖁᕅᕗᑦ, ᑎᒡᓕᒐᕐᐳᑦ, ᐊᓯᓐᓂᐊᕐᓗᑎᒡᓗ; ᐱᕋᔭᖕᓃᓪᓗ ᑭᒡᓕᖃᕈᓐᓃᕐᐳᑦ, ᑐᖁᕅᑐᐃᓐᓇᓕᕐᐳᑦ ᑐᖓᓕᕇᒥᒃ.

ᕼᐆᓯᐊᑉ ᐊᒡᓚᖏᑦ 5:1

“ᐅᓇ ᓈᓚᒃᓯᐅᒃ, ᑐᓂᕐᕈᓯᕐᑎᑦᓯᔨᐅᔪᓯ! ᓈᓚᑦᓯᐊᓚᐅᕆᑦᓯ, ᐃᓴᕆᐊᓕᒥᐅᑦ ᑭᖑᕚᖏᑦ! ᓈᓚᒋᑦᓯ, ᐊᖓᔪᖅᑳᕐᔪᐊᑉ ᑭᖑᕚᖏᑦ! ᐋᖅᑭᒃᓱᐃᔨᐅᔪᒃᓴᐅᓪᓗᓯ ᐊᑦᔨᒌᒃᑎᑦᓯᓂᕐᒧᑦ ᐱᔭᒃᓴᖃᕋᓗᐊᕐᐳᓯ; ᒥᑭᒋᐊᖑᓕᕐᐳᓯᓕ ᒥᔅᐸᒥ, ᓄᓗᐊᑐᑦ ᐃᓯᕕᓯᒪᔪᑎᑐᑦ ᖃᖅᑲᒥ ᑍᐸᕆᒥ.

ᒤᑲᐅᑉ ᐊᒡᓚᖏᑦ 7:2

ᐅᒃᐱᕐᓇᑦᓯᐊᕐᑐᑦ ᐊᓯᐅᓯᒪᖕᒪᑕ ᓄᓇᕐᔪᐊᕐᒥᑦ, ᐃᓄᖕᓂᓗ ᐃᓱᐊᕐᑐᖃᕈᓐᓁᕐᐳᖅ; ᐃᓄᓕᒫᑦ ᐅᑕᖅᑭᐅᕐᐳᑦ ᑐᖁᑦᓯᔪᒪᓪᓗᑎᒃ; ᐃᓘᓐᓇᑎᒡᓗ ᖃᑕᓐᖑᑎᒥᖕᓂᒃ ᕿᓂᕐᐳᑦ ᓄᓗᐊᕐᑎᑦᓯᔪᒪᓪᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 25:3

ᕕᓯᑕᓯ ᐊᔪᐃᓐᓈᕆᓪᓗᒍ ᐱᖁᓇᓱᐊᕐᐹᑦ ᐊᖏᕐᑕᐅᔪᒪᓪᓗᑎᒃ ᐸᐅᓗᓯ ᔨᕉᓴᓕᒻᒧᐊᕈᑎᔭᐅᖁᓪᓗᒍ, ᑕᕝᕗᓐᖓᐅᑦᔭᐅᓕᕐᐸᑦ ᐅᐸᓗᖕᒊᕐᓯᒪᒐᒥᒃ ᐊᖅᑯᑖᓂ ᑐᖁᑦᓱᒪᓪᓗᒍ.

ᔮᓱᐊᑉ ᐊᒡᓚᖏᑦ 21:38

ᒑᑦ ᑭᖑᕚᖏᓐᓂᑦ ᑐᓂᔭᐅᕗᑦ ᐃᒡᓗᒐᓴᖕᓂᒃ ᓯᑕᒪᓂᒃ ᐅᑯᓂᖓ: ᕌᒪᑦᒥᒃ ᒋᓕᐊᑎᒦᑦᑐᒥᒃ ᐱᕈᕐᓰᕕᖏᓪᓗ, ᐃᒡᓗᒐᓮᑦ ᐱᔮᕆᓇᑎᒃ ᑐᖁᑦᓯᔪᕕᓂᕐᓄᑦ ᕿᒫᕕᒃ ᐱᖃᓯᐅᑎᓪᓗᒍ, ᒪᕼᐊᓁ ᐱᕈᕐᓰᕕᖏᓪᓗ,