ᕼᐆᓯᐊᑉ ᐊᒡᓚᖏᑦ 6:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᓇᒡᓕᖕᓂᓯ ᓱᖁᓯᔪᐃᑦᑐᖅ ᐱᔪᒪᕙᕋ ᐆᒪᔪᓂᒃ ᑐᓂᕐᕈᓯᕐᓂᐅᖏᑦᑐᖅ, ᒎᑎᒥᒃ ᖃᐅᔨᖁᕙᒃᑲ, ᑐᓂᕐᕈᑎᓂᑦ ᐃᑯᐊᓪᓚᑎᑦᓯᓂᑐᐃᓐᓇᐅᖏᑦᑐᒥᒃ.

ᕼᐆᓯᐊᑉ ᐊᒡᓚᖏᑦ 6:6 Iomraidhean Croise

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 50:8

ᓱᐊᖕᓂᐊᓐᖏᓚᒋᑦ ᐆᒪᔪᑦ ᑐᓂᕐᕈᑏᑦ ᐱᓪᓗᒋᑦ ᑐᓂᕐᕈᑎᓪᓘᓐᓃᑦ ᐆᑕᒃᓮᑦ ᐱᑦᔪᑎᒋᓗᒋᑦ, ᑕᒪᒃᑯᐊ ᐅᕙᓐᓅᕐᑕᐅᑦᓮᓐᓇᕐᒪᑕ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:3

ᐃᓱᐊᕐᑐᓂᒃ ᓈᒻᒪᑦᓯᐊᕐᑐᓂᒡᓗ ᐱᓇᓱᐊᕐᓂᖅ ᓈᒻᒪᒋᔭᐅᓂᕐᓴᐅᕗᖅ ᐊᑕᓂᕐᒧᑦ, ᑐᓂᕐᕈᑎᓂᑦ ᐆᑕᒃᓴᓂᑦ ᑐᓂᓯᓂᕐᒥᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:1

ᐊᓪᓗᕐᓂᑎᑦ ᐅᑦᔨᕆᑦᓯᐊᒃᑭᑦ ᐊᑕᓂᐅᑉ ᐃᒡᓗᖓᓄᑦ ᐂᓕᕈᕕᑦ; ᑕᕝᕗᓐᖓᓗ ᖃᒡᓕᓕᕆᑦ ᑐᓵᔭᕐᑐᕐᓗᑎᑦ ᓯᓔᑦᑐᑦ ᑐᓂᕐᕈᓯᑐᐃᓐᓇᕐᓂᖏᑦ ᐱᐅᓂᕐᓴᐅᖏᒻᒪᑕ, ᑖᒃᑯᐊᓗ ᑕᒻᒪᓕᕋᓗᐊᕐᒪᖔᕐᒥᒃ ᖃᐅᔨᔪᓐᓇᖏᒻᒪᑕ.

ᐂᓮᐊᓯᐅᑉ ᐊᒡᓚᖏᑦ 1:11

ᓱᓇᐅᕙᑦ ᐅᓄᕐᑐᑦ ᐆᒪᔪᑦ ᑐᓂᕐᕈᑎᒋᖃᑦᑕᕐᑕᑦᓯ ᐅᕙᓐᓄᑦ? ᐊᑕᓂᖅ ᐅᖃᕐᐳᖅ; ᐊᕆᐅᑉᐸᒃᑲ ᑐᓂᕐᕈᑎᒋᖃᑦᑕᕐᑕᓯ ᓰᐲᑦ ᐊᖑᓴᓪᓗᖏᑕ ᑐᓐᓄᖏᑦ, ᐃᒻᒧᒃᓯᐅᒊᓪᓗ ᐊᖑᓴᓪᓗᖏᑕ ᐊᐅᖏᑦ ᓄᕐᕋᐅᔧᓪᓗ ᒎᑦᓰᓪᓗᑦᑕᐅᖅ ᑐᓂᕐᕈᑕᐅᓂᖏᑦ ᖁᕕᐊᒋᓐᖏᓚᒃᑲ.

ᐂᓮᐊᓯᐅᑉ ᐊᒡᓚᖏᑦ 58:6

ᐃᒫᖓᕐᓕ ᓂᕆᑦᑍᓕᓂᕐᒥᒃ ᐊᑐᕐᑕᐅᖁᔨᓚᐅᓐᖏᓚᖔ? ᐊᔪᕐᑐᓕᓂᕐᒧᑦ ᕿᓚᒃᓱᕐᓯᒪᔪᑦ ᕿᓚᕈᑦᔮᕐᑕᐅᖁᓪᓗᒋᑦ, ᐅᖁᒤᑦᑐᑦ ᐊᒃᔭᕐᑕᖏᑦ ᐲᕐᑕᐅᖁᓪᓗᒋᑦ, ᓵᓚᐅᓯᒪᔪᓪᓗ ᕿᓚᕈᑦᔮᕐᑕᐅᖁᓪᓗᒋᑦ, ᓇᖕᒪᐅᑎᒋᔭᐅᔪᓕᒫᓂᒡᓗ ᓯᖁᒥᓪᓗᒋᑦ ᐲᕐᑎᑦᓯᖁᓪᓗᓯ.

ᔨᕆᒤᐊᐅᑉ ᐊᒡᓚᖏᑦ 22:16

ᐊᒃᓱᔪᓂᒃ ᐃᑲᔪᕐᑕᐅᔭᕆᐊᓕᖕᓂᒡᓗ ᓴᐳᑦᔨᓯᒪᓂᕐᓴᐅᓚᐅᕐᐳᑦ; ᐱᓇᓱᐊᑦᓯᐊᕋᒥᒃ ᓈᒻᒪᑦᓯᐊᕐᑐᒥᒃ ᐃᓅᓚᐅᕐᐳᑦ. ᐊᑕᓂᕐᒥᒃ ᖃᐅᔨᒪᓪᓗᓂ ᐃᓅᓯᖃᕐᓂᖅ ᑍᒤᑦᑐᒥᒃ ᐱᑎᑦᓯᓐᖏᓛᖅ? ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 7:22

ᓯᕗᓕᕕᓂᕐᓯ ᐄᑦᔨᑉᑎᒥᑦ ᐊᐅᓪᓚᕐᑎᓐᓇᒃᑭᑦ, ᐅᖃᐅᑎᓚᐅᓐᖏᓚᒃᑲ ᐱᖁᔭᕐᑖᕐᑎᓚᐅᓐᖏᓚᒃᑲᓗ ᑐᓂᕐᕈᑏᑦ ᐆᑕᒃᓮᑦ ᑐᓂᕐᕈᑎᒃᓮᓪᓗ ᐱᓪᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 4:27

ᑍᒤᒻᒪᑦ ᐊᖓᔪᖅᑳᕐᔪᐊᖅ, ᐅᖃᐅᓯᕋ ᐃᓚᓕᐅᕈᒃ: ᐊᔪᕐᓂᑎᑦ ᑐᓄᓕᒃᑭᑦ, ᐊᑲᐅᔪᒥᒃ ᐱᓇᓱᐊᕐᓗᑎᑦ, ᐱᐅᖏᑦᑐᓕᓂᑎᓪᓗ ᕿᒪᓕᒃᑭᑦ ᐊᔪᕐᓴᕐᑐᑦ ᓂᑲᒋᓗᒋᑦ; ᐊᔪᕐᓴᖏᓐᓃᑦ ᑲᔪᓰᓐᓇᖁᓪᓗᒍ.”

ᕼᐆᓯᐊᑉ ᐊᒡᓚᖏᑦ 14:2

ᐅᖃᐅᓯᕐᓂᒃ ᑎᒍᓯᓕᕆᑦ ᐅᑎᕐᓗᑎᓪᓗ ᐊᑕᓂᕐᒧᑦ, ᐅᖃᐅᑎᓗᒍᓗ, “ᐱᐅᖏᑦᑐᓕᓂᓕᒫᑦ ᐲᔭᒃᑭᑦ; ᐱᐅᔪᑦ ᐃᓚᓕᐅᕐᓗᒋᑦ ᓮᒻᒪᕐᑎᑎᒍᑦ ᑕᕝᕙ ᑐᓂᓯᓂᐊᕐᐳᒍᑦ ᖃᓂᑦᑕ ᐱᕈᕐᑎᑕᖏᓐᓂᒃ.

ᕼᐆᓯᐊᑉ ᐊᒡᓚᖏᑦ 2:20

ᓄᓕᐊᕐᑖᕆᔪᒫᕐᐸᒋᑦ ᓱᑯᓯᔪᐃᑦᑑᓂᕐᒥ; ᖃᐅᔨᔪᒫᕐᐳᑎᓪᓗ ᐊᑕᓂᕐᒥᒃ.

ᕼᐆᓯᐊᑉ ᐊᒡᓚᖏᑦ 4:1

ᐊᑕᓂᐅᑉ ᐅᖃᐅᓯᖓᓂᒃ ᑐᓴᕆᑦᓯ, ᐃᓴᕆᐊᓕᒥᐅᖑᔪᓯ: “ᐊᑕᓂᖅ ᓈᒻᒪᒃᓴᖏᒻᒪᑦ ᐃᓄᖕᓂᒃ ᑕᒫᓂ ᓄᓇᖃᕐᑐᓂᒃ. ᐅᒃᐱᕐᓇᕐᑐᖃᕈᓐᓃᕐᒪᑦ ᓂᑲᒍᓱᖕᓂᖃᕈᓐᓃᕐᓗᓂᓗ, ᖃᐅᔨᒪᔪᖃᕈᓐᓃᕐᓗᓂᓗ ᒎᑎᒥᒃ ᑕᒫᓂ ᓄᓇᒥ;

ᕼᐆᓯᐊᑉ ᐊᒡᓚᖏᑦ 8:13

ᑐᓂᕐᕈᓯᕆᐊᒥᒃ ᐆᒪᔪᓂᒃ ᖁᕕᐊᒋᔭᖃᕐᐳᑦ; ᑐᓂᕐᕈᑎᕕᓃᓪᓗ ᓂᕆᕙᒡᓗᒋᑦ; ᐊᑕᓂᐅᓪᓕ ᖁᕕᐊᒋᓚᐅᓐᖏᓔᑦ. ᑕᕝᕙ ᐱᐅᖏᑦᑐᓕᓂᖏᑦ ᐃᖅᑲᓚᐅᕐᐰᑦ, ᐊᔪᕐᓂᖏᓪᓗ ᓱᒋᐊᕐᓗᒋᑦ; ᐄᑦᔨᑉᑎᒧᑦ ᐅᑎᕐᓂᐊᕐᐳᑦ.

ᐂᒨᓯᐅᑉ ᐊᒡᓚᖏᑦ 5:21

“ᓇᓪᓕᐅᓐᓂᕐᓯᐅᕐᕕᓯ ᐆᒥᒋᕙᒃᑲ ᓇᕐᕈᒋᓪᓗᒋᑦ, ᑐᒃᓯᐊᕆᐊᕐᓯᒪᓂᓯᓗ ᖁᕕᐊᒋᓐᖏᓚᒃᑲ.

ᒤᑲᐅᑉ ᐊᒡᓚᖏᑦ 6:6

ᓱᓇᒦᒃ ᐊᑕᓂᕐᒧᐊᕈᑦᔨᔪᒃᓴᐅᕗᖓ? ᐹᒻᒪᒃᑎᕐᓗᖓᓗ ᒎᑎᐅᑉ ᖁᑦᓯᖕᓂᕐᐸᐅᔫᑉ ᓵᖓᓂ, ᓵᖓᓄᐊᕐᑐᒃᓴᐅᕗᖔ ᑐᓂᕐᕈᓯᕐᓗᖓ ᐃᑯᐊᓚᔪᒃᓴᓂᒃ? ᓄᕐᕋᕐᒥᒃ ᐊᕐᕌᒍᓕᖕᒥᒃ ᐊᑕᐅᓯᕐᒥᒃ.

ᒤᑲᐅᑉ ᐊᒡᓚᖏᑦ 6:8

ᑕᑯᑎᓯᒪᕚᑎᑦ, ᐃᓅᔪᑎᑦ, ᓱᓇ ᐱᐅᖕᒪᖔᑦ; ᓱᓇᒥᒡᓗ ᐊᑕᓂᖅ ᐃᓕᖕᓂᒃ ᐱᖁᔨᖕᒪᖔᑦ ᓇᓛᒍᑦ ᐱᓇᓱᐊᖁᓪᓗᑎᑦ, ᓇᒡᓕᒍᓱᖁᓪᓗᑎᑦ ᐱᑦᓯᐊᕐᓗᑎᓪᓗ, ᐃᓅᖁᓪᓗᑎᓪᓗ ᒥᑭᒡᓕᑎᕐᓯᒪᓗᑎᑦ ᒎᑎᐅᑉ ᓵᖓᓂ.

ᒫᑎᐅᓯᐅᑉ ᐊᒡᓚᖏᑦ 12:7

ᒎᑎᐅᑉ ᐅᖃᐅᓯᖏᓐᓂ ᐅᖃᕐᓯᒪᔪᑦ ᖃᐅᔨᒪᒍᑦᓯᒋᒃ ᖃᓄᖅ ᑐᑭᖃᕐᒪᖔᑕ, ᐃᒤᓕᔪᑦ, ‘ᓂᑲᒍᓱᖕᓂᖅ ᐱᔪᒪᔭᕆᕙᕋ, ᐆᒪᔪᓂᒃ ᑐᓂᕐᕈᓯᕐᓂᐅᖏᑦᑐᖅ.’ ᑖᑦᓱᒪ ᑐᑭᖓ ᑐᑭᓯᒍᑦᓯᐅᒃ, ᐸᓯᔭᒃᓴᐅᖏᑦᑐᓂᒃ ᐸᓯᔭᒃᓴᓐᖑᕐᑎᑦᓯᓇᓱᐊᕋᔭᓐᖏᓚᓯ;

ᒫᑎᐅᓯᐅᑉ ᐊᒡᓚᖏᑦ 5:7

ᓮᒪᓇᕐᑐᒦᑉᐳᑦ ᐃᓅᖃᑎᒥᖕᓂᒃ ᓂᑲᒍᓱᒃᑐᑦ, ᒎᑎᒧᑦ ᓂᑲᒋᔭᐅᔪᒪᕐᒪᑕ.

ᒫᑎᐅᓯᐅᑉ ᐊᒡᓚᖏᑦ 9:13

ᐊᑏ ᖃᐅᔨᓴᑦᓯᐊᓚᐅᕆᑦᓯ, ᒎᑎᐅᑉ ᐅᖃᐅᓯᖏᓐᓂ ᖃᓄᖅ ᑐᑭᖃᕐᒪᖔᑦ, ᐃᒫᒃ ᐅᖃᕐᓯᒪᔪᖅ: ‘ᓂᑲᒍᓱᖕᓂᖅ ᐱᔪᒪᕙᕋ, ᐆᒪᔪᓂᒃ ᑐᓂᕐᕈᓯᕐᓂᐅᖏᑦᑐᖅ.’ ᓇᓛᒎᑦᓯᐊᕐᑐᓂᒃ ᑎᑭᑦᔪᑎᖃᕐᓯᒪᓐᖏᓚᖓ, ᐊᔪᕐᑐᓕᔪᓂᒡᓕ ᕾᖁᔨᔭᕐᑐᕐᐳᖓ.”

ᒫᑯᓯᐅᑉ ᐊᒡᓚᖏᑦ 12:33

ᐃᓄᒃ ᒎᑎᒥᒃ ᓇᒡᓕᒍᓱᒃᑐᒃᓴᐅᖕᒪᑦ ᐆᒻᒪᑎᒥᓄᑦ ᑕᒤᓐᓄᑦ, ᐃᓱᒪᒥᓄᓪᓗ ᑕᒤᓐᓄᑦ, ᐱᔪᓐᓇᕐᓂᕐᒥᓄᓪᓗ ᑕᒤᓐᓄᑦ, ᐃᓅᖃᑎᒥᓂᒡᓗ ᓇᒡᓕᒍᓱᒃᑐᒃᓴᐅᓪᓗᓂ ᐃᒻᒥᓂᒃ ᓇᒡᓕᒋᓂᕐᒥᑐᑦ, ᑖᒃᑯᐊᒃ ᐱᓪᓚᕆᐅᓂᕐᓴᐅᕘᒃ ᑐᓂᕐᕈᑕᐅᖁᔭᐅᔪᓂᑦ ᐆᒪᔪᕕᓂᕐᓂᒃ ᑐᓂᕐᕈᓯᕐᕕᒥ, ᑐᓂᕐᕈᑕᐅᖁᔭᐅᓯᒪᔪᓂᓪᓗ ᑕᒤᓐᓂᑦ.”

ᔮᓱᐊᑉ ᐊᒡᓚᖏᑦ 5:5

ᐃᓄᓕᒫᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᑐᑦ ᑭᐱᓯᒪᓚᐅᕐᐳᑦ, ᑭᓯᐊᓂᓕ ᑍᒃᑯᐊ ᐃᓄᖃᔪᐃᑦᑐᒥ ᐃᓅᓚᐅᕐᑐᑦ ᑭᐱᔭᐅᓯᒪᓚᐅᖏᒻᒪᑕ.

ᔪᐊᓇᓯ ᓯᕗᓪᓖᑦ 2:3

ᐱᖁᔭᖏᑦ ᓈᓚᑯᑦᑎᒍ ᖃᐅᔨᒪᑦᔪᑎᒋᔪᓐᓇᕐᐸᕗᑦ ᑖᑦᓱᒥᖓ ᖃᐅᔨᒪᔭᖃᑦᓯᐊᕐᓂᑦᑎᓐᓂᒃ.

ᔪᐊᓇᓯ ᓯᕗᓪᓖᑦ 3:6

ᓇᓪᓕᐊᑦ ᑖᑦᓱᒪᓃᑦᑐᖅ ᐊᔪᕐᑐᓖᓐᓇᕈᓐᓇᖏᓚᖅ; ᐊᔪᕐᑐᓕᓂᕐᒦᖏᓇᕐᑐᕐᓕ ᑕᑦᓱᒥᖓ ᑕᑯᓚᐅᕐᓯᒪᒃᖏᓚᖅ ᖃᐅᔨᒪᓇᒍᓗ.

ᓴᒧᐃᓕ ᓯᕗᓪᓖᑦ 15:22

ᓴᒧᐃᓕᓗ ᐅᖃᕐᐳᖅ, “ᐊᑕᓂᖅ ᖁᕕᐊᒋᔭᖃᕐᓂᕐᓴᐅᕚ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ, ᓈᓚᖕᓂᕐᒥᒃ ᐊᑕᓂᐅᑉ ᓂᐱᖓᓂᑦ? ᑕᑯᒋᑦ, ᓈᓚᖕᓂᖅ ᐱᓪᓚᕆᐅᓂᕐᓴᐅᕗᖅ ᑐᓂᕐᕈᑎᓂᑦ, ᓰᐲᑦ ᐊᖑᓴᓪᓗᖏᑕ ᖁᐃᓂᔪᑦ ᑐᓂᕐᕈᑕᐅᓂᖏᓐᓂᑦ.