ᕼᐆᓯᐊᑉ ᐊᒡᓚᖏᑦ 5:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐱᐅᖏᑦᑐᒥᒃ ᐱᓇᓱᕐᓂᕐᒥᖕᓄᑦ ᐅᑎᕈᓐᓁᓪᓕᕗᑦ ᒎᑎᒥᖕᓄᑦ. ᐊᓯᓐᓂᐊᕐᓂᐅᑉ ᐊᓂᕐᓂᖓᓄᑦ ᓇᔪᕐᑕᐅᒐᒥᒃ, ᐊᑕᓂᕐᒥᒃ ᐃᓕᑕᕐᓯᓐᖏᓚᑦ.

ᕼᐆᓯᐊᑉ ᐊᒡᓚᖏᑦ 5:4 Iomraidhean Croise

ᐃᓐᖏᕈᑎᑦ 78:8

ᓯᕗᓕᕐᒥᒃᑎᑐᓪᓗ ᑍᒤᖁᓇᒋᑦ, ᓯᑎᔫᓗᑎᒃ ᐊᑭᕋᕐᑐᕐᓗᑎᒡᓗ ᑭᖑᕚᕇᑦ ᐱᖁᓇᒋᑦ, ᑭᖑᕚᕇᑎᑐᑦ ᐆᒻᒪᑎᒥᖕᓂᒃ ᐃᓱᐊᕐᓯᑎᑦᓯᓚᐅᖏᑦᑐᑎᑐᑦ, ᐊᓂᕐᓂᖏᓪᓗ ᒎᑎᒧᑦ ᐊᑐᕆᐊᓕᖕᒥᖕᓂᒃ ᑲᔪᓯᑎᑦᓯᓚᐅᖏᑦᑐᑎᑐᑦ.

ᐃᓐᖏᕈᑎᑦ 9:10

ᐊᑎᕐᓂᒡᓗ ᖃᐅᔨᒪᔪᑦ ᐃᓕᖕᓂᒃ ᑕᑎᖃᕐᓂᐊᕐᐳᑦ: ᐃᕝᕕᑦ ᐊᑕᓃᖅ ᕿᒪᖏᓐᓇᕕᒋᑦ ᐃᓕᖕᓂᒃ ᕿᓂᕐᑐᑦ.

ᔨᕆᒤᐊᐅᑉ ᐊᒡᓚᖏᑦ 24:7

ᐆᒻᒪᑎᑖᕐᑎᑦᓱᒫᕐᐸᒃᑲ ᐅᕙᓐᓂᒃ ᖃᐅᔨᖁᓪᓗᒋᑦ ᐊᑕᓂᐅᓂᓐᓂᒃ; ᐃᓄᖁᑎᒋᔪᒫᕐᐸᒃᑲ ᒎᑎᒋᔭᐅᓗᖓᓗ ᑖᒃᑯᓄᖓ, ᐅᕙᓐᓄᑦ ᐅᑎᕈᒫᕐᒪᑕ ᐃᓘᓐᓈᒍᑦ ᐆᒻᒪᑎᒥᒍᑦ ᑐᓂᓯᒪᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 50:38

ᐃᒪᖁᑎᓕᒫᖏᑦ ᓴᓗᐊᕈᒫᕐᐳᑦ, ᒎᑎᓐᖑᐊᖃᕐᕕᑐᐃᓐᓇᐅᖕᒪᑦ, ᐃᓄᖏᑦ ᑐᑮᕈᑎᔪᒫᕐᐳᑦ ᑲᑉᐱᐊᓱᖕᓂᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 9:24

ᓂᕐᑐᕐᑕᐅᑦᔪᑎᖃᕈᒪᔪᕐᓕ ᓂᕐᑐᕐᑕᐅᑦᔪᑎᖃᕐᓕ ᖃᐅᔨᒪᓂᕐᒥᖕᓂᒃ ᐃᓕᓯᒪᓂᕐᒥᖕᓂᒡᓗ ᐅᕙᓐᓂᒃ, ᐊᑕᓂᐅᒐᒪ ᑍᒪᓐᖓᑦ ᓇᒡᓕᒍᓱᒃᑐᖅ ᐱᑦᓯᐊᕐᓂᕐᒥᒃ ᐱᓇᓱᐊᕈᑎᖃᕐᐸᒃᑐᖅ, ᓈᒻᒪᑦᓯᐊᕐᑐᒥᒃ ᐊᑲᐅᔪᒥᒡᓗ ᓄᓇᒥ, ᑕᒪᑦᔭ ᓂᕐᑐᐃᑦᔪᑕᐅᑎᓪᓗᒋᑦ ᖁᕕᐊᒋᔭᒃᑲ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 9:6

ᐃᓅᓕᕐᐳᑦ ᓴᒡᓗᕿᖃᑦᑕᐅᑎᔪᐊᓗᑐᐃᓐᓁᑦ ᐊᑯᕐᖓᓐᓂ, ᓱᓕᖏᓐᓂᕐᒥᖕᓄᑦ ᐅᕙᓐᓂᒃ ᖃᐅᔨᒪᔪᒪᔪᓐᓁᕐᐳᑦ, ᐊᑕᓂᖅ ᐅᖃᕐᐳᖅ.

ᕼᐆᓯᐊᑉ ᐊᒡᓚᖏᑦ 13:13

ᐊᕐᓇᐅᑉ ᐃᕐᓂᓱᒃᑑᑉ ᓯᓪᓕᒪᓕᓂᖓᓄᑦ ᑎᑭᑕᐅᕗᖅ, ᑖᓐᓇᓕ ᓯᓔᑦᑑᓪᓗᓂ ᐃᕐᓂᐅᕗᖅ; ᒫᓐᓇᓗ ᐃᓅᓕᕐᕕᒃᓴᖓᑕ ᓇᓪᓕᐅᑎᑎᓪᓗᒍ ᐃᒡᓕᐊᕐᒥᑦ ᐊᓂᕕᖓᓄᐊᕋᓱᐊᓐᖏᓚᖅ.

ᕼᐆᓯᐊᑉ ᐊᒡᓚᖏᑦ 4:1

ᐊᑕᓂᐅᑉ ᐅᖃᐅᓯᖓᓂᒃ ᑐᓴᕆᑦᓯ, ᐃᓴᕆᐊᓕᒥᐅᖑᔪᓯ: “ᐊᑕᓂᖅ ᓈᒻᒪᒃᓴᖏᒻᒪᑦ ᐃᓄᖕᓂᒃ ᑕᒫᓂ ᓄᓇᖃᕐᑐᓂᒃ. ᐅᒃᐱᕐᓇᕐᑐᖃᕈᓐᓃᕐᒪᑦ ᓂᑲᒍᓱᖕᓂᖃᕈᓐᓃᕐᓗᓂᓗ, ᖃᐅᔨᒪᔪᖃᕈᓐᓃᕐᓗᓂᓗ ᒎᑎᒥᒃ ᑕᒫᓂ ᓄᓇᒥ;

ᕼᐆᓯᐊᑉ ᐊᒡᓚᖏᑦ 4:11

“ᐃᓄᖁᑎᒃᑲ ᕔᓂᒧᑦ ᓄᑕᐅᖏᑦᑐᓄᑦ ᓄᑖᓄᓪᓗ, ᑐᑭᓯᔪᓐᓇᕐᓂᖏᑦ ᐊᓯᕈᕐᑕᐅᓕᕐᐳᑦ.

ᕼᐆᓯᐊᑉ ᐊᒡᓚᖏᑦ 4:12

ᐃᓄᖁᑎᒃᑲ ᖃᐅᔨᑎᑕᐅᔪᒪᕙᒃᐳᑦ ᕿᔪᖕᒧᑦ, ᐊᔭᐅᑉᐱᐊᓄᓪᓗ ᖃᐅᔨᔪᒪᔭᖏᓐᓂᒃ ᖃᐅᔨᑎᑕᐅᕙᒃᓱᑎᒃ. ᐊᓯᓐᓂᐊᕐᓂᕐᒧᑦ ᐊᑐᒐᐅᓕᕐᑑᑉ ᐊᓂᕐᓂᖓᓄᑦ ᑕᒻᒪᕐᑎᑕᐅᕗᑦ, ᒎᑎᒥᖕᓂᒃ ᕿᒤᕗᑦ ᐊᓯᓐᓂᐊᕐᓂᕐᒧᑦ.

ᕼᐆᓯᐊᑉ ᐊᒡᓚᖏᑦ 4:14

“ᑍᒤᒃᑲᓗᐊᕐᑎᓪᓗᒋᑦ ᐸᓂᓯ ᓱᒋᐊᕐᓂᐊᓐᖏᓚᒃᑲ, ᐅᑯᐊᓯᓗ ᐊᓯᓐᓂᐊᖃᑦᑕᕐᓂᖏᑦ ᓱᒋᐊᕐᓂᐊᖏᓐᓂᕙᒃᑲ; ᐊᖑᑎᑦ ᐃᒻᒥᖕᓂᒃ ᐂᑦᑑᑎᒋᖃᑦᑕᕐᒪᑕ ᐊᑐᒐᕐᓄᑦ, ᑐᓂᕐᕈᓯᖃᑦᑕᕐᓗᑎᒡᓗ ᒎᑎᓐᖑᐊᓖᑦ ᐊᑐᒐᖁᑎᖏᓐᓄᑦ, ᐃᓄᐃᓪᓗ ᑐᑭᓯᓯᒪᖏᑦᑐᑦ ᐊᓯᕈᕐᑕᐅᔪᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 4:6

ᐃᓄᖁᑎᒃᑲ ᐊᓯᕈᓕᕐᐳᑦ ᐅᕙᓐᓂᒃ ᖃᐅᔨᒪᖏᓐᓂᕐᒧᑦ; ᐃᓕᑦᓯ ᑐᓂᕐᕈᓯᕐᑎᓯᔨᐅᔪᓯ ᖃᐅᔨᔪᒪᓚᐅᖏᓐᓇᑦᓯ, ᑍᒤᒻᒪᑦᑕᐅᖅ ᓇᕐᕈᒋᓕᕐᐸᑦᓯ ᑐᓂᕐᕈᓯᕐᑎᑦᓯᔨᐅᓂᐊᕈᓐᓃᕐᐳᓯ ᐅᕙᓐᓄᑦ. ᒎᑎᑦᓯ ᐱᖁᔭᖏᓐᓂᒃ ᐃᓱᒪᔪᓐᓃᓚᐅᕋᑦᓯ, ᕿᑐᕐᖓᓯᑦᑕᐅᖅ ᐃᓱᒪᒋᓂᐊᕈᓐᓃᕆᕙᒃᑲ.

ᕼᐆᓯᐊᑉ ᐊᒡᓚᖏᑦ 7:11

ᐃᕗᕅᒥᐅᑦ ᑑᕕᑎᑐᑦ ᓯᓔᑦᑐᑎᑐᑦ ᓇᒧᑐᐃᓐᓈᕐᑐᑎᑐᑦ ᑍᒤᑉᐳᑦ, ᐄᑦᔨᑉᑎᒧᑦ ᐃᑲᔪᕐᑕᐅᔪᒪᕗᑦ, ᑭᖑᓂᐊᒍᑦ ᐊᓯᕆᐊᒧᑦ ᐂᓪᓗᑎᒃ.

ᕼᐆᓯᐊᑉ ᐊᒡᓚᖏᑦ 8:11

“ᐃᕗᕅᑎ ᐅᓄᕐᑐᓂᒃ ᑐᓂᕐᕈᓯᕐᕕᓕᐅᕐᓯᒪᖕᒪᑦ ᐊᔪᕐᑐᓕᓂᕐᒧᑦ, ᑖᒃᑯᓄᖓᓗ ᑐᓂᕐᕈᓯᕐᕖᑦ ᐊᔪᕐᑐᓕᓂᐅᓕᕐᐳᑦ.

ᔪᐊᓇᓯᐅᑉ ᐊᒡᓚᖏᑦ 16:3

ᑍᒤᓕᐅᕐᕕᐅᔪᒫᕐᐳᓯ ᐊᑖᑕᒐᓗ ᐅᕙᒍᒃ ᖃᐅᔨᒪᖏᓐᓇᒥᑎᒃᑯᒃ.

ᔪᐊᓇᓯᐅᑉ ᐊᒡᓚᖏᑦ 8:55

ᑖᓐᓇᓕ ᖃᐅᔨᒪᓐᖏᓐᓇᑦᓯᐅᒃ; ᐅᕙᖓᓕ ᖃᐅᔨᒪᕙᕋ. ᖃᐅᔨᒪᖏᓐᓂᕋᕋᔭᕈᒃᑯ, ᐃᓕᑦᓯᑎᑐᑦᑕᐅᖅ ᓴᒡᓗᕿᑦᓯᓇᔭᕐᐳᖓ; ᖃᐅᔨᒪᕙᕋᓕ ᐅᖃᐅᓯᖏᓪᓗ ᒪᓕᒃᐸᒃᑲ.

ᓴᒧᐃᓕ ᓯᕗᓪᓖᑦ 2:12

ᐃᓔᓪᓕ ᐃᕐᓂᖏᑦ ᐱᐅᖏᑦᑐᓕᒻᒪᕆᓚᐅᕐᐳᑦ; ᐊᑕᓂᕐᒥᒡᓗ ᐃᒃᐱᒍᓱᒐᑎᒃ.