ᕼᐆᓯᐊᑉ ᐊᒡᓚᖏᑦ 4:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᒃᓱᐃᓕᕗᓯ ᐃᓄᖁᑎᒪ ᐊᔪᕐᓂᖏᓐᓄᑦ; ᑖᒃᑯᐊᓗ ᑲᔪᖏᓛᕐᐳᑦ ᐊᔪᕐᑐᓕᓂᕐᒧᑦ.

ᕼᐆᓯᐊᑉ ᐊᒡᓚᖏᑦ 4:8 Iomraidhean Croise

ᐊᑕᓃᑦ ᐂᑉᐸᖏᑦ 12:16

ᑮᓇᐅᔧᑦ ᑐᓂᕐᕈᑕᐅᔪᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᓄᑦ ᐊᔪᕐᑐᓕᓂᕐᒧᓪᓗ ᐃᓱᒪᒋᔪᓐᓁᕐᑕᐅᔪᕐᓯᐅᑏᑦ ᑐᒃᓯᐊᕐᕕᒡᔪᐊᕐᒧᑦ ᑐᓂᕐᕈᑕᐅᓚᐅᓐᖏᓚᑦ ᑐᓂᕐᕈᓯᕐᑎᑦᓯᔨᓄᑦ ᑭᓯᐊᓂ ᑐᕌᖓᓚᐅᕐᒪᑕ.

ᐃᓐᖏᕈᑎᑦ 24:4

ᑖᓐᓇ ᓴᓗᒪᔪᓂᒃ ᐊᒡᒐᖃᕐᑐᖅ, ᓴᓗᒪᑦᓯᐊᕐᑐᒥᒡᓗ ᐆᒻᒪᑎᖃᕐᑐᖅ; ᑕᕐᓂᕐᒥᓂᒡᓗ ᖁᕝᕙᕐᑎᑦᓯᖏᑦᑐᖅ ᐱᐅᔪᕆᓂᕐᒧᑦ, ᓱᓕᖏᑦᑐᒥᒡᓗ ᐊᖏᕈᑎᖃᕐᐸᖏᑦᑐᖅ.

ᐃᓐᖏᕈᑎᑦ 25:1

ᐃᓕᖕᓄᑦ ᐊᑕᓃᖅ, ᑕᕐᓂᕋ ᖁᒻᒧᐊᒃᑎᑉᐸᕋ;

ᐂᓮᐊᓯᐅᑉ ᐊᒡᓚᖏᑦ 56:11

ᕿᒻᒥᑎᑐᑦ ᐊᕿᐊᕈᖅᑯᕐᑐᔪᑎᑐᑦ ᑍᒤᑉᐳᑦ; ᐊᕿᐊᑦᑐᕈᓐᓇᕋᑎᒃ ᓈᒻᒪᒃᓯᔪᓐᓇᓐᖏᓚᑦ. ᐰᕐᓯᔨᐅᕗᓪᓗ ᑐᑭᓯᓂᖃᖏᑦᑐᑦ; ᓇᖕᒥᓂᖅ ᐊᑐᕈᒪᔭᑐᐃᓐᓇᕐᒥᖕᓄᑦ ᓴᖑᔭᑦᑐᑦ; ᓇᖕᒥᓂᕐᓗ ᐱᔪᓐᓇᕐᓯᑦᔪᑎᒃᓴᒥᖕᓂᒃ ᐃᓱᒪᒋᔭᑐᐊᖃᕐᐳᑦ, ᐃᓘᓐᓇᑦᓯᐊᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 14:3

“ᐃᓅᑉ ᐃᕐᓂᖓ, ᐊᖑᑏᑦ ᐅᑯᐊ ᒎᑎᓐᖑᐊᒥᖕᓂᒃ ᐅᒃᐱᕆᔭᖃᓪᓚᕆᒃᐳᑦ, ᐊᔪᕐᑐᓕᓂᕐᒥᖕᓂᒡᓗ ᐊᒡᕕᐊᕈᑎᖃᕐᓗᑎᒃ; ᖃᓄᑐᐃᓐᓇᖅ ᐊᐱᕆᔭᐅᑎᑦᑐᒃᓴᐅᕗᖔ ᑖᒃᑯᓄᖓ?

ᐃᓯᑭᐊᓕᐅᑉ ᐊᒡᓚᖏᑦ 14:7

“ᓇᓪᓕᐊᑦ ᐃᓴᕆᐊᓕᒧᑦ ᑭᖑᕚᖑᔪᖅ, ᐃᓴᕆᐊᓕᒥᐅᑕᐅᖏᑦᑐᓪᓘᓐᓃᑦ ᓄᓇᖃᖃᑕᐅᔪᑦ ᐃᓴᕆᐊᓕᒥᐅᓄᑦ, ᐅᕙᓐᓂᒃ ᕿᒤᓯᒪᓗᑎᒃ, ᒎᑎᓐᖑᐊᓄᑦ ᓵᓐᖓᖔᓕᕐᑐᑦ ᐊᔪᕐᑐᓕᓂᕐᒧᓪᓗ ᐊᒡᕕᐊᕈᑎᒃᓴᖃᓕᕐᑐᑦ, ᐱᔪᖃᓛᕐᑐᒥᒃ ᐅᖃᕐᑎᓐᓄᑦ ᐅᐸᒍᑎᓗᑎᒃ ᐊᐱᕐᓱᕆᐊᕐᑐᕐᐸᑕ ᖃᓄᖅ ᐃᓱᒪᖕᒪᖔᕐᒪ, ᐅᕙᖓ ᐊᑕᓂᖅ ᓇᖕᒥᓂᖅ ᑭᐅᒐᔭᕐᐸᒃᑲ.

ᕼᐆᓯᐊᑉ ᐊᒡᓚᖏᑦ 10:13

ᐃᑎᕐᓴᓕᐅᕆᓚᐅᕐᐳᓯ ᐱᕈᕐᓰᕕᒃᓴᓂᒃ ᐱᐅᖏᑦᑐᓂᒃ, ᑲᑎᕐᓱᐃᓪᓗᓯᓗ ᓈᒻᒪᖏᑦᑐᓕᓂᕐᒥᒃ, ᓂᕆᓚᐅᕋᑦᓯ ᓴᒡᓗᓂᒃᑯᑦ ᐱᕈᕐᑐᓂᒃ. ᑕᑎᖃᓚᐅᕋᑦᓯ ᓇᖕᒥᓂᖅ ᐱᔪᓐᓇᕐᑐᖁᑎᑦᓯᓐᓂᒃ ᐅᓄᕐᑐᕐᔪᐊᓂᒡᓗ ᐅᓇᑕᕐᓂᕐᒧᑦ ᐱᔪᓐᓇᕐᑐᐊᓗᖕᓂᒃ.

ᕼᐆᓯᐊᑉ ᐊᒡᓚᖏᑦ 12:8

ᐃᕗᕅᑎᓕ ᐅᖃᓚᐅᕐᐳᖅ, ‘ᐊᒃᓱᐃᓕᕗᖓ, ᓇᖕᒥᓂᖅ ᐊᔪᕐᓴᕈᓐᓃᕐᑎᑉᐳᖓ; ᖃᐅᔨᔭᐅᓂᐊᓐᖏᓚᖓ ᐱᑦᓯᐊᕐᓯᒪᖏᓐᓂᓐᓂᒃ.’

ᕼᐆᓯᐊᑉ ᐊᒡᓚᖏᑦ 14:1

ᐃᓴᕆᐊᓖ, ᐅᑎᓚᐅᕆᑦ ᐊᑕᓂᕐᒧᑦ ᒎᑎᖕᓄᑦ, ᐹᓪᓚᒃᓯᒪᒐᕕᑦ ᐱᐅᖏᑦᑐᓕᓂᕐᓄᑦ.

ᒨᓯᓯ ᐱᖓᔪᖏᑦ 6:22

ᑖᒃᑯᐊᓗ ᐃᕐᓂᖓᑦ ᑭᖑᕝᕕᐅᑎᓂᐊᓕᕈᓂ ᒥᖑᐊᕐᑕᐅᕕᖏᓐᓂ ᐅᕐᓱᒧᑦ, ᑍᒥᑦᑐᒥᒃ ᓴᓇᔭᕆᐊᖃᕐᐳᖅ. ᑖᓐᓇ ᐊᑕᓂᐅᑉ ᐱᔭᒃᓴᕆᖕᒪᒍ ᑕᒪᒃᑭᕐᓗᒍ ᐃᑯᐊᓚᑎᑕᐅᔭᕆᐊᖃᕐᐳᖅ.

ᒨᓯᓯ ᐱᖓᔪᖏᑦ 6:26

ᑐᓂᕐᕈᓯᕐᑎᑦᓯᔨ ᑐᓂᕐᕈᑎᖃᕐᑐᖅ ᑖᑦᓱᒥᖓ ᓂᕆᔭᕆᐊᖃᕐᐳᖅ; ᐃᑦᔪᕐᓁᑦᑐᕕᖕᒥᓗ ᑭᓯᐊᓂ ᓂᕆᔭᕆᐊᖃᕐᐹ, ᑐᐱᐅᑉ ᑲᑎᒪᕕᐅᑉ ᑐᕐᓲᖓᓂ.

ᒤᑲᐅᑉ ᐊᒡᓚᖏᑦ 3:11

ᓯᕗᓕᕐᑎᐅᔪᑦ ᐃᖅᑲᕐᑐᐃᖕᒪᑕ ᐊᑭᓕᕐᑕᐅᔪᒪᓂᒃᑯᑦ ᑭᓯᐊᓂ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐃᓕᓮᕙᖕᒪᑕ ᐊᑭᓕᕐᑕᐅᓪᓗᑎᒃ ᑭᓯᐊᓂ, ᓇᓚᐅᑦᑍᔩᓪᓗ ᓇᓚᐅᑦᑍᖕᒪᑕ ᑮᓇᐅᔭᒧᑦ ᑭᓯᐊᓂ, ᐃᓘᓐᓇᑎᒃ ᐊᑕᓂᕐᒧᑦ ᐃᓚᒋᔭᐅᓂᕋᕐᒪᑕ ᐅᖃᕐᐸᖕᒪᑕᓗ, ‘ᐊᑕᓂᐅᑉ ᐃᓚᒋᕚᑎᒍᑦ, ᑲᑉᐱᐊᓇᕐᑐᒧᑦ ᑎᑭᑕᐅᓂᐊᓐᖏᓚᒍᑦ.’

ᒪᓚᑬᑉ ᐊᒡᓚᖏᑦ 1:10

ᑭᓇ ᐊᑯᓐᓇᑦᓯᓐᓂ ᐅᒃᑯᐊᒥᒃ ᒪᑐᓯᔪᓐᓇᕐᐹ? ᐊᑐᕐᓂᕐᓗᒡᓗᓯ ᐃᑭᑦᓯᖁᓇᓯ ᑐᓂᕐᕈᓯᕐᕕᓐᓂ? ᐃᓕᑦᓯᓐᓂᒃ ᖁᕕᐊᒋᔭᖃᕈᓐᓃᕐᐳᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑐᓂᕐᕈᑎᓯᓘᓐᓃᑦ ᐃᓚᓕᐅᕐᓂᐊᕈᓐᓃᕐᐸᒃᑲ.

ᕉᒪᒥᐅᓄᑦ 16:18

ᑍᒤᑦᑐᑦ ᐊᑕᓂᑦᑎᓐᓂᒃ ᙭ᔅᑑᓯᒥᒃ ᑭᒡᒐᕐᑐᖏᒻᒪᑕ, ᓈᒻᒪᒃᓯᑎᑦᓯᓇᓱᑐᐃᓐᓇᕐᒪᑕ ᐱᔪᒪᓂᕐᒥᖕᓂᒃ ᐱᑦᔪᑎᑐᐊᖃᕐᓗᑎᒃ, ᐅᖃᐅᓯᕐᒥᖕᓄᑦ ᐅᖃᓪᓚᒃᑲᐅᓂᕐᒥᖕᓄᓪᓗ ᓯᓔᕐᕆᒃᓯᕙᒃᐳᑦ ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ.

ᑍᑑᓯᒧᑦ 1:11

ᐅᖃᓪᓚᖃᑦᑕᕐᓂᖏᑦ ᓄᖅᑲᕐᑎᑕᐅᔭᕆᐊᖃᕐᐳᑦ, ᐃᒡᓗᒥᐅᖃᑎᒌᓂᒃ ᐃᓚᒌᑦᓯᐊᕈᓐᓃᕐᑎᑦᓯᖕᒪᑕ ᐊᔪᕆᕐᑐᐃᓂᕐᒥᖕᓄᑦ ᑮᓇᐅᔭᓕᐅᕈᑎᖃᕋᓱᐊᕐᑐᑦ ᐊᔪᕆᕐᑐᐃᑦᔪᑎᒃᓴᐅᖏᑦᑐᓂᒃ ᐱᓇᓱᐊᕐᓗᑎᒃ.

ᐲᑦᑐᕉᓯ ᐂᑉᐸᖏᑦ 2:3

ᐱᔪᒪᓗᐊᕐᓂᕐᒥᖕᓄᑦ ᑖᒃᑯᐊ ᐊᔪᕆᕐᓱᐃᓂᕐᓗᒃᑐᑦ ᑮᓇᐅᔭᓕᐅᕋᓱᑐᐃᓐᓇᕐᓗᑎᒃ ᓇᖕᒥᓂᖅ ᐅᖃᐅᓯᒃᓴᓕᐊᕆᓯᒪᔭᒥᖕᓂᒃ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕈᒫᕐᐳᑦ ᐋᖅᑭᒌᕐᓯᒪᕗᖅ ᐃᖅᑲᕐᑐᐃᔨᒋᔪᒫᕐᑕᖓᑦᑕ ᐅᑕᖅᑭᔪᑎᓕᕐᐰᑦ, ᑖᒃᑯᓂᖓ ᓄᖒᑦᓯᔪᒃᓴᖅ ᓯᓂᖕᓂᐊᓐᖏᓚᖅ ᐅᑕᖅᑭᓗᓂ.

ᓴᒧᐃᓕ ᓯᕗᓪᓖᑦ 2:29

ᓱᖕᒪᓪᓕ, ᐱᔪᒪᑐᓗᐊᖃᑦᑕᓕᕐᐱᓯ ᑐᓂᕐᕈᑎᒋᔭᐅᔪᓂᒃ ᐱᓇᓱᐊᕐᑕᐅᖁᓯᒪᔭᓐᓂᒃ ᐃᓄᖁᑎᓐᓄᑦ? ᖃᓄᐃᒻᒪ ᐃᕐᓂᑎᑦ ᐅᕙᓐᓂᑦ ᐅᐱᒋᓂᕐᓴᕆᕕᒋᑦ ᐃᒻᒥᖕᓂᒃ ᖁᐃᒃᓯᑎᑐᐃᓐᓇᓕᕐᒪᑕ ᑐᓂᕐᕈᑎᒋᔭᐅᔪᑦ ᐱᐅᓂᕐᐹᖏᓐᓂᒃ ᐱᕙᒃᓗᑎᒃ ᑐᓂᕐᕈᑎᒋᔭᐅᔪᓂᒃ ᐅᕙᓐᓄᑦ?’