ᕼᐆᓯᐊᑉ ᐊᒡᓚᖏᑦ 4:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ “ᐃᓴᕆᐊᓕᒥᐅᖑᔪᓯ ᐊᑐᒐᕐᓄᑦ ᐊᓯᓐᓂᐊᕐᓯᒪᒐᓗᐊᕐᑎᓪᓗᓯ, ᔫᑕᒃᑯᑦ ᐸᓯᔭᒃᓴᐅᓕᕐᑍᓕᓕᑦ ᐃᓕᑦᓯᑐᑦ. ᑐᒃᓯᐊᕐᑍᓕᒋᑦᓯ ᒋᐅᓪᒐᐅᓪᒥ, ᐅᕝᕙᓗ ᐱᑦᐂᕕᓐᒧᐊᕐᑍᓕᒋᑦᓯ, ᐅᖃᕕᒡᓗᓯᓗ ᐊᖏᕐᑍᓕᒋᑦᓯ, ‘ᐊᑕᓂᐅᑉ ᐆᒪᔫᑉ ᐊᑎᖓᓂ.’

ᕼᐆᓯᐊᑉ ᐊᒡᓚᖏᑦ 4:15 Iomraidhean Croise

ᑯᕉᓂᑲ ᐂᑉᐸᖏᑦ 17:4

ᐊᑖᑕᖓᑕᓕ ᒎᑎᖓᓂᒃ ᑕᑎᖃᓚᐅᕐᐳᖅ ᐱᖁᔭᖏᓐᓂᒡᓗ ᒪᓕᒡᓗᓂ, ᐃᓴᕆᐊᓕᒥᐅᑉ ᐱᓂᐊᕐᓂᖏᑦ ᒪᓕᖕᓇᒋᑦ.

ᑯᕉᓂᑲ ᐂᑉᐸᖏᑦ 21:11

ᓱᓕᓗ ᓴᓇᓚᐅᕆᕗᖅ ᒎᑎᓐᖑᐊᒧᑦ ᑐᒃᓯᐊᕐᕕᖕᓂᒃ ᔫᑕᐅᑉ ᖃᖅᑲᖏᓐᓂ, ᔨᕉᓴᓕᒥᓗ ᓄᓇᖃᕐᑐᑦ ᐊᔪᕐᑐᓕᑎᓚᐅᕐᐰᑦ, ᔫᑕᒥᐅᓪᓗ ᑕᒻᒪᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 48:1

“ᐆᒥᖓ ᑐᓴᓕᕆᑦᓯ, ᔧᑯᒃᑯᑦ ᑭᖑᕚᖏᑦ, ᐄᓴᕆᐅᓪ ᐊᑎᖓᓂᒃ ᑍᔭᐅᔪᑦ, ᐃᕐᓂᐊᖑᓯᒪᔪᓪᓗ ᔫᑕᐅᑉ ᑭᖑᕚᖏᓐᓂᑦ ᐱᓯᒪᓪᓗᑎᒃ; ᐊᖏᕈᑎᖃᕐᓯᒪᔪᓪᓗ ᐊᑕᓂᐅᑉ ᐊᑎᖓᓂᒃ ᐅᖃᐅᓯᖃᕐᑐᓪᓗ ᐃᓴᕆᐊᓕᐅᑉ ᒎᑎᖓᓂᒃ, ᓱᓕᔪᒃᑰᕋᑎᒃ ᓇᓛᒎᕋᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 44:26

ᑍᒤᒻᒪᑦ ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᐅᒃ ᔫᑎᐅᔪᓯ ᐄᑦᔨᑉᑎᒥ ᓄᓇᖃᓕᕐᑐᓯ: ᑕᑯᒋᑦ, ᐊᑎᕋ ᐊᑐᕐᓗᒍ ᐅᖃᒻᒪᕆᒃᐳᖓ, ᐊᑕᓂᖅ ᐅᖃᕐᐳᖅ, ᔫᑕᒥᐅᑦ ᓇᓪᓕᐊᑐᐃᓐᓇᖅ ᐄᑦᔨᑉᑎᒦᓕᕐᑐᑦ ᑐᒃᓯᐊᕋᓱᐊᕐᐸᖁᔪᓐᓃᕐᐸᒃᑲ ᐅᕙᓐᓄᑦ, ᐊᑎᕋᓘᓐᓃᑦ ᐊᑐᕐᓗᒍ ᐅᖃᕐᐸᖁᔪᓐᓃᕐᐸᒃᑲ, ᐃᒫᒃ, ‘ᐊᑕᓂᖅ ᐊᑕᓂᐅᓂᕐᐹᖑᔪᖅ ᐆᒪᖕᒪᑦ.’

ᔨᕆᒤᐊᐅᑉ ᐊᒡᓚᖏᑦ 5:2

ᐅᖃᕋᓗᐊᕐᓗᑎᒃ ᐊᑕᓂᐅᑉ ᐊᑎᖓᓂ ᐱᓂᐊᕐᓂᕋᕐᓗᑎᒃ ᑭᓯᐊᓂᓕ ᓱᓕᑎᑦᓯᕙᓐᖏᓚᑦ ᐅᖃᕐᑕᒥᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 20:39

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᒧᑦ ᑭᖑᕚᖑᔪᓯ, ᐅᕙᓐᓂᒃ ᓈᓚᖕᓂᐊᖏᒃᑯᑦᓯ; ᒎᑎᓐᖑᐊᓯ ᐊᑐᓂᑦ ᑭᒡᒐᕐᑐᓕᕐᓯᐅᒃ ᒫᓐᓇᒥᑦ ᐱᒋᐊᕐᓗᒍ ᑭᖑᓂᖓᒍᓪᓗ, ᐊᑎᕋᓕ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᖃᑦᑕᕐᓂᐊᕈᓐᓃᕐᐸᓯ ᑐᓂᕐᕈᑎᑦᓯᓐᓄᑦ ᒎᑎᓐᖑᐊᑦᓯᓐᓄᓪᓗ.

ᕼᐆᓯᐊᑉ ᐊᒡᓚᖏᑦ 10:5

ᓴᒥᐊᕆᐊᕐᒥᐅᑦ ᓴᔪᒍᒫᕐᐳᑦ ᓄᕐᕋᓐᖑᐊᒥᒃ ᐱᑦᐂᕕᓐᒦᑦᑐᒥᒃ ᐅᒡᒍᐊᕐᓗᑎᒃ. ᐃᓄᖏᑦ ᕿᒃᓵᒍᑎᖃᕈᒫᕐᐳᑦ ᑖᑦᓱᒥᖓ, ᒎᑎᓐᖑᐊᒧᓪᓗ ᑐᓂᕐᕈᓯᕐᑎᑦᓯᔩᑦ ᕿᒃᓵᒍᑎᖃᕈᒫᕐᐳᑦ ᑖᑦᓱᒥᖓ, ᐱᓐᓇᕐᓇᕐᑐᖁᑎᖓᑕ ᕿᒪᖕᒪᒋᑦ.

ᕼᐆᓯᐊᑉ ᐊᒡᓚᖏᑦ 10:8

ᐂᕙᓐᒥᐅᑦ ᐱᒻᒪᕆᖁᑎᖏᑕ ᐃᓂᖏᑦ, ᐃᓴᕆᐊᓕᐅᓪᓗ ᐊᔪᕐᓂᖏᑦ, ᐊᓯᕈᕐᑕᐅᔪᒫᕐᐳᑦ. ᐅᕐᐲᑦ ᑲᑭᓐᓇᕐᑐᓖᑦ ᐱᕈᕐᓂᕐᓗᒃᑐᓪᓗ ᐱᕈᕈᒫᕐᐳᑦ ᑐᓂᕐᕈᓯᕐᕕᖏᓐᓂ; ᖃᖅᑲᓄᓪᓗ ᐅᖃᕈᒫᕐᐳᑦ, “ᐅᓕᒃᑎᒍᑦ!” ᐱᖑᕐᓄᓪᓗ, “ᑲᑕᒡᕕᒋᑎᒍᑦ!”

ᕼᐆᓯᐊᑉ ᐊᒡᓚᖏᑦ 11:12

ᐊᑕᓂᖅ ᐅᖃᕐᐳᖅ, “ᐃᕗᕅᒥᐅᑉ ᓴᒡᓗᓂᕐᒥᒃ ᐱᓂᐊᕐᕕᒋᓯᒪᕚᖓ, ᐃᓴᕆᐊᓕᐅᓪᓗ ᑭᖑᕚᖏᑕ ᓴᒡᓗᕿᓪᓗᓂᖓ; ᔫᑕᓕ ᓱᓕ ᐃᓅᖃᑎᖃᕐᐳᖅ ᒎᑎᒥᒃ, ᓱᖁᓯᓚᐅᖏᑦᑐᑑᕗᕐᓗ ᐃᑦᔪᕐᓁᑦᑐᒧᑦ.

ᕼᐆᓯᐊᑉ ᐊᒡᓚᖏᑦ 12:1

“ᐃᕗᕅᒥ ᐊᓄᕆᒥᑦ ᓂᕆᕗᖅ, ᒪᓕᒃᐳᕐᓗ ᐊᓄᕆᒥᒃ ᐅᓪᓗᓕᒫᖅ ᓯᕿᓂᐅᑉ ᓄᐃᕕᐊᓂᓐᖔᕐᑐᒥᒃ; ᓴᒡᓗᖃᑦᑕᓕᕐᐸᓪᓕᐊᑐᐃᓐᓇᕐᐳᑦ ᐱᕋᔭᖃᑦᑕᓕᕐᐸᓪᓕᐊᓪᓗᑎᒡᓗ; ᐊᖏᖃᑎᖃᕐᓯᒪᕗᓪᓗ ᐊᓯᕆᐊᒥᐅᓂᒃ, ᐅᕐᓱᐃᓪᓗ ᐂᑦᑑᑕᐅᕗᑦ ᐄᑦᔨᑉᑎᒧᑦ.”

ᕼᐆᓯᐊᑉ ᐊᒡᓚᖏᑦ 12:11

ᒋᓕᐊᑎᒥ ᐊᔪᕐᑐᓕᓂᕐᑕᖃᕐᐸᑦ ᑕᒪᓐᓇ ᓄᖅᑲᓪᓚᕆᒍᒫᕐᐳᖅ; ᐃᒻᒧᒃᓯᐅᒐᕐᓂᒃ ᒋᐅᓪᒐᐅᓪᒥ. ᑐᓂᕐᕈᓯᕐᕕᖏᑦ ᐅᔭᕋᒃᑎᑐᑦ ᖃᓕᕇᒃᓯᒪᔪᑎᑐᑦ ᑍᒤᑐᐃᓐᓇᕈᒫᕐᐳᑦ ᐱᕈᕐᓰᕕᖕᒥ.”

ᕼᐆᓯᐊᑉ ᐊᒡᓚᖏᑦ 12:12

ᔧᑯ ᕿᒫᓚᐅᕐᐳᖅ ᓯᕆᐊᒧᑦ, ᐂᑉᐸᕐᑖᕈᒪᓂᕐᒥᓄᑦ ᐱᔨᐅᓚᐅᕐᐳᖅ, ᓄᓕᐊᕐᑖᒥᓄᑦ ᐊᑭᓕᐅᑦᔨᓪᓗᓂ ᓰᐱᓂᒃ ᐰᕐᓯᔨᐅᓕᓚᐅᕐᐳᖅ.

ᕼᐆᓯᐊᑉ ᐊᒡᓚᖏᑦ 4:12

ᐃᓄᖁᑎᒃᑲ ᖃᐅᔨᑎᑕᐅᔪᒪᕙᒃᐳᑦ ᕿᔪᖕᒧᑦ, ᐊᔭᐅᑉᐱᐊᓄᓪᓗ ᖃᐅᔨᔪᒪᔭᖏᓐᓂᒃ ᖃᐅᔨᑎᑕᐅᕙᒃᓱᑎᒃ. ᐊᓯᓐᓂᐊᕐᓂᕐᒧᑦ ᐊᑐᒐᐅᓕᕐᑑᑉ ᐊᓂᕐᓂᖓᓄᑦ ᑕᒻᒪᕐᑎᑕᐅᕗᑦ, ᒎᑎᒥᖕᓂᒃ ᕿᒤᕗᑦ ᐊᓯᓐᓂᐊᕐᓂᕐᒧᑦ.

ᕼᐆᓯᐊᑉ ᐊᒡᓚᖏᑦ 5:8

ᑎᑦᑐᓚᐅᑏᑦ ᓂᓪᓕᕐᑎᓕᕐᓯᐅᒃ ᒋᐱᐊ, ᐅᐸᓗᖎᔭᕐᑐᕐᓯᐅᑦ ᓂᓪᓕᕐᑎᓕᕐᓯᐅᒃ ᕌᒪ. ᐅᓇᑕᕆᐊᕐᓂᕐᒥᒃ ᓂᓪᓕᓕᕆᑦᓯ ᐱᑦᐂᕕᓐ; ᐅᓇᑕᕆᐊᓕᕆᑦᓯ ᐱᓐᔭᒥᓂᐅᑉ ᐃᓄᖏᑦ!

ᕼᐆᓯᐊᑉ ᐊᒡᓚᖏᑦ 9:15

“ᐱᐅᖏᑦᑐᓕᓂᓕᒫᖏᑦ ᒋᐅᓪᒐᐅᓪᒦᑉᐳᑦ; ᑕᕝᕙᓃᑦᑐᑦ ᐆᒥᒋᕙᒃᑲ. ᐊᔪᕐᑐᓕᓂᖏᑦ ᐱᑦᔪᑎᒋᓪᓗᒋᑦ ᐃᒡᓗᓐᓂᑦ ᐊᓂᑎᓐᓂᐊᕐᐸᒃᑲ. ᓇᒡᓕᒋᓂᐊᕈᓐᓁᕐᐸᒃᑲ; ᐊᖓᔪᖅᑳᖁᑎᓕᒫᖏᑦ ᐊᑭᕋᕐᑐᕐᒪᑕ.

ᐂᒨᓯᐅᑉ ᐊᒡᓚᖏᑦ 4:4

“ᐱᑎᓕᒧᐊᕆᑦᓯ ᐊᔪᕐᑐᓕᓗᓯᓗ, ᒋᐅᓪᒐᐅᓪᒥᓗ ᐊᔪᕐᑐᓕᓂᓯ ᐊᖏᒡᓕᒋᐊᕐᑎᓯᒋᒃ, ᑐᓂᕐᕈᓯᕐᓗᓯᓗ ᐅᓪᓛᑕᒫᑦ, ᑕᓪᓕᒪᐅᔪᐃᕆᑦᓯᓗ ᐅᓪᓗᐃᑦ ᐱᖓᓱᖏᓐᓂ ᑕᒫᑦ.

ᐂᒨᓯᐅᑉ ᐊᒡᓚᖏᑦ 5:5

ᐱᑎᓕ ᕿᓂᕈᓐᓁᕐᓯᐅᒃ, ᒋᐅᓪᒐᓪᓘᓐᓃᑦ ᐃᑎᕐᑍᓕᓯᐅᒃ, ᐱᐊᕐᓯᐸᓘᓐᓃᑦ ᐊᖅᑯᓵᕐᑍᓕᓯᐅᒃ; ᒋᐅᓪᒐᓪᒥᐅᓪᓕ ᐊᐅᓪᓚᕈᑦᔭᐅᔪᒫᕐᒪᑕ, ᐱᑎᓕᓗ ᐱᑕᖃᕈᓐᓁᕈᒫᕐᓗᓂ.

ᐂᒨᓯᐅᑉ ᐊᒡᓚᖏᑦ 6:10

ᑐᖁᔪᓪᓗ ᐃᓚᒋᔭᖓᑦ, ᑎᒥᖏᓐᓂᒃ ᐃᑯᐊᓪᓔᓂᐊᕐᑐᖅ, ᐊᓂᑦᔨᔭᕐᑐᓕᕐᐸ ᐃᒡᓗᒥᑦ, ᐃᒡᓗᒦᑦᑐᒧᑦ ᐊᐱᕆᒃᐸᑦ, “ᓱᓕ ᑕᕝᕙᓃᑦᑐᖃᕐᐹ?” ᑭᐅᔭᐅᓂᐊᕐᐳᖅ, “ᓄᖑᑉᐳᑦ!” ᑕᕝᕙ ᐃᓚᒋᔭᖓ ᐅᖃᕐᓂᐊᕐᐳᖅ, “ᓂᐸᖏᕆᑦ, ᐊᑕᓂᐅᑉ ᐊᑎᖓᓂᒃ ᑍᓯᔭᕆᐊᖃᖏᓐᓇᑦᑕ.”

ᐂᒨᓯᐅᑉ ᐊᒡᓚᖏᑦ 8:14

ᐊᖏᕈᑎᓕᐅᕐᑐᓪᓗ ᓴᒥᐊᕆᐊᑉ ᒎᑎᓐᖑᐊᖓᒍᑦ ᐊᓯᒪᒃᑯᑦ, ᐃᒫᒃ ᐅᖃᕐᓗᑎᒃ, ‘ᑖᓐ ᑭᖑᕚᖏᑦ ᒎᑎᓯ ᐃᓅᖕᒪᑦ! ᐱᐊᕐᓯᐸᐅᓪᓗ ᒎᑎᖓ ᐃᓅᖕᒪᑦ!’ ᑖᒃᑯᐊ ᐅᕐᕈᔪᒫᕐᐳᑦ ᒪᑭᓐᓂᐊᕈᓐᓁᕐᓗᑎᒡᓗ.”

ᐃᐱᓯᒥᐅᓄᑦ 5:11

ᑖᕐᑑᑉ ᐱᓂᐊᕐᓂᖏᑦ ᐊᑐᖏᑦᑐᑦ ᐃᓚᐅᖃᑕᐅᕕᒋᓂᐊᕋᓯᒋᒃ, ᖃᐅᒪᔪᒧᓪᓕ ᓴᖅᑭᑎᖔᕐᓯᒋᒃ.

ᔮᓱᐊᑉ ᐊᒡᓚᖏᑦ 5:9

ᑕᕝᕙ ᐊᑕᓂᖅ ᐅᖃᕐᐳᖅ ᔮᓱᐊᒧᑦ, “ᐅᓪᓗᒥ ᐄᑦᔨᑉᑎᒥ ᓇᕐᕈᓇᕐᓯᑎᑕᐅᓂᕆᓚᐅᕐᑕᓯ ᓱᓇᐅᒋᔭᐅᖏᓐᓂᒃᑯᑦ ᐲᕐᐸᕋ.” ᑍᒤᒻᒪᑦ ᓄᓇ ᓇᔪᕐᑕᖓ ᐊᑎᕐᑖᕐᑕᐅᕗᖅ ᒋᐅᓪᒐᐅᓪᒥᒃ ᐅᓪᓗᒥᒧᓪᓗ ᑎᑭᓪᓗᒍ ᐊᑎᕇᓐᓇᓕᕐᐹ.

ᔮᓱᐊᑉ ᐊᒡᓚᖏᑦ 7:2

ᔮᓱᐊ ᐊᖑᑎᓂᒃ ᑎᓕᓯᓚᐅᕐᐳᖅ ᔨᕆᑯᒥᑦ ᐂᒧᑦ, ᐃᒡᓗᒐᓴᖕᓄᑦ ᐱᑦᐂᕕᐅᑉ ᖃᒥᒋᔮᓃᑦᑐᓄᑦ, ᐱᑎᓕᐅᑉ ᓯᕿᓐᓂᓕᕐᕕᖓᑕ ᓇᓛᓃᑦᑐᓄᑦ, ᑎᓕᓚᐅᕐᐰᑦ ᐅᖃᐅᑎᓪᓗᒋᑦ, “ᖃᐅᔨᓴᕆᐊᓚᐅᕆᑦᓯ ᓄᓇᖓᓂᒃ.” ᑍᒤᒻᒪᑦ ᑖᒃᑯᐊ ᖃᐅᔨᓴᕆᐊᓕᓚᐅᕐᐳᑦ ᓄᓇᒥᒃ ᐂᒥᒃ.