ᕼᐆᓯᐊᑉ ᐊᒡᓚᖏᑦ 4:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ “ᑍᒤᒃᑲᓗᐊᕐᑎᓪᓗᒋᑦ ᐸᓂᓯ ᓱᒋᐊᕐᓂᐊᓐᖏᓚᒃᑲ, ᐅᑯᐊᓯᓗ ᐊᓯᓐᓂᐊᖃᑦᑕᕐᓂᖏᑦ ᓱᒋᐊᕐᓂᐊᖏᓐᓂᕙᒃᑲ; ᐊᖑᑎᑦ ᐃᒻᒥᖕᓂᒃ ᐂᑦᑑᑎᒋᖃᑦᑕᕐᒪᑕ ᐊᑐᒐᕐᓄᑦ, ᑐᓂᕐᕈᓯᖃᑦᑕᕐᓗᑎᒡᓗ ᒎᑎᓐᖑᐊᓖᑦ ᐊᑐᒐᖁᑎᖏᓐᓄᑦ, ᐃᓄᐃᓪᓗ ᑐᑭᓯᓯᒪᖏᑦᑐᑦ ᐊᓯᕈᕐᑕᐅᔪᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 4:14 Iomraidhean Croise

ᐊᑕᓃᑦ ᓯᕗᓪᓖᑦ 15:12

ᐊᖑᑎᓪᓗ ᐊᑐᕐᑐᐊᒊᑦ ᓄᓇᒥᓂ ᑐᒃᓯᐊᕐᕕᐅᕙᒃᑐᓂ ᓄᖅᑲᕐᑎᓚᐅᕐᐰᑦ, ᒎᑎᓐᖑᐊᓪᓗ ᐲᔭᕐᓗᒋᑦ ᓯᕗᓕᖏᑕ ᓴᓇᓚᐅᕐᑕᖏᑦ.

ᐊᑕᓃᑦ ᐂᑉᐸᖏᑦ 23:7

ᐊᑕᓂᐅᓪᓗ ᐃᒡᓗᖓᓂᑦ ᐃᓚᖓᓂ ᐃᒡᓗᕈᓰᑦ ᐲᔭᕐᑕᐅᑎᑉᐰᑦ ᑮᓇᐅᔭᓕᐅᕈᑎᒋᓪᓗᒍ ᐊᖑᓐᓂᐊᕐᑎᓄᑦ ᐃᓂᒋᔭᐅᖃᑦᑕᕐᑐᕕᓃᑦ, ᑕᕝᕙᓂᓗ ᒎᑎᓐᖑᐊᒧᑦ ᐊᓯᕋᒧᑦ ᑐᒃᓯᐊᕐᑐᕐᓯᐅᑎᓂᒃ ᐊᑐᕐᑕᐅᖃᑦᑕᕐᑐᓂᒃ ᐊᕐᓁᑦ ᐊᓐᓄᕌᓕᐅᕐᕕᖏᑦ ᐲᔭᕆᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:5

ᐊᖑᑏᑦ ᐱᐅᖏᑦᑐᓕᔪᑦ ᑐᑭᓯᒪᓐᖏᓚᑦ ᐊᑦᔨᒌᒃᑎᑦᓯᓂᕐᒥᒃ, ᐊᑕᓂᕐᒥᒡᓕ ᕿᓂᕐᑐᑦ ᑕᒪᑐᒥᖓ ᑐᑭᓯᐅᒪᑦᓯᐊᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 1:5

ᓱᖕᒪᑦ ᓱᒋᐊᕐᑕᐅᔪᒤᓐᓇᕐᐱᓰ? ᐊᑭᕋᕐᑐᐃᓐᓇᕐᓂᑦᓯᓐᓄᑦ? ᓂᐊᖁᓯ ᐊᑕᖏᕐᓗᑎᒃ ᖃᓂᒪᕗᑦ, ᐆᒻᒪᑎᓯᓗ ᐊᑕᖏᕐᓗᑎᒃ ᓄᑭᑮᑦᑑᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 27:11

ᓇᐹᕐᑐᖏᑕ ᐊᕙᓚᖓᔪᖏᑦ ᐸᓐᓇᑰᓕᕋᒥᒃ ᓇᑲᑎᕐᓯᒪᓕᕐᒪᑕ ᐊᕐᓇᓄᑦ ᕿᔪᒃᓴᕆᔭᐅᔪᒪᓪᓗᑎᒃ ᑲᑎᕐᓱᕐᑕᐅᕙᓕᕐᐳᑦ ᐃᓄᐃᑦ ᑐᑭᓯᓇᓱᓚᐅᖏᒻᒪᑕ, ᑍᒤᒻᒪᑦ ᒎᑎᐅᑉ ᑖᒃᑯᓂᖓ ᐱᓐᖑᕐᑎᑦᓯᓚᐅᕐᑑᑉ ᐃᓚᑦᓱᒋᓂᐊᕈᓐᓃᕐᐰᑦ ᓂᑲᒋᓂᐊᕈᓐᓃᕐᓗᒋᓪᓗ.

ᐂᓮᐊᓯᐅᑉ ᐊᒡᓚᖏᑦ 56:11

ᕿᒻᒥᑎᑐᑦ ᐊᕿᐊᕈᖅᑯᕐᑐᔪᑎᑐᑦ ᑍᒤᑉᐳᑦ; ᐊᕿᐊᑦᑐᕈᓐᓇᕋᑎᒃ ᓈᒻᒪᒃᓯᔪᓐᓇᓐᖏᓚᑦ. ᐰᕐᓯᔨᐅᕗᓪᓗ ᑐᑭᓯᓂᖃᖏᑦᑐᑦ; ᓇᖕᒥᓂᖅ ᐊᑐᕈᒪᔭᑐᐃᓐᓇᕐᒥᖕᓄᑦ ᓴᖑᔭᑦᑐᑦ; ᓇᖕᒥᓂᕐᓗ ᐱᔪᓐᓇᕐᓯᑦᔪᑎᒃᓴᒥᖕᓂᒃ ᐃᓱᒪᒋᔭᑐᐊᖃᕐᐳᑦ, ᐃᓘᓐᓇᑦᓯᐊᑎᒃ.

ᑖᓂᐊᓕᐅᑉ ᐊᒡᓚᖏᑦ 12:10

ᐅᓄᕐᑐᑦ ᓴᓗᒻᒪᕐᓴᕐᑕᐅᔪᒫᕐᐳᑦ, ᑕᕐᓴᖃᕈᓐᓁᕐᓗᑎᒡᓗ, ᓱᕉᓂᖏᑦ ᐲᔭᕐᑕᐅᓗᑎᒃ; ᐱᐅᖏᑦᑐᓕᔪᓪᓕ ᑍᒪᓐᖓᑦ ᐱᐅᖏᑦᑐᓖᓐᓇᕐᓂᐊᕐᐳᑦ, ᐱᐅᒋᑦᑐᓕᔪᑦ ᑐᑭᓯᔪᓐᓇᕐᓂᐊᓐᖏᓚᑦ, ᓯᓚᑐᔪᓪᓕ ᑐᑭᓯᓂᐊᕐᐳᑦ.

ᕼᐆᓯᐊᑉ ᐊᒡᓚᖏᑦ 14:9

ᓇᓪᓕᐊᑦ ᓯᓚᑐᔪᖅ, ᑕᒪᒃᑯᓂᖓ ᑐᑭᓯᓕᕐᓕ; ᓇᓪᓕᐊᑦ ᖃᐅᔨᔪᓐᓇᕐᑐᖅ ᑖᒃᑯᓂᖓ ᖃᐅᔨᓕᕐᓕ; ᐊᑕᓂᐅᑉ ᐊᖅᑯᑎᖏᑦ ᓈᒻᒪᑦᓯᐊᕐᒪᑕ; ᐃᓱᐊᕐᑐᑦ ᑕᒪᓐᓇ ᐊᑐᕐᐹᑦ, ᐱᐅᖏᑦᑐᓕᔪᓪᓕ ᑕᒪᐅᓇ ᐹᓪᓚᒃᐳᑦ.

ᕼᐆᓯᐊᑉ ᐊᒡᓚᖏᑦ 4:1

ᐊᑕᓂᐅᑉ ᐅᖃᐅᓯᖓᓂᒃ ᑐᓴᕆᑦᓯ, ᐃᓴᕆᐊᓕᒥᐅᖑᔪᓯ: “ᐊᑕᓂᖅ ᓈᒻᒪᒃᓴᖏᒻᒪᑦ ᐃᓄᖕᓂᒃ ᑕᒫᓂ ᓄᓇᖃᕐᑐᓂᒃ. ᐅᒃᐱᕐᓇᕐᑐᖃᕈᓐᓃᕐᒪᑦ ᓂᑲᒍᓱᖕᓂᖃᕈᓐᓃᕐᓗᓂᓗ, ᖃᐅᔨᒪᔪᖃᕈᓐᓃᕐᓗᓂᓗ ᒎᑎᒥᒃ ᑕᒫᓂ ᓄᓇᒥ;

ᕼᐆᓯᐊᑉ ᐊᒡᓚᖏᑦ 4:17

ᐃᕗᕅᒥᐅᑦ ᒎᑎᓐᖑᐊᓂᒃ ᒎᑎᖃᓕᕐᐳᑦ, ᐃᓱᒪᕐᓱᓕᕐᓕᑦ.

ᕼᐆᓯᐊᑉ ᐊᒡᓚᖏᑦ 5:4

ᐱᐅᖏᑦᑐᒥᒃ ᐱᓇᓱᕐᓂᕐᒥᖕᓄᑦ ᐅᑎᕈᓐᓁᓪᓕᕗᑦ ᒎᑎᒥᖕᓄᑦ. ᐊᓯᓐᓂᐊᕐᓂᐅᑉ ᐊᓂᕐᓂᖓᓄᑦ ᓇᔪᕐᑕᐅᒐᒥᒃ, ᐊᑕᓂᕐᒥᒃ ᐃᓕᑕᕐᓯᓐᖏᓚᑦ.

ᐂᒨᓯᐅᑉ ᐊᒡᓚᖏᑦ 2:7

ᑐᓪᓕᕋᕐᒪᑕ ᐊᔪᕐᓴᕐᑐᑦ ᓂᐊᖁᖏᓐᓂᒃ ᒪᓂᖅᑲᒥᒃ ᑐᓪᓕᕋᕐᑐᑎᑐᑦ, ᓵᓚᐅᓯᒪᔪᓪᓗ ᐱᑦᓯᐊᕐᓇᒋᑦ ᐊᒡᕖᕐᑎᓚᐅᕐᒪᒋᑦ; ᐊᑖᑕᒌᓪᓗ ᐊᕐᓇᒥᒃ ᑖᑦᓱᒥᖓᑦᓮᓐᓇᖅ ᐱᖃᑎᖃᖃᑦᑕᓚᐅᕐᒪᑕ, ᑕᒪᑐᒧᖓ ᐊᑎᕋ ᐃᑦᔪᕐᓁᑦᑐᖅ ᐃᑦᔪᕐᓇᕐᓯᑎᕐᑕᐅᕗᖅ.

ᐂᒨᓯᐅᑉ ᐊᒡᓚᖏᑦ 7:17

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ: ‘ᓄᓕᐊᑦ ᐊᖑᑎᓄᑦ ᐊᑐᒐᐅᓂᐊᓕᕐᐳᖅ ᐃᒡᓗᒐᓴᖕᓂ, ᐃᕐᓂᑎᓪᓗ ᐸᓂᑎᓪᓗ ᑐᖁᑕᐅᔪᒫᕐᐳᑦ ᓴᕕᒡᔪᐊᒧᑦ, ᓄᓇᖁᑏᑦ ᐊᕕᒃᑐᕐᑕᐅᔪᒫᕐᐳᖅ ᐆᒃᑐᕋᐅᑏᑦ ᐊᑐᕐᓗᒋᑦ; ᑐᖁᑕᐅᔪᒫᕐᐳᑎᓪᓗ ᓄᓇᒥ ᐃᑦᔪᕐᓇᕐᓂᕋᕐᑕᐅᔪᒥ, ᐃᓴᕆᐊᓕᒥᐅᓪᓗ ᐊᐅᓪᓚᕈᑦᔭᐅᓪᓚᕆᒍᒫᕐᐳᑦ ᑎᒍᔭᐅᓗᑎᒃ ᓄᓇᒥᖕᓂᑦ.’”

ᒨᓯᓯ ᓯᑕᒪᖏᑦ 25:3

ᑍᒤᒻᒪᑦ ᐃᓴᕆᐊᓕᒥᐅᑦ ᑐᒃᓯᐊᖃᑕᐅᓕᓚᐅᕐᐳᑦ ᐰᓕ-ᐱᐅᕆᒥ, ᐊᑕᓂᐅᓪᓗ ᓂᓐᖓᐅᓯᖓ ᐆᒻᒪᕐᐳᖅ ᐃᓴᕆᐊᓕᒥᐅᓄᑦ.

ᔪᐊᓇᓯᐅᑉ ᐊᒡᓚᖏᑦ 8:43

ᓱᖕᒪᑦ ᐅᖃᐅᓯᕆᔭᒃᑲ ᑐᑭᓯᖏᑉᐱᓯᐅᒃ? ᐅᖃᐅᓯᒃᑲ ᓈᓚᒍᒪᖏᓐᓇᑦᓯᒋᒃ ᑐᓵᔪᒪᓇᒋᓪᓗ.

ᕉᒪᒥᐅᓄᑦ 3:11

ᑐᑭᓯᔪᖃᓐᖏᓚᖅ, ᒎᑎᒥᒡᓘᓐᓃᑦ ᕿᓂᕐᑐᖃᓐᖏᓚᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:16

ᖃᐅᔨᒪᓐᖏᓚᓯ? ᐃᓄᒃ ᐊᖑᓐᓂᐊᕐᑎᒥᒃ ᐊᕐᓇᕐᓂᐊᕐᑎᒥᒡᓘᓐᓃᑦ ᐱᖃᑎᖃᕐᑐᖅ ᑎᒥᒥᒍᑦ ᐊᑕᐅᓯᐅᖃᑎᒋᓕᕐᒪᒍ, ᐊᒡᓚᖕᓂ ᑎᑎᕋᕐᓯᒪᖕᒪᑦ, “ᑖᒃᑯᐊᒃ ᒪᕐᕉᒃ ᑎᒥᒃᑯᑦ ᐊᑕᐅᓯᐅᓕᕐᓂᐊᕐᐳᒃ.”

ᐃᐱᓯᒥᐅᓄᑦ 4:18

ᑐᑭᓯᓯᒪᓂᕐᒥᖕᓂᒃ ᑖᕐᓯᑎᑦᓯᓯᒪᕗᑦ, ᐃᓅᓯᕐᒧᓪᓗ ᒎᑎᐅᑉ ᑐᓂᓯᒪᔭᖓᓄᑦ ᐃᓚᒋᔭᐅᓐᖏᓚᑦ ᓇᓗᓂᕐᒧᑦ ᐃᓗᒥᐅᑕᒥᖕᓄᑦ, ᐆᒻᒪᑎᖏᑕ ᓯᑎᓂᖏᓐᓄᑦ;

ᒨᓯᓯ ᑕᓪᓕᒪᖏᑦ 23:17

“ᐃᓴᕆᐊᓕᒥᐅᑕᕐᒥᒃ ᐊᕐᓇᒥᒃ ᐊᖑᑎᒥᒡᓘᓐᓃᑦ ᒎᑎᐅᖏᑦᑐᓄᑦ ᑐᒃᓯᐊᕐᕕᐅᕙᒃᑐᓂ ᓄᓕᐊᒐᐅᔪᖃᕐᑐᒃᓴᐅᓐᖏᓚᖅ ᓄᓕᐊᕐᑐᖃᖃᑦᑕᕐᑐᒃᓴᐅᓇᓂᓗ ᐃᓴᕆᐊᓕᐅᑉ ᑭᖑᕚᖏᓐᓂ.

ᐄᑉᕈᐃᓄᑦ 12:8

ᐋᖅᑭᒋᐊᕐᑕᐅᕙᖏᒃᑯᑦᓯᓕ, ᐊᓯᓕᒫᓯ ᐋᖅᑭᒋᐊᕐᑕᐅᕙᒃᑎᓪᓗᒋᑦ, ᑕᕝᕙ ᑖᑦᓱᒧᖓ ᕿᑐᕐᖓᕆᔭᐅᓐᖏᓚᓯ ᑕᒫᓐᖕᒊᓐᓇᕐᓕ ᐃᓅᓯᒪᕗᓯ.